23216	MAT 1:3	Juda oh Peressi Sirasi ite itap oh. Sup uh Tema uhmur. Peres oh Hesron ohe itap oh. Hesron oh Ram ohe itap ohmur.
23217	MAT 1:4	Ram oh Aminadap ohe itap oh. Aminadap oh Nason ohe itap oh. Nason oh Sarmon ohe itap ohmur.
23218	MAT 1:5	Sarmon oh Boas ohe itap oh. Sup uh Rahap uhmur. Boas oh Obet ohe itap oh. Sup uh Rut uhmur. Obet oh Jesi ohe itap ohmur.
23220	MAT 1:7	Soromon oh Reaboam ohe itap oh. Reaboam oh Abaisa ohe itap oh. Abaisa oh Esa ohe itap ohmur.
23256	MAT 2:18	Ohe rim ma brak matip meng oh mamarumur. Hanip ihir amrayaoh Rama aptei supir ihir saheih ham payimaprimuro. Reser uhe puh ihir iraire brer ihirnong payimaprimuro. Payimaptin brer ihir na pati ohoh ihan supir ihirnong kinmat da ayah matiprio. rim ma brak matip meng oh arpin dam timdipmur.
23284	MAT 4:6	Prusa hamekat ka hatdapat Rih Got oh ritporhan ma brak matpa meng moh giritpamur. Got oh orhe atamreipti han enser bap ihirnong Gur oh kwei trah tei tapdiprarim gur marin orhorwi paptenmur porpatmur. rim brak matpamur. Ma brak matparu ihir ihat gonong namrin napapti ohoh ihan pung rim kakdahnong wayonmur. Wasa go Noh Got orhe brermur ripat ohoh ihan ihir ihat namrin napapti ohoh ihan go na tapdiprohmur pongopri.
23324	MAT 5:21	Jisas oh Rih ire ma rishe meng oh Haniphe suprio. Sutperhan hapuriyahan dahanggosham yansi hatiprimur. Ihan haniphe supri ma rishe oh gur amraptimur.
23330	MAT 5:27	Rih ihir gur bisei sawhe hapri ma rishe oh gur amraptimur.
23336	MAT 5:33	Jisas oh Rih ire ma rishenong oh gur amraptimur. Ire ma rishe oh Gur awam ma tukeripti oh mandatipri. Got ohnong noh ihtiprohwa por getenmur rim awam ma tukeripti oh mandatipri ma rishenong oh gur amraptimur.
23341	MAT 5:38	Jisas oh porpat Rih ire ma rishe mengnong oh gur am hat patimur. Ire ma rishe oh Ihir gurnong kinnong niyahanhe gwe yanhe it kinnong orhor sutinmur. Ga arhot nasariyahanhe gwe yanhe it ga orhor arhot atinmur ihat ma rishe meng oh gur amram am hat patimur.
23346	MAT 5:43	Jisas oh Rih Gur arwananah ihirnong bopor deinmur. Deinmura; mahaw han ihirnong bopor deipri ma rishe oh gur amram am hat patimur.
23419	MAT 8:5	Gahan Jisaso ihir Kapaneam aptei kotpari. Kotperhan Rom ire dupsi han ire duuptei han oh aprisa
23427	MAT 8:13	Pora Rom ire dupsi han ire duuptei han ohnong Gin go sona. Gorhe Oh inahatiprohwa ma dahah da orhor inahatiprohmur pongopri. Giporpatin orhor orhe ma atamreipat han oh sa yah hatipri.
23464	MAT 9:16	Jisas oh kopen da ohsi; rihohe da ohsi na sahsah deiptio rim oh mameng moh ringop. Rihohe aripti watah oh tem tahatporhan kopenohe watah bra tit dara rihohe watah temnong na apaptimur. Apayahanoh mukmak tahah tei hanip go dirhitporhan tem isip hatiprohmur.
23471	MAT 9:23	Yah hatporhan nuhur susa rotu apnong wamat pat han ohe apnong ruhpa. Royaoh kuuhan ihir kor uh haputo rim pormik meng maro payimamo apero haptingopa.
23480	MAT 9:32	Saperhan Jisaso nuhurhe sapero rim kot ruhpa. Royaoh mongsup oh atem apat pat han tit popingopa.
23499	MAT 10:13	Rosa wandeiyaoh Got ohe yah mat papindin danong hatin han ti patihanhe gure por ma roya meng oh arpin dam timama ihirsi patepramur. Ihtin han ti na patihanhe gure por ma roya meng oh dam na timama it guragure boknong naham napaptepramur.
23559	MAT 12:1	Gahan Jisaso nuhur tuperipti dik hat patin den wit ru dahnong ruhpa. Rosa orhe namgit napisapat han nuhur pahoh ham wit dam oh kapom dipa.
23568	MAT 12:10	Rosa wandeiyaoh bes tan wasi han tit patgop. Pathan kat han ihir Jisas ohe da adason mar imtinmat ohnong Dire sawa meng oh Tuperipti dik moh tamreiya hatin hat hanip pondeiyahan yahmur ripatda da Tuper na pondeiyahan yahmur ripat por dahandeingopa.
23600	MAT 12:42	Rih Soromon oh mong ohe kakhan ham patesuhmur. Ihat patim dakuu mengwi am deisuhmur. Am deipatin wan mong kak hat pat kuu tit ohe dakuu meng amrapat meihdapat orhor Ohe meng oh amratpora daham ohe meng amratinmat apdapmur. Oh dakuu han hat patesuh orhor gin mama dik ohe dakuunap isip hat ma pat han oh norhor pokwi mama dakuu han hat pat ohmur. Ihtin ohoh ihan ama ihtip kuu uh kaput pepe dik oh masas gurnong Dakuu isipsi hat pat han moh ohe meng oh kianorim na amrashe napor inahatipramur pongop.
23625	MAT 13:17	Noh arpin meng oh gurnong naporpatmur. Rih propet kat han ihiro da duutin han ma pateshe han ihiro gin nohe gurnong namgitporhan gur wamar am hapti han moh ihir Nuhurhe ihtin han tit wamara nuhur am haptinengo dahashemur. Ihat dahashe orhor pitap teinong na hat patin ohoh ihir na wandeishemur. Ihir gin nohe gurnong meng napotporhan gur amram am hapti meng moh ihir Nuhurhe ihtin meng tit amrama am haptinengo dahashe orhor mameng moh pitap teinong na hat patin ohoh ihir na amram hanhan hat pateshemur napongop.
23646	MAT 13:38	Rangnong oh mong tan mohmur. Yah gwenong oh Got ohe napapindin hrep ma pati ihirmur. Dasuh gwenong oh oh er nahapat han ohe nita bap ihirmur.
23755	MAT 16:14	Napor dahanahatporhan nuhur Kat han ihir gonong Jon tom ma patirisuh han orhormur naporiptimur. Kat han ihir Iraija orhormur naporiptimur. Kat han ihir Rih propet Jeremaiao ihir tit han tit it masas da apris pat han orhormur naporiptimur potpa.
23771	MAT 17:2	Rusa yei ka hat Jisas ohe ina oh wan ina ham tamburkengopri. Rumkinhe atan heirpat hatin ham has hat mandangopri. Watahhe wanohe has namenap hat mandangopri.
23775	MAT 17:6	Ritporhan ihir amrama kas isip tit hapti mong tei wah huung rim rumkin remdipari.
23776	MAT 17:7	Rumkin remdiperhan Jisas oh aprisa ihirnong marima We. Gur kas hatipri. Tandeitinmur pongopri.
23835	MAT 19:4	Da adason mar dahamtiperhan oh Wa. Gur rih ma brak matpa meng moh na saptida. Rih ma brak matpa oh mamarumur. Got oh kopenat erer ma darpatip oh kuusi hansi darpatipmur rim brak matpamur.
23878	MAT 20:17	Gahan nuhur Jerusarem ap mutuhnong ruhpa. Ruptin Jisas oh orhe namgit napisapat han nuhurnongwi nurarhe teinong naham
23879	MAT 20:18	Gur amratin. Dir Jerusarem ap mutuhnong ruptimur. Rus hat kotperhan Hanip Brer nohnong ihir nang hama napisusa Got ohe ap yawar hanat bok han ire duuptei hano sawa meng am hat pati hano ire bes teinong nahatiprimur. Nahatperhan ihir dahanahama suyarit ha haputinoh napotiprimur.
23900	MAT 21:5	Rim ma brak matip meng oh mamarumur. Kaput Jerusarem aptei gur wandeiyaoh gure napapindin han oh kopenohe donki bas oh tongnoma orhe dahe manap han ohoh ihan heisup dasi hat apripatin na wamtiprimur. Yah hat paten ohe manap dasi hat apripatin gur wamtiprimur. rim brak matipmur.
23914	MAT 21:19	Pahoh ham sus wandeioh irat pik irat kai hatin mandap manggap oh patgop. Pathan Jisas oh Rinsi hat pat moh dam pat ma hapat daham kapom diporim wamar sangop. Sus wandeioh dam timbas rinwi patgop. Rinwi pathan oh Gin irat moh dam eimat na timapramur potporhan asut orhor gathat hangop.
23920	MAT 21:25	Nohe ma dahanahatiproh dahah meng oh mohmur. Jon ohe tom ma patirisuh oh hanip ihir Gin Jon go tom patitinmur potperhan tom patirisuhda da Got orhe mengtei tom patirisuh. Gur kiano dahaya. Ritina por dahandeingop. Por dahamtiporhan ihir Dir kian meng potiprohe. Dir hanip ire mengtei tom patirisuhmur potperda da Got orhe meng tei tom patirisuhmur potper. Diroh Got orhe mengtei tom patirisuhmur riyahanoh Jisas oh Gur ihan kianorim ohe mengnong amram na dindeishe napotiprohkin.
23925	MAT 21:30	Potporhan oh garham Noh na saprohmur ringopri. Ripat gahan komdapat da darhera Gin saprohmur rim kapom sangopri.
23938	MAT 21:43	Potperhan Jisas oh Noh arpin meng napotiprohmur. Gur ama ru wamat pati han ire er da hatin hat pati ohoh ihan Got ohe napapindin hrepnong hatin ohe ina oh gurnong na nahapramur. Na nahama wan han ihirnong Maihir damsi hatin ina hat pati moh rima orhe napapindin hrepnong hatin ohe ina dasi deipramur. Gur Got ohe meng ritporhan ma brak matpa meng oh sam na dahaptida. Ritporhan ma brak matpa oh mamaru hat patmur. Ap hapti han ihir ap tam moh ero rim mandatperhan ama mandatiri tam wanin oh wan han ihir dara na mandatin tamo rim it haw mutuh tam orhor mar gonotiprimur. It dar ma gonotipri oh oh Hanipyah Got orhor imtipramur. Imtiporhan wamara Epe. Na imtin hatin han moh it dara haw mutuh tam matir moh yahnap moho rim amam isip mat papteprimur. ritporhan brak matpamur.
23952	MAT 22:11	Bokoriya tei mongo erer ohe hrepnong mat papat han oh ihirsi wenggosaro mengiro hatperim ruhupri. Rosa wandeioh han moh kuu datiproho rim ma orhe gon watah ma aripti watah oh ihir gonsi an patingopari. Patihan oh wandeioh tit han tit ama ihtin watah ti na an patgopri.
23956	MAT 22:15	Jisas oh ama meng oh potporhan Parisi ihir amram sus tap tei hapti Dir de ohe meng oh da aban mar poriyarit oh da ban taham Moses ohe sawa mengnong amkatin ohe mengdo Rom ire sawa mengnong amkatin ohe mengdo rima orhe boknong ha tarpatinoh gigosham meng ama wanin matpa oh.
23958	MAT 22:17	Pora Ihat pat han gwe da oh kiano dahah. Rom ire gapman Sisa ohnong takis yan ma apripti oh Moses ohe sawa meng ohe ti imat aprishenmur ritipda da na giritip por dahandeingopa.
23962	MAT 22:21	Potporhan ihir wamara Mohra Rom ire gapman Sisa ohe rumkino wino oh wino mam pat ohwa pongopa. Potperhan oh Ihan Sisa ohe rumkin pathan Rom gapman ohe ma hapat daham asarinmur. Got ohe erer ma apapti ohhe orhornongwi aprishenmur pongop.
23993	MAT 23:6	Ama ihapti han ihiroh den dam ma tarmuripti teinong susa moh yah hanhe daham tamsi kat yah tit ha napingwe rim iraire pohon tongnopti tei ohwi tongnoptimur. Rotu aphe rosa iraire pohon tongnopti yah ka ohwi tongnotpera daham tongnoptimur.
24065	MAT 24:39	Roporhan be kuuhan ihir hanhan hat patin tom dusut apris ihirnong gurmar timbas matipmur. Amaru hat orhor hanhan hat ihat saptin Hanip Brer noh it apripramur.
24087	MAT 25:10	Potperhan arpin ihir saya tei kopen kuu ma dar han oh apingopri. Apriporhan ama mamen tahat pati kuu muk ihir ohsi susa den tarmur dapti ter ap hatin oh ruhpari. Rosa ap taputpari.
24130	MAT 26:7	Rosa tongnom den daptin kuu tit maras kwei tom san yahnap san tem oh gapgwe tom gap panditpa san yan ruumsan mohoptisi san oh pamrasa Jisas ohe kak bas moh duket asaringop.
24247	MAT 27:49	Atpor ihpatin kat han ihir Es. Pandipra. Ihat patin. Rih ma patesuh propet Iraija orhor apris panggeitiprohdo wamat inpera goshangopa.
24267	MAT 28:3	Rumkin ina moh gonsi amsama hatin has hat manda hangopri; watah oh namenap hatin hat manda hangopri.
24281	MAT 28:17	Rusa Jisas oh pitap hatporhan orhornong wandeipti kat nuhur moh arpin orhormur por ohnong armi matpa; kat ihir yot da hangopa.
24315	MRK 1:31	Potperhan oh amrama uhe pat ap dahnong rongopri. Rosa besdapat marima pamsangopri. Pamsaporhan harsup oh timbas hangopri. Timbas hat mandatporhan uh masasa ihirnong den pandemo papangopri.
24343	MRK 2:14	Meng am deipat susa wandeioh Arpias ohe mon Ripai oh orhe takis yan darpat ap oh tongnot patgopri. Tongnot pathan Jisas oh Ripai Go nohsi sashen han ham aprina pongopri. Nohsi sapera potporhan oh arpin tandeima apingopri.
24344	MRK 2:15	Aprisa Ripai ohe apnong susa Jisas ohsi sapti han ihir trun han ihir ohoh ihan Takis yan daripti hano er danong hat sapti hano Jisas orhe pinggit pisapat hano irair tap ham den dipari.
24350	MRK 2:21	Jisas oh kopenohe da ohsi; rihohe da ohsi na sahsah deiptio rim oh mameng moh ringopri. Rihohe aripti watah oh tem tahatporhan kopenohe watah bra tit dara rihohe watah temnong na apaptimur. Apayahanoh mukmak tahah tei hanip go dirhitporhan tem isip hatiprohmur.
24358	MRK 3:1	Gahan Jisas oh it rotu apnong rongopri. Rooh han tit bes tan wasi han tit patgopri.
24370	MRK 3:13	Ihama Jisaso ihir yei mutuhnong ruhpari. Rusa orhe ambutin han ihirnongwi Gur nohe pat teinong moh apris tap tei hatinmur potporhan ihir ohe pat tei sus tap tei hatpari.
24446	MRK 5:13	Por kamtiperhan Jisas oh Mai. Rona pongopri. Potporhan mongsup ihir ga tapir marasa imah ire ina mutuhnong andeh rongopari. Roperhan imah wih ihir 2,000 imah ihir gurir mat sakar pas marpen kat oh wasa tom dahnong ham wasa tom atem was hapungopari.
24451	MRK 5:18	Rupor ihpatin mongsup muksi patesuh han oh Jisas ohnong Noh ditadit saprohemur por kandeingopri.
24471	MRK 5:38	Rosa rotu ap wamat pat han orhe ap han kora wandeiyaoh sinisane rim saheih ham isip yimaptingopari.
24474	MRK 5:41	Rosa bes marima Tarita kumi pongopri. Tarita kumi ma poripti oh Kuunang bap brer gar go masona napormur ma poripti ohmur.
24523	MRK 6:47	Rusa patin gahan bot oh tom mutuh patin oh orhap mong kep tei oh patin wandeioh
24609	MRK 9:2	Gahan dophei dah timama Jisas oh Pitao Jemiso arwap Jon oho ama yitir han ihirnongwi ambura yei isip kanong ohot ama ruhpa oh. Rusa irarhe patin Jisas ohe ina oh wan ina hama
24615	MRK 9:8	Ritporhan ihir amrama kapkap watahas riyaoh Jisas ohsi mengripti han yot ihit timbas ham ti na patingopari. Jisas orhap patgopri.
24663	MRK 10:6	Got ohe ma dahatip oh kuuhan ihir gosdaripti it sa gosmandapri oh ti na dahatipmur. Rih Got ohe kopenat erer ma darpatip oh haniphe kuusi hansi darpatipmur.
24689	MRK 10:32	Gahan ihir Jerusarem ap mutuhnong rupero rima mandap kup ruhpari. Rusa Jisas ohri hatporhan orhe pinggit pisapat han ihir komdapat Jisas ohsi Jerusarem ap mutuhnong saya moho daham da darhera ohe kom oh ruhpari. Kuuhan ihirhe isip isip tit kas ham kom apingopari. Ihat ruptin Jisas oh orhe pinggit pisapat nathei han ihirnong irairhe teinong mara ihirnong orhornong imar ma sutipri ohe meng oh ihirnong pomat am deingopri.
24690	MRK 10:33	Meng ma am matip oh Gur amratin. Dir Jerusarem ap mutuhnong ruptimur. Rus hat kotperhan Hanip Brer nohnong ihir nang hama napisusa Got ohe ap yawar hanat bok han ire duuptei hano sawa am hapti hano ire bes teinong nahatiprimur. Nahatperhan ihir dahanahama suyarit ha haputinoh napotiprimur. Napora Juda na hat pati han ire bes tei nahatiprimur.
24723	MRK 11:14	Rinwi pathan Jisas oh Gin irat go damhe eimat ti na timapramur por yahoh deingopri. Imat yahoh matporhan orhe pinggit pisapat han ihir amratpari.
24724	MRK 11:15	Ihama susa Jerusarem ap mutuh oh koripti Got ohe ap yawar ohe doho dahnong ohom ruhpari. Royaoh Got ohnong apin ohe apop erer oh tamohoptingopari. Tamohoptihan Jisas oh Gur mama tamohopti moh kat pe gapah haptimur pora ner tamohopti teio opa orhe gon mani rim yawar deipti teio oh gonsi eipreher hamat asar pisongopri. Pisusa Gin tamohopti han bap gur gonsi kot rona por okmat kot teinong darhengopri.
24736	MRK 11:27	Ihama ihir sus Jerusarem ap mutuh oh kotpari. Koripti Got ohe ap yawar ohe doho dahnong oh ruhpari. Rosa Jisas oh ap kepu dap oh watahat sapatin hanat bok han ire duuptei hano sawa meng am hat pati hano han pohono ihir apris
24739	MRK 11:30	Nohe ma dahanahatiproh dahah meng oh mohmur. Jon ohe tom ma patirisuh oh hanip ihir Gin Jon go tom patitinmur potperhan tom patirisuhda da Got orhe mengtei tom patirisuh. Gur kiano dahaya. Ritina por dahandeingop.
24752	MRK 12:10	Gur Got oh ritporhan ma brak matpa meng moh sam na dahaptida. Ritporhan ma brak matpa meng oh mamaru hat patmur. Ap hapti han ihir ap tam moh ero rim mandatperhan ama mandatiri tam wanin oh wan han ihir dara na mandatin tamo rim it haw mutuh tam orhor mar gonotiprimur.
24756	MRK 12:14	Darhetperhan ihir Jisas ohe pat teinong aprisa Tisa. Nuhut gonong am hat patimur. Go arpin mengwi ripat hanmur. Go Moh winsi hanhe. Moh win timbas hanhe daham meng na porpat hanmur. Got ohe yah meng oh pomatwi porpat hanmur pongopari. Ma potpa oh Jisas ohnong da aban matinmat pongopari. Pora Ihat pat han gwe da oh kiano dahah. Rom ire gapman Sisa ohnong takis yan apriyahan yahda da na apriyahan yaha por dahandeingopari.
24758	MRK 12:16	ihir arpin dar pitap deingopari. Pitap teinong matperhan oh Gin mani mohnong wamtin. Wamara rumkin moh nihohe rumkin pathe. Winhe nihohe win pathe gur wamar ritina pongopri. Potporhan ihir wamara Mohra Rom ire gapman Sisa ohe rumkino wino mam pat ohwa pongopari.
24759	MRK 12:17	Potperhan oh Ihan Sisa ohe wino rumkino oh pathanhe Rom gapman ohe ma hapat daham orhornong asarinmur. Got ohe erer ma apapti ohhe orhornongwi aprishenmur pongopri. Potporhan ihir Epe. Dakuu meng tit napor ma hapat daham sein bupang ringopari.
24789	MRK 13:3	Gipora ihir desa Orip yei oh ruhpari. Rusa Got ohe ap yawar ap dason oh Jisas oh yei ka tongnongopri. Tongnotporhan Pitao Jemiso Jono Andruo ihir susa irarhe tei oh Jisas ohnong
24824	MRK 14:1	Rih Isrer ihir Isip ire hrepdapat hat patin amongnong mandam sonmat oh heimsi ap gwatei oh enser oh einggahatporhan ihir den pipirpat han timbas dipamur. Gahan ama ihtipa ohe dik oh kakduup hata tei oh hanat bok han ire duuptei hano sawa meng am hat pati hano ihir tarmuripti Dir kinmat Jisas ohnong ahar sus dasuh mar sutipri.
24826	MRK 14:3	Gahan Jisas oh Betani apteinong ama ruhup oh. Rusa Saimon rih ina tohohesi patesuh han ohe ap ama ruhup oh. Rosa ihir tongnom den daptin kuu tit maras kwei tom san yahnap san tem oh gapgwe tom gap pamditpa san yan ruumsan mohoptisi san oh pamrasa Jisas ohe kak bas moh duket asaringop.
24837	MRK 14:14	Rosa ama ap nita han ohnong Go nure namgipat han oh orhe han nuhursi orhorsi; de dah Pasopa deno rim ha dingwe dahahri por dahamtinmur.
24877	MRK 14:54	Tarmutperhan Pita oh meihdapat susa Got ohe ap yawar hanat bok han ire duupteinap han ohe doho dahnong ruhupri. Rosa dupsi han ire tap irat kak oh tongnoma dame tinggim wamat indipri.
24916	MRK 15:21	Ihir Jisas ohnong pisaptin Sairini aptei han Saimon oh Areksandasi Rupas ite itap oh kot dahdapat ap mutuh saporim apripathan Jisas ohe irat bok marin pisapat oh Gin go panggeit pisonmur. Orhor gapa hatin ina hahmur por ire merwi mar kasip mengtei potperhan oh pisangopri.
24931	MRK 15:36	Gigoshapti iraire tit han tit tom gap timbas han tit dar ohe bok oh wain tom gap mara pandiporo rim kapkap susa dara wain ator gap tom dahnong mara tom gapsi hatporhan bur bok tei karmara Jisas ohnong Gin moh gwe ma batbet hah oh ha pang hatinoh rim moh dinmur por ohe atem teinong asaringopri. Asara Gin oh ihat ha patenohmur. Rih ma patesuh propet Iraija orhor apris panggeitiprohdo wamat inpera ringopri.
24932	MRK 15:37	Ritporhan Jisas oh it kasip meng tei ura Gin da sapora dahatporhan da sus hapungopri.
24963	LUK 1:1	Nohan hanipyah kamoheim hat pat han Tiopirasa. Rih nure mutuh tarpam ma ihat pir ohe meng oh kat han ihirdapat ama meng oh nure bes tei brak matpera daham brak matirimur.
24972	LUK 1:10	Ros atendeipatin kuuhan kat gon ihirhe Oh ama han atendeipatin dirhe Got ohsi mengitpera daham ihirhe kot dah oh tarmur Got ohsi mengir inpari.
25002	LUK 1:40	Rupat Sekaraia ite gamin ap oh rosa amup Irisabet uhnong Uum go patda por meng potipri.
25035	LUK 1:73	Rih rit ma atip meng oh dire aw Epraham ohnong Arpin noh inahatipramur por awam tuketipmur.
25043	LUK 2:1	Jon oh kopen brer gar hat patin Rom ire mong gonsi ohe hrepnong mat papat kakhan oh Sisa Ogastas oh Gin Rom nure hrep napapti kuuhan gur gonsi guragure nitat tarpatpa apteinong susa win oh ha nabrak matingwemur pora brak mar aptei aptei ama darhetip oh.
25044	LUK 2:2	Ama hanip win ma abrak matpa oh Rom ire kopenat ma hanip win atpa ohmur. Ama kopenat win atpa oh Sairinias oh Siria mong ohe duuptei kamoheim ham papat han hat patin win atpamur.
25048	LUK 2:6	Rus Betrehem aptei patin Maria uh brer ake suma
25064	LUK 2:22	Rih Moses oh brer sariya kuu ihiroh 40 dah timama ire a sup oh timbas hapatmur ma ritipru hat ihit gaminhe atei orhor patin a sup oh timbas hatporhan Gin dite duuptei brer mon moh Got orhe bes teinong matpera daham Jerusarem ap mutuhnong ruhpari.
25085	LUK 2:43	Rusa tarmur den dapti dik oh timbas hatporhan supsi itap ihit It Nasaret apteinong wapero rim ama waihpa oh. Mon oh hanip trun waptin ohoh ihirsi tap hat wapat ma hapat daham sup gamin ihithe ama waihpa oh. Basra mon oh Jerusarem ap mutuh orhor patin ama mandam waihpa oh. Wasa mandap oh timdinmat sup ihit gamin Brer oh ditadite nitao ditadite yah hano ire tap patkin daham ama angmat pipa oh.
25095	LUK 3:1	Rom ire gapman oh Taibirias Sisa oh duuptei kakhan hat patin krismas rumhei ama birhitip oh. Gahan ihat patina ohe hrep oh Pontias Pairat oh Judia mong ohe duuptei gapman ham patesuhmur. Herot oh Gariri mong ohe duuptei gapman ham patesuhmur. Herot ohe nap Pirip oh Ituria mongsi Trakonaitis mongsi among yot ohe duuptei gapman ham patesuhmur. Raisenias oh Abirini mong ohe duuptei gapman ham patesuhmur.
25098	LUK 3:4	Pot ma pisasuh oh rih Got ohe meng ritporhan propet Aisaia ohe brak matip mengru mat pisasuhmur. Ritporhan Aisaia ohe ma brak matip meng oh mamarumur. Irat timbas hanip timbas dusdapat han tit aprisa We. Hanipyah ohe aprin mandap oh duutinwi mar amanhem amamen matinmuro.
25099	LUK 3:5	Ma amamen matipri oh tom but mong ma gonsi pat mong oh mongsi teip matiprimuro. Teip mara yei monghe gatong pora tap kat tit tanwi matiprimuro. Mandaphe tathosi mandap oh duutin mandapwi matiprimuro. Runo wano mandaphe tap kat yahnap tan titwi matiprimuro.
25108	LUK 3:14	Potporhan Rom ire dupsi han bap ami ihirhe aprisa Gin nuhuroh yah hat indinmat oh kinhatiprohe por ama dahamtipa oh. Por dahamtiperhan oh Gur ire mani adatinmathe guragure kasip haya ohe pe oh net por adaripri. Tit oh ire mani oh adatinmat Noh gonong Oh ihat er hat patgwer hanmur potiprohmur pora dasuh kas meng por ire mani oh behe adaripri. Guragure tamreim mani ma dariptihe Titsi napriyaneng dahapri. Guragure kis ma napriya oh Yahwa dahat patenmur ama potip oh.
25118	LUK 3:24	Hirai oh Matat ohe monmur. Matat oh Ripai ohe monmur. Ripai oh Merkai ohe monmur. Merkai oh Janai ohe monmur. Janai oh Josep ohe monmur.
25121	LUK 3:27	Joda oh Joanan ohe monmur. Joanan oh Resa ohe monmur. Resa oh Serababer ohe monmur. Serababer oh Siartier ohe monmur. Siartier oh Nerai ohe monmur.
25123	LUK 3:29	Er oh Josua ohe monmur. Josua oh Eriesa ohe monmur. Eriesa oh Jorim ohe monmur. Jorim oh Matat ohe monmur. Matat oh Ripai ohe monmur.