23285	MAT 4:7	Car Jesús bi da̱di, bi hñi̱na̱: ―Ji̱na̱, jin gu øti‑ca̱, porque guejtjo i ma̱n ca Ocja̱ pʉ jar Escritura: “Ir Tzi Jmu̱ ca Ocja̱. Jin gui ma gui dyøti hnar cosa drá nttzo pa gui cca̱hti, ¿cja da dyøti hnar milagro ca Ocja̱ pa da möxqui?”―
23876	MAT 20:15	ʉm mɛjtigö nʉr domi. ¿Cja jin dí pɛhtzi derecho gu cjajpi ca dí ne? ¿Cja huá guí mvidiabi quer hñohui porque xtú un cam gusto?”―
25144	LUK 4:12	Nu car Jesús bi da̱di ncjahua: ―Guejtjo i ma̱n ca Ocja̱ cam Tzi Jmu̱je pʉ jar Escritura: “Jin gui ma gui dyøti hnar cosa drá nttzo pa grí cca̱hti, ¿cja da dyøti milagro ca Ocja̱ pa da möxqui?”―
25359	LUK 8:45	Cja̱ ya car Jesús bi ma̱: ―¿Toca̱ xí ndöngui?― Cja̱ göhtjo cʉ cja̱hni cʉ már bbʉ cerca bi ma̱jmʉ, “Jí̱ xtá tjö́nquije.” Diguebbʉ ya bi ma̱n car Pedro, co ni cʉ ddaa cʉ már bböpjʉ pʉ: ―Nuquɛ, maestro, cca̱htijma̱, i ndo dʉ hua yʉ cja̱hni rá ngu̱, hasta i ttzi̱zqui, cja̱ nuquɛ, guí önguije: “¿Toca̱ xí ndöngui?”―