23285	MAT 4:7	Jesua bigathanihi ida athi: —Iniani. Jokoa iathini-ra onaabarihi. Jokoa oaraofararirihi. Deus athi haria nava'isohiki hari jaboni: “Hari'a Deu-ra kaijo'a bana badani danokia kabadanina, iogaja kaimoni ida Deus hojana kadania.”
23309	MAT 5:6	Deua bikajoamoraki ida ija'ari abononi nava'ibodivaraniki: “Onofi'oamanija ida badani Deua binofiki bada oni'avini.” Nihi ida ija'ari. Nini vani Deua bikajoamoraki hida ija'ari, bada bini'aja kaimoni hida badani Deua binofiki.
23320	MAT 5:17	Jesus va'ora ni'aha: —Hari'a avaabononi vani'a bana: “Kha'aha ada Jesus, binihimaja kaimoni ida Deus kava'isohihi jiriki Moisé-ra nava'isohi'bo'davini hi'iki. Binihima'iki jaboni ida ojomo'ihi kavaranihi Deus athi namoniva abono va'ora nava'isohi'bo'davini hi'iki adani akadija'ari avikhananavaki.” Hari'a vakava'ibodivarani hida athii-ra avanaabajanaravini. Onihimavini kaimoni hirihi ida hora rakhaja hida. Hora rakhaki ida ija'ari-ra va'ora onava'isohijahakivini Deus kava'isohihi jiriki nahina hini ida binofiki vakadiania.
23324	MAT 5:21	Asia vara ni'aha ada Jesus: —Avakamithabakhia'iki ida Deus kava'isohihi jiriki avakadija'ari avikhananavaki-ra va'ora no'avini hi'iki: “Hari'a kaabini. Ija'aria binaabinihi ida hoariha, ija'ari nasohiva abono viaha vahoariha avisahi ida ija'ari. Nasohiva abonoa bihonariaki kaabiniki abinini ka'da'di kaabosini hina.” Asohiki ida Deua bivava'isohihi'bo'daki athini. Hovani a'onira onava'isohijahakiki ho bana Deua binofikia. Iigamini-ra ikaihamahihi; Deua bihonariaki ida Jahari kabadani abosini-ra igathanivini. Ija'aria bini'ahi ida igamini: “Ijahari'oamanija.” Deua bihonariahi bana ida ija'ari Jahari kabadani abosini-ra gathanija kaimoni. Ija'aria bini'ahi ida igamini: “Iva'ihariki fori ihiki i, ni-nahina-ra iogarihi.” Deua bihonariaki vahabini bana ida ija'ari Ibavi Jaharika'oaki siho kabodinia okhani.
23330	MAT 5:27	Vara ni'ianaha ada Jesus: —Avarigaki ida Deus kava'isohihi jiriki: “Hari'a makhira bivi'omava ida hoariha kagamo. Hari'a gamoa bivi'omava ada hoariha kamakhira. Jahari kabadani ida hojana hiki.” Asohiki ida Deua bivava'isohihi'bo'daki athini.
23341	MAT 5:38	Asia vara niha ada Jesus: —Avakadi'ojomo'ihi abono a'onira vanava'isohibakhiavini hiki ida Deus kava'isohihi jiriki: “Ija'aria bianahahahi ida hoariha nokhoni 'ba'dani, jakaho bina'da'diabosiva bianahahavini jaboni ida nokhoni 'ba'dani. Ija'aria bianahahahi ida hoariha inoni, jakaho bina'da'diabosiva bianahahavini jaboni ida inoni.” Asohiki ida Deua bivava'isohihi'bo'daki athini. Hovani a'onira onava'isohijahakiki bana ho Deua binofikia. Ija'ari hojai jaharikia vakahojaiki avakadiania, hari'a vana'da'diabosi bana. Ija'ari i'ba'dani-ra kapatahi, hari'a iana'da'diabosi bana. Jahaki ida iroiribanini pitanija bikapataja kaimoni jaboni.
23346	MAT 5:43	Asia vara niha ada Jesus: —Avakadi'ojomo'ihi abono a'onira vanava'isohibakhiavini hiki ida Deus kava'isohihi jiriki: “Va'ora nakaidiva bana adani kadava'ahi ka'oa. Hari'a va'ora nakaidiva adani vaimajahahiriki.” Vakhaniha. Hovani a'onira onava'isohijahakiki bana ho Deua binofikia. Va'ora nakaidiva bana adani a'onira vakaimajahariki. Deu-ra vakanikharia mahija a'onira vanajaharihariki-ra va'ora nakaidivavini.
23360	MAT 6:9	Nimania bana hida varani Deu-ra vara avani'avini kaimoni: “Akadiabi'i nama ihojaki i. Anofiki ida ija'ari hahavi ijahaka'oani-ra avigavini.
23635	MAT 13:27	Oniaroa, siroi kaka'da'dini kania avikha'aha adani kidibadani abono, vani'aha: “Inatxiotxio'iki ida trigo 'ba'dani jahaki kadasiroia. Niha nimanija koda ida hogoi movajabanaki trigo hararania?”
23706	MAT 15:4	Asia vara niha ada Jesus: —Deus kava'isohihi jiriki ija'ari-ra honariahi: “Va'ora vanakaidiva adani avakadiamia, avakadiabi'i vihiki.” Deus kava'isohihi jirikia bivahonariahivini abinini ida ija'ari kidiamia, kidiabi'i vihiki-ra kanavaranihaki varani jaharikia. Nimania ida Deus kava'isohihi jiriki — va'ora ni'aha ada Jesus.
23710	MAT 15:8	“Va'ini bodinia hora vanofipa'itxiravini kaba'i, ojahana-ra khai vani'abakhiaki adani ija'ari afo'badara, varani jahakia vara hora vavani'abakhiaki adani.
23812	MAT 18:16	Inava'isohivini hiki athini-ra kamithariha; va'ora anikha bana adani iigamini hoarana vi'bamiki. Va'ora vavikha bana kidiania mahija vara avani'avini. Nimania hida athii Deus athi kapapirania hojaki: “Ija'ari akaathidanoarari kamahini va'ora vikha bana adani kidibadani jahariki nokiva vi'bamiki avahoarabakosiki vara vavani'aja kaimoni ida nahina vanoki'iki.”
23849	MAT 19:18	— Hana hini va'isohihi jirikia hora ihonariahi onaabaja kaimoni? — binana'dohi'aha. Jesua bini'aha: “Hari'a hoariha-ra naabini. Hari'a ivi'oma oni makhira hoariha kagamo. Hari'a bo'dia. Hari'a hoariha-ra korijanahia akaraganaha.
23868	MAT 20:7	“Ni-ka'da'di haria honariafiahaki badania.” Vakhaniha. Oniaroa, uva kasiroini kaka'da'dini va'ora ni'aha: “A'onivani jaboni kodisiroia avikha'a mahija bada avakhanivini.”
23869	MAT 20:8	Hari. Mithani vani ka'da'dia bini'aha ada kidisiroi akadava'ava abono: “Va'ora baranaha adani honai abono mahija va'ora inaabosivini vakadibadani abosinia. Va'ora naabosi'imidia adani makhira kodisiroia avikhaki safini ajorana. Safini aadosina vakadibadani kama'daki maina-ra va'ora naabosi bana. Safini khanomananina vakadibadani kama'daki maina-ra va'ora naabosi bana. Va'ora naabosisiaga adani mahi oadani bada vakhaniki.” Niha ada ka'da'di. Oniaroa, siroi avakadava'ava abonoa binaabaki ida athi.
23873	MAT 20:12	“Hi'adani aripohina safini ajorana bada vakhanipa'itxiki adani. Harivani mahi oadani bada akhani'iki hari safini afakia. Akadibadani abosini vakadibadani abosini fori hiki. Ni-asohiki ida ka'da'di badani-ra naabosivini nini.”
23929	MAT 21:34	Oniaroa, uva a'dihani kamasikoni vani ka'da'di va'ora karona'aha adani kidihonai abono vaipohiriki. Va'ora ni'aha: “Avikha'a uva avakadava'ava abono vakadiania mahija kodiuva a'bani pitani-ra avagathanivini kodimoni.” Hari. Va'ajihi'aha, uva kasiroini kania vakaikahi'aha.
23945	MAT 22:4	Hari. Arabo kaka'da'dini va'ora karona'ianaha adani honai abono vahoariha, va'ora nava'isohijoravini hiki ida athi vanamoniki kaimoni kanori abono vakadiania: “A'diahiki ida akarai kaihinikani amonahani kabadanihi. Va'ora ovahonariahiki adani 'daama kahidari vadorohana, 'daama kahidari vana'bahaki vabasinaki vihiki jaboni vaabinina. Akai'iki ida ihinika ko'baini. Vikha'a bana ihinika kania.” Niha.
23949	MAT 22:8	Hari. Kanori abono vaabinihahavina naothinia arabo kaka'da'dini va'ora vara ni'a'ianaha adani kidihonai abono: “Va'ora onofivini vanivaha kodihinika kania vikhana. Hora vanofiki va'ora ovanihavini. Hora vakajonivini mani ida akarai kaihinikani kania vahojana va'ora onofijanaravini hija.
24005	MAT 23:18	Avakadi'ojomo'ihi athini hoariha hida: “Ija'aria bidionihi ida Deu-ra kanava'igavini igitha abononi aha'dini ibavini onini ija'ari hoariha biogaja kaimoni ida kidivarani ka'oa hini, ni-makhaniki ida hoariha-ra nava'iponi'imarinivini. Deu-ra kanava'igavini ibavini namania hojaki ida igitha abononi aha'diki. Ija'aria bidioniki ida igitha abononi aha'diki onini, ni-jahaki ida hoariha-ra nava'iponi'imarinivini.” Avakhani 'badaraki a'oni.
24017	MAT 23:30	Avakhanihi: “Akadi'arahoda avikhananavaki vahokina kari arihokija vaha; ni-vakadibadania akabadaniki vaha; ni-va'ora anaabiniki vaha adani Deus athi namoniva abono kohana afohanana.” Nimania ida avaathini.
24071	MAT 24:45	Hari. Asia vara ni'aha ada Jesus: —A'onivani honai abono jahaki fori vihi'a bana. Hovani honai abono kaka'da'di fori ohiki ho. Vara a'onira oni'avini hiki bana ada honai abono ogahaki, kidika'da'di athi-ra naabaki ada. Kidika'da'dia bihonariaha: “Iakadava'a bana hida ogorana. Va'ora no'a bana adani kodihonai abono vahoariha vakadi'baia mahi hahavi.” Niha ada ka'da'di. Ajihi'aha.
24073	MAT 24:47	Ka'oa hiki hida kodivarani. Ka'da'dia bini'aki bana ada kidihonai abono: “Inaabajahaki'iki ida ira ohonariavini hi'iki, oniani ida kodinahina hahavi, ogorana, arabo hiki-ra iakadava'avini maina ira ohonariavini hija.” Niha ada ka'da'di. Onivani fori hija bana hida vara a'onira oni'avini hiki jaboni.
24117	MAT 25:40	Hari. Vakadika'da'di ohina vani, va'ora oni'aki bana adani: “A'onira onava'isohivini hiki hora avanokiravini kaba'i, oigamina hoariha kanahinariki-ra avakajoamorahi, hora avakajoamora'oamanija.”
24122	MAT 25:45	Va'ora oni'aki bana adani: “A'onira onava'isohiki bana ho, oigamina vahoariha vakanahinariki-ra avakajoamorabakhiarihi; ni-hora avakajoamoraki.” Va'ora onava'isohiha.
24207	MAT 27:9	Nimania ida Deus athi namoniva abono kohana Jeremias oniki athi. Jeremia vara bivani'ajora'iki ida namithaki kaimoni: “Vidora'ihi ida jiniro 'ba'dani 30 hiki ipohini. Israel kaija'ari vaabono vakanava'isohikhamavini hiki ida jiniro ipohini, vanaabosira kaimoni ada ovari.
24261	MAT 27:63	—Pilatos, akava'ihokiki ida Jesus kohana abinirina oadani haria ni'avini hi'iki athi: “Radaha'ihi ida mahi ahoarabakosiki oahokiki bana ho.” Nimania ida korijanahi abono athi.
24262	MAT 27:64	Oniania va'ora honaria bana adani sorara Jesus ka'damana-ra avakadava'avini. Mahi ahoarabakosiki radaharini oadani vahojara kaimoni, kidipohi aba'ona bo'dihirija kaimoni. Vabo'diavini naothinia va'ora vani'aki bana adani vahoariha: “Ahoki'iki ada Jesus.” Jahariki ida Jesus kohana kakorijanahi, jaharini arafiaki bana ida ipohina vakadikorijanahi, Jesus ahoki'ina-ra vakahivini bana — va'ora ni'aha adani sasidotxi vavaka'da'diva.
24538	MRK 7:6	Jesus va'ora ni'aha adani farisio: —Deus athi-ra avanofivini-ra avakahi'badaraki a'oni. Ni-Deus a'onira honariavini hirihi hida avakadihojai niki. Deua vara bivani'a'bo'da'iki ida avakadihojai niha ninini. Isaías kohana binajiri'iki hida Deus athi. Asohiki ida varani avihini. Niha ada Deus: “Vava'i bodinia hora vanofipa'itxiravini kaba'i, ojahana-ra khai vani'abakhiaki adani ija'ari afo'badara, varani jahakia vara hora vavani'abakhiaki adani.
24542	MRK 7:10	'Bo'dakari Moisés kohana binajiri'iki ida Deus kava'isohihi jiriki. Ija'ari-ra honariaki: “Va'ora vanakaidiva adani avakadiamia, avakadiabi'i vihiki, vara a'onira vani'avini vanaaba'a.” Deua kava'isohihi jirikia bivahonariahivini abinini ida ija'ari kidiamia, kidiabi'i vihiki-ra vakanavaranihaki. Nimania ida Deus kava'isohihi jiriki — va'ora ni'aha ada Jesus.
24543	MRK 7:11	Asia vara niha ada Jesus: —Avanahoarihaki ida Deus athi asohijanaria kaimoni. Nimania bana hida avakadi'ojomo'ihi athini asohiriki. “Ija'ari kajiniroki Deu-ra kanava'igavini hini ida kidijiniro pitani, ni-makhaniki ida ija'ari kidiamia, kidiabi'i vihiki-ra va'ora kaijahitaravini, vakadinahina-ra vakainamovini kaba'i.
24676	MRK 10:19	Iogaki ida Deus kava'isohihi jiriki. “Hari'a hoariha-ra naabini! Hari'a ivi'oma oni makhira hoariha kagamo! Hari'a bo'dia! Hari'a hoariha-ra korijanahia akaraganaha! Hari'a hoariha-ra korijanaha! Ikamitha'a oni kadabi'i, kadamia vihiki ira vara vani'avini.” Nimania hida Deus kava'isohihi jiriki.
24744	MRK 12:2	Oniaroa, uva a'dihani kamasikoni vani, ka'da'di va'ora karona'aha ada kidihonai abono. Bini'aha: “Okha'a bana uva avakadava'ava abono vakadiania mahija kodivinho pitani-ra igathanivini kodimoni.” Hari. Ajihi'aha, uva kasiroini kania kaikahi'aha.
24923	MRK 15:28	Deus athi kapapirania hoja'iki ida Cristo varani hina: “Ija'ari jaharikia kabadaniki-ra vakanabadanihavini vani fori hija ida vakanabadanihavini.” Oniani ida Jesu-ra vakanabadanihavini hija badani jaharikia. Namitha'iki kidiania ida Deus athi kapapirania bini'a'iki.
25102	LUK 3:8	Avahojani hiva ida hojai asohiki mahija hojai asohiriki-ra avanofijanaravinia Deu-ra avananokiahivini. Hari'a avaabononi vakanavaranihakhama: “Akadiabi'i okhananavaki ada Abraão kohana”. Asohiki ida Abraão kahojai. Avakadihojai ni-asohiki. Abraão kaisai vavijavaronisiagaki avihini kaba'i, ni-Deus a'onira akava'ijoaki. Deus va'ora akava'ijoaki adani vakadihojai asohiriki-ra vakava'ipahini'iki.
25144	LUK 4:12	Jesua bigathanihi ida athi: —Iniani. Jokoa iathini-ra onaabarihi. Jokoa oaraofararirihi. Deus athi haria nava'isohiki hari jaboni: “Hari'a Deu-ra kaijo'a bana badani danokia kabadanina, iogaja kaimoni ida Deus hojana kadania.”
25150	LUK 4:18	“Ma'onahai Jahaki hora avi'onanivini. Hora nagathogathovini hiki vakanahinariki-ra va'ora onanamithavini Deus monina jahakia. Hora nagathogathovini hiki va'ora oakava'ijoara kaimoni adani ija'ari vagathaki. Hora nagathogathovini hiki ija'ari vakamaodorohaki vanokho 'ba'dani-ra oanavagahavini. Hora nagathogathovini hiki jaboni va'ora oakava'ijoara kaimoni adani ija'ari vahoariha va'ora vanajaharihariki.
25155	LUK 4:23	Jesus va'ora ni'aha: —Hora vara avani'aki bana a'oni varani pa'itxia. “Mijiko ihini, iabono anaihota'a.” Hora avani'aki bana jaboni a'oni: “Akamitha'iki ida varani ihini Cafarnaum kasidajinia ija'ari vakavamoniki-ra va'ora ianaihota'avini. Ka'oa hihi ida varani ihini, hihida sidaji Nazaré onikia iavijavaki i, bada ini'a jaboni ida kadabadani danoki.” — Hora avani'aki bana a'oni.
25215	LUK 5:39	Ija'aria bikaijo'ahi ida vinho 'bo'da, bi'avi'ihi, ni-binofijanaki ida vinho ja'dini. Nini vani ija'aria bivajahaja ida kidihojai 'bo'da, oniani ida bini'avini hija: “Jaha'oamanija ida vinho 'bo'da.” — niha ada Jesus. Jesus judeus kaija'ari vahojana 'bo'da-ra kavarajomivini vinho 'bo'da fori hini.
25467	LUK 10:35	Hari. Ka'afokajomani ajihina viahania, Samaria kaaraboni kaija'arinia bino'aha ada gora kaka'da'dini jiniro 'ba'dani 'bamikia. Mahi 'bamiki kavabadanini abosini fori hiki ida jiniro. Bini'aha: “Iakadava'a bana hada makhira. Ikapavakari bana ida bikainamoki kidimoni hini. Arajomarihi hida jiniro kidinahina abosini kaimoni hini, kadania ojoi'ianana kamahini ira ono'a'ianaki bana ho jiniroa.”
25481	LUK 11:7	Vakava'ibodivarani'a bana ida iathini-ra gathanionanivini: “Hari'a kodivada-ra ka'baraha. Kaka'oaha'iki ida gora kaathani. A'oma'iki hari kodisai khama. Ni-onofiki ida ogamana ira ono'aja kaimoni pãoa.” Jesus va'ora ni'aha adani ipohina:
25523	LUK 11:49	Deua biogahahaviki ida namithaki kaimoni. 'Bo'dakari niha ada Deus: “Va'ora okaronabakhiaki bana adani oathi namoniva abono, oathi avaadahaoniva abono vaipohiki vihiki, judeus kaija'ari vakadiania avikhana afobakhia. Judeus kaija'ari va'ora vanaabiniki bana adani va'ora okaronaki vahoarahanana, va'ora vanajaharihariki bana adani vahoariha.” Niha ada Deus.
25548	LUK 12:20	Oniaroa, Deua bini'aha: “Iva'ini bajadidi'oamanija! Ikava'ibodivaranika'oaki ida kadanahina ahapini. Hihida joma iabiniki bana i. Ni-ivahojajanaki bana ida kadanahina inaibavijahajahaki'iki. Hoariha gahinani hiki bana ida kadanahina.”
25549	LUK 12:21	Hari. Jesua biananokhomi'ihi ida rajomi kavaranihi. Jesus vara va'ora ni'a'ianaha adani ija'ari: —Vakhanimanira adani ija'ari Deu-ra vakava'ibodivaranipa'itxiriki. Vaabono vavidorahaki adani vakanahina'ahapikira kaimoni. Deus va'ora vara vani'aha: “Vakanahina'ahapikiki vaabono vavanihaki adani va'ora onokiki, vakanahinarina va'ora okahiha.” Niha ada Deus — va'ora ni'aha ada Jesus.
25570	LUK 12:42	Oniaroa, Jesua bigathani'ihi ida kidina'dohi: —A'onivani honai abono jahaki fori vihi'a bana! Hovani honai abono kaka'da'di fori ohiki ho. Vara a'onira oni'avini hiki bana ada honai abono ogahaki, kidika'da'di athi-ra naabaki ada. Kidika'da'dia bihonariaha: “Iakadava'a bana hida ogorana. Va'ora no'a bana adani kodihonai abono vahoariha vakadi'baia mahi hahavi.” Niha ada ka'da'di. Ajihi'aha.
25572	LUK 12:44	Ka'oa hiki hida kodivarani. Ka'da'dia bini'aki bana ada kidihonai abono: “Inaabajahaki'iki ida ira ohonariavini hi'iki, oniani ida kodinahina hahavi, ogorana, arabo hiki-ra iakadava'avini maina ira ohonariavini hija.” Niha ada ka'da'di. Onivani fori hija bana hida vara a'onira oni'avini hiki jaboni.
25619	LUK 13:32	Hari. Jesus va'ora ni'aha: —Jahari kabadani namonahava abono ada Iroji. Avikha bana kidiania. Vananamitha'a bana hida kodivarani okaronaki: “Hidakaba'i bajadi akara'o'ini-ra ohonariaki ho, ija'ari vakavamoniki-ra va'ora oanaihotaki ho jaboni. Afokajoma oniani kodibadani hi'ianahi. Afokajoma hoariha bana ona'diahiki hida kodibadani.” Iroji-ra vani'a bana.
25640	LUK 14:18	Hari. Va'ora kaboa'iha, ni-vanofiki vanaabavini hida ka'da'di athi. Hoariha bini'aha ada honai abono: “Okapavakari'iki ida siroi, oniani ida onavanavanahavini onofivini hija. Jokoa ookharihi kidihinika onakanorivini. Ookharihi bana iathini-ra onaabahavini.”
25641	LUK 14:19	Hari. Hoariha bini'aha: “Va'ora okapavakariki adani 'daama kahidari sa'ai ko'bamihani vihiki, varahokaja kaimoni ida ava siroi kanamini-ra nakhomakhomaki. Okaijo'aki ida bana vakadibadani, kodisiroi-ra bada vani'ara kaimoni adani 'daama kahidari. Jokoa ookharihi kidihinika onakanorivini. Ookharihi bana iathini-ra onaabahavini.”
25642	LUK 14:20	Hari. Hoariha bini'aha ada honai abono: “Oagamo'iki ho hidakaba'i, oniani ida hora arakharija bana. Ookharihi bana iathini-ra onaabahavini.”
25643	LUK 14:21	Hari. Ija'ari vaipohiki vakadiania aadahaoniha ada honai abono ihinika-ra avaaminavini. Ni-avikhana-ra vanofiki. Vaipohikia vanaabarihi ida ka'da'di athi. Ka'da'di kania joi'aha ada kidihonai abono, binamonihi ida vani'aki. Hari. Ihamahi'aha ada ka'da'di. Kidihonai-ra ni'aha: “Ajihi'a jorakia. Okha'a bana hagihi, sidaji hikia. Va'ora anikha'a adani vakanahinariki, vatonorohaki, vajo'o aba'oronisiagaki, vakamaodorohaki vihiki mahija kodihinika-ra vanakanorivini. Vaibavia va'ora nako'diha'a.” Niha ada ka'da'di. Hari. Ajihi'ianaha ada honai abono, va'ora nako'diha'ianavini adani ija'ari vahoariha.
25695	LUK 16:6	“Okapavakari'iki ida basina kabavini karaho 100 hiki ipohini. Ni-abosi'iaki ida basina.” Niha ada makhira. Oniaroa, ka'da'di kahonai abonoa bihonaria'aha: “Hidavani papira basina kaidivani kakapapirani. Inapa'itxi bana ida basina kaidivani kajinironi. Inajiri bana ida basina bavini 50 hiki ipohini.” Niha ada ka'da'di kahonai abono.
25696	LUK 16:7	Makhira binajirivini naothinia, ka'da'di kahonai abonoa binana'dohi'aha ada hoariha: “Ivani, nihafori himanija ida inisika kajinironi inaabosiriki?” Makhira bigathani'ihi ida kidina'dohi: “Okapavakari'iki ida karagoahi kaso'oroni 1 mil hiki ipohini. Ni-abosi'iaki ida karagoahi okapavakari'iki.” Ni'aha. Oniaroa, ka'da'di kahonai abonoa bihonaria'aha: “Inapa'itxi bana ida karagoahi kaidivani kajinironi. Inajiri bana 800.” Niha ada ka'da'di kahonai abono.
25713	LUK 16:24	Oniania, abono-ra vibaranaha'aha: “Bi'i Abraão, hora va'adi bana. Ihonaria bana ada Lázaro sa'a nokhoni-ra na'bavini paha mahija oabani-ra na'bavini. Afora'oamanija hida oabani. Okamithaki hida oimana 'banani karaho, siho kakhororoki kabodinia ohojaki ho.”
25716	LUK 16:27	Oniaroa, Abraão-ra ni'aha ada makhira: “Bi'i Abraão, ikarona'a o bana Lázaro kodiabi'i gorana okhana.
25724	LUK 17:4	Khahi ida iigamini, ira ni'ahi: “Jahari'oamanija ida kodihojai kadania, hora akariaka bana.” Nihi. Iakariaka bana ida iigamini. Hari'a ikava'ihokijana ida bada bini'a'iki. Kidihojai asohiriki ira naihamahi'ianahi; kadania ira kanikharia'ianahi, iakariaka'iana bana! Mahi hoarani bada bini'abakhiaki ida ivajahariki, ira kanikhariabakhiahi jaboni, iakariaka bana jaboni — va'ora ni'aha ada Jesus.
25729	LUK 17:9	Nimania ida ka'da'di kidihonai abono-ra vara ni'avini. Honai abonoa bada bini'ahahavivini kaba'i ida kidika'da'di bihonariavini hiki, ni-kidika'da'dia bini'aki: “Ijaha'oamanija kodibadani-ra bada ini'ahahavi'iki i.” Ni-niki ida kidivarani.
25751	LUK 17:31	Va'ora onava'isohijoraki bana adani ija'ari gora 'da'dini a'ani sohiriama'okia vahojana onokiana kamahini: “Avigajoraki'a bana. Hari'a avikhajakosi bana avagorania, avakadinahina-ra avaranikhavini.” Va'ora onava'isohijoraki adani ija'ari vakadisiroia vahojaki, vagorana avajoirara kaimoni.
25777	LUK 18:20	Iogaki ida Deus kava'isohihi jiriki: “Hari'a ivi'oma oni makhira hoariha kagamo. Hari'a hoariha-ra naabini. Hari'a bo'dia. Hari'a hoariha-ra korijanahia akaraganaha. Ikamitha'a oni kadabi'i, kadamia vihiki ira vara vani'avini.” Nimania hida Deus kava'isohihi jiriki.
25817	LUK 19:17	Kidika'da'dia bini'aha: “Jaha'oamanija ida kadabadani. Ivani honai abono jahaki i. Kodinahina pa'itxi-ra iakadava'ajahakivini mani ida ka'da'di ira onihavini hija. Onofiki ida sidaji 10 ipohini kaija'arini-ra va'ora ivaka'da'divini.”
25825	LUK 19:25	Honai abono vahoariha vani'aha ada vakadika'da'di: “Bivahoja'iki ida jiniro 'ba'dani 10 hiki ipohini. Inofimanija koda ida jiniro 'ba'dani hoariha ano'a'ianavini?”
25826	LUK 19:26	Hari. Ka'da'dia bigathani'ihi ida vaathi: “Ka'oa hida kodivarani a'onira oni'avini hiki. Deua bino'aki ida ija'ari kidinahina biakadava'aja kaimoni. Biakadava'ajahakihi; Deua bianaipohihi ida nahina biakadava'a'iki. Ija'aria biakadava'ajahakirihi ida nahina pa'itxi Deua bino'avini hiki; Deua bianiki bana ida nahina pa'itxi bivahojaki.”
25827	LUK 19:27	Asia vara niki ada ka'da'di: “Va'ora vavikha adani ija'ari hora vavajahariki, vakadika'da'di ohina-ra vanofiriki. Va'ora vavikha kodiania mahija va'ora avanaabinivini.” Niha ada ka'da'di — va'ora ni'aha ada Jesus. Jesus abono-ra kavarajomivini hiki ada ka'da'di. Vara va'ora ni'avini hiki ida niha ninini va'ora naabosivini adani va'ora vaka'da'diki vakadibadani.
25846	LUK 19:46	Oniaroa, va'ora nava'isohi'aha: —Deus athi kapapirania hojaki ida athi: “Ija'ari Deu-ra vara vani'ara kaimoni hihida gora.” Niki ida papira athini. Bo'di ibavini avavanihamanija koda hida gora. Igitha kaidivani-ra avanakarahovini mani ida ija'ari-ra avabo'diabakhiavini hija — niha ada Jesus.
25858	LUK 20:10	Oniaroa, uva a'dihani kamasikoni vani ka'da'di va'ora karona'aha ada kidihonai abono. Bini'aha: “Okha'a uva avakadava'ava abono vakadiania mahija kodiuva a'bani pitani-ra igathanivini kodimoni.” Hari. Ajihi'aha, uva kasiroini kania kaikahi'aha. Uva avakadava'ava abonoa vidafiaha'aha ada makhira. Dairina vani vahonaria'aha ajihi'ina.
25903	LUK 21:8	Oniaroa, Jesua bigathanihi ida vaathi: —Avaabononi avakava'igairi bana! Vahoariha a'onira vakorijanahavini-ra bana vanofiki a'oni. Vakajari'da bana ida vaathi. Vikhaki bana adani korijanahi abono, vakhaniki bana afohanana adani: “Hovani Cristo ho, Deua hora karonaki avakadika'da'di ohina kaimoni.” Vakhaninanaki bana jaboni adani: “Kaikahi'iki ida mahi Deua bivava'isohihijora'iki.” Hari'a va'ora vavaipohiha bana adani nikia vakavarani'badaraki.
25970	LUK 22:37	Hari. Deus athi kapapirania hojaki ida varani ohina: “Ija'aria vanajaharihariki ada Jahari kabadania kabadaniki. Onivani fori hira ada ovari jahariharina.” Namithaki bana kodiania hida Deus athia bini'aki. Deus athi kapapirani hora vara vani'ajoravini mani ida Deua binanamithavini hija bana.
26006	LUK 23:2	Vakaikahiha, Pilato-ra vani'aha Jesu-ra avakaraganahavini: —Agathi'iki hada hihada makhira Jesus oniki. Ovari va'ora ni'abakhiaki adani ija'ari vaipohiki: “Hari'a vanaabajana ida arabo ipohiki kaka'da'dini César oniki athi. Hari'a Césa-ra vano'ajana avakadi'imposto kajinironia. Hovani Cristo ho, Deus hora nagathogatho'iki ho, avakadika'da'di ohija kaimoni.” Niha ada Jesus — Pilato-ra vani'aha vakorijanahavini.
26082	LUK 24:22	Akadiania vahojaki adani gamo Jesu-ra avavaipohioni'iki. Hidakaba'i vagavagani vani avikha'aha adani va'oaniaro Jesus aba'ona ka'damahani ibavinia, ni-vakaraga'iki ida aba'ona. Vajoi'aha akadiania haria vani'a'aha: “Va'ora anoki'iki adani Deus ibavi kaija'arini 'dama kania. Haria vanava'isohivini hi'iki ida Jesus ahoki'ina.” Vakhani'aha. Akava'ibodivaranikarahoki ida gamo vakadivarani.
26448	JHN 7:51	—Ni-akamitha'iaki kaho ida Jesus abono-ra vajari'davini. Moisés kohana va'ora nava'isohi'iki adani akadija'ari avikhananavaki: “Hari'a ija'ari kabadani asohirini-ra vakahiva adani ija'ari vanasohiva abono, vakamitharavini oadani ida abononi vajari'davini. Avigaravini oadani ida kidihojai, hari'a jaharikia avarakhava ida ija'ari.” Niki ida Moisés athi papira hojaki. Ni-akamitha'iaki kaho ida Jesus abono-ra vajari'davini. Ni-asohiki ida kidihojai asohirini akahivini, anana'dohiravini oadani — va'ora ni'a'aha ada Nicodemos.
26467	JHN 8:17	Akadiva'isohihi jiriki kapapirania hojaki hida honari: “Ija'ari vi'bamiki vania vanokija ida, vakamithaja ida jaboni ija'ari hoariha kahojai asohiriki. Ija'ari vanasohiva abono vaviaha o'oiva ida ija'ari hojani jahariki nokiva abono, vara bivani'aja kaimoni ida binoki'iki, bikamitha'iki hiki. Khaonanini naothinia hoariha maina ida o'oi'ihi, vara bivani'aja kaimoni ida binoki'iki, bikamitha'iki hiki. Onivani fori hi'ianahi ida kidivarani ija'ari vanasohiva abono vakadiania. Vakadivarani hi'bamakhama'ihi ida vanoki'iki, ka'oa hini aviga'ihi.” Nihi ida papira athini.
26584	JHN 10:34	Jesus va'ora ni'a'ianaha: —Akadija'ari kava'isohihi jiriki kapapirania hojaki hida athii: “A'onivani deuses avihiki a'oni.” Niha ada Deus.
26931	JHN 19:37	Athii hoariha bivava'isohihijora'iki: “Ija'aria vada vani'aki ada makhira sakahi hi'ina.”
27116	ACT 4:25	Kadahonai abono ada akadi'arahoda kohana okhananavaki Davi oniki. 'Bo'dakari Davi kohana vara bivani'a'iki ida Ma'onahai Jahaki athi: “Vava'i jokojoko'aha adani arabo hahavi kaija'arini. Haria vakanavaraniha'imarini'aha varani jaharikia.
27193	ACT 7:8	Asia kidija'ari vavaka'da'diva-ra vara va'ora ni'aha ada Estêvão: —Oniaroa, Deua bihonariaha ada Abraão kohana: “Va'ora bana karajomi adani makhira isani hahavi bana. 8 mahi-ra vahoja'aha ada isai, a'boa'ihi ida asafi pa'itxi rajomi kaimoni. Vavahojaki ida siikosida karajomihi kodija'ari vihira kaimoni.” Nimania ida Deus kava'iponahi a'bo'daki athini. Oniaroa, Abraão kohana bikarajomiha ada kidisai Isaque. Tanana kari 8 mahi-ra vahojavini vani bikarajomi'aha ada Isaque. Karaho'ina ada Isaque, bikarajomiha ada kidisai Jacó. Karaho'ina ada Jacó, va'ora karajomi'aha adani kidisai 12 vihiki vaipohina. Akadi'arahoda kohana avikhananavaki adani Jacó kaisai.
27198	ACT 7:13	Hari. Ihimi'ini ida trigo, Jacó avikhana va'ora honaria'ianaha. Vakaikahi'ianaha, José va'ora nanamitha'aha: “Avakadikajo'o mani ho.” Niha ada José. Faraóa bikamithahi ida José igamina vakaikahina varani hini.
27210	ACT 7:25	Moisés abono-ra ni'aha: “Kodija'aria avigaki ida Deus hora karonavini, va'ora oakava'ijoara kaimoni.” Abono-ra kava'ibodivaraniha ada Moisés. Ni-avigapa'itxiki ada Moisés Deua bikaronavini.
27211	ACT 7:26	Ka'afokajomani va'ora noki'aha adani Israel kaija'ari vi'bamiki vaabono vakodakhamaki. Moisés va'ora honaria'aha vaabono avakakariakakhamavini. Va'ora ni'aha: “A'onivani avaigamini avi'bamiki a'oni. Nahina mani ida avaabononi avakakaihamahikhamavini hija?” Va'ora ni'aha ada Moisés.
27222	ACT 7:37	Moisés vani va'ora nava'isohijoraha adani kidija'ari: “Akadija'ari vahararana Deua binagathogathoki bana ada athi namoniva abono hoariha. Hofori hiki bana ada.” Va'ora ni'aha ada Moisés.
27225	ACT 7:40	Vani'aha ada Moisés ka'aajo Arão oniki: “Inamonaha'a bana ida deus amovana avaadahaki kaimoni, haria avanamithahaki kaimoni hagihia. Arabo namahikia ogaimori'aha ada Moisés, ni-aogajanaki hana hojana. Egito kaarabonia arihojana kari haria banani'iki ada. Ogaimori'ina avisoni'iki ada.” Vani'aha ada Moisés ka'aajo.
27227	ACT 7:42	Deu-ra naihamahiki amovana vanamonahavini, oniani ida akadija'ari avikhananavaki-ra va'ora nahojahavini hi'ia. Va'ora arakhavini mani ida safini, masiko, boviri hiki-ra vakanamasivivini hija, vakadideus ipohina hira kaimoni. Deus athi namoniva abono kohana vakadipapira hojaki hida Deus athi: “A'onivani Israel kaija'ari Deus athi-ra mitha vani'a. 40 badara ipohini hora avakaabinihivini hiki ida igitha avaranaha'di'iki kaimoni. Hora avakavaihinikamaniki koda a'oni? Iniani. Kodimoni hirihi ida avakadibadani. Avakadiamonahi oamani ida avakavaihinikaja.
27388	ACT 11:12	Vakaikahina vani Ma'onahai Jahaki hora honariahi: “Ijari'darini okha'a vakadiania.” Hora ni'aha. Jope sidajia vahojaki hadani Jesus vaipohihava abono. Hihadani 6 vihiki vaipohina hida kodiania vahojaki hora vavaipohiha'iki. Aokhahi, Cornélio gorana aakhanohi, aokhajakosi'ihi.
27471	ACT 13:40	Deus athi namoniva abono kohana vani'a'bo'da'iki: “A'onivani Deus athi-ra avakanahahanihabakhiaki, mitha vani'a. A'onira narapatahi, avaabiniki bana a'oni. Avakajari'daki bana ida kodibadani bada oni'a'iki avanokivini kaba'i. Hoariha a'onira nava'isohijahakivini kaba'i, kodibadani-ra avakajari'dahi.” Nimania ida Deus athi. Avakava'igairi bana mahija Deua bini'a'iki a'onira napohimajaravini — Paulo va'ora ni'aha adani ija'ari vajoroniki.
27512	ACT 15:1	Hari. Oniaroa, Antioquia sidajia vakaikahi'aha adani makhira Judéia kaarabonia vikha'iki. Vakaikahiha, va'ora vaka'ojomo'i'aha adani Jesus athi-ra vanaaba'iki. Va'ora vani'aha: —A'onivani judeus kaija'ari avihiriki. Moisés kohana athi kapapirani haria honaria'iki hari: “Va'ora bana vakarajomi adani makhira isani hahavi bana. Makhira bivahojavini hiki ida siikosida karajomihi Deus kaija'ari hina.” Nimania ida Moisés kohana kahonari. Rajomi-ra avavahojarihi; jokoa bana Deus a'onira akava'ijoarihi Ibavi Jahaka'oakia avarikhani — vakhaniha.
27531	ACT 15:20	Oniaroa, akaronaki bana ida papira jiriki va'ora anava'isohira kaimoni akadivarania. Nimania hida ariathi akaronaki bana: “Hari'a bana vaha'a ida baimana vahoariha vakadideus amovana-ra khai vani'avini-ra vakavi'baivini. Avakadikaaji hiki ida baimana avakadimoni hini. Hari'a makhira kidigamo hiriki khama vaabono vakavi'omakhamava. Hari'a bana igitha mathani ra'do'bahaki-ra vaha. Hari'a vi'avi ida igitha amani jaboni.” Nimania hida akadipapira athini akaronaki kaimoni akadija'ari vihiriki vakadimoni.
27607	ACT 17:15	Kidiva'ahia vavaipohiha'aha ada Paulo. Atenas sidajia avikha'aha. Avakhano'aha, hojaha'aha ada Paulo. Kidiva'ahi vajoi'iki Beréia sidajia. Pauloa bikaronahi ida athi vakadiania: “A'onivaniti Silas, Timóteo khama. Atenas sidajia ohojaha'iki ho. Vikha'a jorakia bana kodiania.”
27658	ACT 19:4	Paulo va'ora ni'aha: —João Batista kohana va'ora kana'iki adani vakadihojai asohiriki-ra vakava'ipahini'iki. João Batista va'ora nava'isohibakhiaki adani ija'ari: “Hari'a vakajari'da ada onaothia khaki bana.” Niha ada João Batista kohana. Joãoa vara bivani'a'iki ada Jesus — Paulo va'ora ni'aha.
27717	ACT 20:23	Sidaji hahavi oadaha'ina Ma'onahai Jahaki hora nava'isohibakhiavini hi'iki ida Jerusalém okaikahina opohimajana bana. Hora ni'aha: “Ija'ari ira avibaiki bana i cadeia. Ira vanajaharihariki bana adani.” Hora ni'aha ada Ma'onahai Jahaki.
27729	ACT 20:35	Kodibadani karahoa a'onira onanokiahivini hi'iki vahoariha-ra va'ora okaijahitavini. Nini vani jaboni bana va'ora vakaijahita adani vakavamoniki. Vakava'ihoki bana ida akadika'da'di Jesus kavarani: “Ija'ari gahinani mani ida khai ni'apa'itxini hija. Ija'ari kagahinaini mani ida khai ni'akarahoni hija.” — Nimania ida Jesus kavarani Paulo va'ora vara ni'avini hiki.
27757	ACT 21:25	Hoariha pa'itxiki ida akadivarani akadija'ari vihiriki-ra anava'isohivini hi'iki hi'adani Jesus athi-ra vakajari'dariki. Ariathi kapapirania va'ora anava'isohi'bo'da'iki adani: “Hari'a bana vaha'a ida baimana deus amovana-ra khai vani'avini-ra vakavaihinikavini-ra vakavi'baivini. Hari'a vaha bana ida igitha amani. Hari'a vara'do'bi ida igitha havahaki kaimoni mathani. Hari'a makhira kidigamo hiriki khama vaabono vakavi'omakhamava.” Nimania ida va'ora anava'isohivini athini mahi 'bo'dakari — Paulo-ra vani'aha adani Jesus Cristo kaija'ari vanava'isohiva abono.
27793	ACT 22:21	Kodika'da'di hora ni'a'ianaha: “Ajihi'a bana mahija napaja iokhavini. Ira okaronaki bana i judeus kaija'ari vihiriki vakadiania.” Hora ni'aha ada Jesus.
27807	ACT 23:5	Paulo va'ora ni'aha: —Oigamina, ni-oogaki ada vara niki sasidotxi vakadika'da'di hina. Oogaja vaha; ni-nini vara ovani'aki vaha — niha ada Paulo. Deus athi kapapirania hojaki ida kaabanahi athini: “Hari'a ija'ari vakadika'da'di athi-ra avanaabosi athii jaharikia.”
27888	ACT 25:24	Festo va'ora vara ni'aha adani Agripa, vahoariha vajoroniki vakadiania: —Ivaniti, arabo kaka'da'dini Agripa. Ija'ari hahavi akadiania vajoroniki, a'onivaniti. Vada vani'a o hi'o makhira Pauloa oniki. Judeus kaija'ari vaipohiki vara hora vani'avini hi'iki ida Paulo kahojai jahariki. Jerusaléa ohoja'ina hora vanava'isohi'iki adani. Hihida Cesaréia sidajia jaboni hora vanava'isohivini hiha adani judeus kaija'ari Paulo-ra vakanavaranihavini. “Ivahonariahi'a abinina.” Hora vani'abakhiaha.
27993	ACT 28:26	Bini'aha ada Isaías: “Ija'ari vakadiania okha'a bana. Va'ora ni'a bana: ‘Mitha avakhanijahakini kaba'i, ni-nahina nini avarigaki. Vada avakhanijahakini kaba'i, ni-nahina-ra avanokiki.’ Va'ora ni'a'a bana.
28097	ROM 4:7	Davi kohana binajiri'iki hida athi: “Va'ini khaii niki ida ija'ari kidihojai asohiriki Deua biani'iki, Deua biakava'i'birini'avini jaboni.
28103	ROM 4:13	Hari. Deus va'ora nava'iponijora'iki adani Abraão, kidihanodi vanamitharonisiagaki vihiki: “A'onira ono'avini hiki bana ida hahavi arabo hahavia hojaki avavaka'da'dija kaimoni.” Niha ada Deus. Deus kava'isohihi jiriki-ra naabavini abosini hirihi ida Deus Abraão-ra nava'iponivini ka'da'di vihina kavaranihia. Deu-ra vakaijokavini mani ida arabo hahavi-ra kavano'aivini kavaranihia Abraão-ra nava'isohijoravini hija, kidimahi sohika'oani Deua bikahivini hija, bikapoarivini hija jaboni, oniani ida kidiva'iponahia binava'isohivini hi'ia jaboni.
28166	ROM 7:7	Nahina mani hida kodivarani haria ka'ojomo'ivini hija? Jaharia koda ida Deus kava'isohihi jiriki? Ha'a. Jahaki ida. Deus kava'isohihi jiriki hora ka'ojomo'ivini hiki ida nahina hini hojai asohiriki. “Hari'a iakabai ida hoariha kanahina”. Va'isohihi jiriki hora kaabanirija vaha; ni-oogaki vaha ida akabajahi nahina hini.
28199	ROM 8:15	Deua bikarona'iki ada Ma'onahai Jahaki akadiania. Honai abono gathaki kaka'da'dia bihonariavini fori hirihi ida Ma'onahai Jahaki a'onira honariavini. Ni-a'onira avadadamiki ada Ma'onahai Jahaki. Ni-a'onira naofiniki. Ovani ada Deus kaisai haria nihara. Ma'onahai Jahaki danona ava'i bodinia hojani mani ida akadikhaiinia Deu-ra ani'avini hija: “Bi'i ka'oa i!”
28220	ROM 8:36	Deus athi kapapirani kania hojaki hida athi: “Kadaija'ari arihina mani ida mahi hahavi ija'ari haria vanaabinivini-ra vanofivini hija. Ovilia osahi hina abinira kaimoni onivani fori hija ida haria vanajahariharibakhiavini.” Nihi ida athii.
28234	ROM 9:11	Deua binagathogatho'iki ada Rebeca kaisai hoarana. Ni-binagathogatho'iki ada hoariha. Hoarana-ra nagathogathovini-ra nofivini mani ida hoarana-ra nagathogathovini hi'ia. Oniania Deua bini'a'ihi ida Rebeca, kidisai va'banana viahania: “Kajo'ojahiki kahonai abono kaimoni ada aajojahiki.” Vara nina kaba'i, ni-va'bana'iaki kaho. Ni-hojai jahakia vakahojai'iaki kaho. Ni-hojai jaharikia vakahojai'iaki kaho jaboni. Deus oavani abono-ra nava'isohijoravini hija ida isai hana hina-ra nofivini kaimoni, oniani ida binagathogathovini hija. Vabadanirina oadani Deua biani'iki ada hoarana. Kidibadani abosini hirihi ida gathogatho'ina.