23240	MAT 2:2	co nttiha joanchiangui xa: ―¿Quettinó jí tti rey de chojni judío que oconcjihi? Janha na desde ngain lado oriente viconxin na conotsé rey mé, co jai janha na joihi na nttihi para sinttasayá na rey mé.
23440	MAT 8:26	Jesús ndac̈ho ngain na: ―¿Quedonda anto ẍaon ra? ¡Jaha ra antoha jian ditticaon ra tti janha ndattjo ra! Cottimeja vingattjen Jesús co nichjé c̈hintto conixin jinda, co ngain rato mé tavehe c̈hintto conixin jinda.
23441	MAT 8:27	Co cain chojni mé vinttegoan na admirado, co vinttendac̈ho na: ―¿Quehe joachaxin chonda xí jihi que hasta c̈hintto co jinda ditticaon tti ndac̈ho xa?
23443	MAT 8:29	Co vinttendac̈ho xa sén: ―¿Quedonda joihi nganji na, jaha Jesús, Xenhe Dios? ¡Ẍa jeha tiempo para que jaha sincheguetan ni ra tangui!
23452	MAT 9:4	Pero Jesús ovenohe tti teẍaxaon xí mé, co jehe ndac̈ho ngain xa: ―¿Quedonda anto jianha tti jaha ra ẍaxaon ra?
23459	MAT 9:11	Pero canxion xifariseo vintteguicon xa jihi, co después vinttejanchiangui xa ngain tti chojni que vacao Jesús co vinttendac̈ho xa: ―¿Quedonda ximaestroa ra jinecaho xa cain xicobrador de impuesto, co icha chojni que nchehe jianha?
23462	MAT 9:14	Cottimeja chojni que vacao Juan, tti vancheguitte chojni, conchienhe na ngain Jesús co ndac̈ho na: ―¿Quedonda janha na, conixin cain xifariseo anto dinttecjáño na para ixin Dios, co chojni que c̈hjiho jaha dinttecjañoha na?
23463	MAT 9:15	Jesús ndac̈ho ngain na: ―¿Apoco cain chojni que ttji ngain ná vandango tti tottehe na nchao sinttecjáño na si xinovio ẍa jí xa ngayehe na? Pero, ján, tsí tiempo que xinovio satsjixin xa de ngain na, cottimeja jehe na sinttecjáño na.
23476	MAT 9:28	Co are Jesús joixinhi nchiandoha, jehe cayoi tti vaguiconha mé vintteconchienhe ngaca Jesús co jehe joanchianguihi cayoi xí mé: ―¿Aditticaon ra que janha nchao sinttaẍoán jmacon ra? Cayoi xí mé ndac̈ho xa: ―Ján ditticanho na que soixin nchao sincheẍoanna ni ra.
23531	MAT 11:3	ixin quensen jehe, co ndac̈ho na ngain Jesús: ―¿Ajaha tti Cristo tti chonda que tsí, o ẍa rrochonda na que rrochoan na iná chojni?
23561	MAT 12:3	Pero Jesús ndac̈ho ngain xa: ―¿Aẍa tsjeha ra tti jitaxin ngain Palabré Dios ixin quehe joinchehe David conixin cain xicompañeroe ná nchanho are vintteguenhe na jintta?
23568	MAT 12:10	Co ngaxinhi nttiha tají ná xí que ndadixemadoho ná ra, co xifariseo techonhe xa quehe cosa nchaoha rrojinchehe Jesús para rrocjanguihi xa. Mexinxin joanchiangui xa ngain co ndac̈ho xa: ―¿Ají joachaxin para que sinchexingamehe ni chojni nihi mero ngain tti nchanho que nchejogaha ni?
23606	MAT 12:48	Pero Jesús ndac̈ho ngain chojni mé: ―¿Quensen jannana, co quecá xanchian?
23618	MAT 13:10	Cottimeja tti chojni que vacao Jesús conchienhe na ngain co ndac̈ho na: ―¿Quedonda ndache chojni conixin ejemplo?
23659	MAT 13:51	Cottimeja Jesús joanchiangui ngain chojni que vacao, co ndac̈ho: ―¿Attinxin jaha ra cain jihi? Jehe na vinttendac̈ho na: ―Ján.
23662	MAT 13:54	Co sacjoi para Nazaret, tti jehe vanguixin. Nttiha coexinhi joinchecoenhe chojni de ixin Dios ngain ningoe na, co cain chojni nttiha vagoan na admirado co ndac̈ho na: ―¿Queẍén coanguixin xí jihi? Ixin anto nohe xa jai. ¿Queẍén nchao nchehe xa cain milagro jihi?
23704	MAT 15:2	―¿Quedonda chojni que c̈hjiho ncheha na tti costumbre que coetonha nigoelitona ẍanc̈hjen? Ixin jehe na tonttiha na jinda rá na tsje nttiha saho que sine na.
23705	MAT 15:3	Pero Jesús joanchiangui ngain xa co ndac̈ho: ―¿Quedonda jaha ra ncheha ra tti ttetonha Dios co jeho nchehe ra inchin costumbre que jaha ra chonda ra?
23714	MAT 15:12	Cottimeja tti chojni que vacao Jesús conchienhe na ngain co ndac̈ho na: ―¿Anoaha soixin ixin xifariseo yá feo vintteconohe xa are vinttequinhi xa tti soixin ndac̈ho?
23718	MAT 15:16	Jesús ndac̈ho: ―¿Acai jaha ra ttinxinha ra?
23736	MAT 15:34	Jesús joanchiangui ngain jehe tti chojni que vacao co ndac̈ho: ―¿Quejanhi niottja chonda ra? Co jehe na ndac̈ho na: ―Yáto niottja co nchion copescadochjan.
23749	MAT 16:8	Jesús conohe quehe tetjao na co jehe ndac̈ho ngain na: ―¿Quedonda ndac̈ho ra ixin chondaha ra niottja? ¡Jaha ra seguro que tantoha ditticaon ni ra!
23754	MAT 16:13	Are Jesús joiji ngain regioen Cesarea de Filipo, jehe joanchiangui ngain tti chojni que vacao co ndac̈ho: ―¿Quehe ndac̈ho chojni ixin quensen na janha, tti Xí que joixin de ngajni?
23779	MAT 17:10	Cottimeja jehe tti canio chojni que joicao Jesús joanchiangui na ngain Jesús co ndac̈ho na: ―¿Quedonda ndac̈ho ximaestroe ley Israel ixin Elías chonda que tsí icha saho que jaha?
23788	MAT 17:19	Cottimeja are jeho Jesús nttiha conixin chojni que vacao, jehe na joanchiangui na ngain co ndac̈ho na: ―¿Quedonda janha na c̈hoha vehngui na espíritu jianha yá?
23793	MAT 17:24	Are Jesús conixin chojni que vacao joiji na ngain rajna Capernaum, tti xí que vanchehe cobro impuestoe nihngo cjoi xa ngain Pedro co joanchianguihi xa co ndac̈ho xa: ―¿Attjenga hna ximaestroa ra impuesto para ixin nihngo?
23797	MAT 18:1	Ngain rato mé chojni que vacao Jesús conchienhe na ngain Jesús co ndac̈ho na: ―¿Quensen icha importante ngajni?
23817	MAT 18:21	Cottimeja Pedro cjoi joanchianguihi Jesús co ndac̈ho: ―¿Quejanhi nttiha chonda janha que sinttatjañá ná tti sinchehe jianha nganji na janha? ¿Achonda que sinttatjañá hasta yáto nttiha?
23834	MAT 19:3	Cottimeja canxion xifariseo vintteconchienhe xa ngain Jesús para rrojinchenichja xa Jesús ná cosa nchaoha para que nchao rrocjanguihi xa. Joanchiangui xa ngain jehe co ndac̈ho xa: ―¿Anchao ná ni sac̈hjendehe ni c̈hihi ni de ixin quexeho cosa que jehe ni isincheẍoxinha ni?
23835	MAT 19:4	Jesús ndac̈ho ngain xa: ―¿Atsjeha ra tti jitaxin Palabré Dios? Nttiha jitaxin ixin Dios tti joinchechjian chojni are saho. Co jehe mé joinchechjian xí co nc̈hí.
23838	MAT 19:7	Cottimeja vinttendac̈ho jehe xa: ―¿Quedonda diquetonha Moisés que nchao sanjo ni ngain nc̈ha ná ẍón que jitaxin que jehe ni ondavac̈hjendehe ni c̈hihi ni, co jamé ondatsinttohe ni nc̈ha?
23848	MAT 19:17	Jesús ndac̈ho ngain xanxí mé: ―¿Quedonda ncheguinhi na janha jian? ẍonhi iná tti icha jian, jeho nacoaxinxon, co mé jehe Dios. Pero si jaha rinao rrochonda iná vida naroaxin, ditticaon co nchehe cain tti coetonha Dios.
23856	MAT 19:25	Are chojni que vacao Jesús coinhi na yá, anto vinttegoan na admirado co joanchianguihi chó na co ndac̈ho na: ―¿Mexinxin quensen nchao rrochonda iná vida naroaxin remé?
23882	MAT 20:21	Jesús ndac̈ho ngain naníta mé: ―¿Quehe rinao? Naníta ndac̈ho: ―Ttetonha soixin que are soixin tsetonha cainxin cosa, ná de xanhna tehe sehe lado jian de soixin co iná xan sehe xan ngain lado cjon de soixin.
23893	MAT 20:32	Cottimeja Jesús tavengattjen, co vayé cayoi tti chejo mé co joanchiangui ngain co ndac̈ho: ―¿Quehe rinao ra sinttaha janha nganji ra?
23905	MAT 21:10	Are Jesús joixinhi ciudad de Jerusalén, cainxin chojni que te nttiha ẍatte na ngain ixin anto ché na, co tsje na joanchiangui na co ndac̈ho na: ―¿Quensen jihi?
23911	MAT 21:16	co vinttendac̈ho xa ngain Jesús: ―¿Arrittinhi tti tendac̈ho chjan taha? Co Jesús ndac̈ho ngain xa: ―Ján, rrittian. Pero jaha ra ¿aẍa tsjeha ra ngain tti jitaxin Palabré Dios? Nttiha jitaxin de ixin jihi ixin ndac̈ho janhi: Dios joinchecoenhe cain chjan hasta xan nandá toncjihi para nchesayehe xan jehe jian.
23915	MAT 21:20	Are chojni que vacao Jesús vicon na yá, vinttegoan na admirado, co joanchiangui na ngain Jesús co ndac̈ho na: ―¿Queẍén ndaxemanxin nttahigo yá anto daca?
23918	MAT 21:23	Cottimeja Jesús joixinhi ngaxinhi tti nihngo icha importante, co are jehe jindache cain chojni nttiha de ixin Dios, conchienhe ngain jehe canxion xidána que vaquetonha ngain cain icha xidána conixin icanxin xittetonha ngain nihngo mé, co vinttejanchiangui xa ngain Jesús co ndac̈ho xa: ―¿Quehe joachaxin chonda jaha para nchehe cain cosa jihi? ¿Quensen chjá joachaxin jihi?
23923	MAT 21:28	Jesús ndac̈ho ngain xa: ―¿Queẍén ẍaxaon ra de ixin ejemplo jihi? Ná xí vechonda xa yó xenhe xa xanxí, co ndache xa xansaho: “Ttji jai dinchehe ẍa ngain nttauva.”
23937	MAT 21:42	Cottimeja Jesús ndac̈ho ngain xa: ―¿Aẍonhi tiempo tsjehe ra jaha ra tti jitaxin Palabré Dios? Ndac̈ho janhi: Tti ẍo que joinchegondaha xittette nchia, pero ẍo mé tti ẍo joiguehe esquiné nchia. Co jihi joinchehe Dios, co para ixin ján na cosa jihi anto c̈hjoin.
23961	MAT 22:20	Are vicon Jesús tomi mé joanchiangui ngain na co ndac̈ho: ―¿Quensen con jinganito jihi, co quensen nombré jitaxin jihi?
23983	MAT 22:42	Jesús joanchiangui ngain xa co ndac̈ho: ―¿Quehe ẍaxaon ra de ixin Cristo? ¿Quensen mé? Jehe xa vinttendac̈ho xa: ―Mé tsixin de ngain razé rey David.
24028	MAT 24:2	Pero Jesús ndac̈ho ngain na: ―¿Adicon jaha ra cain yá? Atto seguro tti rrindattjo ra que yá sittoeha ni ná ẍo ngataha iná ẍo; cainxin rroxantte.
24131	MAT 26:8	Are chojni que vacao Jesús vicon na yá, coñao na co coexinhi na ndac̈ho na: ―¿Quedonda coxincoa aceite yá?
24133	MAT 26:10	Jesús coinhi mé, co jehe ndac̈ho ngain na: ―¿Quedonda jañá tec̈ho ra ixin nc̈hí jihi? Tti jehe nc̈ha joinchehe nc̈ha nganji na janha; jihi ná cosa jian.
24138	MAT 26:15	co ndac̈ho ngain xa: ―¿Quejanhi tomi rrochjana ra si janha rrondattjo ra queẍén sinchehe ra para rrotse ra Jesús? Cottimeja jehe xa cjoenguehe xa hna treinta tomi de plata.
24140	MAT 26:17	Saho nchanho de tti quiai que jine na niottja que chondaha levadura, tti tteyó chojni que vacao Jesús conchienhe na ngain jehe co joanchiangui na co ndac̈ho na: ―¿Quettinó sinttachjianxin na tti sintte soixin para ngain quiai pascua?
24145	MAT 26:22	Cottimeja cain jehe na anto vinttechín na co coexinhi na, ná na co ná na joanchiangui na ngain Jesús co ndac̈ho na: ―¿Apoco janha?
24163	MAT 26:40	Cottimeja cjan para ngain tti ní chojni que joicao, pero are jehe joiji nttiha, jehe na otatejoa na. Co jehe ndac̈ho ngain Pedro: ―¿Acoixianha ra tavinttetsjehe ra ni ná hora para rroguinttenda ni ra?
24178	MAT 26:55	Cottimeja Jesús ndac̈ho ngain cain chojni que cjoi: ―¿Ajoihi jaha ra conixin espada co nttá para joitse ni ra como si janha rrocji ná xichehe? Cain nchanho vatto janha vagarihi ngayaha ra ngain nihngo icha importante para vanttacoanha ra de ixin Dios co ẍonhi tiempo tse ni ra.
24185	MAT 26:62	Cottimeja vingattjen xidána icha importante co ndac̈ho xa ngain Jesús: ―¿Aẍonhi nichja jaha? ¿Andoa tti ndac̈ho chojni tehe o ni nahi?
24209	MAT 27:11	Joicao na Jesús ngain xigobernador que vinhi xa Pilato, co jehe xa joanchianguihi xa Jesús co ndac̈ho xa: ―¿Ajaha tti Rey de chojni judío? Jesús ndac̈ho ngain xa: ―Ján janha jañá inchin jaha ndac̈ho.
24211	MAT 27:13	Cottimeja Pilato ndac̈ho ngain Jesús: ―¿Attinha cain tti tendac̈ho na de ixin jaha?
24215	MAT 27:17	Co are cainxin chojni ẍatte na nttiha, Pilato joanchiangui ngain na co ndac̈ho: ―¿Quensen rinao ra tsanc̈hjanda janha para que jehe satsji; a Barrabás o ani Jesús, tti dinhi Cristo?
24219	MAT 27:21	Jehe Pilato joanchiangui ngain na iná, co ndac̈ho: ―¿Quexehe de cayoi xí tti rinao ra tsanc̈hjanda para que jehe satsji? Co cain jehe na vinttendac̈ho na: ―Barrabás.
24220	MAT 27:22	Pilato joanchiangui ngain na iná co ndac̈ho: ―¿Co quehe sinttaha janha conixin Jesús, tti dinhi Cristo? Cain na ndac̈ho na: ―¡Nchecrucificá!
24221	MAT 27:23	Cottimeja Pilato ndac̈ho ngain na: ―¿Quehe cosa jianha joinchehe? Pero jehe na cjan na ndac̈ho na sén iná: ―¡Nchecrucificá!
24308	MRK 1:24	―¿Quehe sinchehe nganji janha na, jaha Jesús de Nazaret? ¿Ajaha joihi para santsjena ra joachaxin que chonda na? Janha chonxin jaha co nona ixin jaha tti anto jian de ngain Dios.
24311	MRK 1:27	Co cainxin chojni que te nttiha ẍaon na co joanchianguihi chó na co ndac̈ho na: ―¿Quehe jihi? Ojé cosa jitjagoa na xí jihi. ¡Xí jihi chonda xa joachaxin hasta ttetonhe xa espíritu jianha, co espíritu jianha ditticaon tti ndac̈ho xa!
24337	MRK 2:8	Pero Jesús oconohe tti ẍaxaon ximaestro mé, co ndac̈ho ngain xa: ―¿Quedonda jañá ẍaxaon jaha ra?
24345	MRK 2:16	Co cai cjoi canxion ximaestroe ley co icanxin xifariseo ngain nchiandoha Leví. Cain chojni mé vicon ixin Jesús jine conixin tsje chojni que nchehe cosa jianha, co ndac̈ho cain xí mé ngain chojni que vacao Jesús: ―¿Quedonda ximaestroa ra jinecaho xa co dicaho xa xicobrador co icha chojni que nchehe cosa jianha?
24347	MRK 2:18	Nchanho mé chojni que vacao Juan co chojni que vacao xifariseo vinttecjáño na. Co icanxin chojni cjoi na ngain Jesús co joanchianguihi na co ndac̈ho na: ―¿Quedonda chojni que ẍicao Juan co chojni que ẍicao xifariseo dinttecjáño na pero chojni que c̈hjiho jaha nahi?
24348	MRK 2:19	Jesús ndac̈ho: ―¿Acaso cain chojni que ttji ngain ná vandango tti tottehe na nchao sinttecjáño na are ẍa nttiha jí xinovio ngain na? Nahi, jehe na c̈hoha sinttecjáno na si ẍa jí xinovio ngain na.
24354	MRK 2:25	Co Jesús ndac̈ho: ―¿Aẍa tsjeha ra tti jitaxin de ixin queẍén joinchehe David conixin cain xicompañeroe are vechondaha na tomi co venhe na jintta?
24361	MRK 3:4	Cottimeja joanchiangui Jesús ngain xicanxin co ndac̈ho: ―¿Quehe jiquininxin sinchehe ni ngain nchanho que nchejogaha ni? ¿Asinchehe ni jian o sinchehe ni jianha? ¿Atsanc̈hjandaha ni ndasenhe ná chojni, o ani nasoenxon ni? Co cain xa tencoa xa.
24380	MRK 3:23	Cottimeja Jesús vayé cain chojni mé co ndac̈ho ná ejemplo ngain na: ―¿Satanás queẍén sengui ẍajeho Satanás?
24390	MRK 3:33	Co Jesús ndac̈ho: ―¿Quensen jannana, co quecá xanchian?
24405	MRK 4:13	Ndac̈ho Jesús ngain na cai: ―¿Attinxinha jaha ra quehe rroc̈ho ejemplo jihi? ¿Mexinxin queẍén tsinxin jaha ra icha ejemplo que janha rrondac̈hjan?
24413	MRK 4:21	Cai ndac̈ho Jesús: ―¿Apoco ná chojni sinchegacaon ná lámpara cottimeja tsema lámpara mé ngaxinhi ná cajón o ngangui saoen? Nahi, chonda que tsín lámpara ngataha ná cosa noi para nchao sinchengasán ngaxinhi nchia.
24422	MRK 4:30	Cai ndac̈ho Jesús: ―¿Quehe cosa nchao sinttacaninxin tti ttetonha Dios?
24432	MRK 4:40	Cottimeja ndac̈ho Jesús ngain chojni que vacao: ―¿Quedonda anto ẍaon ra? ¿Quedonda ẍa chondaha ra confianza ngain Dios?
24433	MRK 4:41	Pero jehe na anto ẍaon na, co jeho na ndache chó na: ―¿Quensen jihi que hasta c̈hintto co jinda ditticaon tti jehe ndac̈ho?
24440	MRK 5:7	co ndac̈ho xa sén: ―¿Quedonda dixintte nganji, jaha Jesús, Xenhe Dios que ttjen ngajni? Conixin nombré Dios nttatsanha ñao que ncheguetanha na tangui janha.
24442	MRK 5:9	Co Jesús joanchiangui co ndac̈ho: ―¿Queẍén dinhi jaha? Co jehe espíritu jianha ndac̈ho: ―Janha dinhi na Legión ixin janha na anto tsje na.
24463	MRK 5:30	Cottimeja Jesús conohe ixin ná chojni ojoinchegonda joachaxin que chonda Jesús. Mexinxin ngaria Jesús co tsjehe ngayehe chojni co joanchiangui co ndac̈ho: ―¿Quensen catte lonttona?
24472	MRK 5:39	Jesús joixinhi co ndac̈ho ngain na: ―¿Quedonda anto toyao jaha ra co tsjanga ra? Xannc̈hichjan ndavenha xan, jeho tajijoa xan.
24478	MRK 6:2	Co are joí nchanho para nchejogaha chojni Israel, Jesús coexinhi cjoagoe na de ixin Dios ngaxinhi nihngo. Co tsje chojni tti coinhi quehe nichja Jesús goan na admirado co ndac̈ho na: ―¿Ttinó coanguixin xí yá cainxin cosa yá? ¿Queẍén xí yá anto jian chonxin de ixin Dios, co queẍén nchehe xa anto tsje milagro?
24498	MRK 6:22	Co ná xannc̈hí xenhe Herodías joixinhi xan co tte xan ngaxinhi nchia tti tenexin cainxin chojni mé. Herodes co icha chojni que tenecaho nttiha anto joincheẍoxinhi na ixin queẍén tte xannc̈hí mé. Mexinxin Herodes ndac̈ho ngain xannc̈hí mé: ―¿Quehe cosa rinao? Danchiana co janha rrochjaha.
24500	MRK 6:24	Jehe xan vac̈hje xan co ndac̈ho xan ngain janné xan: ―¿Quehe sanchiá rey? Co janné xan ndac̈ho: ―Danchiehe rey já Juan tti ncheguitte chojni.
24513	MRK 6:37	Co Jesús ndac̈ho: ―Jaha ra danjo ra tti sine na. Co jehe na ndac̈ho na: ―¿Queẍén janha na tsji na siquehna na niottja para sine cainxin chojni yá? Ixin tomi que sitte cain niottja que sine cain chojni yá inchin tsjexin tomi que dacha ná ninchehe ẍa yáto conittjao.
24514	MRK 6:38	Co Jesús ndac̈ho ngain na: ―¿Quejanhi niottja chonda ra? Sattji ra ditsjehe ra. Co are jehe na conohe na quejanhi niottja techonda na, joí na co ndac̈ho na ngain Jesús: ―Jí naho niottja co yó copescado.
24537	MRK 7:5	Cottimeja joanchiangui na ngain Jesús co ndac̈ho na: ―¿Quedonda chojni que c̈hjiho ditticaonha na costumbré ndogoelitoa na ẍanchjen? Ixin jehe na tonttiha na jinda tsje nttiha saho que jine na.
24550	MRK 7:18	Co Jesús ndac̈ho ngain na: ―¿Acai jaha ra ttinxinha ra? ¿Attinxinha ra que jeha tti jine chojni nchejianha na?
24573	MRK 8:4	Co chojni que vacao Jesús ndac̈ho na: ―¿Pero queẍén rrochjé na cain chojni yá sine na? Nttihi ẍonhi jí.
24574	MRK 8:5	Jesús joanchiangui ngain na co ndac̈ho: ―¿Quejanhi niottja chonda jaha ra? Co jehe na ndac̈ho na: ―Yáto niottja.
24581	MRK 8:12	Cottimeja Jesús váva soji co ndac̈ho: ―¿Quedonda chojni que techon jai rinao sicon ná señal de milagro? Janha seguro rrondac̈hjan que ni ná señal tsjagoaha na.
24586	MRK 8:17	Pero Jesús chonxin quehe ndache chó na co ndac̈ho ngain na: ―¿Quedonda tendac̈ho ra ixin ẍonhi niottja chonda ra? ¿Aẍa ttinxinha ra, ni ẍa noaha ra? ¿Achonda ra ansean ra anto cha?
24590	MRK 8:21	Cottimeja Jesús ndac̈ho ngain na: ―¿Aco ẍa ttinxinha ra ni ẍa noaha ra tti janha ndattjo ra?
24596	MRK 8:27	Cottimeja Jesús conixin chojni que vacao sacjoi na para ngain rajna que te ngain nonttehe Cesarea de Filipo. Co are tettji na ngatja nttiha Jesús joanchiangui ngain chojni que vacao co ndac̈ho: ―¿Quehe ndac̈ho chojni ixin quensen na janha?
24618	MRK 9:11	Cottimeja joanchianguihi na Jesús co ndac̈ho na: ―¿Quedonda ndac̈ho cain ximaestroe ley ixin Elías tti tsí saho que jaha?
24623	MRK 9:16	Co Jesús joanchiangui ngain tti nueve chojni co ndac̈ho: ―¿Quehe tetjao ra ximaestroe ley yá?
24626	MRK 9:19	Jesús ndac̈ho: ―¿Quedonda chojni jai c̈hoha ditticaon? ¿Hasta quesa janha chonda que sarihi nganji ra? ¿Co hasta quesa janha chonda que tsixinna nganji ra? Sicó ra chjan mé nttihi.
24628	MRK 9:21	Cottimeja Jesús joanchianguihi ndodé xan co ndac̈ho: ―¿Quejanhi tiempo tonhe xan janhi? Co ndodé xan ndac̈ho ndo: ―Desde ẍa nchín xan.
24635	MRK 9:28	Cottimeja Jesús conixin chojni que vacao joixinhi na ngain ná nchia. Co are jeho jehe conixin chojni que vacao, jehe na joanchiangui na ngain Jesús co ndac̈ho na: ―¿Quedonda janha na c̈hoha vengui na espíritu jianha yá?
24640	MRK 9:33	Cottimeja joiji na ngain rajna Capernaum co are ojoixinhi ngain nchia tti vintte na, Jesús joanchianguihi chojni que vacao co ndac̈ho: ―¿Quehe tedanchianguihi chó ra are joihi na ngatja nttiha?
24660	MRK 10:3	Cottimeja Jesús ndac̈ho ngain xa: ―¿Quehe coetonha ley que vayé Moisés?
24675	MRK 10:18	Jesús ndac̈ho: ―¿Quedonda ncheguinhi na janha jian? ẍonhi iná tti icha jian, jeho nacoaxinxon, co mé jehe Dios.
24683	MRK 10:26	Co are coinhi na yá, icha goan na admirado co joanchianguihi chó jeho na co ndac̈ho na: ―¿Mexinxin quensen nchao rrochonda iná vida naroaxin remé?
24693	MRK 10:36	Cottimeja Jesús ndac̈ho: ―¿Quehe rinao ra?