3	GEN 1:3	En avong enek, Ahi viteni vit, “!Maen meneai vakistal!” Ka meneai kistal.
5	GEN 1:5	Meneai enek, kei ling isen vi ‘Meneai;’ ka mankoli, ling isen vi ‘Vongien.’ Vongien va, meneai mai, koanek vi avong tai.
6	GEN 1:6	Evus, Ahi viteni vit, “!Maen mesaiuai tai vatiti vas atas vakeka out valu!”
9	GEN 1:9	Evus, Ahi viteni vit, “Maen atas koa mul netan vamai en out vatas, ka atan hemai hekikistal rani.” Ka kistal suval koa viteni.
11	GEN 1:11	Evus, kei viteni vit, “Maen out netan valing tounah keil vamoul ien: koakeil iling utite, koakeil iling aneite, ka koakeil ison heite koa utite mul ien.” Ka kistal suval koa viteni.
14	GEN 1:14	Evus, Ahi viteni vit, “Maen tounah keil koa aritin ikistal en teilang avoumon meneai hersuvaltei vongien. Itie lat avong keil ka sua keil, ka itie lati mun avong mal ten tounah keil ikistal ien.
20	GEN 1:20	Evus, Ahi viteni vit, “Maen tounah keil koa amoul ihilelau en atas. Ka maen aman keil ihilelau en teilang.”
22	GEN 1:22	Kei san tokolkatien onen min keil, viteni min koakeil amul en atas vit, “Mihehas hehi houlu ka hesakin atas hehilelau en kami.” Ka min aman keil viteni vit, “Kami mun, mihehas hehi houlu ka hesakin out netan hehilelau en kami.”
24	GEN 1:24	Evus, Ahi viteni vit, “Maen tounah vasi koa moul keil ikikistal en out netan: koakeil amah, ka koakeil ten eivorohus; koakeil amarite, ka koakeil avi havipi.” Ka mai kistal suval koa viteni.
28	GEN 1:28	Ka kei san tokolkatien onen min keilu ka viteni vit, “Milhekur titamil keil ihi houlu ka milhesakin keil ihilelau en out netan. Ka niling tounah keil koa moul en out netan hel en hemil: mesau keil ten atas, aman keil koa amuka en teilang, ka tounah sav emun koa amul en out netan.
29	GEN 1:29	?Millesi? En out netan, namumon tounah tateisav avitehiteh: koakeil aling utite, koakeil aling aneite, ka koakeil ason heite. Keil vasi taanien.
38	GEN 2:7	Evus, Iahova kur hati atan tai ka mumon meatin eni. Mumoni evus, museh en eang onen ten moulien va en vulingasin, ka meatin moul mea.
51	GEN 2:20	Mukonek, meatin enek ling isen aman vasi keil ka en tirendan keil emun. Ka rovotin etai koa vavinvin vato vatal mini ka vakatauni.
58	GEN 3:2	Ka ahin vit risi mini vit, “Melkilea melvan heiai vasi keil koa mul en ah ekek.
60	GEN 3:4	Ka tetal vit risi, “Koanik rovitei anatin. Milsakras milvamat.
65	GEN 3:9	Ka Iahova vise meatin vit, “?Meatin? ?Keik kave?”
67	GEN 3:11	Iahova visi vit, “?Isei viteni vit keik kovakaka hon? ?Mukave? ?Keik kokan heiai koa naviteni navit konaantei?”
70	GEN 3:14	Evus, Iahova viteni min tetal vit, “Ven koa komumoni mukok, nisan mahien minuk kos en tirendan vasi keil ka tounah sav koa amoul. Mahien koa nasani minuk ekek: kosa hetokol keite ten moulien onom, en avong vasi keil, kikea en vangom ka vulimeas hel en ongom lises.
76	GEN 3:20	Meatin koa mulamu, isen ‘Adam’ koa aneite teni vi ‘meatin.’ Ka en ahin onen, kei ling isen ‘Iv’ koa aneite teni vi ‘moulien’ veni kei vi mama onen meatin vasi keil koa amoul en out netan.
78	GEN 3:22	Lumusin evus, Iahova selus sasen vit, “Ekek, meatin mai suval iatel keke lumai lukileile en asa tahos ka asa tisa. Mukonek, tehermaentei keilu luhekur heiai tamun ran vatiai koa kilea vasan moulien ten lisenges. Veni munak luheani, lusakras luvamat.”
87	GEN 4:7	Munak komumon sakien koa mal, kimai kimal en metok. Ka munak komumon sakien koa tisa, tisaen mul suai vapurunuk suval tirendan tisa tai. Tisaen enek vit vahi hetetamen en moulien onom, ka keik esuk, kuasi heha netan ka kimai kihi hetetamen eni.”
106	GEN 4:26	Navong Set mai mariso, kur ahin tai. Ka navong ro ral mini, ahin onen kur natnali tai ka ling isen ‘Inos.’ En hati avong enek, meatin keil avita netan min Ahi ka avise rohtoh en ‘Iahova,’ isen kati koa vi votut. Set, moeite onen vi Inos. Inos, moeite onen vi Kenan. Kenan, moeite onen vi Mahalalel. Mahalalel, moeite onen vi Sered. Sered, moeite onen vi Inok. Inok, moeite onen vi Metuselah. Metuselah, moeite onen vi Lamek. Lamek, moeite onen vi Noah. Ka Noah, natnali etel, Sem, Ham ka Sevet. Meatin keil enek aka en vatiamal onen Adam ka moulien one tetaveah. Keil akur titae houlu mok ka avilelau en out vasi. Ka houlu en keil armusiltei mun Ahi.
156	GEN 6:18	Ka keik, inau numon hatkatien takeih hetal minuk keke nikur koe keik ka onom keil. Miheha en mari sip enek: keik, ahin onom, ka titam keil hetal min ahin one keil.
209	GEN 9:3	Mulamu, nasan heiai ka aneite ten anien enges min meatin keil akani. Ka kosa, nisan vuseri emun min kami taanien.
212	GEN 9:6	Meatin keil, namumon keil asuval nau. Sakini, munak meatin tai houas meatin sav hemat, kei mun, uasi hemat varei.
219	GEN 9:13	?Milesi? Naling mitiet koanik mul en mahmah ten teilang. Ka navong vasi koa meatin keil ilesi, indem kati keke hatkatien onak vi anatin.
274	GEN 11:7	Mukonek, tovahita netan ka tovahilehiles selusien one vasakin keil irlong kileatei keil eris.”
276	GEN 11:9	Sakini, avise mari meteimal enek en ‘Babilon’ koa aneite teni vi ‘vilehiles’ veni en out enek, Iahova vilehiles selusien onen meatin vasi keil ka riti rasilin keil vasi en out netan. Meatin keil arasil aro en out sav keil va vio … meatin tai avasi en vatiamal onen Sem, natin Noah, isen Ebram.
301	GEN 12:2	Mukonek, nisakin vatiamal onom hehi houlu mok, hemai hehi mari vangi meatin tai en out netan. Nitokol katuk ka numon isom heka vasi out ka meatin keil ilonglong eni. Ka heka enuk, tokolkatien onak heha min meatin keil ten out netan.
305	GEN 12:6	Ebram ka meatin keil onen aka pas kantri enek va vio … umai en out koa avise en ‘Sekem.’ Ka en out enek, en out koa avise en ‘Morah,’ amumon votevav keil one vesesal en mari vatiai tai koa matu vis matu, out koa meatin sav keil uva netan min ahi keil one ien. (En avong koanek, koakeil ten out Kenan avi horetan veah en out enek.)
337	GEN 13:18	Sakini Ebram mea va ral min onen keil, uva vio … arokol out Hibron. Ka amumon votevav keil ome en out koa avise en ‘Mamre,’ vesesal en mari vatiai koa matu vis matu, out koa meatin sav keil uva netan min ahi keil one ien. Ka en out enek, Ebram kur mari ahat keil ka mumon ahor ten sanien ka munit sanien votut vina min Iahova.
363	GEN 15:2	Ka Ebram vit risi mini vit, “?Iahova, sanien koanek hekataunau hemukave, veni titiali onak tovuol veah? Meatin koa vi houlu en teim onak hekur vasi tounah onak navong nimat, isen Eliesar ten out Damaskas.
411	GEN 17:13	Keil vasi iha en vekahoi. Mukonek, out koa amumon vekahoi eni en avemi hetie lati min meatin keil vasi keke mimusil kat hatkatien takeih onak koa reingeingeni vavus.
412	GEN 17:14	Munak meatin etai hervatei en vekahoi, hervitei mun meatin tai onak, veni kei rolong kattei hatkatien takeih onak.”
415	GEN 17:17	Ebraham malingling ven Ahi, nan rokol atan, ka mul viteai min kei sasen. En rendemien onen vit, “?Meatin kilea vasan ehon min ahin tai navong sua onen rokol handred tai (100)? ?Ka Serah emun kilea veah vakur ehon navong sua onen rokol hanumau ehat ka halualim emun (90) tuai?”
521	GEN 21:7	?Isei kilea vahitehiteni min Ebraham keke inau etin, nitounat en titiali tai? Mukos navi tovuli, ka nakur titan ulmatu onak.”
550	GEN 22:2	Ahi viteni mini vit, “Kikur natmali kati koa Aesak, koa envatien onom mariso mul ien, ka kihina en atan ten out Moraea. Ekonek en hou tai koa nitie minuk, ku vini ka kiniti hehi sanien tai onom minau.”
553	GEN 22:5	Navong lesi mukok, Ebraham viteni min meatin toumien keilu onen vit, “Milheto ekok hetal dongki ekek. Ehon ekek ka inau melheha en out keiva ekek, ka melheha netan min Ahi. Evus, melhemai ris ven kamil.”
561	GEN 22:13	Ebraham lele ka les nani rendan koa meahos, hon verai mul en holeai tai. Sakini, luv lat viau ran Aesak ka va kur nani keke vakur vulin natnali. Muasi mat ka muniti suk vi sanien onen vina min Ahi.
679	GEN 25:20	Aesak, sua onen hanumau elu (40) navong retalihe ral min Rebekah, natnahin Betuel (koan Aramea ten out Mesopotemia) ka ahinali Leban.
693	GEN 25:34	Katau suk, Siekob san sup ka veret mini. Kei kanian ka mun hati oai tai, evus, mea va. Mukos, Esao mundem maen vulin kati ten moeite.
741	GEN 27:13	Mama onen viteni mini vit, “Natkuli, munak hemukonek, sesendaen enek hersuttei keik, hesut inau nges. Kikalah, kumon asas naviteni, kiha kikur nani elu hemai venau.”
747	GEN 27:19	Siekob vit, “Inau Esao, titam koa moeite. Namumoni suval koa koviteni minau. Mea, tondan revi ka kian vuseri koa nakuri minuk. Ka navong kiani hevus, kokilea kovasan tokolkatien onom minau.”
757	GEN 27:29	Ahi houmon meatin keil um minuk, meatin keil ten kantri sav keil ihouhou minuk. Kihi hetetamen helin tumali keil, titan mama onom keil iha netan enuk. Meatin keil koa isesenda enuk, Ahi hesesenda en keil. Ka koakeil isan selusien ten tokolkatien minuk, Ahi hetokol kat keil!”
764	GEN 27:36	Esao viteni vit, “Hatte elu keinek keke kei sak luvos nau. Isen koa vi Siekob mal varei. Mulamu, kei kulat vuluk ten moeite ranau, ka kosa, kei kulat tokolkatien emun ten moeite ranau. ?Korling etai li hati tokolkatien onom vahi onak?”
774	GEN 27:46	Sakini, Rebekah va ven Aesak ka viteni mini vit, “Avek mah varei ven sakien onen ahin Hitaet keitel eke koa Esao kuri. Munak Siekob emun hekur ahin Hitaet etai, tahos imok inau nimat enges.”
775	GEN 28:1	Sakini, Aesak vise Siekob ka meng kati vit, “More minuk natkuli. Ek vati konatetalihetei natal min ahin ten out Kenan.
776	GEN 28:2	Hemukonek, kiha en out Mesopotemia en teim sen avu onom Betuel, ka kikur ahin en out enek. Natnahin avov onom, Leban, sua one vinvin avatetalihe.”
779	GEN 28:5	Evus, Aesak sila Siekob va en out Mesopotemia ven Leban koa vi natin Betuel ten out Eram. Kei vi tunali Rebekah, mama onen Siekob ka Esao.
1021	GEN 35:9	Navong Siekob mea ran out Mesopotemia, Ahi kistal veni en out Betel hatte tamun ka rokol kat risi.
1023	GEN 35:11	Inau navi ‘El-Sadai,’ koa aneite teni vi ‘Ahi ten Keihoen.’ Mihelah titiali keil hehi houlu. Mari vangi meatin keil houlu ika enuk ka tei en keil imai ihi asuv houlu keil.
1038	GEN 35:26	Ehon keil koa aka en Silpah, ahin toumien onen Leah, mukok: Kat ka Aser. Koakeil enek avi natin Siekob keil koa mama one avasi keil en kantri ten out Mesopotemia.
1090	GEN 37:6	Kei vit, “Mihelong matil vovoien onak.
1094	GEN 37:10	Kei vit usil matil vovoien onen emun min tata onen ka tata onen vul kati vit, “?Matil vovoien sa ke? ?Keik komundemi kovit tumali keil, mama onom, ral min inau mun mehemai meheha netan minuk?”
1101	GEN 37:17	Meatin enek vit, “Uva tuai. Naraengoni avit avaha en taon ten out Dotan.” Sakini Siosep mual valekat keil, ka votin keil en out Dotan.
1103	GEN 37:19	Aviteni min keil eris avit, “Meatin ten matil vovoien enek mul mai.
1110	GEN 37:26	Sudah viteni min tunali keil vit, “Munak rehou suain tuak orer, rosakras rovakur etai tounah koa tahos.
1112	GEN 37:28	Ka navong tei en keil umai vesesal, tunali keil aleh lat Siosep ran vulvul ka amaen lati ven keil. Me-Mid keil enek avul lati en mani koa silva vi hanumau (20), ka akuri uva en out Isip.
1116	GEN 37:32	Ka keil akur eisin omon va ven tata one ka avit, “Meles tounah ekek. ?Rovitei onen natmali?”
1156	GEN 39:6	Sakini, veni Siosep mul lei kat revi tounah vasi onen, Potifar romundem etai mun tounah. Mundem anien enges koa kei vani. Siosep, aven tahos ka veinan malikuh imok,
1164	GEN 39:14	kei visohiso keih min meatin toumien onen keil vit, “Alles eisin ekek, omon koan Hibru koa meatin onak kuri ka lingi ro teim. Kei vit voum vatisa min ir. Mai en out namatil ien, vit vasak tisa enau, ka inau, navisohiso keih.
1178	GEN 40:5	En vongien tai, meatin keilu enek lumatil vovoi. Matil vovoien onealu tateisav ka aneite teni mun tateisav.
1181	GEN 40:8	Keilu luvit, “Komal vasi melmatil vovoi, ka meatin tovuol ekok vata usili.” Ka Siosep viteni min keilu vit, “Ahi enges kilea vahit luvat matil vovoien keil. Matil vovoien onamil, luhiteni minau.”
1187	GEN 40:14	Ka napeahik, kindem kat nau li munak tounah vasi tahos minuk ka kihit usil nau min asuv houlu. Mukonek vahera kikataunau nimea ran eim takeih ekek.
1208	GEN 41:12	Meatin hau tai koa vi koan Hibru ro ral min komal, vi slev onen asuv onen meatin taleikokoeien keil. Navong melviten matil vovoien onomal mini, kei ra usil aneite teni min komal.
1221	GEN 41:25	Navong Siosep long matil vovoien elu onen, viteni mini vit, “Matil vovoien keilu enek, aneite teni vatte tas. Ahi mul viteni minuk asa koa houmoni en avong keil koa hemai.
1232	GEN 41:36	Anien keil enek heles hetokol avong keil ten amai koa hemai en out Isip. Mukonek, meatin keil asakras avamatmat ven amai.”
1239	GEN 41:43	Evus, san kat koa hos lehei keke Siosep heloh eni, koanek vi onen meatin koa vi he matu onen asuv houlu. Ka navong mul muloh eni, meatin keil avisohiso avit, “!Almalingling! !Avat ten Kavmen mul mai, almalingling!” Mukonek, Siosep mai vi Avat ten Kavmen ten out Isip.
1246	GEN 41:50	Mulamu en avong ten amai, Siosep kur ahin tai, isen Asenat, natnahin pris tai, isen Potefara. Kei kur titan Siosep elu.
1247	GEN 41:51	En moeite onen ling isen Manase koa aneite teni vi ‘ek vobong’ veni vit, “Ahi sakinau ek vobongen mahien onak ka koakeil en teim onen tata onak.”
1250	GEN 41:54	avong ten amai mai suval koa Siosep viteni. Mari amai mul en kantri sav keil emun, ka en out Isip enges, anien mul ien.
1253	GEN 41:57	Meatin keil umai en out Isip aka en out sav houlu avahul uti uit veni anien tovuol en out vasi.
1255	GEN 42:2	Naraengoni keke pulaoa mul en out Isip. Miheha en out enek, mihehul tei hesakini rehermattei ven amai.”
1260	GEN 42:7	Navong Siosep les keil, lei kilea tunali keil ka mumoni suval koa kei reingeingen keil. Vis keih imok min keil vit, “?!Mika kave!?” “Komai meka en out Kenan. Emai vati mivahul tei pulaoa.”
1364	GEN 45:5	Minalongtei natisa vuo minaselus kattei kami ven asa koa mimumoni. Tounah koa mimumoni enau vi hatkatien onen Ahi. Kei sila nau namulamu en kami makataun moulien onen meatin keil.
1368	GEN 45:9	“Mihekalah miheha ven tata, mihehiteni mini mihehit, ‘Natmali Siosep vit Ahi mumon kei vi Avat ten Kavmen en out Isip. Konatontei, kikalah kiha.
1369	GEN 45:10	Kito en atan ten out Kosen vesesal venau: keik, natmali keil, avu onom keil, sipsip keil esom, nani keil esom, ka buluk keil esom emun. Mihekur vasi tounah keil onami imai.
1370	GEN 45:11	Munak kito en atan en out Kosen, nakilea malei kat kami. Sua elim (5) veah mul mai keke anien hetovuol. Ka ek rovattei keik, vuo onom keil vuo tounah keil koa milei kati avamat ven amai.’”
1417	GEN 46:30	Siekob viteni min Siosep vit, “Munak nimat kosa, nimat hetal min tomat veni nalesuk en metok keke komoul.”
1448	GEN 47:27	Me-Isrel keil aro en out Kosen en kantri ten out Isip. Tounah keil one mai vi houlu ka titae keil umai avi houlu vis avi houlu mok.
1453	GEN 48:1	Avong vahis muli, Siosep kur selusien tai koa vit, “Tata onom mesai.” Sakini, kur titan keilu, Manase ka Efrem, telva telsao eni.
1457	GEN 48:5	Evus, Siekob viteni mun vit, “Siosep, ehon onom koa avasi keilu en out Isip mulamu en avong numai ekok, nikur kan keilu luhehi onak. Efrem ka Manase luhesuval ehon onak keilu, Ruben ka Simeon.
1458	GEN 48:6	Munak ehon tei ris ikistal enuk, ihi onom esuk. Atan koa keil ikuri, ikuri ran out koa nisani min Efrem ka Manase.”
1465	GEN 48:13	Sakini Siosep ling Efrem en usiven Siekob koa meil, ka Manase en usiven matu.
1466	GEN 48:14	Ka Siekob mupes en hen esuk, ka ling hen matu mul en vatin Efrem, avaseini vi tasite. Ka hen meil, lingi mul en vatin Manase koa vi moeite.
1469	GEN 48:17	Navong Siosep les tata onen ling hen matu mul en vatin Efrem, rositei veni. Sakini mul sak vakulat hen tata onen ran vatin Efrem ka valingi en vatin Manase.
1471	GEN 48:19	Tata onen seseini vit, “!Natkuli, nakilea! Vatiamal onen Manase imai ihi vangi meatin tai koa hemarite. Ka vatiamal onen tunali koa tasite imai ilin onen keil, imai ihi mari vangi meatin keil koa hehi houlu mok.”
1472	GEN 48:20	Sakini kei rokol kat keilu en avong enek vit, “Me-Isrel keil ihit usil keilu en avong ten tokolkatien ihit, ‘Ahi hetokol katuk hesuval koa kei mumoni en Efrem ka Manase.’” En sakien enek, Siekob ling Efrem mulamu en Manase.
1484	GEN 49:10	Hiasuvien ten keihoen onen asuv houlu keil hel lisenges en Sudah ka vatiamal onen. Meatin keil ten kantri sav ihouhou mini, ilong kati ka isan sanien keil one mini.”
1530	GEN 50:23	Kei moul semau les titan Efrem keil ka havinali keil. Les titan Makir koa vi natnali Manase, ka kur revi keil umai en vatiamal onen.
1532	GEN 50:25	Evus Siosep vis keil avoumon hatkatien tai mini vit, “Mihehat kati minau keke navong Ahi helamun kami miheha en atan enek, mihekur kat sik ran von tatetahinien onak hetal min kami ka mihetahini ien.”
1533	GEN 50:26	Rovitei tuetin, Siosep mat. Sua onen rokol handred tai ka halualim mun (110). Musil sakien onen me-Isip keil, asak revi teiai onen keke navotei ka alingi matil en bokis ten matien.
1542	EXO 1:9	Kei viteni min meatin onen keil vit, “Me-Isrel keil avi houlu ramat ka keihoen one muli ir.