399	GEN 17:1	Navong Ebram, sua onen vesesal vatokol handred tai (99), Iahova kistal veni ka viteni mini vit, “!Inau, navi Ahi ten keihoen! Kilong kat nau ka lises kumon tounah koa mal en metok.
559	GEN 22:11	Ka hatte tas, angelo onen Iahova viso ka en out nesa vit, “!Ebraham, Ebraham!” Ka kei vit risi vit, “O-o, inau li ke.”
762	GEN 27:34	Navong Esao raengoni, longe tisa ka muai roha vit, “!Tata, tokol kat nau li mun!”
1158	GEN 39:8	Ka Siosep seseini ka viteni mini vit, “!Ei, asuv onak mundesinau ka ling tounah vasi onen en hek keke nilei kati. Kei romundem etai mun tounah en teim onen.
1162	GEN 39:12	Ka navong ahin onen Potifar lesi, vuli kat eisin onen ka vit, “!Amai, matil vatal minau!” Ka kei seseini, mul lohosai rani, ka ling eisin tai omon mules en hen.
1470	GEN 48:18	Kei viteni min tata onen vit, “!Vuo, romukteinek! Kiling hem matu hemai ekok en vatin koa moeite.”
1471	GEN 48:19	Tata onen seseini vit, “!Natkuli, nakilea! Vatiamal onen Manase imai ihi vangi meatin tai koa hemarite. Ka vatiamal onen tunali koa tasite imai ilin onen keil, imai ihi mari vangi meatin keil koa hehi houlu mok.”
1584	EXO 3:4	Navong Iahova les Mosis mul mai vesesal, vise ka en holeai enek vit, “!Mosis, Mosis!” Ka Mosis vit risi mini vit, “O-o, inau li ke.”
1848	EXO 12:31	En vongien enek, asuv houlu sisil en Mosis keilu Eron ka vit, “!Mihemea, miheha ran meatin keil onak ka miheha ran kantri onak, kamil hetal min me-Isrel vasi keil! Miheha netan min Iahova suval koa milvis inau eni.
5967	JOS 6:16	Ka navong akarahiti evus, en avong oulu (7) teni, navong pris keil armuhtei mau hon ten mari sipsip one, Sosua viso keih va min meatin keil vit, “!Almakul, veni Iahova san taon ekek min kami!
7282	1SA 3:4	En vongien enek, Iahova vise Samuel vit, “!Samuel, Samuel!” Ka kei vit risi mini vit, “!O-o!”
7500	1SA 13:13	Navong Samuel kistal ka lesi keke Sol mumon sanien votut tuai, kei selus keih mini vit, “!Ei, komumon tounah hit kovi varu! Keik kormusiltei mengkatien keil onen Iahova koa vi Ahi onom. Munak kovousil mengkatien keil onen, kei vamaenuk ka natmali keil koa ikistal ika enuk keke mivalosil kat me-Isrel keil heha vio … keite teni hetovuol.
7575	1SA 15:13	Sakini, Samuel va en out Kilkal ka votin Sol ien. Ka navong Sol lesi, mai veni ka viteni mini vit, “!Samuel, Iahova hetokol katuk. Inau namum vasi tounah koa kei meng kat inau keke moumoni.”
8273	2SA 11:11	Uraea vit kesi mini vit, “!Asuv, nasakras! Kosa, me-Isrel keil ka me-Sudah keil amules en votevav keil ome. Ka Bokis ten Hatkatien Takeih onen Ahi mules matil en eim tavolin tai enges. Avat onak, Soab, ral min avat tavaeen sav keil onom, keil amules amatil hae en mesaiuai. Sakini, romaltei keke inau maha teim, maanian vatahos, mamun hati uaen ka mamatil vatal ahin onak. !Navat kati keih minuk keke nasakras moumoni!”
9383	1KI 18:39	Navong meatin keil alesi, keil vasi umot avita netan ka avisohiso avit, “!Iahova, kei vi Ahi anatin! !Iahova, kei enges vi Ahi!”
9567	2KI 2:12	Navong Elisa lesi, kei vis keih va min Ilaetsa vit, “!Ilaetsa, tata onak eli! !O tata onak eli! Keik koa kolei kokoe en komai, me-Isrel keil, ral keihoen onom koa mulin hos ka kat keil tavaeen, kosa kolokovein komai.” Ka navong Elisa rolestei mun, rangisi ka rali vas eisin omon.
13332	JOB 20:2	“!Siob, kosakin tinok vepeng vareis! Nirto raengtei mun. Kosa, nihit kes selusien onom.
13875	JOB 40:7	“!Kilomal, munak kovit kovi meahos! Kihit kes selusien koa mahisi minuk.
17842	ISA 6:3	Ka navong amuka, avisohiso va min keil eris avit, “!Votut, votut, votut! !Iahova, Asuv Houlu ten out nesa, vi votut! Keihoen onen mariso ka sien out netan.”
18811	ISA 55:1	Iahova selus min meatin keil onen ka en provet Aesea vit, “!Ei, kami vasi koa maroro kat kami, oai keiek, mihemai mihemuni! Ka kami koa mani onami tovuol, almai alhul anien ranau ka miheani. Anatin, almai venau ka alhul uaen ka melik, veni inau nisa maeni min kami suval sanien enges.
19032	JER 1:17	“!Seremaea, mea, kisak meseinuk ka kiha! Kiha kilomal ka kihitehiten tounah vasi koa nameng katuk kovahiteni. Kosa, konametautei kovaselus en meten meatin keil. Veni munak kil kimetau, asa koa inau numoni heha katuk hesakinuk kimetau hemarite mok en mete.
19504	JER 20:13	“!Sakini, mihesau min Iahova! !Anatin, mihehati lat Isen! Veni kei mul mutut koakeil meatin sav keil amul apurun keil, ka mul lah lat keil ran hen koakeil atisa.”
21890	DAN 3:14	Navong telmai, selus min keitel vit, “!Sadrak, Misek ka Abednego! ?Mukave? ?!Anatin keke kamitel emitel rovattei mitvaha netan min ahi onak keil ka mitroretengeiriltei min nana koa vi gol koa inau navat lati!?
21902	DAN 3:26	Sakini Nebukanesa mual va vesesal en voiteh ten oven ka vise keil vit, “!Sadrak, Misak, ka Abednego, meatin keitel onen Ahi anatin, telmea telmai hae!” Sakini, telmea telkistal ran ahang.
23268	MAT 3:7	Farasi ka Satusi keil houlu mun umai ven Sion keke vahi baptaes en keil. Ka navong Sion les keil selus keih kat keil vit, “!Ei, kami mivi vangi tetal tisa keil koa mimul mirili meatin keil en ongomi! ?Isei sel kat kami keke mivalohosai ran mahien koa Ahi hesani min kami?
23288	MAT 4:10	Ka Iesu vit kesi vit, “!Temat, keik kiha soutin ranau! Inau nirmumontei, veni Tus Votut viteni vit, ‘!Miheha netan min Iahova koa vi Ahi onami, ka mihelong kat kei enges!’”
23439	MAT 8:25	Ka keil uva veni ka asisil eni avit, “!Asuv, kataun komai li! !Rovamat enga ke!”
23451	MAT 9:3	Tei en tiser keil ten mengkatien onen Mosis aro vesesal, ka navong alonge mukok aviteni min keil eris avit, “!Ei, meatin ekek mul selus kekar va kat Ahi! !Kei enga vit kur keihoen suval onen Ahi, veni Ahi enges kilea vakulat tisaen!”
23454	MAT 9:6	Ka vasakin kami miheilea keke Natin Meatin kur keihoen en out netan voumon methos vatal min Ahi ka meatin, miheles koanik …” Ka Iesu viles les meatin koa usiven mat ka viteni mini vit, “!Kimea, kilum lat vulum, ka kiha ris teim som!”
23692	MAT 14:26	Ka navong meatin keil onen alesi mul mual en oai, keil ametau varei ka amis kai avit, “!Ei, ninin tai keinek!”
23694	MAT 14:28	Ka Pita vit kesi mini vit, “!Asuv, munak keik anatin, kihiteni minau moual en oai mahat venuk!”
23696	MAT 14:30	Ka navong les tahe keil amariso ka longe keke eang muhuh keih, Pita metau ka mul visair vita en oai. Navong lesi mukok, kei mis kai vit, “!Asuv, kikataunau li!”
23763	MAT 16:22	Navong Iesu viteni mukok, Pita kur seheni havivi ka selus keih mini vit, “!Asuv, konaselustei namukonek! !Tounah enek sakras vakistal enuk!”
23773	MAT 17:4	Navong Pita les keilu, viteni min Iesu vit, “!Asuv, tahos imok keke komaitel metro ekok! Munak keik em hehati, numon votevav hetel: tai onom, tai onen Mosis, ka tai onen Ilaetsa.”
23883	MAT 20:22	Iesu viles les natnali keilu ka vis keilu vit, “Kamil milreingeingen asa koa milmul milvis inau eni. ?Mukave? ?Kamil milkilea milvakur sakvisien ka mahien keil hesuval koa inau niha nikuri?” Ka luvit kesi mini luvit, “!Anatin, melkilea!”
24158	MAT 26:35	Ka Pita viteni keih tamun vit, “!Vuo, hermukteinek! !Avaseini munak nimat hetal minuk, inau nasakras mahiteni keke narkileatei keik!” Ka meatin sav keil onen aviteni vatte tas.
24172	MAT 26:49	Sakini Sudas ka mal va ven Iesu, musi ka vit, “!Tiser, more!”
24223	MAT 27:25	Ka vangi meatin keil avit kesi avit, “!Tahos, ran hel en hemai ka en hen titamai keil!”
24238	MAT 27:40	avit, “!Ei, keik koa kovit ku rasilin Eim Votut ka kum risi en avong hetel enges, hetahos imok keke kikataun vis keik sasom enges! !Munak kovi Natin Ahi anatin, kisuvul ran aiveave enek!”
24301	MRK 1:17	Viteni min keilu vit, “!Lumai, milhousil nau! Kosa millah mesau enges, ka inau nihisein kamil mukave milhelah meatin keil.”
24304	MRK 1:20	Navong les keilu, vise keilu vit, “!Lumai, milhousilnau!” Sakini, luvut ran vot ka lumea ran tata onealu ral min meatin toumien keil oneatel, ka luva lumusil Iesu.
24368	MRK 3:11	Ka navong meatin keil koa ninin tisa mul en keil alesi, uva netan mini, ka amis kai avit, “!Keik, kovi Natin Ahi!”
24429	MRK 4:37	Ka navong amul uva, Iesu mul matil usae en oulung tai en valengei vot. Rovitei tuetin, amutimanin, eang takeih tai muhuh keih. Sakini, oai langlango ka mul rasil va neim en vot, vesesal keil avamarindu. Navong meatin keil onen ales asa koa mul kur out, ametau houlu ka uva asilasil en Iesu avit, “!Tiser, rovamat ke! ?Keik kormundemtei usil moulien orer?”
24525	MRK 6:49	Ka navong alesi keke Iesu mul mual en hoi oai mukok, amis kai avit, “!Ei, ninin tai!”
24602	MRK 8:33	Ka Iesu viles, lei rahit meatin keil onen, ka selus keih min Pita vit, “!Temat, kiha ranau! !Rendemien onom musil rendemien onen meatin keil ten out netan, ka romusiltei rendemien onen Ahi!”
24633	MRK 9:26	Ninin enek mis kai, maleilei keih, ka mea rani. Ka navong lokoveini, ehon enek rokaikaitei mun suval mat varei. Sakini, meatin tei keil avit, “!Ei, kei mat tuai!”
24704	MRK 10:47	Navong kei raengoni keke Iesu ten out Nasaret mul mai, kei visohiso vit, “!Iesu, Natin asuv houlu Deved! !Em hemahis inau li!”
24730	MRK 11:21	Pita rendem ris en tounah koa kur out ka viteni min Iesu vit, “!Tiser, kilesi! Vati fik koa kosesenda eni mukou tuai.”
24854	MRK 14:31	Ka Pita viteni keih tamun vit, “!Vuo, hermukteinek! !Inau, nimat hetal minuk! !Inau, nasakras mahiteni keke mahit inau narkileatei keik!” Ka keil vasi aviteni vatte tas.
24975	LUK 1:13	Ka angelo viteni mini vit, “!Sakaraea, konametautei! Ahi long hisien onom tuai. Ahin onom, Elsavet, hervitei tuetin hekur natmali tai, ka kiling isen hehi ‘Sion.’
25101	LUK 3:7	Vangi meatin keil houlu umai ven Sion keke vahi baptaes en keil. Ka Sion selus keih min hetetamen onen Siu keil koa umai veni vit, “!Ei, kami mivi vangi tetal tisa keil koa mimul mirili meatin keil en ongomi! ?Isei sel kat kami keke mivalohosai ran mahien koa Ahi hesani min kami?
25166	LUK 4:34	“!Ei, Iesu ten out Nasaret! ?!Kovit kovoumon sa min komai!? ?Kumai keke kovou lin komai? !Inau nakileak, keik kovi Meatin Votut onen Ahi!”
25202	LUK 5:26	Meatin vasi keil amutimanin ka amundem usili houlu. Amasmas Ahi avit, “!Kosa, ir roles tounah sal tai koa marite mok!”
25203	LUK 5:27	Katau en avong enek, Iesu kistal ran eim enek ka mual va. En ualien onen, kei les Siu tai koa mul mum en kavmen, isen Livae. Kei mul rondan en out toumien onen keke meatin keil ihul takis one heha mini. Navong Iesu lesi, vise vit, “!Amai, kusil inau!”
25278	LUK 7:14	Evus, Iesu va vesesal ven keil, mutelan hen, ka rokol avet onen litetai koa mat. Sakini koakeil avousi avati keil. Evus, Iesu viteni vit, “!Litetai, naviteni minuk, kimoul eris!”
25280	LUK 7:16	Meatin vasi keil amutimanin ka avati lat isen Ahi avit, “!Kosa, provet tai koa vi hetetamen imok mul ral min ir!” Ka koakeil emun avit, “!Ahi mai tuai keke vakataun meatin keil onen!”
25338	LUK 8:24	Sakini uva ven Iesu, ka avise lati ran matilien onen ka avise keih mini avit, “!Asuv, asuv! !Rovamarindu kei!” Iesu mea ka meng kat eang ka oai luvahati keilu. Hatte tas, eang ka oai lulong kat ren, ka out mai mutaeng ka vi tasioh.
25342	LUK 8:28	En avong vasi, ninin tisa mumon meatin enek vi vau houlu. Meatin sav keil asak visi vahuli kati keke nakakatei mun. Aling hen keilu ka alen tanetan keilu en aean ka apar kat keil vasi en sen koa keih. Ka avaseini, kei rali kotehei. Evus, ninin tisa likati va en out volvol vato sasen. Navong les Iesu, muai roha keih, mai vesesal veni, ka retengeiril netan mini. Iesu meng kat ninin tisa enek valokovein meatin ekek. Sakini, ninin tisa koa mul ien viso vina mini vit, “!Iesu, Natin Ahi ten out nesa! ?!Kumon sa li varei minau!? !Napeahik, konoumontei inau li nanakur mahien nahi houlu!”
25368	LUK 8:54	Evus, Iesu va vuli kat hen atouli ka viteni mini vit, “!Atouli, mea!”
25403	LUK 9:33	Ka tellei kilea keke luvi Mosis ka Ilaetsa. Ka navong tellesi keke lumul luva, Pita mea ka selus min Iesu vit, “!Asuv, tahos imok keke komeitel metro ekok! Methoumon votevav etel: tai omom, tai omon Mosis, ka tai mun omon Ilaetsa.” Pita reingeingen asa koa mul viteni.
25449	LUK 10:17	Navong meatin keil hanumau etel ka halualim emun (70) koa Iesu sila keil uva amum umai ris, umai ris ral min sien. Keil aviteni min Iesu avit, “!Asuv, komai mesak revi meatin keil ka melesi mun keke ninin tisa keil along kat komai navong memeng kat keil en isom keke avaha!”
25602	LUK 13:15	Ka Iesu vit kesi mini vit, “!Aue, kami mimutolas en hilivemi enges! Veni en Sabat, kami mun mimum. Anatin, kami mimul miluvat buluk keil osomi ka milisein keil vakataun keil keke akilea avaanian.
25795	LUK 18:38	Navong metovar longe mukok, kei viso keih vit, “!Iesu, natin asuv houlu Deved! !Em hemahis inau li!”
25799	LUK 18:42	Ka Iesu viteni mini vit, “!Tahos, kilele ris! Ven demkatien onom keih, metom keilu lumai ris lutahos.”
25808	LUK 19:8	Navong Iesu ka meatin sav keil amul semau en teim sen, Sakias mea mulomal ka viteni min Iesu vit, “!Asuv, kitaengonau! Nititi vasi tounah vasi keil onak ihi vangite helu, ka vangite tai, nisani min koakeil tounah one tovuol. Ka munak navenan mani ran etai meatin en umen onak, nisa kesi mini ka niling kati hatte hetel eris.”
25839	LUK 19:39	Ka navong tei en Farasi keil koa amul en vangi meatin keil enek along selusien one, aselus keih min Iesu avit, “!Tiser, kimeng kat meatin keil onom avato raeng!”
25864	LUK 20:16	Kei houmoni hemukok: hemai hou vini keil vasi imat. Hevus, hemaen nei grep osen min meatin sav keil ilosil kat revi.” Ka navong meatin keil alonge mukok, keil aviteni mini avit, “!Ei, Ahi sakras vamaen koanek vakur out!”
25964	LUK 22:31	Evus, Iesu viteni min Saemon Pita vit, “!Saemon, Saemon kitaengonau! Temat vis Ahi keke vasak vis kami vasi, ka Ahi maeni tuai keke vailea anatinien ten demkatien onami.
25966	LUK 22:33	Ka Pita mea ka viteni mini vit, “!Asuv, inau nasak mesei keke maha en eim takeih vatal minuk ka mamat vatal minuk!”
25971	LUK 22:38	Navong meatin keil onen along selkatien onen aviteni mini avit, “!Asuv, les visi! Naef elu tavaeen keiek.” Ka Iesu vit kesi min keil vit, “Koanek vinvin etin.”
25984	LUK 22:51	Ka Iesu vit, “!Ei, vus tuai!” Evus, kei mutelan hen rokol ralingen slev enek ka sak revi.
25989	LUK 22:56	Evus, ahin toumien tai lesi keke ahang ritin en veinan Pita. Sakini, lei mamah kati ka vit, “!Ei, meatin ekek emun vi tai en koakeil amusil Iesu!”
25991	LUK 22:58	Avong havivi mai muli, ka meatin tamun lei kilea Pita ka viteni mini vit, “!Keik emun kovi tai en keil!” Ka Pita muun eris vit, “!Ei, narvitei tai en keil!”
26162	JHN 1:49	Nataniel mutimanin ka viteni mini vit, “!Tiser, keik kovi Natin Ahi anatin! !Keik kovi asuv houlu ten out Isrel koa memul merosini!”
26240	JHN 4:15	Ahin enek viteni mini vit, “!Asuv, san tei li oai enek minau! Hemukonek, maroro herkattei mun inau, ka nirmualtei mun nimai ekonek en avong vasi keke maseh oai.”
26289	JHN 5:10	Navong meatin enek koa Iesu sak revi mul mual va, hetetamen keil onen Siu keil alesi ka avul kati avit, “!Ei, Sabat kosa! Mengkatien keil orer viteni keke romaltei kovahous vulum koa komatil ien kosa.”
26537	JHN 9:28	Navong alonge mukok, hetetamen keil onen Siu keil aselus kutut kat meatin enek avit, “!Ei, keik varei kovi meatin tai onen! Ka komai, mivi meatin keil onen Mosis.
26635	JHN 11:43	Navong viten selusien enek evus, Iesu viso keih vit, “!Lasaros, amai hae!”
26707	JHN 13:8	Ka Pita viteni keih vit, “!Vuo, kirkastei alok en avong etai!” Iesu vit, “Munak nirkastei alom, usite onom tovuol enau.”
26708	JHN 13:9	Ka Saemon Pita vit, “!Asuv, munak hemukonek, konakasteis alok! !Kikas hek keilu ka vatuk emun!”
26894	JHN 18:40	Ka keil avisohiso keih avit, “!Vuo, emai rovattei meatin enek! Emai vati keke mihelokovein Barabas hemaluv.” Ka Barabas vi lariken tai.
26908	JHN 19:14	Avong koanek vesesal vahi taviai en avong koa amul asak mesein tounah ten Anien ten Mul Laui ien. Ka Paelet viteni min Siu keil vit, “!Keiek, asuv houlu onami!”
26909	JHN 19:15	Ka keil avisohiso keih avit, “!Uasi! !Uasi! !Ti kati en aiveave!” Paelet vis ris keil vit, “?Anatin? ?Emi vat inau mati kat asuv houlu onami en aiveave?” Ka asuv keil onen pris keil avit kesi avit, “!Sisa, kei sasen enges vi asuv houlu onomai!”
27025	ACT 2:7	Keil amusil ka avis keil eris avit, “!Ei, meatin keil ekek koa amul aselus ekok, keil vasi avi me-Kaleli keil enges!
27281	ACT 8:36	Ka navong lumul lumusil sise luva, lumai en out tai koa oai mul ien. Sakini, hetetamen enek viteni min Pilip vit, “!Kilesi, oai mul ekek! Ka munak komundemi kovit tahos, kihi baptaes enau li eni.”
27289	ACT 9:4	Sol mot vita netan. Ka navong mul en atan mukok, long rea tai koa viteni mini vit, “!Sol, Sol! ?Vensa komul kosak purun inau ral min meatin keil onak mukok?”
27325	ACT 9:40	Ka Pita vis keil keke ilokoveini iha hae. Uva evus, retengeiril ka vis min Ahi. Evus, kei les teiai onen Dorkas ka viteni vit, “!Tapita, mea!” Hatte tas, meten mule. Ka navong les Pita, mea rondan en avet onen.
27341	ACT 10:13	Navong lesi mukok, long rea tai koa viteni mini vit, “!Pita, mea! Kuas tei en keil ka kiani.”
27342	ACT 10:14	Ka Pita vit kesi vit, “!Asuv, nasakras moumoni vamukok! Veni, en moulien onak, narkan vis etai tounah koa romutotei vuo romaltei taanien en metom.”
27493	ACT 14:10	ka viso va mini vit, “!Kimea, kilomal!” Navong meatin enek longe mukok, vut vina nesa ka mual.
27915	ACT 26:24	Navong Pol mul semau selus kilea usite onen en kot mukok, avat Festus viteai vit, “!Pol, kovi vau vareis! Ileilien onom mariso ramat ka mules purun vatum.”
27973	ACT 28:6	Meatin keil amul arosin hen vatetep vuo kei vamot enges vamat. Ka navong amul avong taveah neli ka arles etai tounah vakula, aviles rendemien one ka avit, “!Ei, vahesa meatin ekek vi ahi tai!”
30363	JAS 2:3	Ka vahit mivalei kilea kei koa musin tahos mivahit, “Amai mau, kitondan en more out tatondanien ekek.” Ka vahit mivahiteni min kei koa musin en musi eisin mivahit, “!Kiha, kitoseh!” vuo, “!Amai! !Kitondan en atan keiva!”
30969	REV 12:10	Evus, naraengon rea takeih tai en out nesa viteni vit, “!Kosa, Ahi mutut meatin keil onen ral min keihoen onen! !Kosa, kei vothot en hiasuvien onen ka mita keke valosil kat keil! Kosa, kei ling keihoen koa marite mok en hen Mesaea koa kei rie lati. Veni tai koa mulomal en meten Ahi orer ka mul selus karen isen tuer ka ahiner keil meneai ka vongien, kosa, aso lati tuai ran out nesa.
31103	REV 19:17	Evus, nales angelo tai mulomal en meteiai. Kei viso keih va min aman vasi keil koa amul amuka en teilang vit, “!Almai, ka mihelah ruai out hetas ven mari anien onen Ahi!
31125	REV 21:3	Evus, nalong rea takeih tai selus ka vesesal en mari vulin ten keihoen onen Ahi vit, “!Kosa, teim onen Ahi mul ral min meatin keil ten out netan! Kei heto hetal min keil, ka keil ihi meatin keil onen. Ahi kei enges varei heto hetal min keil, ka hehi Ahi one.