24566	MRK 7:34	Ntá konta chꞌán nka̱jní kꞌuáváxin chꞌán na ntá nixje̱he̱ chꞌán tí chꞌín tienhya a, ntáchro chꞌán kíxin: ―Efata ―mé tꞌaxrjexín nkíve̱e sín kíxin: ¡Tsoxitje̱he̱!
31087	REV 19:1	Ntá chrꞌéxi̱n ntá kui̱nha̱n itén nchónhya nkexro tjejó nkaya nka̱jní itsen nixja, ntáchro sín kíxin: ¡Aleluya! Kjuasáyé Dios kuaáxinni la ko jehe chꞌán tꞌinkaséyanxín chꞌán ti jeheni la imá chónta kjuachaxin Dios kuènteni.
31090	REV 19:4	A̱ ntá tí veinticuarto tí sín táda la ko tí noó nkexro tjejóchón tjejóxin tochꞌin sín hasta káxi̱n kja sín nonte kjuikosáyéhe sín Dios tí nkexro tjetja̱xi̱n tí trono la ntáchro sín kíxin: ―¡Amén! ¡Aleluya! ¡Kjuasáyé Dios!
31092	REV 19:6	Kja̱xin kui̱nha̱n nkehe éxí itén nchónhya chojni éxí nchónhya nta̱río sítóvéntó la ko imá itsen sítjonta la ntáchro kíxin: ¡Aleluya! Kjuasáyé Ìnchéni ó kjuankíxin tꞌe̱to̱an Ìnchéni Dios kuènteni chónta kaín kjuachaxin.