23218	MAT 1:5	reꞌ Salmon xacꞌunej cho i Wohos naxicꞌam i Rahaw chi rehqꞌue̱n, eh reꞌ Wohos xacꞌunej cho i Ower naxicꞌam i Rut chi rehqꞌue̱n, reꞌ Ower xacꞌunej cho Isayih,
23253	MAT 2:15	eh ar xo̱j cahnok chi cꞌacharic cu rehtal xquimic je Hero̱res. Chi jeꞌ reꞌ kꞌuruꞌ xponic wach rikꞌorbal i kAja̱w Dios rikꞌorom cho chi jeꞌ wili ru̱cꞌ chi̱ꞌ raj kꞌorol riCꞌuhbal reꞌ Ose̱yas ribihnal: “Cu pa riyukꞌul i Eji̱pto xnitakꞌa̱ꞌ je ricꞌamaric i wAcꞌu̱n, nqui Dios, nqui aj kꞌorol reꞌreꞌ.
23342	MAT 5:39	«Coric ruꞌ chi jeꞌ reꞌ nquikꞌor, raj laꞌ hin nikꞌor aweh tak chi ma̱ban tak chic rijelow-bal i chaj bih tiꞌcꞌaxic nbanaric aweh tak. Jeꞌ ricab cu̱cꞌ take quisecꞌbic aweh tak nikꞌor chi maꞌ ticꞌuꞌlunic tak chi quiwach. On wi reꞌ take reꞌ nca̱j woꞌ quitikim juꞌ aseqꞌueric tak, chacana̱ꞌ tak chi encaꞌn aweh tak.
23345	MAT 5:42	Jeꞌ woꞌ chic, wi wilic jenoꞌ ripahkaj ritoꞌbal aweh tak, chayew tak reh i paꞌ bih ripahkaj. On wi xipahkaj riquime̱l aweh tak, ma̱ban woꞌ tak chi maꞌ eta nayew tak reh.
23395	MAT 7:10	On wi cꞌahchiꞌ ripahkam jenoꞌ rica̱r, jenoꞌ cꞌachlic laj a̱kꞌ na chic eriyew reh chi jelow-bal?
23423	MAT 8:9	Jeꞌ reꞌ nikꞌor ruꞌum nok reꞌ quikꞌorbal take wilic cajawric n-nimjic jeꞌ ricab niban i hin cu̱cꞌ take ajabe̱s wilque̱b chi nina̱, on jeꞌ ricab ncaꞌn take niso̱l chꞌi̱l take waj camanom wilque̱b pa nikꞌab, nquinimej woꞌ nikꞌorbal. Jeꞌ ricab wi reꞌ hin nitakꞌa̱ꞌ take je niso̱l chi nacojic, chi jumehkꞌil quiꞌo̱j. On wi xnikꞌor queh chi naquichalic, chi jumehkꞌil woꞌ ti quichalic. Jeꞌ woꞌ cu̱cꞌ take waj camanom, wi jenoꞌ chi quixilac xnikꞌor reh chi naroquic chi camanic, chi jumehkꞌil woꞌ ti noquic chi ribanaric i paꞌ bih nikꞌor reh, nqui winak reꞌreꞌ.
23507	MAT 10:21	«Ruꞌum reh ninimjic, naricꞌuluric woꞌ chi wilic aweh tak naquikꞌahsjic pan kꞌab awaj cansanel tak cuꞌum take awaj pan pa̱t tak. Jeꞌ reꞌ kꞌuruꞌ, wi reꞌ nchel asbe̱s acꞌun aj nimem wi̱n, narikꞌahsjic pan quimic ruꞌum richa̱kꞌ. On wi reꞌ nchel i chakꞌbe̱s acꞌun aj nimem wi̱n, narikꞌahsjic pan quimic ruꞌum i ras. Jeꞌ woꞌ, wi reꞌ ok nchel ajabe̱s aj nimem wi̱n, narikꞌahsjic pan quimic ruꞌum i racꞌu̱n eh wi reꞌ ok acꞌunbe̱s aj nimem wi̱n, narikꞌahsjic woꞌ pan quimic ruꞌum i raja̱w.
23521	MAT 10:35	Ruꞌum aj reꞌreꞌ wilic woꞌ na naricꞌuluric wi̱ꞌ i wili chi quixilac take aj niminel wi̱n chꞌi̱l take maꞌ reꞌ ta take aj niminel wi̱n: Wi reꞌ ok nchel ajabe̱s on tutbe̱s aj niminel wi̱n, narixowjic riwach ruꞌum racꞌu̱n on rixkꞌu̱n. On wi reꞌ ilꞌi̱b aj niminel wi̱n, narixowjic wach ruꞌum ritu̱t ribahi̱l.
23583	MAT 12:25	Chi rehtꞌalim chic i Jesus chaj bih cꞌahbil laj capew-bal poyo̱j cho wach ru̱cꞌ quikꞌorbal xquikꞌor take reꞌreꞌ, jeꞌ wili xikꞌor queh: «Wi reꞌ take pahbamaj chi raj toꞌo̱l jenoꞌ kꞌatal kꞌoric nquixowej qui̱b, reꞌ rilokꞌil ricamaj i kꞌatal kꞌoric chi quina̱, xa ewoꞌ no̱j wach acꞌal. On wi reꞌ take cꞌacharel chipam jenoꞌ tinamit quixowem quiwach chi quibil qui̱b, reꞌ tinamit reꞌreꞌ xa na woꞌ risahchic wach. Jeꞌ woꞌ, wi reꞌ take cꞌacharel chipam jenoꞌ pa̱t quixowem woꞌ quiwach, xa na woꞌ quichꞌaklom qui̱b?
23750	MAT 16:9	On jaꞌ narak ta na tak chiri̱j chi wilic wajawric chi riyeꞌeric aweh tak reꞌreꞌ jeꞌ ricab xniban ru̱cꞌ i hoꞌo̱b chi caxlan wiꞌc xniquet wi̱ꞌ take cꞌacharel reꞌ xiqꞌuic chi cablaj ikꞌob lajcꞌahl (5,000) qꞌuihal take? On xiqꞌuic na ti pan acꞌux tak cu jarub chic chacach chi caxlan wiꞌc xamol tak reh risowrahil i hoꞌo̱b ti chi caxlan wiꞌc reꞌreꞌ?
23896	MAT 21:1	Nok wilco̱j chic ar pan tinamit Wetpaqueh ribihnal reꞌ wilic je maꞌ naht ta je ru̱cꞌ i tinamit Jerusalen reꞌ wilic woꞌ chi rilahkꞌ i yeꞌa̱b reꞌ ribihnej “Yeꞌa̱b queh take tic Oli̱wo ribihnal”, reꞌ Jesus xikꞌoꞌrej take je quib chi kich nahsil i hoj cablaj chi raj tahkanel chi naritakꞌa̱b je take.
24029	MAT 24:3	Chiri̱j i wili, nok wilco̱j chic ponok chipam i yeꞌa̱b reꞌ ribihnej “Yeꞌa̱b queh take tic Oli̱wo ribihnal”, reꞌ hoj raj tahkanel naxkilow chi xa rutquel chic tzꞌuklic i Jesus, xkajil cok ki̱b ru̱cꞌ eh xkabiraj reh chi jeꞌ wili: «Ajabe̱s, chacuy chakꞌor keh jaruj naricꞌuluric nicꞌ nimal xakꞌor keh chiri̱j i kꞌi̱j natisoljok cho ricaꞌpech eh jeꞌ woꞌ nicꞌ wach nacuxꞌok wach chiꞌnchel ayuꞌ. Chakꞌor woꞌ keh, haj wilic take rehtalil nariwihꞌic chi pe̱t chi cꞌuhtbal reh chi qꞌuisi̱n chic maꞌ nponic i kꞌi̱j reꞌreꞌ? kojqui reh.
24044	MAT 24:18	On wi pan awabi̱x ok wilca̱t tak cho maꞌ tisoljic woꞌ tak chic cho pan apa̱t tak chi ricꞌamaric jenoꞌ ajalba̱l tak.
24115	MAT 25:38	On, haj woꞌ xkilow awach chi xa jeꞌ hat behel pan katinami̱t eh xkayew apatal? Eh haj woꞌ xkilow awach chi xa maꞌ rikꞌor ta chic coric asoꞌ chawi̱j eh reꞌ hoj xkayew ajalba̱l?
24121	MAT 25:44	«Ru̱cꞌ take kꞌoric reꞌreꞌ, reꞌ take maꞌ coric ta wach quicꞌux naquibiram woꞌ wi̱n chi jeꞌ wili: ‹Ha̱w, haj nchel xkilow cho awach chi reꞌ hat, hat aj cuyul wiꞌc haꞌ? On chi xa jeꞌ hat behel pan katinami̱t? On chi maꞌ rikꞌor ta chic coric asoꞌ chawi̱j? On chi hat yowa̱b? On chi naxatwihꞌic cho pan che̱ꞌ eh maꞌxta bih jenoꞌ atoꞌbil xkaꞌn aweh? nqui woꞌ naquikꞌorom wi̱n.
24153	MAT 26:30	Chiri̱j chic wili, xquibichej wach i bi̱ch ocronak take chi ribichjic wach chiwach akꞌab jeꞌ ricab reꞌreꞌ eh naxquicohlaj wach i quiwaꞌ quiha̱ꞌ xquicora̱ꞌ je chipam i yeꞌa̱b reꞌ ribihnej “Yeꞌa̱b queh take tic Oli̱wo ribihnal”.
24710	MRK 11:1	Chiri̱j chic ruꞌ reꞌ Jesus chꞌi̱l take cablaj chi nahsil raj tahkanel xiꞌiqꞌuic ponok chi quixilac take tinamit Wetpaqueh chꞌi̱l i Weta̱nya quibihnal reꞌ ncꞌutunic chic je wi̱ꞌ i yeꞌa̱b reꞌ ribihnej “Yeꞌa̱b queh take tic Oli̱wo ribihnal”, reꞌ wilic woꞌ chi rilahkꞌ i tinamit Jerusalen. Ar kꞌuruꞌ maꞌ naht ta chic je ru̱cꞌ i tinamit Jerusalen, reꞌ Jesus xikꞌoꞌrej take je qui̱b queh cablaj chi nahsil raj tahkanel chi naritakꞌa̱b je take
24789	MRK 13:3	Chiri̱j chic naxiponic chipam i yeꞌa̱b reꞌ ribihnej “Yeꞌa̱b queh take tic Oli̱wo ribihnal”, reꞌ ncꞌutunic je chiwach i Lokꞌ laj Pa̱t reꞌ nlokꞌonjic wi̱ꞌ wach i Dios, reꞌ maꞌ Luch chꞌi̱l i maꞌ Jaco̱wo chꞌi̱l maꞌ Wa̱n chꞌi̱l woꞌ maꞌ Tirix xiponic ru̱cꞌ Jesus nok tzꞌuklic chi rutquel eh jeꞌ wili xquikꞌor reh:
24798	MRK 13:12	«Maꞌ xa reꞌ ta reꞌ na̱cꞌulum tak, til nikꞌor laꞌ chi wilic aweh tak naquikꞌahsjic pan kꞌab awaj cansanel tak cuꞌum take awaj pan pa̱t tak. Jeꞌ reꞌ kꞌuruꞌ, wi reꞌ nchel asbe̱s acꞌun aj nimem wi̱n, narikꞌahsjic pan quimic ruꞌum richa̱kꞌ. On wi reꞌ nchel i chakꞌbe̱s acꞌun aj nimem wi̱n, reꞌreꞌ, narikꞌahsjic pan quimic ruꞌum i ras. Jeꞌ woꞌ, wi reꞌ ok nchel ajabe̱s aj nimem wi̱n, narikꞌahsjic pan quimic ruꞌum i racꞌu̱n eh wi reꞌ ok acꞌunbe̱s aj nimem wi̱n, narikꞌahsjic woꞌ pan quimic ruꞌum i raja̱w.
24802	MRK 13:16	On wi pan awabi̱x wilca̱t tak cho maꞌ tisoljic woꞌ tak chic cho pan apa̱t tak chi ricꞌamaric jenoꞌ ajalba̱l tak.
24849	MRK 14:26	Chiri̱j chic wili, xquibichej wach i bi̱ch ocronak take chi ribichjic wach chiwach akꞌab jeꞌ ricab reꞌreꞌ eh naxquicohlaj wach i quiwaꞌ quiha̱ꞌ xquicora̱ꞌ je chipam i yeꞌa̱b reꞌ ribihnej “Yeꞌa̱b queh take tic Oli̱wo ribihnal”.
25126	LUK 3:32	Reꞌ Tawiy racꞌu̱n cho i Isayih; reꞌ Isayih racꞌu̱n cho i Ower; reꞌ Ower racꞌu̱n cho i Wohos; reꞌ Wohos racꞌu̱n cho i Salmon; reꞌ Salmon racꞌu̱n cho i Nahason;
25272	LUK 7:8	Jeꞌ reꞌ nikꞌor maj reꞌ quikꞌorbal take wilic cajawric n-nimjic jeꞌ ricab niban i hin cu̱cꞌ take ajabe̱s wilque̱b chi nina̱, on jeꞌ ricab ncaꞌn take niso̱l chꞌi̱l take waj camanom wilque̱b pa nikꞌab, nquinimej woꞌ nikꞌorbal. Jeꞌ ricab, wi reꞌ hin nitakꞌa̱ꞌ take je niso̱l chi nacojic, chi jumehkꞌil woꞌ ti quiꞌo̱j. On wi xnikꞌor queh chi naquichalic, chi jumehkꞌil woꞌ ti quichalic. Jeꞌ woꞌ cu̱cꞌ take waj camanom, wi jenoꞌ chi quixilac xnikꞌor reh chi naroquic chi camanic, chi jumehkꞌil woꞌ ti noquic chi ribanaric i paꞌ bih nikꞌor reh, nqui xitakꞌa̱ꞌ rikꞌormojic i cajawil sol reꞌreꞌ.
25485	LUK 11:11	Chiri̱j chic ruꞌ jeꞌ woꞌ chic wili xikꞌor queh: «Wilic na jenoꞌ ajabe̱s, wi reꞌ racꞌu̱n cꞌahchiꞌ ripahkam riwaꞌ, abaj chic eriyew reh chi jelow-bal? On wi cꞌahchiꞌ ripahkam jenoꞌ rica̱r, jenoꞌ cꞌachlic laj a̱kꞌ na chic enayew tak reh chi jelow-bal?
25580	LUK 12:52	Chi jeꞌ aj reꞌ kꞌuruꞌ yuꞌna johtok chi kawach jeꞌ wili naricꞌuluric chi quixilac take aj niminel wi̱n chꞌi̱l take maꞌ reꞌ ta take aj niminel wi̱n: Wi pan jenoꞌ pa̱t, kakꞌor chi wilic hoꞌo̱b ok chi cꞌacharel, wi xib ok take aj tahkem wi̱n, narixowjic quiwach cuꞌum take qui̱b. On wi reꞌ quib aj tahkem ok take wi̱n, narixowjic quiwach cuꞌum take xib.
25581	LUK 12:53	On pan jenoꞌ chic pa̱t, kakꞌor chi reꞌ acꞌunbe̱s aj niminel wi̱n, narixowjic wach ruꞌum i raja̱w. On wi reꞌ ajabe̱s aj nimem wi̱n, narixowjic wach ruꞌum racꞌu̱n. On wi reꞌ tutbe̱s aj niminel wi̱n, narixowjic wach ruꞌum rixkꞌu̱n. On wi reꞌ ok nchel ixkꞌunbe̱s aj niminel wi̱n, narixowjic wach ruꞌum ritu̱t. Jeꞌ woꞌ, wi reꞌ ilꞌibe̱s aj niminel wi̱n, narixowjic woꞌ wach ruꞌum ritu̱t ribahi̱l. Wi reꞌ ritu̱t ribahi̱l aj niminel wi̱n, narixowjic woꞌ wach ruꞌum rilꞌi̱b, nqui Jesus.
25583	LUK 12:55	On nanawil tak chi reꞌ su̱tzꞌ nsoljic woꞌ chic je, jeꞌ wili nakꞌor tak: ‹Tzꞌaꞌ poꞌ kꞌi̱j naribanam ikal, tiqui tak eh jeꞌ woꞌ reꞌ riban.
25701	LUK 16:12	On wi maꞌ xaꞌn tak i coric ru̱cꞌ abihomal tak reꞌ xa okxaꞌnamaj pan akꞌab tak, nicꞌ woꞌ wach nok reꞌ Dios erichꞌica̱ꞌ ricꞌux chi riyeꞌeric pan akꞌab tak i ribihomal reꞌ na̱wehcham tak?
25756	LUK 17:36	On wi quib ok chi winak camanic ncaꞌn pan abi̱x, jenaj queh naresmejic je chiwach i tiꞌcꞌaxic eh reꞌ jenaj chic naricanabjic cahnok chipam, nqui Jesus queh.
25821	LUK 19:21	Jeꞌ reꞌ ajic maꞌxta nicamanej wach atzꞌa̱k ruꞌum xinyoꞌjic chawach maj reꞌ hat kꞌe̱ꞌ hat cow ru̱cꞌ ricamanjic wach atzꞌa̱k. Jeꞌ ricab wi xo̱j pa ri̱j atzꞌa̱k, namakꞌ ripa̱t reꞌ ncahnic pan cꞌa̱s awu̱cꞌ, to̱b ta maꞌ reꞌ hat xat-tikꞌinic reh pa̱t. On natakꞌa̱ꞌ rijacharic pa̱m i yeꞌa̱b reꞌ toco̱m xbanic wi̱ꞌ tic abi̱x, nqui reh.
25829	LUK 19:29	Nok reꞌ Jesus chꞌi̱l take cablaj chi nahsil raj tahkanel cꞌahchiꞌ quiqꞌuic ponok chi quixilac take tinamit Wetpaqueh chꞌi̱l i Weta̱nya reꞌ ncꞌutunic chic je wi̱ꞌ i yeꞌa̱b reꞌ ribihnej “Yeꞌa̱b queh take tic Oli̱wo ribihnal”, xikꞌoꞌrej take je qui̱b queh cablaj chi nahsil raj tahkanel chi naritakꞌa̱b je take
25837	LUK 19:37	Chiri̱j chic ruꞌ xiponic chipam i yeꞌa̱b reꞌ ribihnej “Yeꞌa̱b queh take tic Oli̱wo ribihnal”. Ar ajic nok naquimolom chic jok i kajic chipam i be̱h rimol jok ar Jerusalen, reꞌ take quitahkanic reh Jesus pꞌuht quitioxem johtok i Dios. Reꞌ take tinamit reꞌreꞌ, ruꞌum quilom cho nicꞌ nimal lokꞌ laj nawa̱l ribanam cho i Jesus, xa suk chic pan quicꞌux
25932	LUK 21:37	Jeꞌ aj reꞌ niqꞌuic wi̱ꞌ kꞌi̱j i Jesus chi cꞌuhtunic cu̱cꞌ take tinamit ar chi chi̱ꞌ i pa̱t reꞌ nlokꞌonjic wi̱ꞌ wach i Dios xa reꞌ cok ruꞌ nanoquic i kꞌi̱j, ricana̱ꞌ cahnok i yeꞌa̱b reꞌreꞌ eh ar chic no̱j chipam i yeꞌa̱b reꞌ ribihnej “Yeꞌa̱b queh take tic Oli̱wo ribihnal” chi ricꞌsjic i akꞌab.
25959	LUK 22:26	Ra̱j nchel chaxilac hat-tak maꞌ jeꞌ ta reꞌ i noꞌjbal naribanaric, jeꞌ laꞌ wili ra̱j banaric: Xa hab wach ra̱j ribanam ri̱b chi nim wach chiban ri̱b chi tꞌuch ok ti wach. On hab wach ra̱j ribanam chi ajabe̱s, chiban chi jeꞌ ok ti ricab jenoꞌ aj tzꞌeꞌ wa̱ch reh jenoꞌ ni̱m.
25972	LUK 22:39	Naxelic je Jesus chipam i pa̱t reꞌreꞌ chi tahkamaj je cuꞌum take nahsil raj tahkanel, xo̱j woꞌ chic chipam yeꞌa̱b reꞌ ribihnej “Yeꞌa̱b queh take tic Oli̱wo ribihnal”, jeꞌ ricab riban chiꞌnchel akꞌab.
26001	LUK 22:68	On wi eta nak nibiraj aweh tak hab wach aj chiri̱j nkꞌoric riCꞌuhbal i Dios, maꞌ eta woꞌ nak quinacꞌuꞌlej tak cho. Jeꞌ aj reꞌ to̱b ta woꞌ nak enabiraj tak ricorquil, reꞌ hat-tak maꞌ eta woꞌ nak quinawokꞌtaj tak je ruꞌum chi cu nachꞌukum tak kꞌoric chi nina̱.
26451	JHN 8:1	Chiri̱j chic reꞌ, reꞌ Jesus xo̱j ricꞌsaj akꞌab chipam i yeꞌa̱b reꞌ ribihnej “Yeꞌa̱b queh take tic Oli̱wo ribihnal”.
26737	JHN 13:38	Reꞌ Jesus jeꞌ wili xicꞌuꞌlej wi̱ꞌ: «Reꞌ hat na̱yeb acꞌacharic chiwi̱j? Maꞌ eta soꞌ naꞌn nakꞌor reꞌreꞌ. Til coric nikꞌor aweh chi chiwach akꞌab nok wilqui̱n pan quikꞌab take waj ixowonel jeꞌ wili na̱banam: Oxpech na̱kꞌorom chi maꞌ awehtꞌalim ta niwach eh nok akꞌorom chic oxpech chi jeꞌ reꞌ, narikꞌoric cho i las, nqui Jesus.
26949	JHN 20:13	Reꞌ take aj tzꞌeꞌ wa̱ch reꞌreꞌ, naxquilow chi okꞌic riban i Mari̱ya, jeꞌ wili xquikꞌor reh: «Tu̱t, chaj waꞌric chi okꞌic naꞌn? nqui take reh. Reꞌ Mari̱ya jeꞌ wili xikꞌor queh: «Okꞌic niban ruꞌum chi reꞌ ritiꞌjolal ajabe̱s reꞌ ncꞌambic nak nibe̱h, xquicꞌam je reh chi naquimukꞌa̱b pan jenoꞌ chic toco̱m yeꞌa̱b, yuꞌna maꞌ wehtꞌalim ta haj xponic quiyew cho, nqui Mari̱ya.
27004	ACT 1:12	Chi jeꞌ aj reꞌ, reꞌ take nahsil raj tahkanel i Jesus xiꞌelic cho chipam i yeꞌa̱b reꞌ ribihnej “Yeꞌa̱b queh take tic Oli̱wo ribihnal” reꞌ jeꞌ na qꞌuisi̱n maꞌ me̱ra o̱ra chi behic wilic je ru̱cꞌ tinamit Jerusalen eh xisoljic woꞌ chic cho chipam i tinamit Jerusalen.
28088	ROM 3:29	Ru̱cꞌ wili cꞌahchiꞌ na nchel nikꞌorom chi reꞌ Dios xa awuꞌum hat-tak ra̱ꞌ riꞌsil cho maꞌ Israhel lokꞌomaj wach? On jeꞌ woꞌ na cuꞌum take maꞌ reꞌ ta ra̱ꞌ riꞌsil cho maꞌ Israhel? Til nikꞌor aweh tak chi reꞌ Dios lokꞌomaj woꞌ wach cuꞌum ruꞌ!
28245	ROM 9:22	Jeꞌ ricab riban aj tikꞌem tzꞌak acꞌal icom kꞌuruꞌ, jeꞌ woꞌ reꞌ i Dios wilic woꞌ rajawric chi ribanaric haj wilic i ra̱j ribanam ku̱cꞌ. On nacapaj na hat-tak chi maꞌxta rajawric? Wi jeꞌ reꞌ nacapaj tak, chaj bih nakꞌor tak kꞌuruꞌ chiri̱j i wili reꞌ riban i Dios chiqui̱j take aj mahc? Ruꞌum reh quimahc take cꞌacharel jeꞌ woꞌ ruꞌum chi kꞌe̱ꞌ cakranak cu̱cꞌ, reꞌ Dios xitikꞌa̱ꞌ wach risacharic quiwach xa reꞌ laꞌ ruꞌ nok jeꞌ reꞌ xa̱j ribanam chi cꞌuhtbal reh rijoskꞌil chi quina̱ eh jeꞌ woꞌ chi narilmijic chi wilic rajawric chi ribanaric haj wilic i ra̱j, reꞌ peꞌ chic i wili xiban: Reꞌreꞌ xuyꞌej chi reꞌ take aj mahc naquijalam wach quinoꞌjbal chi naricuyum quimahc
28248	ROM 9:25	Reꞌ kꞌoric reꞌreꞌ nkilow woꞌ chipam i hu̱j tzꞌihmbimaj cho ruꞌum i raj kꞌorol i Dios reꞌ Ose̱yas ribihnal naxikꞌor cho chi jeꞌ wili kꞌoric xiban i Dios: “Nariponic i kꞌi̱j reꞌ hin nanikꞌorom i wili chiqui̱j take cꞌacharel jeꞌ ru̱cꞌ maꞌ reꞌ ta take nitinami̱t yuꞌna: ‘Reꞌ take cꞌacharel reꞌreꞌ nitinami̱t chic take, nqui nanikꞌorom. Eh chiqui̱j take cꞌacharel jeꞌ ru̱cꞌ maꞌ jaꞌ quicꞌulum ta nicꞌaxbal nanikꞌorom woꞌ chi jeꞌ wili: ‘Reꞌ take cꞌacharel reꞌreꞌ, yuꞌna naquicꞌulum chic i nicꞌaxbal, nqui nanikꞌorom, nqui kꞌoric xikꞌor.
28249	ROM 9:26	Jeꞌ woꞌ chic, chipam i hu̱j tzꞌihmbimaj ruꞌum i Ose̱yas wilic woꞌ take kꞌoric xikꞌor i Dios chi jeꞌ wili: “Coric ruꞌ, to̱b ta reꞌ hin xnikꞌor chi reꞌ take cꞌacharel reꞌreꞌ maꞌ reꞌ ta nitinami̱t take, chipam i yeꞌa̱b xnikꞌor wi̱ꞌ chi jeꞌ reꞌ, reꞌ chic i wili narikꞌormojic chiqui̱j: ‘Reꞌ Dios reꞌ nyeꞌbic kacꞌacharic cꞌahchiꞌ chic rikꞌorom chi reꞌ take cꞌacharel reꞌreꞌ racꞌu̱n rixkꞌu̱n chic i Dios take, nqui narikꞌormojic, nqui kꞌoro̱j cho ruꞌum i Dios.
28250	ROM 9:27	Jeꞌ aj reꞌ chipam i hu̱j xitzꞌihmbaj i Ose̱yas nkilow i kꞌoro̱j ruꞌum i Dios chiri̱j i kꞌoric xitakꞌa̱ꞌ rikꞌormojic keh hoj chiꞌnchel cꞌacharel. Maꞌ xa reꞌ ta reꞌ rikꞌorom cho i Dios, chipam laꞌ woꞌ i hu̱j tzꞌihmbimaj cho ruꞌum i maꞌ Isayi̱yas nkilow i kꞌoro̱j wili chiki̱j i hoj ra̱ꞌ riꞌsil cho maꞌ Israhel: “Coric ruꞌ, jeꞌ ricab riqꞌuihal i sani̱b wilic lok chi chi̱ꞌ rinimal cho̱, jeꞌ woꞌ reꞌ qꞌuihal take ra̱ꞌ riꞌsil cho maꞌ Israhel xa reꞌ laꞌ xa maꞌ qꞌuih ta woꞌ ti take naquicoꞌljic chiwach i tiꞌcꞌaxic chalic reh.
28271	ROM 10:15	On maꞌ eta woꞌ riban chi enkꞌormojic ribiral i Jesus wi maꞌxta jenoꞌ takꞌamaj cho ruꞌum i Dios chi rikꞌormojic i ribiral reꞌreꞌ. Jeꞌ aj reꞌ cuꞌum queh take takꞌamaj take cho chi aj kꞌoro̱l cꞌuhbal nchalic i sukquil cꞌuxlis chi quina̱ take cꞌacharel. Reꞌ Lokꞌ laj Hu̱j tzꞌihmbimaj wi̱ꞌ riCꞌuhbal i Dios jeꞌ wili rikꞌor chiri̱j reꞌreꞌ: “Kꞌe̱ꞌ sukquil cꞌuxlis ricꞌam cho quicꞌulic take lok aj kꞌoro̱l reꞌ quikꞌoric reh take holohic laj kꞌoric nyeꞌbic sukquil quicꞌux take cꞌacharel, nqui rikꞌor.
28294	ROM 11:17	Ruꞌum chi jeꞌ reꞌ quilmijic nbanaric cho take cꞌacharel reꞌreꞌ, reꞌ hin nikꞌor woꞌ chic i wili: Reꞌ take ra̱ꞌ riꞌsil cho maꞌ Israhel jeꞌ ru̱cꞌ maꞌ nquicꞌuꞌlej ta na̱ i kꞌoro̱j ruꞌum i Dios ncꞌuluric cu̱cꞌ jeꞌ ricab ncꞌuluric ru̱cꞌ take kꞌab jenoꞌ che̱ꞌ xa tico̱j Oli̱wo ribihnal chi reꞌ aj ticol reh riyocꞌ lok take kꞌab eh pan quijelow-bal take kꞌab reꞌreꞌ, reꞌ chic take kꞌab jenoꞌ che̱ꞌ Oli̱wo reꞌ xa maꞌ tico̱j ta, rikꞌolej cok chiwach. Jeꞌ woꞌ reꞌ i Dios xesaj lok take chiwach chi maꞌ reꞌ ta chic ritinami̱t take wich ra̱ꞌ riꞌsil cho maꞌ Israhel reꞌ maꞌ nquicꞌuꞌlej ta na̱ i kꞌoro̱j ruꞌum i Dios eh pan quijelow-bal reꞌ chic hat-tak maꞌ reꞌ ta ra̱ꞌ riꞌsil cho maꞌ Israhel reꞌ xanimej tak chic i Jesus xatricoj tak chi ritinami̱t. Ruꞌum reꞌreꞌ yuꞌna, reꞌ hat-tak cꞌahchiꞌ chic acꞌulum tak ricuseꞌsbal i Dios jeꞌ ricab nok reꞌ take kꞌab i che̱ꞌ Oli̱wo reꞌ maꞌ xa tico̱j ta, naquikꞌoljic cok chiwach i che̱ꞌ Oli̱wo reꞌ xa tico̱j, ar chic ru̱cꞌ riraꞌil i che̱ꞌ reꞌreꞌ ricꞌam cok rijaꞌquil reꞌ nyeꞌbic ricꞌacharic.
28296	ROM 11:19	Ru̱cꞌ xnikꞌor lok reꞌreꞌ kꞌi̱j woꞌ wilic jenoꞌ aweh hat-tak erikꞌor chi jeꞌ wili: «Reꞌ riwi̱ꞌ chi reꞌ aj tico̱l reh che̱ꞌ Oli̱wo riyocꞌ lok take kꞌab reh chi pan quijelow-bal take kꞌab reꞌreꞌ toco̱m chic take kꞌab erikꞌolej cok chiwach reh chi jeꞌ reꞌ kꞌe̱ꞌ chic holohic wachanic naribanam i che̱ꞌ reꞌreꞌ. Nicꞌ paꞌ wach ncꞌuluric ru̱cꞌ take kꞌab i che̱ꞌ Oli̱wo reꞌ xa maꞌ tico̱j ta, jeꞌ woꞌ reꞌ riwi̱ꞌ xiban i Dios chi xojricꞌul chi hoj chic ritinami̱t, nqui ok erikꞌor.
28298	ROM 11:21	Jeꞌ reꞌ nikꞌor maj reꞌ Dios maꞌ eta ricuy awu̱cꞌ tak wi reꞌ hat-tak nanimsaj awi̱b tak, jeꞌ ricab nok reꞌ aj ehcham che̱ꞌ Oli̱wo maꞌ ricuy ta chi xa chacꞌa̱cꞌ cho wach richeꞌlal take kꞌab maꞌ quicamanic ta chic.
28300	ROM 11:23	Reꞌ cꞌahchiꞌ nikꞌorom aweh tak wili til woꞌ coric maj reꞌ Dios til wilic rajawric chi naribanam chi jeꞌ reꞌ. Ruꞌum aj chi reꞌ Dios wilic rajawric, reꞌreꞌ xa cu riyew woꞌ cho queh take wich ra̱ꞌ riꞌsil cho maꞌ Israhel reꞌ maꞌ nquichꞌica̱ꞌ ta quicꞌux chiri̱j i Jesus chi nacaꞌnam woꞌ chic chi ritinami̱t take. Jeꞌ reꞌ nok wi xquicana̱ꞌ i quinoꞌjbal chi maꞌ nquichꞌica̱ꞌ ta quicꞌux chiri̱j i Jesus, reꞌ take reꞌ til naquicꞌulmujic woꞌ chic chi ritinami̱t i Dios jeꞌ ricab nok reꞌ take kꞌab i tico̱j laj che̱ꞌ Oli̱wo reꞌ esemaj lok chiwach richeꞌlal nkꞌoljic woꞌ chic cok.
28301	ROM 11:24	Chi reh Dios maꞌ cꞌaxic ta ribanaric reꞌreꞌ eh reꞌ wili ncꞌutunic wi̱ꞌ chi jeꞌ reꞌ: Wi maꞌ cꞌaxic ta chi reh chi reꞌ take kꞌab i maꞌ tico̱j ta laj che̱ꞌ Oli̱wo xiyocꞌ take lok eh xikꞌolej cok chiwach richeꞌlal i tico̱j laj che̱ꞌ Oli̱wo, maꞌ cꞌaxic ta woꞌ chi reh chi reꞌ take kꞌab i tico̱j laj che̱ꞌ Oli̱wo reꞌ yocꞌo̱j nak chic take lok ewoꞌ chic quikꞌoljic cok chiwach richeꞌlal. Jeꞌ reꞌ ajic wi maꞌ cꞌaxic ta chi reh Dios ribanaric reꞌreꞌ eh wi maꞌ cꞌaxic ta woꞌ chi reh i xiban chawi̱j hat-tak chi xatricoj tak chi hat-tak chic ritinami̱t, to̱b ta reꞌ take cho ama̱m awatiꞌt tak maꞌ cꞌulu̱j ta take cho chi pe̱t ruꞌum i Dios chi ritinami̱t, maꞌ cꞌaxic ta chi reh chi ewoꞌ chic ricꞌul chi ritinami̱t take cꞌacharel reꞌ xa pan pe̱t woꞌ ricojom take cho quima̱m catiꞌt chi ritinami̱t.
28419	ROM 16:15	Jeꞌ woꞌ chayew tak risukquil quicꞌux take aj niminel jeꞌ wili quibihnal: Reꞌ maꞌ Pilo̱lco, reꞌ tiꞌ Ju̱lya, reꞌ maꞌ Nere̱yo chꞌi̱l i rana̱b eh jeꞌ woꞌ reꞌ i maꞌ Oli̱npas. Jeꞌ woꞌ chayew tak risukquil quicꞌux take quich aj niminel nquimol qui̱b quichꞌi̱l chi rilokꞌonjic wach i Dios.
28444	1CO 1:13	Ru̱cꞌ take noꞌjbal naꞌn tak reꞌreꞌ, ra̱j na rikꞌorom chi reꞌ Jesus reꞌ Pahbamaj chi Kꞌatal Kꞌoric, chꞌakchꞌak riwi̱ꞌ ricamaj xiban chi kacoꞌljic i hoj? Maꞌxta, maꞌ jeꞌ ta reꞌ. On ra̱j woꞌ na nchel rikꞌorom chi reꞌ hin maꞌ Lu̱ꞌ xinquimic chawi̱j tak? On chi ru̱cꞌ i wajawric i hin xkajic aha̱ꞌ tak eh ruꞌum reꞌreꞌ, reꞌ hin cꞌahchiꞌqui̱n atahkem tak? Maꞌ jeꞌ ta woꞌ reꞌ.
28512	1CO 4:11	Maꞌ xa reꞌ ta reꞌreꞌ nkacꞌul, jeꞌ laꞌ woꞌ cu yuꞌna chi kꞌi̱j wilic pech nkacuy kawaꞌ kaha̱ꞌ chi rikꞌormojic riCꞌuhbal i Dios. On wilic pech, reꞌ hoj maꞌ qꞌuih ta woꞌ ti kasoꞌ chi xa qꞌuih jal ta chic nkaꞌn. On reꞌ take tinamit kojquiyew chi tiꞌ na kojquisecꞌlom ruꞌum reh rikꞌorbal i Dios. On nok reꞌ hoj koj-o̱j chi rikꞌormojic riCꞌuhbal i Dios maꞌxta jenoꞌ kayeꞌa̱b haj ekoj-o̱j hiꞌlok soꞌ wi̱ꞌ chi coric chiri̱j chi kacohlam chic cho kacamaj reh rikꞌormojic i riCꞌuhbal i Dios.
28573	1CO 7:18	Jenaj chic noꞌjbal nwa̱j nikꞌorom aweh tak. Wi jenoꞌ winak ricꞌamam chic na̱ i takꞌanic nkacꞌam na̱ i hoj ra̱ꞌ riꞌsil cho maꞌ Israhel chi rikꞌataric lok ritzꞌuhmal na̱ kacꞌachanbal, maꞌ ripoy na̱ chi ribanam chic rinimjic i takꞌanic reꞌreꞌ. On wi jenoꞌ winak jaꞌ riyocꞌ ta lok ritzꞌuhmal na̱ ricꞌachanbal naxinimej i kAja̱w Jesus, maꞌ curman ta chic chi cu naricꞌamam na̱ i takꞌanic reꞌreꞌ.
28579	1CO 7:24	Jeꞌ aj reꞌ kꞌuruꞌ was tak nicha̱kꞌ chi kajuꞌjunal i hoj aj niminel reꞌ kꞌorel nicꞌ paꞌ wach kawi̱ꞌ naxojrimol cho i kAja̱w Dios chi xojniminic, wi nchel hoj caxa̱ra on xa kutquel peꞌ ki̱b, wi nchel hoj ra̱ꞌ riꞌsil cho maꞌ Israhel on maꞌxta. On wi nchel wilic keh chopo̱j quina̱ chi aj camanom take on wi nchel wilic maꞌ chopo̱j ta quina̱ chi aj camanom take, kojwihꞌok tak chi jeꞌ ricab nicꞌ paꞌ wach kawi̱ꞌ naxkanimej i Dios.
28585	1CO 7:30	Jeꞌ woꞌ chic nicꞌ paꞌ qꞌuihal hat-tak suk tokꞌic tak ruꞌum chi paꞌ bih jenoꞌ tiꞌ xcaꞌn aweh tak maꞌ no̱j acapew-bal tak china̱ i tiꞌ reꞌreꞌ, chacapaj laꞌ tak chi xa tꞌuch chic ro̱k kacꞌacharic wilic chi camanic chiwach i Dios. On wi wilic aweh tak xa suk chic pa ricꞌux ru̱cꞌ jenoꞌ paꞌ bih holonquil xacꞌul pan acꞌacharic tak reꞌ woꞌ reꞌ chacapaj tak. Jeꞌ woꞌ, hab wach aweh tak cꞌahchiꞌ rilokꞌom take paꞌ bih reh chiban chi xa jeꞌ maꞌ reꞌ ta ok reh take paꞌ bih wilic, reh chi maꞌ xa ar ta chic eno̱j ricapew-bal china̱ eh chiban woꞌ chi jeꞌ maꞌxta ru̱cꞌ take paꞌ bih wilic reh.
28618	1CO 9:10	On chiki̱j woꞌ nchel cꞌahchiꞌ rikꞌoric chi manlic? Til pa ricorquilal, reꞌ wili chiki̱j woꞌ i hoj tzꞌihmbimaj cahnok. Kilow aj tak ricorquilal wili: Reꞌ cꞌacharel ncꞌotbic pa̱m acꞌal chꞌi̱l woꞌ reꞌ nbanic i tic til nquichꞌica̱ꞌ quicꞌux chi na elok cho wach i tic, quicabchel naquehtric ru̱cꞌ i wach i tic reꞌreꞌ maj jeꞌ reꞌ ricꞌul chi queh ruꞌum reh quicamaj xcaꞌn.
28718	1CO 12:16	On wi ta nak reꞌ xiquin erikꞌor chi jeꞌ wili: «Reꞌ hin maꞌ reꞌ hin nakꞌ wachi̱s, ruꞌum reꞌ maꞌ reꞌ ta hin pa riman ritiꞌjolal ribakil i cꞌacharel, nqui ta nak. Xa maꞌxta woꞌ nak camaj erikꞌor chi jeꞌ reꞌ, maꞌ jeꞌ? Jeꞌ reꞌ nikꞌor ruꞌum nok til pa riman wilic cho.
28719	1CO 12:17	Jeꞌ woꞌ chic, wi ta nak xa reꞌ ti nakꞌ wachi̱s tiklic wi̱ꞌ chiꞌnchel ritiꞌjolal ribakil i cꞌacharel, haj nak enchalic i rixiquin reꞌ enbirinic wi̱ꞌ? On reꞌ ta nak i xiquin tiklic wi̱ꞌ chiꞌnchel, haj nak enchalic i juꞌ reꞌ enuhtzꞌunic wi̱ꞌ?
28723	1CO 12:21	Ruꞌum aj reꞌ maꞌ eta riban chi reꞌ nakꞌ wachi̱s erikꞌor reh nah kꞌabis chi jeꞌ wili: «Reꞌ hat maꞌxta bih hat camanel wi̱n, maꞌ nqui ta reh. On maꞌ woꞌ reꞌ nahis eta woꞌ nak rikꞌor reh okis chi jeꞌ wili: «Reꞌ hat xa maꞌxta bih hat camanel wi̱n, maꞌ nqui ta woꞌ erikꞌor reh.
28885	2CO 1:17	xa reꞌ laꞌ maꞌ xiyew ta chic ri̱b chi xiniqꞌuic woꞌ chic ponok awu̱cꞌ tak. Yuꞌna kꞌuruꞌ ru̱cꞌ rijalaric wach nicapew-bal xniban, kꞌi̱j woꞌ reꞌ hat-tak xacapaj tak chi reꞌ hin xa no̱j nchalic i nikꞌorbal maj pe̱t xnikꞌor chi nawojic eh chiri̱j chic ruꞌ maꞌxta woꞌ chic. On xacapaj woꞌ tak chi reꞌ take paꞌ bih take nitikꞌa̱ꞌ wach xa pa nicꞌux ti hin nchalic
29075	2CO 11:18	On maꞌ riwi̱ꞌ ta chi jeꞌ reꞌ eniban, nanacapaj tak? Wi yohbal wach take nquinimsaj qui̱b jeꞌ ricab nquinimsaj qui̱b take maꞌ reꞌ ta take aj niminel maꞌ riwi̱ꞌ ta na chi jeꞌ woꞌ reꞌ nanibanam hin?
29082	2CO 11:25	Jeꞌ woꞌ chic oxpech woꞌ xintzꞌuhumjic chi xiqꞌuey. Jenaj pech xa chic qꞌuisi̱n maꞌ xincansjic chi abaj cuꞌum take waj ixowonel. Oxpech chic xa qꞌuisi̱n chic maꞌ xinjihkꞌic pa rinimal haꞌ ruꞌum chi hitlijic i maꞌ laj cano̱wa cꞌahchiꞌ wojic wi̱ꞌ eh jenaj chic pech, jenaj kꞌi̱j ru̱cꞌ jenaj akꞌab xniban pan haꞌ.
29595	COL 3:11	Chipam i toco̱m chic cꞌacharic wili, maꞌ hab ta wach nim ta nak riwaꞌric. Haj cok wilic til wilic riwaꞌric, reꞌ chi reꞌ Jesus reꞌ Pahbamaj chi Kꞌatal Kꞌoric wilic chic pan kacꞌacharic. Reꞌ wili ra̱j rikꞌorom chi reꞌ take cꞌacharel xa jenaj wach quiwaꞌric. Jeꞌ ricab take aj criye̱co xa jenaj quiwach chꞌi̱l take ra̱ꞌ riꞌsil cho maꞌ Israhel. On reꞌ take quikꞌatam lok ritzꞌuhmal na̱ quicꞌachanbal rehtalil chi aj niminel take chiwach i Dios xa jenaj woꞌ quiwach quichꞌi̱l take aj niminel jeꞌ ru̱cꞌ maꞌ quikꞌatam ta lok ritzꞌuhmal na̱ quicꞌachanbal. Jeꞌ woꞌ, chipam i toco̱m chic cꞌacharic wili maꞌxta cꞌacharel nim on tꞌuch ta nak wach. Jeꞌ ricab take wilic on maꞌxta quitijinic, on reꞌ take ehcham reh jenoꞌ camanic chꞌi̱l take xa aj camanom take, xa jenaj woꞌ wach quiwaꞌric.
29618	COL 4:9	Richꞌi̱l i Ti̱quico cꞌahchiꞌ woꞌ nitakꞌa̱b je awu̱cꞌ tak i kich aj niminel One̱simo ribihnal reꞌ jenaj awich atinami̱t tak reꞌ kꞌe̱ꞌ woꞌ tiꞌ nwicꞌraj eh riban woꞌ ricamaj chi manlic. Reꞌ take quib reꞌreꞌ naquikꞌorom aweh tak ricorquil chaj bih cꞌacharic cꞌahchiꞌ nibanam i hin ayuꞌ.
29892	2TI 1:16	Reꞌ ti cok i maꞌ Onesi̱poro maꞌ xiricana̱ꞌ ta chi wutquel. Ruꞌum aj reꞌ niban niti̱j chiri̱j chi reꞌ kAja̱w Jesus chicꞌuhtaj ta nak cho ricꞌaxbal china̱ chꞌi̱l take raj pan pa̱t maj xa reꞌ woꞌ naxincojoric ayuꞌ pan che̱ꞌ, reꞌreꞌ qꞌuih pech xiyew risukquil nicꞌux eh maꞌ xqꞌuixꞌic ta nechꞌ ok wuꞌum.
29894	2TI 1:18	Ruꞌum aj reꞌ til niban niti̱j chiri̱j i Onesi̱poro chi reꞌ kAja̱w Jesus chicꞌuhtaj ricꞌaxbal china̱ chipam i kꞌi̱j nawihꞌok cok i Onesi̱poro chiwach. Jeꞌ reꞌ ajic til reꞌ Dios toꞌbonok reh maj kꞌe̱ꞌ woꞌ chic nitobjic xiban jeꞌ ricab awehtꞌalim woꞌ i hat chi xiban keh nok wilco̱j nak cho pan tinamit E̱peso.
29956	2TI 4:19	Timote̱yo, nipahkaj je aweh chi chayew risukquilal ricꞌux i tiꞌ Pirsi̱la chꞌi̱l Aqui̱la reꞌ ribahi̱l. Jeꞌ woꞌ chayew risukquil ricꞌux i maꞌ Onesi̱poro chꞌi̱l chiꞌnchel take i raj pan pa̱t.
30015	PHM 1:10	Reꞌ aj wili nwa̱j nikꞌorom aweh: Chacuy, chatoꞌbej wi̱n i One̱simo reꞌ nicoj i hin chi wacꞌu̱n chipam rinimjic i Jesus. Jeꞌ reꞌ nikꞌor maj chiwach take kꞌi̱j nok wilqui̱n ayuꞌ pan che̱ꞌ, xo̱j corjok chi jeꞌ na wacꞌu̱n naxichop rinimjic i Jesus ru̱cꞌ i cꞌuhbalanic xniban reh.
30016	PHM 1:11	Reꞌ One̱simo wili naxwihꞌic cho awu̱cꞌ najtir kꞌi̱j, maꞌ camanel ta nak cho chawach xa reꞌ laꞌ yuꞌna xo̱j riban chi kꞌe̱ꞌ chic camanel chi niwach eh nicapaj hin chi jeꞌ woꞌ reꞌ encamanic chawach i hat.
30017	PHM 1:12	Ruꞌum aj reꞌ yuꞌna chi cꞌahchiꞌ woꞌ chic nisolqꞌuim je awu̱cꞌ chi riyeꞌeric aweh i hu̱j wili, nipahkaj je aweh chi til chacꞌul wi̱n i One̱simo reꞌ til kꞌe̱ꞌ tiꞌ nwicꞌraj.
30019	PHM 1:14	To̱b ta woꞌ xnicapaj chi jeꞌ reꞌ nanibanam, maꞌ xniban ta woꞌ maj maꞌ riwi̱ꞌ ta chi jeꞌ reꞌ eniban wi maꞌ reꞌ hat etikꞌoric cho chi encahnic wu̱cꞌ. Kꞌe̱ꞌ nak holonquilal chi reꞌ One̱simo xcꞌulic ta nak lok wu̱cꞌ chi atakꞌanic cho hat chi nitobjic eh maꞌ ta nak ruꞌum reh i mahc ribanam cho chi cu tokꞌlic xincꞌulic rirak ayuꞌ pan che̱ꞌ.
30020	PHM 1:15	Coric, reꞌ nak til kꞌe̱ꞌ ricꞌul chi reꞌ ta nak i hat xat-takꞌanic cho wi̱n i One̱simo, xa reꞌ laꞌ maꞌ jeꞌ ta reꞌ xcꞌuluric maj reꞌ na wili xa̱j wi̱ꞌ i Dios chi xiyew kꞌab chi xelic cho awu̱cꞌ junpech, reh nok chi rikꞌahsam chic ri̱b pan kꞌab i Jesus, ewoꞌ chic nacꞌul awu̱cꞌ reh chi naricamanic chawach chi junpech.
30021	PHM 1:16	Jeꞌ reꞌ kꞌuruꞌ chacꞌul woꞌ chic awu̱cꞌ i One̱simo reꞌ cok ruꞌ cꞌolok pan acꞌux chi maꞌ xa jeꞌ ta chic ricab jenoꞌ xa hab wach queh awaj camanom i ricꞌuluric na̱banam maj yuꞌna acha̱kꞌ chic pan niminic. Reꞌ kacha̱kꞌ wili kꞌuruꞌ reꞌ kꞌe̱ꞌ tiꞌ nwicꞌraj i hin, til kꞌe̱ꞌ woꞌ chic tiꞌ chawicꞌraj chiwach ricꞌrinjic niban i hin maj yuꞌna narisoljic je awu̱cꞌ chi rinimem chic i kAja̱w Jesus eh chi narojic woꞌ chic camanok awu̱cꞌ.
30022	PHM 1:17	Jeꞌ reꞌ ajic wi reꞌ hat quinacoj chi hin awich niminel reh kAja̱w Jesus, chacꞌul wi̱n i One̱simo chi jeꞌ ta nak chi reꞌ hin cꞌahchiꞌqui̱n acꞌulum awu̱cꞌ
30024	PHM 1:19	Rehtalil chi til enitoj aweh ribano̱j i One̱simo, reꞌ hin maꞌ Lu̱ꞌ cꞌahchiꞌ nitzꞌihmbam wach hu̱j wili ru̱cꞌ nah nikꞌab chi jeꞌ reꞌ eniban xa reꞌ laꞌ nikꞌor hin chi maꞌ curman ta chi jeꞌ reꞌ nanibanam maj nicapaj chi maꞌ curman ta chi enikꞌor woꞌ je aweh chi reꞌ hat wilic woꞌ jenaj acꞌa̱s wu̱cꞌ reꞌ til kꞌe̱ꞌ woꞌ chic xiqꞌuic na̱ chiwach ribano̱j acꞌun wili. Reꞌ acꞌa̱s reꞌreꞌ, reꞌ chi reꞌ hin xincꞌuhbalanic aweh chi xanimej i kAja̱w Jesus.
30025	PHM 1:20	Jeꞌ reꞌ kꞌuruꞌ wasbe̱s ruꞌum chi reꞌ hat, hat woꞌ aj cꞌa̱s wu̱cꞌ til nipahkaj aweh i hat wich aj niminel reh kAja̱w Jesus, chi pa rijelow-bal acꞌa̱s reꞌreꞌ chaꞌn wi̱n i atoꞌbil wili: Chacuy, chacꞌul woꞌ chic wi̱n i One̱simo eh chi jeꞌ reꞌ, reꞌ hat wichꞌi̱l pa rinimjic i kAja̱w Jesus, kꞌe̱ꞌ woꞌ chic enasuksaj nicꞌux.
30186	HEB 9:14	reꞌ ta na chic riquiqꞌue̱l i Jesus reꞌ Pahbamaj chi Kꞌatal Kꞌoric maꞌ eriban chi maꞌ eta chic nwihꞌic pan kacapew-bal ribanaric jenoꞌ bano̱j reꞌ enbanic chi enkꞌehtic pa̱m kabe̱h chi nakacꞌacharic chi junelic? On maꞌ eriban chi maꞌ ta nak eriyew kajawric chi ribanaric i xa paꞌ bih camanic yeꞌo̱j ruꞌum i Dios reꞌ aj yeꞌol reh cꞌacharic? Reꞌ riquiqꞌue̱l i kAja̱w Jesus til jeꞌ reꞌ eriban. Jeꞌ reꞌ nikꞌor maj reh chi jeꞌ reꞌ ncꞌuluric ku̱cꞌ i hoj aj niminel, reꞌ Jesus chi toꞌbomaj ruꞌum i Lokꞌ laj Uxlabal xcꞌacharic chi maꞌxta nechꞌ ok rimahc chiwach i Dios eh chi jeꞌ reꞌ riwi̱ꞌ ricꞌacharic, xikꞌahsaj woꞌ ri̱b pan quimic.
30367	JAS 2:7	On maꞌ nacoj ta woꞌ na tak rehtal chi reꞌ woꞌ ru̱cꞌ queh take bihomak reꞌreꞌ xitzꞌujbic reh lokꞌ laj ribihnal i Ajabe̱s Jesus reꞌ xkꞌormojic ribiral chana̱ tak?
30944	REV 11:4	Reꞌ take quib chi aj kꞌorol cꞌuhbal reꞌreꞌ, reꞌ woꞌ take quib chi cꞌacharel jalwachamaj take ruꞌum i quib chi kꞌab i che̱ꞌ “Oli̱wo” ribihnal chꞌi̱l i quib chi paꞌa̱b cante̱la reꞌ wilque̱b cok chiwach Dios reꞌ cꞌuhtjic cho najtir kꞌi̱j reh jenaj raj kꞌorol riCꞌuhbal i Dios.
30979	REV 13:2	Reꞌ maꞌ laj chicop reꞌreꞌ xa jeꞌ chic ri̱j jenaj maꞌ laj me̱s bahlam, reꞌ take ro̱k xa jeꞌ chic ricab take ro̱k i chicop “Oso” ribihnal eh reꞌ chi̱ꞌ xa jeꞌ chic ricab chi̱ꞌ i cakcoj. Jeꞌ reꞌ ajic, reꞌ chicop reꞌreꞌ nim wach rajawric xyeꞌeric ruꞌum i maꞌ laj wacax a̱kꞌ eh jeꞌ woꞌ xyeꞌeric riwaꞌric chi narikꞌatbic kꞌoric richꞌi̱l i maꞌ laj wacax a̱kꞌ.
31142	REV 21:20	Reꞌ ro̱ꞌ, xoyomaj ru̱cꞌ i abaj “Oni̱se” ribihnal sak moyic ncaꞌyic. Reꞌ riwa̱k, xoyomaj ru̱cꞌ i abaj “Rubi̱” ribihnal cak ncaꞌyic. Reꞌ riwu̱k, xoyomaj ru̱cꞌ abaj “Criso̱lito” ribihnal kꞌan ncaꞌyic. Reꞌ riwahxak, xoyomaj ru̱cꞌ abaj “Weri̱lo” ribihnal rex ncaꞌyic. Reꞌ ribele̱j, xoyomaj ru̱cꞌ abaj “Topa̱syo” ribihnal kꞌan ncaꞌyic. Reꞌ rila̱j, xoyomaj ru̱cꞌ i abaj “Crisopra̱so” ribihnal rex ncaꞌyic. Reꞌ chic rijunla̱j, xoyomaj ru̱cꞌ i abaj “Jasinto” ribihnal rex ncaꞌyic. Reꞌ ricabla̱j, xoyamaj ru̱cꞌ i abaj “Amati̱sta” ribihnal, rex moyic ncaꞌyic.