23736	MAT 15:34	Chalic i Jesus xibiraj keh chi jeꞌ wili: «Jarub chi caxlan wiꞌc wilic awu̱cꞌ tak? nqui keh. —Xa wuku̱b ti chi caxlan wiꞌc eh quib xib ti chi car wilic ku̱cꞌ, kojqui reh.
23849	MAT 19:18	—Haj wilic take takꞌanic nakꞌor reꞌreꞌ, nqui cꞌacharel reꞌreꞌ. Reꞌ Jesus jeꞌ wili xikꞌor reh: «Reꞌ woꞌ take wili: “Ma̱ban i cansanic, ma̱ban i cꞌoyomal, ma̱ban i lekꞌ, ma̱ban i chucuj kꞌoric chiri̱j awas acha̱kꞌ,
23856	MAT 19:25	—Wi kꞌe̱ꞌ nchel cꞌaxquilal chi queh take bihomak chi equiꞌoquic chi riꞌsil rajawric i Dios chi aj kꞌatal kꞌoric, hab woꞌ wach kꞌuruꞌ eriban canar oquic? kojqui naxkabiraj i xikꞌor reꞌreꞌ.
23868	MAT 20:7	—Maꞌ camanic ta nkaꞌn maj maꞌ hab ta woꞌ wach ncꞌulic kꞌorok kacamaj, nqui take winak reꞌreꞌ. «Reꞌ ajabe̱s reꞌreꞌ jeꞌ wili xikꞌor queh: ‹Tak-tak camanom chiwi̱j pan wacꞌa̱l eh haj paꞌ wilic ritzꞌakil acamaj tak nicapaj chi ricꞌul chaweh tak, reꞌ woꞌ reꞌ enacꞌul tak, nqui queh. «Chi jeꞌ reꞌ xiꞌo̱j woꞌ camanom take winak reꞌreꞌ.
23962	MAT 22:21	—Reh kꞌatal kꞌoric aj Ro̱ma, nqui take reh. Chi jeꞌ reꞌ, reꞌ Jesus jeꞌ woꞌ wili xikꞌor queh: «Haj paꞌ wilic i kꞌoro̱j chi reh i kꞌatal kꞌoric aj Ro̱ma, reꞌ woꞌ reꞌ chayew tak reh eh haj paꞌ woꞌ wilic i kꞌoro̱j chi reh i Dios, reꞌ woꞌ reꞌ chayew tak reh ruꞌ, nqui Jesus queh takꞌamaj take cok reꞌreꞌ.
24574	MRK 8:5	Chi jeꞌ aj reꞌ, reꞌ Jesus xibiraj queh chi jeꞌ wili: «Jarub chi caxlan wiꞌc wilic awu̱cꞌ tak? nqui queh. —Xa wuku̱b ti, nqui take reh.
24588	MRK 8:19	Chakꞌor aj tak wi̱n wili kꞌuruꞌ: Naxnipuhcaj i hoꞌo̱b chi caxlan wiꞌc reꞌreꞌ chi quina̱ take cablaj ikꞌob lajcꞌahl (5,000) chi winak, jarub aj chic chacach xamol tak jeꞌ ru̱cꞌ maꞌ xcꞌuhlic ta? nqui queh. —Cablaj chic chacach, nqui jenaj queh.
24589	MRK 8:20	—Coric xakꞌor! Eh naxinpuhcaj wuku̱b chi caxlan wiꞌc chi quina̱ take lajeb ikꞌob (4,000) chi cꞌacharel, jarub chic chacach xamol tak jeꞌ ru̱cꞌ i maꞌ xcꞌuhlic ta? nqui queh. —Wuku̱b chic chacach, nqui woꞌ chic cho jenaj.
24590	MRK 8:21	—Coric aweh! Wi chi niwach i hin eriban chi eniban chic jenoꞌ lokꞌ laj nawa̱l jeꞌ ricab reꞌreꞌ, chaj waꞌric kꞌuruꞌ chi maꞌ narak ta tak chiri̱j chi maꞌ riwi̱ꞌ ta chaweh tak chi ntuquic awa̱mna tak chiri̱j xa ruꞌum chi xa jenaj ti chi wiꞌc xacꞌam tak cho? nqui Jesus queh.
24597	MRK 8:28	—Wilic tinamit quikꞌoric chi reꞌ hat i Wa̱n reꞌ aj kahsem haꞌ reꞌ camnak chic je. Wilic woꞌ quikꞌoric chi reꞌ hat, hat jenaj queh take aj kꞌorol riCꞌuhbal i Dios jeꞌ ru̱cꞌ aj najtir kꞌi̱j jeꞌ ricab i Eli̱yas, nqui jenaj queh aj tahkanel.
24628	MRK 9:21	Naxilow chi jeꞌ reꞌ, reꞌ Jesus xibiraj reh raja̱w i acꞌun reꞌreꞌ chi jeꞌ wili: «Jarub ha̱b oconak i cꞌaxquilal wili ru̱cꞌ awacꞌu̱n? nqui reh. —Xa pa ritꞌuchal woꞌ oconak cho.
24693	MRK 10:36	—Chajaric atoꞌbil nawa̱j tak chi eniban awu̱cꞌ tak? nqui Jesus queh.
24695	MRK 10:38	—Reꞌ cok hat-tak maꞌ narak ta tak chiri̱j chaj bih cꞌahchiꞌ apahkam tak wi̱n. Nwa̱j nikꞌorom aweh tak i wili: Jeꞌ ricab chi curman ta nak chi wi̱n rucꞌjic i cꞌah laj haꞌ yeꞌo̱j pan jenoꞌ culc, jeꞌ woꞌ curman chi wi̱n chi reꞌ hin nanicꞌulum i tiꞌcꞌaxic reꞌ naricꞌambic je wi̱n riꞌsil acꞌal jeꞌ ricab naxinmuhkic pan haꞌ naxkahsjic niha̱ꞌ. Ena nacuy tak i tiꞌcꞌaxic wilic chi nina̱ nanacapaj hat-tak? nqui queh.
24696	MRK 10:39	—Ewoꞌ nak ruꞌ nkacuy Ha̱w, nqui take. Reꞌ Jesus jeꞌ wili xicꞌuꞌlej take wi̱ꞌ: «Pan coric, reꞌ hat-tak ewoꞌ na nak nacuy tak ransil i tiꞌcꞌaxic nanicuyum ransil i hin,
24708	MRK 10:51	Naxponic ru̱cꞌ, reꞌ Jesus xibiraj reh chi jeꞌ wili: «Chaj bih nawa̱j chi nanibanam awu̱cꞌ? nqui reh. —Ajabe̱s aj tijinel, chaꞌn chi echic quinilbic, nqui sotꞌ reh.
24742	MRK 11:33	Ruꞌum aj reꞌ, jeꞌ wili ricꞌuꞌljic i Jesus xcaꞌn cok: «Maꞌ kehtꞌalim ta hab wach u̱cꞌ xchalic rikꞌormojic i kahsanic haꞌ xiban i Wa̱n, nqui take reh. —Reꞌ hin maꞌ eta woꞌ nikꞌor aweh tak haj xchalic wi̱n i wajawric chi ribanaric paꞌ bih xniban take lok reꞌreꞌ, nqui Jesus queh.
24758	MRK 12:16	Chi jeꞌ reꞌ naxquiyew cok reh jenaj tumi̱n, xipahkaj queh chi jeꞌ wili: «Hab wach aj eh i wachbal chꞌi̱l i bihnal wilic chiwach i tumi̱n wili? nqui queh. —Reh kꞌatal kꞌoric aj Ro̱ma, nqui take reh.
25022	LUK 1:60	—Maꞌ jeꞌ ta reꞌ ribihnal. Wa̱n ruꞌ ribihnal, nqui Elisawet queh.
25023	LUK 1:61	—Nicꞌ wach nachiban chi jeꞌ reꞌ, maꞌ hab ta jenoꞌ wach Wa̱n ribihnal chaxilac tak? nqui take reh.
25107	LUK 3:13	—Reꞌ hat-tak maꞌ wicꞌsaj tak na̱ ripahkaljic i tumi̱n reꞌ kꞌoro̱j aweh tak chi na̱pahkam tak, nqui queh.
25108	LUK 3:14	Chalic take juꞌjun i sol wilque̱b woꞌ cok ru̱cꞌ i Wa̱n, jeꞌ wili xquikꞌor cok reh: «Raj woꞌ hoj kꞌuruꞌ, chaj woꞌ bih nakaꞌnam? nqui take reh. —Reꞌ hat-tak chꞌihcok acꞌux tak ru̱cꞌ atojbal tak. Maꞌ chi bih amakꞌ tak reh xa hab wach xa ruꞌum atoxtotil tak. Ma̱tzꞌak woꞌ tak kꞌoric chiri̱j hab wach jenoꞌ maꞌxta rimahc, nqui Wa̱n queh.
25304	LUK 7:40	Ruꞌum aj reꞌ, reꞌ Jesus jeꞌ wili xikꞌor reh Simon: «Simon, jenaj kꞌoric nwa̱j nikꞌorom aweh, nqui reh. —Tare̱t Ha̱w, chakꞌor cho, nqui Simon. Reꞌ Jesus jeꞌ wili xikꞌor reh:
25307	LUK 7:43	Chalic Simon jeꞌ wili xikꞌor: «Nanikꞌor hin, reꞌ woꞌ i yohbal wach qꞌuihal ricꞌa̱s xcuyuric, nqui xikꞌor. —Jeꞌ reꞌ, coric xakꞌor, nqui Jesus.
25344	LUK 8:30	Jeꞌ reꞌ ajic nok reꞌ Jesus cꞌahchiꞌ ritꞌerem lok i maꞌ tob laj uxlabal, xibiraj woꞌ reh chi jeꞌ wili: «Chaj bih abihnal? nqui reh. —Tuhbil nibihnal, nqui maꞌ tob laj uxlabal. Jeꞌ reꞌ xikꞌor maj kꞌe̱ꞌ qꞌuihal take chi maꞌ tob laj uxlabal oconak take cho ru̱cꞌ i winak reꞌreꞌ.
25359	LUK 8:45	Ar ajic reꞌ Jesus jeꞌ wili xikꞌor: «Hab wach xtzꞌaꞌanic wi̱n? nqui xikꞌor. —Maꞌ hab ta wach cꞌahchiꞌ ritzꞌaꞌanic aweh, nqui take tinamit. Nok jeꞌ reꞌ xquikꞌor i tinamit, reꞌ maꞌ Luch jeꞌ wili xikꞌor cok reh Jesus: «Ajabe̱s aj tijinel keh, hab wach xtzꞌaꞌanic wi̱n, tiqui. Maꞌ nawil ta na chi reꞌ take riqꞌuihal tinamit cꞌahchiꞌca̱t quiminlom eh cꞌahchiꞌca̱t quilutzꞌum? nqui xikꞌor reh.
25391	LUK 9:21	—Til maꞌ hab wach eh nakꞌor tak i wili, nqui Jesus queh. Jeꞌ aj reꞌ ruꞌ reꞌ xikꞌor maꞌ Luch til xipahkaj queh chi maꞌxta pe rikꞌororic lok.
25460	LUK 10:28	—Coric xakꞌor. Jeꞌ aj reꞌ ricꞌaxaric i Dios chaꞌn. Jeꞌ woꞌ reꞌ chaꞌn cu̱cꞌ take awas acha̱kꞌ, chi jeꞌ reꞌ na̱wehcham junelic cꞌacharic, nqui Jesus.
25469	LUK 10:37	—Reꞌ nicapaj i hin chi reꞌ woꞌ xquetelenic wach i winak reꞌ xkꞌeteric pa ribe̱h cuꞌum aj lekꞌ, reꞌreꞌ til manlic ras richa̱kꞌ, nqui aj tijem ri̱j cꞌuhbal reꞌreꞌ. —Coric xakꞌor. Jeꞌ aj reꞌ ruꞌ hiy i hat cu̱cꞌ awas acha̱kꞌ eh nacharak jenoꞌ wilic pan tiꞌquilal chaꞌn chi awas acha̱kꞌ woꞌ i winak reꞌreꞌ jeꞌ ricab xiban i winak aj sama̱rya, nqui Jesus naxicohlaj kꞌoric ru̱cꞌ.
25695	LUK 16:6	—Ha̱ꞌ, reꞌ hin hoꞌcꞌahl (100) chi nimak lo̱sa xun chi kꞌenaꞌ nicꞌa̱s ru̱cꞌ, nqui reh. —Chacꞌul rihujil acꞌa̱s wili kꞌuruꞌ, titzꞌu̱k ayuꞌ eh xa chic ok lajeb roxcꞌahl (50) chi nimak lo̱sa xun acꞌa̱s chatzꞌihmlom chiwach, nqui reh.
25696	LUK 16:7	«Jeꞌ woꞌ, naxcꞌulic woꞌ lok jenaj chic aj cꞌa̱s jeꞌ woꞌ chic wili xikꞌor reh aj camanom reꞌreꞌ: ‹Chaj bih acꞌa̱s ru̱cꞌ ajabe̱s? nqui reh. —Ha̱ꞌ, reꞌ hin hoꞌcꞌahl (100) birin chi ixi̱m nicꞌa̱s ru̱cꞌ, nqui reh. —Chacꞌul rihujil acꞌa̱s wili eh xa chic ok caj winak (80) birin chi ixi̱m acꞌa̱s chatzꞌihmlom chiwach, nqui reh.
25872	LUK 20:24	«Charak tak cho wi̱n jenoꞌ tumi̱n, nqui queh. Naxyeꞌeric reh jenaj tumi̱n reꞌ Jesus jeꞌ wili xikꞌor: «Hab wach aj eh i wachbal chꞌi̱l i bihnal wilic chiwach i tumi̱n wili? nqui queh. —Reh kꞌatal kꞌoric aj Ro̱ma, nqui take reh.
25943	LUK 22:10	—Chabiraj tak chi coric i wili: Natocok tak cok pa̱m tinamit, enawilow tak i jenaj winak ritehlam jenaj tzꞌak acꞌal icom nujunak chi haꞌ, chatahkej tak je cu rehtal narak tak i pa̱t naroquic cok wi̱ꞌ.
25968	LUK 22:35	Chiri̱j reꞌ, reꞌ Jesus jeꞌ wili xikꞌor queh chi cunchelal: «Naxatnitakꞌa̱ꞌ tak je junpech chi cꞌuhbalanic chi maꞌxta nacꞌam tak je atumi̱n, achi̱m, maꞌ woꞌ juncꞌuhl chic axijab tak, chaj bih jenoꞌ tiꞌ xawilow tak cho wach? nqui queh. —Maꞌxta bih Ha̱w, maj reꞌ tinamit xojquitoꞌbej cho, nqui take reh.
26026	LUK 23:22	—Chaj bih rimahc i winak wili xarak tak chi niban i xakꞌor tak? Reꞌ hin maꞌ nirak ta jenoꞌ rimahc chi ricꞌul ta nak chi reh chi nariquimic. Jeꞌ aj reꞌ nanitakꞌa̱b ritzꞌuhumjic eh chiri̱j reꞌ narokꞌtjic je, nqui woꞌ chic Po̱nsyo Pila̱to queh pa ro̱x pech.
26077	LUK 24:17	—Chaj laꞌ bih nacꞌuꞌtjaj tak chawach nah be̱h eh chaj waꞌric ntzꞌiric awach tak? nqui Jesus naxikꞌoꞌrej take cok.
26079	LUK 24:19	—Chaj bih xcꞌulmujic kꞌuruꞌ? nqui Jesus queh. Reꞌ take reꞌ jeꞌ wili xquikꞌor reh: «Reꞌ Jesus reꞌ ribihnej chi aj Nasaret, reꞌ nquikꞌor i tinamit chi aj kꞌorol riCꞌuhbal i Dios ruꞌum chi yohbal wach rajawric wilic chi cꞌuhbalanic eh jeꞌ woꞌ chi ribanaric take lokꞌ laj nawa̱l,
26161	JHN 1:48	—Nicꞌ wach nok reꞌ hat awehtꞌalim chic ninoꞌjbal? nqui Natanahel reh Jesus. Chalic Jesus jeꞌ wili xikꞌor reh cꞌuhtbal reh chi chiꞌnchel rehtꞌalim: «Cu jaꞌ tirikꞌoꞌrej ta woꞌ i Peh, reꞌ hin xa nok woꞌ wilom chic cho awach. Ar nak wilca̱t chi rehquen richeꞌlal i̱co, nqui reh.
26461	JHN 8:11	—Lokꞌ laj Ajabe̱s Jesus, maꞌ hab ta wach queh xbanic tiꞌcꞌaxic, nqui reh. Ar ajic reꞌ Jesus jeꞌ woꞌ chic wili xikꞌor reh ixok reꞌreꞌ: «Jeꞌ ricab chi reꞌ take winak reꞌ maꞌ xatquiyew ta pan tiꞌcꞌaxic je woꞌ reꞌ hin maꞌ eta woꞌ tiniyew pan tiꞌcꞌaxic. Yuꞌna kꞌuruꞌ hiy xa reꞌ laꞌ maꞌ timahcanic chic, nqui Jesus reh.
26545	JHN 9:36	—Hab wach i nakꞌor reꞌreꞌ, Ha̱w? Chakꞌor wi̱n eh reꞌ hin enichꞌica̱ꞌ nicꞌux chiri̱j, nqui winak sotꞌ nak cho reꞌreꞌ.
26861	JHN 18:7	Chiri̱j i wili reꞌ Jesus xibiraj woꞌ chic queh chi jeꞌ wili: «Hab wach i nasicꞌ tak? nqui queh. —Reꞌ Jesus reꞌ ribihnej chi aj Nasaret nkasicꞌ, nqui take.
26970	JHN 21:3	Reꞌ Simon reꞌ ribihnej woꞌ chi Luch, jeꞌ wili xikꞌor keh: «Reꞌ hin nawojic chopol car, nqui keh. —Wi jeꞌ reꞌ na̱banam, reꞌ hoj nakojic woꞌ chawi̱j, kojqui reh. Jeꞌ reꞌ ajic naxoj-o̱j, chi kunchelal i hoj reꞌreꞌ xoj-oquic cok pan jenaj maꞌ laj cano̱wa reh chi nakojic banol car, xa reꞌ laꞌ chipam akꞌab reꞌreꞌ maꞌ jenoꞌ car xkachop.
26972	JHN 21:5	Ar ajic reꞌ Jesus jeꞌ wili xikꞌor cho keh: «Bi̱l, maꞌ xachop ta tak aca̱r yuꞌna, majeꞌ? nqui keh. —Maꞌxta Ha̱w, kojqui reh.
27282	ACT 8:37	—Wi reꞌ hat nacoj wach ru̱cꞌ chiꞌnchel awa̱mna chaj bih take xnikꞌor aweh, maꞌxta bih enkꞌetbic pan abe̱h chi enikahsaj aha̱ꞌ, nqui maꞌ Peh. —Reꞌ hin nicoj wach chi reꞌ kAja̱w Jesus reꞌreꞌ i rAcꞌu̱n i Dios, nqui xikꞌor aj Etiyopi̱ya.