13945	PSA 1:2	A me kin peren kida kapung en Ieowa o madamadaua duen a kapung ni ran o ni pong!
13952	PSA 2:3	Kitail en kawela ara men saliedi o kase sang kitail ara sal akan!
13956	PSA 2:7	A ngai pan padaki wei duen aude pan kapung en Ieowa! A kotin masani ong ia er: Koe nai Ol, ran wet I kaipwi uk adar!
13959	PSA 2:10	Ari, komail nanmarki kan en dukidi, o komail saunkapung en sappa kan en lolekongala!
13960	PSA 2:11	Papang Ieowa ni lan o pereperen ni masak!
13963	PSA 3:2	O IEOWA, ai imwintiti me toto, o ir me toto, me kangudi ong ia!
13969	PSA 3:8	Kom kotida Maing, Ieowa o sauasa ia, ai Kot! Pwe kom kotin pikir ai imwintiti karos, o kawelar ngi en me sapung kan.
13970	PSA 3:9	Ieowa me sauas patail. Kom kotin kamauiada sapwilim omui aramas akan! Sela.
13973	PSA 4:3	Komail saumas akan! Arai da mar ai pan susued? Arai da omail pok ong me mal kot, o omail perenki likam? Sela.
13977	PSA 4:7	Me toto kin inda: Is me pan kasale ong kitail me mau kan? A Ieowa, kom kotin kamaraine kin kit marain en silang omui!
13994	PSA 6:2	MAING, kom der kotin kaloke kin ia omui ongiong, o der kame kin ia omui ongiong lapala!
13997	PSA 6:5	Maing, kom kotin saupei dong ia, dorela ngen i. Kom kotin sauasa ia ni omui kalangan!
14012	PSA 7:9	Ieowa iei saunkapung en wei kan. Maing, kotin sauasa ia, duen ai pung o duen ai lelapok!
14023	PSA 8:2	MAING at Kaun, mar omui meid lingan nan sap karos! Irail kin kapinga komui nanlang!
14031	PSA 8:10	Ieowa at Kaun, mar omui meid lingan nan sap karos!
14043	PSA 9:12	Kauleki Ieowa, me kin kaunda nan Sion. Komail padaki ong wei kan a wiawia!
14051	PSA 9:20	Maing, kom kotida! Pwe aramas ender pwaida, a men liki kan karos en pakadeikada mo omui.
14099	PSA 14:7	O i men, sauas pan Israel en kodo sang nan Sion, o Ieowa en kotin lapwada sapwilim a salidi kan! I me Iakop pan insenemauki o Israel pan pereperenki.
14133	PSA 18:3	Ieowa ai paip, ai kel, ai saundor ai Kot, ai paipalap, me i kin liki, pere pa i, menkamaur pa i o sile pa i!
14198	PSA 20:2	IEOWA en kotin mangi om kapakap ni ran apwal o; mar en Kot en Iakop en pera uk!
14202	PSA 20:6	Se pan ngisingiski omui sauasa kit, o ni mar en atail Kot kit pan kida at plak. Ieowa en kotin kapwaiada om poekipoek karos!
14206	PSA 20:10	Maing kom kotin sauasa nanmarki o, o kotin mangi at likwir ong komui!
14208	PSA 21:2	MAING Ieowa, nanmarki o kin peren kida omui manaman, o a polauleki melel omui sauasa i!
14240	PSA 22:20	A komui Maing ender doo sang ia! Ai kel madangdo o sauasa ia!
14241	PSA 22:21	Dorela maur i sang kodlas, pwe me ta ieu, o sang nan kel en kidi!
14242	PSA 22:22	Sauasa ia sang nan au en laien, o dore ia la sang ose en man laualo!
14265	PSA 24:7	Komail ritingada wanim laud o langada wanim nin sappa, pwe Nammarki lingan en kotilong!
14267	PSA 24:9	Komail ritingada wanim laud o langada wanim nin sappa, pwe Nanmarki lingan en kotilong!
14273	PSA 25:5	Kalua ia ni omui melel o kalolekong ia! Pwe komui ta ai Kot, me kin sausa ia, ran karos, i kin auiaui komui.
14275	PSA 25:7	Re der kotin kupura dip en ai tikitik o ai sopeik; a kupura ia ni ar kapunglol o kalangan! Maing Ieowa.
14285	PSA 25:17	Masak en mongiong i lalaudalar; kotin kalua ia sang nan ai apwal akan!
14286	PSA 25:18	Kom kotin mangi ai luet o ai kankangeranger, o kotin maki ong ia dip ai kan karos!
14290	PSA 25:22	Maing Kot, kom kotin dorela Israel sang nan ar apwal akan karos!
14301	PSA 26:11	A ngai kin weweid ni makelekel. Dore ia la o kotin maki ong ia!
14310	PSA 27:8	Mongiong i kin kataman kin komui omui masan: Komail rapa kin ia! I me i pil kin rapaki silang omui. Maing Ieowa!
14316	PSA 27:14	Auiaui Ieowa! Der masak, o mongiong om ender masak, o auiaui Ieowa!
14325	PSA 28:9	Kotin sauasa sapwilim omui aramas akan o kotin kamauiala sapwilim omui soso, o kotin kamanga ir o apwali irail ada kokolata!
14326	PSA 29:1	KOMAIL lapalap akan, wa dong Ieowa, wa dong Ieowa wau o manaman!
14327	PSA 29:2	Wa dong Ieowa wau en mar a, pongi Ieowa ni omail kapwat saraui!
14341	PSA 30:5	Komail lelapok kan en kapinga Ieowa, o kapinga mar a lingan!
14352	PSA 31:3	Kapaikidi dong ia karong ar akan, madang sauasa ia! Kom kotin wiala ai paipalap roson, o kele pa i, pwen sauasa ia!
14364	PSA 31:15	A i kin kaporoporeki komui Maing, i ap inda: Komui ta ai Kot!
14373	PSA 31:24	Komail sapwilim a saraui kan karos, pok ong Ieowa! Ieowa kin kotin sinsila me poson akan, ap depuk ong ir melel, me aklapalap akan.
14374	PSA 31:25	Komail karos me kaporoporeki Ieowa, en kelail o der masak!
14375	PSA 32:1	MEID pai, me dip arail lapwadar, o me ar sapung pwaipwaidier!
14388	PSA 33:3	Kauleki ong i kaul kap pot, komail kanai ong arp o ngil!
14416	PSA 34:9	Komail song o kilang duen kalangan en Ieowa! Meid pai, me liki i!
14417	PSA 34:10	Lan Ieowa sapwilim a saraui kan! Pwe me kin lan i, sota pan anane meakot.
14433	PSA 35:3	Ngapekida katieu sauasa ia ong ai imwintiti kan. Kotin masan dong ngen i: Ngai sauas pam!
14452	PSA 35:22	Maing, kom kotin mangi mepukat, kom der kotin nenenla, Maing, kom der doo sang ia!
14455	PSA 35:25	Der mueid ong, ren inda nan mongiong arail: Io, io, i me se men! Der mueid ong, ren inda: Kitail katalalar i.
14466	PSA 36:8	Meid kasampwal omui kalangan Maing Kot, pwe aramas akan kin diar wasan kamaio pan mot en lim omui!
14533	PSA 38:22	Ieowa ai Kot, kom der muei sang ia o der doowei sang ia!
14546	PSA 39:12	Ma kom pan kaloke amen pweki dip a, mom a kaselel ap pan suedala likamada man en mot kangala. O meid mal aramas karos! Sela.
14553	PSA 40:5	Meid pai ol o me kaporoporeki Ieowa o sota waroki ong me aklapalap akan, de me weweid nin tiak likam!
14562	PSA 40:14	Kom kotin kupura ia Maing, o kotin dore ia la; Maing kom kotin sauasa madang!
14564	PSA 40:16	Ir me kin likelikwirki due ai: “Io, io!” en masak o lisela.
14565	PSA 40:17	Karos me idok komui, en pereperen o popol. O me pok ong omui maur, ansau karos ren inda: Meid kapingan Ieowa!
14566	PSA 40:18	Pwe ngai samama o luet; a Ieowa kin kotin apwali ia. Komui sauas pa i o ai saundor; ai Kot, kom der kotin pwand!
14580	PSA 41:14	Kapinga ong Ieowa, Kot en Israel sang met o kokolata! Amen. Amen.
14586	PSA 42:6	Ngen i, da me koe insensuedeki o sota moleileiki? Auiaui Kot! I pan purong kapinga i. Pwe a kotin sauasa kin ia silang i.
14592	PSA 42:12	Ngen i, da me koe insensuedeki o sota moleileiki? Auiaui Kot! Pwe i pan danke i, pwe i sauas pan mas ai o ai Kot.
14593	PSA 43:1	MAING Kot! Kotin sauasa ai pung, o kotin ieiang ia nan kapung ong aramas sued pukat, o kotin dore ia la sang aramas likam o morsued akan.
14597	PSA 43:5	Ngen i, da me koe insensuedeki o sota moleileiki? Auiaui Kot! Pwe i pan danke i, pwe i sauas pan mas ai o ai Kot.
14621	PSA 44:24	Maing, kom kotida! Da me kom kotin saimokela? Kotin opada wasa, o der kasapoke kit ala kokolata!
14628	PSA 45:4	Pira wong omui kodlas ni longelong omui, komui ol komad, o kapwata kin komui!
14656	PSA 47:2	KOMAIL kainok karos lopolop o kapinga Kot ki ngil kaperen!
14661	PSA 47:7	Kauli ong Kot psalm ko! Kaulki psalm ko! Kauli ong atail Nanmarki! Kakaul!
14666	PSA 48:2	IEOWA meid lapalap, o a indand mau melel nan kanim en atail Kot, pon sapwilim a dol saraui!
14682	PSA 49:3	Ir karos, aramas o saupeidi, ir karos me kapwapwa o samama kan!
14695	PSA 49:16	A Kot pan kotin dorela ngen i sang nan mana en wasan mela, pwe a pan kotin sapwilimane kin ia. Sela!
14704	PSA 50:4	A kotin molipe lang o sappa, pwen kapungala sapwilim a aramas akan!
14705	PSA 50:5	Komail kapokon pena nai lelapok kan, me wiadar ar inau ong ia ni ansau en mairong!
14762	PSA 53:7	O i men, sauas pan Israel en kodo sang nan Sion, o Kot en kotin lapwada sapwilim a salidi kan! I me Iakop pan insen mauki o Israel pan pereperenki.
14811	PSA 57:2	MAING Kot, kom kotin maki ong ia, maki ong ia! Pwe ngen i kin kaporoporeki komui, o pan mot en lim omui i wasan ai maur, lao ansau apwal daulier.
14818	PSA 57:9	Ngen i pirida! Kaul o arp pirida! I pan pirida nin soran.
14867	PSA 61:2	MAING Kot, kom kotin ereki ai likelikwir o kotin mangi ai kapakap!
14885	PSA 62:11	Komail der keleki omail dipisou sapung o der kaporoporeki me komail kuliadar. Ma komail pan kapwapwala, komail der kasampwaleki!
14925	PSA 66:1	NGISINGIS ong Ieowa nan sap karos!
14926	PSA 66:2	Kauleki lingan en mar a; kapikapinga i melel!
14927	PSA 66:3	Komail potoan ong Kot: Meid kapuriamui sapwilim omui dodok kan! Sapwilim omui imwintiti kapinga komui pweki omui manaman.
14952	PSA 67:8	Kot pan kotin kapai kit ada, o toun sappa karos pan masak i!
14957	PSA 68:5	Kauli ong Kot, kauli ong mar a! Kaonopada al o ong i, me kotiwei nan sap tan, a maraneki Ieowa — komail perenki i!
14960	PSA 68:8	Maing Kot, ni ansau kom kotiwei mon sapwilim omui aramas akan, ni omui kotiwei nan sap tan! Sela.
14986	PSA 68:34	I, me kin kotikot sili nanlang, nanlang en masia! Kilang, a kin kotiki ong sapwilim a nansapwe manaman.
14987	PSA 68:35	Komail kamelele mana en Kot! A lingan mi ren Israel, o a mana mi nan tapok kan.
14988	PSA 68:36	Kot meid kapuriamui nan mole saraui. I Kot en Israel. A pan kotiki ong aramas akan mana o kelail. Kapinga Kot!
15006	PSA 69:18	O kom der karirela sang sapwilim omui ladu silang omui, pwe i masak; kom kotin madang mangi ia!
15027	PSA 70:2	MAING Kot kom kotin madangdo, dore ia la, Maing Ieowa, pwen sauasa ia!
15029	PSA 70:4	Pwe irail me kin indinda due ai: Io ol o! Ren namenokala.
15030	PSA 70:5	A me kin idok komui, en pereperen o popolki komui, o me kin pok ong omui maur, en indinda ansau karos: Kot meid kapingan!
15031	PSA 70:6	A ngai me luet o samama. Maing Kot, kom kotin madang dong ia, pwe komui ta sauas pa i o ai saundor; Maing Ieowa, kom der kotin pwand!
15043	PSA 71:12	Maing Kot, kom der kotin doo wei sang ia, Maing Kot! Kom kotin madangdo o sauasa ia.
15074	PSA 72:19	O kaping ong mar a lingan kokolata, o sap karos en direki a wau! Amen, amen!
15111	PSA 74:8	Irail kin inda nan mongiong arail: Na, kitail pan kawela! Irail karongalar wasan kaudok karos nan sap o.
15131	PSA 75:5	I indang me aklapalap akan: Komail der aklapalap! O ong me doo sang Kot akan: Komail der keleki omail manaman!
15172	PSA 78:1	KOMAIL nai aramas akan, rong ai kusoned; komail kapaike dong salong omail padak en au ai!
15252	PSA 79:9	Maing Kot, sauas pat, kom kotin sauasa kit, pweki wau en mar omui. Kom kotin dore kit ala o kotin maki ong kit dip at akan, pweki mar omui!
15253	PSA 79:10	Da me kom kotin mueid ong men liki kan en inda: Ari, ia arail Kot? Kom kotin kasale ong men liki kan depuk en ntan sapwilim omui ladu kan, me wudokilar, en pil sansal mo at!
15259	PSA 80:3	Kom kotin kasaleda omui manaman mon Epraim, o Peniamin, o Manase, o kotido, pwen sauasa kit!