13945	PSA 1:2	A me kin peren kida kapung en Ieowa o madamadaua duen a kapung ni ran o ni pong!
13946	PSA 1:3	A rasong tuka pot, me padedier ni kailan pilap akan, me kin kapareda wa ni a ansau, o ta kan sota kin mongala, a karos a wiawia pwaida.
13950	PSA 2:1	DA me men liki kan lingaringarki, o da me wei kan lamelam eki me mal akan?
13953	PSA 2:4	A me kotikot nanlang, kotin kiparamateki, o Kaun o kotin mamale kin irail.
13955	PSA 2:6	A ngai kasapwilada ai Nanmarki pon dol en Sion saraui.
13956	PSA 2:7	A ngai pan padaki wei duen aude pan kapung en Ieowa! A kotin masani ong ia er: Koe nai Ol, ran wet I kaipwi uk adar!
13959	PSA 2:10	Ari, komail nanmarki kan en dukidi, o komail saunkapung en sappa kan en lolekongala!
13961	PSA 2:12	Metik sapwilim a Ol, pwe a der ongiong, o komail ap lokidokila pon al o, pwe a ongiong kak madang tapida. A meid pai ir karos, me liki i.
13963	PSA 3:2	O IEOWA, ai imwintiti me toto, o ir me toto, me kangudi ong ia!
13965	PSA 3:4	A komui Ieowa pere pa i, o komui pan kotin kalingana ia da, o kamait ia la.
13973	PSA 4:3	Komail saumas akan! Arai da mar ai pan susued? Arai da omail pok ong me mal kot, o omail perenki likam? Sela.
13977	PSA 4:7	Me toto kin inda: Is me pan kasale ong kitail me mau kan? A Ieowa, kom kotin kamaraine kin kit marain en silang omui!
13981	PSA 5:2	IEOWA kom kotin ereki ai lokaia o kotin mangi ai madamadaua.
13987	PSA 5:8	A i pan pedelong ong nan tanpas omui, pweki omui kalangan lapalap, o kaudok ni lan inen wong sapwilim omui im en kaudok o.
13994	PSA 6:2	MAING, kom der kotin kaloke kin ia omui ongiong, o der kame kin ia omui ongiong lapala!
14003	PSA 6:11	Ai imwintiti karos pan namenokela o masakada melel, re pan tangwei o madang sarodi.
14005	PSA 7:2	MAING, i kin liki komui Ieowa, ai Kot. Kom kotin sauasa ia ong ai imwintiti kan karos, o kotin dore ia la,
14009	PSA 7:6	A ma so due, ai imwintiti en kaloke ia, o kol ia di, o tiakedi maur i nani pwel, o kawela mar ai. Sela.
14017	PSA 7:14	O kotin pwil poa kanangan kasik katieu men kamela. A kotin kaonopada sapwilim a kanangan kasik katieu, pwe men karongala.
14019	PSA 7:16	A weiradar por eu o wiadar lolia, ap pein pupedi ong lole, me a weiradar.
14020	PSA 7:17	A men kamela pan sapale dong pein mong a, o a dodok sued pan pupedi ong pein a al en wel.
14023	PSA 8:2	MAING at Kaun, mar omui meid lingan nan sap karos! Irail kin kapinga komui nanlang!
14039	PSA 9:8	A Ieowa pan kotin kaunda kokolata. A kotin kaonopada mol a, pwen kadeikada.
14044	PSA 9:13	Pwe a kotin taman irail ada o kotin kainoma nta ’rail. A sota kin kotin maliela likwir en me samama kan.
14053	PSA 10:1	MAING, da me kom kotin doo sang ia, o da me kom kotin rir sang ia ni ansau apwal?
14057	PSA 10:5	A kin pwaida ni a dodok kan. A sapwilim omui kapung me doo sang i; a kin lalaue a imwintiti kan karos.
14058	PSA 10:6	A kin indinda nan mongiong i: I sota pan lodi; i sota pan diar ai apwal kot kokolata.
14059	PSA 10:7	Au a me dir en lalaue, o malaun, o kotaue, o pan lo a kin me sued o me apwal.
14060	PSA 10:8	A wonon o masamasan nan kanim akan, a kin rir kamela me makelekel o, o por en mas a kin masamasan me sapai o.
14061	PSA 10:9	A kin masamasan wasa rir dueta laien amen nan deu a, a kin auiaui, pwen koledi me luet o, a kin saikidi me luet o ni a insar.
14062	PSA 10:10	A kin dairukorokedi o karakarakedi, o me sapai kan pan lodi ong ni kiki kong kelail akan.
14063	PSA 10:11	A kin indinda nan mongiong i: Kot pan monokela, a kin karirila silang i, a sota man mangi.
14066	PSA 10:14	Ari so, kom kotin mangi, pwe kom kotin irerong me luet o kankangeranger akan, pwen sauasa ir. Me sapai o kin mueid ong komui pein i, o komui me sauas pa en me sapoupou o.
14076	PSA 11:6	A pan kotin kamoredi ong me doo sang Kot akan liol, o kisiniai, o swepel, o a pan katinge kin irail melimel.
14079	PSA 12:2	MAING kom kotin sauasa, pwe me lelapok kan malaulaular, o me melel akan me malaulau ren aramas akan.
14088	PSA 13:2	MAING arai da kom pan kotin malie ia la? Arai da komui pan kotin karirila silang omui mo i?
14089	PSA 13:3	Arai da i en perki nan lol ai o salo mi nan mongiong i ran karos? Arai da ai imwintiti en kaurur kin ia?
14092	PSA 13:6	A i kin liki omui kalangan; mongiong i en peren kida omui kotin sauasa ia. I pan kauleki Ieowa duen a kotin wiawia mau ong ia.
14095	PSA 14:3	A ir karos suedelar o karos sota kon ong, sota me kin wiada me mau, sota amen.
14100	PSA 15:1	MAING, is me pan kaukauson nan tanpas omui? Is me pan mimieta pon sapwilim omui dol saraui?
14104	PSA 15:5	Me sota pan piti sang en amen na moni, o me sota pan ale kisakis, pwen kawela me pung amen. Ari, me kin apwali mepukat, sota pan luetala kokolata.
14105	PSA 16:1	MAING Kot, kom kotin sinsila ia, pwe i liki komui.
14108	PSA 16:4	A irail me kin idedauen amen, pan lodi ong apwal toto. I sota mauki arail mairong, me doleki nta, de mar arail I sota pan inda.
14109	PSA 16:5	A Ieowa ai pai o ai peren; Komui kin kolekol ai soso.
14116	PSA 17:1	MAING kom kotin ereki me pung o kotin mangi ai likwir o kotin kupura ai kapakap, me sota kin kowei sang nan kil en au likam eu.
14117	PSA 17:2	Ai pung en pwili sang re omui, o kom kotin masan dong me pung.
14130	PSA 17:15	A i pan ariri silang omui ni ai pung, o i pan medikila mom omui ni ai pan pirida.
14139	PSA 18:9	Atiniai koda sang nan silang i, o kisiniai kelail sang nan au a, ap kareda liol.
14145	PSA 18:15	A kotin kasik wei sapwilim a kanang en kasik katieu, o kotin kamueit irail pasang. A kotin wiadar liol toto o kamasak irail adar.
14146	PSA 18:16	Al en pil akan ap sansaladar, o pason en sappa weiweidar ki ar ongiong Maing, mon ang en silang omui.
14147	PSA 18:17	A kotikidier lim a sang nan wasa ileile, a kotin kol ia di o kotin api ia dar sang nan pil kalaimun akan.
14148	PSA 18:18	A kotin dore ia la sang ai imwintiti kelail akan, sang ir, me kailong kin ia, ir me i sota itar ong.
14161	PSA 18:31	Al en Kot me unsokala; masan en Ieowa me makelekel. I pere pan karos, me liki i.
14164	PSA 18:34	A kin kotin wiai ong nä i kan dueta nä en tia, o kotin kasapwil ia dang wasa ileile.
14165	PSA 18:35	A kotin padaki ong pa i kan tiak en mauin o, pwen kak ong kaonopada kasik katieu mata.
14183	PSA 19:2	LANG pokon kin kasokasoi duen lingan en Kot o aude pan lang kin katitiki dodok en lim a kan.
14186	PSA 19:5	O a loua padak lel ong sap karos, o a kaparok lel imwin sappa. A kotin wiai ong katipin im pwal eu pan lang;
14188	PSA 19:7	A dakada ni eu imwin lang ap tangalang imwin teio, o sota me kak rir sang mon karakar a.
14198	PSA 20:2	IEOWA en kotin mangi om kapakap ni ran apwal o; mar en Kot en Iakop en pera uk!
14199	PSA 20:3	A en kotin porone dong uk sauas pam sang nan tanpas saraui o kamana uk ada sang nan Sion.
14200	PSA 20:4	A en kotin kupura om mairong karos, o om mairong isis en konkon re a. Sela.
14201	PSA 20:5	A en kotiki ong uk, me mongiong om anane, o kotin kapaiada om inong karos.
14208	PSA 21:2	MAING Ieowa, nanmarki o kin peren kida omui manaman, o a polauleki melel omui sauasa i!
14211	PSA 21:5	A kin poeki re omui maur, komui ap kotiki ong i maur warai kokolata.
14212	PSA 21:6	A lingan me lapalap ki omui kotin sauasa i. Kom kin kotin kapwataki i manaman o lingan.
14222	PSA 22:2	A I Kot, ai Kot da me komui likidmalie kin ia la? I likelikwir, a sauas pa i me doo.
14223	PSA 22:3	Ai Kot, nin ran i kin likwir, a kom sota kin sapeng, o ni pong i pil sota kin nenenla.
14224	PSA 22:4	Ari so, komui ta me saraui, komui me kotikot pan kaul en kaping en Israel.
14227	PSA 22:7	A ngai dueta kamatol amen, a kaidin ol amen, me aramas akan kin lalaue o mamaleki.
14229	PSA 22:9	A kin liki Ieowa, i en dorela i, o kamaioda i, pwe a kin kupura i.
14236	PSA 22:16	Ai kelail ngalangal lar dueta diper en dal eu, o lo i pasadang pan ngatangat ai, o komui kin wia kin ia me melar amen.
14240	PSA 22:20	A komui Maing ender doo sang ia! Ai kel madangdo o sauasa ia!
14253	PSA 23:1	IEOWA sile pa i, i sota pan anane meakot.
14254	PSA 23:2	A kotin kamanga ia nan mos kaselel o kalua ia wong ni pil lamelamur.
14255	PSA 23:3	A kotin kamanada ngen i, a kalua ia pon al pung pweki mar a.
14259	PSA 24:1	SAPWILIM en Ieowa sappa o audepa kan, sap o meakaros me kauson poa.
14269	PSA 25:1	MAING, i kin inong iong komui.
14270	PSA 25:2	Ai Kot, i liki komui, sauasa ia, pwe i ender sarodi, o ai imwintiti kan ender peren kida.
14277	PSA 25:9	A kin kalua pung me luet akan, o a kotin padaki ong me luet akan al a.
14278	PSA 25:10	Al en Ieowa kan me dir en kalangan o melel ong ir, me kin kolekol a inau o masan akan.
14280	PSA 25:12	Is ol, me kin lan Ieowa? A pan kotin padaki ong i duen al o, me a en pilada.
14291	PSA 26:1	IEOWA kom kotin sauasa ia, pwe i kekeit wei ni melel. I kin liki Ieowa, i sota pan luetala.
14301	PSA 26:11	A ngai kin weweid ni makelekel. Dore ia la o kotin maki ong ia!
14303	PSA 27:1	IEOWA kamarain pa i o kamaur pa i, is me i en masak? Ieowa kel pan maur i, is me i en lomwinki?
14307	PSA 27:5	Pwe ni ansau apwal a kotin sinsila ia nan tanpas a im pwal. A pan kotin karuk ia la nan tanpas a im likau, o kotin kau ia da pon paip eu.
14308	PSA 27:6	A pan kotin kasapwil ia dang pon ai imwintiti kan, me kapil ia pena; i ap pan wiada mairong en kaping nan tanpas a im pwal, i pan kaul o kaping ong Ieowa.
14315	PSA 27:13	Ari so, i asa, me i pan ududial kalangan en Ieowa nan sap en me memaur akan.
14316	PSA 27:14	Auiaui Ieowa! Der masak, o mongiong om ender masak, o auiaui Ieowa!
14317	PSA 28:1	MAING, ai paipalap, i lao likwir wong komui, kom der kotin sapaimokid, pwe ma re pan sapaimokid, i pan dueta ir, me pan lokidokila nan por o.
14326	PSA 29:1	KOMAIL lapalap akan, wa dong Ieowa, wa dong Ieowa wau o manaman!
14331	PSA 29:6	A kin kotin kalukalus irail dueta kau pul amen, Lipanon o Sirion dueta kau pul ol amen.
14343	PSA 30:7	A ngai inda ni ai ansau mau: I sota pan lodi kokolata.
14351	PSA 31:2	MAING, i liki komui, kom kotin ieiang ia, pwe i ender namenokala kokolata; dore kin ia la duen omui pung.
14361	PSA 31:12	Ai imwintiti kan karos lalaue ia, o i wialar kanamenok pan men imp ai kan, o kamasak pan sau i kan; me kilang ia nani al o, kin tangwei sang ia.
14362	PSA 31:13	Aramas monoke ia lar dueta me melar amen; ngai rasong dal eu, me mor pasang.
14364	PSA 31:15	A i kin kaporoporeki komui Maing, i ap inda: Komui ta ai Kot!
14365	PSA 31:16	Ai ansau mi nan lim omui, dore ia sang nan pa en ai imwintiti kan o sang me kin pakipaki ia.
14372	PSA 31:23	Pwe ni ai peikasal i indindar: I lokidokilar sang mon silang ar. Ari so, kom kotin ereki ngil en ai ngidingid, ni ai potoan werwiwer ong komui.