13944	PSA 1:1	MEID pai ol o, me sota alialu ni padak en me doo sang Kot akan, o me so duki ong me dipan akan, o me so mondi ren me malaun akan,
13945	PSA 1:2	A me kin peren kida kapung en Ieowa o madamadaua duen a kapung ni ran o ni pong!
13948	PSA 1:5	I me doo sang Kot akan sota pan pwai kida nan kadeik, o me dipan akan nan momod en me pung kan.
13949	PSA 1:6	Pwe Ieowa kotin mangi al en me pung kan; a al en ir, me doo sang Kot akan, pan soredi.
13951	PSA 2:2	Nanmarki en sappa kan kin kangudi o saupeidi kan kapukapung pena, en kaokaoe dodok en Ieowa o Sapwilim a me keidier.
13956	PSA 2:7	A ngai pan padaki wei duen aude pan kapung en Ieowa! A kotin masani ong ia er: Koe nai Ol, ran wet I kaipwi uk adar!
13957	PSA 2:8	Poeki re i, I ap pan ki ong uk, en sosoki men liki kan, o en aneki imwin sappa kan.
13960	PSA 2:11	Papang Ieowa ni lan o pereperen ni masak!
13963	PSA 3:2	O IEOWA, ai imwintiti me toto, o ir me toto, me kangudi ong ia!
13965	PSA 3:4	A komui Ieowa pere pa i, o komui pan kotin kalingana ia da, o kamait ia la.
13966	PSA 3:5	I kin likwiri ong Ieowa ki ngil laud; o a kotin mangi ai ngidingid sang ni sapwilim a dol saraui. Sela.
13967	PSA 3:6	I kin wonon, o mamair, o pirida, pwe Ieowa kin kotin kolekol ia.
13968	PSA 3:7	I sota kin masak saunpei nen pak toto, me kin kapil ia pena.
13969	PSA 3:8	Kom kotida Maing, Ieowa o sauasa ia, ai Kot! Pwe kom kotin pikir ai imwintiti karos, o kawelar ngi en me sapung kan.
13970	PSA 3:9	Ieowa me sauas patail. Kom kotin kamauiada sapwilim omui aramas akan! Sela.
13974	PSA 4:4	Komail lolekongala, ap asa, me Ieowa kotin piladar sapwilim a lelapok o. Ieowa kin kotin mangi ia ni ai likelikwir ong i.
13976	PSA 4:6	Komail mairongki mairong pung o liki Ieowa.
13977	PSA 4:7	Me toto kin inda: Is me pan kasale ong kitail me mau kan? A Ieowa, kom kotin kamaraine kin kit marain en silang omui!
13979	PSA 4:9	I kin wonon o mamair ni popol; pwe komui ta Maing, me kotin sauasa ia da, pwe i en kak moleilei.
13981	PSA 5:2	IEOWA kom kotin ereki ai lokaia o kotin mangi ai madamadaua.
13983	PSA 5:4	Maing Ieowa, kotin mangi ngil ai nin soran, nin soran i men tu ong komui o masamasan.
13986	PSA 5:7	Kom pan kotin kamela me likam kan; Ieowa kin kotin tataki me kamela o kotaue aramas akan.
13991	PSA 5:12	Karos, me liki komui ap pan peren kida, re pan pereperen kokolata, pwe kom kin kotin sinsila irail. Irail pan pereperen, me kin pok ong mar omui.
13994	PSA 6:2	MAING, kom der kotin kaloke kin ia omui ongiong, o der kame kin ia omui ongiong lapala!
13995	PSA 6:3	Maing, kom kotin maki ong ia, pwe ngai me luet. Maing, kom kotin kamau ia la, Maing Ieowa, pwe ti kan me luetalar.
13999	PSA 6:7	I panga kida ai sangesang sang sautik lel mansang; i kawisokisokela ai los pil en mas ai.
14001	PSA 6:9	Komail aramas morsued akan karos kaiwei sang ia, pwe Ieowa kotin mangi ai sangesang.
14002	PSA 6:10	Ieowa kotin mangi ai ngidingid, o Ieowa kotin mangier ai kapakap.
14005	PSA 7:2	MAING, i kin liki komui Ieowa, ai Kot. Kom kotin sauasa ia ong ai imwintiti kan karos, o kotin dore ia la,
14012	PSA 7:9	Ieowa iei saunkapung en wei kan. Maing, kotin sauasa ia, duen ai pung o duen ai lelapok!
14021	PSA 7:18	I pan kapinga Ieowa, pweki a pung, o i pan kauleki mar en Ieowa me lapalapia.
14023	PSA 8:2	MAING at Kaun, mar omui meid lingan nan sap karos! Irail kin kapinga komui nanlang!
14031	PSA 8:10	Ieowa at Kaun, mar omui meid lingan nan sap karos!
14033	PSA 9:2	I MEN kapinga Ieowa sang nan mongiong i meler, o kasokasoiia duen sapwilim omui dodok kapuriamui kan karos.
14034	PSA 9:3	I men pereperen o polauleki komui o kauleki mar omui; komui me lapalapia,
14038	PSA 9:7	Imwintiti o soredier, a namenokalar melel. Komui kotin wuketedi kanim akan; o solar, me pan taman irail ada o tou ar akan.
14039	PSA 9:8	A Ieowa pan kotin kaunda kokolata. A kotin kaonopada mol a, pwen kadeikada.
14041	PSA 9:10	Ieowa sile pan me samama kan, silepa ni ansau apwal.
14042	PSA 9:11	I me irail, me asa mar omui kin liki komui, pwe komui sota kin muei sang irail, me kin rapaki komui, Maing Ieowa.
14043	PSA 9:12	Kauleki Ieowa, me kin kaunda nan Sion. Komail padaki ong wei kan a wiawia!
14045	PSA 9:14	Maing Ieowa, kom kotin maki ong ia. Re kotin mangi ai apwal ren ai imwintiti kan, kom kotin dore ia la sang nan wanim en mela.
14048	PSA 9:17	I me kitail asaki, Ieowa me kotin kapung pung. Me sapung kan salidi ong pein ar dodok en pa ar akan. Sela.
14053	PSA 10:1	MAING, da me kom kotin doo sang ia, o da me kom kotin rir sang ia ni ansau apwal?
14055	PSA 10:3	Pwe me sapung o kin suaiki a tiak sued, o me norok moni, kin muei sang Ieowa, lalaue i.
14058	PSA 10:6	A kin indinda nan mongiong i: I sota pan lodi; i sota pan diar ai apwal kot kokolata.
14068	PSA 10:16	Ieowa me Nanmarki kokolata; men liki kan en nikilar sang nan sap we.
14071	PSA 11:1	I LIKI Ieowa, a menda komail indang ngen i: Piridalang pon omail nana dueta manpir amen?
14074	PSA 11:4	Ieowa kotikot nan tanpas a saraui, mol en Ieowa mimi nanlang, silang i kin mamasani sili, kil en silang i kin sosong aramas akan.
14075	PSA 11:5	Ieowa kotin song me pung, ap kotin tataki me sapung o morsued.
14077	PSA 11:7	Ieowa me pung o a kotin pok ong me pung. Silang i irerong ong me melel o.
14079	PSA 12:2	MAING kom kotin sauasa, pwe me lelapok kan malaulaular, o me melel akan me malaulau ren aramas akan.
14080	PSA 12:3	Irail kin lokaia likam, amen amen ong men impa, re lokaiaki lol riapot.
14081	PSA 12:4	Ieowa pan kotin usada kil en au karos me lingkaping o lo, me kin lokaia wei ni aklapalap.
14083	PSA 12:6	Ieowa kotin masani: I pan uda, pweki kankangeranger en me luet akan o sangesang en me samama kan: I pan sauasa i, me kin inong iong.
14084	PSA 12:7	Masan en Ieowa me makelekeleta silper, me kamakelekel kidar nan dal pwel en kisiniai pan pak isu.
14088	PSA 13:2	MAING arai da kom pan kotin malie ia la? Arai da komui pan kotin karirila silang omui mo i?
14091	PSA 13:5	Pwe ai imwintiti ender inda: I kaloedier i. O me palian ia ender perenki ai pupedier.
14092	PSA 13:6	A i kin liki omui kalangan; mongiong i en peren kida omui kotin sauasa ia. I pan kauleki Ieowa duen a kotin wiawia mau ong ia.
14094	PSA 14:2	Ieowa kin irerong aramas akan sang nanlang, pwen masani, ma amen mia, me lolekong o rapaki Kot.
14096	PSA 14:4	Irail karos me kin wiada mesued, sota ar lolekong, o me kin kawela nai aramas akan, lao medi kila, a re sota kin likwir ong Ieowa?
14097	PSA 14:5	I wasa re kin masak, pwe Kot kotikot ren kadaudok en me pung kan.
14098	PSA 14:6	Komail kin kawela inong en me luet; aki Ieowa, me a kin kaporoporeki.
14099	PSA 14:7	O i men, sauas pan Israel en kodo sang nan Sion, o Ieowa en kotin lapwada sapwilim a salidi kan! I me Iakop pan insenemauki o Israel pan pereperenki.
14100	PSA 15:1	MAING, is me pan kaukauson nan tanpas omui? Is me pan mimieta pon sapwilim omui dol saraui?
14103	PSA 15:4	Me kin mamaleki me lokidokilar o, ap kakaki me masak Ieowa kan, o me kin kaula melel, menda ma a suedi ong pein i;
14105	PSA 16:1	MAING Kot, kom kotin sinsila ia, pwe i liki komui.
14106	PSA 16:2	Ngai potoan ong Ieowa: Komui ta ai Kaun, sota eu pai, me i asa, pwe komui eta.
14107	PSA 16:3	O I kin indang saraui kan, me kin mi nan sappa: Met akan pwin isou, me I kin pokepoke sang ni mongiong i.
14108	PSA 16:4	A irail me kin idedauen amen, pan lodi ong apwal toto. I sota mauki arail mairong, me doleki nta, de mar arail I sota pan inda.
14109	PSA 16:5	A Ieowa ai pai o ai peren; Komui kin kolekol ai soso.
14110	PSA 16:6	I diaradar ai pwais en sap kaselel eu, ei pai kaselel eu, me i sosokier.
14111	PSA 16:7	I kapinga Ieowa, me kotin kalolekong ia; pil ni pong mudilik i kan kin padaki ong ia.
14112	PSA 16:8	I kin ariri Ieowa ansau karos, pwe a kotikot ni pali maun i, i ap sota pan luetala.
14113	PSA 16:9	I me mongiong i kin peren kida, o ngen i kin popol, pwe pil pali uduk ai pan moleilei.
14116	PSA 17:1	MAING kom kotin ereki me pung o kotin mangi ai likwir o kotin kupura ai kapakap, me sota kin kowei sang nan kil en au likam eu.
14118	PSA 17:3	Kom kotin kasaui mongiong i ni pong, o komui kotin sosong ia, ap sota me kom kotin diar. I inaukidi, me i sota pan sapung ni ai lokaia.
14119	PSA 17:4	I kin rukila pan masan en silang omui sang mon tiak en aramas o al en men kamela.
14121	PSA 17:6	I likwiri ong komui, Maing Kot, kom kotin mangi ia, o kapaike dong ia karong omui, o kotin ereki ai kapakap.
14129	PSA 17:14	Sang ren aramas akan ki lim omui, Maing Ieowa, sang ren aramas en sappa wet, me pwais arail ni maur et; kom kotin kadire kila kaped arail omui dipiso kan, me nairail seri ol me toto, o nairail akan me pan sosoki luan arail kapwa.