13944	PSA 1:1	MEID pai ol o, me sota alialu ni padak en me doo sang Kot akan, o me so duki ong me dipan akan, o me so mondi ren me malaun akan,
13947	PSA 1:4	Me doo sang Kot akan sota kin dueta, a re rasong dip me ang kin iririp sili.
13961	PSA 2:12	Metik sapwilim a Ol, pwe a der ongiong, o komail ap lokidokila pon al o, pwe a ongiong kak madang tapida. A meid pai ir karos, me liki i.
13964	PSA 3:3	Me toto kin inda duen ngen i, me dene sota sauas pa i ren Kot. Sela.
13969	PSA 3:8	Kom kotida Maing, Ieowa o sauasa ia, ai Kot! Pwe kom kotin pikir ai imwintiti karos, o kawelar ngi en me sapung kan.
13977	PSA 4:7	Me toto kin inda: Is me pan kasale ong kitail me mau kan? A Ieowa, kom kotin kamaraine kin kit marain en silang omui!
13979	PSA 4:9	I kin wonon o mamair ni popol; pwe komui ta Maing, me kotin sauasa ia da, pwe i en kak moleilei.
13983	PSA 5:4	Maing Ieowa, kotin mangi ngil ai nin soran, nin soran i men tu ong komui o masamasan.
13985	PSA 5:6	Me aklapalap akan sota pan pwaida mon silang omui, kom kin kotin suede ki me sapung kan.
13988	PSA 5:9	Maing kom kotin kalua ia ni omui pung, pweki ai imwintiti kan; kom kotin kaineneta al omui mo i.
13990	PSA 5:11	Kom kotin kadeik irail da, Maing Kot, pwe ren pup kidi pein arail inong. Sikin ir wei, pweki arail dip lapalap, pwe re kin kangudi ong komui.
13992	PSA 5:13	Pwe komui Maing kin kapaiada me pung kan. Komui kin kotin nekid ir ala ki omui kalangan dueta pere eu.
13994	PSA 6:2	MAING, kom der kotin kaloke kin ia omui ongiong, o der kame kin ia omui ongiong lapala!
13995	PSA 6:3	Maing, kom kotin maki ong ia, pwe ngai me luet. Maing, kom kotin kamau ia la, Maing Ieowa, pwe ti kan me luetalar.
13996	PSA 6:4	O ngen i waponda melel. O Maing, arai da?
13997	PSA 6:5	Maing, kom kotin saupei dong ia, dorela ngen i. Kom kotin sauasa ia ni omui kalangan!
14000	PSA 6:8	Mom ai suede kilar ai insensued, o i malar, pweki kamakamasak pai me toto.
14005	PSA 7:2	MAING, i kin liki komui Ieowa, ai Kot. Kom kotin sauasa ia ong ai imwintiti kan karos, o kotin dore ia la,
14007	PSA 7:4	Maing, ai Kot, ma i wiadar mepukat, o ma pa i kat wiadar sapung,
14010	PSA 7:7	Maing, kom kotida ni omui ongiong o kotin palian makar en ai imwintiti kan, o kotin opadang ia, pwe re kotin inau kidar kapung,
14012	PSA 7:9	Ieowa iei saunkapung en wei kan. Maing, kotin sauasa ia, duen ai pung o duen ai lelapok!
14016	PSA 7:13	Ma meamen sota pan wukila, a ap kotin ada sapwilim a kodlas o onopada kasik katieu o kainene wong i,
14023	PSA 8:2	MAING at Kaun, mar omui meid lingan nan sap karos! Irail kin kapinga komui nanlang!
14025	PSA 8:4	Ma i kilekilang lang, dodok en lim omui, saunipong o usu kan, me re kotin wiadar:
14033	PSA 9:2	I MEN kapinga Ieowa sang nan mongiong i meler, o kasokasoiia duen sapwilim omui dodok kapuriamui kan karos.
14042	PSA 9:11	I me irail, me asa mar omui kin liki komui, pwe komui sota kin muei sang irail, me kin rapaki komui, Maing Ieowa.
14045	PSA 9:14	Maing Ieowa, kom kotin maki ong ia. Re kotin mangi ai apwal ren ai imwintiti kan, kom kotin dore ia la sang nan wanim en mela.
14047	PSA 9:16	Men liki kan pupedi ong nan por o, me pein irail weiradar, o nä ’rail lodi ong insar, me pein irail wiadar.
14048	PSA 9:17	I me kitail asaki, Ieowa me kotin kapung pung. Me sapung kan salidi ong pein ar dodok en pa ar akan. Sela.
14049	PSA 9:18	Me sapung kan en lokidokila nan wasan mela, o men liki kan karos, me kin monokela Kot.
14051	PSA 9:20	Maing, kom kotida! Pwe aramas ender pwaida, a men liki kan karos en pakadeikada mo omui.
14052	PSA 9:21	Maing, kotiki ong ir men kamasak, pwe men liki kan en dedeki, me re udan aramas eta. Sela.
14053	PSA 10:1	MAING, da me kom kotin doo sang ia, o da me kom kotin rir sang ia ni ansau apwal?
14054	PSA 10:2	Me sapung kan ni ar aklapalap re kin kaloke me samama o; re kin pokon pena o madamadaua duen ar morsued.
14056	PSA 10:4	Me sapung o kin lamelame ni a aklapalap, me a sota kotin mangi duen mepukat. Ni song en a tiak sued karos, a kin lamelame me sota Kot.
14064	PSA 10:12	Re kotida Maing Kot, kotin pokada lim ar, kom der kotin maliela me luet akan.
14065	PSA 10:13	Menda me doo sang Kot o kin mamaleki Kot, o a kin indinda nan mongiong i, me dene kom sota pan kotin mangi.
14066	PSA 10:14	Ari so, kom kotin mangi, pwe kom kotin irerong me luet o kankangeranger akan, pwen sauasa ir. Me sapai o kin mueid ong komui pein i, o komui me sauas pa en me sapoupou o.
14069	PSA 10:17	Maing, kom kotin mangier inong en me luet akan; kom kotin kamanada mongiong arail, karong omui mamangi mepukat,
14079	PSA 12:2	MAING kom kotin sauasa, pwe me lelapok kan malaulaular, o me melel akan me malaulau ren aramas akan.
14082	PSA 12:5	Me kin indinda: Lo atail, me kit pan pwai kida, o kil en au at me kit keleki; is at kaun?
14084	PSA 12:7	Masan en Ieowa me makelekeleta silper, me kamakelekel kidar nan dal pwel en kisiniai pan pak isu.
14085	PSA 12:8	Komui Maing, pan kotin pera irail, o sinsila mon di wet kokolata.
14088	PSA 13:2	MAING arai da kom pan kotin malie ia la? Arai da komui pan kotin karirila silang omui mo i?
14090	PSA 13:4	Maing ai Kot, kom kotin masan dong ia o sapeng ia. Kom kotin kamaraini mas ai, pwe i ender mela.
14093	PSA 14:1	ME pweipwei o kin indinda nan mongiong i: Sota Kot. Sota katepa ’rail, o arail tiak meid sued; sota amen mia, me kin wia me mau.
14100	PSA 15:1	MAING, is me pan kaukauson nan tanpas omui? Is me pan mimieta pon sapwilim omui dol saraui?
14101	PSA 15:2	Me kin kekeitwei ni makelekel, o me kin wia me pung, o me kin lokaia melel sang nan mongiong;
14102	PSA 15:3	Me sota karaun mal ki lo a, o me sota kin wia mesued ong men imp a;
14103	PSA 15:4	Me kin mamaleki me lokidokilar o, ap kakaki me masak Ieowa kan, o me kin kaula melel, menda ma a suedi ong pein i;
14104	PSA 15:5	Me sota pan piti sang en amen na moni, o me sota pan ale kisakis, pwen kawela me pung amen. Ari, me kin apwali mepukat, sota pan luetala kokolata.
14105	PSA 16:1	MAING Kot, kom kotin sinsila ia, pwe i liki komui.
14107	PSA 16:3	O I kin indang saraui kan, me kin mi nan sappa: Met akan pwin isou, me I kin pokepoke sang ni mongiong i.
14116	PSA 17:1	MAING kom kotin ereki me pung o kotin mangi ai likwir o kotin kupura ai kapakap, me sota kin kowei sang nan kil en au likam eu.
14121	PSA 17:6	I likwiri ong komui, Maing Kot, kom kotin mangi ia, o kapaike dong ia karong omui, o kotin ereki ai kapakap.
14124	PSA 17:9	Mon me sapung kan, me men kawe ia la, mon ai imwintiti, me kin kapil ia pena.
14128	PSA 17:13	Maing, kom kotida, kaloedi o kanamenokla i; dorela maur i sang me sapung kan ki omui kodlas,
14129	PSA 17:14	Sang ren aramas akan ki lim omui, Maing Ieowa, sang ren aramas en sappa wet, me pwais arail ni maur et; kom kotin kadire kila kaped arail omui dipiso kan, me nairail seri ol me toto, o nairail akan me pan sosoki luan arail kapwa.
14132	PSA 18:2	I KIN pok ong komui Maing, ai kel.
14146	PSA 18:16	Al en pil akan ap sansaladar, o pason en sappa weiweidar ki ar ongiong Maing, mon ang en silang omui.
14180	PSA 18:50	I me i men danke komui, Maing Ieowa, nan pung en men liki kan o kauleki duen mar omui,
14191	PSA 19:10	Lomwin Ieowa me min o kin duedueta. Masan en Ieowa kan me melel, o pung kaualap.
14204	PSA 20:8	Mo kan kin kaporoporeki war o os akan; a kit kin keleki mar en Ieowa atail Kot.
14206	PSA 20:10	Maing kom kotin sauasa nanmarki o, o kotin mangi at likwir ong komui!
14208	PSA 21:2	MAING Ieowa, nanmarki o kin peren kida omui manaman, o a polauleki melel omui sauasa i!
14220	PSA 21:14	Maing kom kotida ni omui rosong kit ap kauleki o kapinga omui manaman.
14240	PSA 22:20	A komui Maing ender doo sang ia! Ai kel madangdo o sauasa ia!
14247	PSA 22:27	Me luet akan en manga o medila, o me idok Ieowa, pan kapinga i; ngen omail pan memaureta kokolata.
14250	PSA 22:30	Me wi kan karos nin sappa pan mangamanga o kelepuki; karos, me pan wiala pwel o sota kak kolekol maur ar, pan pongi i.
14259	PSA 24:1	SAPWILIM en Ieowa sappa o audepa kan, sap o meakaros me kauson poa.
14262	PSA 24:4	Me pa a kan sota sapung o mongiong i makelekel; me sota kin mauki padak sapung, o me sota kin kaula likam.
14269	PSA 25:1	MAING, i kin inong iong komui.
14272	PSA 25:4	Maing, kom kotin kasale ong ia al omui kan, o kotin padaki ong ia omui tiak kan;
14274	PSA 25:6	Maing, kom kotin tamanda omui kalangan o omui kapunglol, me tapidar mon kaua.
14275	PSA 25:7	Re der kotin kupura dip en ai tikitik o ai sopeik; a kupura ia ni ar kapunglol o kalangan! Maing Ieowa.
14279	PSA 25:11	Maing, kom kotin maki ong ia ai sapung kan me lapalap, pweki mar omui.
14283	PSA 25:15	Mas ai kin ariri Ieowa ansau karos, pwe a pan kotin lapwada nä i kat sang nan insar.
14285	PSA 25:17	Masak en mongiong i lalaudalar; kotin kalua ia sang nan ai apwal akan!
14289	PSA 25:21	Melel o pung en sinsila ia, pwe i auiaui komui.
14290	PSA 25:22	Maing Kot, kom kotin dorela Israel sang nan ar apwal akan karos!
14292	PSA 26:2	Maing kom kotin kasaui ia da o kasongesong ia, o kamakelekele mudilik i kan o mongiong i.
14296	PSA 26:6	I omiomi ki makelekel o i kin pok ong sapwilim omui pei saraui, Maing, Ieowa,
14298	PSA 26:8	Maing Ieowa, i kin pok ong wasan tanpas omui, o wasan ar lingan.
14304	PSA 27:2	Ma mesued akan pan tanga dong ia, pwen kawela uduk ai o ai imwintiti kan, re pan dipikelekel o pupedi.
14305	PSA 27:3	Ma pwin saunpei pan kapil ia pena, i sota pan masapwekada, o ma mauin pan wiaui ong ia, i pan liki i.
14309	PSA 27:7	Maing, kom kotin ereki ngil ai, ma i pan likwir ong komui, kom kotin maki ong ia o mangi ia.
14310	PSA 27:8	Mongiong i kin kataman kin komui omui masan: Komail rapa kin ia! I me i pil kin rapaki silang omui. Maing Ieowa!
14313	PSA 27:11	Maing, kom kotin kasale ong ia sapwilim omui al o kalua ia nani al pung pweki ai imwintiti kan.
14317	PSA 28:1	MAING, ai paipalap, i lao likwir wong komui, kom der kotin sapaimokid, pwe ma re pan sapaimokid, i pan dueta ir, me pan lokidokila nan por o.
14323	PSA 28:7	Ieowa kel pa i o pere pa i, mongiong i kin liki i, o sauas pa i mia. Mongiong i liki i o i pan danke i ki ai kaul.
14326	PSA 29:1	KOMAIL lapalap akan, wa dong Ieowa, wa dong Ieowa wau o manaman!
14338	PSA 30:2	I kapinga komui Maing, pwe komui me kotin kasapwil ia dar, o sota mueid ong ai imwintiti kan ren peren kin ia da.
14340	PSA 30:4	Maing, kom kotin kalua ngen i sang nan wasan mela. Kom kotin dore ia lar ni ansau me irail lokidokila nan pweleko.
14344	PSA 30:8	Maing, ni omui kalangan, kom kotin katengedi ai dol, a ni ansau me re karuki sang mo i silang omui, i masapwekadar.
14345	PSA 30:9	I likwir wong komui Maing, o i ngidingideki ong Kaun.
14347	PSA 30:11	Maing Ieowa, re kotin mangi ia o kotin maki ong ia; Ieowa sauas pa i.
14349	PSA 30:13	Pwe ngen i en kauli ong komui, a ender nenenla. Maing ai Kot, i pan kapinga komui kokolata.
14351	PSA 31:2	MAING, i liki komui, kom kotin ieiang ia, pwe i ender namenokala kokolata; dore kin ia la duen omui pung.
14355	PSA 31:6	I kakaliki ong komui ngen i; kom kotin dore ia la, komui Maing Kot melel.