13956	PSA 2:7	A ngai pan padaki wei duen aude pan kapung en Ieowa! A kotin masani ong ia er: Koe nai Ol, ran wet I kaipwi uk adar!
13961	PSA 2:12	Metik sapwilim a Ol, pwe a der ongiong, o komail ap lokidokila pon al o, pwe a ongiong kak madang tapida. A meid pai ir karos, me liki i.
13963	PSA 3:2	O IEOWA, ai imwintiti me toto, o ir me toto, me kangudi ong ia!
13972	PSA 4:2	KOT kapung pa i, kom kotin mangi ia ni ai likelikwir. Pwe kom kin kotin kamait ia la ni ai ansau apwal. Kom kotin maki ong ia o mangi ai kapakap.
13981	PSA 5:2	IEOWA kom kotin ereki ai lokaia o kotin mangi ai madamadaua.
13982	PSA 5:3	O kotin mangi ai likelikwir, ai Nanmarki o ai Kot, pwe i pan potoan kapakap ong komui.
13996	PSA 6:4	O ngen i waponda melel. O Maing, arai da?
14008	PSA 7:5	O ma i depukki mesued en akai ar wiawia mau ong ia, pwe i dorelar, me imwintiti ong ia, ap sota karepa,
14017	PSA 7:14	O kotin pwil poa kanangan kasik katieu men kamela. A kotin kaonopada sapwilim a kanangan kasik katieu, pwe men karongala.
14030	PSA 8:9	O manpir en pan lang, o mam en nan sed, karos me kin memaureki nan madau.
14040	PSA 9:9	O a pan kotin kadeikada sappa ni pung, o kakaunda wei kan pung.
14091	PSA 13:5	Pwe ai imwintiti ender inda: I kaloedier i. O me palian ia ender perenki ai pupedier.
14099	PSA 14:7	O i men, sauas pan Israel en kodo sang nan Sion, o Ieowa en kotin lapwada sapwilim a salidi kan! I me Iakop pan insenemauki o Israel pan pereperenki.
14107	PSA 16:3	O I kin indang saraui kan, me kin mi nan sappa: Met akan pwin isou, me I kin pokepoke sang ni mongiong i.
14140	PSA 18:10	O a kotikidier nanlang o kotidido, o rotorot impan aluwilu a kan.
14141	PSA 18:11	O a kotikot pon Kerup amen o kotin pirwei, o a kotin dake pa en ang.
14144	PSA 18:14	O Ieowa kotin wiadar nansapwe nanlang, o me Lapalapia kotin poronelar kapit i iang akel o liol.
14150	PSA 18:20	O a kotin kalua ia wasan saladok, a kotin kamaio ia da, aki a kotin kupukupura ia.
14155	PSA 18:25	O Ieowa kotin katingi ong ia duen ai pung, o duen makelekel en pa i kan mon silang i.
14157	PSA 18:27	O makelekel ren me makelekel akan, o sapung ren me sapung kan.
14186	PSA 19:5	O a loua padak lel ong sap karos, o a kaparok lel imwin sappa. A kotin wiai ong katipin im pwal eu pan lang;
14187	PSA 19:6	O a kin pedoi sang nan a pera dueta ol kamod amen, o kin pereperen dueta ol kamod amen ni a tangwei pon al o.
14198	PSA 20:2	IEOWA en kotin mangi om kapakap ni ran apwal o; mar en Kot en Iakop en pera uk!
14253	PSA 23:1	IEOWA sile pa i, i sota pan anane meakot.
14261	PSA 24:3	Is me pan kodalang pon dol en Ieowa? O is me pan kak uda ni mol en Ieowa saraui?
14291	PSA 26:1	IEOWA kom kotin sauasa ia, pwe i kekeit wei ni melel. I kin liki Ieowa, i sota pan luetala.
14303	PSA 27:1	IEOWA kamarain pa i o kamaur pa i, is me i en masak? Ieowa kel pan maur i, is me i en lomwinki?
14326	PSA 29:1	KOMAIL lapalap akan, wa dong Ieowa, wa dong Ieowa wau o manaman!
14358	PSA 31:9	O re der mueid ong ai imwintiti, ren kaloe ia di. Kom kotin kasone nä i kat nan wasa salatok.
14386	PSA 33:1	KOMAIL me pung kan polauleki Ieowa, me lelapok kan en kapinga i.
14402	PSA 33:17	Os akan pil sota kak sauasa ekis o a kelail melel sota kadepa.
14414	PSA 34:7	Ol luet men et lao likwir, Ieowa ap kotin erekier o dorela i sang nan a apwal akan karos.
14451	PSA 35:21	O re sar pasang au arail ong ia indada: Io io, pein kit kilanger.
14458	PSA 35:28	O lo i en kapakaparok duen omui pung, o kapinga komui ran karos.
14465	PSA 36:7	Omui pung rasong nana en Kot akan, o omui kadeik kan me rasong iluk ileile kalank; Maing, komui me kotin dorela aramas o man akan.
14472	PSA 37:1	KOE der makaraki me sued akan; o der peirinki me kin wia sapung.
14511	PSA 37:40	O Ieowa pan kotin ieiang ir o pan dore ir ala; A pan kotin dore ir ala sang me sapung kan, o a pan sauasa ir, pwe re kin liki i.
14524	PSA 38:13	O me kin inong iong kame ia la, kin masamasan ia, o me men wia sued ong ia, kin indinda duen ar pan wiada dodok sued, o re kin widiwiding ansau karos.
14532	PSA 38:21	O me kin depukki ai me mau me sued, kin palian ia, pweki ai dadaurata me mau.
14546	PSA 39:12	Ma kom pan kaloke amen pweki dip a, mom a kaselel ap pan suedala likamada man en mot kangala. O meid mal aramas karos! Sela.
14552	PSA 40:4	O a kotiki ong nan au ai kaul kap pot, pwen kapinga atail Kot; i me aramas toto pan udial ap lan Ieowa o kaporoporeki i.
14565	PSA 40:17	Karos me idok komui, en pereperen o popol. O me pok ong omui maur, ansau karos ren inda: Meid kapingan Ieowa!
14626	PSA 45:2	MONGIONG i kin wiada kaul kaselel apot; i pan kaule ki duen Nanmarki amen, lo i rasong pensil en sauninting koiok amen.
14633	PSA 45:9	Omui likau kan kin pomauki mire, aloe, o kasia ni omui pedoi sang tanpas omui im elpenpain, komui kin polauleki kaul o arp.
14644	PSA 46:2	KOT atail kaporopor o kele patail, o sauas patail ni atail apwal akan, me lel dong kitail.
14656	PSA 47:2	KOMAIL kainok karos lopolop o kapinga Kot ki ngil kaperen!
14666	PSA 48:2	IEOWA meid lapalap, o a indand mau melel nan kanim en atail Kot, pon sapwilim a dol saraui!
14701	PSA 50:1	KOT Ieowa manaman masanier o molipedo sappa sang ni tapin katipin lel ni a kiridi.
14729	PSA 51:6	Ong komui eta me i wiai dip ong, o wiadar sapung mon silang omui, pwe komui me pung eta ni omui masan akan, o komui makelekel eta ni omui pan kadeikada.
14747	PSA 52:3	KOE ol weit, da me koe suaikeki me sued, pwe kalangan en Ieowa kin duedueta ni ran karos.
14762	PSA 53:7	O i men, sauas pan Israel en kodo sang nan Sion, o Kot en kotin lapwada sapwilim a salidi kan! I me Iakop pan insen mauki o Israel pan pereperenki.
14778	PSA 55:7	I ap indada: O ma pa i kat dueta pa en muroi, pwen pirwei o mi ekis wasa.
14909	PSA 64:10	O aramas karos pan masak o inda: Mepukat Kot kotin wiadar. O re pan asa, me i sapwilim a dodok.
14924	PSA 65:14	O mal akan me dir en pwin sip, o sap me rokeki korn, me mau ong ngisingis o kakaul.
14946	PSA 67:2	KOT en kotin maki ong kit, o kotin kapaia kin kit. A kotin kamaraine kin kit, silang i. Sela.
14954	PSA 68:2	KOT en kotida, pwe a imwintiti en kamueit pasang, o me kailongki i, en tang wei.
14969	PSA 68:17	Menda komail nana kalaimun akan kin kilekilang ap peirin ong nana, me Kot kotin piladar en kotikot ia? O Ieowa pan kotikot wasa o kokolata.
14981	PSA 68:29	Omail Kot kotin kauadar omail wei; Maing Kot, i me komui en kotin katengetengedi, pwe sapwilim omui dodok.
15001	PSA 69:13	O me mondi pan wanim, kin kasekasenda ia, o wasan kang sakau, re kin kakaul kin ia.
15006	PSA 69:18	O kom der karirela sang sapwilim omui ladu silang omui, pwe i masak; kom kotin madang mangi ia!
15025	PSA 69:37	O wan a ladu kan pan sosoki irail, o me kin pok ong mar a, pan kauson wasa o.
15042	PSA 71:11	O indinda: Kot muei sanger i, komail paki o koledi i, pwe sota sauas pa a.
15074	PSA 72:19	O kaping ong mar a lingan kokolata, o sap karos en direki a wau! Amen, amen!
15086	PSA 73:11	Re kin inda: Iaduen, Kot pan kotin insenoki irail? O menda ren me lapalap irail?
15113	PSA 74:10	O Maing Kot, arai da me morsued o pan lalaue, o imwintiti o pan mamaleki mar omui?
15131	PSA 75:5	I indang me aklapalap akan: Komail der aklapalap! O ong me doo sang Kot akan: Komail der keleki omail manaman!
15139	PSA 76:2	KOT me indand mau ren Iuda, o mar a me lingan ren men Israel.
15163	PSA 77:13	O madamadaua duen omui wiawia kan karos, o kilekilang duen omui dodok.
15172	PSA 78:1	KOMAIL nai aramas akan, rong ai kusoned; komail kapaike dong salong omail padak en au ai!
15179	PSA 78:8	O ren der dueta sam arail akan, me kainok kangudi o katiwo eu, me mongiong arail sota tengeteng, o ngen arail sota melel ong Kot;
15182	PSA 78:11	O re monokelar a wiawia kan o a manaman akan, me a kotin kasansale ong irail er.
15187	PSA 78:16	O a kotin kapkapwile wei pilap kai sang nan paip, pwe ren pwile wei dueta pilap laud akan.
15189	PSA 78:18	O re kasongesong Kot nan mongiong arail, ni ar inong iong kan arail manga.
15190	PSA 78:19	O re palian Kot ni ar inda: Melel Kot pan kak wiada tepel eu nan sap tan?
15195	PSA 78:24	O kotin kamoredi ong ir manga, pwe ren manga, o a kotiki ong ir prot en lang.
15198	PSA 78:27	O a kotin kamoredi ong ir uduk dueta pwel par, o manpir dueta pik en oror.
15199	PSA 78:28	O a kotin kapup irail di wasa karos, me irail kauson ia.
15202	PSA 78:31	Ongiong en Kot ap lel ong irail er, o kamelar ol lapalap re ’rail, o kotin wokiedi manakap en Israel kasampwal akan.
15206	PSA 78:35	O re tamandar, me Kot kele parail o Kot lapalap ar saundor.
15207	PSA 78:36	O re lik sansal mau ong i ni au arail o re likam ong i ni lo ar.
15226	PSA 78:55	O kotin pakipaki men liki kan mo ’rail, o kotin nek ong ir sap arail, pwen sosoki, o a kotiki ong kainok en Israel akan, en kaukauson nan im arail.
15228	PSA 78:57	O re muei sang o mamaleki meakaros, dueta sam arail akan, o re sota tengeteng, dueta kasik katieu luet eu.
15229	PSA 78:58	O re kaongiong i ni ar kaudok pon dol akan, o re kupur suedeki i ki arail dikedik en ani kan.
15240	PSA 78:69	O a kotin kauadar tanpas a im saraui wasa ileile, dueta sappa me pan tengeteng eta kokolata.
15243	PSA 78:72	O a kotin apapwali ir ni tiak en mongiong melel o pung, o kakaun irail ada ni koiok en lim a kan.
15258	PSA 80:2	KOMUI sile pan Israel, kotin mangi; komui me kin apapwali Iosep dueta sip akan. Kom kotido, me kaipokedi pon angin Kerup.
15272	PSA 80:16	O kotin apapwali i, me lim omui padukedier, o me kom kotin apapwalier.
15278	PSA 81:2	KOMAIL pereperen kauli ong Kot, me kel patail; ngisingis ong Kot en Iakop!
15285	PSA 81:9	Komail nai aramas akan rong ia, I pan padaki ong komail! O Israel, ma koe pan peiki ong ia!
15290	PSA 81:14	O ma nai aramas akan pan peiki ong ia, o Israel pan weweid nan al ai kan,
15292	PSA 81:16	O irail me kailongki Ieowa, sota pan kak ong irail; o ansaun arail pakadeik pan duedeuta kokolata;
15293	PSA 81:17	O I pan kamanga kin irail korn kaselelia, o I pan katungole kin i onik sang nan paip o.
15294	PSA 82:1	KOT kotikot nan momodisou en Kot, o i saunkapung en kaun akan.
15309	PSA 83:8	O Kepal, o Amon, o Amalek, men Pilista iangaki men Tirus.
15313	PSA 83:12	Kom kotin wiala ar saupeidi kan dueta Orep o Seep, o ar monsap akan karos dueta Sepa o Salmuna,
15339	PSA 85:6	Kom pan kotin ongiongi kit kokolata? Omui ongiong pan duedueta sang en kainok lel eu?
15371	PSA 87:7	O ni ar madomadong re pan kauleki: Ai parer karos mi re om!
15379	PSA 88:8	Omui ongiong kin katoutou ia, o kom kotin idan kin ia di omui iluk kan. Sela.
15383	PSA 88:12	Re pan kosoia duen omui kalangan nan sousou kan? O wasan mela duen omui melel?