13944	PSA 1:1	MEID pai ol o, me jota alialu ni padak en me doo jan Kot akan, o me jo duki on me dipan akan, o me jo mondi ren me malaun akan,
13947	PSA 1:4	Me doo jan Kot akan jota kin dueta, a re rajon dip me an kin iririp jili.
13948	PSA 1:5	I me doo jan Kot akan jota pan pwai kida nan kadeik, o me dipan akan nan momod en me pun kan.
13949	PSA 1:6	Pwe Ieowa kotin mani al en me pun kan; a al en ir, me doo jan Kot akan, pan joredi.
13952	PSA 2:3	Kitail en kawela ara men jaliedi o kaje jan kitail ara jal akan!
13953	PSA 2:4	A me kotikot nanlan, kotin kiparamateki, o Kaun o kotin mamale kin irail.
13956	PSA 2:7	A nai pan padaki wei duen aude pan kapun en Ieowa! A kotin majani on ia er: Koe nai Ol, ran wet I kaipwi uk adar!
13958	PSA 2:9	Koe pan kawe irail ekidi jokon mata, o kamor irail pajan rajon dal akan.
13964	PSA 3:3	Me toto kin inda duen nen i, me dene jota jauaj pa i ren Kot. Jela.
13969	PSA 3:8	Kom kotida Main, Ieowa o jauaja ia, ai Kot! Pwe kom kotin pikir ai imwintiti karoj, o kawelar ni en me japun kan.
13970	PSA 3:9	Ieowa me jauaj patail. Kom kotin kamauiada japwilim omui aramaj akan! Jela.
13972	PSA 4:2	KOT kapun pa i, kom kotin mani ia ni ai likelikwir. Pwe kom kin kotin kamait ia la ni ai anjau apwal. Kom kotin maki on ia o mani ai kapakap.
13973	PSA 4:3	Komail jaumaj akan! Arai da mar ai pan jujued? Arai da omail pok on me mal kot, o omail perenki likam? Jela.
13974	PSA 4:4	Komail lolekonala, ap aja, me Ieowa kotin piladar japwilim a lelapok o. Ieowa kin kotin mani ia ni ai likelikwir on i.
13975	PSA 4:5	Ni omail makar, komail der wia dip. Komail madamadauaki monion omail ni omail wendi pon loj o ap auiaui. Jela.
13976	PSA 4:6	Komail maironki mairon pun o liki Ieowa.
13978	PSA 4:8	Komui kotin kaperenda monion i laud jan anjaun arail wain o korn me toto.
13982	PSA 5:3	O kotin mani ai likelikwir, ai Nanmarki o ai Kot, pwe i pan potoan kapakap on komui.
13984	PSA 5:5	Pwe komui kaidin Kot amen, me kin mauki tiak japun, me morjued jota pan mimieta mo ’mui.
13986	PSA 5:7	Kom pan kotin kamela me likam kan; Ieowa kin kotin tataki me kamela o kotaue aramaj akan.
13989	PSA 5:10	Pwe jota me melel kot ni au arail; o lol arail rokeki kaopa. Kapinwor arail rajon joujou me jo jer pena; o re kin akjanjale mauki lo arail.
13990	PSA 5:11	Kom kotin kadeik irail da, Main Kot, pwe ren pup kidi pein arail inon. Jikin ir wei, pweki arail dip lapalap, pwe re kin kanudi on komui.
13991	PSA 5:12	Karoj, me liki komui ap pan peren kida, re pan pereperen kokolata, pwe kom kin kotin jinjila irail. Irail pan pereperen, me kin pok on mar omui.
13992	PSA 5:13	Pwe komui Main kin kapaiada me pun kan. Komui kin kotin nekid ir ala ki omui kalanan dueta pere eu.
13997	PSA 6:5	Main, kom kotin jaupei don ia, dorela nen i. Kom kotin jauaja ia ni omui kalanan!
14001	PSA 6:9	Komail aramaj morjued akan karoj kaiwei jan ia, pwe Ieowa kotin mani ai janejan.
14005	PSA 7:2	MAIN, i kin liki komui Ieowa, ai Kot. Kom kotin jauaja ia on ai imwintiti kan karoj, o kotin dore ia la,
14007	PSA 7:4	Main, ai Kot, ma i wiadar mepukat, o ma pa i kat wiadar japun,
14013	PSA 7:10	Re kotin kadukiedi mejued en me doo jan Kot akan, ap kotin katenedi me pun kan. Pwe komui Kot pun, kin kotin kajaui monion o mudilik kan.
14014	PSA 7:11	Kot iei pere pa i, me kin kotin jauaja me melel ni monion arail.
14015	PSA 7:12	Kot jaunkapun pun amen, me kotin onionada ni ran karoj.
14018	PSA 7:15	Kilan, a lamelam me dir en jued, a lijenaneki men kaokaoe o pan naitikedi likam.
14023	PSA 8:2	MAIN at Kaun, mar omui meid linan nan jap karoj! Irail kin kapina komui nanlan!
14028	PSA 8:7	Re kajapwiladaner i wiawia en lim omui kan. Kom kotin kaloedier karoj pan nä a kan:
14031	PSA 8:10	Ieowa at Kaun, mar omui meid linan nan jap karoj!
14036	PSA 9:5	Pwe re kotin apwali ia ni ai pun o ai dodok. Komui kaipokedi pon mol omui duen jaunkapun pun amen.
14037	PSA 9:6	Kom kotin kapun on men liki kan o kotin kamela me japun kan, kom kotin kawelar mar arail kokolata.
14038	PSA 9:7	Imwintiti o joredier, a namenokalar melel. Komui kotin wuketedi kanim akan; o jolar, me pan taman irail ada o tou ar akan.
14043	PSA 9:12	Kauleki Ieowa, me kin kaunda nan Jion. Komail padaki on wei kan a wiawia!
14049	PSA 9:18	Me japun kan en lokidokila nan wajan mela, o men liki kan karoj, me kin monokela Kot.
14056	PSA 10:4	Me japun o kin lamelame ni a aklapalap, me a jota kotin mani duen mepukat. Ni jon en a tiak jued karoj, a kin lamelame me jota Kot.
14063	PSA 10:11	A kin indinda nan monion i: Kot pan monokela, a kin karirila jilan i, a jota man mani.
14064	PSA 10:12	Re kotida Main Kot, kotin pokada lim ar, kom der kotin maliela me luet akan.
14065	PSA 10:13	Menda me doo jan Kot o kin mamaleki Kot, o a kin indinda nan monion i, me dene kom jota pan kotin mani.
14067	PSA 10:15	Kom kotin katip pajan pa en me japun o, o kotin depuk on mejued o a tiak jued lao jolar pan diarokada.
14071	PSA 11:1	I LIKI Ieowa, a menda komail indan nen i: Piridalan pon omail nana dueta manpir amen?
14072	PSA 11:2	Pwe kilan, me doo jan Kot akan kaonopadar kajik katieu o pwilikidi ar kanan en kajik katieu pon jal o, pwen rir kajikiedi me melel ni monion arail.
14076	PSA 11:6	A pan kotin kamoredi on me doo jan Kot akan liol, o kijiniai, o jwepel, o a pan katine kin irail melimel.
14085	PSA 12:8	Komui Main, pan kotin pera irail, o jinjila mon di wet kokolata.
14090	PSA 13:4	Main ai Kot, kom kotin majan don ia o japen ia. Kom kotin kamaraini maj ai, pwe i ender mela.
14093	PSA 14:1	ME pweipwei o kin indinda nan monion i: Jota Kot. Jota katepa ’rail, o arail tiak meid jued; jota amen mia, me kin wia me mau.
14094	PSA 14:2	Ieowa kin ireron aramaj akan jan nanlan, pwen majani, ma amen mia, me lolekon o rapaki Kot.
14097	PSA 14:5	I waja re kin majak, pwe Kot kotikot ren kadaudok en me pun kan.
14098	PSA 14:6	Komail kin kawela inon en me luet; aki Ieowa, me a kin kaporoporeki.
14105	PSA 16:1	MAIN Kot, kom kotin jinjila ia, pwe i liki komui.
14106	PSA 16:2	Nai potoan on Ieowa: Komui ta ai Kaun, jota eu pai, me i aja, pwe komui eta.
14109	PSA 16:5	A Ieowa ai pai o ai peren; Komui kin kolekol ai jojo.
14115	PSA 16:11	Kom kin kotin kaaja kin ia al maur; peren lapalap mi mon jilan omui, o meid linan ni pali maun en lim omui kokolata.
14118	PSA 17:3	Kom kotin kajaui monion i ni pon, o komui kotin jojon ia, ap jota me kom kotin diar. I inaukidi, me i jota pan japun ni ai lokaia.
14121	PSA 17:6	I likwiri on komui, Main Kot, kom kotin mani ia, o kapaike don ia karon omui, o kotin ereki ai kapakap.
14122	PSA 17:7	Kom kotin kajaleda omui kalanan kapuriamui, pwe pali maun omui jauaj pan ir, me kin liki komui, on ir me palian ir.
14132	PSA 18:2	I KIN pok on komui Main, ai kel.
14133	PSA 18:3	Ieowa ai paip, ai kel, ai jaundor ai Kot, ai paipalap, me i kin liki, pere pa i, menkamaur pa i o jile pa i!
14137	PSA 18:7	Ni ai majak i likwir on Ieowa o weriwer on ai Kot; I ap kotin ereki nil ai jan nan tanpaj a, o ai likwir lel on karon a kan.
14141	PSA 18:11	O a kotikot pon Kerup amen o kotin pirwei, o a kotin dake pa en an.
14152	PSA 18:22	Pwe i kin weweid nani al en Ieowa, o i jota kin katiwo on ai Kot.
14156	PSA 18:26	Komui me kalanan on me mau kan, o lelapok on me lelapok kan,
14159	PSA 18:29	Pwe kom kin kotin kamaraini ai lamp, Ieowa ai Kot kin kamaraini ai rotorot.
14160	PSA 18:30	Pwe ni ai ian komui i kak kaloedi karij en jaunpei kan, o ni ai ian ai Kot, i kak lujwei pon kel takai.
14161	PSA 18:31	Al en Kot me unjokala; majan en Ieowa me makelekel. I pere pan karoj, me liki i.
14162	PSA 18:32	Pwe ia amen Kot impan Ieowa, de ia paip eu impan atail Kot?
14163	PSA 18:33	Iei Kot, me kotin aude kin ia manaman, o kaunjokala al ai.
14166	PSA 18:36	Kom kotiki on ia pere pan maur omui, o lim omui pali maun kamana ia da, o omui opampap me kajapwil ia da.
14167	PSA 18:37	Kom kotin kaonopadar al, me i pan weweid ia, pwe nä i kan ender krijedi.
14170	PSA 18:40	Kom kak kamana kin ia omui manaman on ni pei; Kom kak kajedi on pan nä i kan karoj me palian ia.
14171	PSA 18:41	Kom kin kotin kaloedi on ia ai imwintiti kan, pwen kawela, me kailon kin ia.
14174	PSA 18:44	Kom kin kotin dore ia jan ren akamai en aramaj, o kom kotin kajapwil ia dan men liki kan; o wei eu me i jaja kin upa on ia.
14177	PSA 18:47	Ieowa kotin ieiaj; kapin on ai paipalap; o kapin on Kot ai jaundor.
14178	PSA 18:48	Kot me kotin depuk on ai imwintiti kan, o a kotin kaloedi on ia ai imwintiti kan;
14179	PSA 18:49	Kom kotin dore ia la jan ai imwintiti kan, o kom kotin kajapwil ia dan ir, me palian ia. Kom kin kotin jauaja ia on me morjued on ia.
14181	PSA 18:51	Komui me kotin kamaurada melel japwilim a nanmarki o a kotin jauaja mau japwilim a Dawid keiedier o kadaudok a kokolata.
14183	PSA 19:2	LAN pokon kin kajokajoi duen linan en Kot o aude pan lan kin katitiki dodok en lim a kan.
14189	PSA 19:8	Kapun en Ieowa me unjok o kin kainjenemauiala nen en aramaj akan. Kadede en Ieowa me melel o kin kalolekonla me lolepon.
14190	PSA 19:9	Kujoned en Ieowa me pun o kin kaperenda monion en aramaj. Kujoned en Ieowa me makelekel o kamarainiada maj en aramaj.
14194	PSA 19:13	Ij me kak aja duen toto en a japun? Kom kotin lapwada dip ai me rir akan.
14196	PSA 19:15	Kom kotin kupura kaparok en au ai o lokolokaia en monion i mo ’mui, Ieowa ai paipalap o ai jaundor.
14198	PSA 20:2	IEOWA en kotin mani om kapakap ni ran apwal o; mar en Kot en Iakop en pera uk!
14202	PSA 20:6	Je pan nijinijki omui jauaja kit, o ni mar en atail Kot kit pan kida at plak. Ieowa en kotin kapwaiada om poekipoek karoj!
14204	PSA 20:8	Mo kan kin kaporoporeki war o oj akan; a kit kin keleki mar en Ieowa atail Kot.
14209	PSA 21:3	Kom kotiki on i, me monion i inon ion, o kom jota kin jopeiwei jan, me kilin aua poekipoki. Jela.
14212	PSA 21:6	A linan me lapalap ki omui kotin jauaja i. Kom kin kotin kapwataki i manaman o linan.
14213	PSA 21:7	Kom kotin kajapwilada i, pwen wia kamau men kokolata; kom kaperenda i mon jilan omui.