13946	PSA 1:3	A rajon tuka pot, me padedier ni kailan pilap akan, me kin kapareda wa ni a anjau, o ta kan jota kin monala, a karoj a wiawia pwaida.
13947	PSA 1:4	Me doo jan Kot akan jota kin dueta, a re rajon dip me an kin iririp jili.
13948	PSA 1:5	I me doo jan Kot akan jota pan pwai kida nan kadeik, o me dipan akan nan momod en me pun kan.
13949	PSA 1:6	Pwe Ieowa kotin mani al en me pun kan; a al en ir, me doo jan Kot akan, pan joredi.
13951	PSA 2:2	Nanmarki en jappa kan kin kanudi o jaupeidi kan kapukapun pena, en kaokaoe dodok en Ieowa o Japwilim a me keidier.
13953	PSA 2:4	A me kotikot nanlan, kotin kiparamateki, o Kaun o kotin mamale kin irail.
13954	PSA 2:5	Eu ran a pan kotin kapun on ir ni a onion; o ni a onion lapalap a pan kotin kamajak irail.
13955	PSA 2:6	A nai kajapwilada ai Nanmarki pon dol en Jion jaraui.
13957	PSA 2:8	Poeki re i, I ap pan ki on uk, en jojoki men liki kan, o en aneki imwin jappa kan.
13958	PSA 2:9	Koe pan kawe irail ekidi jokon mata, o kamor irail pajan rajon dal akan.
13961	PSA 2:12	Metik japwilim a Ol, pwe a der onion, o komail ap lokidokila pon al o, pwe a onion kak madan tapida. A meid pai ir karoj, me liki i.
13964	PSA 3:3	Me toto kin inda duen nen i, me dene jota jauaj pa i ren Kot. Jela.
13965	PSA 3:4	A komui Ieowa pere pa i, o komui pan kotin kalinana ia da, o kamait ia la.
13966	PSA 3:5	I kin likwiri on Ieowa ki nil laud; o a kotin mani ai nidinid jan ni japwilim a dol jaraui. Jela.
13967	PSA 3:6	I kin wonon, o mamair, o pirida, pwe Ieowa kin kotin kolekol ia.
13968	PSA 3:7	I jota kin majak jaunpei nen pak toto, me kin kapil ia pena.
13969	PSA 3:8	Kom kotida Main, Ieowa o jauaja ia, ai Kot! Pwe kom kotin pikir ai imwintiti karoj, o kawelar ni en me japun kan.
13970	PSA 3:9	Ieowa me jauaj patail. Kom kotin kamauiada japwilim omui aramaj akan! Jela.
13972	PSA 4:2	KOT kapun pa i, kom kotin mani ia ni ai likelikwir. Pwe kom kin kotin kamait ia la ni ai anjau apwal. Kom kotin maki on ia o mani ai kapakap.
13973	PSA 4:3	Komail jaumaj akan! Arai da mar ai pan jujued? Arai da omail pok on me mal kot, o omail perenki likam? Jela.
13974	PSA 4:4	Komail lolekonala, ap aja, me Ieowa kotin piladar japwilim a lelapok o. Ieowa kin kotin mani ia ni ai likelikwir on i.
13975	PSA 4:5	Ni omail makar, komail der wia dip. Komail madamadauaki monion omail ni omail wendi pon loj o ap auiaui. Jela.
13976	PSA 4:6	Komail maironki mairon pun o liki Ieowa.
13978	PSA 4:8	Komui kotin kaperenda monion i laud jan anjaun arail wain o korn me toto.
13979	PSA 4:9	I kin wonon o mamair ni popol; pwe komui ta Main, me kotin jauaja ia da, pwe i en kak moleilei.
13981	PSA 5:2	IEOWA kom kotin ereki ai lokaia o kotin mani ai madamadaua.
13982	PSA 5:3	O kotin mani ai likelikwir, ai Nanmarki o ai Kot, pwe i pan potoan kapakap on komui.
13983	PSA 5:4	Main Ieowa, kotin mani nil ai nin joran, nin joran i men tu on komui o majamajan.
13985	PSA 5:6	Me aklapalap akan jota pan pwaida mon jilan omui, kom kin kotin juede ki me japun kan.
13986	PSA 5:7	Kom pan kotin kamela me likam kan; Ieowa kin kotin tataki me kamela o kotaue aramaj akan.
13987	PSA 5:8	A i pan pedelon on nan tanpaj omui, pweki omui kalanan lapalap, o kaudok ni lan inen won japwilim omui im en kaudok o.
13988	PSA 5:9	Main kom kotin kalua ia ni omui pun, pweki ai imwintiti kan; kom kotin kaineneta al omui mo i.
13989	PSA 5:10	Pwe jota me melel kot ni au arail; o lol arail rokeki kaopa. Kapinwor arail rajon joujou me jo jer pena; o re kin akjanjale mauki lo arail.
13990	PSA 5:11	Kom kotin kadeik irail da, Main Kot, pwe ren pup kidi pein arail inon. Jikin ir wei, pweki arail dip lapalap, pwe re kin kanudi on komui.
13991	PSA 5:12	Karoj, me liki komui ap pan peren kida, re pan pereperen kokolata, pwe kom kin kotin jinjila irail. Irail pan pereperen, me kin pok on mar omui.
13992	PSA 5:13	Pwe komui Main kin kapaiada me pun kan. Komui kin kotin nekid ir ala ki omui kalanan dueta pere eu.
13995	PSA 6:3	Main, kom kotin maki on ia, pwe nai me luet. Main, kom kotin kamau ia la, Main Ieowa, pwe ti kan me luetalar.
13996	PSA 6:4	O nen i waponda melel. O Main, arai da?
13997	PSA 6:5	Main, kom kotin jaupei don ia, dorela nen i. Kom kotin jauaja ia ni omui kalanan!
13999	PSA 6:7	I pana kida ai janejan jan jautik lel manjan; i kawijokijokela ai loj pil en maj ai.
14000	PSA 6:8	Mom ai juede kilar ai injenjued, o i malar, pweki kamakamajak pai me toto.
14001	PSA 6:9	Komail aramaj morjued akan karoj kaiwei jan ia, pwe Ieowa kotin mani ai janejan.
14002	PSA 6:10	Ieowa kotin mani ai nidinid, o Ieowa kotin manier ai kapakap.
14003	PSA 6:11	Ai imwintiti karoj pan namenokela o majakada melel, re pan tanwei o madan jarodi.
14005	PSA 7:2	MAIN, i kin liki komui Ieowa, ai Kot. Kom kotin jauaja ia on ai imwintiti kan karoj, o kotin dore ia la,
14006	PSA 7:3	Pwe ren der dueta laien amen kol ia di o tapen ia pajan, pwe jota pil amen jaundor.
14009	PSA 7:6	A ma jo due, ai imwintiti en kaloke ia, o kol ia di, o tiakedi maur i nani pwel, o kawela mar ai. Jela.
14011	PSA 7:8	Pwe wei kan pan pokon don ir; o re kotin purodala pweki irail.
14012	PSA 7:9	Ieowa iei jaunkapun en wei kan. Main, kotin jauaja ia, duen ai pun o duen ai lelapok!
14013	PSA 7:10	Re kotin kadukiedi mejued en me doo jan Kot akan, ap kotin katenedi me pun kan. Pwe komui Kot pun, kin kotin kajaui monion o mudilik kan.
14014	PSA 7:11	Kot iei pere pa i, me kin kotin jauaja me melel ni monion arail.
14015	PSA 7:12	Kot jaunkapun pun amen, me kotin onionada ni ran karoj.
14017	PSA 7:14	O kotin pwil poa kananan kajik katieu men kamela. A kotin kaonopada japwilim a kananan kajik katieu, pwe men karonala.
14018	PSA 7:15	Kilan, a lamelam me dir en jued, a lijenaneki men kaokaoe o pan naitikedi likam.
14019	PSA 7:16	A weiradar por eu o wiadar lolia, ap pein pupedi on lole, me a weiradar.
14020	PSA 7:17	A men kamela pan japale don pein mon a, o a dodok jued pan pupedi on pein a al en wel.
14021	PSA 7:18	I pan kapina Ieowa, pweki a pun, o i pan kauleki mar en Ieowa me lapalapia.
14024	PSA 8:3	Jan nan au en jeri pwelel, o ir me kin kankan didi, re kotin wia kidar manaman eu on omui imwintiti kan, pwe komui en kamela me imwintiti o, o me aktuau o.
14027	PSA 8:6	Re kotin kajapwilidier i anjau kij pan tounlan kan, a re kalinanadar i, o kawauialar i.
14028	PSA 8:7	Re kajapwiladaner i wiawia en lim omui kan. Kom kotin kaloedier karoj pan nä a kan:
14030	PSA 8:9	O manpir en pan lan, o mam en nan jed, karoj me kin memaureki nan madau.
14033	PSA 9:2	I MEN kapina Ieowa jan nan monion i meler, o kajokajoiia duen japwilim omui dodok kapuriamui kan karoj.
14035	PSA 9:4	Pwe re kotin kaloedier ai imwintiti kan, irail pupedier o melar.
14036	PSA 9:5	Pwe re kotin apwali ia ni ai pun o ai dodok. Komui kaipokedi pon mol omui duen jaunkapun pun amen.
14037	PSA 9:6	Kom kotin kapun on men liki kan o kotin kamela me japun kan, kom kotin kawelar mar arail kokolata.
14038	PSA 9:7	Imwintiti o joredier, a namenokalar melel. Komui kotin wuketedi kanim akan; o jolar, me pan taman irail ada o tou ar akan.
14039	PSA 9:8	A Ieowa pan kotin kaunda kokolata. A kotin kaonopada mol a, pwen kadeikada.
14040	PSA 9:9	O a pan kotin kadeikada jappa ni pun, o kakaunda wei kan pun.
14041	PSA 9:10	Ieowa jile pan me jamama kan, jilepa ni anjau apwal.
14042	PSA 9:11	I me irail, me aja mar omui kin liki komui, pwe komui jota kin muei jan irail, me kin rapaki komui, Main Ieowa.
14043	PSA 9:12	Kauleki Ieowa, me kin kaunda nan Jion. Komail padaki on wei kan a wiawia!
14044	PSA 9:13	Pwe a kotin taman irail ada o kotin kainoma nta ’rail. A jota kin kotin maliela likwir en me jamama kan.
14045	PSA 9:14	Main Ieowa, kom kotin maki on ia. Re kotin mani ai apwal ren ai imwintiti kan, kom kotin dore ia la jan nan wanim en mela.
14046	PSA 9:15	Pwe i en kajokajoiia duen omui dodok kapuriamui pan wanim en nain Jion, perenki jauaj pa om.
14047	PSA 9:16	Men liki kan pupedi on nan por o, me pein irail weiradar, o nä ’rail lodi on injar, me pein irail wiadar.
14048	PSA 9:17	I me kitail ajaki, Ieowa me kotin kapun pun. Me japun kan jalidi on pein ar dodok en pa ar akan. Jela.
14049	PSA 9:18	Me japun kan en lokidokila nan wajan mela, o men liki kan karoj, me kin monokela Kot.
14050	PSA 9:19	Pwe me jamama o jota pan monokinokla kokolata, o me luet akan jota pan kaporoporeki mal kokolata.
14051	PSA 9:20	Main, kom kotida! Pwe aramaj ender pwaida, a men liki kan karoj en pakadeikada mo omui.
14052	PSA 9:21	Main, kotiki on ir men kamajak, pwe men liki kan en dedeki, me re udan aramaj eta. Jela.
14054	PSA 10:2	Me japun kan ni ar aklapalap re kin kaloke me jamama o; re kin pokon pena o madamadaua duen ar morjued.
14055	PSA 10:3	Pwe me japun o kin juaiki a tiak jued, o me norok moni, kin muei jan Ieowa, lalaue i.
14056	PSA 10:4	Me japun o kin lamelame ni a aklapalap, me a jota kotin mani duen mepukat. Ni jon en a tiak jued karoj, a kin lamelame me jota Kot.
14057	PSA 10:5	A kin pwaida ni a dodok kan. A japwilim omui kapun me doo jan i; a kin lalaue a imwintiti kan karoj.
14058	PSA 10:6	A kin indinda nan monion i: I jota pan lodi; i jota pan diar ai apwal kot kokolata.
14059	PSA 10:7	Au a me dir en lalaue, o malaun, o kotaue, o pan lo a kin me jued o me apwal.
14060	PSA 10:8	A wonon o majamajan nan kanim akan, a kin rir kamela me makelekel o, o por en maj a kin majamajan me japai o.
14061	PSA 10:9	A kin majamajan waja rir dueta laien amen nan deu a, a kin auiaui, pwen koledi me luet o, a kin jaikidi me luet o ni a injar.
14062	PSA 10:10	A kin dairukorokedi o karakarakedi, o me japai kan pan lodi on ni kiki kon kelail akan.
14063	PSA 10:11	A kin indinda nan monion i: Kot pan monokela, a kin karirila jilan i, a jota man mani.
14064	PSA 10:12	Re kotida Main Kot, kotin pokada lim ar, kom der kotin maliela me luet akan.
14065	PSA 10:13	Menda me doo jan Kot o kin mamaleki Kot, o a kin indinda nan monion i, me dene kom jota pan kotin mani.
14066	PSA 10:14	Ari jo, kom kotin mani, pwe kom kotin ireron me luet o kankaneraner akan, pwen jauaja ir. Me japai o kin mueid on komui pein i, o komui me jauaj pa en me japoupou o.
14067	PSA 10:15	Kom kotin katip pajan pa en me japun o, o kotin depuk on mejued o a tiak jued lao jolar pan diarokada.
14068	PSA 10:16	Ieowa me Nanmarki kokolata; men liki kan en nikilar jan nan jap we.
14070	PSA 10:18	Pwen jauaja me japoupou o jamama o, pwe aramaj en jappa en jolar kanudi.
14072	PSA 11:2	Pwe kilan, me doo jan Kot akan kaonopadar kajik katieu o pwilikidi ar kanan en kajik katieu pon jal o, pwen rir kajikiedi me melel ni monion arail.
14074	PSA 11:4	Ieowa kotikot nan tanpaj a jaraui, mol en Ieowa mimi nanlan, jilan i kin mamajani jili, kil en jilan i kin jojon aramaj akan.
14075	PSA 11:5	Ieowa kotin jon me pun, ap kotin tataki me japun o morjued.
14076	PSA 11:6	A pan kotin kamoredi on me doo jan Kot akan liol, o kijiniai, o jwepel, o a pan katine kin irail melimel.