13949	PSA 1:6	Pwe Ieowa kotin mani al en me pun kan; a al en ir, me doo jan Kot akan, pan joredi.
13954	PSA 2:5	Eu ran a pan kotin kapun on ir ni a onion; o ni a onion lapalap a pan kotin kamajak irail.
13966	PSA 3:5	I kin likwiri on Ieowa ki nil laud; o a kotin mani ai nidinid jan ni japwilim a dol jaraui. Jela.
13979	PSA 4:9	I kin wonon o mamair ni popol; pwe komui ta Main, me kotin jauaja ia da, pwe i en kak moleilei.
13986	PSA 5:7	Kom pan kotin kamela me likam kan; Ieowa kin kotin tataki me kamela o kotaue aramaj akan.
13988	PSA 5:9	Main kom kotin kalua ia ni omui pun, pweki ai imwintiti kan; kom kotin kaineneta al omui mo i.
13989	PSA 5:10	Pwe jota me melel kot ni au arail; o lol arail rokeki kaopa. Kapinwor arail rajon joujou me jo jer pena; o re kin akjanjale mauki lo arail.
13998	PSA 6:6	Pwe murin melar jolar me pan tamanda komui; o ij me pan kapina komui wajan mela?
13999	PSA 6:7	I pana kida ai janejan jan jautik lel manjan; i kawijokijokela ai loj pil en maj ai.
14011	PSA 7:8	Pwe wei kan pan pokon don ir; o re kotin purodala pweki irail.
14034	PSA 9:3	I men pereperen o polauleki komui o kauleki mar omui; komui me lapalapia,
14038	PSA 9:7	Imwintiti o joredier, a namenokalar melel. Komui kotin wuketedi kanim akan; o jolar, me pan taman irail ada o tou ar akan.
14054	PSA 10:2	Me japun kan ni ar aklapalap re kin kaloke me jamama o; re kin pokon pena o madamadaua duen ar morjued.
14057	PSA 10:5	A kin pwaida ni a dodok kan. A japwilim omui kapun me doo jan i; a kin lalaue a imwintiti kan karoj.
14058	PSA 10:6	A kin indinda nan monion i: I jota pan lodi; i jota pan diar ai apwal kot kokolata.
14068	PSA 10:16	Ieowa me Nanmarki kokolata; men liki kan en nikilar jan nan jap we.
14069	PSA 10:17	Main, kom kotin manier inon en me luet akan; kom kotin kamanada monion arail, karon omui mamani mepukat,
14082	PSA 12:5	Me kin indinda: Lo atail, me kit pan pwai kida, o kil en au at me kit keleki; ij at kaun?
14092	PSA 13:6	A i kin liki omui kalanan; monion i en peren kida omui kotin jauaja ia. I pan kauleki Ieowa duen a kotin wiawia mau on ia.
14093	PSA 14:1	ME pweipwei o kin indinda nan monion i: Jota Kot. Jota katepa ’rail, o arail tiak meid jued; jota amen mia, me kin wia me mau.
14098	PSA 14:6	Komail kin kawela inon en me luet; aki Ieowa, me a kin kaporoporeki.
14101	PSA 15:2	Me kin kekeitwei ni makelekel, o me kin wia me pun, o me kin lokaia melel jan nan monion;
14102	PSA 15:3	Me jota karaun mal ki lo a, o me jota kin wia mejued on men imp a;
14103	PSA 15:4	Me kin mamaleki me lokidokilar o, ap kakaki me majak Ieowa kan, o me kin kaula melel, menda ma a juedi on pein i;
14109	PSA 16:5	A Ieowa ai pai o ai peren; Komui kin kolekol ai jojo.
14111	PSA 16:7	I kapina Ieowa, me kotin kalolekon ia; pil ni pon mudilik i kan kin padaki on ia.
14115	PSA 16:11	Kom kin kotin kaaja kin ia al maur; peren lapalap mi mon jilan omui, o meid linan ni pali maun en lim omui kokolata.
14125	PSA 17:10	Re kin kapiridi monion arail; o jan nan au arail re kin lokaia aklapalap.
14128	PSA 17:13	Main, kom kotida, kaloedi o kanamenokla i; dorela maur i jan me japun kan ki omui kodlaj,
14129	PSA 17:14	Jan ren aramaj akan ki lim omui, Main Ieowa, jan ren aramaj en jappa wet, me pwaij arail ni maur et; kom kotin kadire kila kaped arail omui dipijo kan, me nairail jeri ol me toto, o nairail akan me pan jojoki luan arail kapwa.
14137	PSA 18:7	Ni ai majak i likwir on Ieowa o weriwer on ai Kot; I ap kotin ereki nil ai jan nan tanpaj a, o ai likwir lel on karon a kan.
14161	PSA 18:31	Al en Kot me unjokala; majan en Ieowa me makelekel. I pere pan karoj, me liki i.
14170	PSA 18:40	Kom kak kamana kin ia omui manaman on ni pei; Kom kak kajedi on pan nä i kan karoj me palian ia.
14173	PSA 18:43	I pan juk irail pajan dueta pwel par nan kijinian; i pan kaje ir ala dueta pwel jamin jan nani al o.
14174	PSA 18:44	Kom kin kotin dore ia jan ren akamai en aramaj, o kom kotin kajapwil ia dan men liki kan; o wei eu me i jaja kin upa on ia.
14177	PSA 18:47	Ieowa kotin ieiaj; kapin on ai paipalap; o kapin on Kot ai jaundor.
14178	PSA 18:48	Kot me kotin depuk on ai imwintiti kan, o a kotin kaloedi on ia ai imwintiti kan;
14186	PSA 19:5	O a loua padak lel on jap karoj, o a kaparok lel imwin jappa. A kotin wiai on katipin im pwal eu pan lan;
14198	PSA 20:2	IEOWA en kotin mani om kapakap ni ran apwal o; mar en Kot en Iakop en pera uk!
14204	PSA 20:8	Mo kan kin kaporoporeki war o oj akan; a kit kin keleki mar en Ieowa atail Kot.
14210	PSA 21:4	Pwe kom kin wudokedi on poa me mau kan; kom kotin kalijorop kidi i nin kold kajampwal eu.
14213	PSA 21:7	Kom kotin kajapwilada i, pwen wia kamau men kokolata; kom kaperenda i mon jilan omui.
14219	PSA 21:13	Pwe komui pan kotin kajaloe ir ada, pwe ren tan; kom pan kotin padok won ir omui jal en kajik katieu.
14230	PSA 22:10	Pwe komui kotin kaipwi ia jan nan kaped en in ai; komui ta, me i liki jan ni anjaun ai mi ni maramaran in ai.
14231	PSA 22:11	Jan nan kaped en in ai i lokidokilan komui; komui ta ai Kot jan ni anjaun ai mi pon kopan in ai.
14238	PSA 22:18	I kak wadok kokon ai kan karoj; a irail kin kilekilan ap peren kida.
14245	PSA 22:25	Pwe a jota kotin mamaleki de juedeki me luet akan; o a jota kotin karirila jilan i jan irail; o ni a likwir on i, a kotin erekier.
14246	PSA 22:26	I pan kapina komui nan momodijou kalaimun; i pan kapwaiada ai inau mon ir me lan i.
14247	PSA 22:27	Me luet akan en mana o medila, o me idok Ieowa, pan kapina i; nen omail pan memaureta kokolata.
14250	PSA 22:30	Me wi kan karoj nin jappa pan manamana o kelepuki; karoj, me pan wiala pwel o jota kak kolekol maur ar, pan poni i.
14262	PSA 24:4	Me pa a kan jota japun o monion i makelekel; me jota kin mauki padak japun, o me jota kin kaula likam.
14268	PSA 24:10	Ij Nanmarki linan men et? I Ieowa Jepaot; I Nanmarki linan. Jela.
14272	PSA 25:4	Main, kom kotin kajale on ia al omui kan, o kotin padaki on ia omui tiak kan;
14275	PSA 25:7	Re der kotin kupura dip en ai tikitik o ai jopeik; a kupura ia ni ar kapunlol o kalanan! Main Ieowa.
14285	PSA 25:17	Majak en monion i lalaudalar; kotin kalua ia jan nan ai apwal akan!
14308	PSA 27:6	A pan kotin kajapwil ia dan pon ai imwintiti kan, me kapil ia pena; i ap pan wiada mairon en kapin nan tanpaj a im pwal, i pan kaul o kapin on Ieowa.
14311	PSA 27:9	Der karir jan jilan omui mo i, o der kajapokela japwilim omui ladu ni omui onion; pwe komui me jauaj pa i. Kom der kotin kaje ia la, o ender muei jan i, Kot ai jaunkamaur.
14312	PSA 27:10	Pwe jam ai in ai likidmalie ia la; a Ieowa kotin japwilim anekin ia la.
14314	PSA 27:12	Kom der kotin mueid on ai imwintiti kan en kaloe ia di; pwe jaunkadede likam palian ia, o re wia japun on ia jo majak.
14320	PSA 28:4	Kotin depuk on ir duen ar dodok o duen ar tiak jued; kotiki on ir duen dodok en pa arail; katini on ir duen ar wiawia.
14321	PSA 28:5	Pwe re jota injenoki dodok en Ieowa de wiawia en lim a kan; i me a pan kotin kawe ir ala, a jota kauada.
14324	PSA 28:8	Ieowa kele parail; i me manaman on jauaja japwilim a me keidier.
14328	PSA 29:3	Kapiti en Ieowa mi pon pil akan; Kot en linan kin wiada nanjapwe, iei Ieowa en pil kalaimun akan.
14330	PSA 29:5	Kapiti en Ieowa kin katip pajan jeder akan; Ieowa kin kotin katip pajan jeder akan en Lipanon.
14333	PSA 29:8	Kapiti en Ieowa kin kamokidada jap tan; Ieowa kotin kamokidada jap tan en Kadej.
14336	PSA 29:11	Ieowa pan kamanada japwilim a aramaj akan; Ieowa pan kotin kamaui japwilim a aramaj akan ki popol.
14342	PSA 30:6	Pwe a onion kin marep ta ieu, a a mak arain maur en aramaj amen; nin jautik re kin janejan, a ni manjan nijinij.
14347	PSA 30:11	Main Ieowa, re kotin mani ia o kotin maki on ia; Ieowa jauaj pa i.
14348	PSA 30:12	Kom kotin kawukila ai injenjued on nijinij; kom koti ki janer ai tuken likau, ap id kalikauwi ia dar popol.
14351	PSA 31:2	MAIN, i liki komui, kom kotin ieian ia, pwe i ender namenokala kokolata; dore kin ia la duen omui pun.
14355	PSA 31:6	I kakaliki on komui nen i; kom kotin dore ia la, komui Main Kot melel.
14359	PSA 31:10	Ieowa, kom kotin maki on ia, pwe i majak; maj ai juedelar ki ai mamauk, pil dueta nen i o pali war ai.
14361	PSA 31:12	Ai imwintiti kan karoj lalaue ia, o i wialar kanamenok pan men imp ai kan, o kamajak pan jau i kan; me kilan ia nani al o, kin tanwei jan ia.
14362	PSA 31:13	Aramaj monoke ia lar dueta me melar amen; nai rajon dal eu, me mor pajan.
14363	PSA 31:14	Pwe i roner duen me toto kin pujerokion ia; men kamajak kapil ia pena; re kin kapun pena duen nai, pwen kame ia la.
14367	PSA 31:18	Main, kom der kotin mueid on, i en joredi; pwe i likwiri won komui. Me japun kan en joredi, pwe irail en nenenla nan wajan mela.
14370	PSA 31:21	Kom kin kotin karir ir ala re omui jan karoj, me kailon kin ir; kom kin kadupal ir edi jan mon lo akamai.
14379	PSA 32:5	I me i weokadan komui dip ai kan, o jota okila ai japun kan. Nai indinda: I pan weokadan Ieowa ai katiwo kan; komui ap kotin maki on ia jued en dip ai. Jela.
14382	PSA 32:8	I pan padaki on uk o kajale on uk al o, me koe en weweid ia; I pan kalua kin uk por en maj ai.
14409	PSA 34:2	I PAN kapina Ieowa anjau karoj; au ai pan kapina i kokolata.
14423	PSA 34:16	Jilan en Ieowa mamani me pun kan, o karona ereki ar likwir;
14431	PSA 35:1	MAIN, kom kotin pei on ir, me kin pei on ia; o kotin palian on ir, me kin u on ia.
14434	PSA 35:4	Me men kame ia la, en namenokala o kankaururala; o me men wia jued on ia, en pure wei o jarodi.
14438	PSA 35:8	A en jejeinlek lodi on kalokolok; o injar me a wiadar, pein i en lodi on; o mela en lel on i waja o.
14444	PSA 35:14	Nai wiai on ir dueta on kompoke pa i o udan ri ai; nai injenjued dueta amen, me kin loleitki in a.
14462	PSA 36:4	A lokaia karoj me jued o likam; a pil jota kin duki on padak, pwen wiada me mau.
14465	PSA 36:7	Omui pun rajon nana en Kot akan, o omui kadeik kan me rajon iluk ileile kalank; Main, komui me kotin dorela aramaj o man akan.
14472	PSA 37:1	KOE der makaraki me jued akan; o der peirinki me kin wia japun.
14479	PSA 37:8	Muei jan makar o pwilikidi om linaranar; koe der makar, pwe koe der pil wia me jued.
14495	PSA 37:24	Ma a pan pupedi, a jota pan lokidokila; pwe Ieowa kotin kolekidi i lim a.
14499	PSA 37:28	Pwe Ieowa kotin peren kida me pun, o a jota pan kotin likidmaliela japwilim a jaraui kan; re pan nekinek kokolata, a kadaudok en me japun kan pan kokoka jan.
14505	PSA 37:34	Auiaui Ieowa o weweid nan a al akan, a ap pan kotin kajapwil uk ada, pwe koe en jojoki jap o; koe pan kilan, me japun kan pan kokoka jan.
14507	PSA 37:36	A ni at dauli waja o, kilan, a joer mia; i idok duen i, a a jolar kak diarokada.
14508	PSA 37:37	Dadaurata om lelapok, o wiawia me pun; pwe jon due met pan pwaida mau ni imwi.
14511	PSA 37:40	O Ieowa pan kotin ieian ir o pan dore ir ala; A pan kotin dore ir ala jan me japun kan, o a pan jauaja ir, pwe re kin liki i.
14531	PSA 38:20	A ai imwintiti kan memaureta o irail me kelail; me kailon kin ia ni jota karepa me toto.
14538	PSA 39:4	Monion i karakaradar nan kapedi, o ma i pan tamanda mepukat, a rajon kijiniai lulada; i ap lokaia kida lo i.
14540	PSA 39:6	Mani, ai ran akan dueta tälap en pa en aramaj re omui; o maur i likamata jota meakot mo ’mui. Melel aramaj, me kin keleki pein i, kin dueta adiniai. Jela.
14545	PSA 39:11	Kotin katukiedi omui kaloke ia; pwe nai dupok kilar ai kalokolok pan lim omui.
14551	PSA 40:3	A kotin api ia da jan nan por jued o jan waja lujujur, o kotin kajonedier nä i kat pon paip eu, pwen kak alu mau;