17	GEN 1:17	Peyarisi kunumai iteresi da dobu iti yasegani,
42	GEN 2:11	Okowa sago kana vava Pison na dobu kana vava Havila kamonai iveruriwariwa da dobuna ine yavui. Nani dobunai gold imakamakai
241	GEN 10:6	Ma Ham natunatuna na Kus, Misraim, Puti, ma Keinan.
249	GEN 10:14	Paterus damsi, Kapeto damsi ma Kaslu damsi (ti na Pilisti damsi i kaekiki).
260	GEN 10:25	Eba ivi tuwa da natunatuna ruwa. Iyarokona kana vava ‘Pelegi,’ iyamna tuna ina mariyai wawaya ivi karei da dobu iyaraghi. Ma Eba natuna murimurina kana vava Jokatan.
283	GEN 11:16	Ma Eba kana madegha 34 na ivi tuwa da natuna tomowa, ivi vavei Pelegi.
285	GEN 11:18	Ma Pelegi kana madegha 30 na ivi tuwa da natuna tomowa, ivi vavei Reyu.
314	GEN 12:15	Ma bade kiivavo Pero ina wawaya ghamaghamasi na wavinena ikitai, ma inae ivonei da wavine sago karawatina ipanani. Vaghina ma, Serai irutinaneyei ina ku numa ghamana.
316	GEN 12:17	Ma ke mara gurina na Pero ina wawaya yavata igubaga. Abram kawana irutini kubiine na Bada gubaga beroberosi iveresi.
317	GEN 12:18	Tuna kubiine Pero, Abram kana sisiya ivonatawei da ipisi. Ma ivonei bo, “Avi kubiine weni berana kuberai kuriku? Kade kuta voneku da tuna na kawam.
319	GEN 12:20	Ma Pero ina bigabiga wawayisi sisiya bagibagina iveresi da Abram kawana yavata ivonatawesi inae. Ivomiiri na i mura ma i bera kudubina iviiya ma Egypt dobuna ikiibutawei inae.
326	GEN 13:7	Ke mara gurina na Abram ina ghamoghamo kii koyakoyagha ma Lot ina ghamoghamo kii koyakoyagha vikawapata ivi karei. Ma bade Keinan damsi ma Perusa damsi i ghamoghamo yavata patana da ivivi makiiyana nani dobunai.
343	GEN 14:6	ma bade inae da Hora damsi ighegavovorisi, i dobu na koya nuwasiyai, dobuna kana vava Seya inene da ku dobu sago kana vava El Paran, tuna na warere ririnai.
381	GEN 15:20	Hiti damsi i tano, Peru damsi i tano, Repa damsi i tano,
431	GEN 18:6	Vaghina ma Abraham yaghiyaghinai ina yobe ku kamona irui ma Sera ivonei bo, “Kevi yaghiyaghina. Parawa biibiina keviiya da 20 kilos kevokapakapawi ma kekapuni.”
535	GEN 21:21	Warere kana vava Paran na nani dobunai imakamakai na ina maduwa inae da Egypt wavine sago irutini da natuna kawana.
536	GEN 21:22	Nani maranai Abimaleki ma ina iyo damsi i bada ghamana Pikol na inae Abraham kurina ma ivonei bo, “Akitai da aviyavisina kudubina keberaberai na God gwabimuwai.
546	GEN 21:32	Vivaghina iberai ikovi na Abimaleki ma ina iyo damsi i bada ghamana Pikol na ivovirame i ku kwanatu Pilisti dobuna kamonai.
548	GEN 21:34	Ma vaghina, mara iguri kirakai Pilisti dobuna kamonai imakai.
570	GEN 22:22	Ma Kemuwel murinai na Kesedi, Haso, Pildas, Jidilapi ma Betuwel.
679	GEN 25:20	Aisiki kana madegha 40 ma itavine, kawana na Rebeka. Rebeka ina mamai na Betuwel ma novuna na Leiban. I dobu ghamana na Arameya ma i dobu gisina kana vava na Padan Aram.
682	GEN 25:23	Ma Bada ivonapotei bo, “Pepeyisi kamomuwai ina magura na ini tuwa da dam ruwa, ma ivi ruwa na ini kawapata. Murimurina ina dam ini rewapana kirakai da iyarokona ina dam ina ghekuyowesi. Ma murimurina na iyarokona ini badei.”
694	GEN 26:1	Mara sago gomara ghamana nani dobunai itupuwa. Ma gomarina kubiine Aisiki mau inae ku Gera dobuna, Pilisti damsi i kiivavo Abimaleki kurina. Weni tuna na gomara kana viruwa, kunona gomara sago Abraham ina mariyai itupuwa.
701	GEN 26:8	Aisiki nani dobunai imakii kirakai. Ma mara sago Pilisti damsi i kiivavo Abimaleki ina numa tepanai ikita ioru da Aisiki ikitai, kawana Rebeka itaraghavui ma iyoyoni.
707	GEN 26:14	Ina bigabiga wawayisi ma ina sipu da ina kau yavoyavosi ipeyari, tuna kubiine Pilisti damsi inuwakapiyei.
711	GEN 26:18	Ma dogo viya nani dobunai na ina mamai Abraham iyaba ma irabobo murinai na Pilisti damsi idogo potapota. Ma Aisiki na dogosi peyarina iyabame. Ma ina mamai ikikava kii vava iveresi na nakanani ivi vava meyesi.
719	GEN 26:26	Mara sago Abimaleki, Gera dobuna kamonai ivomiiri inae Aisiki kurina. Ma ina wawaya ruwa irutinisi da yavata inae. Sago na ina wawaya akakovina kana vava Ayusati ma sago na ina iyo wawayisi i bada Pikol.
776	GEN 28:2	Yaghiyaghinai kenae ku Padan Aram da am maduwa ina mamai Betuwel ina ku numa. Ma nani dobunai am maduwa novuna Leiban natunatuna wivinesi kamosiyai sago kuna viiya da kawam.
779	GEN 28:5	Vaghina ma, Aisiki, Jeikap ivonatawei inae ku Padan Aram, ina mamai kikei Leiban kurina. Leiban novuna na Rebeka, tuna na Jeikap da Iso i maduwa. Ma Leiban da Rebeka i mamai na Betuwel, ina dobu na Aram.
780	GEN 28:6	Iso iakovi da Aisiki, Jeikap ivi biibiini ma ivonatawei inae ku Padan Aram da nani dobunai wavine sago ita viiya da kawana. Ma bade iakovi da ivivi biibiini na tuna maranai ina sisiya bagibagina iverei da ke Keinan wavine sago ita ravaghi.
781	GEN 28:7	Ma Jeikap na ina maduwa da ina mamai i sisiya ivotekatekei da inae ku Padan Aram.
892	GEN 31:18	Ma ina ghamoghamo yavoyavosi ma aviyavisina kudubina Padan Aram kamonai ipanapanani na peyarina iviiviiya da yavata ita nae ku Keinan, ina mamai Aisiki kurina.
959	GEN 32:31	Tuna kubiine nani dobuna ivi vavei ‘Peniyel.’ Jeikap nani dobunai ivona bo, “God yavata kavi kitapoteyana ma patana da taku yawayawaku, ke ata rabobo.”
960	GEN 32:32	Madegha ighetawei igheghae ma Jeikap, Peniyel ikiibutawei ma geyageyana itamotawe kubiine ivivi sike.
979	GEN 33:18	Ma vaghina, nakanani itupuwa da Jeikap mau Padan Aram ikiibutawei da inae ku Sekem kwanatuna Keinan dobuna kamonai. Ma i baba kamonai na biibiina kavakava. Kwanatu ririnai ina taki iyamoni ma i yobe itina da imakai.
1011	GEN 34:30	Nani murinai Jeikap natunatuna Simiyon da Livai ivonesi bo, “Tami ku nuwapoya kotereku, karako Keinan damsi da Peres damsi ma nani dobuna makamakiisi kudubisi ini kawapateku. Taku aku iyo wawayisi ke ita peyari ma mikeda nani damsi ina tarakapu ma ina kayaya kuriku na ita rakaraka kudubina ina kiipupunatawei.”
1021	GEN 35:9	Rorova Padan Aram dobunai ivovira ku Betel na God inekiibau Jeikap kurina da ivi biibiini.
1038	GEN 35:26	Liya ina bigabiga wavinena Silpa natunatuna na Gedi ma Asera. Weni tomotomowisi peyarisi na Padan Aram kamonai itupuwamakai ma Benjamin ina kina kava na kegha.
1057	GEN 36:16	Kora, Gatam ma Amaleki. Weni tomotomowisi na Edom dobunai ivivi makiiyana. Peyarisi na Eripas tupurereghina, Ada tuputupuna.
1080	GEN 36:39	Bal Anan ina rabobo murinai na Hadadi ivi kiivavo. Ina kwanatu kana vava Pau. Ma kawana kana vava Meyetabel, ma kawana ina maduwa na Matiredi. Ma Matiredi ina maduwa na Me Sayaba.
1082	GEN 36:41	Olibama, Ela, Pinon,
1091	GEN 37:7	Peyarita witi vaona kamonai witi tabawabawa ma kadeni ma aku bawa ivomiiri da basunai ivi kiimiiriyei ma peyarimi ami bawa iriyei da aku bawa imiiriviviri da irurunomei.”
1120	GEN 37:36	Nani kamonai Midiyan damsi inene ku Egypt. Inekiibau na Josepa ivi gimarei Potipa kurina. Potipa na kiivavo Pero ina numa kana potapota i bada ghamana.
1149	GEN 38:29	Ma kegha, imana irurui na kwinana sago ivi nao ikiibau na vivowavowa wavinena ivona bo, “O, da tam weni nakanani, kukiibewara kukiibau.” Ma ivi vavei ‘Peres.’
1151	GEN 39:1	Josepa na vigimagimara damsi irutini da namada ioruwei ku Egypt. Ma nani dobunai Potipa kurina ivi gimarei. Tuna na kiivavo Pero ina numa kana potapota damsi i bada ghamana.
1153	GEN 39:3	Potipa ikitai da Bada gwabinai ma biga biibiina eberaberai.
1155	GEN 39:5	Josepa ivivi bada na Bada ivi biibiini da Potipa ina rakaraka ma aviyavisina kudubina rapenai ina numa kamonai ma bade ina ghamoghamo kudubina na biibiina. Ma bade ina vao kamonai iyaba bubuna, mura irakata.
1156	GEN 39:6	Potipa ina bera kudubina rapenai ivi damani Josepa kurina da iti badei ma ke sago aviyavisina sago iti nuwapoyei da vavai ikanikani tuna kava. Josepa na ivi komeruwana kirakai ma tupuwina kana kita biibiina.
1174	GEN 40:1	Ke mara gurina ma kiivavo Pero ina redu kana kavakavara ma kana parawa kana kapukapuna wawayisi bera berona iberai i kiivavo kurina.
1175	GEN 40:2	Pero nuwanuwana ipughu ina bigabiga wawayisi ruwa kurisi
1184	GEN 40:11	Ma Pero ina redu avovotani ma greipi amesi ayuna da avoroi ina ku redu kamona ma reduna averei.”
1186	GEN 40:13	Mara aroba murinai kiivavo Pero am bera ina notatawei ma ina votawem. Ma ina ruwepim da kam ku gawara ina tere meyem da ina redu kana kavakavara.
1187	GEN 40:14	Ma am bera peyarina ina manini na ainowi kurim da kenotiku ma bade am agabiibiiyai aku bera Pero kurina kevi sisiyei da taku bade gabura kamonai ina votaweku.
1189	GEN 40:16	Parawa kana kapukapuna wawayina ivi yanei da redu kana kavakavara wawayina ina matu iyamna kudubina ivi debe bubuni na Josepa ivonei bo, “Taku bade weni nakanani avi matu, parawa kodesi aroba akunapi.
1193	GEN 40:20	Mara aroba murinai na kiivavo Pero ina tupuwa marana na kamporagha ghamana iberai ina wawaya ghamaghamasi kubiisi. Ina redu kana kavakavara da kana parawa kapukapuna gabura kamonai iviinisi ipisi ina wawaya ghamaghamasi ku maghinosi.
1197	GEN 41:1	Madegha ruwa murinai kiivavo Pero ivi matu da Nael okowina baranai imiimiiri.
1200	GEN 41:4	Kau togetogesi ma petopetosi ivomiiri da kau dodosi ikam yavusi. Nani kamonai na Pero irumataka.
1210	GEN 41:14	Vaghina ma Pero, Josepa kana sisiya ivonatawei na potapota wawayisi yaghiyaghinai gabura kamonai ivotawei ikiibau. Mutukorona igharitawei, itowa ma ivi garavunagha ikovi na irutinaneyei Pero ku maghinona.
1211	GEN 41:15	Ma Pero, Josepa ivonei bo, “Avi matu ma ke sago iyai da aku matu iyamna ini debei. Ma sisiya avi yanei da tam kovokovoghim da wawaya i matu iyamsi kuni debei.”
1213	GEN 41:17	Pero ivona bo, “Avi matu da Nael okowina baranai amiimiiri.
1231	GEN 41:35	Tam Pero am vibadana gaburinai na babada i biga da madegha 7 kamonai vavai ina yuna da kwanatu nunusiyai ina tura, maghara numasiyai ina koyagha bubuni.
1233	GEN 41:37	Weni notana na kiivavo Pero ma ina babada ghamaghamasi kurisi na ibiibii kirakai.
1235	GEN 41:39	Tuna kubiine Pero imiiritavire da Josepa ivonei bo, “God weni berasi na tam kurim ivi beyem ma kana kita na ke sago iyai ita nuwaguira bo ita akova tam nakanani. Ma bera gavugavusi na namada kuakovi.
1238	GEN 41:42	Vaghina ma Pero imarakorakonai rin ivotawei da Josepa ku imarakorakona ivi ruini. Nani rin na kiikiivavo i matakira tepanai ipapai. Ma tarasovo vuna, kiimatanina ma poipoina iviiya da ivi kotei ma bade chein goldiyai iyamoni na iviiya da ku iwana ivi rorokei.
1239	GEN 41:43	Muriyai irutini ma Pero tuna mani ina ku serioti ivi geruni da ibaba, dobu ine yavui, ivi matakira wawaya kurisi da Josepa na Pero gaburinai ini bada. Ma maghinonai na potapota wawayisi inenae na ikiikiirara bo, “Keta kovoviyaghari, keta kovoviyaghari.” Ma vaghina nakanani iberai da Josepa tuna Egypt dobuna kudubina ivi bada yavui.
1240	GEN 41:44	Ma Pero, Josepa ivonei bo, “Taku patana da kiivavo ma ke sago iyai Egypt dobuna kamonai aviyavisina ina bera wapawapai da kunona tam kuni vaghinei.”
1241	GEN 41:45	Ma bade kana vava vuna iverei, ivi vavei Sapenati Paneya, weni vavana na Egypt damsi kii vava. Ma wavine sago kana vava Asenati iverei da kawana, wavinena ina mamai na Potipera, tuna na god vibero ina vokavara ivi badei ‘On’ kwanatuna kamonai.
1242	GEN 41:46	Josepa kana madegha 30 ma biga ivi karei Egypt dobuna kana kiivavo kubiine. Ma ke Pero gwabinai ita makamakai, ikiibutawei da Egypt dobuna kudubina ine yavui, ina biga iberaberai.
1244	GEN 41:48	Nani madeghisi 7 kamonai Josepa ina bigabiga yavata ibababa da meni dobunai witi iboriborini na Pero kana riba iyuyuna. Kwanatu nununai iyuyuna ma Pero ina ku maghara numasi ituturavidaburana.
1251	GEN 41:55	Egypt damsi vitonara ikarakarisi na Pero kurina ivivi nowi da vavai ita veresi. Ivivi nowi na ivonesi da ita nae Josepa kurina da ita vonesi da aviyavisina ita berai.
1268	GEN 42:15	Ma vaghina, weni nakanani ana berai da akovimi ana viiya da tami kovonavona bubuna bo koibero. Pero avanai amiimiiri na avonavonemi da weni dobunai kona makamakai da timi kikei wike ina nekiibau na vaghina kana votawemi da kona nae.
1269	GEN 42:16	Ami yonayona kona vonatawei ami mamai kurina da timi kikei ina rutinapiyei. Ma tami na ku gabura ana teremi kona makamakai da timi kikei ina nekiibau wike. Ina nekiibau na akova kiimatana ana viiya da kovonavona bubuna bo kegha. Ma kegha na Pero avanai amiimiiri na avonavonemi da tami na nanaga wawayimi.”
1343	GEN 44:18	Juda inae da imiiririya Josepa kurina ma ivona bo, “Bada, kevi vaghinei da yavata tisisiya. Ke nuwanuwam ina pughu kuriku. Akovi da tam na kiivavo Pero nakanani, am rewapana irakata.
1361	GEN 45:2	Ma itou da itousiyasiyapa da Egypt damsi ivi yanei na sisiya ikavari ineyei Pero ina ku numa.
1367	GEN 45:8	Kokitai, ke tami ami kayowanai wike kota vonataweku, kegha, God ina kayowanai. Tuna iberai da Pero iterepiiku da avi wawayaghama ma ivineku da ina numa kana bada ma bade Egypt kudubina kana bada.
1375	GEN 45:16	Pero na ina numiyai ma sisiya ivi yanei da Josepa varevaresina ipisi na ina wawaya ghamaghamasi yavata ivi nuwabiibii kirakai.
1380	GEN 45:21	Jeikap natunatuna na ikikava Pero ivonavonesi na nakanani iberai. Ina sisiya nununai na Josepa tano wakasi iyuna ma iveresi ma bade vavai iveresi da kii keta tamiina kubiine.
1392	GEN 46:5	Jeikap natunatuna ivomiiri da i mamai na tano wakasi Pero ivi vonataweyana na ku tepana ivi gerui ma bade nakanani kakawasi ma natunatusi yavata ivi gerusi. Ma vaghina ivomiiri da Beyaseba dobuna ikiibutawei ioru ku Egypt.
1396	GEN 46:9	Ma Ruben natunatuna tomotomowisi na Hanoki, Palu, Hesron ma Kami.
1399	GEN 46:12	Juda natunatuna tomotomowisi na Eru, Onan, Sela, Peres ma Sira (Eru da Onan na Keinan dobunai irabobo.) Peres natunatuna tomotomowisi na Hesron da Hamul.
1400	GEN 46:13	Isaka natunatuna tomotomowisi na Tola, Puwaya, Jasuba, ma Simron.
1402	GEN 46:15	Ma vaghina, weni damsi tavi yavi ikovi na Jeikap kawana Liya yavata Padan Aram dobunai imakamakai na ivi tuwesi da natunatuna ma tuputupuna na ivi 33 ma ku tepana na novusi Daina.
1407	GEN 46:20	Ma Egypt dobunai Josepa ivi tuwa da natunatuna tomotomowa ivi ruwa, Manase da Eperaim ma i maduwa na Asenati. Ma Asenati ina mamai na Potipera ma tuna na god vibero ina vokavara ivi badei ‘On’ kwanatunai.
1414	GEN 46:27	Ma ku tepana na Josepa, ma natunatuna ruwa na Egypt kamonai itupuwa. Peyarisi tisagosi na Jeikap tupurereghina yavata ivi 70.
1418	GEN 46:31	Vaghina ma Josepa ivi sisiya ina mamai ma varevaresina ma ina rakaraka kudubisi kurisi, ivonesi bo, “Ana nae kiivavo Pero kurina ma ana vonei da varevaresiku ma aku mamai ina rakaraka Keinan dobunai ivivi makiiyana na ipisi kuriku.
1420	GEN 46:33	Vaghina ma Josepa ina rakaraka ivonesi bo, “Ma Pero ina kwatumi kona rui na ini tupaviremi da weni marana gurigurina komakamakai na avi bigasi kava koberaberai.
1422	GEN 47:1	Josepa inae da Pero ivonei bo, “Aku mamai ma varevaresiku i sipu da i ghamoghamo ma i sawara kudubina rapesiyai iyuna da Keinan dobuna ikuyowei. Ma ipisi da wekarakava ti na Gosen dobunai.”
1423	GEN 47:2	Ma Josepa varevaresina ivi miikovi yavata inae da Pero kurina iti maghibeyesi.
1424	GEN 47:3	Vaghina ma Pero ivi tarakiiyanesi bo, “Weni marana gurigurina komakamakai na avi bigasi kava koberaberai?” Ma ivonapotei bo, “Tokai am bigabiga na ghamoghamo kii koyakoyagha nakanani ma akii mami mau.”
1426	GEN 47:5	Ma Pero, Josepa ivonei bo, “Ainuwabiibai da am mamai da varevaresim ipisi kurim.
1428	GEN 47:7	Muriyai Josepa ina mamai Jeikap irutini ipisi da Pero ivi maghibeyei. Ma Jeikap, Pero ivi kiikiiwei ma ivi nowi Bada kurina da Pero iti biibiini.
1429	GEN 47:8	Ma nani murinai na Pero, Jeikap ivi tarakiiyanei bo, “Kam madegha na viya?”
1430	GEN 47:9	Ma Jeikap, Pero ivonei bo, “Aku yawasa kamonai abababa yawara da madegha 130 ikovi. Taku kaku madegha na itupo ma ipiropiro ke nakanani ma aku mamai mau, ti i baba kamonai na kii madegha ine kirakai.”
1431	GEN 47:10	Vaghina ma Jeikap, Pero ivi biibiina meyei ma ikuyowei.
1432	GEN 47:11	Ma vaghina, Josepa ina mamai da varevaresina Egypt dobunai iteresi. Irutinisi inae da ikikava Pero ivonavonei nununai iberai, tano kiimatanina Ramese ina parata ririnai iveresi, nani dobuna kana vava sago na Gosen.