6	GEN 1:6	Muriyai ivona bo, “Taraboga, okowa basunai ketupuwa da okowa ketupayaraghi.”
11	GEN 1:11	Muriyai ivona bo, “Dowa, gwabimuwai pei ma kii bogii ma bogiiyai etupuwa da dobuwai ina gogo. Ma ina rove bo iname da peisi ina rakata.” Ma nakanani itupuwa.
20	GEN 1:20	Muriyai ivona bo, “Yegai, gwabimuwai iyana etupuwa da ina peyari kirakai. Ma bade kiu kotupuwa da kiidamowai kona rovo.”
24	GEN 1:24	Muriyai ivona bo, “Dobu, gwabimuwai ghamoghamo etupuwa, ghamoghamo manamisi ma dowatetetesi ma ghamoghamo dipa. Bogii ma bogiiyai iti tuwa da natunatusi na ti mani maghimaghighisi.” Ma nakanani itupuwa.
54	GEN 2:23	Ma tomowina ivona bo, “Vaghina, ibiibii kirakai! Weni na taku maghimaghighiku! Tuwirina, tuwirikuwai iviiya ma viyona, viyokuwai iviiya. Tuna kubiine kana vava ‘wavine,’ ina karena taku tomowa gwabikuwai iviiya.”
58	GEN 3:2	Ma wavinena ivonapotei, “Kegha, tokai kiiamame peyarina vao kamonai kana kani.
65	GEN 3:9	Ma kegha, Bada God tomowina kurina ivi kwatu, “Adam, tam imapatana?”
95	GEN 4:15	Ma Bada God ivonapotei, “Kegha, sisiya atereterei da meni wawayina ina kiivunum na taku kovogha berona mara miikovimaruwa ana verei, biwa ghamanakina ina viiya.” Ma Bada matakira Kein gwabinai iterei da iyavo kava ita panapanani na ke ita kiivunui.
161	GEN 7:1	Bada ivona bo, “Nowa, akitim da tam kava dobu kamonai am yawasa na maninina kavakava. Tuna kubiine tam, kawam ma natunatumi, kakawasi yavata korui ku waka.
231	GEN 9:25	Tuna kubiine Nowa ivona bo, “Keinan, aimimagim! Karako tam na varevaresim i wayowa kana kavakavara.”
270	GEN 11:3	Ma dughu kamonai ivona bo, “Tanae, dobodobo tavopasipasi ma takapuna da ina pakora, ini wakima.” Nani dobunai wakima vaghata kegha, tuna kubiine dobodobo pakorisi itura numa vowana kubiine. Ma bade pasi dumadumana gwabisiyai da dobodobo wakimisi ita pasitatana.
271	GEN 11:4	Ma nani murinai ivona bo, “Tanae, kwanatu ghamana tayamoni ma kamonai na numa sago gurina tavowai ina ghae ku kunuma. Nakanani taberai da kata vava ina rakata ma ke meyani tibogebogeta ku dobu bogii ma bogiiyai.”
362	GEN 15:1	Nani murinai Abram, Bada mekeyuna ikitai da kurina ivivi sisiya, ivonei bo, “Abram, kam papara ana vowai. Tuna kubiine ke kuna yabumana. Ma am miiya ghamanakina ana verem.”
390	GEN 16:8	Ivona bo, “Heiga, tam Serai ina bigabiga wavinem, mimei kupisi ma mike kenenae?” Ma ivonapotei bo, “Aku bada wavinena ivivi tupaketowaneku na averau.”
417	GEN 17:19	Ma God ivona bo, “Vaghina, Ismayel ani biibiini. Ma aku vivaghina makamakiina na ke tuna yavata kana berai. Kawam Sera ini tuwa da natum tomowa sago ma kuni vavei Aisiki. Ma akii viruwa vivaghina makamakiina kana berai da nani vivaghinina na ina makii nonowa da tupurereghina yavata nani kamonai.
428	GEN 18:3	Ma ivona bo, “Bada, kobababa ma, ke maninina kona nae. Taku am bigabiga wawayiku na weni.
430	GEN 18:5	Ma bade vavai gisina kana kavarapiyei da kona kam. Rewapana kona viiya ma muriyai da kona nae. Aikiikiiwemi da kopisi aku ku numa da ana koyaghimi.” Ma tomotomowisi ivona bo, “Kiiwakiiwa, ibiibii kirakai. Ikikava kuvonekai na keberai.”
440	GEN 18:15	Ma Sera iyabumana, tuna kubiine ivi bero, ivona bo, “Kegha, ke ati nama.” Ma Bada God ivona bo, “Ke kuni bero. Kuvi nama.”
451	GEN 18:26	Ma Bada ivona bo, “Vaghina, Sodom kamonai wawaya maninisi ivi 50 ana pananisi na kwanatuna kudubina ana nuwaghanei.”
452	GEN 18:27	Ma Abraham ivi sisiyame, ivona bo, “Bada, taku ke wawaya kiimatana da maghinomuwai ati tepatora ma ati gheviravira. Taku nakanani ma popoku bo yapukare. Ma kegha da ana vonem.
453	GEN 18:28	Kade wawaya maninisi ivi 45 kava kuna pananisi na ikikava? Wawaya maninisi ivi 5 kunekwa kavisi na kwanatu kudubina kuna kiipupunatawei bo kegha?” Ma Bada God ivonapotei bo, “Vaghina, wawaya maninisi ivi 45 ana pananisi na kwanatuna ke ana kiipupunatawei.”
454	GEN 18:29	Ma Abraham ina sisiya ikwapanatini, ivona bo, “Ma, kade wawaya ivi 40 kava na ikikava?” Ma ivonapotei bo, “Vaghina, wawaya ivi 40 ana pananisi na ke ana berai.”
455	GEN 18:30	“Bada, ke nuwanuwam ina pughu. Ma kevotereku da ani sisiyame. Kade wawaya maninisi ivi 30 na ikikava?” “Vaghina, ivi 30 ana pananisi na ke ana berai.”
456	GEN 18:31	“Bada, aku vitepatora ma aku vigheviravira kubiine na aku berabero kenotatawei. Ma kegha da ana vona meyem. Kade wawaya ivi 20 kava kuna pananisi na ikikava?” “Vaghina, ivi 20 kava na ke ana berai.”
457	GEN 18:32	“Bada, ke nuwanuwam ina pughu, kevotereku da ani sisiyame. Kade wawaya ivi 10 kuna pananisi na ikikava?” Ma Bada ivona bo, “Vaghina, wawaya maninisi ivi 10 kava ana pananisi na kwanatuna kudubina ana nuwaghanei, ke ana kiipupunatawei.”
460	GEN 19:2	Ma ivonesi bo, “Aku babada, taku ami bigabiga wawayiku na weni. Ibiibai da kota pisi aku ku numa. Gwabikuwai kaemi kona kowa ma takena da maram mara boiboi vaghata kona nae.” Ma ivona potei bo, “Kegha, tokai na kwanatu basunai yagharinai kana kena.”
465	GEN 19:7	Ivonesi bo, “Kegha, turaturaku, kovoteresi. Bera berona ke kona berai.
476	GEN 19:18	Ma Lot ivona bo, “Kegha, babada. Ke kovokovoghina da ana verau ku koya.
479	GEN 19:21	Ma aneyina ivonapotei bo, “Vaghina, aivaghinei. Nani meyagina ke ana kiipupunatawei.
500	GEN 20:4	Ma kegha, Abimaleki wavinena ininina ke ita kiitovoni, tuna kubiine ivona bo, “Bada, taku ma aku wawaya akii berona kegha ma kuna kiipupunatawekai bo?
502	GEN 20:6	Abimaleki ina vimatu kamonai God ivonapotei bo, “E, akovi da am nota manininai weni berana kuberai, tuna kubiine atarapaparim da ku mataku berabero ke kuta berai, akovi da wavinena ininina ke kuta votovoni.
531	GEN 21:17	God ivi yanei da tomowa kikei itutou na ina aneya kunumai ivi kwatu Heiga kurina, ivonei bo, “Heiga, aviyavisina ibero? Ke kuna yabumana. God ivi yanei da tomowa kikei ekenakena ma etutou.
538	GEN 21:24	Abraham ivona bo, “Vaghina, avonavonakiiyapa kurim.”
555	GEN 22:7	na Aisiki ivona bo, “Mamai?” Abraham ivona bo, “Natuku, avai?” Ma Aisiki ivona bo, “Akitai da kii karakarata ma keyama bawana na weni, ma suwara kana sipu na imapatana?”
556	GEN 22:8	Ma ivona bo, “Natuku, God tuna mani suwara kana sipu ina vokiibuwei.” Ma ivi ruwa ibaba inae.
559	GEN 22:11	Ma kegha, kunumai Bada ina aneya irukwatu kurina, “Abraham, Abraham!” Ma Abraham ivonapotei bo, “Taku weni.”
578	GEN 23:6	“Bada, kevi yanekai, kamokiiyai tam na kiivavo ghamam. Nuwabiibiiyai kaivaghinei da am kayowanai akii karawaga sago biibiina kevinei da kawam tupuwina kuna terei.”
583	GEN 23:11	“Kegha, aku bada, kevi yaneku. Aku wawaya maghinosiyai nani bubana ma tanona na kudubina avereverem da nani dobunai kawam tupuwina kuna terei.”
585	GEN 23:13	ma maghinosiyai ivi sisiya Eperon kurina da peyarisi iti yanei. Ivona bo, “Kegha, kevi yaneku. Tanona kudubina kana miiya vaghata kevoneku da ani miiyatawei. Kevi vaghinei da ani miiyem ma nani dobunai kawaku tupuwina ana terei.”
598	GEN 24:6	Ma Abraham ivona bo, “Kegha, kegha taweyana! Ke kuna rutinaneyei nake.
604	GEN 24:12	Vaghina ma inipowana bo, “O, Bada God, tam aku bada Abraham ina God. Ainowi da kuni viteku da aviyavisina kubiine apisi na karako ana panani. Am nuwaviina aku bada kurina kuti debei.
610	GEN 24:18	Ivona bo, “Vaghina, bada, kiuma.” Ma yaghiyaghinai ina kibubu itereoruwei ma ivovigewai da bigabiga tomowina iuma.
611	GEN 24:19	Iuma ikovi ma wiwikena ivona bo, “Bade, am ghamoghamo kubiisi anivu da ani uma dodosi.”
625	GEN 24:33	Vavai itura da ita kam ma bigabiga tomowina ivona bo, “Kegha, muriyai da ana kam na kunona ani akovimi da avi kubiine apisi.” Ma Leiban ivona bo, “Vaghina, kevi sisiya.”
647	GEN 24:55	Ma Rebeka ina maduwa ma novuna ivona bo, “Kegha, karakava. Wiwikena na mara ivi 10 gwabikiiyai ina makai ma nani murinai kona nae.”
650	GEN 24:58	Rebeka ikwatui ipisi ma ivonei bo, “Wekarakava weni tomowina yavata kona nae bo kegha?” Ma ivonapotesi bo, “E, vaghina, aku kayowana da yavata kana nae.”
652	GEN 24:60	Ivomiiri da ita nae ma Rebeka ina rakaraka ivonakiiyaragha kurina bo, “Novukai, kevi tuwa kirakai da natunatum ina peyari. Tupurereghim ini rewapana kirakai ma kii ghavighaviya ina ghegavovorisi da i kwanatu ini rapenei.”
691	GEN 25:32	Iso ivona bo, “Kekitiku, vitonara ekarakara kirakiiyeku da gisina kava ma ana rabobo. Aviyavisina biibiina nani buderina kamonai ana panani?”
736	GEN 27:8	Muriyai Rebeka ivona bo, “Natuku, kevi yana bubuna da aviyavisina ana vonem na kuna berai.
741	GEN 27:13	Ma ina maduwa ivonapotei bo, “Natuku, avi imagina ina tupuwa kurim na biwana taku ana viiya. Ma aviyavisina avonavonem na keberai. Kenae da gotesi kuna rutinapiyei wike.”
748	GEN 27:20	Ma ivona bo, “Natuku, ikikava siya kupanani, iyaghiyaghina ghagha?” Ivonapotei bo, “Am Bada God ivowaguku da avowai.”
752	GEN 27:24	Ma ivi tarakiiyaname, “Vonavaghata da tam natuku Iso bo?” Ma Jeikap ivonapotei bo, “E, taku.”
753	GEN 27:25	Ma ivona bo, “Natuku, siya kuvowai na kepiyei ana kani ma muriyai na ani biibiinim.” Vaghina ma, Jeikap siya ma vavai ikavaraneyei da ina mamai ikam ma bade wain yavata iverei da iuma.
754	GEN 27:26	Vaghina ma ina mamai ivona bo, “Natuku, kepisi kuriku da kuna yoniku.”
755	GEN 27:27	Inae kurina da iyoni na ina mamai na kana gara pughuna iyoni da weni nakanani ivi biibiini. Ivona bo, “Natuku, pughum ibiibii kirakai. Tuna nakanani ma tano pughuna. Tano Bada ivi biibiini na pughuna ibiibii kirakai.
759	GEN 27:31	Iso bade vavai da siya ivi tava monamonai ma ikavara inae ina mamai kurina ma ivonei bo, “Mamai, kemakiivomiiri da weni siyana akavarapiyei na kuna kani ma kuni biibiiniku.”
762	GEN 27:34	Ina mamai ina sisiya ivi yanei na Iso nuwanuwana ipoya kirakai da ere tutuna ivona bo, “Mamai, nakanani na taku bade kevi biibiiniku.”
800	GEN 29:4	Jeikap sipu kii koyakoyagha ivi tarakiiyanesi bo, “Varevaresiku, tami na meni dobuna wawayimi?” Ma ivonapotei bo, “Tokai akii kwanatu na Haran.”
801	GEN 29:5	Jeikap ivonesi bo, “Nayo tupuna Leiban koakovi bo kegha?” Ma ivonapotei bo, “E, kakovi.”
802	GEN 29:6	Ma Jeikap ivi tarakiiyanesi bo, “Tuna vaghina bo?” Ma ivonapotei bo, “Eee, tuna vaghina, natuna Risera ina sipu yavona yavata wepina.”
803	GEN 29:7	Jeikap sipu kii koyakoyagha ivonesi bo, “Kokitai, wekarakava na madegha ghamana ma karakava kii mara da koni umiisi. Ma vaghina kovi umiisi ma bade koviinisi ina vovira da i ku kamkam gawarina biibiina.”
865	GEN 30:34	Leiban ivonapotei bo, “Vaghina, am kayowanai taberai.”
905	GEN 31:31	Jeikap, Leiban ivonei bo, “Ayabumanem, iyamna anotai da natunatum wivinesi gwabikuwai kuta kayoviitawesi.
970	GEN 33:9	Ma Iso ivona bo, “Kegha, varesiku. Taku gwabikuwai ipeyari kirakai ma aviyavisina kupipiyei na kevotani da kubiim.”
1097	GEN 37:13	Muriyai Josepa ina mamai ikwatui ma ivonei bo, “Ana vonatawem kuna nae ku Sekem da varevaresim ghamoghamo ekoyakoyaghisi na kuna kitisi.” Ivonapotei bo, “Vaghina, ana nae.”
1136	GEN 38:16	Tuna kubiine ke damina ita viiya da tuna mani rawana keta baranai imakamakai. Inae kurina da ivonei bo, “Kepisi, tanae ma takena.” Ma wavinena ivona bo, “Yavata takena na aviyavisina biibiina kuna vereku?”
1137	GEN 38:17	Ma Juda ivona bo, “Aku gote yavona kamonai votuna sago ana vonatawei kurim.” Ma ivonapotei bo, “Vaghina, muriyai da gote kuna vonatawei na am sawara sago kevereku ana vovotani da gote kuna vonatawei.”
1143	GEN 38:23	Ivona bo, “Vaghina, wavinena kevoterei da aku sawara ini rapenei, ke kata kayokayowei da wawaya ini nameta. Taku abera tovoni da ati miiyei ma wavinena ke kuta panani kubiine namanaki.”
1149	GEN 38:29	Ma kegha, imana irurui na kwinana sago ivi nao ikiibau na vivowavowa wavinena ivona bo, “O, da tam weni nakanani, kukiibewara kukiibau.” Ma ivi vavei ‘Peres.’
1162	GEN 39:12	Wavinena ipisi da Josepa kana tarasovo ivotani ma ivonei bo, “Kepisi, yavata takena.” Ma kegha, ionagha da iverau ma kana tarasovo na wavinena imanai ikuyowei.
1314	GEN 43:23	Bigabiga wawayina ivona bo, “Vaghina, ke kona yabumana. Agunai ami God nani manena iuwana ami ku kutu, tuna God na ami mamai evovokavakavari. Ma akovi da rorova vavai kogimari na kovi mayei. Ami mane na taku mani aviiya.” Vaghina ma Simiyon ivotawei ma irutini ipisi kurisi.
1320	GEN 43:29	Josepa ikitavirevire da Benjamin ikitai, tuna na tina kikei vaghata ma ivona bo, “Timi kikei kovivi sisiyei na vaghina weni bo?” Ma ivona bo, “Natuku, God ini biibiinim.”
1332	GEN 44:7	Ma ivonapotei bo, “Bada, weni sisiyina na iyamna avai? Tokai kavonavona bubuna da weni berana ke kata berai.
1341	GEN 44:16	Juda ivonapotei bo, “Bada, aviyavisina kani sisiyei. Ke keta sago ita makamakai da kana vona da wawaya maninikai. God ivi debei da tokai kabera beroi. Ma wekarakava na peyarikai na am sleiv. Wawayina iyai gwabinai reduna kopanani na yavata.”
1342	GEN 44:17	Ma Josepa ivona bo, “Kegha, ke nakanani ana berai. Meni wawayina aku redu gwabinai tuna wawayina kava na aku sleiv.” Ma peyarimi na nuwanubiiyai kona vovirame ami mamai kurina.
1343	GEN 44:18	Juda inae da imiiririya Josepa kurina ma ivona bo, “Bada, kevi vaghinei da yavata tisisiya. Ke nuwanuwam ina pughu kuriku. Akovi da tam na kiivavo Pero nakanani, am rewapana irakata.
1371	GEN 45:12	Ma Josepa ina sisiya ikwapanatini ivona bo, “Varevaresiku, wekarakava na peyarimi ma tam Benjamin yavata na matamiyai kokitakitiku da vona bubuna da taku na Josepa.”
1389	GEN 46:2	Ma nani didibarinai na ina kena kamonai na God ivi sisiya kurina, ivona bo, “Jeikap, Jeikap!” Ma ivonapotei bo, “Taku weni.”
1457	GEN 48:5	Ma ina sisiya ikwapanatini ivona bo, “Josepa, natunatum Eperaim da Manase namada itupuwa weni dobuna Egypt kamonai ma nani murinai apisi da yavata tamakamakai. Ma wekarakava ivi ruwa aviiviinisi da ti na natunatuku vaghata nakanani ma Ruben da Simiyon.
1467	GEN 48:15	Ma Josepa na ke iti nuwabiibai, ikitai da ina mamai katagheyana Eperaim ku gayamina tepana iterei. Tuna kubiine ina mamai imana ivotani ma ina kayowana da Eperaim gayaminai ita votawei da Manase ku gayamina ita terei. Ma Josepa ina mamai ivonei bo, “Kegha mamai, ke nakanani, weni tuna na iyarokona katagheyam ku gayamina keterei.” Ma kegha, ina mamai ke iti vaghinei ma ivona bo, “Akovi, natuku, akovi. Ma tuna bade tupurereghina ina rakata kirakai. Ma kegha da tina kikei ina rewapana ina rakata kirakai ke iyarokona nakanani. Ma tupurereghina ina rakata da kamosiyai dam ma dam ina tupuwa.” Nani murinai na Josepa natunatuna yavata ivi biibiinisi ivona bo, “Ainowi da God ini biibiinimi. Aku doboro Abraham da aku mamai Aisiki na God ivokavakavari ma i yawasa kamonai ivotekatekei. Ma bade God na taku kaku koyakoyagha, aku yawasa karenai da weni ku marana ivi noweku. Ma ina aneya ivivi tarapaparaneku da berona ke ata panana tovoni. Ainowi da weni ededisi ini biibiinisi! Ainowi da ti na kaku vava ma Abraham da Aisiki kii vava ina voviteteyanei. Ma ainowi da dobuwai i koroto ina rakata kirakai.”
1493	GEN 49:19	“Gedi, tam kurim na keta bababasi yapiyapisi ina kayaya, ma kegha da kuna miiritavire da kuna kwavinisi.
1511	GEN 50:4	Basepa kana mara ikovi na Josepa inae da Pero ina wawaya ghamaghamasi ivonesi bo, “Kade, kovokovoghina bo kegha da aku sisiya kota kavaraneyei Pero kurina?
23233	MAT 1:20	Nakanani nuwanuwana ivivi tetei ma ina matu kamonai Bada ina aneya kurina inekiibau. Ivona bo, “Josepa, tam David tupurereghina, Meri kuna ravaghi da kawam. Ke kuna yabumana, iyamna Kanuma Vovokaravina ina rewapanai iropeya.
23246	MAT 2:8	Ma ivonatawesi ku Beteliyem ma ivonesi bo, “Konae, ma wawaya kikei koekwa bubuni. Kona panani na kovovira da kona vonavereku. Ma taku bade ana nae da ana vokavakavari.”
23251	MAT 2:13	Maramatana wawayisi inae ma muriyai Josepa ina matu kamonai Bada ina aneya ivonei bo, “Kevomiiri, wawaya kikei ma ina maduwa yavata kona nae ku Egypt dobuna, iyamna Herodi wawaya kikei inekwai da ina kiivunui. Nani dobunai kona makai ma kara ana vonemi da kona vovira.”
23258	MAT 2:20	Ma ivona bo, “Kevomiiri, wawaya kikei ina maduwa yavata kuna rutinisi kona vovira ku Israel dobuna, iyamna nani damsi wawaya kikei ita kiivunui na irukwa yavu.”
23288	MAT 4:10	Ma Yesu ivonapotei bo, “Seitan, kenetaweyana! Giruma katamana evonavona bo, ‘Am Bada God ina kina kava kevokavakavari ma kevotekatekei.’”
23297	MAT 4:19	Ma Yesu ivonesi bo, “Kopisi, kokiviniku. Ani beyebeyemi da wawaya kona konisi.”
23416	MAT 8:2	Ma tomowa sago, kana gubaga giipo na ipisi ma maghinonai ivi tuwaporeruruwana ma ivona bo, “Bada, kuna kayowei na kuni biibiiniku.”
23420	MAT 8:6	Ivonei bo, “Bada, aku bigabiga yaragina igubaga kirakai da ivi tamokovokovoghana, numiiyai ekenakena ma evovokwarakwara.”
23422	MAT 8:8	Ma senturiyon ivonei bo, “Kegha, Bada. Taku ke wawaya kiimataniku da aku ku numa kuta rui. Sisiya kava kevonei ma aku bigabiga ina yawasa.
23433	MAT 8:19	Ma vonaviyoyovana vibeyebeyena tomowina ipisi da Yesu ivonei bo, “Bada, mike kuna nenae na ana kivinim.”
23435	MAT 8:21	Ma Yesu kana kivikivina sago ivona bo, “Bada, aku mamai ana dogoi ma muriyai ana vovira da ana kivinim.”
23439	MAT 8:25	Ma kana kivikivina inae ikiimataki ma ivonei bo, “Bada, kevi viteta! Tamonumonu, tarabobo!”
23450	MAT 9:2	Ma wawaya viya kwinasi digadigana ritowai ipawoi da Yesu kurina inae. Yesu ikitisi da i vitumaghana irakata na digadigana ivonei bo, “Natuku, am nota ke ina gisi. Am bera beroberosi anotatawei.”
23454	MAT 9:6	Ani beyemi da konakovi da taku Wawaya Natusi, aku rewapana kovokovoghina da bera beroberosi dobuwai ana notatawei.” Ma digadigana kurina ivona bo, “Kevomiiri, am kepana kekavari ma kenae am ku numa.”
23470	MAT 9:22	Yesu imiiritavire da wavinena ikitai. Ma ivonei bo, “Natuku, am nota evirewapana. Kuvi tumaghana kubiine kuyawasa.” Ma yaghiyaghinai wavinena iyawasa.
23476	MAT 9:28	Yesu ku numa sago irui na bade matapotapotasi ikivini da irui. Ma ivi tarakiiyanesi bo, “Koitumaghana da taku kovokovoghina da ani yawasimi, bo?” Ma ivonapotei bo, “E, vaghina, Bada, kaitumaghanem.”
23481	MAT 9:33	Yesu kanuma berona ikwavini da ikiibutawei inae, ma tomowina sisiya ivi karei. Koroto ghamana ikitai na ivi deyei ma inota kavakavai ma ivona bo, “Te, te, te, te, te! Ke meyani Israel kamonai bera weni nakanani kata kitai!”
23553	MAT 11:25	Nani maranai Yesu ivona bo, “Mamai, tam dobu ma kunuma kana kiivavo ma aigheghenim iyamna akova vaghata kuteregavui da wawaya nuwanuwagiurisi ma giruma kirakiisi ke itakovi. Ma iyavo kava ke girugirumisi ma ke akakovisi, ti nakanani ma ededa yoghoyogho na ti kurisi vonavaghata kuvi debei da iakovi.