212	GEN 9:6	‘Wawaya ayamonisi da taku mani maghimaghighiku. Tuna kubiine meni wawayina kwinana ina kiivunui na tuna bade tarana ina sororo, wawaya kana kovogha ina verei da ini raboboi.’
311	GEN 12:12	Egypt damsi ina kitim na ina kayowem ma ina vona bo, ‘Kawana kubiine takiivunui ma wavinena tarutini.’
360	GEN 14:23	da ke sago aviyavisina rapemuwai ana votani. Ke avi yoghoyoghona sago bo kae kana terepapara uravina ana kavari. Ata kavari na muriyai kuta vona bo, ‘Abram ina mura na taku averei.’
403	GEN 17:5	Kam vava Abram ma karako aviravirai da kam vava vuna na Abraham, vavana iyamna ‘koroto ghamana i mamai.’ Ana berai da dam ipeyari ina vona da i mamai ghamana na tam.
438	GEN 18:13	Ma Bada, Abraham kurina ivona bo, “Avi kubiine Sera ivi nama ma ivona bo, ‘Amorapa kirakai. Kade ani tuwa bo kegha.’
562	GEN 22:14	Ma vaghina, Abraham nani gawarina ivi vavei ‘Bada ivokiibuwei.’ Ma karako weni ku marana wawaya patana da evonavona bo, ‘Bada ina koya tepanai ina vokiibuwei.’
606	GEN 24:14	Kevi matakira kuriku da meni wiwikena kurina ati nowi bo, ‘Kade am kibubu kuta tereoruwei da atuma.’ Ma ita vonapoteku bo, ‘Kiuma ma bade am kamel kubiisi anivu da ani umiisi.’ Nakanani ini sisiya na anakovi da tuna wiwikena kuvinei da am bigabiga Aisiki kubiine. Nakanani kuna berai na am nuwaviina aku bada kurina kuni debei.”
633	GEN 24:41	Ma mikeda aku rakaraka ke ini vaghinei da wiwike sago kamosiyai kuna rutini na ke kuni nuwapoyei. Nakanani ina tupuwa na am vonakiiyapa kamonai ana votawem. Kovogha ke kuna panani.’
636	GEN 24:44	Mikeda ina vonapoteku bo, “Kiuma ma bade am kamel kubiisi anivu da ani umiisi,” na anakovi da tuna wiwikena kuvinei da aku bada natuna kawana.’
638	GEN 24:46	Yaghiyaghinai ina kibubu itereoruwei ma ivona bo, ‘Kiuma ma bade am kamel ani umiisi.’ Vaghina ma auma ma bade aku kamel ivi umiisi.
639	GEN 24:47	Ma avi tarakiiyanei bo, ‘Tam am mamai na iyai?’ Ma ivonapoteku bo, ‘Aku mamai na Betuwel, aku doboro na Nayo ma aku kwabura na Milka.’ Avi yanei na vaghina, giyayodi sago ma imakwasi ruwa averei.
640	GEN 24:48	Vaghina ma, avi tuwaporeruruwana ma Bada God avokavakavari, avona bo, ‘Bada aigheghenim, tam aku bada Abraham ina God. Kuvi noweku da maninina Abraham tina kikei kurina da tupuna wavinena apanani da natuna kubiine.’
715	GEN 26:22	Nani dogona ikuyowei ma inae da bade dogo sago iyabai na kesago iyai nani dogona kubiine ita gamo. Tuna kubiine ivi vavei, ‘Reyobota,’ nani vavana iyamna ‘Taraboga Ghamana.’ Ma ivona bo, “Wekarakava na Bada ivotaweta ma taraboga ghamana ivereta da tamakai bubuna ma mura ghamana tapanani.”
882	GEN 31:8	Kunona Leiban ivona bo, ‘Gote ini tuwa da punepunesi na natunatusi rapemuwai, am miiya. Ma vaghina, nani murinai ivi tuwa da peyarisi na punepunesi kavakava.’ Muriyai ina nota ivi rai na ivona bo, ‘Ini tuwa da bodayarayaraghisi na ti kava rapemuwai, ma vaghina, ivi tuwa da bodayarayaraghisi kavakava.’
885	GEN 31:11	Ma aku matu kamonai na aneya ivi sisiya kuriku ivona bo, ‘Jeikap.’ Ma avonapotei bo, ‘Taku weni.’
886	GEN 31:12	Aneya ina sisiya ikwapanatini ivona bo, ‘Kekitai, gote tomotomowisi ididiwana na bodayarayaraghisi ma punepunesi kavakava.’ Akitai da Leiban aviyavisina eberaberai kurim, tuna kubiine weni berana aberai.
903	GEN 31:29	Taku rewapana gwabikuwai emakamakai da ati kiiviberom, ma kegha da didibarai am mamai ina God ivoneku bo, ‘Ke sago avi sisiyina berona kuna karatawei da Jeikap kuni yabuyabumani.’
938	GEN 32:10	Vaghina ma Jeikap inipowana ina doboro Abraham da ina mamai Aisiki i God kurina, ivona bo, “Bada tam kuvoneku, ‘Kevovira am ku dobu, am rakaraka kurisi ma ana berai da am mura ina rakata.’
981	GEN 33:20	Ma nani dobunai suwara kana kema iyamoni ma ivi vavei ‘El Eloye Israel.’
1020	GEN 35:8	Nani dobunai imakamakai na Rebeka kana koyakoyagha kana vava Debora irabobo. Tuna kubiine inae Betel baranai ‘oak’ kiina imiimiiri na rogunai idogoi ma dobuna ivi vavei ‘Alon Bakuti.’
1030	GEN 35:18	Ma kegha, Risera damina iviiya da iraborabobo ma muriyai da yatupona ita tapurai na natuna ivi vavei ‘Ben Oni.’ Ma muriyai Jeikap natuna ivi vavei ‘Benjamin.’
1346	GEN 44:21	“Ma kuvonekai bo, ‘Korutinapiyei wike da taku mani matakuwai ana kitai.’
1347	GEN 44:22	Tuna kubiine kavonapotem bo, ‘Tomowa kikei ina mamai ke ina kuyowei, mikeda ina kuyowei na ina mamai ina rabobo.’
1348	GEN 44:23	Ma kuvonekai bo, ‘Mikeda timi kikei murimuri vaghina ke kona rutinapiyei na maghighiku ke kona kita meyei.’
1350	GEN 44:25	“Muriyai akii mamai ivonekai bo, ‘Kovovira da vavai gisina voghamana kubiita kona gimara.’
1354	GEN 44:29	Ma mikeda natuku kana viruwa gwabikuwai kona viitawei ma berona ina tupuwa kurina da tuna yavata ina wapa na nani nuwapoyina ini raboboku iyamna amorapa kirakai. Anoru raborabobosi i ku dobu.’
1421	GEN 46:34	Ma tami na weni nakanani kovonei, ‘Tokai am bigabiga na gisigisikiiyai ghamoghamo vikam kavi karei. Nakanani akii mami mau da doboro mau ivivi kam.’ Nakanani kona vonapotei na ini vaghinei da Gosen dobunai kona makai, iyamna Egypt damsi na sipu kii koyakoyagha ke ita kayokayowesi.”
23324	MAT 5:21	“Namada kovi yanei da mara katamaninai God ivona bo, ‘Ke kuna kiivunuwa. Meni wawayina kiivunuwa ina berai na tuna wawayina vitupavira ma kovogha ina panani.’
23330	MAT 5:27	“Namada kovi yanei da Moses igiruma bo, ‘Wawaya ke kawam vaghata na ke yavata koni pekana.’
23334	MAT 5:31	“Ma bade igiruma bo, ‘Tomowa kawana ina barei na kana sisiya ina girumi ma ina verei ma muriyai ina vonatawei ina nae.’
23336	MAT 5:33	“Ma bade namada kovi yanei da mara katamaninai Moses igiruma bo, ‘Am vonakiiyapa bagibagina ke kuni kiigiiyei. Ma aviyavisina kuvonakiiyapa Bada kurina na keberai.’
23340	MAT 5:37	Am vonakiiyapa kubiine na kevonota bo, ‘Vaghina, ana berai.’ Bo, ‘Kegha, ke ana berai.’ Ma sisiya viya am vonakiiyapa ku tepana kuna terei da wawaya ini tumaghanem na sisiyisi Seitan gwabinai ipisi.”
23341	MAT 5:38	“Namada kovi yanei da mara katamaninai Moses igiruma bo, ‘Wawaya matam ina tupamiimiini na bade nakanani matana kuna tupamiimiini. Ma bade wawaya okem ina rigei, nakanani bade okena kuna rigei.’
23346	MAT 5:43	“Namada kovi yanei da igiruma bo, ‘Turaturami nuwanuwasi koviiya, ma kami ghavighaviya kovi matatonetonesi ma kobaresi.’
23406	MAT 7:21	“Wawaya peyarisi evonavoneku bo, ‘Bada, Bada.’ Ma ke ruvaruvana da kudubisi ina rui God ina vikiivavona ku kamona. Ma iyavo kava aku Mamai kunumai ina kayowana eberaberai na ti wawayisi kava ina rui.
23407	MAT 7:22	Mara damonai, vitupavira kana mara ina nekiibau na wawaya peyarisi ina voneku bo, ‘Bada, Bada, avamuwai kavi peroveta ma kanuma beroberosi kakwavinisi ma bera ghamaghamasi kaberai.’
23453	MAT 9:5	Itekateka da ana vona bo, ‘Am bera beroberosi anotatawei.’ Ma ibagibagi kirakai da ana vona bo, ‘Kevomiiri, kuna baba,’ iyamna matamiyai kona kitai da ina tupuwa bo kegha.
23461	MAT 9:13	Konae ma koekwa da weni sisiyina giruma katamana kamonai na iyamna avai. Igiruma bo, ‘Ke ata kayokayowei da ghamoghamo kota kiivunui ma kota suwara kuriku. Aku kayowana ghamana da wawaya koni kamyuyuwesi.’ Taku apisi da berabero wawayisi ata kwatusi. Ke ata pisi wawaya biibii kirakiisi kubiisi.”
23493	MAT 10:7	Kona nenae na weni sisiyina kona dimei. ‘Wekarakava na God ina vikiivavona enenekiibau.’
23498	MAT 10:12	Ina ku numa kona rurui na kovonesi bo, ‘God ini biibiinimi.’
23538	MAT 11:10	Giruma katamana kamonai God ivona bo, ‘Aku yonayona maghinomuwai ana vonatawei. Tuna am keta ina vovunaghi.’ Wawayina ivivi sisiyei na vaghina tuna, Jon.
23545	MAT 11:17	‘Durere kauveni kubiimi ma ke kota riku. Kasiyapa ma ke kota tou.’
23546	MAT 11:18	Jon Babataito ivivi siya, ke ita kamkam ma wain ke meyani itumumai. Tuna kubiine weni kimtina kovonavona bo, ‘Kanuma berona gwabinai.’
23547	MAT 11:19	Ma taku, Wawaya Natusi, akamkam ma aumuma na kovonavona bo, ‘Nani wawayina na kamonabanabana ma umaneghaneghana. Turaturana na teks yuyuna damsi ma berabero wawayisi.’ Ma God ina nuwagiura na wawaya i yawasa kamonai idebei kurita da tuna nuwagiura vaghata.”
23602	MAT 12:44	Ma ina vona bo, ‘Aku ku numa ana vovira.’ Ina ku numa ina nekiibau na ina panani da numana kwebuna, wawaya igigiri ma bera peyarina itere bubuni.
23706	MAT 15:4	God ivoneta bo, ‘Ami mamai da ami maduwa kovopepetisi.’ Ma ivona bo, ‘Iyi ina mamai bo ina maduwa ini avaberowesi na kokiivunui.’
23707	MAT 15:5	Ma tami na ami vibeyebeyena na weni nakanani. Tomowa ina maduwa da ina mamai ina vonesi bo, ‘Aku bera ma aku sawara peyarina God kurina asuwara. Tuna kubiine ke ani vitemi.’
23743	MAT 16:2	Ma ivonesi bo, “Ravi ina pika ma mara ina ruwabai na kona vona bo, ‘Maram na mara biibiina.’
23744	MAT 16:3	Ma mara boiboiyai mara ina gigiri ma muriyai ina kwavui na kona vona bo, ‘Garewa ina katuna.’ Koakovi ikikava matakira kunumai kona kitai na kona vona da mara biibiina bo mara berona. Ma karako na matakira ghamaghamasi etuputupuwa, idebei da God ina Vivinevine Wawayina inekiibau ma avi kubiine ke akovina kota viiviiya?
23812	MAT 18:16	Ma am sisiya ke ini yanei na bade vimamatara wawayisi sago bo ruwa kuna rutinisi da yavata kona vovira da kona vona meyei. Nakanani kona berai da giruma katamana kona nunuri. Igiruma bo, ‘Wawaya ruwa bo aroba wawaya ini wavui, ke sago kava.’
23822	MAT 18:26	“Ma bigabiga wawayina itawotei ku tano ma manawinai isasa da kiivavo ku maghinona. Ma ivi nowi bo, ‘Kevi kamyuyuweku ma karakava kaku tupi peyarina ani miiyei.’
23829	MAT 18:33	Ikikava avi kamyuyuwem na nakanani bigabiga kwinam kuti kamyuyuwei.’
23835	MAT 19:4	Ma Yesu ivonapotesi bo, “Moses ina giruma namada kovi yavi da dobu karenai God ‘wawaya iyamonisi da tomowa ma wavine.’
23836	MAT 19:5	Ma God ivona bo, ‘Tuna kubiine tomowa ina mamai ma ina maduwa ina kuyowesi da kawana yavata ini kiikapu da sago.’
23865	MAT 20:4	Ma ivonesi bo, ‘Tami bade konae da aku vao kamonai kona biga ma ani miiya bubunimi.’
23898	MAT 21:3	Mikeda wawaya ikikava ina vonavonemi na kovonei bo, ‘Bada ekayokayowei.’ Ma yaghiyaghinai ini vaghinei da kona rutinisi.”
23908	MAT 21:13	Ma ivonesi bo, “Giruma katamana kamonai evonavona bo, ‘Aku numa na nipowana numana.’ Ma tami, koberaberai da yapiyapi damsi i numa.”
23923	MAT 21:28	Yesu, taparoro babadisi i babada ma Jiu damsi i babada ivonesi bo, “Miiba sago ana vonemi na kovi nuwanotanotei. Tomowa natunatuna ruwa yavata imakamakai. Ma iyarokona ivonei bo, ‘Natuku, karako kuna nae vao kamonai kuna wayowa.’
23925	MAT 21:30	Ma natuna murimurina kurina inae ma sisiyina sago ivonei. Ma murimurina ivonapotei bo, ‘Vaghina, mamai, ana nae.’ Ma ke ita nae.”
23933	MAT 21:38	Ma koyakoyagha damsi natuna ikitai ipipisi na ti mani kavakava ivi ogatara ma ivona bo, ‘Wena vao badana natuna. Kopisi ma takiivunui ma mara sago vao badana ina rabobo na weni vao na tirapenei.’
23945	MAT 22:4	Ma bade ina bigabiga viya ivonatawesi, ivonesi bo, ‘Konae, da aku wawaya vovinesi kona vonesi da namada avovunagha, kata siya monamonana arighai ma vavai yavata avi tava ikovi. Kopisi da takam.’
23950	MAT 22:9	Ma wekarakava na kokiibau da wawaya ketiyai kona panapananisi na kovonesi da ina pisi weni ku kamna.’
23973	MAT 22:32	‘Taku na Abraham, Aisiki ma Jeikap i God.’ God na wawaya yawayawasisi i God, ke raborabobosi i God.”
23978	MAT 22:37	Ma ivonapotei bo, “‘Nuwanuwami kudubinai, kanumimi kudubinai ma ami nota kudubinai ami Bada God nuwanuwana kona viiya.’
23980	MAT 22:39	Ma kana viruwa na weni, ‘Ikikava tam mani kinuwaviina meyem, nakanani kwinam nuwanuwana keviiya.’
24003	MAT 23:16	“Koti nuwapoya kirakai! Konotanotai da wawaya koti noravesi ma matami isowa yavui. Ami vibeyebeyena kamonai wawaya kovonavonesi bo, ‘Iyi Taparoro Numana vavanai vonakiiyapa bagibagina ina terei na iyamna kegha, kovokovoghina da ini kiigiiyei.’ Ma wawaya kovonavonesi bo, ‘Iyi Taparoro Numana kana gold vavanai vonakiiyapa bagibagina ina terei, tuna na bera vaghata, vonakiiyapa ina kivini.’
24005	MAT 23:18	Ma bade kovonavonesi bo, ‘Iyi suwara kana kema vavanai vonakiiyapa bagibagina ina terei na iyamna kegha, kovokovoghina da ini kiigiiyei.’ Ma wawaya kovonavonesi bo, ‘Iyi ina suwara vavanai vonakiiyapa bagibagina ina terei, tuna na bera vaghata, vonakiiyapa ina kivini.’
24017	MAT 23:30	Ma kovonavona bo, ‘Rorova mara katamaninai akii kaekiki mau yavata kata makamakai na ke kati vitesi da peroperoveta kati kiivunuwana.’
24074	MAT 24:48	Ma mikeda bigabiga tomowina na wawaya berona na ina vona bo, ‘Aku bada ina numataya iguri.’
24085	MAT 25:8	Ma neghaneghasi turaturasi kurisi ivi nowi bo, ‘Kade oira gisina kota verekai, akii rampa epekipeki.’
24086	MAT 25:9	Ma nuwanuwagiurisi ivonapotesi bo, ‘Kegha. Konae da kubiimi kona gimara. Ke ruvaruvana da kana votepowemi.’
24097	MAT 25:20	Ma bigabiga tomowina sago ipisi ma ivona bo, ‘Bada, 5 tausan kuvereku na ku tepana 5 tausan aberai na kekitai, weni.’
24099	MAT 25:22	“Ma bigabiga tomowina kana viruwa ipisi ma ivona bo, ‘Bada, 2 tausan kuvereku na ku tepana 2 tausan aberai na kekitai, weni.’
24102	MAT 25:25	Tuna kubiine ayabumanem ma anae da am 1 tausan gold riririghisi tano kamonai ateregavui. Kekitai, am mane na weni.’
24105	MAT 25:28	“Ma ina wawaya ivonesi bo, ‘Weni bigabiga wawayina gwabinai gold riririghisi koviitawei da nokoni bigabiga wawayina 10 tausan gwabinai na tuna kona verei.’
24113	MAT 25:36	Kaku gara kegha na gara kovereku. Agubaga na korapa bubuniku. Taku gabura kamonai na korugenariku.’
24122	MAT 25:45	Ma kiivavo ina vonapotesi bo, ‘Vonavaghata avonavonemi, wawayota vivikamyuyuwina kokitakuyowei ma ke koti vitei na tuna nakanani ma taku kuriku kota berai.’
24154	MAT 26:31	Yesu kana kivikivina ivonesi bo, “Weni didibarinai peyarimi kona verukuyoweku. Giruma katamana evonavona bo, ‘Sipu kii koyakoyagha ina kiivunui, ma sipu yavona ini verubogebogesi.’
24206	MAT 27:8	Tuna kubiine nani tanona patana da ekwatukwatui da ‘Tara Tanona.’
24261	MAT 27:63	Ivonei bo, “Bada, Yesu na viviberona ma kanotanotai da ivona bo, ‘Ana rabobo ma mara viarobina kamonai rabobowai ana vomiiri.’
24271	MAT 28:7	Ma yaghiyaghinai konae da kana kivikivina kona vonesi bo, ‘Yesu rabobowai ivomiiri. Ma ini nao ku Gariri, nani dobunai kona panani.’ Vaghina, avonemi.”
24277	MAT 28:13	Ma ivonesi bo, “Weni nakanani kovi bero. ‘Didibarai kakenakena ma kana kivikivina ipisi da tupuwina iyapiya.’
24338	MRK 2:9	Meni sisiyina itekateka? Itekateka da digadigana kurina ata vona bo, ‘Am berabero anotatawei.’ Ma ibagibagi kirakai da kurina ata vona bo, ‘Kevomiiri, am kepana kekavari ma kebaba,’ iyamna matamiyai kona kitai da ina yawasa bo kegha.
24542	MRK 7:10	Ami bera ani mamatarei. Moses igiruma bo, ‘Ami mamai da ami maduwa kovopepetisi.’ ma bade igiruma bo, ‘Iyi ina mamai bo ina maduwa ini avaberowei na koni raboboi.’
24543	MRK 7:11	Ma tami na ke nakanani koti beyebeyena, kovonavona da wawaya ina maduwa da ina mamai kurisi ina vona bo, ‘Ke kovokovoghina da ani vitemi. Aku mura kudubina na God rapenai, iyamna namada vonakiiyapa bagibagina aterei da kurina ana suwara yavui.’
24663	MRK 10:6	Kota notai da dobu karenai ‘God wawaya iyamonisi da tomowa ma wavine.’
24665	MRK 10:8	da tupuwsi sago.’ Tuna kubiine ivi ruwa ini sagosi da ke ruwa, ti na sago.
24726	MRK 11:17	Ma ivi beyebeyena kurisi, ma nani kamonai ivonesi bo, “Giruma katamana kamonai evonavona bo, ‘Aku numa na nipowana numana dam ma dam kubiisi.’ ‘Ma tami koberai da tuna yapiyapi damsi i numa.’”
24748	MRK 12:6	Vao badana na ina wawaya turina gwabinai da ita vonatawei. Tuna na natuna tomowina ma nuwanuwana ivii kirakiiyei. Murina vaghata na natuna ivonatawei ma ivona bo, ‘Anotanotai da natuku ina vokaravei.’
24749	MRK 12:7	Ma vao kana koyakoyagha ivi ogatara ma ivona bo, ‘Nokona natuna. Vao badana ina rabobo na weni tanona buderina ina damana da tuna ini rapenei. Tuna kubiine takiivunui ma tanona na tota mani tirapenei.’
24768	MRK 12:26	Ma vonavaghata ani beyebeyemi da wawaya raborabobosi ina vomiiri. Moses ina giruma kovi yavi da kotakovi da kiikiiruku ikarakarai na God gamona ivi sisiya Moses kurina. Ivona bo, ‘Taku na Abraham, Aisiki ma Jeikap i God ma ti na gwabikuwai emakamakai.’
24772	MRK 12:30	Nuwanuwami kudubinai, kanumimi kudubinai, ami nota kudubinai ma ami rewapana kudubinai da ami Bada God kurina kovi nuwaviina.’
24773	MRK 12:31	Ma sisiya bagibagina kana viruwa na weni. ‘Ikikava tam mani kinuwaviina meyem, nakanani kwinam nuwanuwana keviiya.’ Ke meni sisiyina bagibagina weni ivi ruwa ita ghekuyowesi.”
24778	MRK 12:36	Kanuma Vovokaravina David itowatepani da ivona bo, ‘Bada God ivi sisiya aku Bada kurina. Ivona bo, Katagheyakuwai kuna makamakai da kam ghavighaviya kudubina ku kae gaburim ana teresi.’
24811	MRK 13:25	Gwamegwame kiidamowai ina ririgha, ma aviyavisina kudubina kunumai na ini nuke yavu.’
24820	MRK 13:34	Tuna nakanani ma tomowa sago ita numataya. Muriyai da ita nae na ina bigabiga sago sago duma i biga iveresi. Ma bade matuketa kana koyakoyagha ivonei bo, ‘Matam ekita.’ Ma ivomiiri, ina numa ivoterei.
24824	MRK 14:1	Mara ruwa kava imakamakai da Pasova kamna kana mara ma nani murinai na kam ghamana sago kana vava ‘Parawa Vivikiipanina.’ I kiki da nani kamna kubiine kii parawa kamonai na yist ke ina terei. Ma taparoro babadisi i babada ma vonaviyoyovana vibeyebeyena wawayisi ivi ogatara da gavunai Yesu ita paniya da iti raboboi.
24837	MRK 14:14	Ma meni ku numana ina rui na tuna wawayina na numa tuwakarena kurina kovona bo, ‘Akii Bada ekayokayowei da am numiiyai Pasova kamna ina berai. Ivi nowi da numataya i tupayaragha kamonai kuna terekai da tokai kana kivikivina yavata kana kam patapata.’
24850	MRK 14:27	Yesu kana kivikivina ivonesi bo, “Peyarimi ami nota ina peku da kona verukuyoweku. Giruma katamana evonavona bo, ‘Sipu kana koyakoyagha ina kiivunui, ma sipu yavona ini verubogebogesi.’
24917	MRK 15:22	Ma Yesu irutini inae da ku gawara kana vava Gorugata, nani vavana iyamna ‘Teuteu Gawarina.’