13950	PSA 2:1	Sukaman yuyani: ¿Imapatí Tata Diosta mana kasuk runakuna turbakunsapa? ¿Imapatí mana valekkunata yuyaykunsapa rurayta?
13954	PSA 2:5	Chaymanta Tata Dios rabyakushpa manchachinsapa. Sinchita piñakushpa willansapa:
13955	PSA 2:6	“Ñukami akllashkayni Sion urkupi sinchi kamachikukta churashkani tukuy layata kamachinanpa.”
13958	PSA 2:9	Sinchi kamachikuk kashpayki suk runakuna mana kasushunayaptinkuna kastigankisapa. Yerumanta ruradu varawan metomanta ruradu ollata pakikshina paykunata kastigankisapa.”
13967	PSA 3:6	Sirishpayni kunanlla puñuni. Puñushkaynimanta kashkan rikchamuni Tata Dios yanapawaptin.
13972	PSA 4:2	A, Tata Dios, kanmi allita amachawanki. Chayrayku kanta roygaptini yanapaway. Sukaman llakiptini kanmi kushichiwanki. Chayrayku roygaptini llakichiwashpa uyariway.
13975	PSA 4:5	Chayta yachashpa manchakushpa chukchukuychi amana ashwanta uchallikunaykichipa. Sirishpaykichi kasillayashpa mana alli rurashkaykichita yuyaychi.
14001	PSA 6:9	Kankuna, mana alli rurak runakuna, ñukamanta anchuychi. Sukaman llakiptini ñami Tata Dios uyariwashkana.
14005	PSA 7:2	A, Señor Tatayni Dios, kantami maskayki amachawanaykipa. Sufrichiwak runakunamanta salvaway. Paykunamanta kishpichichiway. Mana amachawaptikika llullakushpa chatawashpa pumashina wakllichiwanmansapa.
14023	PSA 8:2	A, Tata Dios, ashwan sinchi kamachiwakninikunami kanki. Kanmi tukuy allpapi kamachikunki. Sieluta kawashpaynikuna yachanisapa sukaman tukuy laya atipak kanaykita.
14030	PSA 8:9	Sielupi pawak animalkunata yakupi kawsak challwakunata tukuy ima yakupi tiyakta churashkankisapa kamachinaynikunapa.
14074	PSA 11:4	Chashna willawaptinkunapish ñuka yachani Tata Dios wasinpi kawsananta. Sielupi tiyananmanta tukuy runakunata allita kawaykan.
14183	PSA 19:2	Kawananchi sielu yachachiwanchisapa Tata Dios tukuy laya atipak kananta. Sieluta kawashpanchikuna yachanchisapa Tata Dios tukuy layata rurashkanta.
14185	PSA 19:4	Sielu mana rimakuptin uyarishpanchikunapish allita yachanchisapa Tata Dios tukuy layata rurashkanta.
14189	PSA 19:8	Tata Diospa kamachikunankuna sukaman allimami. Sampayaptinchi animuchiwanchi. Paypa rimananka mana llullachiwanchisapachu. Mana yachaptinchikuna yachachiwanchisapa alli yachak kananchikunapa.
14305	PSA 27:3	Chay aypa chikniwak runakuna wañuchiwanayashpa chawpichawaptinkunapish mana paykunata manchanichu. Sukaman makawanayaptinkunapish mana turbakunichu.
14306	PSA 27:4	Ñuka Tata Diosta suk imallata mañashkani. Sukaman munani tukuy diya paypa wasinpi yaykuyta payta kuyanaynipa. Chaypi sukaman munani kuyawananta yuyayta.
14307	PSA 27:5	Sukaman sufrishpa kawsaptini Tata Dios amachawashpa yanapawanka. Chikniwak runakunamanta wasinpi pakawanka. Manllayba rumi sawanpishina churawanka ama ni pi wakllichiwananpa.
14478	PSA 37:7	Allita rurashpa mana turbakushpa Tata Dios yanapashunanta shuyay. Suk runakuna tukuy imayuk kaptinkuna ama llakishpa rabyakuychu. Mana allita yuyaykuptinkuna ama rabyakuychu.
14647	PSA 46:5	Suk yaku kallpashpa kushichiwanchisapa Tata Dios chay yakushina yanapawashpanchikuna kushichiwanchisapa. Kamachiwakninchikuna Tata Dios ñukanchikunapi kawsan.
14649	PSA 46:7	Chayta kawashpa mana Tata Diosta kasuk runakuna manchakushpa kaparinkasapa. Sinchi kamachikukkuna sukwan sukwan makanakushpa kawsansapa. Tata Dios rimakuptin tukuy llaktakuna wakllichinakunsapa.
14651	PSA 46:9	Payka almirana milagrukunatami rurashka. Shamuychi kawak kay allpapi rurashkanta.
14731	PSA 51:8	A, Tata Dios, kanka alli shunkuyuk runata kuyanki. Shunkuynipi allita yachachiwashkanki.
14762	PSA 53:7	Sukaman munani Tata Dios tukuy israel runakunata kuyawashpanchikuna chikniwakninchi runakunamanta salvawananchikunapa. Tata Dios llakichiwaptinchikuna tukuy Jakobopa mirakninkuna israel runakuna kushikushunchisapa.
14774	PSA 55:3	A, Tata Dios, uyariwashpa yanapaway. Llakishpayni roygayki. Chikniwak runakuna rimakuptinkuna mana alli rurak runakuna kaparikuptinkuna uyarishpa sukaman manchakuni. Paykunaka chikniwashpa sufrichiwansapa. Sukaman piñakushpa makawanayansapa.
14784	PSA 55:13	Manami chikniwak runachu sufrichiwashka. Chikniwak runa sufrichiwaptinka mana nimachu kanman. Sufrichiwak runamanta ñukaka pakakuyman.
15081	PSA 73:6	Sukaman kikinkunalla kreyinakushpankuna sufrichikushpalla kawsansapa.
15084	PSA 73:9	Sukaman mana allita rurashpankuna willansapa Tata Diosta mana kasunayanankunata. Runakunatapish washanchansapa.
15086	PSA 73:11	Rimansapa: “Tata Dios mana alli rurananchikunata mana yachankachu. Sielupi kawsak Tata Dios mana nimata yachanchu.”
15101	PSA 73:26	Sukaman sampayaptinipish, kan tata Dios, mana tukuyniyukta kuyawashpa yanapawanki.
15640	PSA 104:2	Luswan sawa llachapawanshina wankunakushkanki. Sieluta warkudu llachapatashina churashkanki.
15642	PSA 104:4	Sinchi wayra yachachiwanchisapa sukaman atipak kanaykita. Rawraykak ninakunapish kanllapami.
16238	PSA 133:1	Mash allita yuyaychi. Sukaman allimami wawkinchikunawan paninchikunawan kushikushpa kuyanakushpa kawsananchikunapa.
16240	PSA 133:3	Chashna kuyanakushpa kawsashpanchikuna Hermon urkupi serenushina kanchisapa. Sion urkuta ñuyuchik serenushina kanchisapa. Chashna kuyanakushpa kawsaptinchikuna Tata Dios kushikushpa sukaman yanapawanchisapa mana tukuyniyukta paywan tantalla kawsananchikunapa.
16308	PSA 139:1	A, Tata Dios, sukaman allita kawawashkanki yachanaykipa allitachu manachu ruraykani nishpa. Sukaman allita riksiwanki.
16315	PSA 139:8	Sieluman riptinipish chaypimi kawawanki. Wañudukuna rinankunaman riptinipish chaypimi kawawanki.
16319	PSA 139:12	Sukaman tutayaptinpish mana kanmanta atipanichu pakakuyta. Tuta kaptinpish diyapishina kawakunki. Tutapi diyapi chashnallami kawakunki.
16321	PSA 139:14	Chaykunata yachashpa almirashpa alabayki. Sukaman almirana layakunata rurashkanki. Allita yachani tukuy layata rurashkaykita.
23216	MAT 1:3	Judaka karkan Farespa Sarapa tatan. Farespa Sarapa maman karkan Tamar. Fareska karkan Esrompa tatan. Esromka karkan Arampa tatan.
23217	MAT 1:4	Aramka karkan Aminadabpa tatan. Payka karkan Naasonpa tatan. Naasonka karkan Salmonpa tatan.
23218	MAT 1:5	Salmonka karkan Boospa tatan. Boospa maman karkan Rahab. Booska karkan Obedpa tatan. Paypa mamanka karkan Ruti. Obedka karkan Isayipa tatan.
23219	MAT 1:6	Isayika karkan alli kamachikuk Davidpa tatan. Davidka karkan Salomonpa tatan. Salomonpa maman manara Davidpa warmin kashpa Uriyaspa warmin karkan.
23220	MAT 1:7	Salomonka karkan Roboampa tatan. Roboamka karkan Abiyaspa tatan. Payka karkan Asapa tatan.
23225	MAT 1:12	Chaymanta Babilonia llaktamanta kutimuptinkuna Jekoniyaska karkan Salatielpa tatan. Salatielka karkan Sorobabelpa tatan.
23226	MAT 1:13	Sorobabelka karkan Abiyupa tatan. Abiyuka Eliakimpa tatan karkan. Eliakimka Asorpa tatan karkan.
23227	MAT 1:14	Asorka Sadokpa tatan karkan. Sadokka karkan Akimpa tatan. Akimka Eliyupa tatan karkan.
23233	MAT 1:20	Sakinanpa yuyaykuykaptinna suk tuta muskuyninpi Tata Diospa angelnin willarkan: “Kanmi ñawpa Davidpa miraknin kanki. Chayrayku Tata Dios munan noviayki Mariyawan kasaranaykipa. Chay wawanka Tata Diospa Espiritunpami. Manami ullkupachu. Ama pinkakuychu noviayki Mariyawan kasarayta.
23235	MAT 1:22	Ñawpa pacha Tata Dioska suk yachachikuk runata willarkan: “Suk sensilla shipashmi ullku wambrata wawayanka. Payta shutiyachinkichi Emanuel.” Emanuel riman “Tata Dios ñukanchikunawan.” Chay killkadun rimashkanshina Mariyaka wawayarkan.
23239	MAT 2:1	Sinchi kamachikuk Herodes chay llaktakunapi kamachikushkan tiempu Belen llaktapi Jesuska nasirkan. Chay Belen llaktaka Judea partipi karkan. Jesus nasiptinna inti llukshimunan partimanta luserukunata yachakuk yachaysapa runakuna shamurkansapa.
23241	MAT 2:3	Chayta uyarishpa kamachikuk Herodeska sukaman turbakurkan. Sukaman manchakurkan. Jerusalen llaktapi kawsak runakunapish turbakurkansapa.
23264	MAT 3:3	Ñawpa alli yachachikuk Isaiyas killkarkan: “Chunlla chakidu pampapi suk runa sinchita yachachikuykan: ‘Señorninchipa suk ñanta allichaychi. Suk ñanta kuskachaychi chayta purinanpa.’ ” Chashna killkashpa Isaiyaska Juanpami killkarkan.
23268	MAT 3:7	Chaymanta Fariseo runakunawan Saduseo runakuna rirkansapa Juanta willak bawtisanankunapa. Chaypina Juanka paykunata willarkansapa: —Kankuna sukaman llullachikushpaykichi machakuyshina kankichi. Tata Dios kankunata utkana sukaman kastigashunkichi. ¿Pití willashushkankichi kastiguykichimanta kishpinaykichipa?
23271	MAT 3:10	Suk kaspi mana allita wayuchakuptinka doyñun sapinpi achawan kuchushpa rupachin. Chashnami Tata Dios kankunata mana alli rurashkaykichirayku utkana kastigashunkichi.
23281	MAT 4:3	Supay llullachinayashpa rirkan Jesustaka willak: —Tata Diospa wambran kashpaykika kay rumikunata willay pankuna tukunanpa chaykunata mikunaykipa.
23288	MAT 4:10	Chaypina Jesuska willarkan: —Ñukamanta ashuy, Satanas. Tata Diospa killkadunpi willawanchi: “Señorniki Tata Diosllata kuyay. Payllata sirvishpa kawsay.”
23291	MAT 4:13	Galileapi kashpa manana Nasaret llaktapi kawsarkannachu. Rirkan kawsak Kapernaum llaktapi. Chay llaktaka karkan Sabulon Neptali partipi Galilea kocha ladunpi.
23293	MAT 4:15	“Sabulon partipi Neptali partipi Galilea kocha ladunpi Jordan yaku ladunpi chay mana judiyu runakuna kawsansapa.
23296	MAT 4:18	Chaymanta Galilea kocha mañanpi puriykashpa Jesuska ishkay runakunata kawarkan. Paykunaka atun redninkunawan challwakuykarkansapa. Suk karkan Andres. Suk karkan wawkin Simon. Paypa suk shutin karkan Pedru.
23299	MAT 4:21	Chaymanta chay kocha mañanta riykashpankuna Jesuska Santiagota wawkin Juanwan tantallata kawarkan. Chay ishkay runakuna Sebedeopa wambrankuna karkansapa. Suk kanowapi chay ishkay runakuna tatanwan redninkunata allichaykarkansapa. Chaypina Jesuska chay ishkay runakunata kayarkansapa paywan tantalla purinankunapa.
23302	MAT 4:24	Chaymanta Siria partipi sukaman famakurkansapa Jesus unkudukunata alliyachiykananta. Chayrayku Siriapi kawsak runakuna Jesusman pusharkansapa rikchak laya unkuyniyuk runakunata, nanayuk runakunata, supayuk runakunata. Chaymanta pusharkansapa manchariyuk runakunata, kaspirayadu runakunata. Chaypina Jesuska tukuy chay unkudu runakunata alliyachirkansapa.
23331	MAT 5:28	Chayta yachaptikichipish ñukami willaykichi: Suk warmiwan puñuyta munashpaykichika ñami yuyaynikichipi uchallikushkankichina.
23337	MAT 5:34	Chayta yachaptikichipish ñukami willaykichi: Suk imata ruranaykichipa rimashpaykichika mana jurashpalla ruraychi. Tata Dios sielumanta kamachikuykan. Chayrayku suk imata ruranaykichipa ama sielupa shutinpi juraychichu.
23342	MAT 5:39	Chayta yachachiptinkunapish willaykichi: Suk sakra runa imatapish kaptin rurashuptikichi ama kutipaychichu. Suk ladu uyaykichipi sakmashuptikichika suk ladutapish kuychi.
23343	MAT 5:40	Chaymanta suk runa mañakukushuptikichi kamisaykichita kichushunaykichipa ama michaychichu apananpa. Sakuykichitapish kuychi.
23345	MAT 5:42	Chaymanta llaktamasikichi ima tiyashuknikichita mañashuptikichi kuychilla. Suk imata mañashuptikichi suknin diya kutichishunaykichipa mana michashpa kuychilla.
23347	MAT 5:44	Chashna yachachiptinkunapish ñukami willaykichi: Kankuna chiknishuk runakunatapish kuyaychilla. Maldisishuptikichika Tata Diosta roygaychi yanapanankunapa. Chiknishuptikichika allita yanapaychi. Sufrichishuptikichika paykunapa oraychi.
23364	MAT 6:13	Supaymanta amachawaysapa. Yanapawaysapa ama supay llullachiwashpankuna mana allita rurachiwanankunapa. Kanmi mana tukuyniyukta tukuy laya atipak alli kamachikuk kuyakuk kanki. Chashna kachun.”
23372	MAT 6:21	Sielupi tiyapushunaykichita tukuy shunku munashpaykichi chayllata yuyashpa kawsankichi.
23375	MAT 6:24	Suk runa mana atipanchu chay ratulla ishkay patronpi trabajayta. Sukllallata kasunan tiyan. Suk patronninta kasushpa sukta manana kasunnachu. Kankuna chay trabajador runashina kankichi. Kullkiyayta munashpalla kawsashpaykichika manana atipankichinachu Tata Diosta kasushpa kawsayta.
23380	MAT 6:29	Ñawpa kamachikuk Salomonpa llachapankuna sukaman allima rikurirkan. Kay sisakuna paypa llachapanmanta ashwan allimata rikurinsapa.
23396	MAT 7:11	Kankuna mana alli rurak kaykashpaykichipish wambraykichita allikunata kunkichi. Sielupi kawsak Tata Diosnikichita mañaptikichi payka ashwan allimakunata kushunkichi.
23402	MAT 7:17	Suk alli kaspi alli wayukunata wayuchakun. Mana alli kaspi mana alli wayukunata wayuchakun.
23403	MAT 7:18	Suk alli kaspika manami wayuchakunchu mana alli wayukunata. Mana alli kaspika manami wayuchakunchu alli wayukunata.
23406	MAT 7:21	Tatayni Diospa munananta rurak runakunalla paypa mandunpi yaykunkasapa. Chay llullakuk runakuna: “Señor, Señor” willawashpankunapish mana allita rurashpa kawsansapa. Chayrayku paykunaka manami Tata Diospa mandunpi yaykunkasapachu.
23407	MAT 7:22	Ñuka kashkan shamuptini chay llullachikuk runakuna willawankasapa: “Señor, ñukaykuna shutikita rimashpa yachachikurkanisapa. Shutikita rimashpa runakunamanta supaykunata llukshichirkanisapa. Shutikita rimashpa aypa milagrukunata rurarkanisapa.”
23409	MAT 7:24	Chayrayku willaykichi: Kankuna yachachikushkaynita uyarishpa chayta kasunaykichi tiyan. Chashna kasushpa kawsashpaykichi yachaysapa runa kankichi. Suk yachaysapa runa wasinta rurashpa sinchi allpapi uku ukuta aspishpa ruran.
23411	MAT 7:26	Chaymanta kankuna yachachikunaynita uyarishpalla mana kasuwashpaykichika suk mana alli yuyaykuk runashina kankichi. Suk mana alli yuyaykuk runa wasinta rurashpa ñupu likidu allpapi ruran. Chay laya ruradu wasika mana sinchikunchu.
23412	MAT 7:27	Sukaman tamyaptin yaku llokllaptin sinchita wayraptin chay mana alli yuyaykuk runapa wasin kunanlla urmapun. Sukaman allita wakllin. Kankunaka yachachikunaynita mana kasushpaykichika wakllichinakunkichi.
23416	MAT 8:2	Chaypina suk lasaruyak runa Jesusta ladunchashpa ñawpakninpi kunkurikushpa willarkan: —Señor, munashpaykika kay unkuyninimanta alliyachiway.
23418	MAT 8:4	Chaypina Jesuska willarkan: —Amara ni pita willayrachu alliyachishkaynita. Saserdoteman rillay kawashunanpa alliyaduna kanaykita. Chaymanta ñawpa Moises killkashkanpi kamachikunanta allita kasushpa suk ofrendata apay. Chayta apaptiki tukuy runakuna yachankasapa unkuynikimanta sanuyashkaykita.
23420	MAT 8:6	—Señor, suk wiwachuyni wasinipi sukaman unkudulla kawsan. Manana nima kuyuyta atipannachu. Mana muchunapa laya nanaywan sukaman sufriykan.
23422	MAT 8:8	Chaypina chay kapitanka willarkan: —Señor, ñuka mana nimachu kani wasinipi yaykunaykipa. Kayllamanta atipanki wiwachuynita alliyachiyta.
23423	MAT 8:9	Tata Diosmi kamachishunki. Chayrayku sinchi kamachikuk kanki. Ñukapapish tiyan kamachiwakninikuna. Paykuna kamachiwaptinkuna kasunayni tiyan. Chaymanta ñuka soldadukunata kamachiptini paykunapish kasuwansapa. Suk soldaduta suk mayman rinanpa willaptini rin. Sukta shamunanpa willaptini shamun. Suk wiwachuyni imatapish rurananpa willaptini ruran. Chayrayku sinchi kamachikuk kashpayki karullamanta wiwachuynita alliyachipay.
23435	MAT 8:21	Chaypina Jesusta katik runa willarkan: —Señor, tatayni wañuptin pampashpaynira katishkayki.
23439	MAT 8:25	Chaypina disipulunkunaka rirkansapa rikchachik. Sukaman manchakushpankuna willarkansapa: —¡Señor, salvawaysapa! Ñami suminayaykanchisapana.
23443	MAT 8:29	Sinchita rimashpa willarkansapa: —Tata Diospa wambran Jesus ¿manara kastigawanaykipasapa tiempu chayamuptinra shamushkankichu kastigawaksapa?