13945	PSA 1:2	Tata Diospa rimananta kuyashpanchikuna tutapi diyapi chay rimananpi yuyaykushpa kushikushpa kawsanchisapa.
13946	PSA 1:3	Chashna Tata Diospa rimananta kuyashpanchikuna yaku mañanpi tarpudu kaspishina allimata wiñanchisapa. Wayuchakunan tiempu aypata wayuchakuk kaspishina kanchisapa. Aypa allima pankayuk kaspishina kanchisapa. Chayrayku tukuy ima rurananchikunata allita ruranchisapa.
13947	PSA 1:4	Chay mana alli rurak runakuna mana chashnachu kawsansapa. Paykunaka wayra pushanan kutadu murupa karapanshina kunanlla anchunsapa.
13949	PSA 1:6	Tata Dios alli rurak runakunata kuydansapa alli ñanta purikshina allita rurashpa kawsanankunapa. Tukuy uchallikushpa kawsak runakunata Tata Dios sukaman kastigankasapa.
13951	PSA 2:2	Tukuy allpapi sinchi kamachikukkuna awtoridarkuna Tata Diosta mana kasunayansapachu. Chashna mana kasunayashpankuna Tata Dios akllashkan sinchi kamachikukwan makanakuk tantanakunsapa.
13958	PSA 2:9	Sinchi kamachikuk kashpayki suk runakuna mana kasushunayaptinkuna kastigankisapa. Yerumanta ruradu varawan metomanta ruradu ollata pakikshina paykunata kastigankisapa.”
13959	PSA 2:10	Chashna Tata Dios wambranta willaptin Kankuna sinchi kamachikukkuna, awtoridarkuna, willanaynita allita entiendiychi. Yachachinaynita yachakuychi.
13979	PSA 4:9	Kan kuydawaptiki mana manchakushpa sirishpayni kunanlla gustu puñuni.
13989	PSA 5:10	Chay chikniwak runakuna tukuy tiempu llullata rimansapa. Tukuy shunku mana allita yuyashpalla kawsansapa. Chashna sukaman uchasapa kashpankuna kicharidu asnak sepulturashinami.
13998	PSA 6:6	Wañushpayni manana kay allpapi yuyashkaykinachu. Pampadu kashpayni manana atipashanachu alabaynikita.
13999	PSA 6:7	Chayta yuyashpa sukaman wakakushpa shaykuni. Tukuy tuta sukaman wakakuptini almadayni ñawini illiwan ñuyun.
14055	PSA 10:3	Mana alli rurak runakuna kikinkunapa munanankunallata rurashpa kawsansapa. Tukuy layata kikinkunallapa munashpa Tata Diosta maldisishpa washanchansapa.
14059	PSA 10:7	Chaykunata rimashpa sukaman maldisikunsapa llullakunsapa llullachikunsapa. Runamasinkunata rabyachishpa sufrichinsapa.
14061	PSA 10:9	Chay mana alli rurak runakuna pumakunashina machayninpi pakakudunkunamanta mana amachanakuy atipak runakunata chapansapa. Chapashpa shuyansapa imay orami apinkasapa nishpa. Chashna apishpa munashkankuna layata paykunata ruransapa.
14072	PSA 11:2	Paykunaka willawansapa: “Mana alli rurak runakunata kawaychi. Paykunaka wachinkunata balista waskapi churashpa balistankunata pataransapa. Pakakudunkunamanta alli rurak runakunata shitansapa.”
14073	PSA 11:3	Willawansapa: “Mana awtoridarkuna tiyaptin ¿imatatí alli rurak runakuna rurankasapa?”
14184	PSA 19:3	Diyan diyan sieluka yachachiwanchisapa Tata Dioslla tukuy layata rurashkanta. Tutapipish sieluka yachachiwanchisapa Tata Dios alli yachak kananta.
14187	PSA 19:6	Intika suk novioshina kasaranan diya kushikushpa wasinmanta kallpan. Premyunta chaskinanpa kallpak runashina kushikushpa llukshin.
14188	PSA 19:7	Intika llukshimunan ladumanta yaykunan ladukaman purin. Mana ni pi rupayninmanta kishpinchu.
14194	PSA 19:13	Mana ni pi kikinmanta yachanchu uchallikushkanta. A, Tata Dios, mana yuyashpa uchallikuptini perdonaway.
14253	PSA 23:1	Tata Dios ovejakuna kuydakshina kuydawan. Chayrayku mana nima illawanchu.
14254	PSA 23:2	Chashna kuydawashpa allima pastukunapi samachiwan. Chuya likidu ñukñuk yakukunaman pushawan.
14255	PSA 23:3	Chashna kuydawashpa animuchiwan. Kuska ñankunata pushawan riksinaynipa alli kuydakuk kananta.
14256	PSA 23:4	Kan, Tata Dios, kuydawaptiki tuta likidu urku sikinkunata puriptinipish mana wañuyta manchakunichu. Kan, Tata Dios, ñukawan kaptiki varaykiwan bastonnikiwan kuydawaptiki kushikushpalla kawsasha.
14258	PSA 23:6	A, Tata Dios, wañunayni diyakaman sukaman kuyawashpa llakichiwanki. Chayrayku wasikipi mana tukuyniyukta kawsasha.
14306	PSA 27:4	Ñuka Tata Diosta suk imallata mañashkani. Sukaman munani tukuy diya paypa wasinpi yaykuyta payta kuyanaynipa. Chaypi sukaman munani kuyawananta yuyayta.
14308	PSA 27:6	Chashna Tata Dios salvawaptin atipani chikniwak runakunata kallpachiyta. Chaypina payta agradesishpayni paypa wasinpi ofrendakunata kusha kuyanaynipa. Kushikushpa himnokunata Tata Diosta kantasha.
14315	PSA 27:13	Chashna chatawaptinkunapish ñuka allita yachani tukuy diya kan, Tata Dios, kuyawashpayki yanapawanaykita.
14410	PSA 34:3	Tata Dios yanapawaptin sukaman kushikuni. Kankuna, alli modoyuk runakuna, chayta yachashpa kushikuychi.
14414	PSA 34:7	Ñuka sukaman sufrishpayni Tata Dios yanapawananpa roygaptini uyariwashka. Yanapawashpa llakidu kashkaynimanta kushichiwashka.
14423	PSA 34:16	Allita rurashpa kawsaptikichi Tata Dios kuydashunkichi. Roygaptikichi yanapashunkichi.
14426	PSA 34:19	Tukuy uchanchikunata wananayashpa llakiptinchikuna Tata Dios llakichiwashpanchikuna perdonawashpanchikuna kushichiwanchisapa.
14427	PSA 34:20	Allita rurashpa kawsashpanchikunapish sukaman padesinchisapa. Chashna padesiptinchikunapish Tata Dios yanapawanchisapa kushikushpalla kawsananchikunapa.
14473	PSA 37:2	Chay runakunata Tata Dioska utka kastigankasapa. Kastigaptinkuna tipidu kiwashina tukunkasapa.
14648	PSA 46:6	Chashna Tata Dios ñukanchikunapi kawsashpa sufriptinchikunapish tukuy diya yanapawanchisapa.
14726	PSA 51:3	A, Tata Dios, kuyawashpayki llakichiway. Llakichiwashpayki uchallikushkaynimanta perdonaway.
14727	PSA 51:4	Kuyawashpayki mana alli rurashkaynimanta perdonawashpa mayllaway. Tukuy uchaynikunamanta pichaway.
14737	PSA 51:14	Perdonawashpa kashkan kushichiway. Chashna kushichiwashpayki yanapaway allita rurashpa kawsanaynipa.
14779	PSA 55:8	Pawashpayni karuta riyman. Chakidu pampapi kipariyman chaypi kawsanaynipa.
14870	PSA 61:5	Tukuy tiempu wasikipi kawsanayani wallpa wawankunata rikran sikipi amachakshina kuydawanaykipa.
14873	PSA 61:8	Yanapaway allita kamachikunaynipa. Kuyawashpayki ama shaykushpa kuydaway.
14874	PSA 61:9	Chashna yanapawaptiki tukuy tiempu kanllata alabashpayni kawsasha. Tukuy diya promesakushkaynita rurasha.
15089	PSA 73:14	Tukuy oras sufrini. Tukuy diya Tata Dios kastigawan.”
15091	PSA 73:16	Chayta yuyashpayni mana atiparkanichu entiendiyta imapami Tata Dios mana uchankunarayku kastigansapa nishpa.
15095	PSA 73:20	Paykuna llullachinakuptinkunapish kan, Tata Dios, kastigakunayki diya chayamuptin tukuy mana alli rurashkankunata tukuy runakunata kawachinkisapa.
15098	PSA 73:23	Chashna mana entiendiptinipish kanka kuyawashpa mana sakiwashkankichu. Makinimanta apiwashpa purichiwakshina yanapawashkanki.
15640	PSA 104:2	Luswan sawa llachapawanshina wankunakushkanki. Sieluta warkudu llachapatashina churashkanki.
15646	PSA 104:8	Urkukunata llukashpa bajadakunata urayashpa rirkansapa maypicha willashkaykipi kanankunapa.
15654	PSA 104:16	Kan, Tata Dios, chay yakullawan kaspikunata saksachinki. Libano partipi tarpushkayki sedrukunatapish saksachinkisapa.
15661	PSA 104:23	Chashna diyayaptin ullkukuna trabajunkunaman rinsapa. Tutayanankaman trabajansapa.
15671	PSA 104:33	Ñuka chaykunata kawashpa wañunayni diyakaman kantukunata kantashpa Tata Diosta kushichisha.
16063	PSA 119:97	A, Tata Dios, sukaman yachachiwashkaykita kuyani. Tukuy diya chayta yuyashpa chishyani.
16065	PSA 119:99	Kamachikunaykikunata yuyashpa kawsashpayni rimanaykita yachachiwak runakunamanta ashwan allita entiendini.
16066	PSA 119:100	Rimanaykita kasushpa kawsashpayni kamachikuk ansianukunamanta ashwan allita entiendini.
16152	PSA 121:3	Tata Diosmi kantapish yanapashunki ama uchata rurashpa urmanaykipa. Kuydashuk Tata Dios manami puñunchu.
16153	PSA 121:4	Israel runakunata kuydak Tata Dios manami shaykunchu nima puñunchu.
16154	PSA 121:5	Tata Diosmi allita kuydashunki. Tata Diosmi amachashunki. Laduykillapi kashpa yanapashunka.
16155	PSA 121:6	Chashna Tata Dios amachashuptin mana diyapi rupay nima tutapi killa wakllichishunkachu.
16239	PSA 133:2	Tata Dios Aronta akllaptin saserdote kananpa wawkin Moiseska umanpi mishkilla wirata tallirkan. Chashna talliptin Aronka runamasinkunata yachachirkansapa sukwan sukwan kuyanakushpa kawsanankunapa. Chay wira tukuy saserdotekunapa barbankunata surushpa tukuy llachapankunata ñuyuchin. Chashnashina Tata Dios ñukanchikunatapish yachachiwanchisapa sukwan sukwan kuyanakushpa kawsananchikunapa.
16312	PSA 139:5	Allita chawpichawashpa kuydawanki. Makikita ñukapi churanki yanapawanaykipa.
16313	PSA 139:6	Chaykunata yachashpayni sukaman almirani. Mana atipanichu entiendiyta imashnami chashna kuydawanki nishpa.
16314	PSA 139:7	Chashna sukaman kuydawaptiki mana atipanichu Espirituykimanta pakakuyta. Ñawpaknikimanta mana atipanichu pakakuyta.
16315	PSA 139:8	Sieluman riptinipish chaypimi kawawanki. Wañudukuna rinankunaman riptinipish chaypimi kawawanki.
16317	PSA 139:10	Tukuy maymanpish riptini tariwanki. Alli ladu makikiwan apiwashpa purichiwanki.
16319	PSA 139:12	Sukaman tutayaptinpish mana kanmanta atipanichu pakakuyta. Tuta kaptinpish diyapishina kawakunki. Tutapi diyapi chashnallami kawakunki.
16323	PSA 139:16	Kuerpuyni wiñaykaptin kawawashkanki. Libruykipi tukuy chaykunata killkashkanki. Manara kawsaptinira yachashkanki mashna diyakunatami kawsasha nishpa.
23214	MAT 1:1	Ñawpa tiempu Jesukristu nasirkan alli kamachikuk Davidpa ñawpa awilunchi Abrahampa ayllunkunamanta.
23215	MAT 1:2	Abrahamka karkan Isakpa tatan. Isakka karkan Jakobopa tatan. Jakoboka karkan Judapa wawkinkunapa tatan.
23216	MAT 1:3	Judaka karkan Farespa Sarapa tatan. Farespa Sarapa maman karkan Tamar. Fareska karkan Esrompa tatan. Esromka karkan Arampa tatan.
23217	MAT 1:4	Aramka karkan Aminadabpa tatan. Payka karkan Naasonpa tatan. Naasonka karkan Salmonpa tatan.
23218	MAT 1:5	Salmonka karkan Boospa tatan. Boospa maman karkan Rahab. Booska karkan Obedpa tatan. Paypa mamanka karkan Ruti. Obedka karkan Isayipa tatan.
23219	MAT 1:6	Isayika karkan alli kamachikuk Davidpa tatan. Davidka karkan Salomonpa tatan. Salomonpa maman manara Davidpa warmin kashpa Uriyaspa warmin karkan.
23227	MAT 1:14	Asorka Sadokpa tatan karkan. Sadokka karkan Akimpa tatan. Akimka Eliyupa tatan karkan.
23230	MAT 1:17	Ñawpa awilunchi Abrahammantapacha kamachikuk Davidkaman chunka chusku kuti chay runakuna mirarkansapa. Chaymanta Davidmantapacha Babilonia llaktaman israel runakunata pushashkankuna pachakaman chunka chusku kuti chay runakuna mirarkansapa. Babiloniaman pushashkankunamantapacha Tata Diosmanta salvakuk runa nasishkan tiempukaman chunka chusku kuti chay runakuna mirarkansapa.
23231	MAT 1:18	Jesukristu kashna nasirkan. Tiyarkan suk shipash Mariya. Chay shipash mañaduna karkan kasarakunanpa Josewan. Manara Josewan tantanakushpara Mariyaka okupadana karkan Tata Diospa Espiritunpa.
23232	MAT 1:19	Joseka novian Mariya okupada kananta yachashpa manana munarkannachu paywan kasarayta. Alli rurak runa kashpa mana munarkanchu demandayta ama llaktamasinkunapi pinkachinanpa. Yuyaykurkan upallalla sakiyta.
23233	MAT 1:20	Sakinanpa yuyaykuykaptinna suk tuta muskuyninpi Tata Diospa angelnin willarkan: “Kanmi ñawpa Davidpa miraknin kanki. Chayrayku Tata Dios munan noviayki Mariyawan kasaranaykipa. Chay wawanka Tata Diospa Espiritunpami. Manami ullkupachu. Ama pinkakuychu noviayki Mariyawan kasarayta.
23235	MAT 1:22	Ñawpa pacha Tata Dioska suk yachachikuk runata willarkan: “Suk sensilla shipashmi ullku wambrata wawayanka. Payta shutiyachinkichi Emanuel.” Emanuel riman “Tata Dios ñukanchikunawan.” Chay killkadun rimashkanshina Mariyaka wawayarkan.
23239	MAT 2:1	Sinchi kamachikuk Herodes chay llaktakunapi kamachikushkan tiempu Belen llaktapi Jesuska nasirkan. Chay Belen llaktaka Judea partipi karkan. Jesus nasiptinna inti llukshimunan partimanta luserukunata yachakuk yachaysapa runakuna shamurkansapa.
23240	MAT 2:2	Jerusalen llaktapi chayashpankuna chaypi kawsak runakunata willarkansapa: —Chay karu llaktaynikunapi suk llipyak luseruta kawashkanisapa. Chay luseruta kawashpaynikuna yachanisapa suk wambra nasishkanta kankuna judiyu runakunata kamachishunaykichipa. Chayrayku shamushkanisapa payta kuyanaynikunapa. ¿Maypiti nasishka?
23241	MAT 2:3	Chayta uyarishpa kamachikuk Herodeska sukaman turbakurkan. Sukaman manchakurkan. Jerusalen llaktapi kawsak runakunapish turbakurkansapa.