| 23214 | MAT 1:1 | Caigunami Jesucristohua huañuc apayaya shutiguna, paiga Davidmandas ñaupa Abrahanmandahuas mirai ara. |
| 23219 | MAT 1:6 | Isaíba churi mandac rey amu David, mandac Davidpa churi Salomon, Salomonba mamaga Uriaspa huarmi ara. |
| 23230 | MAT 1:17 | Chasna acpi Abrahanmanda Davidgama chunga chuscu (14) miraiguna anaura, chasnallata David mandashca urasmanda israelguna Babiloniama apaitucushca urascama chunga chuscu (14) miraiguna anaura. Chi apai tucushca urasmanda Cristo pagarishca urascama chunga chuscu (14) miraiguna anaushca. |
| 23233 | MAT 1:20 | Chasna pai yuyariushcai shu tuta muscuibi Diospa angel ricurimusha paita nira, mandac rey amu Davidmanda mirai Jose, ama manzhaichu camba huarmi Mariata japingahua. Chi paihua huicsaibi tiyac huahuaga Diospa Samaimandami. |
| 23239 | MAT 2:1 | Jesus Judea provincia Belen llactai pagarishca uras Herodes chibi mandac amu ara. Chi uras shuc punzha indi llucshina partimanda estrellasta ricuusha yachac runaguna Jerusalen llactama shamunaura. |
| 23243 | MAT 2:5 | Tapucpi cuintanaura, Judea provincia Belen llactaimi. Casnami Dios rimashcata shuc pasachic runa quillcara: |
| 23244 | MAT 2:6 | Judea provinciai Belen llacta, tucui llactagunamanda mana pishicchangui. Canmandami shuc jatun mandac runa llucshingarauc. Paimi ñuca israel runagunataga ali cuirac amu tucunga, nisha Dios paihua runata rimara. |
| 23260 | MAT 2:22 | Randi Judea provinciaibi Herodespa churi Arquelao nishca paihua yaya randimanda mandac tucushca, chita Jose uyasha Judea provinciama rinata manzhara. Chiraicumanda Dios paita muscuibi rimashca acpi Galilea provinciama rira. |
| 23266 | MAT 3:5 | Pai chasna camachiushcai Jerusalen llactamanda, tucui Judea provinciamandas, chasnallata Jordan yacupatamandahuas ashca runa paihuagma shamunaura pai camachishcata uyangahua. |
| 23290 | MAT 4:12 | Shuc punzha mandac Herodes bautisac Juanda carcelbi tapara. Jesus chita uyasha Judea provinciamanda llucshisha Galilea provinciama rira. |
| 23291 | MAT 4:13 | Nazaret llactamanda llucshisha Capernaun nishca llactama rira chibi angahua. Capernaun llactaga jatun cucha pataibi tiyara, Zabulón Neptalí nishca provinciagunaibi. |
| 23303 | MAT 4:25 | Ashca runagunami paita catinaura Galilea provinciamanda, Decapolis nishca llactagunamandas, Jerusalenmandas, Judea provinciamandas, Jordan yacu chimbamanda accunahuas paita catinaura. |
| 23465 | MAT 9:17 | Chasnallata mana pihuas llullu vinota mauca puruibi churanzhu. Chasna churacpiga chi puru tugyangami, tugyacpi vino illacta taliringami, chasnallata chi puruhuas huaglinga. Chi randimanda llullu vinota mushuc puruibi churanami an tucui ali tucuchun nisha ima huaglingahua. Chicuintallata maucacuinta causaibiga ñuca yachachishca mushuc causaitaga mana chapunachan nisha Jesus paigunata chasna cutipasha yachachira. |
| 23475 | MAT 9:27 | Jesus chimanda llucshisha riushcai ishcai (2) puyuñahuiyuc runaguna paita catingahua callarinaura. Paigunaga capariunaura can mandac rey amu Davidmanda mirai runa ashami ñucanchita yuyarisha yanapai nishami capariunaura. |
| 23492 | MAT 10:6 | Astahuanbas israel muntunga shuc ovejacuinta chingarishca aushcamami cangunaga ringuichi. |
| 23502 | MAT 10:16 | Uyahuaichi, pumaguna chaupi ucuibi ovejaguna aushcashina cacharishcacuintami cangunata cachauni. Chiraicumanda cangunaga shuc sabiru palucuinta sabiruhuan purinami anguichi, chasnallata huiba pishcucuintami mansu ana anguichi. |
| 23561 | MAT 12:3 | Rimacpi Jesus paigunata nira, Ñáaupa causac israel rey amu David paihuan puriucunandi yapa raicachishca uras rashcata manachu Diospa shimibi ricushcanguichi. |
| 23569 | MAT 12:11 | Tapucpi Jesus paigunata randi tapura, Shuc samana punzha can charishca oveja juctu ucui urmacpiga manachu llucshichinguichi. |
| 23570 | MAT 12:12 | Runaga ovejamanda yali balic man. Chasna acpi samana punzha alita rana balinmi. |
| 23581 | MAT 12:23 | Chita ricusha tucui runaguna manzharisha, Cai runaga israel ñaupa rey amu Davidmanda miraichan nisha tapunacunaura. |
| 23599 | MAT 12:41 | Ninive nishca llactaibi Jonas camachishcata uyasha paiguna causaita cambianaura Dios munashcata rangahua. Cunanga Jonasmanda yali camachic runami cangunahuacpiga auni. Chasna acpi Dios taripana punzhaibi paiguna shayarisha cangunata caudsayachinaungami ñucata mana uyashcamanda. |
| 23724 | MAT 15:22 | Canaan llactamanda shuc mana-israel huarmi Jesuspagma caparisha shamura, israelgunata mandac rey amu Davidmanda mirai angui señor, chasna asha ñucata yuyarisha yanapahuai. Ñáuca ushushita paihua aichai auc supai yapa turmintachipan. |
| 23726 | MAT 15:24 | Jesus cutipasha nira, Ñáucaga chingarishca ovejagunacuinta israelmanda miraigunamalla cachashca mani. |
| 23760 | MAT 16:19 | Diospa ali mandana llavigunatacuinta cushcangui. Cai pachai imata can huatacpis jahuapachaibi huatashca an. Cai pachai can imatas pascacpihuas jahuapachaibi pascarishcami saquirin. |
| 23808 | MAT 18:12 | Yuyarichi. Shuc runa patsac (100) ovejata charishcamanda shuc chingaricpiga manachu chi iscun chunga iscungunata (99) urcui saquinga chi chingarishcata mascagringahua. |
| 23809 | MAT 18:13 | Sirtumi nini, Chi mana chingarishca ovejagunamanda chi chingarishcata tupashaga yapa cushiyangami. |
| 23832 | MAT 19:1 | Jesus chasna cuintashcahuasha Galileamanda llucshisha rira Jordan yacu chimba partita Judea provinciama pactangahua. |
| 23891 | MAT 20:30 | Ishcai puyuñahui runaguna chi ñambi mayanbi tiyaunaura. Jesus pasaushcata uyasha paiguna caparinaura, Señor, can israel rey amu Davidmanda mirai runa asha ñucanchita yuyarisha yanapai. |
| 23892 | MAT 20:31 | Chasna capariunaupi runaguna paigunata piñanaura, Chunlla tiyaichi nisha. Astahuanbas paigunaga mas caparinaura chasnallata nisha, Can rey amu Davidmanda mirai runa asha ñucanchita yuyarisha yanapai señor. |
| 23896 | MAT 21:1 | Jerusalen mayanbi pactanaushcaibi Betfagé nishca ichilla llactama, Olivos nishca urcu mayanma, Jesus ishcai (2) japishcagunata cachara casna nisha, |
| 23904 | MAT 21:9 | Pundai riucunahuas, huasha shamuccunahuas caparinaura casna nisha, Alabashca achun rey amu Davidmanda mirai runa, Dios cachashca shamuc ashami balichishca achun. Jahuapachai auc Dios alabashca achun. |
| 23910 | MAT 21:15 | Israel pagri amugunas, Moises mandashcata yachachiccunahuas Jesus Diospa ushaihuan rashcagunata ricusha piñarinaura, chasnallata huahuaguna rey amu Davidmanda mirai runa alabashca achun nisha caparishcata uyanaura. Chita uyasha piñarinaura. |
| 23928 | MAT 21:33 | Chihuasha Jesus casna yachachisha cai cuintashcata uyaichi nira. Shuc runaga paihua allpai chagrata rasha uva nishca muyugunata tarpura. Tarpushcahuasha chi chagrata quinzhahuan tapara. Chasnallata allpaibi juctuta allara chi uva muyugunata chahuasha upinata rangahua. Chasnallata shuc jahua ricuna huasita shayachira. Chihuasha shuc runagunama chi chagrata saquira pallana uras chaupi, chaupi pallangahua nisha. Tucuita alichishcahuasha shuc llactama rira. |
| 23945 | MAT 22:4 | Cutillata shuccunatas cachara casna nisha, Tucui cayashca runagunata rimagrichi, ña micunatas tucuita rashcami, huira huagratas ovejagunatas huanchirani, tucuitas huin yanushcata charini, cunan ñuca churi cadsarana jistama gustangahua shamuichi. |
| 23983 | MAT 22:42 | Imasata yuyaringuichi quishpichic Cristomanda. Pimanda mirai runatan. Tapucpi cutipanaura casna nisha, Israelgunata mandac rey amu Davidmanda mirai man. |
| 23984 | MAT 22:43 | Rimanaupi paigunata tapura, Imasata israelgunata mandac rey amu Davidga Diospa Samai paita yuyachicpi, quispichic Cristotaga ñucata mandac, señor mangui nisha rimara. Davidllatami casna quillcasha saquira: |
| 23986 | MAT 22:45 | Huañuc Davidllata Cristota amu nisha rimacpiga imasata Cristoga Davidba miraimanda churi angaya. |
| 24029 | MAT 24:3 | Chasna rimashcahuasha Olivos nishca urcuma rinaura. Jesus chibi tiyaricpi pai japishcaguna paihuagma caillayasha paillata tapunaura, Ima urasta chiga tucunga can ñucanchita rimashcaga. Ima tunuta ricuringaraun cai pacha tucuriushcai, can shamuna uras pactariupiga. |
| 24058 | MAT 24:32 | Higo nishca ruya tucushcata yuyarichi, paihua pangaguna llulluyaupi verano uras pactarimunmi nisha ninguichi. |
| 24109 | MAT 25:32 | Ñáuca ñaupacpi tucui runaguna tandaringaunami. Chasna tandaricpi tucuigunata chican chican rashami shuc ovejata cuirac runa paihua ovejagunataga chibogunamanda japishcacuinta. |
| 24110 | MAT 25:33 | Chi ovejata cuirac runacuinta ñucahuan ali tucushca runagunata ñuca ali maqui partima churashami, randi ñucahuan mana ali tucushca runagunata ñuca lluqui maqui partima churashami. Ñáuca Runa Tucuc agasha tucui runagunata chasnallatami rasha. |
| 24152 | MAT 26:29 | Cunan urasmandapacha vinota mana cuti upishachu ñuca Yaya ali mandanaibi cuti cangunahuan upina urascama nira. |
| 24153 | MAT 26:30 | Paiguna cantashcahuasha Olivos nishca urcuma rinaura. |
| 24154 | MAT 26:31 | Chasna riunaupi Jesus paigunata nira, Cunan tuta tucui canguna manzharisha ñucata jichusha rihuangaraunguichi. Chimandaga Diospa shimibimi casna nisha quillcashca tiyan: Ovejata cuiractaga huanchishami, nin. Chasna huanchicpiga ovejagunaga sáa callpangaunami nishca. |
| 24232 | MAT 27:34 | Chibi pactasha jayac yacuhuan vinoibi chapusha ricuchinaura pai upichun nisha. Jesus randi chita camasha mana upirachu. |
| 24246 | MAT 27:48 | Jesus chasna caparicta uyasha shuc sundalu putucuintata japisha jayac vino yacuibi barasha chuparicpi caspi pundaibi huatasha Jesusta upichishun nisha ricuchinaura. |
| 24289 | MRK 1:5 | Judea provinciamandas Jerusalen llactamandahuas tucui runaguna Juanbagma shamunaura pai camachishcata uyangahua. Chita uyasha ñuca jucha rashcagunata saquinimi nicpi Juan chi Jordan nishca yacuibi bautisara. |
| 24293 | MRK 1:9 | Chi punzhagunai Juan Jordan yacuibi bautisaura. Chasna aushcai Jesus Galilea provincia Nazaret llactamanda llucshisha shamushcai Juan paita bautisara. |
| 24298 | MRK 1:14 | Chihuasha Juanda carcelbi tapanaura. Chi uras Jesus Galilea provinciama risha Diospa ali mandanamanda cuintasha paimi quishpichinata munan nishami cushi shimita yachachira. |
| 24343 | MRK 2:14 | Chihuasha Alfeohua churi Leví nishcata ricura. Paiga romano gubirnuraicu cullquita tandachic asha paihua tarabana huasibi aura. Jesus paita ricusha, Ñáuca runa tucusha ñucata catihuai nisha rimacta uyasha jatarisha Jesusta catisha rira. |
| 24344 | MRK 2:15 | Chihuasha Jesus Levíhua huasibi micuura. Chasnallata ashca gubirnuraicu cullquita tandachiccuna, ashca juchayuccunahuas, Jesushuan pariu micunaurami pai japishca runagunandi. Tucui chillai pariulla micunauura ashca runaguna Jesusta catisha puriushcamanda. |
| 24351 | MRK 2:22 | Chasnallata mana pihuas llullu vinota mauca puruibi churanaunzhu. Churacpi llullu vinoga chi puruta pulunga, pulucpi vino taliringa. Chasna tucucpi ishcandi huaglinga. Randi mushuc rashca vinotaga mushuc puruibi churana manchi nira. |
| 24354 | MRK 2:25 | Jesus paigunata rimara, Yuyarichi, Abiatar nishca israel pagri amu causaushcai mandac rey amu Davidga micuna tucuricpi pai paihuan puriccunandi raicahuan ausha Diospa huasima rira micunata tapungahua. Tapucpi chi pagri amu Diosma ricuchishca pangunata Davidma cucpi japisha micura. Ñáa chi tunu panga pagrigunalla micuna ashca ara. Chasna agllaita chi panda micura, paihuan puriucunatas carara. Pai chasna rashcamanda Diospa shimibi quillcashcataga manachu ricushcanguichi. Pai chasna rashcamanda mana culpayachinguichi. |
| 24510 | MRK 6:34 | Jesus canuamanda llucshisha ashca runagunata ricusha paigunata llaquira. Paigunaga ovejagunata cuirac illashcacuinta anaura. Chimanda paigunata ashca yuyaigunata unaita yachachira. |
| 24658 | MRK 10:1 | Capernaun llactamanda llucshisha Jesus Judea provinciama pactara, Jordan yacu chimbama. Ashca runa cuti tandarinaupi cutillata yachachiura. |
| 24704 | MRK 10:47 | Chi puyuñahui runa Jesus shamuucta uyasha caparira, Jesus, can israel rey amu Davidmanda mirai ashcamanda ñucata yanapahuai. |
| 24705 | MRK 10:48 | Shuccuna, Chunlla ai, ama caparichu nisha piñanaura. Randi paiga mas sinzhita capariura, Israel rey amu Davidmanda mirai ashami ñucata yuyarisha yanapahuai. |
| 24710 | MRK 11:1 | Jerusalen llactama riushcai Olivos urcuibi tiyauc Betfagé Betania llactagunai caillayasha Jesus ishcai (2) japishcagunata cachara chasna nisha, |
| 24719 | MRK 11:10 | Ñáucanchi huañuc apayayagunata mandac rey amu David mandashcashina pactamushcami canga mandangamiraungui. Jahuapachai auc Dios alabashca achun nisha caparinaura. |
| 24743 | MRK 12:1 | Chihuasha Jesus shuc yachachina shimita cuintangahua callarira casna nisha, Shuc runaga uvas nishca chagrata rasha quinzhara. Chasnallata chi uvas muyugunata chahuasha upinata rangahua shuc juctuta allara. Chasnallata shuc huasita jahuata shayachira shuhuangahua shamuc runagunata ricungahua. Ñáa tucuita alichishcahuasha shuc mañachishca runagunama paihua chagrata saquira pallana uras chaupi chaupita ñucama cachahuanauchun nisha. Chihuasha pasiangahua caruma rira. |
| 24777 | MRK 12:35 | Jesus Diosta alabana huasibi yachachisha chibi auc runagunata tapura, Moises mandashca shimita yachachiccuna Cristoga rey amu Davidba churi ashcata imasna nishata ninaun. |
| 24778 | MRK 12:36 | Davidllata Diospa Samai paita casna yuyachicpi nira: Jatun amu Diosca ñucata mandactami casna nisha rimara: Ñáuca ali maqui partima tiyari ñuca tucui canda piñaccunata binsinagama tiyari nisha. |
| 24779 | MRK 12:37 | Huañuc Davidllata Cristota amu nisha rimacpiga imasnata Cristoga Davidba miraimanda churi angaya, nisha Jesus paigunata tapura. Jesus chasna yachachicpi runagunaga cushihuan paita uyaunaura. |
| 24789 | MRK 13:3 | Paiguna puriusha Diosta alabana huasi ñahuipura tiyac Olivos nishca urcuma pactasha Jesus chibi tiyarira. Pedro, Jacobo, Juan, Andres paihuagma caillayasha pacalla tapunaura, Imasaita chasna tucunga. Ima tunu tucucpita ña pactautaga yachashun. |
| 24814 | MRK 13:28 | Higo nishca ruya tucushcata yuyarichi. Llullu panga huiñacpi verano uras pactamuunmi nisha yuyaringuichi. |
| 24835 | MRK 14:12 | Israelguna mana putasyachishca panda micuna jista punzhagunai, ña ovejata huanchina punzha pactashcai, Jesus japishca runaguna paita tapunaura, Maibita munangui pascua jistata ñucanchi micungahua alichigrinata. |
| 24846 | MRK 14:23 | Huasha shuc vino yacuta jundachishca pillchita japisha Diosta pagrachu nisha paigunama pasachira tucuiguna upinauchun nisha. |
| 24848 | MRK 14:25 | Sirtumi cangunata nini, vino yacuta mana cuti upishachu ñuca Yaya ali mandanai shuc mushuc vinota upinagama nira. |
| 24849 | MRK 14:26 | Ñáa paiguna micusha upishcahuasha Yaya Diosta alabasha cantanaura. Chihuasha Olivos nishca urcuma rinaura. |
| 24850 | MRK 14:27 | Riushcai paigunata nira, Cunan tuta tucui canguna ñucamanda anchuringaraunguichi. Diospa shimibi casnami nin: Cuiracta huanchicpiga ovejaguna sáa tucungaunami. |
| 24918 | MRK 15:23 | Chi sundaluguna vinota mirra nishca rimidiuhuan chapushcata Jesusta upi nisha ricuchinaura. Ricuchigllaita Jesus mana upirachu. |
| 24920 | MRK 15:25 | Ñáa paita cruspi huanchishca urasca tutamanda ara, las nueve tupu. |
| 24931 | MRK 15:36 | Shuc runa callpasha risha pututa jayac vinoibi chupachisha caspi pundai huatasha Jesusta upichiunimi nisha rimara, Cunan ricushun Elias shamusha uraicuchichun chimanda. |
| 24977 | LUK 1:15 | Diospacpi yapa balic runa tucungami. Paiga vinotas ima machachina yacutahuas mana upingachu. Astahuanbas pai pagarishca urasmanda Diospa Samai yuyaita cushcami anga. |
| 24988 | LUK 1:26 | Sucta (6) quillahuasha Dios paihua angel Gabrielta provincia Galileama cachara Nazaret nishca llactama. |
| 24989 | LUK 1:27 | Paita cachara shuc Maria nishca malta huarmihuagma. Chi huarmiga ñaupa causac israelgunata mandac rey amu Davidmanda mirai mara, Jose nishca runa tapushca mara. |
| 24994 | LUK 1:32 | Pai yapa ali mandac amu tucungami. Jahuapachai Diospa Churi nishcami anga. Camba churi paihua huañuc apayaya rey amu Davidcuintallata mandac tucunga jatun Dios munashcaraicumi. |
| 25001 | LUK 1:39 | Angel cuintashcahuasha mana unayasha Maria Judea provinciama shuc llactai rira urcu partita. |
| 25027 | LUK 1:65 | Chasna tucucpi tucui runaguna manzharinaushca. Chasnallata tucui Judea provincia urcu llactagunaibi tiyac runagunas tucuibi chimanda cuintanacushcauna. |
| 25031 | LUK 1:69 | Diosta sirbic rey amu Davidmanda miraitami shuc yapa ushaita charic quishpichictaga cachamushca. |
| 25046 | LUK 2:4 | Josega israel huañuc rey amu Davidmanda mirai asha Davidba llacta Belen nishcama rina ashca. Chasna asha provincia Galileamanda, paihua quiquin Nazaret nishca llactamanda llucshisha provincia Judeama, Belen llactama rishca. |
| 25050 | LUK 2:8 | Chi tutallata Belen llacta mayanbi ovejata cuiraccuna chushac pambaibi paiguna ovejagunata cuirasha tiyashcauna. |