23268	MAT 3:7	Tseman atscaq fariseucuna y saduseucuna bautisacoq shayämoqta ricar, Juan queno pecunata piñapëcamorqan: —Ä, culebra cuenta nunacuna, ¿imanopataq allapa feyu castigupita salbacuyanqui!
23416	MAT 8:2	Eucurëcaptinnam, leprawan qeshyaquicaq nuna Jesuspa puntanman qonquriquicur, queno nerqan: —Tëte, munarnenqa, ¡cachaquecatsillämë! —nir.
23417	MAT 8:3	Tsenam Jesus nunata yatecur queno nerqan: —Munämi, cachacänequita —nir. Tse öram tse lepra qeshyapita cachacärerqan.
23420	MAT 8:6	queno nerqan: —Tëte, wayïchomi juc watenï lastima qeshyecan. Chaquinta ni maquinta manam cuyutsita puedintsu, y allapam nanatsicun —nir.
23421	MAT 8:7	Tseno niptinnam, Jesus nerqan: —Ewashaqmi, y cachacätsishaqmi —nir.
23422	MAT 8:8	Capitannam nerqan: —Tëte, manam meresïtsu noqalläpa wayilläman ewar afanacullanequita. Tsechi quellapita mandecullanqui wätenï cachacärinanpaq.
23433	MAT 8:19	Tseno niptinnam, ley yachatsicoq nuna witïcur, queno nerqan: —Mayestru, meta tseta ewaptiquipis, noqaqa qatishqequim.
23470	MAT 9:22	Jesusnam tumecur tse warmita ricarëcur, queno nerqan: —Warmi, balorta tsarï, noqaman marcäcurmi cachacärerqonqui. Tse öram tse warmipa yawar ewenin shupirerqan.
23476	MAT 9:28	Juc wayiman Jesus yecuriptinnam, tse wiscucuna witiyarqan. Jesusnam pecunata taporqan queno: —¿Qamcuna rasonpacu marcäcuyanqui, cachacätsiyänaqpaq caqta? —nir. Pecunanam yasquiyarqan: —Aumi, Teyta —nishpa.
23532	MAT 11:4	Tseno tapuyaptinnam, Jesusqa queno nerqan: —Ewë, Juanman cutir willayanqui llapan wiyecayanqequita y riquecayanqequita.
23596	MAT 12:38	Tseno niptinnam, waquin fariseucuna y ley yachatsicoqcuna Jesusta niyarqan: —Mayestru, noqacuna imanomi munecuyä juc milagruta ruramunequita —nir.
23618	MAT 13:10	Tsenam disipuluncunaqa Jesusman witïcur tapuyarqan queno: —Tëte, ¿Imanirtaq iwalatsiquicunawan tse nunacunata yachatserqonqui? —nir.
23681	MAT 14:15	Patsa tardiyäquicuptinnam, Jesusman witirirnin, queno niyarqan: —Tëte, tardiyäquicunnam. Que tsunyaqchoqa manam ni imapis cantsu. Que nunacunata witsiratsina pueblucunapa ewar miquinincuna rantiyänanpaq —nir.
23683	MAT 14:17	Disipuluncunanam niyarqan: —Tëte, noqacunapapis quecayäpaman pitsqa tantawan ishque pescadullam —nir.
23694	MAT 14:28	Tsenam Pedru nerqan: —Teyta, rasonpa qam carqa, permitiquï noqapis yacu jananpa qam caqman shamunäpaq —nir.
23697	MAT 14:31	Tsenam Jesusqa Pedruta maquinpita tsarircamorqan queno nishpa: —Pedru, ¿Imanirtaq noqaman ichiclla marcäcunqui! ¿Imanirtaq, ‘Mä rasonpacush’ nir, yarpacacharqonqui!
23725	MAT 15:23	Peru Jesusqa manam ni wiyaqpis tucorqantsu. Tsenam disipuluncunanaqa Jesusman witïcur queno rogayarqan: —Tëte, taqe warmita ‘Euquï’ nïquï, porqui qepantsictam qaparir, qayarir euquecämun —nir.
23727	MAT 15:25	Tseta wiyecurnam, tse warmeqa Jesuspa nopanman witïcur queno nishpa qonquriquicorqan: —Tëte, ¡Yanapecallämë! —nir.
23730	MAT 15:28	Tseno nïcuptinnam, Jesus nerqan: —Au, warmi, ¡Allapa marcäquiyoqmi qam canqui! Mañacamanqequino catsun —nir. Tse öram warmipa wamran cachacärerqan.
23742	MAT 16:1	Juc cutinam fariseucunawan saduseucuna Jesusman ewayarqan, y mana alliman ishquitsita munarmi, queno niyarqan: —Mä, ima milagrullatapis Diospa poderninwan ruraramï —nir.
23749	MAT 16:8	Tseno ninacuyanqanta cäyicurcurnam, Jesus queno nerqan: —Ä, ichiclla marcäquiyoq nunacuna. ¿Imanirtaq tantequicuna mana canqanta yarpacachäyanqui!
23756	MAT 16:15	Tsenam Jesus nerqan: —Qamcunaqa, ¿imataq niyanqui? ¿Pitaq cä?
23763	MAT 16:22	Tsenam Pedroqa juc laduman japallanta qayarir piñaparqan: —Tëte, ¿imatam parlanqui! ¡Tsecunaqa manam qamta pasashunquitsu! —nir.
23773	MAT 17:4	Tsenam Jesusta Pedru queno nerqan: —Teyta, ¡imalaya allim quecho quecantsic! Munaptiqueqa, quima tsucllata rurecayämushaq: jucta qampaq, jucta Moisespaq y juctana Eliaspaq —nir.
23779	MAT 17:10	Tsenam tse quiman disipuluncuna Jesusta queno tapuyarqan: —Teyta, ¿Imanirtaq ley yachatsicoqcunaqa niyan Diospa Acrashqan shamunanpaqqa puntataran profeta Elias shamonqa nishpa?
23780	MAT 17:11	Jesusnam nerqan: —Aumi, pecuna niyashqannollam Eliasraq puntata shamunan carqan llapanta alistapäcoq.
23784	MAT 17:15	—Tëte, tsurilläta ancupëcullë; ataqui tsarirninmi, allapa jipatsin, öratanäqa yacumanpis o ninamampis seqirinmi.
23794	MAT 17:25	Pedrunam queno nerqan: —Aumi, paganmi —nishpa. Pedru wayiman yecuriptinnam, Jesusqa puntata Pedruta queno nerqan: —Simon, ¿Imataq qam ninqui? ¿Que patsacho mandacoqcuna picunatataq impuestuta pagatsiyan? ¿Marca mayincunatacu o forasterucunatacu?
23795	MAT 17:26	Tsenam Pedru queno nerqan: —Forasteru caqcunatam —nir. Jesusnam nerqan: —Änirpis, manam marca mayincunataqa combienintsu pagatsiyänan.
23817	MAT 18:21	Tseno niptinnam, Pedroqa Jesusman witïcur queno taporqan: —Teyta, ¿eca cutitaq ofendimaqcunata perdonashaq? ¿Qanchis cuticu? —nir.
23838	MAT 19:7	Tseno niptinnam, queno tapuyarqan: —Tsepenqa, ¿imanirtaq Moises queno mandacorqan: ‘Meqan nunapis warminpita raquiqueta munarqa, diborsio papelta firmecur raquicacuritsun?’ —nir.
23849	MAT 19:18	Tseno niptinnam, jobenqa queno taporqan: —Ari, ¿meqan caq mandamientutataq cumplishaq? —nir. Jesusnam nerqan: —‘Nuna mayiquita ama wanutsinquitsu. Majayoq quecar, ama jucwan jucwanqa yachacunquitsu. Ama suwacunquitsu. Ama nuna mayiquipaq ulicurcur mana caqta parlanquitsu.
23858	MAT 19:27	Tsenam Pedru queno nerqan: —Teyta, noqalläcunaqa llapantam jaqiriyarqö, qamta qatiyänaqpaq. Tsepita ¿Imatataq chasquillayäshaq? —nir.
23911	MAT 21:16	Tsemi Jesusta queno niyarqan: —¡Wiyë wamracuna tseno alabayäshonqequita! —nir. Jesusnam nerqan: —Wiyecamï, ¿qamcuna manacu leyishqa cayanqui Diospa palabrancho: ‘Llullu wamracunam y chichicaq wamracunam musyatsicuyan Diosta imano alabanan canqantapis’ nenqanta!
23915	MAT 21:20	Tseta riquecurnam, disipuluncunaqa espantacur Jesusta queno niyarqan: —Tëte, ¿Imanepataq juclla igus monti tsaquirishqa? —nir.
23956	MAT 22:15	Tsepitanam fariseucunaqa Jesus yachatsiquicanqanman ewayänanpaq queno cösa yachatsinacuyarqan: —Acu, shumaqllapa tapupar Jesusta llutanta parlecatsishun. Tsenam mana allita parlecuptenqa, tsewan acusashun —nir.
23957	MAT 22:16	Tseno parlarirnam, grupuncunapita y Herodispa grupunpitapis cachayarqan Jesusta queno niyänanpaq: —Mayestru, musyayämi rasonpa caqllata parlanqequita. Qamqa manam ni meqan nunaman qaqanquitsu. Rason caqllatam Dios munashqanno cawayänäpaq yachatsiyämanqui; ni manam meqan nunapa gustunta ruranquitsu.
23959	MAT 22:18	Jesusnam yachellapa mana allita parlatsiyänanpaq tapupäyanqanta cuentata qocurir queno nerqan: —Ä, alli tucoqcuna, ¿Imanirtaq mana alliman ishquitsimeta munayanqui!
23965	MAT 22:24	—Mayestru, Moises escribishqan leychomi queno nican: ‘Sitsun juc nuna casadu quecar wanuconqa manaraq tsurin captin, wauqinlla tse llumtsinin biudanwan casacutsun; y tsurin yuririptinna, difuntupa tsurin cuenta catsun’ nir.
23977	MAT 22:36	—Mayestru, Diospa mandamientucho ¿Meqan caqtaq mas presisaq? —nir.
24029	MAT 24:3	Tsepitanam Olibus niyanqan jircacho Jesus tëcaptin, disipuluncuna witïcur, pacallapa queno tapuyarqan: —Mayestru, willarayämë, ¿Imetaq tsecuna pasaconqa? ¿Ima señata ricarnintaq musyariyäshaq cutimunequipaq y juisiu junaqpaq? —nir.
24157	MAT 26:34	Tsenam Jesus nerqan: —Pedru, rasontam neq: Canan paqasmi manaraq gallu cantaptin, quima cuti negamanqui —nir.
24165	MAT 26:42	Tseno nirirnam, yape cutïcur Dios Yayaman queno mañacorqan: —Papällä, que jipar nacanäpaq quecaqcunapita, salbecamë. Peru ama noqa munashqänoqa catsuntsu; qam munashqequino quecullätsun —nir.
24173	MAT 26:50	Tsenam Jesus nerqan: —Amigu, ruranequipaq caqta jucllana rurë —nir. Tsellanam Judas pushanqan nunacuna coripäcur Jesusta presu tsarircur apacuyarqan.
24244	MAT 27:46	Tse öram Jesus fuertipa queno nir qayarïcorqan: —Eloi, Eloi ¿lema sabactani? (Tse ninanqa carqan “Dios, Dios, ¿imanirtaq noqata jaqirïcamarqonqui?” ninanmi.)
24261	MAT 27:63	Pecunam Pilatuta queno niyarqan: —Wiraqtsa, noqacuna yarpäyämi, tse ulicurcur parlaq nuna cawecarnin ‘Wanonqäpitam quima junaqllata cawarimushaq’ nenqanta.
24308	MRK 1:24	queno nerqan: —Au, Jesus Nazaret marcapeq nuna ¿Imananquitaq noqacunawan? ¿Ushacätsiyämaqnïcu shamorqonqui? ¡Noqa reqeqmi, qam Dios Acrashqan canqequita!
24321	MRK 1:37	Taririrnam, queno niyarqan: —Tëte, llapan nunacunam ashicayäshunqui.
24324	MRK 1:40	Tsechonam leprawan qeshyayoq nuna Jesusta rogarnin, qonquriquicur queno nerqan: —Tëte, munarnenqa, cachaquecatsillämë —nir.
24325	MRK 1:41	Tsenam Jesus ancuparnin, nunata yatecur queno nerqan: —Munämi, cachacänequita.
24334	MRK 2:5	Tsenam Jesusqa peman allapa marcäcuyashqanta musyarirnin, qeshyaqta nerqan: —Iju, jutsequicunapitam perdonecoq.
24353	MRK 2:24	Tsenam fariseucuna Jesusta queno niyarqan: —Riquë, ¿Imanirtaq jamaqui junaq leynintsicpa contran tseno rurayan?
24359	MRK 3:2	Tsenam tsecho quecaqcuna Jesusta acuseta munarnin, qawarëcayarqan. —Mä, ¿canan jamaqui junaqcho que nunata cachacätsenqacush? —nir.
24389	MRK 3:32	Tsecho juntarëcaq nunacunanam Jesusta queno niyarqan: —Au, tëte, ashiyäshunquim waqtachomi quecayan mamäniqui, wauqiquicuna y paniquicuna.
24465	MRK 5:32	Tseno niyaptinpis, Jesusqa jinantinpam ricachacorqan: —Mä, ¿Pish yatamashqa? —nishpa.
24467	MRK 5:34	Tsenam Jesus queno nerqan: —Ija, noqaman marcäcurmi cachacärerqonqui. Canan cushishqana euquï. Mananam mas jipanquinatsu.
24484	MRK 6:8	Y quenomi nerqan: —Ewarnin, ama ni imata apayanquitsu; sinoqa shucshullata apayanqui. Ama alporjata ni mircapata ni qelleta apayanquitsu.
24500	MRK 6:24	Tseno niptinnam, shipashqa coricorqan mamäninta queno tapoq: —Mamä, ¿Imatatan mañaquicü? —nir. Mamäninnam nerqan: —Mañequï bautisacoq Juanpa peqanta —nir.
24511	MRK 6:35	Tardiyäquicuptinnam, disipuluncuna Jesusman witirirnin, queno niyarqan: —Tëte, tardiyäquicunnam. Que tsunyaqchoqa manam ni imapis cantsu.
24580	MRK 8:11	Chäriyaptinnam, fariseucuna ewar Jesusta mana alliman ishquitsita munarnin, queno niyarqan: —Mä, ima milagrullatapis Diospa poderninwan ruraramï —nir.
24593	MRK 8:24	Tse wiscunam ricachacurir nerqan: —Aumi, Teyta. Monticunatano nunacunata pureqtam riquecä.
24598	MRK 8:29	Tsenam Jesus nerqan: —Qamcunaqa, ¿imataq niyanqui? ¿Pitaq cä? Tsenam Pedru queno nerqan: —Qamqa Dios Acrashqanmi canqui, Tëte —nir.
24612	MRK 9:5	Tsenam Jesusta Pedru queno nerqan: —Mayestru, ¡imalaya allim quecho quecantsic! ¡Quima tsucllata rurecushun: jucta qampaq, jucta Moisespaq y juctana Eliaspaq! —nir.
24618	MRK 9:11	Tsepitanam Jesusta queno tapuyarqan: —Teyta, ¿Imanirtaq ley yachatsicoqcunaqa niyan Dios Acrashqan shamunanpaqqa puntataran profeta Elias shamonqa nishpa?
24619	MRK 9:12	Tsenam Jesus nerqan: —Aumi, pecuna niyashqannollam Eliasraq puntata shamunan carqan llapanta alistapäcoq. Peru Diospa palabranchomi jina escribirëcan Diospita Shamushqa Nunata jipatsir allqutsayänanpaq caqtapis.
24624	MRK 9:17	Tseno tapucuptinnam, juc nuna queno nerqan: —Teyta, qammanmi supë muduyätsishqa tsurïllata apamorqö.
24645	MRK 9:38	Juannam queno nerqan: —Mayestru, noqacunam ricayarqö juc nunata supëyoq nunacunapita supëcunata jutiquicho qarqoqta. Peru mana noqantsicwan puriptinmi, michäyarqö.
24685	MRK 10:28	Tsenam Pedru queno nerqan: —Tëte, noqalläcunaqa llapantam jaqiriyarqö, qamta qatiyänaqpaq.
24692	MRK 10:35	Tsepitanam Zebedeupa tsurincuna Santiagu y Juan Jesusman witïcur queno niyarqan: —Mayestru, jucta rogaculläyashqequi —nir.
24756	MRK 12:14	Tse cachacunanam chärirnin niyarqan: —Mayestru, musyayämi rasonpa caqllata parlanqequita. Qamqa manam ni meqan nunaman qaqanquitsu, ni meqan nunapa gustunta ruranquitsu. Rason caqllatam Dios munashqanno cawayänäpaq yachatsiyämanqui. Tsemi tapucurilläyaq: ¿Allicu Roma mandacoq cesarpaq impuestuta pagashwan o manacu?
24761	MRK 12:19	—Mayestru, Moises escribishqan leychomi queno willacun: ‘Sitsun juc casädu nuna manaraq tsurin captin wanuconqa, tse biudanwan jucnin wauqin casacutsun. Tsenopam wamrancuna captin tse wanucushqa wauqinpa tsurin cuenta canqa’, nir.
24770	MRK 12:28	Tseno liryarnin, Jesus allipa yasquir yachatsicushqanta wiyecurnam, ley yachatsicoq juc mayestru queno taporqan: —Tëte, Diospa mandamientucho ¿Meqan caqtaq mas presisaq? —nir.
24790	MRK 13:4	—Mayestru, willarayämë, ¿Imetaq tsecuna pasaconqa? ¿Ima señalta ricarnintaq musyariyäshaq nenqequi cumplicärenqanta? —nir.
24853	MRK 14:30	Tsenam Jesus nerqan: —Pedru, rasontam neq: Canan paqasmi manaraq gallu ishque cuti cantaptin quima cuti negamanqui —nir.
24859	MRK 14:36	—Papällä, qampaqqa manam ni imapis sasatsu. Tselaya jipar nacanäpaq quecaqcunapita salbecamë; peru noqa munashqänoqa ama callätsuntsu, sinoqa qam munashqequino quecullätsun —nir.
24860	MRK 14:37	Tsepitanam cutirerqan disipuluncuna caqman, y tarirerqan punuquicayaqtam. Tsenam Pedruta nerqan: —Simon, ¡punuquicanquitsun! ¿Manacu juc örallapis pununeta awantariyanquiman!
24885	MRK 14:62	Tsenam Jesus nerqan: —Aumi, noqam cä. Ime junaq carpis, Diospita Shamushqa Nunata ricariyanqui puedeq Diospa derechu laduncho tëcaqtam, y pucute rurincho sielupita shamicaqtam.
24888	MRK 14:65	Tsenam waquin nunacuna qallecuyarqan toqapur. Waquinnam nawinta bendarcur maqar, y quenomi niyarqan: —Mä, adibinë, ¿pi laqyashonqequitapis! —nir. Tsenollam templu täpaqcunapis qaqllancho laqyayarqan.
24891	MRK 14:68	Peru Pedrunam negarnin nerqan: —¡Pipaqraq parlacunqui, manam reqïtsu! —nir, jaq puncumanpa eucorqan. Tsecho quecaptinnam, gallu cantarerqan.
24929	MRK 15:34	Tse öram Jesus fuertipa queno nir qaparïcorqan: —Eloi, Eloi ¿lama sabactani? (Tse ninanqa carqan “Dios, Dios, ¿imanirtaq noqata jaqiramarqonqui?” ninanmi.)
24931	MRK 15:36	Juc nunanam coripa ewar esponjata puchqoq binuman tullpurcur shoqushpa puntanman watarcur, Jesuspa shiminman churarqan shoqunanpaq queno nishpa: —Mä, ¿rasonpacush Elias shamonqa cruspita yarputsinanpaq? —nir.
24975	LUK 1:13	Anjelnam queno nerqan: —Zacarias, ama mantsaquëtsu. Dios wiyashqam mañaconqequicunata; warmiqui Isabelchomi ollqu tsuriqui yurenqa. Pepa jutinmi churanqui “Juanta”.
24992	LUK 1:30	Anjelnam nerqan: —Maria, ama mantsaquëtsu. Diosmi qamta acrashorqonqui.
25080	LUK 2:38	Tseman Ana chärirnam, wamrata ricarir, nerqan: —Dios, qamtam allapa agradisicoq que wamrapaq —nir. Nunacunatanam nerqan: —Que wamram noqantsic israel nunacuna unepita shuyaconqantsic, y pemi rescatamarnintsic salbamäshun —nir.
25090	LUK 2:48	Jesusta ricarirnam, papänin y mamänin espantacuyarqan. Mamäninnam nerqan: —Ä, wawä, ¿imanirtaq queta rurayamanqui? Allapa llaquishqam papäniquiwan ashiyarqoq.
25101	LUK 3:7	Tsenam bautisacuyänanpaq nunacuna Juanman ewayaptin, waquincunata nerqan: —Ä, bibora cuenta nunacuna, ¿imanopataq allapa feyu castigupita salbacuyanqui!
25106	LUK 3:12	Impuestu cobraqcunanam Juanman witiyarqan bautisacoq, queno tapurnin: —Mayestru, ¿imatataq noqacunaqa rurayäshaq?
25108	LUK 3:14	Tsenollam soldaducunapis ewar, tapuyarqan: —Noqacunaqa, ¿imatataq rurayäshaq? Pecunatanam nerqan: —Ama nunacunapa imancunatapis malas qochiyanquitsu, ni ulicurcur lebantacuyanquitsu. Pagayäshushqequiwan conformi cayanqui.
25154	LUK 4:22	Tsecho llapan nunacunanam cushicur, queno ninacuyarqan: —Jesusqa allapa allim. Peru, ¡imanoraq Josepa tsurinlla quecar, tselaya shumaqta parlan! —nishpa, espantacuyarqan.
25179	LUK 5:3	Tsenam Simonpa lanchanman Jesus lloqarcur nerqan: —Simon, que yacu cuchunpita mas ruriman yecushun —nir. Yecuriyaptinnam, täcurir, nunacunata lanchapita yachatsicorqan.
25181	LUK 5:5	Simonnam nerqan: —Mayestru, waraqninpim noqacuna nacayarqö. Manam ni jucllellatapis tsariyarqötsu. Peru canan qam nimanqequirecurmi, atarayäta jitashaq —nir.
25188	LUK 5:12	Juc marcacho Jesus quecaptinnam, leprawan qeshyaq nuna chärerqan. Jesusta ricarirnam, patsaman urcunpis chanqanyaq qonquriquicur rogacur, queno nerqan: —Tëte, munarnenqa, cachaquecatsillämë —nir.
25189	LUK 5:13	Tsenam Jesus nunata yatecur queno nerqan: —Munämi, cachacänequita. Tseno niptinnam, jinallacho leprapita cachacärerqan.
25196	LUK 5:20	Tseno rurayaptinnam, Jesusqa peman allapa marcäcuyashqanta musyarirnin, qeshyaqta nerqan: —Au, amigu, jutsequicunapitam perdonecoq.
25222	LUK 6:7	Fariseucunanam ley yachatsicoqcunawan Jesusta acuseta munarnin, qawarëcayarqan: —Mä, ¿canan jamaqui junaqcho que nunata cachacätsenqacush! —nir.
25223	LUK 6:8	Pecuna tseno niyanqanta Jesus musyarirninnam, tsaquishqa maquiyoq nunata nerqan: —Sharcur, que chopiman shamï. Niptinnam chopincunaman shacurerqan.
25270	LUK 7:6	Tseno rogayaptinnam, pecunawan Jesus ewarqan. Peru wayiman naqana chëcayaptinnam, amiguncunata capitan cacharqan Jesusta queno niyänanpaq: —Tëte, manash meresintsu wayinman ewar afanacullanequita.
25278	LUK 7:14	Tseno nirirnam, ewar cajata yatarerqan, wantïcaqcunanam shäräriyarqan. Tsenam ayata Jesus queno nerqan: —Jobin, qamtam neq: Sharquï.
25304	LUK 7:40	Tsenam Jesus nerqan: —Simon, jucta willashqequi —nir. Penam queno nerqan: —Mayestru, willecallämë —nir.
25353	LUK 8:39	—Quedacur, wayiquiman cutiquï. Tsecho willacunqui Dios llapanta qampaq rurashqanta. Tsenam cutirnin, jinantinpa ewar, willacorqan Jesus pepaq llapanta rurashqanta.