23251	MAT 2:13	Tse yachaq nunacuna cuticuyanqanchonam, Diospa anjelnin Joseta sueñinincho queno nerqan: —¡Jina öra sharcur, ewaquï Egiptu nasionman llulluta y mamäninta pusharcur; porqui Herodismi ashitsenqa niñuta wanutsinanpaq. Tsellacho täcuyanqui yape willayanqaqyaq! —nir.
23288	MAT 4:10	Tsenam Jesus nerqan: —¡Quepeq yarqï, diablu! Diospa palabranmi escribirëcan: ‘Diosllatam adoranequi y sirwinequi’ nir.
23441	MAT 8:27	Tseta riquecurnam, disipuluncunaqa allapa espantacur queno ninacuyarqan: —¡Queqa imano nunataq tselaya bientupis yacupis mandadunta cäsuyänanpaq!
23445	MAT 8:31	Tsemi Jesusta tse nunacunacho supëcuna rogacur queno niyarqan: —¡Que nunacunapita qarqarayämarqa, cachecalläyämë taqe cuchicunallaman yecuquiculläyänäpaq! —nir.
23457	MAT 9:9	Tsepita eucurninnam, Jesus ricarerqan Mateota Romapaq impuestucunata cobracuyänan wayicho cobracur tëcaqta. Petam Jesus nerqan: —¡Acu eucushun! —nir. Mateonam sharcur Jesuswan eucorqan.
23466	MAT 9:18	Jesus tseno willapäcur quecaptinnam, ellucayänan wayicho mandacoq Jairu chärir, Jesuspa nopanman qonquriquicur queno nerqan: —¡Warmi wamrallämi wanuquicushqa! ¡Acu, eweculläshun, yatecuptiqui cawarirallämunanpaq! —nir.
23475	MAT 9:27	Tsepita Jesus yarqur eucurëcaptinnam, ishcaq wiscucuna Jesuspa qepanta queno qayarir ewayarqan: —¡Rey Davidpa castan Jesus, ancupëcalläyämëri! —nir.
23478	MAT 9:30	Tse öram pecuna ricachacuriyarqan; y Jesusnam notificar queno nerqan: —¡Ama pitapis willacuyanquitsu! —nir.
23481	MAT 9:33	Supëta tse mudupita qarquriptinnam tse nuna parlar qallecorqan. Nunacunanam espantacur queno niyarqan: —¡Queno ruraqtaqa manam imepis ricashqatsu cantsic que Israel nasionnintsiccho! —nir.
23560	MAT 12:2	Tseno rurayanqanta riquecurnam, fariseucuna Jesusta queno niyarqan: —¡Riquë disipuliquicunata! ¡Jamaqui junaq leynintsicpa contran rurayan!
23597	MAT 12:39	Jesusnam nerqan: —¡Qamcunaqa Diosta mana cäsucurmi y llutanta rurar cawaquicarmi, juc milagru ruranätaraq munayanqui! Peru qamcuna munayanqequinoqa manam ima milagrutapis rurashaqtsu. Tsepa rantenqa Teyta Dios juc milagrutam ruranqa profeta Jonascho ruranqantano noqacho.
23673	MAT 14:7	Tsenam Herodisqa llapan nunacunata testigaquicur, jurar queno nerqan: —¡Cananmi si niña, imecatapis mañamanqequitaqa qoycushqequi! —nir.
23699	MAT 14:33	Tsenam barcucho quecaqcuna Jesuspa nopanman qonquriquicur queno niyarqan: —¡Rasonpam qamqa canqui Diospa tsurin! —nir.
23712	MAT 15:10	Tsepitanam tsecho quecaqcunata qayecur Jesus queno nerqan: —¡Canan shumaq wiyacurnin, cäyiyämë!
23715	MAT 15:13	Tsenam Jesus nerqan: —¡Ama pecunata cäsuyëtsu! Fariseucunaqa wiscu cuentam cayan, y tseno wiscu cuenta quecashpam nunacunata pushaquicayan. Tseno carmi, ¡ishcancuna sanjaman jeqacurcuyanqa! Sielucho quecaq Papänïpa mana cayaptinmi, imeca qorata sipinpita tirareq cuenta ushacäratsiyanqa —nir.
23757	MAT 16:16	Tsenam Simon Pedroqa queno nerqan: —¡Qamqa Dios Acrashqanmi canqui, cawecaq Diospa tsurin! —nishpa.
23764	MAT 16:23	Peru Jesusnam tumecur Pedruta queno nerqan: —¡Quepeq yarqï, diablu! ¡Ama atajämëtsu! ¡Qamqa manam Teyta Dios munashqannotsu yarpanqui; sinoqa nunacuna munashqannollam yarpanqui! —nir.
23845	MAT 19:14	Tsenam Jesus nerqan: —¡Noqaman wamracuna shayämutsun! ¡Ama michäyëtsu! Que wamracunano caqcunapaqmi Diospa mandaquinenqa.
23891	MAT 20:30	Tseno eucurëcarnam, näni cuchuncho tariyarqan ishcaq wiscucuna tëcaqta. Tse wiscucunam Jesus tsepa pasarëcanqanta mäquicur queno qayarïcuyarqan: —¡Rey Davidpa castan Teyta, ancupëcalläyämëri! —nir.
23892	MAT 20:31	Tseno qayaripa niyaptinnam, Jesuswan ewaq nunacuna “¡Upalla cayë!” nir piñapäyarqan. Peru tseno michäyaptinpis, masran qayariyarqan: —¡Davidpa castan Teyta, ancupëcalläyämëri! —nir.
23904	MAT 21:9	Y llapan nunacunam Jesuspa puntanta y qepanta ewaqcunaqa, cushicur qaparir qayarir queno niyarqan: —¡Alabashun rey Davidpa mirenin salbacoqnintsicta! ¡Alabashun Diospa shutincho shamoqta! ¡Alabecuyaqmi sielucho quecaq Dios! —nishpa.
23910	MAT 21:15	Templuchonam wamracuna queno qapariyarqan qayariyarqan: —¡Alabecushun rey Davidpa castanta! —nir. Peru tseta wiyecurnam, y espantepaqcunata Jesus ruraqta riquecurnam, saserdoticunapa mandacoqnincuna y ley yachatsicoqcuna piñacurcuyarqan.
23911	MAT 21:16	Tsemi Jesusta queno niyarqan: —¡Wiyë wamracuna tseno alabayäshonqequita! —nir. Jesusnam nerqan: —Wiyecamï, ¿qamcuna manacu leyishqa cayanqui Diospa palabrancho: ‘Llullu wamracunam y chichicaq wamracunam musyatsicuyan Diosta imano alabanan canqantapis’ nenqanta!
23914	MAT 21:19	Tsenam näni cuchuncho igus montita riquecur micurita munar ewarqan frutan asheq; peru manam ni jucllellatapis tarerqantsu. Raprantällam caquicarqan. Tsenam tse igus montita Jesus queno nïcorqan: —¡Amana mas frutequi catsuntsu! —nir. Y jina öram tse igus monti tsaquirerqan.
23970	MAT 22:29	Tseno niyaptinnam, Jesusqa queno nerqan: —¡Qamcunaqa llutantam yarpäyanqui, porqui manam cäyiyanquitsu Diospa palabran escribirëcanqanta, ni Dios allapa poderyoq canqanta!
24148	MAT 26:25	Tsenam tse traisionaqnin Judas queno taporqan: —¿Mayestru, tsepenqa noqallatsuraq? —nir. Tseno niptinmi, Jesus nerqan: —¡Quiquiquitaq nicanqui! —nir.
24161	MAT 26:38	Tsemi queno nerqan: —¡Llaquiquiwanmi shonqü imanaquicunchi! Quellacho riyaq riyaqlla quecayë —nir.
24188	MAT 26:65	Jesus tseno nïcuptinnam, tse mas mandacoq saserdoteqa allapa piñar, sotanantapis rachiricorqan, y quenomi nerqan: —¡Que nunaqa tseno parlar Teyta Diosnintsictam ofendican! ¿Imapaqnataq mas testigucunatapis munantsic! Wiyayarqonquim Diospa contran parlanqanta.
24195	MAT 26:72	Peru penam yape negarnin jurar queno nerqan: —¡Tse nunata manam reqïtsu! —nir.
24197	MAT 26:74	Tsenam Pedroqa allapa pësacur jurarnin queno nerqan: —¡Manam ari tse nunata reqïtsu! —nir. Tseno nicaptinllanam, gallu cantarerqan.
24209	MAT 27:11	Gobernador Pilatumanmi Jesusta apayarqan. Penam queno taporqan: —¿Qamcu canqui israel nunacunapa reynin? —nir. Jesusnam yasquirerqan: —¡Nicanquinataq ari! —nishpa.
24220	MAT 27:22	Tsenam Pilatu queno nerqan: —Tsepenqa ‘Dios Acrashqan niyanqan Jesustaqa, ¿Imatatan rurashaq?’ nir. Tsenam llapan nunacuna niyarqan: —¡Cruscho wanutsun! ¡Cruscho wanutsun! —nishpa.
24227	MAT 27:29	Peqanmannam yacatsiyarqan cashapita awashqa coronata, y derechu caq maquinmannam aptatsiyarqan juc shucshuta. Tsepitanam Jesuspa nopanman qonqurïcur burlacurnin, queno niyarqan: —¡Biba israel nunacunapa reynin! —nir.
24309	MRK 1:25	Jesusnam supëyoq nunata piñaparnin, nerqan: —¡Upälla que! ¡Canan que nunapita yarqï! —nir.
24341	MRK 2:12	Tse öram qeshyaq sharcur llapan ricarëcayaptin quirmanta ellurir catarcur eucorqan. Tseta ricarninnam, nunacuna cushicur queno alabayarqan: —¡Diosqa allapa puedeqmi! ¡Manam ni imepis que rurashqantanoqa ricashqatsu cantsic!
24343	MRK 2:14	Pasarëcarnam ricarerqan Alfeupa tsurin Levita Romapaq impuestucunata cobracuyänan wayicho cobracur tëcaqta. Petam Jesus nerqan: —¡Acu eucushun! —nir. Levinam sharcur Jesuswan eucorqan.
24369	MRK 3:12	Jesusnam supëcunata piñapar queno nerqan: —¡Paqtam pitapis noqapaq willaquicayanquiman! —nir.
24445	MRK 5:12	Tsenam supëcuna mañepa, queno niyarqan: —¡Cachecalläyämë taqe cuchicunallaman yecuquiculläyänäpaq! —nir.
24478	MRK 6:2	Jamaqui junaqchonam ellucayänan wayicho yachatsicur qallecorqan. Tse yachatsiconqanta wiyarninnam, nunacuna espantacur queno niyarqan: —¡Mechotaq quelayaqa yachaquecamorqon! Quelaya yachaq cananpaq ¿mechoraq yachacushqa! ¿Imanoparaq que llapan milagrucunata ruran!
24494	MRK 6:18	Tsemi Herodista Juan queno piñaparqan: —¡Wauqiquipa warminwan wätanacurnin, Leypa contranmi rurecanqui! —nir.
24546	MRK 7:14	Tsepitanam llapan tsecho quecaqcunata qayecur Jesus queno nerqan: —¡Canan shumaq wiyacurnin, llapequicuna cäyiyämë!
24569	MRK 7:37	Tsemi espantacur, queno niyarqan: —¡Llapan rurashqancunapis allapa allim; asta sorducunatapis wiyatsinmi y muducunatapis parlatsinmi! —nir.
24602	MRK 8:33	Peru Jesusnam tumecur disipuluncunata allipa ricarëcur, Pedruta queno nerqan: —¡Quepeq yarqï, diablu! Qamqa manam Teyta Dios munashqannotsu yarpanqui; sinoqa nunacuna munayashqannollam yarpanqui.
24671	MRK 10:14	Tseta riquecurnam, Jesus piñacurcur disipuluncunata queno nerqan: —¡Noqaman wamracuna shayämutsun! ¡Ama michäyëtsu! Que wamracunano caqcunapaqmi Diospa mandaquinenqa.
24680	MRK 10:23	Tseno eucuptinnam, jinantinman riquecachärir disipuluncunata queno nerqan: —¡Allapa sasam Diospa mandaquininman capoqyoq nunacuna yecuyänan!
24704	MRK 10:47	Tse wiscunam Jesus Nazaret nuna shamicaqta musyarir, qayaripa queno qayacorqan: —¡Davidpa castan Jesus, ancupëcallämëri! —nir.
24705	MRK 10:48	Tsenam nunacuna upällatsita munar wiscuta piñapäyarqan, peru wiscoqa masran queno nir, qayaricachäcorqan: —¡Davidpa castan Jesus, ancupëcallämëri! —nir
24706	MRK 10:49	Tseta wiyecurnam, shäcurir Jesus queno nerqan: —Taqe nunata qayayämï —nir. Wiscuman ewarninnam, queno niyarqan: —¡Balorta tsaricur, ras sharcamï! Jesusmi qayecashunqui —nir.
24708	MRK 10:51	Jesusnam taporqan: —¿Imata ruranätataq qampaq munanqui? Wiscunam nerqan: —¡Ricachaquitam munallä, Tëte! —nir.
24718	MRK 11:9	Y llapan nunacunam Jesuspa puntanta y qepanta ewaqcunaqa, cushicur qaparir qayarir queno niyarqan: —¡Alabashun Diospa shutincho shamoqta!
24766	MRK 12:24	Tseno niyaptinnam, Jesusqa queno nerqan: —¡Qamcunaqa llutantam yarpäyanqui, porqui manam cäyiyanquitsu Diospa palabran escribirëcanqanta, ni Dios allapa poderyoq canqanta!
24829	MRK 14:6	Peru Jesusnam queno nerqan: —¡Upälla cayë! ¡Ama piñapäyëtsu! Tseno ruramar noqapaqqa allapa allitam rurashqa.
24857	MRK 14:34	Tsemi queno nerqan: —¡Llaquiquiwanmi shonqü imanaquicunchi! Quellacho riyaq riyaqlla quecayë.
24891	MRK 14:68	Peru Pedrunam negarnin nerqan: —¡Pipaqraq parlacunqui, manam reqïtsu! —nir, jaq puncumanpa eucorqan. Tsecho quecaptinnam, gallu cantarerqan.
24894	MRK 14:71	Tsenam Pedroqa allapa pësacur jurarnin queno nerqan: —¡Manam ari tse nunata reqïtsu! —nir.
24897	MRK 15:2	Chäratsiyaptinnam, Jesusta Pilatu queno taporqan: —¿Qamcu canqui israel nunacunapa reynin? —nir. Jesusnam yasquirerqan: —¡Nicanquinataq ari! —nishpa.
24908	MRK 15:13	Nunacunanam qayaripa niyarqan: —¡Petaqa cruscho wanutsï! —nir.
24913	MRK 15:18	Tsepitanam burlacurnin, queno niyarqan: —¡Biba israel nunacunapa reynin! —nir.
24926	MRK 15:31	Tsenollam jina saserdoticunapa mandacoqnincunapis y ley yachatsicoqcunapis Jesusta burlacurnin, queno niyarqan: —¡Juccunataqa salbashqam; peru quiquenqa salbaquita manataq puedintsu!
24934	MRK 15:39	Soldaducunapa capitanninnam Jesuspa frentincho quecarqan. Tseno qayarir wanoqta riquecurnam, queno nerqan: —¡Que nunaqa rasonpam Diospa Tsurin cashqa!
24984	LUK 1:22	Zacarias yarqurirnam, parleta puederqantsu. Nunacunanam ninacuyarqan: —¡Ruri templuchochi Dios imatapis ricatsishqa! Zacariasnam muduyashqa carnin, señasllawan parlarqan.
24991	LUK 1:29	Anjel tseno niptinnam, Maria mantsacar shonquncho, queno nerqan: —¡Imanirraq anjel tseno niman!
25056	LUK 2:14	—¡Sielucho Dios, alabecuyaqmi! ¡Cananpitam que patsacho Dios cushitseqcuna alli pasaquichona cayanqa! —nir.
25057	LUK 2:15	Tseno nirirninnam, anjelcuna sieluman cuticuyarqan. Mitseqcunanam queno ninacuyarqan: —¡Dios willatsimanqantsicno acu jinallacho Belen marcaman ewar, ricamushun!
25167	LUK 4:35	Jesusnam supëyoq nunata piñaparnin, nerqan: —¡Upälla quë! ¡Canan que nunapita yarqï! —nir. Niptinnam, nopancho patsaman nunata mana imanashpa seqirirnin, eucorqan.
25168	LUK 4:36	Tseta riquecurnam, llapan nunacuna mantsacäcur queno ninacuyarqan: —¡Imano poderyoqtaq que parlanqan! ¡Mandariptinllataq, supëyoq nunacunapita supëcunapis yarquyan!
25173	LUK 4:41	Supëyoq nunacunapitam supëcuna yarquyarqan qayaripa, queno niräcur: —¡Qamqa Diospa tsurinmi canqui! Tseno niyaptinnam, Jesus nerqan: —¡Upälla cayë! Porqui manam munarqantsu Diospa Acrashqan canqanta musyatsicuyänanta.
25202	LUK 5:26	Tsenam nunacuna allapa espantacur y mantsacäcur, alabayarqan: —¡Diosqa allapa puedeqmi! ¡Manam ni imepis queno alli ruraqtaqa ricashqatsu cantsic! —nishpa.
25203	LUK 5:27	Tsepita Jesus eucurninnam, ricarerqan Levi jutiyoq nunata Romapaq impuestucunata cobracuyänan wayicho cobracur tëcaqta. Petam Jesus nerqan: —¡Acu eucushun! —nir.
25322	LUK 8:8	Peru waquin murunam alli allpaman ishquirnin, jeqaramur, winar cada espigacho jitecorqan asta pachaq granupayan. Tseno Jesus yachatsicur usharirnam, fuertipa queno nerqan: —¡Tsemi rinriyoq carqa, wiyacur cäsucuyë!
25339	LUK 8:25	Tsenam disipuluncunata queno nerqan: —¿Imanirtaq noqaman marcäcuyarqonquitsu? Disipuluncunanam allapa mantsacashqa y espantashqa, quiquincuna pura queno ninacuyarqan: —¡Queqa imano nunataq, tselaya bientupis yacupis mandadunta cäsuyänanpaq!
25360	LUK 8:46	Yapenam Jesus nerqan: —¡Pi carpis yatamashqam! Podernï yarqoqtam mäcorqö.
25383	LUK 9:13	Jesusnam nerqan: —Qamcunam pachanqa qarayänequi. Apostolnincunanam niyarqan: —¡Pitsqa tantawan ishque pescadullam capamantsic! Que tsica nunacunapaqqa rantimur, ¿imaraqchi tincutsishwanpis!
25390	LUK 9:20	Tsenam Jesus nerqan: —Qamcunaqa, ¿imataq niyanqui? ¿Pitaq cä? Tsenam Pedru queno nerqan: —¡Qamqa Dios Acrashqanmi canqui! —nishpa.
25501	LUK 11:27	Jesus tseno yachatsiquicaptinnam, nunacunapa chopinpita juc warmi qayaripa queno nerqan: —¡Allapa cushiquiyoqchi wachashoqniqui y chichishoqniqui mamequi! —nir.
25543	LUK 12:15	Tsepitanam llapan nunacunatana Jesus queno nerqan: —¡Paqtaraq yö! Mallaqäcoq cayanquiman, tsepita cuidacuyë. Nunacuna alli cawayänanpaqqa manam presisantsu capoqyoqraq cayänan —nir.
25602	LUK 13:15	Tsenam Jesus nerqan: —¡Alli tucoqcuna! ¿Manacu meqequipis jamaqui junaqcho toriquicunata o ashniquicunata pascarir, yacutseq apayanqui!
25637	LUK 14:15	Jesus nishqanta wiyarirninnam, laduncho tëcaq nuna queno nerqan: —¡Diospa nopancho micoq caqqa allapa cushiquichochi canqa!
25659	LUK 15:2	Tseta riquecurninnam, fariseucuna y ley yachatsicoqcuna penqapar queno niyarqan: —¡Que nunaqa jutsasapa nunacunatataq chasquin, y pecunawantaq micun!
25773	LUK 18:16	Tsenam wamracunata qayecur, Jesus nerqan: —¡Noqaman wamracuna shayämutsun! Ama michäyëtsu. Que wamracunano caqcunapaqmi Diospa mandaquinenqa.
25781	LUK 18:24	Jesusnam tse nunata llaquishqata riquecur, queno nerqan: —¡Allapa sasam Diospa mandaquininman capoqyoq nunacuna yecuyänan!
25795	LUK 18:38	Tsenam wiscoqa fuertipa qayaquicorqan queno nishpa: —¡Davidpa castan Jesus, ancupëcallämëri! —nir.
25796	LUK 18:39	Tsenam puntancunata ewaq nunacuna upällatsita munar wiscuta piñapäyarqan, peru wiscoqa masran queno nir, qayaricachäcorqan: —¡Davidpa castan Jesus, ancupëcallämëri! —nir.
25798	LUK 18:41	—¿Imata ruranätataq qampaq munanqui? —nir. Wiscunam nerqan: —¡Ricachaquitam munallä, Teyta! —nir.
25807	LUK 19:7	Tseta riquecurnam, nunacuna Jesusta penqapar, queno niyarqan: —¡Jutsasapa nunapa wayinmantaq posadacoq ewan! —nir.
25838	LUK 19:38	—¡Alabashqa catsun Teyta Dios cachamushqan reynintsic! ¡Cananqa Dioswan shumaq cawaquichonam cashun! ¡Sieluchopis alabashqa catsun!
25864	LUK 20:16	Ewarmi, chacran tsaraqcunata wanicatsir, juccunatana chacranta qoyconqa” nir. Tseta wiyecurnam, niyarqan: —¡Ama tsenoqa quecullanmantsu! —nir.
25903	LUK 21:8	Jesusnam nerqan: —¡Paqtaraq pipis engañayäshunquiman! Atscaq nunacunam ‘¡Noqam Dios Acrashqan cä!’ y ‘¡Dispunishqa tiempu chämonqanam!’ nir, atscaq nunacunata engañar puriyanqa. Ama pecunata creyir, qatiräyanquitsu.
26003	LUK 22:70	Tsenam llapan tsecho quecaqcuna tapucurcuyarqan: —Tsepenqa ¿rasonpacu Diospa tsurin canqui? —nir. Jesusnam yasquerqan: —¡Quiquiquicunam niyanqui noqa pe canqäta!
26007	LUK 23:3	Tsenam, Jesusta Pilatu queno taporqan: —¿Qamcu canqui israel nunacunapa reynin? —nir. Jesusnam nerqan: —¡Qammi nicanqui! —nishpa.
26022	LUK 23:18	Tsechonam nunacuna juc shimilla qayaripa niyarqan: —¡Que nunaqa wanutsun! ¡Barrabasta cachariqueqa! —nishpa.
26025	LUK 23:21	Peru nunacunanam masraq qayaricurcuyarqan queno nishpa: —¡Cruscho wanutsun! ¡Cruscho wanutsun! —nishpa.
26041	LUK 23:37	—¡Israel nunacunapa reynin carnenqa, quiquiqui salbaquï!
26085	LUK 24:25	Tsenam Jesus nerqan: —¡Qamcunaqa imalaya upataq y rumi shonqutaq cayanqui Diospa profetancuna willacuyanqanta mana creyicuyänequipaq!
26154	JHN 1:41	Tse Andresnam wauqin Simon asheq eucorqan; taririrnam queno nerqan: —¡Mesiastam noqacuna taricuyarqö! —nishpa. (Mesiasqa Dios Acrashqan ninanmi.)
26159	JHN 1:46	Natanaelnam nerqan: —¿Nazaretpita, Nazaret nunacunaqa imellaqa alli nuna cayashqataq! —nir. Felipinam nerqan: —¡Masqui acu reqinequipaq! —nir.
26180	JHN 2:16	Paluma ranticoqcunatanam nerqan: —¡Quepita llapanta jorquyë! ¡Ama nunca Papänïpa wayinta mercadutano inishiyanquitsu! —nishpa.
26289	JHN 5:10	Tsemi tse cachacashqa nunata israel autoridacuna queno niyarqan: —¡Au nuna! ¿Imanirtan canan jamaqui junaqcho qopiquita apanqui! Tseqa leynintsicpa contranmi —nir.
26293	JHN 5:14	Tsepitanam templuchona tse nunata Jesus taririrnin, queno nerqan: —¡Cananqa cachacashqanam canqui yo! Amana yape jutsata ruranquinatsu imapis mas peor mana pasashunequipaq.
26340	JHN 6:14	Nunacunanam Jesus tse milagru rurashqanta riquecur, queno niyarqan: —¡Que nunaqa rasonpam que patsaman shamunanpaq caq profeta! —nir.