29	GEN 1:29	Nenene matalolole! Au bati-pala fee emi nanaa-nininu rupaꞌ nai dae-bafoꞌ ia. Riꞌ: huu maboaꞌ, ma madekeꞌ, ma doo manmomodoꞌ a.
107	GEN 5:1	Tepoꞌ fo Manetualain adu lahenda, Ana taon tuka Ria rupa-lolen, sama leoꞌ ao-ina na. Ana adu naa si, touꞌ no inaꞌ. Ana nanade si nae, “lahenda”, ma Ana fee si ua-naleꞌ. Lahenda masososaꞌ a, nade Adam. Adam tititi-nonosin, nade nara siꞌ iaꞌ:
147	GEN 6:9	Noh tutui na leo iaꞌ: Ria ana toun telu, siꞌ Sem, Yafet ma Ham. Noh nasoda roo-tetuꞌ, ta tao tadaluꞌ fa. Tepoꞌ ria adaꞌ noi ria riꞌ malole. Ana nasoda naneneaꞌ no Manetualain.
217	GEN 9:11	Au hehelu-barataa Ka leo iaꞌ: Leo mae leoꞌ bea oo, Au ta fee faa ina mai seluꞌ soꞌ, fo namate basa masodaꞌ ara, ma nalutu heni dae-bafoꞌ ia.
220	GEN 9:14	Maneniko hapu oa uda a nai lalai, basa de elus a kalua mai, neuꞌ ko ria nafarereneꞌ Au hehelu-barataa Ki nae: neuꞌ ko faa ina ta nalutuꞌ basa masodaꞌ ara soꞌ. No ria na, Au heke hehelu-barataa Ki neuꞌ emi ma basa masodaꞌ ara. Au hehelu-barataa Ki ta naꞌetu-nabasan fa.”
237	GEN 10:2	Yafet tititi-nonosi nara, siꞌ: Gomer, Magog, Madai, Yawan, Tubal, Mesek ma Tiras. Esaꞌko noꞌ dedea nara, leo nara, ma oe-dae nara. Gomer tititi-nonosi nara, siꞌ: Askenas, Rifat ma Togarma. Yawan tititi-nonosi nara, siꞌ: Elisa, Tarsis, lahenda Kitim ara, ma Dodanim fo ara leo rai tasi suuꞌ.
241	GEN 10:6	Ham tititi-nonosi nara, siꞌ: Kus, Misraim, Put, ma Kanaꞌan.
242	GEN 10:7	Kus tititi-nonosi nara, siꞌ: Seba, Hawila, Sabta, Raema ma Sabteka. Raema tititi-nonosi nara, siꞌ: Syeba ma Dedan.
257	GEN 10:22	Sem tititi-nonosin siꞌ: Elam, Asyur, Arpaksad, Lud ma Aram.
258	GEN 10:23	Aram tititi-nonosin siꞌ: lahenda Us, Hul, Geter ma Mas.
261	GEN 10:26	Yoktan tititi-nonosin siꞌ: Almodad, Selef, Hasar-Mawet, Yera,
341	GEN 14:4	Natatiꞌ ria, tute na leo iaꞌ: Maꞌulu na mane kalimaꞌ sira, mane Kedorlaomer pareta si losaꞌ teuꞌ sanahulu dua. Tehuu teu kasanahulu telu na, boe ma ara soaꞌ ana.
342	GEN 14:5	Masoꞌ teu kasanahulu haa na, boe ma mane Kedarlaomer no tia-lai mane kateluꞌ sira, roo soldadu nara mai. Boe ma ara ratati raseki nusaꞌ hida. Siꞌ: lahenda Refaim rai nusa Asterot-Karnaim, lahenda Susim rai nusa Ham, lahenda Emim rai nusa Sawe-Kiryatim,
370	GEN 15:9	Manetualain nataa nae, “Leo iaꞌ! Mai ita heke hehelu-barataaꞌ esa neuꞌ Au dedea bisinaaꞌ ka. Besaꞌ ia o mu fo muni fee Au banda: sapi tenaꞌ esa, kedae tenaꞌ esa, ma bibi-lopo mane anaꞌ esa. Basa sira muste fadi teluꞌ. Basa sona o muni seluꞌ manupui kateu esa, ma manupui kalasi esa.”
402	GEN 17:4	“Au heke hehelu-barataaꞌ neuꞌ o, leo iaꞌ: neuꞌ ko o dadi mu lahenda nai nusaꞌ dodouꞌ bei-baꞌin. Huu ria na, de o ta nade Abram soꞌ (sosoa na nae, ‘amaꞌ fo nade na bau-inaꞌ’), tehuu nade Abraham (sosoa na nae, ‘lahenda nai nusaꞌ dodouꞌ bei-baꞌin’).
426	GEN 18:1	Abraham leo naneneaꞌ nai ai huu inaꞌ ara nai Mamre. MANETUALAIN mai natudu Ao na neuꞌ ana nai naa. Tutui na leo iaꞌ: Faiꞌ ria makahana na seli, de Abraham natuuꞌ hai ani nai mamana leleo na matan.
483	GEN 19:25	MANETUALAIN tao nalulutuꞌ heni kota a no koroꞌ ara rai nusaꞌ ria, ma basa-basan fo rasoda rai naa, siꞌ: lahenda, banda-manuꞌ, ma parusa ra.
564	GEN 22:16	“MANETUALAIN riꞌ nae, ‘Au soo-supa pake Au nade ka leo iaꞌ: O sadia fee Au ana mane ise ma, fo dadi tutunu-hohotuꞌ so. Huu ria na, de
606	GEN 24:14	Au hule leo iaꞌ: Maneniko au dedea o ana fetoꞌ esa ae, ‘Nona, e! Maonda ure oe ma fo fee au oe baiꞌ inu dei.’ Maneniko ana nataa nae, ‘Papa ka minu leo. Ma neuꞌ ko papa ka onta mara boe au hani si.’ Na, ria nanadadi tanda nae, ana fetoꞌ ria riꞌ Manetualain here man so, fo dadi neuꞌ Isak sao na. No tanda leo naꞌ a, au bubuluꞌ ae, Manetualain matudu susue ma, neuꞌ au malaka ki Abraham so.”
627	GEN 24:35	MANETUALAIN fee ua-naleꞌ dodouꞌ neuꞌ au malaka ka so, losaꞌ ana namasuꞌi naan seli. Manetualain pala-bati feen lilopilas, lilofula, ata inaꞌ ma ata touꞌ, banda-manuꞌ dodouꞌ: sapi, onta, keledei, kedaeꞌ, ma bibi-lopo.
635	GEN 24:43	Manetualain, au apadeiꞌ nai oe dodoluꞌ ia. Ma ana fetoꞌ ara reme kota daleꞌ mai aso oe nai ia. De au hule leo iaꞌ: Neuꞌ ko au dedea o ana fetoꞌ esa ae, ‘Nona, e! Fee au oe baiꞌ inu dei.”
661	GEN 25:2	Ketura boki fee ni anaꞌ. Nade nara siꞌ: Simran, Yoksan, Medan, Midian, Isbak, ma Sua.
663	GEN 25:4	Midian ana nara, siꞌ: Efa, Efer, Henok, Abida, ma Eldaa. Basa sira nana, Ketura tititi-nonosin.
672	GEN 25:13	Ismael ana nara, touꞌ sanahulu dua. Nade nara ratutuka ao, neme uluꞌ a losa mateꞌa tei-susuꞌ a, siꞌ: Nebayot, Kedar, Adbeel, Mibsam, Misma, Duma, Masa, Hadad, Tema, Yetur, Nafis, ma Kedma. Anaꞌ sira dadi reuꞌ bei-baꞌi reme lahenda nusaꞌ sanahulu dua mai, esaꞌko noꞌ nusa-namon. Ara fee nusa-namo sira ranade tuka sira esaꞌko bei-baꞌin naden.
721	GEN 26:28	Boe ma ara rataa rae, “Leo iaꞌ! Besaꞌ ia ami bubuluꞌ mae, Manetualain nanea o. Huu ria na, ami dodoo mae, malole lenaꞌ ita dua tao hekenee-barataaꞌ leo iaꞌ: O soo-supa mae,
734	GEN 27:6	Basa de Ribka neu nafada Yakob nae, “Ae, Ako, ee! O nenene matalolole! Bisi naaꞌ a au amanene papa ma dedea no Esau nae, leo iaꞌ:
933	GEN 32:5	Yakob nafada ata nara nae, “Emi meu mafada aꞌa ki Esau mae leo iaꞌ: ‘Papa Esau! Papa ata ma, fo fadim Yakob haitua haraoe soda-moleꞌ dodouꞌ neuꞌ papa. Neme maulu na au lalaꞌo ka, losaꞌ besaꞌ ia, papa atam ia leo nai toꞌo Laban uma na.
996	GEN 34:15	Tehuu eno kalua na leo iaꞌ: Basa emi tou mara, aana-bauinaꞌ muste sunat sama leoꞌ ami.
1035	GEN 35:23	Lea ana nara, siꞌ: Ruben (Yakob ana ulu na), Simeon, Lewi, Yahuda, Isaskar, ma Sebulon.
1036	GEN 35:24	Rahel ana nara, siꞌ: Yusuf ma Benyamin.
1037	GEN 35:25	Rahel ana uma dalen, Bilha ana nara siꞌ: Dan ma Naftali.
1038	GEN 35:26	Boe ma Lea ana uma dalen, Silpa ana nara, siꞌ: Gad ma Aser. Boki anaꞌ sira rai Padan Aram.
1051	GEN 36:10	Esau saon Ada, boki ana touꞌ esa, nade Elifas. Elifas ana toun lima. Siꞌ, Teman, Omar, Sefo, Gatam ma Kenas. Elifas sao nafufuni na, nade Timna. Ria boki ana touꞌ esa, nade Amalek. Esau saon Basmat boki ana touꞌ esa, nade Rehuel. Rehuel hapu ana touꞌ haa, siꞌ: Nahat, Sera, Syama ma Misa.
1055	GEN 36:14	Esau saon Oholibama, riꞌ Anah ana na, fo Sibeon upu na, boki ana touꞌ telu, siꞌ: Yeus, Yalam, ma Kora.
1064	GEN 36:23	Sobal ana nara, siꞌ: Alwan, Manahat, Ebal, Sefo, ma Onam.
1072	GEN 36:31	Tepoꞌ fo nusa Israꞌel bei ta nanuu maneꞌ fa, te nai dae Edom nanuu maneꞌ so. Sira nade nara ratutuka ao siꞌ:
1081	GEN 36:40	De, mane leo fo dadi remeꞌ Esau sara mai, nana siꞌ: Timna, Alwa, Yetet, Oholibama, Ela, Pinon, Kenas, Teman, Mibsar, Magdiel, ma Iram. Ara fee nusa nara ranade tuka sira esa-esa naden. De, sira basa, nana Esau tititi-nonosin, fo tuka lahenda Edom ara tutuin.
1185	GEN 40:12	Yusuf namanene leoꞌ na, boe ma nafada nae, “Papa. Meis ria sosoa na leo iaꞌ: Baꞌe sira telu, nana sosoa na faiꞌ telu.
1189	GEN 40:16	Pegawe fo urus maneꞌ a roti na namanene mei-afes ria sosoa na malole a leoꞌ naa, boe ma ana tui Yusuf nae, “Fadi, e! Au boe alamei leo iaꞌ: au sua atutuleꞌ lapaneu telu.
1191	GEN 40:18	Yusuf namanene leoꞌ na boe ma, nataa nae, “Papa mei-afes ma sosoa na leo iaꞌ: lapaneu sira telu, sosoa na nae faiꞌ telu.
1222	GEN 41:26	Meis ria sosoa na, leo iaꞌ: sapi mapetaꞌ kahituꞌ sira, ma hade neuꞌ pule kahituꞌ sira, nana fai betes teuꞌ hitu. Sira sosoan esaꞌ a.
1229	GEN 41:33	Huu ria na, au ae leoꞌ ia: malole lenaꞌ papa mane saka ma lahenda malelaꞌ esa, fo bisa urus no malole. Basa nana soꞌu ni fo ator natalolole nusaꞌ ia.
1272	GEN 42:19	Maneniko emi tui teaꞌ, sona emi musti matudu fee au buti. Eno na leo iaꞌ: au ena ahere lahenda esa adaꞌ bui dale. Fekeꞌ ara fali fo meni fee kileoboboki mara nanaaꞌ. Huu fo ara rahani emi fali meni nanaaꞌ.
1302	GEN 43:11	Basa boe ma sira papa na nae, “Maneniko leoꞌ na, sona emi tao leo iaꞌ. Meu hai ma ita buna-boa malole naan seli. Riꞌ: fani oeꞌ, bumbu, ai-nana maboo meniꞌ, modo-aidoo salap, kanari ma ai-deke fekeꞌ ara. Meni fee mane Masir a lima boa onan ria, fo ela mafada mae ia nana ita hata haituan.
1329	GEN 44:4	Ara raola ela kota a, boe ma Yusuf nafada malaka malalaun ria nae, “O malale mu usi tuka lahenda sira. Maneniko hapu ma si, sona mae leoꞌ ia: ‘Ubeaꞌ taon, de emi madale tadaluꞌ neuꞌ tou lasiꞌ a? De, emi balas ria malole na meniꞌ tadalu leo iaꞌ!
1358	GEN 44:33	De au hule ae leo iaꞌ, papa: Ela leoꞌ bea na au kati ni fo leo ahaniꞌ ia, ela au riꞌ dadi uꞌ papa atam. Ela ria no aꞌa nara fali reu si.
1368	GEN 45:9	Besaꞌ ia emi lai-lai fali leo, fo tui au dedea ka neuꞌ papa ka mae, leoꞌ ia: ‘Papa ka anan Yusuf bei nasoda! Ana dadi lahenda bauinaꞌ nai nusa Masir. Ria boe hule papa fo lai-lai leo Masir mu.
1395	GEN 46:8	Yakob kileobobokin fo lali leo Masir reu nana, siꞌ: Ruben, ana uluꞌ a.
1396	GEN 46:9	Ria ana nara siꞌ: Henok, Palu, Hesron, ma Karmi.
1397	GEN 46:10	Simeon, no ana nara. Siꞌ: Yemuel, Yamin, Ohad, Yakin, ma Sohar. Ma Saul boe, fo Simeon saon lahenda Kanaꞌan a, anan.
1398	GEN 46:11	Lewi, no ana nara. Siꞌ: Gerson, Kehat, ma Merari.
1399	GEN 46:12	Yahuda, no ana nara. Siꞌ: Sela, Peres, ma Sera. Yahuda ana feke nara, Er no Onan, mate si rai Kanaꞌan so. Peres anan Hesron no Hamul tuka leo Masir boe.
1400	GEN 46:13	Isaskar, no ana nara. Siꞌ: Tola, Pua, Ayub, ma Simron.
1401	GEN 46:14	Sebulon, no ana nara. Siꞌ: Sered, Elon, ma Yahleel.
1403	GEN 46:16	Boe ma, anaꞌ reme sao feke na mai. Siꞌ: Gad no ana nara: Sifion, Hagi, Suni, Esbon, Eri, Arodi, ma Areli.
1404	GEN 46:17	Aser, no ana nara. Siꞌ: Yimna, Yiswa, Yiswi, Beria, ma sira feto na, nade Sera. Beria nanuu anaꞌ boe: Heber no Malkiel.
1406	GEN 46:19	Boe ma Yakob sao feken, nade Rahel. Ria boki na anaꞌ dua. Siꞌ: Yusuf no Benyamin.
1407	GEN 46:20	Tepoꞌ ria, Yusuf sao Asnat nai Masir so. Arama na, malaka agama nai kota On. Ria nade Potifera. Yusuf no Asnat ana nara, siꞌ: Efraim no Manase.
1408	GEN 46:21	Benyamin no ana nara boe tuka leo Masir reu. Siꞌ: Bela, Beker, Asibel, Gera, Naaman, Ehi, Ros, Mupim, Hupim, ma Ared.
1411	GEN 46:24	Naftali, no ana nara. Siꞌ: Yasel, Guni, Yeser, ma Silem.
1437	GEN 47:16	Boe ma Yusuf nataa nae, “Maneniko tebe emi doiꞌ taꞌa, sona tao leo iaꞌ: fee emi banda-manum leo au mai, fo seluꞌ neuꞌ nanaaꞌ.”
1457	GEN 48:5	Besaꞌ ia, o anam Efraim no Manase, sira hak na leo iaꞌ: au leo Masir mai, te boki sira dua so. Leo mae leoꞌ na boe, besaꞌ ia au tao dua si sama leoꞌ au ana boki kara, leoꞌ Ruben no Simeon.
1511	GEN 50:4	Basa faiꞌ hitu hulu, boe ma Yusuf nafada pegawe nara nae, “Nenene! Au hule fo emi meni au dedea ki ia, meu mafada maneꞌ a mae leo iaꞌ:
1523	GEN 50:16	Basa de rala haraꞌ fo fee reu rafada Yusuf rae leoꞌ ia: “Papa wakil. Ami bei mafarene tepo fo ita papa na bei nasoda, ana nadenu ami
23214	MAT 1:1	Susuraꞌ ia tui laꞌe-neuꞌ Yesus Kristus, Lahenda fo riꞌ nemeꞌ uluꞌ mai Manetualain helu memaꞌ nau fee Ni mai. Ria nana, mane Daud ma baꞌi Abraham tititi-nonosin. Mulai neme baꞌi Abraham losa mane Daud a, nana tititi-nonosiꞌ sanahulu haa. Ria bei-baꞌin nade nara siꞌ: Abraham boki Isak, Isak boki Yakob, Yakob boki Yahuda no aꞌa-fadi nara,
23219	MAT 1:6	Isai boki Daud. Neme Daud losa tepoꞌ fo lahenda nusa Israel nanatuꞌu leo Babel reu, nana tititi-nonosiꞌ sanahulu haa bali, siꞌ: Daud boki Soleman (ria mama na, riꞌ maulu na Uria sao na).
23225	MAT 1:12	Tepoꞌ fo sira nanatuꞌu leo Babel reu losa Yesus, nana tititi-nonosiꞌ sanahulu haa bali, siꞌ: Yekonya boki Saltiel, Saltiel boki Serubabel,
23231	MAT 1:18	Maria boki Yesus a, tutui na leo iaꞌ: Maria no Yusuf rahihii aoꞌ so. Dua si bei ta parnaa suku rabua sama leoꞌ sao touꞌ no sao inaꞌ, matetuꞌ na Maria nairu neme Manetualain Dula-dale Malalao-malalafu Na mai.
23236	MAT 1:23	“Emi nenene! Neuꞌ ko ana feto esa bei ao-tema, tehuu nairu so. Boe ma boki naa Ana touꞌ esa. Ara foi Ni nade, Imanuel.” (Nai dedea Ibrani, ‘Imanuel’ sosoa na: Manetualain sama-sama noo ita.)
23243	MAT 2:5	Ara rataa ni rae, “Papa maneꞌ! Nai koro Betlehem, nai propinsi Yudea. Huu fo neme uluꞌ mai Manetualain mana nesi matan Mika duiꞌ memaꞌ nae leo iaꞌ:
23282	MAT 4:4	Tehuu Yesus nataa nae, “Manaduiꞌ nai Manetualain Susura Makamoi Na daleꞌ nae: ‘Lahenda dae-bafoꞌ a ta nasoda nemeꞌ noi nanaa-nininuꞌ a mai. Tehuu sira boe muste ramanene Manetualain Dedea-nafadan, ma tao tuka Ria hihii-nanaun.’ ”
23325	MAT 5:22	Tehuu Au nau afada leo iaꞌ: bosoꞌ mamanasa, huu fo bea namanasa no toranoo na, neuꞌ ko ana hapu huhukuꞌ. Lahenda fo nasa na lua no ria toranoo na nae, ‘O dodole ea!’ Neuꞌ ko lahenda ria muste nataa nai lasi agama ra. Ma lahenda fo nasapaa ria toranoo na nae, ‘Pakanaaꞌ!’, neuꞌ ko ana hapu huhukuꞌ nai ai-pila naraka.
23331	MAT 5:28	Tehuu Au nau afada leo iaꞌ: lahenda fo nita inaꞌ esa, boe ma dale na nahiiꞌ suku noꞌ ana, sona touꞌ ria hohoke inaꞌ ria nai dale na so.
23335	MAT 5:32	Tehuu Au afada leo iaꞌ: maneniko lahenda namaetuꞌ no sao ina na, sekona te sao ina na ta parnaa hohoke, ria bei sama leoꞌ ara bei sao rahere. De kalu inaꞌ ria sao seluꞌ, sona ria sama leoꞌ sao ulu na tao naan hohoke. Ma kalu touꞌ esa sao na inaꞌ esa fo parnaa namaetuꞌ, sona sira dua hohoke ria so boe, huu fo ara ralena laka neuꞌ eno sasaoꞌ a.”
23337	MAT 5:34	Tehuu Au afada leo iaꞌ: maneniko o tao hehelu-barataaꞌ, sona bosoꞌ pake sosoo-susupaꞌ. Bosoꞌ soo-supa pake nusatetu-ikutemaꞌ a nade na, huu fo nusatetu-ikutemaꞌ a, nana Manetualain mamana leleon.
23342	MAT 5:39	Tehuu Au afada ae leoꞌ ia: bosoꞌ balas tadaluꞌ no tadaluꞌ. Maneniko lahenda fapa suke mi seri, sona nemeꞌ na ela ana fapa sukeꞌ seri bali.
23347	MAT 5:44	Tehuu Au afada leo iaꞌ: o muste sue-lai lahenda fo eteꞌ aon no o. Ma hule ela Manetualain fee ua-naleꞌ neuꞌ lahenda fo tao na o doidoso.
23360	MAT 6:9	De maneniko hule-haradoi, sona pake natutuduꞌ leo iaꞌ: ‘Amaꞌ nai nusatetu-ikutemaꞌ a! Amaꞌ a nade Ma Lalao-lalafuꞌ naan seli. Ela leoꞌ bea na basa lahenda ra soꞌu-fua radedema Amaꞌ a nade Marela-masaꞌa Ma.
23376	MAT 6:25	Huu ria na Au afada leo iaꞌ: bosoꞌ dale mara dodaꞌ mae ami sakaꞌ masoda tao leo beaꞌ, ami sakaꞌ mia ubeaꞌ, minu ubeaꞌ, kao-pake ubeaꞌ? Emi bate mae masodaꞌ a nana noi riꞌ nanaa-nininuꞌ? Ma ao-inaꞌ a nana pake noi kakao-pakeꞌ? Ta leo naꞌ fa.
23463	MAT 9:15	Tehuu Yesus nataa si, pake nasasamaꞌ nae, “Leo iaꞌ: maneniko feta kakabiꞌ, fui ra ta puasa fa, tehuu ara raa-rinu rabete. Maneniko mana kabi touꞌ a bei nai naa, tantu ara raa-rinu. Tehuu maneniko laiꞌ esa nai ria lahenda fekeꞌ ara hopu roo mana kabi touꞌ a, boe ma tia-lai nara susa dei, faiꞌ ria besaꞌ ko ara puasa.
23488	MAT 10:2	Ana mana tuka dea kasanahulu duaꞌ fo Ana nadenu si a, nade nara siꞌ: Masososaꞌ a, nade Simon (fo biasa lahenda raloon rae, ‘Petrus’), ma fadi na, nade Anderias, Yakobis, ma fadi na, nade Yohanis (sira dua, nana Sabadeus ana nara).
23532	MAT 11:4	Yesus namanene leoꞌ na, boe ma nataa nae, “Emi mamanene, ma mita mataꞌ so. De fali leo fo tui aꞌa Yohanis mae, basa-basan dadi tuka hata fo Manetualain mana nesi matan Yesaya duiꞌ memaꞌ nae:
23534	MAT 11:6	De leo iaꞌ: meu mafada aꞌa Yohanis mae, neuꞌ ko ana naua-nanale kalu namahere naroo Au. Huu fo neuꞌ ko Manetualain fee ua-naleꞌ neuꞌ lahenda fo namahere naroo Au, ma ta keke-boiꞌ fa!”
23565	MAT 12:7	Nai Manetualain Susura Makamoi Na, Manetualain nae, ‘Au hihii-nanau Ka leo iaꞌ: Au lahenda kara muste ratudu dale kasian nara esa no esa. Maneniko ara ta tao leo naꞌ, sona sira banda tutunu-hohotun fo riꞌ reni fee Au a, sosoa-raraaꞌ taꞌa.’ Maneniko emi bubuluꞌ matetuꞌ Manetualain dedea Na, tantu emi ta sale mae Au ana mana tuka dea kara sala. Huu fo sira ta tao salaꞌ hata esa boeꞌ!
23621	MAT 13:13	Au anori-afada si pake nasasamaꞌ, nana huu: ‘Ara rita, tehuu ta nau bubuluꞌ. Ara ramanene, tehuu ta nau ralelaꞌ.’
23669	MAT 14:3	Mane Herodes a dedea nae leoꞌ na, huu fo maulu na ana nadedea noo Yohanis, losaꞌ ana hopu na Yohanis de teen leo bui daleꞌ neu. Dedeaꞌ ria tutui na leo iaꞌ: mane Herodes, sao na fadin Filipus sao na, nade Herodias. Sekona te Filipus noo Herodias bei ta ramaetuꞌ fa.
23719	MAT 15:17	Sosoa-raraan leo iaꞌ: Hata fo ita taa-tinun, masoꞌ nesiꞌ bafaꞌ ara, naroo leo teiꞌ ara daleꞌ neu, boe ma kalua leo kakus daleꞌ neu.
23721	MAT 15:19	Huu fo hata tadaluꞌ dodouꞌ riꞌ kalua neme lahenda dale na mai! Sama leoꞌ: duꞌa-afi tadaluꞌ, naisa lahenda, hohoke, namanaꞌo, sakasii pepekoꞌ, ma dedea namumulu lahenda.
23807	MAT 18:11	Emi afi matalolole, huu fo Au nau fee nasasamaꞌ leo iaꞌ: Lahenda esa nanuu bibi-lopo natun esa. Faiꞌ esa boe ma bibi esa sala de laꞌo mesaꞌ ana. Emi dodoo ma nana, mana foo ria muste tao ubeaꞌ? Tantu ana foa ela bibi-lopo kasio hulu sioꞌ sira reuꞌ leteꞌ lain, boe ma neu saka bibi-lopo iseꞌ mana mopoꞌ ria. Maneniko hapu faliꞌ ana, sona dale na namahoꞌo-natadale nita bibi-lopo iseꞌ mana mopoꞌ ria, lena neme nita bibi-lopon kasio hulu sio mana mopo taaꞌ sira. [Au, Ana Lahenda ia, mai ela poꞌi-tata lahenda fo riꞌ heo reme eno roo-tetuꞌ a mai.]
23862	MAT 20:1	Boe ma Yesus nanori-nafada nae, “Manetualain hohomu pareta na, sama leoꞌ nasasamaꞌ ia: lahenda manuu okaꞌ esa liꞌu nee balahaan, ana kalua neu saka lahenda fo roi oka anggor na.
23916	MAT 21:21	Boe ma Ana nataa si nae, “Nenene matalolole! Kalu emi mamahere tebe-tebe Manetualain, ma dale mara ta kadudua fa, emi bisa tao sama leoꞌ Au tao a. Emi boe bisa tao lena neme na. Conto leo-leoꞌ: emi bisa pareta leteꞌ esa narali leo tasiꞌ a neu. Tantu Manetualain fee leteꞌ ria narali tutiꞌ a, sadi emi mamahere tebe-tebe neuꞌ Ana.
23920	MAT 21:25	Au atane leo iaꞌ: Emi basa malelaꞌ Yohanis mana saraniꞌ a, hete? Bea riꞌ fee ni haak fo sarani lahenda? Manetualain do, lahenda dae-bafoꞌ a?” Boe ma ara afi reu-mai, ma ara dedearaoꞌ rae, “Awii! Nala seluꞌ ita ia so! Maneniko ita tataa tae, ‘Manetualain riꞌ fee haak’, neuꞌ ko Ana balas nae, ‘Kalu leoꞌ na, sona ubeaꞌ taon de emi ta mamahere Yohanis fa?’
23926	MAT 21:31	Yesus tui basa nae leoꞌ na, boe ma natane si nae, “Au sakaꞌ atane leo iaꞌ: Neme anaꞌ sira dua mai, bea riꞌ tao tuka papa na paretan?” Ara rataa rae, “Masososaꞌ a!” Boe ma Ana dedea nae, “Hoo. Tehuu nenene matalolole, huu fo Au dedea teteaꞌ. Lahenda fo emi mae sira lahenda masala-masikoꞌ, leo-leoꞌ mana susu bea, ma ina manasosoa, neuꞌ ko ara dadi reuꞌ Manetualain lahendan rauluꞌ reme emi mai. Huu fo emi mataa neuꞌ Manetualain mae ya, tehuu ta tao tuka Ria hihii-nanaun fa.
23935	MAT 21:40	Yesus tui basa, boe ma Ana natane si nae, “Au nau atane leo iaꞌ: maneniko manuu okaꞌ ria fali main, sona ana tao mana noi sira leoꞌ bea?”
23965	MAT 22:24	“Papa Mesen! Baꞌi Musa duiꞌ ela ami hadas ia nae: maneniko touꞌ esa mate ela sao na, tehuu anaꞌ taꞌa, sona touꞌ ria fadi na muste sao na ina falu ria, fo ela boki fee aꞌa mana maten ria tititi-nonosiꞌ.
23966	MAT 22:25	Tebe, fai a ulu na baꞌi Musa nanori-nafada nae leo naꞌ, tehuu besaꞌ ia ami sakaꞌ matane leo iaꞌ: toranoo touꞌ hitu. Uluꞌ a sao, tehuu maten, ma anaꞌ taꞌa. Boe ma fadiꞌ mana tukaꞌ ria a, sao na seluꞌ ina falu ria.
23969	MAT 22:28	Besaꞌ ia ami sakaꞌ matane leo iaꞌ: inaꞌ ria parnaa sao touꞌ hitu so. Maneniko dae-bafoꞌ a noe, boe ma Manetualain fee lahenda mana mateꞌ ara rasoda seluꞌ, sona inaꞌ ria dadi neuꞌ bea sao ina na?”
23977	MAT 22:36	“Papa Mesen! Au sakaꞌ atane leo iaꞌ: ami atoran hadas, ma agama a pareta nara, dodouꞌ naan seli. Neme basa baꞌi Musa pareta nara, bea riꞌ penting naan seli?”
23978	MAT 22:37	Ana nataa ni nae, “Nai Manetualain Susura Makamoi Na daleꞌ, pareta fo penting naan seli a, nae leoꞌ ia: ‘Manetualain nana, emi Manetualain ma. De, emi muste sue-lai Ni lena heni basa-basan. Huu ria na, emi muste mahiiꞌ maroo Ni, bubulu-malelaꞌ Ana, moi-tao mahere tuka Ria hihii-nanaun.’
23980	MAT 22:39	Ma pareta kadua riꞌ nae leoꞌ ia: ‘O muste sue-lai lahenda fekeꞌ ara, sama leoꞌ o sue-lai ao-ina heheli ma.’