44	GEN 2:13	Lee ria baꞌe kadua na, nade Gihon. Baꞌe ria rule-feo basa dae Kus.
81	GEN 4:1	Laiꞌ esa de, Adam neu suku noꞌ saon Hawa. Boe ma inaꞌ a nairu. Basa de boki na ana touꞌ esa. Boe ma ana nae, “Au boki a ana touꞌ esa, nana huu MANETUALAIN tulu-fali neuꞌ au so.” Basa de ana foi anaꞌ ria nade, Kaen (sosoa na nae, ‘kalua henin’).
82	GEN 4:2	Basa boe ma, Hawa boki seluꞌ ana touꞌ esa bali. Boe ma ana foin nade, Habel. Dua si rambau-ina boe ma, Habel foo banda, ma Kaen tao oka-tine.
83	GEN 4:3	Laiꞌ esa boe ma, Kaen neni oka-tinen buna-boan ruma, fee neuꞌ MANETUALAIN.
85	GEN 4:5	Tehuu Ana ta nahiiꞌ Kaen no tutunu-hohotun ria. Boe ma Kaen namanasa naan seli, losaꞌ mata-idun rutuꞌ-rutu.
86	GEN 4:6	Boe ma MANETUALAIN dedea no Kaen nae, “He, Kaen! Ubeaꞌ taon de o mamanasa leoꞌ na? Ubeaꞌ taon de o mata-idum rutuꞌ-rutu leoꞌ na?
87	GEN 4:7	Kalu o tao malole, tantu Au boe sipoꞌ o no malole. Tehuu besa-besa! Kalu o tao tadaluꞌ, neuꞌ ko tadaluꞌ ria nala seluꞌ o. De kalu o mahiiꞌ tao tadaluꞌ, malole lenaꞌ tipa henin memaꞌ!”
88	GEN 4:8	Laiꞌ esa de, Kaen leleꞌo Habel nae, “Fadi, ee! Mai fo dua kata lalaꞌo leo okaꞌ teu.” Ara losa naa, kekeneu te Kaen naisa fadi na.
89	GEN 4:9	Boe ma MANETUALAIN natane Kaen nae, “He, Kaen! O fadi ma nai bea?” Kaen nataa nae, “Au ta bubuluꞌ ana nai bea. Ee mae au homu ei na, do?”
92	GEN 4:12	Kalu o tao oka-tine, dae a ta neni fee o buna-boaꞌ hata esa boeꞌ. Mulai nemeꞌ besaꞌ ia mai, o masararala mu-mai sama leoꞌ lahenda kasian fo saka sodaꞌ nai dae-bafoꞌ ia.”
93	GEN 4:13	Kaen nadedea laka neuꞌ MANETUALAIN nae, “Awii! Manetualain, ee! Ubeaꞌ taon de Manetualain fee au kutuk mabera-ina ia, losaꞌ au ta bisa lepa a beꞌin soꞌ.
95	GEN 4:15	Tehuu MANETUALAIN nataa ni nae, “Ta leo naꞌ fa! Bea naisa o, neuꞌ ko Au huku ni bera lena laiꞌ hitu!” Basa de MANETUALAIN tao tanda neuꞌ Kaen, ela lahenda ra bubuluꞌ, sona ara ta bole raisa ni fa.
96	GEN 4:16	Basa de Kaen laꞌo ela mamanaꞌ ria, de dooꞌ a nemeꞌ MANETUALAIN mai. Ana laꞌo losa mamanaꞌ esa nai oka Eden na pooꞌ dulu. Mamanaꞌ ria nade Nod. Sosoa na nae, ‘masararalaꞌ’. De ana leo neuꞌ na.
97	GEN 4:17	Basa ria de Kaen sao, boe ma inaꞌ a nairu. Ana boki ana touꞌ esa, boe ma ara foin nade, Henok. Kaen nafoa koroꞌ esa boe, feen nade Henok, tuka ana na nade na.
102	GEN 4:22	Lamek saon Sila boki na Tubal Kaen. Ria tititi-nonosi nara mantutu besi, de ara tao hata rupaꞌ ara reme besi ma riti. Tubal Kaen feto na, nade Naꞌama.
104	GEN 4:24	Lahenda fo raisa Kaen, ara hapu huhukuꞌ laiꞌ hitu. Tehuu maneniko hapu bea rapeda daleꞌ fo nau balas au, sona ara hapu huhukuꞌ laiꞌ hitu hulu hitu.”
105	GEN 4:25	Boe ma Adam saon Hawa boki seluꞌ ana touꞌ esa bali. Ara foi anaꞌ ria nade, Set (sosoa na nae, ‘loo fee’), huu fo Hawa nae, “Manetualain loo fee au anaꞌ ia so kati Habel, fo Kaen naisa ni so a.”
115	GEN 5:9	Tepoꞌ fo Enos teun siohulu, boe ma ana hapu ana touꞌ esa nade, Kenan.
118	GEN 5:12	Tepoꞌ fo Kenan teun hitu hulu, boe ma ana hapu ana touꞌ esa nade, Mahalalel.
119	GEN 5:13	Basa de Kenan bei nasoda seluꞌ teuꞌ natun falu haa hulu, ana hapu tamba seluꞌ ana touꞌ ma ana inaꞌ bali.
141	GEN 6:3	Boe ma MANETUALAIN nae, “Au sotaꞌ no lahenda ia ra masoda taohiro-taohari nara so. Au Dula-dale Ka fo riꞌ fee si sodaꞌ a, ta nau fee si rasoda raroo soꞌ. Ara muste mate. De neuꞌ ko ara rasoda losa adaꞌ noi teuꞌ natun esa dua huluꞌ a.”
211	GEN 9:5	Au adu-tao lahenda tuka Au rupa-lole Ka. Huu ria na, emi ta bole maisa lahenda. Maneniko hapu lahenda, do banda, fo raisa lahenda, muste maisa si boe. Hehelu-barataaꞌ ia nemeꞌ Au mai.
215	GEN 9:9	“Besaꞌ ia Au nau heke hehelu-barataa Ka o emi, losa tititi-nonosi mara boe.
217	GEN 9:11	Au hehelu-barataa Ka leo iaꞌ: Leo mae leoꞌ bea oo, Au ta fee faa ina mai seluꞌ soꞌ, fo namate basa masodaꞌ ara, ma nalutu heni dae-bafoꞌ ia.
220	GEN 9:14	Maneniko hapu oa uda a nai lalai, basa de elus a kalua mai, neuꞌ ko ria nafarereneꞌ Au hehelu-barataa Ki nae: neuꞌ ko faa ina ta nalutuꞌ basa masodaꞌ ara soꞌ. No ria na, Au heke hehelu-barataa Ki neuꞌ emi ma basa masodaꞌ ara. Au hehelu-barataa Ki ta naꞌetu-nabasan fa.”
224	GEN 9:18	Noh ana nara fo kalua remeꞌ ofaꞌ a mai a, siꞌ Sem, Yafet ma Ham. (Ham nana, Kanaꞌan papa na).
231	GEN 9:25	Basa de ana dedea nae, “He! Kanaꞌan papa na! Au kutuk o! Neuꞌ ko o dadi ata soaneuꞌ aꞌam dua si!
232	GEN 9:26	Io-oa MANETUALAIN! Ela leoꞌ bea na, Ana fee ua-naleꞌ neuꞌ Sem! Tehuu ela leoꞌ bea na, Kanaꞌan dadi neuꞌ Sem atan.
233	GEN 9:27	Ela leoꞌ bea na, Manetualain namaloa Yafet oe-daen; Ma ria tititi-nonosi nara rasoda mole-dame ro Sem tititi-nonosin. Tehuu ela leoꞌ bea na, Kanaꞌan dadi neuꞌ Yafet atan.”
237	GEN 10:2	Yafet tititi-nonosi nara, siꞌ: Gomer, Magog, Madai, Yawan, Tubal, Mesek ma Tiras. Esaꞌko noꞌ dedea nara, leo nara, ma oe-dae nara. Gomer tititi-nonosi nara, siꞌ: Askenas, Rifat ma Togarma. Yawan tititi-nonosi nara, siꞌ: Elisa, Tarsis, lahenda Kitim ara, ma Dodanim fo ara leo rai tasi suuꞌ.
241	GEN 10:6	Ham tititi-nonosi nara, siꞌ: Kus, Misraim, Put, ma Kanaꞌan.
242	GEN 10:7	Kus tititi-nonosi nara, siꞌ: Seba, Hawila, Sabta, Raema ma Sabteka. Raema tititi-nonosi nara, siꞌ: Syeba ma Dedan.
243	GEN 10:8	Kus ana tou na, riꞌ Nimrod. Ria nana malaka parani matati masososa kahereꞌ.
245	GEN 10:10	Masososa na ria nusa-namon mulai nemeꞌ Babel, Erek Akad ma Kalne. Sira basa si rai Sinear.
246	GEN 10:11	Neme naaꞌ mai, ana pareta Asyur boe. Basa boe ma ana nafoa kota Niniwe, Rehobot-Ir, Kala,
247	GEN 10:12	ma Resen, fo rai Niniwe no Kala talada. Basa sira nana bendar mesan.
249	GEN 10:14	Patrusim, Kasluhim, ma Kaftorim. Lahenda Kasluhim, nana lahenda Filistin nara bei-baꞌin.
250	GEN 10:15	Kanaꞌan ana ulu na, riꞌ Sidon. Kanaꞌan boe dadi bei-baꞌi neme lahenda Het ara,
253	GEN 10:18	Arwadi, Semari, ma Hamati. Kanaꞌan tititi-nonosin nara kofela rai basa mamanaꞌ ara,
295	GEN 11:28	Haran mate ni nai dae fua-funi na nade Ur, nai lahenda Kasdim ara daen. Tepoꞌ fo mate ni, nana papan Tera bei nasoda.
298	GEN 11:31	Laiꞌ esa de, Tera no anan Abram, manafeun Sarai, ma upun Lot, ara laꞌo ela koro Ur. Ara nau leo dae Kanaꞌan reu. Tehuu ara losa nusa Haran, boe ma ara leo reuꞌ na.
303	GEN 12:4	Tepoꞌ ria, Abram teun hituhulu lima. Ana noo saon Sarai, fadi na ana manen Lot, ma basa hata pusaka nara, no basa lahenda manoi fo ana hapu nai kota Haran. Boe ma Abram asa laꞌo ela Haran, de leo mamanaꞌ fo MANETUALAIN nafadan ni a. De ara laꞌo raroo losa mamanaꞌ esa, nade Kanaꞌan.
305	GEN 12:6	Losa na boe ma, Abram laꞌo nafeo basa dae ria, losaꞌ nananeaꞌ no koroꞌ esa nade Sikem. Basa de ara leo lalai reuꞌ na, raneneaꞌ ai huu inaꞌ esa nai More. Tepoꞌ ria, lahenda Kanaꞌan ara bei leo rai naa.
308	GEN 12:9	Basa ria boe ma, ana lali naleleiꞌ mamanaꞌ, losa dae Negeb nai Kanaꞌan pooꞌ ona.
309	GEN 12:10	Laiꞌ esa de, hapu fai laa-roes inaꞌ nai dae Kanaꞌan. Huu ria na, de Abram asa laꞌo leo dooꞌ a reu bali nai pooꞌ ona, losa dae Masir. Ara leo lalai reuꞌ na.
318	GEN 12:19	Tehuu o mae inaꞌ ia nana o feto ma. Kura baiꞌ au sao ni! Hai faliꞌ sao ma! Besaꞌ ia mo ni, maheoꞌ memeꞌ au mata ka mai leo!”
325	GEN 13:6	Tehuu mamanaꞌ ria ta loaꞌ a soaneuꞌ Abram no Lot, ma basa hata-heto nara lalaꞌen, ela leo rabua reuꞌ na. Basa de Abram no Lot manafoo nara mulai rareresiꞌ, nana huu nau-ai doo nai mamanaꞌ ria ta dai sira banda nara raa soꞌ. (Tepoꞌ ria, lahenda Kanaꞌan ro lahenda Feris ara bei leo rai naa boe.)
331	GEN 13:12	Tehuu Abram leo nahaniꞌ dae Kanaꞌan. Basa de Lot neu leo nai koroꞌ fo raneneaꞌ kota Sodom, nai Yarden bafaꞌ a.
338	GEN 14:1	Tepoꞌ ria, maneꞌ haa rabua. Siꞌ Amrafel, mane nusa Sinear. Ariok, mane nusa Elasar. Kedarlaomer, mane nusa Elam. Ma Tideal, mane nusa Goyim.
341	GEN 14:4	Natatiꞌ ria, tute na leo iaꞌ: Maꞌulu na mane kalimaꞌ sira, mane Kedorlaomer pareta si losaꞌ teuꞌ sanahulu dua. Tehuu teu kasanahulu telu na, boe ma ara soaꞌ ana.
342	GEN 14:5	Masoꞌ teu kasanahulu haa na, boe ma mane Kedarlaomer no tia-lai mane kateluꞌ sira, roo soldadu nara mai. Boe ma ara ratati raseki nusaꞌ hida. Siꞌ: lahenda Refaim rai nusa Asterot-Karnaim, lahenda Susim rai nusa Ham, lahenda Emim rai nusa Sawe-Kiryatim,
344	GEN 14:7	Basa de, ara ratafali leo En Mispat reu (besaꞌ ia nade Kades). Basa boe ma ara ralulutuꞌ lahenda Amalek ara nusa na, ma lahenda Amori, fo leo rai nusa Haseson-Tamar.
368	GEN 15:7	Basa ria boe ma, MANETUALAIN dedea naroo bali, nae, “Au ia, nana Manetualain. Au riꞌ fee o kalua so memeꞌ koro Ur nai lahenda Kasdim ara dae na. Ma Au riꞌ fee dae ia fo dadi neuꞌ o posaka ma.”
380	GEN 15:19	ma lahenda Keni, Kenas, Kadmon,
382	GEN 15:21	Amori, Kanaꞌan, Girgasi ma Yebus dae nara.”
383	GEN 16:1	Tepoꞌ ria, Abram fali neme Masir mai, de leo teuꞌ sanahulu nai Kanaꞌan so. Sao ni Sarai bei ta hapu anaꞌ fa. Sarai nanuu ata inaꞌ esa, lahenda Masir, nade Hagar. Laiꞌ esa boe ma, Sarai dedea no Abram nae, “Papa! MANETUALAIN ta fee au boki soꞌ. Malole lenaꞌ papa ka mu suku moꞌ au ata ki Hagar, ela ana boki fee au.” Boe ma Abram tuka sao na nafada na. Basa de Sarai fee Hagar leo Abram neu fo dadi sao muri na.
396	GEN 16:14	Huu ria na, de lahenda ra ranade oe mataꞌ ria rae, Beer Lahai Roi, sosoa na nae, “Oe mataꞌ nemeꞌ Ria fo masodaꞌ, riꞌ nafaduli au.” Oe mataꞌ ria mamana na, nai koro Kades no Beret talada. Oe mataꞌ ria bei nai naa, losaꞌ besaꞌ ia.
406	GEN 17:8	Dae Kanaꞌan ia neuꞌ ko Au fee katemaꞌ ana neuꞌ o mo tititi-nonosim. Besaꞌ ia o adaꞌ noi leo lalai maiꞌ ia. Tehuu neuꞌ ko, o tititi-nonosim ranuu dae Kanaꞌan ia losaꞌ dodoo na neu. Ma Au dadi uꞌ sira Manetualain na.
428	GEN 18:3	basa de nae, “Papa kasa! Kalo bisa, sona papa kasa tuli au mamana leleo ka dei. Leo mae minu adaꞌ noi oe hihiiꞌ boe, malole.
449	GEN 18:24	Kalu hapu lahenda malole lima hulu rai kota ria daleꞌ, Papa ka bei nau malulutuꞌ kota ria?
463	GEN 19:5	Ara rasapapara neuꞌ Lot rae, “He, Lot! Bisinaaꞌ a tou kaduaꞌ sira rai bea? Kalua si leo deaꞌ mai, huu fo ami nau saꞌe si!”
467	GEN 19:9	Tehuu lahenda Sodom ara bobou helaꞌ rae, “O bosoꞌ sosoroꞌ nuu ma! O adaꞌ noi lahenda manamai nai ia! O lahenda dea, de ta manuu hak fo ator ami. Malole lenaꞌ o heoꞌ memeꞌ iaꞌ mai. Kalu taꞌa, sona ami tao o bera na lena neme lahenda sira dua mai!” Basa de ara tipa heni Lot, boe ma ara tafaruu reu belaꞌ a, fo nau ralutu lelesu a.
478	GEN 19:20	Papa mete dei. Hapu koro anaꞌ esa, ta dooꞌ a neme iaꞌ mai fa. Koroꞌ ria ta nanuu sosoa-raraaꞌ hata-hata esa boeꞌ. De maneniko papa nau, sona ela leoꞌ bea na ami meu saka sodaꞌ nai naa.”
482	GEN 19:24	Kekeneu te, MANETUALAIN poꞌa aipilaꞌ no balerang, pila loa-loa neme lalai mai onda leo kota Sodom no Gomora.
484	GEN 19:26	Lot asa bei ralai, te sao na lipe dea na. Kekeneu te ana dadi dii masi so.
497	GEN 20:1	Basa ria boe ma, Abraham lali neme Mamre mai, leo dae Negeb neu nai pooꞌ ona, de leo nai koro Kades no Syur talada. Tehuu ta doo bea boeꞌ, te ana lali leo koro Gerar a neu bali.
503	GEN 20:7	Fee faliꞌ inaꞌ ria leo sao na neu. Ria nana Au lahenda manesimata Ka. De mafada ni fo hule-haradoi fee o, ela o bosoꞌ mate. Tehuu o ta fee faliꞌ inaꞌ ria fa, sona mafarene matalolole! Neuꞌ ko mate katemaꞌ o mo basa lahenda mara, ri naꞌ so.”
569	GEN 22:21	Ana uluꞌ a nade Us. Fadi nara nade Bus, Kemuel (fo riꞌ dadi Aram papa na),
570	GEN 22:22	Kesed, Haso, Pildas, Yidlaf, ma Betuel.
573	GEN 23:1	Sara maten neuꞌ teu ni natun esa duahulu hitu. Tepoꞌ fo mate ni a, Abraham asa leo rai koro Kiryat-Arba (riꞌ Hebron), nai dae Kanaꞌan. Abraham boreu, ma ana mete.
589	GEN 23:17	No ria na Abraham hapu Efron dae na, dadi neuꞌ ria nuhuun. Dae fo riꞌ nai Makpela, naneneaꞌ no Mamre (riꞌ Hebron). Ana asa na dae ria no oka-tinen, lea na, ma ai huu nara katemaꞌ. Basa lasi Het ara sakasii, rae dae ria no basa oe isin, nana Abraham nuhuun. Basa boe ma Abraham natoi Sara neuꞌ leaꞌ ria daleꞌ, nai dae Kanaꞌan.
594	GEN 24:2	Abraham nanuu lahenda kamahereꞌ esa, fo nafaduli ria hata-heton katemaꞌ. Laiꞌ esa boe ma Abraham naloo nan nae, “Nenene matalolole! Au hule o soo-supa, pake MANETUALAIN nade Na, fo riꞌ adu na lalai ma dae-bafoꞌ a. Soo-supa mae, o ta matane ana fetoꞌ neme lahenda Kanaꞌan ara mai, fo feen sao au ana ki Isak.
597	GEN 24:5	Basa de ata ria natane Abraham nae, “Ia, papa! Tehuu leoꞌ bea, kalu ana fetoꞌ ria ta nau tuka leo iaꞌ mai fa? Kalu leoꞌ na, sona au muste oo papa ka ana ma, neuꞌ naa fo sao, do leoꞌ bea?”
615	GEN 24:23	Basa boe ma ata a natane nae, “Nona, papa ma nade bea? Kalu bisa, sona au tuli fo suku nai papa ma uma na.”
629	GEN 24:37	Malaka ki Abraham nadenu au soo-supa ae, ‘O ta saka ana feto Kanaꞌan feen sao au ana ki Isak.
631	GEN 24:39	Basa de au atane malaka ka ae, ‘Kalu ana fetoꞌ ria ta nau tuka au fa, sona leo beaꞌ?’
642	GEN 24:50	Ata a dedea basa, boe ma Laban no Betuel rataa rae, “Kalu MANETUALAIN ator nan leoꞌ na, sona ami bei mae ubeaꞌ bali.
660	GEN 25:1	Abraham sao seluꞌ inaꞌ esa, nade Ketura.
661	GEN 25:2	Ketura boki fee ni anaꞌ. Nade nara siꞌ: Simran, Yoksan, Medan, Midian, Isbak, ma Sua.
663	GEN 25:4	Midian ana nara, siꞌ: Efa, Efer, Henok, Abida, ma Eldaa. Basa sira nana, Ketura tititi-nonosin.
664	GEN 25:5	Tepoꞌ fo Abraham bei nasoda a, ana bati fee Hagar no Ketura ana nara, esaꞌko noꞌ hata-heton. Basa de ana nadenu si, fo reu leo rai dae Kanaꞌan pooꞌ dulu, fo ela ara dooꞌ a reme ana ni Isak mai. Tehuu basa hata posaka nara, ana fee katemaꞌ asa leo Isak reu.
672	GEN 25:13	Ismael ana nara, touꞌ sanahulu dua. Nade nara ratutuka ao, neme uluꞌ a losa mateꞌa tei-susuꞌ a, siꞌ: Nebayot, Kedar, Adbeel, Mibsam, Misma, Duma, Masa, Hadad, Tema, Yetur, Nafis, ma Kedma. Anaꞌ sira dadi reuꞌ bei-baꞌi reme lahenda nusaꞌ sanahulu dua mai, esaꞌko noꞌ nusa-namon. Ara fee nusa-namo sira ranade tuka sira esaꞌko bei-baꞌin naden.
696	GEN 26:3	Maneniko o leo lalai muꞌ mamanaꞌ ria, neuꞌ ko Au sama-sama oo o, ma fee o ua-nale rupaꞌ ara. Neuꞌ ko Au tao a tititi-nonosi mara tamba dodouꞌ, sama leoꞌ ruuꞌ nai lalai. Ma Au fee o mo tititi-nonosim dae ia, no basa nusa nara katemaꞌ. Neme o tititi-nonosim mai, neuꞌ ko basa lahenda nusaꞌ nai dae-bafoꞌ a hapu ua-naleꞌ. No ria na, Au tao atetu hehelu Ka neuꞌ o papam Abraham.
775	GEN 28:1	Isak naloo na tutiꞌ Yakob, boe ma ana feen ua-naleꞌ ma lelea-nonoreꞌ nae, “Nenene matalolole! O bosoꞌ sao ana feto Kanaꞌan.
780	GEN 28:6	Esau namanene nae, Isak fee basa ua-naleꞌ neuꞌ Yakob so, ma horo ni fo bosoꞌ sao ana feto Kanaꞌan. Ana namanene boe, nae papa na nadenu fadi na so, fo neu sao toꞌo na ana feton esa nai Padan Aram.
782	GEN 28:8	Esau boe bubuluꞌ nae, papa na ta nahiiꞌ ria sao na, lahenda Kanaꞌan ara.
794	GEN 28:20	Basa ria, boe ma Yakob soo-supa nae, “Kalu Manetualain sama-sama, ma nanea nai au lalaꞌo ki ia, ma nahao-nafati au,
832	GEN 30:1	Tehuu Rahel bei ta hapu anaꞌ fa. Huu ria na, de namanasaꞌ aꞌa na. Boe ma dedea no sao na nae, “Aꞌa! Fee au anaꞌ dei! Kalu taꞌa, sona malole lenaꞌ au mate leo.”
856	GEN 30:25	Tepoꞌ fo Rahel boki Yusuf so, Yakob dedea no Laban nae, “Papa! Kalu bisa, sona au fali leo nusa-namo ka uu dei.
891	GEN 31:17	Basa de Yakob mulai nafafau hata-heto nara. Boe ma ana nasasaꞌe sao-ana nara basa si reuꞌ onta lain, ma foo neni katemaꞌ banda nara, ma hata-heto fo ana hapu nai Padan Aram, de ara fali leo dae Kanaꞌan reu.
901	GEN 31:27	Medaꞌ o malai mamanininoꞌ, ta mateꞌa sudi au boeꞌ! Kalu o mafada matalolole au, tantu au tao feta bauinaꞌ, fo afuli emi pake musik, besaꞌ ko poꞌi emi fo laꞌo.