96	GEN 4:16	Basa de Kaen laꞌo ela mamanaꞌ ria, de dooꞌ a nemeꞌ MANETUALAIN mai. Ana laꞌo losa mamanaꞌ esa nai oka Eden na pooꞌ dulu. Mamanaꞌ ria nade Nod. Sosoa na nae, ‘masararalaꞌ’. De ana leo neuꞌ na.
99	GEN 4:19	Lamek saon dua. Esa nade Ada, ma esa nade Sila.
102	GEN 4:22	Lamek saon Sila boki na Tubal Kaen. Ria tititi-nonosi nara mantutu besi, de ara tao hata rupaꞌ ara reme besi ma riti. Tubal Kaen feto na, nade Naꞌama.
105	GEN 4:25	Boe ma Adam saon Hawa boki seluꞌ ana touꞌ esa bali. Ara foi anaꞌ ria nade, Set (sosoa na nae, ‘loo fee’), huu fo Hawa nae, “Manetualain loo fee au anaꞌ ia so kati Habel, fo Kaen naisa ni so a.”
106	GEN 4:26	Doo-doo boe ma, Set hapu ana touꞌ esa, nade Enos. Tepoꞌ ria, besaꞌ ko lahenda ra mulai doꞌo-tabe neuꞌ MANETUALAIN.
109	GEN 5:3	Adam teun natun esa telu hulu, ana hapu ana touꞌ esa, rupa-lolen sama leoꞌ papa na. Boe ma ana foi anaꞌ ria, nade Set.
112	GEN 5:6	Tepoꞌ fo Set teun natun esa lima, boe ma ana hapu ana touꞌ esa, nade Enos.
113	GEN 5:7	Basa de Set bei nasoda seluꞌ teuꞌ natun falu ma hitu. Ana hapu seluꞌ ana touꞌ ma ana inaꞌ bali.
138	GEN 5:32	Tepoꞌ fo Noh teun natun lima, ana hapu ana touꞌ telu so, siꞌ Sem, Yafet ma Ham.
143	GEN 6:5	Tepoꞌ ria, MANETUALAIN nita lahenda dae-bafoꞌ a tadalu nara talalu so. Sira dale nara afi raroo adaꞌ noi tadaluꞌ.
147	GEN 6:9	Noh tutui na leo iaꞌ: Ria ana toun telu, siꞌ Sem, Yafet ma Ham. Noh nasoda roo-tetuꞌ, ta tao tadaluꞌ fa. Tepoꞌ ria adaꞌ noi ria riꞌ malole. Ana nasoda naneneaꞌ no Manetualain.
164	GEN 7:4	Mafarereneꞌ matalolole! Seluꞌ faiꞌ hitu, Au aꞌonda uda ta pake hahaeꞌ fa losaꞌ leledoꞌ haa hulu, ma hatuꞌ haa hulu. No ria na, Au amate katemaꞌ basa-basan riꞌ Au adu a si so, fo rasoda rai madaꞌ lain.”
173	GEN 7:13	Tehuu faiꞌ ria boe, Noh sao na, anan telus, siꞌ Sem, Yafet no Ham, ma manafeu nara, basa si masoꞌ leo ofaꞌ daleꞌ reu.
224	GEN 9:18	Noh ana nara fo kalua remeꞌ ofaꞌ a mai a, siꞌ Sem, Yafet ma Ham. (Ham nana, Kanaꞌan papa na).
228	GEN 9:22	Ham nita papa na poiraoꞌ, boe ma ana nalai deaꞌ neu, de nafada aꞌan Sem no Yafet.
232	GEN 9:26	Io-oa MANETUALAIN! Ela leoꞌ bea na, Ana fee ua-naleꞌ neuꞌ Sem! Tehuu ela leoꞌ bea na, Kanaꞌan dadi neuꞌ Sem atan.
233	GEN 9:27	Ela leoꞌ bea na, Manetualain namaloa Yafet oe-daen; Ma ria tititi-nonosi nara rasoda mole-dame ro Sem tititi-nonosin. Tehuu ela leoꞌ bea na, Kanaꞌan dadi neuꞌ Yafet atan.”
236	GEN 10:1	Basa faa inaꞌ a, boe ma Noh ana nara hapu tititi-nonosiꞌ. Siꞌ tititi-nonosiꞌ reme Sem, Yafet ma Ham.
242	GEN 10:7	Kus tititi-nonosi nara, siꞌ: Seba, Hawila, Sabta, Raema ma Sabteka. Raema tititi-nonosi nara, siꞌ: Syeba ma Dedan.
245	GEN 10:10	Masososa na ria nusa-namon mulai nemeꞌ Babel, Erek Akad ma Kalne. Sira basa si rai Sinear.
250	GEN 10:15	Kanaꞌan ana ulu na, riꞌ Sidon. Kanaꞌan boe dadi bei-baꞌi neme lahenda Het ara,
252	GEN 10:17	Hiwi, Arki, Sini,
253	GEN 10:18	Arwadi, Semari, ma Hamati. Kanaꞌan tititi-nonosin nara kofela rai basa mamanaꞌ ara,
254	GEN 10:19	losaꞌ sira dae nara ratoo mulai neme Sidon, naroo leo Gerar, losa Gasa. Neme naaꞌ mai leo Sodom, Gomora, Adma ma Seboim, losa nai Lasa.
255	GEN 10:20	Sira basa nana Ham tititi-nonosin. Esaꞌko noꞌ dedea nara, leo nara, ma oe-dae nara.
256	GEN 10:21	Yafet aꞌan Sem, dadi neuꞌ lahenda Eber ara bei-bain.
257	GEN 10:22	Sem tititi-nonosin siꞌ: Elam, Asyur, Arpaksad, Lud ma Aram.
259	GEN 10:24	Arpaksad ana na, riꞌ Sela. Sela ana na riꞌ, Eber.
261	GEN 10:26	Yoktan tititi-nonosin siꞌ: Almodad, Selef, Hasar-Mawet, Yera,
263	GEN 10:28	Obal, Abimael, Syeba,
265	GEN 10:30	Sira mamana leleo nara mulai neme Mesa naroo losa Sefar, riꞌ nai pooꞌ dulu fo mamana lete malelepiꞌ ara.
266	GEN 10:31	Basa sira nana, Sem tititi-nonosin nara. Esaꞌko noꞌ dedea nara, leo nara, ma oe-dae nara.
269	GEN 11:2	Tepoꞌ fo sira ruma mulai lali dulu reu, ara losa dae malekaꞌ esa nai Sinear, boe ma ara leo reuꞌ na.
277	GEN 11:10	Sem tititi-nonosin siꞌ iaꞌ. Tepoꞌ fo faa inaꞌ a hai basa teuꞌ dua, naraa laꞌe Sem teun natun esa, ana hapu ana touꞌ esa nade Arpaksad.
279	GEN 11:12	Arpaksad teun telu hulu lima, ana hapu ana touꞌ esa nade Sela.
281	GEN 11:14	Sela teun telu hulu, boe ma ana hapu ana touꞌ esa nade, Eber.
282	GEN 11:15	Basa ria boe ma, Sela bei nasoda seluꞌ teuꞌ natun haa telu, ana hapu tamba seluꞌ ana touꞌ ma ana inaꞌ.
287	GEN 11:20	Rehu teun telu hulu dua, ana hapu ana touꞌ esa nade, Seruk.
289	GEN 11:22	Seruk teun telu hulu, ana hapu ana touꞌ esa, nade Nahor.
290	GEN 11:23	Seruk bei nasoda seluꞌ teuꞌ natun dua, ma ana hapu tamba seluꞌ ana touꞌ ma ana inaꞌ.
296	GEN 11:29	Abram sao Sarai. Nahor sao Haran ana feto na nade Milka. Haran boe hapu ana touꞌ esa nade Yiska.
297	GEN 11:30	Tehuu Sarai tedi ni, de ta bisa boki fa.
298	GEN 11:31	Laiꞌ esa de, Tera no anan Abram, manafeun Sarai, ma upun Lot, ara laꞌo ela koro Ur. Ara nau leo dae Kanaꞌan reu. Tehuu ara losa nusa Haran, boe ma ara leo reuꞌ na.
303	GEN 12:4	Tepoꞌ ria, Abram teun hituhulu lima. Ana noo saon Sarai, fadi na ana manen Lot, ma basa hata pusaka nara, no basa lahenda manoi fo ana hapu nai kota Haran. Boe ma Abram asa laꞌo ela Haran, de leo mamanaꞌ fo MANETUALAIN nafadan ni a. De ara laꞌo raroo losa mamanaꞌ esa, nade Kanaꞌan.
305	GEN 12:6	Losa na boe ma, Abram laꞌo nafeo basa dae ria, losaꞌ nananeaꞌ no koroꞌ esa nade Sikem. Basa de ara leo lalai reuꞌ na, raneneaꞌ ai huu inaꞌ esa nai More. Tepoꞌ ria, lahenda Kanaꞌan ara bei leo rai naa.
310	GEN 12:11	Ara sakaꞌ masoꞌ leo dae Masir a reu, Abram nafada saon nae, “Sarai. O napuꞌ mesan.
313	GEN 12:14	Abram asa losa Masir so, boe ma lahenda ra rita Sarai napuꞌ mesan.
315	GEN 12:16	De maneꞌ a malole no Abram, nana huu Sarai. Boe ma maneꞌ a parseen fee Abram banda, leo-leoꞌ bibi-lopo, kedaeꞌ, sapi, keledei, ma onta. Ana parseen fee ni ata touꞌ ma inaꞌ boe.
329	GEN 13:10	Basa de Lot memete naleleiꞌ. Boe ma ana nita lee Yarden bafaꞌ a oe-oe mesan losa koro Soar. Mamanaꞌ ria dae mandadiꞌ, sama leoꞌ MANETUALAIN oka Na, ma sama leoꞌ dae Masir. (Tepoꞌ ria, Manetualain bei ta nalulutuꞌ Sodom no Gomora. De dae ria bei malole a.)
331	GEN 13:12	Tehuu Abram leo nahaniꞌ dae Kanaꞌan. Basa de Lot neu leo nai koroꞌ fo raneneaꞌ kota Sodom, nai Yarden bafaꞌ a.
332	GEN 13:13	Tehuu lahenda Sodom ara, nana tadalu heta. Ma ara ta nau ramanene neuꞌ MANETUALAIN.
333	GEN 13:14	Lot no Abram rasidaꞌ so, boe ma MANETUALAIN nafada Abram nae, “Abram! Soba o mete maleleiꞌ basa mamanaꞌ ara, nemeꞌ mamanaꞌ fo o mapadeiꞌ ria a. Mete matalolole, dea-mataꞌ, ii-onaꞌ.
338	GEN 14:1	Tepoꞌ ria, maneꞌ haa rabua. Siꞌ Amrafel, mane nusa Sinear. Ariok, mane nusa Elasar. Kedarlaomer, mane nusa Elam. Ma Tideal, mane nusa Goyim.
339	GEN 14:2	Tepoꞌ ria boe, mane fekeꞌ lima rabua. Siꞌ Bera, mane nusa Sodom. Birsa, mane nusa Gomora. Sinab, mane nusa Adema. Semeber, mane nusa Siboim. Ma mane nusa Bela (fo riꞌ nusa Soar). Basa de, mane kahaaꞌ ara ratati soaꞌ mane feke kalimaꞌ ara.
340	GEN 14:3	Mane kalimaꞌ sira rabua ro sira soldadu nara nai Sidim bafaꞌ a (fo besaꞌ ia rae, Tasi Mates).
342	GEN 14:5	Masoꞌ teu kasanahulu haa na, boe ma mane Kedarlaomer no tia-lai mane kateluꞌ sira, roo soldadu nara mai. Boe ma ara ratati raseki nusaꞌ hida. Siꞌ: lahenda Refaim rai nusa Asterot-Karnaim, lahenda Susim rai nusa Ham, lahenda Emim rai nusa Sawe-Kiryatim,
343	GEN 14:6	ma lahenda Hori fo rai lete Seir, losa neuꞌ mamana lino-nees El Paran suu na.
345	GEN 14:8	Basa ria, boe ma mane kalimaꞌ sira ator soldadu nara nai Sidim bafaꞌ a, de ara ratati soaꞌ mane kahaaꞌ sira.
347	GEN 14:10	Nai bafaꞌ ria, hapu dano ter dodouꞌ. Ara ratati a, nana mane Sodom no Gomora roo basa soldadu nara ralai heni ao nara. Sira ruma tuda rala dano ter daleꞌ. Ma ruma ralai leo leteꞌ reu.
348	GEN 14:11	De mane kahaaꞌ fo raseki a, ara ralea reni basa hata-heto, ma nanaaꞌ nemeꞌ Sodom no Gomora mai. Basa boe ma ara mulai fali reus.
349	GEN 14:12	Tehuu Abram anan Lot leo nai Sodom. Basa de, mane kahaaꞌ siraꞌ hopu roo Lot asa, ma ralea reni basa hata-heto nara.
350	GEN 14:13	Tehuu lahenda esa nalai na aon. Boe ma ana nalai neu tui Abram, lahenda Ibrani a. Tepoꞌ ria hapu lahenda Amori esa nade Mamre. Abram leo naneneaꞌ nai Mamre ai huu bau-ina nara. Mamre toranoo nara siꞌ Eskol ma Aner. Sira nana, dadi reuꞌ Abram partei na.
351	GEN 14:14	Abram namanene nae lahenda ra hopu ro fadi na ana na so, boe ma ana nabua na lahenda mananoin fo ratati ralelaꞌ a. Sira basa, lahenda natun telu sanahulu falu. Basa de ara reu usi mane kahaaꞌ sira losa doo inaꞌ a nai koro Dan pooꞌ ii.
354	GEN 14:17	Abram naseki mane kahaaꞌ sira, de ana fali. Boe ma mane Sodom mai soruꞌ Abram nai Sawe bafaꞌ a (fo lahenda biasa hule rae, Maneꞌ Bafaꞌ a).
355	GEN 14:18	Tepoꞌ ria, Melkisedek dadi mane nai kota Salem. Ma ria boe malaka agama nemeꞌ Manetualain Madema Nan Seli. Ana mai fo neni fee Abram roti no oe anggor.
356	GEN 14:19	Basa boe ma ana dedea fee Abram ua-naleꞌ nae, “Ela leoꞌ bea na, Manetualain Madema Nan Seli, fo adu na lalai ma dabafoꞌ a, fee ua-naleꞌ neuꞌ o. Io-oa Manetualain, fo riꞌ tao na o maseki musu mara.” Basa ria boe ma, Abram bati fee Melkisedek babatiꞌ esa neme babatiꞌ sanahulu, nemeꞌ basa hata fo ralea faliꞌ a.
358	GEN 14:21	Basa ria boe ma, mane Sodom naloloe aon neuꞌ Abram nae, “Papa Abram. Basa hata-heto fo papa ka malea faliꞌ reme au musu kara mai a, ela leoꞌ bea na papa ka soa katemaꞌ asa. Tehuu au hule faliꞌ adaꞌ noi lahenda kara.”
359	GEN 14:22	Tehuu Abram nataa nae, “Au soo-supu nai Manetualain Madema Nan Seli mata na, fo manaadu lalai ma dae-bafoꞌ a,
366	GEN 15:5	Boe ma Ana noo Abram deaꞌ neu, basa de Ana nae, “Besaꞌ ia o mete leo lalai mu. Soba o mete ruuꞌ sira. O bisa reke mala si? O tititi-nonosi mara neuꞌ ko dedesi nara sama leoꞌ ruuꞌ sira!”
383	GEN 16:1	Tepoꞌ ria, Abram fali neme Masir mai, de leo teuꞌ sanahulu nai Kanaꞌan so. Sao ni Sarai bei ta hapu anaꞌ fa. Sarai nanuu ata inaꞌ esa, lahenda Masir, nade Hagar. Laiꞌ esa boe ma, Sarai dedea no Abram nae, “Papa! MANETUALAIN ta fee au boki soꞌ. Malole lenaꞌ papa ka mu suku moꞌ au ata ki Hagar, ela ana boki fee au.” Boe ma Abram tuka sao na nafada na. Basa de Sarai fee Hagar leo Abram neu fo dadi sao muri na.
386	GEN 16:4	Basa de, Abram neu suku noꞌ Hagar, boe ma inaꞌ ria nairu. Tehuu Hagar bubuluꞌ nae ana nairu so, boe ma ana koa ao, de ta hika-hadaꞌ neuꞌ Sarai.
387	GEN 16:5	Boe ma Sarai dedea no Abram nae, “Au riꞌ fee ata ria fo dadi neuꞌ sao muri ma. Tehuu inaꞌ ria bubuluꞌ nae nairu, boe ma ana ta hika-hadaꞌ au soꞌ. Basa ia ra nana o salam. Nemeꞌ na fo MANETUALAIN naetuꞌ ita dua dedea na. Besaꞌ ko o bubuluꞌ!”
388	GEN 16:6	Abram nataa nae, “Leo iaꞌ! O ia, nana au sao ulu ka. Tehuu ria adaꞌ noi sao muriꞌ! De o riꞌ pareta ni. De o mae tao ni leoꞌ bea, nemeꞌ o mai!” Boe ma Sarai piruꞌ-piru no Hagar, losaꞌ ana nalai heni aon.
389	GEN 16:7	Hagar nalai losa nai manana lino-nees. Boe ma MANETUALAIN eilaꞌo-limalopen esa neme nusatetu-ikutemaꞌ a mai, naneta noo ni naneneaꞌ oe mataꞌ nai enoꞌ fo leo Sur neu.
390	GEN 16:8	Basa de ana nae, “Ae! Hagar, Sarai atan! Ubeaꞌ taon de o nai ia? O meme beaꞌ mai, ma sakaꞌ leo beaꞌ mu?” Hagar nataa nae, “Au alai ela au ina mane ka!”
399	GEN 17:1	Abram teun siohulu sio, boe ma MANETUALAIN mai natudu Ao Na neuꞌ ana. Ana dedea nae, “Au ia Manetualain Manakuasa Nan Seli. O muste tuka maroo Au hihii-nanau ka, ma masoda no roo-tetuꞌ.
409	GEN 17:11	Besaꞌ ia, basa touꞌ ara mulai nemeꞌ faiꞌ falu mai, muste sunat. O kileoboboki mara, ma lahenda manoi-mantao mara, ma ata fo o asa nemeꞌ nusa fekeꞌ a mai, basan muste sunat. Sunat ia nanadadi tanda neuꞌ ita dua hehelun, fo dite nahere neuꞌ emi ao-ina mara.
413	GEN 17:15	Basa ria boe ma, Manetualain dedea naroo nae, “Mulai besaꞌ ia, o bosoꞌ boe maloo sao ma mae Sarai, tehuu maloon mae Sara.