2	GEN 1:2	Tepoꞌ ria, dae-bafoꞌ a bei ta dadi fa. Basan bei taohiro-taohari. Hapu noi oe. Ma maiu-inaꞌ napoti nan. Manetualain Dula-dale na laꞌo-laꞌo nai oe ria lain.
4	GEN 1:4	Nita makaledoꞌ ria, boe ma dale na namahoꞌo, nana huu hata fo Ana adu a, tebe malole. Basa de Ana tada makaledoꞌ ria nemeꞌ maꞌiuꞌ a mai, de esaꞌko noꞌ ledo-fain.
26	GEN 1:26	Basa de Manetualain dedea bali, nae, “Mai fo Ita adu-tao lahenda tuka Ita rupa-lolen. Fo ela ara rafaduli ma ator basa ikaꞌ rai tasiꞌ a, basa manupuiꞌ rai lalai, basa banda aeꞌ, ma basa banda fekeꞌ fo rasoda rai dae-bafoꞌ a.”
27	GEN 1:27	Boe ma Ana adu-tao lahenda tuka Ria rupa-lolen. Ana adu-tao naa si, touꞌ no inaꞌ.
36	GEN 2:5	bei ta hapu parusa hata-hata esa boeꞌ, nana huu Ana bei ta naondaꞌ uda fa. Tepoꞌ ria, hapu adaꞌ noi masuꞌ neme dae a mai fo naꞌoe dae-bafoꞌ a. Ma bei ta hapu lahenda tao oka-tine.
40	GEN 2:9	Nai okaꞌ ria daleꞌ, Ana namomoriꞌ na ai huu malole rupaꞌ ara so, fo lahenda bisa raa no mina-malada. Ana namomoriꞌ na ai huuꞌ rupaꞌ dua rai okaꞌ ria talada. Maneniko lahenda naa ai huuꞌ sira esa boa na, ana nasoda naroo. Tehuu maneniko lahenda naa ai huuꞌ esa boa na bali, sona ana bisa bubuluꞌ nae bea riꞌ malole ma bea riꞌ tadaluꞌ.
82	GEN 4:2	Basa boe ma, Hawa boki seluꞌ ana touꞌ esa bali. Boe ma ana foin nade, Habel. Dua si rambau-ina boe ma, Habel foo banda, ma Kaen tao oka-tine.
85	GEN 4:5	Tehuu Ana ta nahiiꞌ Kaen no tutunu-hohotun ria. Boe ma Kaen namanasa naan seli, losaꞌ mata-idun rutuꞌ-rutu.
107	GEN 5:1	Tepoꞌ fo Manetualain adu lahenda, Ana taon tuka Ria rupa-lolen, sama leoꞌ ao-ina na. Ana adu naa si, touꞌ no inaꞌ. Ana nanade si nae, “lahenda”, ma Ana fee si ua-naleꞌ. Lahenda masososaꞌ a, nade Adam. Adam tititi-nonosin, nade nara siꞌ iaꞌ:
151	GEN 6:13	Basa de Manetualain nafada Noh nae, “Nai mamanaꞌ bea-bea oo, Au ita adaꞌ noi lahenda a tadalu nara. De Au aetuꞌ so ae, Au nau tao alulutuꞌ dae-bafoꞌ ia no basa oe-isin.
209	GEN 9:3	Emi bole mia basa banda sira paa nara, sama leoꞌ emi boe bole mia parusa ra buna-boan. Basa ia ra, Au fee si reuꞌ emi.
226	GEN 9:20	Noh nana lahenda maue-maosa. Ria riꞌ tao masososa oka anggor.
230	GEN 9:24	Noh mamafu na mulai mopon, besaꞌ ko ria bubuluꞌ nae ana mateꞌa tei-susu na, nonoi-tataon.
233	GEN 9:27	Ela leoꞌ bea na, Manetualain namaloa Yafet oe-daen; Ma ria tititi-nonosi nara rasoda mole-dame ro Sem tititi-nonosin. Tehuu ela leoꞌ bea na, Kanaꞌan dadi neuꞌ Yafet atan.”
236	GEN 10:1	Basa faa inaꞌ a, boe ma Noh ana nara hapu tititi-nonosiꞌ. Siꞌ tititi-nonosiꞌ reme Sem, Yafet ma Ham.
249	GEN 10:14	Patrusim, Kasluhim, ma Kaftorim. Lahenda Kasluhim, nana lahenda Filistin nara bei-baꞌin.
255	GEN 10:20	Sira basa nana Ham tititi-nonosin. Esaꞌko noꞌ dedea nara, leo nara, ma oe-dae nara.
256	GEN 10:21	Yafet aꞌan Sem, dadi neuꞌ lahenda Eber ara bei-bain.
300	GEN 12:1	Tepoꞌ ria, MANETUALAIN dedea no Abram so nae, “Abram! O kalua laꞌo ela kileoboboki mara, papa ma uma-loon, ma o koro-tadum. O leo mamanaꞌ esa mu, neuꞌ ko Au atudun neuꞌ o.
301	GEN 12:2	Neuꞌ ko Au fee o ua-naleꞌ. Ma o tititi-nonosi mara neuꞌ ko tamba dodouꞌ, ma ara dadi reuꞌ lahenda nusa kahereꞌ, losaꞌ basa lahenda ra ralelaꞌ o nade ma. Basa te, neuꞌ ko o dadi ua-naleꞌ fee lahenda fekeꞌ.
302	GEN 12:3	Neuꞌ ko Au fee ua-naleꞌ neuꞌ lahenda fo fee o ua-naleꞌ. Tehuu Au fee kutuk neuꞌ lahenda fo fee o kutuk. Nenene matalolole! Huu fo neuꞌ ko basa lahenda nusaꞌ nai dae-bafoꞌ a hapu ua-naleꞌ nana huu o.”
321	GEN 13:2	Abram namasuꞌi naan seli. Banda-manun, ma lilopilas, lilofula ni dodou-inaꞌ.
333	GEN 13:14	Lot no Abram rasidaꞌ so, boe ma MANETUALAIN nafada Abram nae, “Abram! Soba o mete maleleiꞌ basa mamanaꞌ ara, nemeꞌ mamanaꞌ fo o mapadeiꞌ ria a. Mete matalolole, dea-mataꞌ, ii-onaꞌ.
336	GEN 13:17	Besaꞌ ia o laꞌo rule-feo dae ria tuka loloa-nanarun. Huu fo basa sira neuꞌ ko Au fee si reuꞌ o!”
344	GEN 14:7	Basa de, ara ratafali leo En Mispat reu (besaꞌ ia nade Kades). Basa boe ma ara ralulutuꞌ lahenda Amalek ara nusa na, ma lahenda Amori, fo leo rai nusa Haseson-Tamar.
363	GEN 15:2	Tehuu Abram nae, “Oo Manetualain! Leo mae Manetualain nau fee au hata dodouꞌ boe, ta nanuu sosoa-raraaꞌ hata esa boeꞌ. Huu fo au ta anuu anaꞌ ela fee au tititi-nonosiꞌ. De nau hapu posakaꞌ dodou-inaꞌ, fo tao ubeaꞌ? Mae tao leoꞌ bea boe, au ata ki Eliasar neme Damsik mai, riꞌ hapu katemaꞌ asa.”
374	GEN 15:13	Basa de Manetualain nafada ni nae, “Abram! Neuꞌ ko o masoda losaꞌ mamalasi man seliꞌ, ma o mate no mole-dame, ma ratoi o no malole. Tehuu o tititi-nonosi mara neuꞌ ko reu tai nai lahenda fekeꞌ ara nusa-namon. Neuꞌ ko lahenda nusaꞌ ria tao si dadi ata, ese-rumu tao doidoso si losa teuꞌ natun haa. Tehuu neuꞌ ko Au huku lahenda nusaꞌ ria. Basa te Au o faliꞌ tititi-nonosi mara kalua reme naaꞌ mai, ma reni hata posakaꞌ dodou-inaꞌ.
389	GEN 16:7	Hagar nalai losa nai manana lino-nees. Boe ma MANETUALAIN eilaꞌo-limalopen esa neme nusatetu-ikutemaꞌ a mai, naneta noo ni naneneaꞌ oe mataꞌ nai enoꞌ fo leo Sur neu.
399	GEN 17:1	Abram teun siohulu sio, boe ma MANETUALAIN mai natudu Ao Na neuꞌ ana. Ana dedea nae, “Au ia Manetualain Manakuasa Nan Seli. O muste tuka maroo Au hihii-nanau ka, ma masoda no roo-tetuꞌ.
402	GEN 17:4	“Au heke hehelu-barataaꞌ neuꞌ o, leo iaꞌ: neuꞌ ko o dadi mu lahenda nai nusaꞌ dodouꞌ bei-baꞌin. Huu ria na, de o ta nade Abram soꞌ (sosoa na nae, ‘amaꞌ fo nade na bau-inaꞌ’), tehuu nade Abraham (sosoa na nae, ‘lahenda nai nusaꞌ dodouꞌ bei-baꞌin’).
405	GEN 17:7	Au homu aroo hehelu-barataa ka neuꞌ o ma tititi-nonosim. Hehelu-barataaꞌ ia ta etu-basan fa, huu fo Au ia nana, o mo tititi-nonosim Manetualain ma.
406	GEN 17:8	Dae Kanaꞌan ia neuꞌ ko Au fee katemaꞌ ana neuꞌ o mo tititi-nonosim. Besaꞌ ia o adaꞌ noi leo lalai maiꞌ ia. Tehuu neuꞌ ko, o tititi-nonosim ranuu dae Kanaꞌan ia losaꞌ dodoo na neu. Ma Au dadi uꞌ sira Manetualain na.
414	GEN 17:16	Neuꞌ ko Au fee ua-naleꞌ dodouꞌ neuꞌ Sara, ela ana boki fee o ana touꞌ esa. Tebe! Neuꞌ ko Sara dadi neuꞌ lahenda nai nusaꞌ dodouꞌ bei-baꞌin. Ma neuꞌ ko Au soꞌu a maneꞌ dodouꞌ reme ria tititi-nonosin mai.”
444	GEN 18:19	Au here an so, fo nanori ana nara ma lahenda fekeꞌ ara, ela tuka raroo MANETUALAIN eno-dalan, ela rasoda no dale roo-tetuꞌ. Maneniko ara tao leo naꞌ, sona Au atetu hehelu-barataa ki neuꞌ Abraham.”
486	GEN 19:28	Ana lalanda leo Sodom no Gomora, ma basa bafaꞌ sira neu. Ana mete, te nai bea-bea oo, ai masuꞌ a kaboboa leo lalai neu. Ma aipilaꞌ a naa heni basa-basan.
495	GEN 19:37	Ana uluꞌ a boki na ana touꞌ esa. Boe ma ana foin nade, Moab (hiiꞌ nae sama leoꞌ dedeaꞌ fekeꞌ esa, fo sosoa na nae, ‘neme papa ka mai’). Ria riꞌ besaꞌ ia dadi neuꞌ lahenda Moab ara bei-baꞌin.
496	GEN 19:38	Basa boe ma ana muriꞌ a boki na ana touꞌ esa. Ana foin nade, Ben Ami (sosoa na nae, ‘anaꞌ neme au lahenda ka’). Ria nana riꞌ besaꞌ ia dadi neuꞌ lahenda Amon ara bei-baꞌin.
522	GEN 21:8	Isak boe-boe nambau-ina. Fai fo sakaꞌ fila ni, Abraham tao feta bau-inaꞌ.
541	GEN 21:27	Boe ma Abraham no Abimelek heke hehelu-barataaꞌ. Abraham heo fee maneꞌ a sapi ma bibi-lopo. Boe ma ana heo tamba seluꞌ bibi-lopo tenaꞌ hitu.
548	GEN 21:34	Basa boe ma Abraham leo namanoso nai lahenda Filistin ara nusa-namon.
555	GEN 22:7	boe ma Isak naloo papa na nae, “Papa!” Abraham nataa nae, “Ubeaꞌ, Isak?” Isak natane tutiꞌ a nae, “Papa. Ita sakaꞌ tao tutunu-hohotuꞌ. Ai natutuꞌ ma aipilaꞌ nai ia so. Tehuu bibi-lopo anaꞌ fo ita pake ni dadi tutunu-hohotuꞌ, nana nai bea?”
557	GEN 22:9	Ara losa rai mamanaꞌ fo Manetualain nafada so a, boe ma Abraham lutu batu, fo tao mamana tutunu-hohotuꞌ. Basa de ana hai na ai natutuꞌ ara, naduduru si reuꞌ batu lain. Boe ma puputu na ana na, de fee ni napeuꞌ naleka neuꞌ ai natutuꞌ lain.
565	GEN 22:17	Au fee ua-naleꞌ dodouꞌ neuꞌ o mo tititi-nonosim. Neuꞌ ko ara ramefu losaꞌ ta hapu lahenda reke rala si, sama leoꞌ ruuꞌ ara rai lalai, ma soroaeꞌ nai tasiꞌ a suu na. Neuꞌ ko upu-ana mara raseki musu nara.
578	GEN 23:6	“Leo iaꞌ, papa! Doo-naru basa ia nana, ami tao papa sama leoꞌ lahenda lasiꞌ esa, de ami hadaꞌ ma papa seli. Papa here leo, dae bea riꞌ malole a naan seli, fo raa laꞌe papa hihii-nanaum. Ami sipo-sipoꞌ mesan, ta tipa fa.”
592	GEN 23:20	No ria na okaꞌ ria, ma lea na fo maulu na lahenda Het ara daen, besaꞌ ia dadi neuꞌ Abraham nuhuun so, de ana taon dadi neuꞌ mamana roo-rates.
593	GEN 24:1	Abraham teu-fain loa-naruꞌ, losaꞌ namalasi naan seli so. Ma MANETUALAIN nanea natalolole ni, de feen nasoda no mole-dame.
604	GEN 24:12	Ata a hule-haradoi nae, “MANETUALAIN, fo au malaka ki Abraham Manetualain a. Soi enoꞌ fo ela au leleo-lalaꞌo ki ia neni buna-boaꞌ. Manetualain matudu dale malole ma neuꞌ au malaka ka, ma mafarereneꞌ hehelu na neuꞌ au. Ela leoꞌ bea na au aneta o ana fetoꞌ fo riꞌ neuꞌ ko dadi neuꞌ Isak sao na.
613	GEN 24:21	Abraham ata na napadeiꞌ nee-nee, ma nanilu nahere ana fetoꞌ a nonoi-tataon. Ana aafi nae, “Ana fetoꞌ ia riꞌ Manetualain heren, do?”
623	GEN 24:31	Laban dedea nae, “Toꞌo! MANETUALAIN napipi-nalalaꞌo noo toꞌo ka losa ia no soda-moleꞌ. Bosoꞌ mapadeiꞌ mahaniꞌ deaꞌ ia! Mai leo ami umam teu. Ami sadia ma kama so. Nanaaꞌ soaneuꞌ toꞌo ka onta mara nana heta.”
627	GEN 24:35	MANETUALAIN fee ua-naleꞌ dodouꞌ neuꞌ au malaka ka so, losaꞌ ana namasuꞌi naan seli. Manetualain pala-bati feen lilopilas, lilofula, ata inaꞌ ma ata touꞌ, banda-manuꞌ dodouꞌ: sapi, onta, keledei, kedaeꞌ, ma bibi-lopo.
634	GEN 24:42	Bisinaaꞌ a au losa nai oe dodoluꞌ a, au hule-haradoi nai dale ka ae, ‘MANETUALAIN, Au malaka ki Abraham Manetualain na. Soi enoꞌ fo ela leoꞌ bea na au leleo-lalaꞌo ki ia neni buna-boa. Ela leoꞌ bea na au aneta o ana fetoꞌ fo dadi neuꞌ Isak sao na.
641	GEN 24:49	De besaꞌ ia, kalu papa kasa nau matudu dale susue mara neuꞌ au malaka ki Abraham, sona mafada au ledo-ledo leo. Ma kalu taꞌa boe, mafada ledo-ledo. Ela au bubuluꞌ ae muste tao ubeaꞌ.”
651	GEN 24:59	Boe ma ara poꞌi Ribka, ma ria ata inan fo riꞌ anutun neme ananan ria mai, fo roo Abraham ata na reu belaꞌ a. Ara dedea fee Ribka ua-naleꞌ rae, “Ribka! Ami mamahehenaꞌ Manetualain fee o boki ma dodouꞌ, fo o tititi-nonosim dadi rifu-natun. Ma ami boe mamahehenaꞌ o tititi-nonosi mara raseki musu ra.”
657	GEN 24:65	Ana natane Abraham ata na nae, “Toꞌo! Touꞌ fo laꞌo mata mai riꞌ eleꞌ a, bea ria?” Ata a nataa nae, “Ria nana au mane ana ka.” Boe ma Ribka hai na lafa ana na, de lalaa etu mata-idun.
663	GEN 25:4	Midian ana nara, siꞌ: Efa, Efer, Henok, Abida, ma Eldaa. Basa sira nana, Ketura tititi-nonosin.
664	GEN 25:5	Tepoꞌ fo Abraham bei nasoda a, ana bati fee Hagar no Ketura ana nara, esaꞌko noꞌ hata-heton. Basa de ana nadenu si, fo reu leo rai dae Kanaꞌan pooꞌ dulu, fo ela ara dooꞌ a reme ana ni Isak mai. Tehuu basa hata posaka nara, ana fee katemaꞌ asa leo Isak reu.
670	GEN 25:11	Abraham mate ni, basa boe ma Manetualain fee ua-naleꞌ neuꞌ Isak, losaꞌ ana nasoda no mole-dame. Tepoꞌ ria, Isak leo naneneaꞌ oe dodoluꞌ esa, nade Beer Lahai Roi.
672	GEN 25:13	Ismael ana nara, touꞌ sanahulu dua. Nade nara ratutuka ao, neme uluꞌ a losa mateꞌa tei-susuꞌ a, siꞌ: Nebayot, Kedar, Adbeel, Mibsam, Misma, Duma, Masa, Hadad, Tema, Yetur, Nafis, ma Kedma. Anaꞌ sira dadi reuꞌ bei-baꞌi reme lahenda nusaꞌ sanahulu dua mai, esaꞌko noꞌ nusa-namon. Ara fee nusa-namo sira ranade tuka sira esaꞌko bei-baꞌin naden.
696	GEN 26:3	Maneniko o leo lalai muꞌ mamanaꞌ ria, neuꞌ ko Au sama-sama oo o, ma fee o ua-nale rupaꞌ ara. Neuꞌ ko Au tao a tititi-nonosi mara tamba dodouꞌ, sama leoꞌ ruuꞌ nai lalai. Ma Au fee o mo tititi-nonosim dae ia, no basa nusa nara katemaꞌ. Neme o tititi-nonosim mai, neuꞌ ko basa lahenda nusaꞌ nai dae-bafoꞌ a hapu ua-naleꞌ. No ria na, Au tao atetu hehelu Ka neuꞌ o papam Abraham.
705	GEN 26:12	Tepoꞌ ria, Isak naue-naosa nai nusaꞌ ria boe. Boe ma ana hapu faliꞌ buna-boaꞌ, laꞌi natun esa, nana huu MANETUALAIN bati-pala fee ni ua-naleꞌ.
717	GEN 26:24	Hatun ria, boe ma MANETUALAIN natudu Ao na neuꞌ ana ma dedea nae, “Isak! Au ia nana o papam Abraham Manetualain a. De, o bosoꞌ bii, huu fo Au anea-asalaꞌe o. Neuꞌ ko Au fee o ua-naleꞌ. Ma o tititi-nonosim neuꞌ ko tamba dodouꞌ. Au tao leo iaꞌ, nana huu Au hehelu ka neuꞌ o papa ma.”
722	GEN 26:29	neuꞌ ko emi ta tao tadaluꞌ neuꞌ ami, sama leoꞌ ami boe ta tao tadaluꞌ neuꞌ emi. Tebe ami dale mara malole a mo emi. Huu ria na, faiꞌ naa ra emi kalua memeꞌ ami dae ma mai no mole-dame. Ami bubuluꞌ matetuꞌ so, MANETUALAIN riꞌ fee emi ua-naleꞌ.”
724	GEN 26:31	Balahaaꞌ, balahaa ana na, boe ma ara soo-supa. Basa boe ma Isak fee si fali no mole-dame.
732	GEN 27:4	Basa nana tunu-nasu mina-malada tuka au au hihii ka, fo muni fee au. Au ua basa, besaꞌ ko au fee memaꞌ o ua-naleꞌ. Maneniko fee basa ua-naleꞌ neuꞌ o, leo mae au mate boe malole.”
756	GEN 27:28	Ela leoꞌ bea na Manetualain naonda dinis a neme lalai mai, fo tao na o oka-tine mara dae na, namina! Ela leoꞌ bea na Ana fee o hade dodou-inaꞌ, ma anggor boaꞌ henu-sofeꞌ.
765	GEN 27:37	Basa boe ma Isak nataa nae, “Au soꞌu an dadi neuꞌ o malaka ma so. Ma basa toranoo nara, dadi reuꞌ ria atan. Au feen hade no anggor dodou-inaꞌ, ma anggor henu-sofeꞌ. De ana ki on, ee! Besaꞌ ia bei hapu ua-nale ubeaꞌ bali, fo au fee o?”
778	GEN 28:4	Ela leoꞌ bea na Manetualain hehehelu-barataan neuꞌ Abraham a tuda leo o neu, ma o tititi-nonosim. Ela leoꞌ bea na o soa dae ia, fo riꞌ Manetualain helu basa feen neuꞌ Abraham so.”
788	GEN 28:14	Neuꞌ ko o tititi-nonosim dedesi na sama leoꞌ afu-dae. Ma neuꞌ ko ara kofela nai basa mamanaꞌ ara. Neme o tititi-nonosim mai, neuꞌ ko basa lahenda nusaꞌ nai dae-bafoꞌ a hapu ua-naleꞌ.
802	GEN 29:6	Boe ma Yakob natane naroo bali nae, “Ana soda-moleꞌ, do?” Ara rataa rae, “Tou lasiꞌ a soda-moleꞌ. Soba mete. Ana feto na riꞌ naꞌ, nade Rahel, foo neni bibi nara, mai fo hani si rai ia. O mahani leo.”
813	GEN 29:17	Lea mata makanaroꞌ. Tehuu Rahel sona napuꞌ mesan, ma ao-ina na deseꞌ-dese.
848	GEN 30:17	Basa de Manetualain namanene Lea huhule-haradoin. Huu ria na, ana nairu de boki ana tou kalima a.
863	GEN 30:32	Fee au lelaꞌ, fo faiꞌ ia boe uu dama papa ka banda mara, fo here kedaeꞌ ma bibi-lopo. Ta dedetaꞌ, ma ta baraetaꞌ ara, sona papa ka num sira. Tehuu dedetaꞌ, ma baraetaꞌ ara, sona au soa sira. Ma au hai a katemaꞌ bibi-lopo keoꞌ ara. Basa sira nana lole leoꞌ bae neuꞌ au sosota ka.
881	GEN 31:7	Tehuu leo mae leoꞌ na boe, ana bei tipu namiminaꞌ au kose-kose. Ana kati au seseba-babae ka losaꞌ laiꞌ sanahulu. Leo mae leoꞌ na boe, Manetualain nanea nahere au.
914	GEN 31:40	Leledoꞌ, sona ledo a haa na au seliꞌ. Hatuꞌ, sona au dere sauꞌ-sauꞌ. Au mete mata isi ka losaꞌ ta bisa suku fa, nana huu anea toꞌo ka banda mara.
918	GEN 31:44	De malole lenaꞌ ita dua heke hehelu-barataaꞌ. Ma ita muste tasoda tuka heheluꞌ ria.”
925	GEN 31:51	Soba mete maneni batu mapadedeiꞌ ma maunuꞌ ia ra. Mafarereneꞌ batu ia ra boe, dadi too-lane. O ta bole kani seli batu ia ra, fo tao tadaluꞌ au. Ma au boe ta bole kani seli batu ia ra, fo tao tadaluꞌ neuꞌ o.
938	GEN 32:10	Basa boe ma Yakob hule-haradoi nae, “Oo Manetualain! Manetualain fo riꞌ baꞌi Abraham, ma au papa ki Isak doꞌo-tabe a. Mamanene au dei! Tepoꞌ fo, Manetualain madenu au fali seluꞌ leo kileoboboki kara uu, nai nusaꞌ ia. Manetualain helu mae neuꞌ ko ator, fo tao matetu basa-basan.
979	GEN 33:18	Mateꞌe oe na, Yakob asa reme Padan Aram mai leo koro Sikem reu, nai nusa Kanaꞌan, ara losa no soda-moleꞌ. Ara rapadedeiꞌ mamana leleoꞌ, fo leo raneneaꞌ koroꞌ ria.
1004	GEN 34:23	Maneniko ita leo tabua, neuꞌ ko sira banda-manun, ma basa hata-heto nara boe, dadi reuꞌ ita hata posakan, hete? De, malole lenaꞌ ita tuka sira hihii-nanaun. Mai fo ita basa sunat belaꞌ a! Mataa, do?”
1021	GEN 35:9	Tepoꞌ fo Yakob fali neme Padan Aram mai so, Manetualain natudu seluꞌ Ao na bali, ma fee ni ua-naleꞌ.
1047	GEN 36:6	Laiꞌ esa de, Esau lali leo nusa fekeꞌ esa neu, dooꞌ a neme Yakob mai. Ana noo sao-anan, lahenda mana noi ra, banda-manuꞌ, ma basa hata-heton.
1056	GEN 36:15	Esau upu-ana nara kofela dadi reuꞌ leo dodouꞌ. Esaꞌko noꞌ mane leo na. Esau ana ulun Elifas ana nara, dadi mane leo Teman, mane leo Omar, mane leo Sefo, mane leo Kenas, mane leo Kora, mane leo Gatam, ma mane leo Amalek. Sira basa, nana Esau no saon Ada tititi-nonosin.
1058	GEN 36:17	Esau anan Rehuel ana nara, dadi mane leo Nahat, mane leo Sera, mane leo Syema, ma mane leo Misa. Sira basa, nana Esau no saon Basmat tititi-nonosin.
1060	GEN 36:19	Leo sira basa, nana Esau tititi-nonosin.
1086	GEN 37:2	Tepoꞌ ria, Yakob ana ni esa neme saon Rahel mai, nade Yusuf. Tepoꞌ fo teu ni sanahulu hitu, ana biasa sama-sama no aꞌa nara reu foo sira bibi nara. Ria aꞌa nara, nana Yakob saon Bilha, ma saon Silpa ana nara. Ma Yusuf soa-soa neu tui papa na, laꞌeneuꞌ aꞌa nara hada-pariin.
1109	GEN 37:25	Basa boe ma ara fali reu raa-rinu. Ara bei raa-rinu, kekeneu te, rita lahenda bubuaꞌ esa mai. Lahenda bubuaꞌ sira onta nara fua reni hata naseꞌo, leo-leoꞌ ai-nana maboo meniꞌ, bumbu, ma modo-aidoo rupaꞌ ara. Sekonaa te bubuaꞌ ria nana lahenda Ismael remeꞌ koro Gilead sakaꞌ leo dae dooꞌ reu nai nusa Masir.
1134	GEN 38:14	Tepoꞌ ria, Yahuda ana murin Sela nambau-ina so. Tehuu Tamar bubuluꞌ nae, arama na ta nau feen sao Sela fa. De, Tamar saka enoꞌ ela nasalaꞌo hak na. Ana olu heni papake ina falu na, basa de pake papake malole, ma lafa anaꞌ fo poti etu laka na ma mata-idun. Basa de ana neu natuuꞌ nai koro Enaim lelesu bafa na, naraa no enoꞌ fo leo Timna neu.
1135	GEN 38:15	Fai fo Yahuda nesiꞌ lelesu bafaꞌ fo masoꞌ leo koroꞌ daleꞌ neu, ana nita inaꞌ esa. Ana naendobuko ina manasosoa ria, nana huu Tamar kakao-papaken, ma poti etu mata-idun.
1161	GEN 39:11	Laiꞌ esa de Yusuf leo uma daleꞌ neu, fo nau memete ria nonoi-tataon. Faiꞌ ria, ta hapu lahenda fekeꞌ nai uma fa.
1178	GEN 40:5	Hatuꞌ esa, boe ma pegawe sira dua ralamei. Esaꞌko noꞌ mei-afen. Ma mei-afes sira esaꞌko sosoan.
1230	GEN 41:34	Fai betes teu kahituꞌ sira neuꞌ ko hapu buna-boaꞌ dodouꞌ naan seli. De, malole lenaꞌ papa mane soꞌu ma lahenda fekeꞌ bali, ela rabubua basa buna-boaꞌ. Buna-boaꞌ sira ara bati si reuꞌ babatiꞌ lima fo pake babatiꞌ haa, ma peda babatiꞌ esa neuꞌ mana pareta mamana pepeda-fufuan.
1244	GEN 41:48	Basa de, Yusuf neu nabubua na basa buna-boaꞌ ara, fo ana peda si. Ana nabubua hade neme mamanaꞌ fo naneneaꞌ kota bea, sona ana peda adaꞌ kota ria mamana pepeda-fufuan.
1250	GEN 41:54	Boe ma fai laas teu kahituꞌ ara mulai mai, natetu no maꞌulu na Yusuf dedea-nafadan. Nai mamana fekeꞌ, lahenda ra ramalaa so. Tehuu basa mamanaꞌ fo nai Masir, nanuu nanaaꞌ.
1271	GEN 42:18	Fai katelu na, boe ma Yusuf neu dedea no si rai uma huhukuꞌ daleꞌ nae, “Lahenda esa aun biiꞌ neuꞌ Manetualain. Ma au tuka aroo Ria hihii-nanaun. De ela emi bisa masoda, au nau poꞌi emi. Tehuu no naeetuꞌ esa.
1273	GEN 42:20	Basa sona moo emi fadim ria mai, ela dadi buti nae emi nana lahenda roo-tetuꞌ. Fo ela au bosoꞌ huku amate emi.” Ramanene leoꞌ na, boe ma rataa.
1307	GEN 43:16	Yusuf nita Benyamin no aꞌa nara, boe ma ana nadenu malaka malalau na nae, “Ae! Moo lahenda ia ra leo au uma ka reu! Basa nana meu tati sapi esa, fo tunu-nasu mina-malada. Huu fo ara leledon ia ara raa-rinu ro au.”
1330	GEN 44:5	Tao leoꞌ bea de emi manuu daleꞌ, mamanaꞌo meni malaka a mok lilofula na? Emi ta bubuluꞌ, do? Ria ta noi malaka a mok nininu na fa! Ana pake mok ria boe, fo siura-tokonoo lahenda ua-nalen. Emi tataom ia, memaꞌ tadalu naan seli so!’ ”
1332	GEN 44:7	Basa de ara radedea laka rae, “Papa dale ma mae leo beaꞌ ia? Ami soo-supa. Ami ta bisa tao tadaluꞌ leoꞌ na fa!
1367	GEN 45:8	De, tea na nana ta huu no emi nonoi-tataom fa losaꞌ au nai ia, tehuu Manetualain nonoi-tataon. Ria riꞌ tao na au dadi uꞌ mane Masir lima boa onan. Au dadi malaka malalau nai maneꞌ a uma mana pareta na boe. Ta hapu lahenda fekeꞌ bau lena au.
1377	GEN 45:18	Basa sona madenu si ro papa ma no basa kileoboboki nara, fo ara lali iaꞌ mai leo. Neuꞌ ko au fee si dae malole naan seli nai Masir, fo ara bisa leo reuꞌ naa, ma raa dae ria buna-boan.