606	GEN 24:14	Au hule leo iaꞌ: Maneniko au dedea o ana fetoꞌ esa ae, ‘Nona, e! Maonda ure oe ma fo fee au oe baiꞌ inu dei.’ Maneniko ana nataa nae, ‘Papa ka minu leo. Ma neuꞌ ko papa ka onta mara boe au hani si.’ Na, ria nanadadi tanda nae, ana fetoꞌ ria riꞌ Manetualain here man so, fo dadi neuꞌ Isak sao na. No tanda leo naꞌ a, au bubuluꞌ ae, Manetualain matudu susue ma, neuꞌ au malaka ki Abraham so.”
634	GEN 24:42	Bisinaaꞌ a au losa nai oe dodoluꞌ a, au hule-haradoi nai dale ka ae, ‘MANETUALAIN, Au malaka ki Abraham Manetualain na. Soi enoꞌ fo ela leoꞌ bea na au leleo-lalaꞌo ki ia neni buna-boa. Ela leoꞌ bea na au aneta o ana fetoꞌ fo dadi neuꞌ Isak sao na.
635	GEN 24:43	Manetualain, au apadeiꞌ nai oe dodoluꞌ ia. Ma ana fetoꞌ ara reme kota daleꞌ mai aso oe nai ia. De au hule leo iaꞌ: Neuꞌ ko au dedea o ana fetoꞌ esa ae, ‘Nona, e! Fee au oe baiꞌ inu dei.”
637	GEN 24:45	Au bei ta hule-haradoi basa boeꞌ, te ana feto Ribka mai so, neni ure oe na, fo aso oe nai oe dodoluꞌ a. Bei ae lain mai, boe ma au hulen ae, ‘Nona, fee au oe baiꞌ inu dei.’
639	GEN 24:47	Boe ma au atane ae, ‘Nona, papa ma nade bea?’ Ana nataa nae, ‘Au papa ka, nade Betuel. Au baꞌi ka, nade Nahor. Ma au besa ka, nade Milka.’ Basa boe ma au fee ni pake rereli neuꞌ idu na, ma olu sue lilopilas dua reuꞌ lima nara.
828	GEN 29:32	Basa boe ma Lea nairu, de boki na ana touꞌ esa. Ana foi anaꞌ ria nade, Ruben (sosoa na nae, ‘mitaꞌ, hapu anaꞌ’), nana huu ana nae, “Tebe MANETUALAIN nita au susa ka so. Huu ria na, de besaꞌ ia au sao ka boe nau relu-natanae au.”
885	GEN 31:11	Basa de Manetualain eilaꞌo-limalopen neme nusatetu-ikutemaꞌ a mai, naloo au nai mei-afeꞌ daleꞌ nae, ‘Yakob, ee!’ Au ataa ae, ‘Ia, Manetualain?’
1351	GEN 44:26	Tehuu ami mafada mae, ‘Papa, e! Ami ta bisa leo naꞌ meu soꞌ. Huu fo maneꞌ a lima boa onan ria nafada so nae, maneniko ami ta mo fadi mateꞌa tei-susum ria, sona ami ta bisa mita ria mata na soꞌ. De ami fadi mateꞌa tei-susu ma muste tuka dei, besaꞌ ko ami laꞌo.’
23244	MAT 2:6	‘Ae, emi lahenda Betlehem, nai propinsi Yudea. Bosoꞌ mae, emi koro ma, noi koro aanaꞌ de sosoa-raraaꞌ taꞌa. Huu fo neuꞌ ko lahenda bau-inaꞌ esa neme naaꞌ mai. Neuꞌ ko Ana dadi mana foo soa-neuꞌ Au lahenda Israel kara.’ ”
23353	MAT 6:2	Kalu emi nau tulu-fali lahenda kasian ara, sona bosoꞌ meu matui dedea nai basa mamanaꞌ ain. Maneniko emi tao leo naꞌ, sona emi sama leoꞌ lahenda fo dedea fekeꞌ tao fekeꞌ. Ara rahiiꞌ lalaꞌo leo uma mamasoꞌ a reu, fo ela lahenda io si rae, ‘Ae, lahenda ia kahereꞌ.’ Au dedea tetebeꞌ! No hapu iꞌio leo naꞌ a, ara sipo ra seseba nara so.
23636	MAT 13:28	Malaka ria nataa nae, ‘Ria nana, lahenda tadaluꞌ a nonoi-tataon.’ Boe ma lahenda mana noi ra rafadan rae, ‘Papa, ami meu faꞌu heni fii sira, do?’
23789	MAT 17:20	Yesus nataa nasafali asa nae, “Emi ta bisa usi nitu ria, nana huu emi ta mamahere tebe-tebe fa. Mafarereneꞌ! Maneniko emi mamahere tebe-tebe neuꞌ Au, leo mae noi bai anaꞌ sama leoꞌ ai deke anaꞌ a boe, emi bisa pareta leteꞌ esa mae, ‘Leteꞌ, on! Marali eleꞌ muu!’ Tantu ana narali. De emi bisa tao sudi ubeaꞌ, sadi emi mamahere tebe-tebe neuꞌ Ramatuaꞌ a.
23828	MAT 18:32	Maneꞌ a namanene leoꞌ na, boe ma naloo na pegawe mata mamae taaꞌ ria. Ana nasaꞌai ni nae, ‘Ae, lahenda tadaluꞌ on! O hule au kasian neuꞌ o, huu ria na de au eꞌa heni katemaꞌ huta mara so.
23865	MAT 20:4	Ana nafada si nae, ‘Ae, aꞌa kara, ee! Emi nau moi nonoiꞌ nai au oka ka, do? Neuꞌ ko au bae emi no malole.’ Ara ramanene leoꞌ na boe ma rataa, de reu roi nonoiꞌ.
23868	MAT 20:7	Lahenda sira rataa ni rae, ‘Papa, ee! Ta hapu lahenda fee ami moi nonoiꞌ.’ Boe ma manuu okaꞌ a nae, ‘Kalu leoꞌ na, sona emi meu moi nonoiꞌ nai au oka ka leo!’
23874	MAT 20:13	Boe ma manuu okaꞌ a nataa sira esa nae, ‘Aꞌa, ee! Au ta parnanake aꞌa fa. Huu fo aꞌa riꞌ sipoꞌ mae moi nonoiꞌ faiꞌ esa, sona seba doi perak esa. Tebe, hete? De au bae tuka ita nahelu na hete?
23900	MAT 21:5	‘Ae, lahenda Yerusalem emin! Mai mete-relu nai ia dei! Huu fo emi Mane ma mai. Ana mai noo dale naloe-nadae aoꞌ. Ana mai saꞌe keledei anaꞌ.’ ”
23933	MAT 21:38	Tehuu mana noi ra rita anaꞌ ria, boe ma dedearao nara rae, ‘Ae, emi mete dei! Tou lasiꞌ a fee ana boki na mai so. Neuꞌ ko ria riꞌ sipo katemaꞌ tou lasiꞌ a posaka nara. De mai fo taisa ni, fo ela ita tanuu okaꞌ ia.’
24085	MAT 25:8	Tehuu ana feto pakanaaꞌ ara dedea ro tia-lai nara rae, ‘Ae, tia kara, ee! Bati fee ami mina baiꞌ dei, te ami dedede mara hii-hiiꞌ mate si!’
24089	MAT 25:12	Tehuu ana nataa nae, ‘Ae, ta bisa fa. Huu fo au ta alelaꞌ emi!’
24118	MAT 25:41	Boe ma Au afada lahenda fo rai Au boboa ii Ka ae, ‘He, lahenda tadaluꞌ emin! Manetualain kutuk emi so. Maheoꞌ meme iaꞌ mai! Neuꞌ ko Au adenu lahenda reu tuꞌu emi leo ai-pila naraka manabasa taaꞌ a daleꞌ meu. Huu fo Manetualain sadia mamana doidosoꞌ ria soa-neuꞌ nitu ra ro sira malaka bau-ina na.
24141	MAT 26:18	Ana nataa nae, “Emi leo kota daleꞌ meu, neuꞌ ko maneta mo touꞌ esa. Mafadan mae leo iaꞌ, ‘Aꞌa, ee! Papa Mesen nameda na ta doo a so te Ana maten. Ana hule mamanaꞌ nai aꞌa uma na, ela Ana paken fo tao feta Paska no Ria ana mana tuka dea nara.’ ”
25476	LUK 11:2	Boe ma Yesus nafada si nae, “Malole a! Hule-haradoi sona mae leoꞌ ia: ‘O, Amaꞌ! Nade ma malalao-malalafuꞌ. Ela leoꞌ bea na basa lahenda ra io-oa Amaꞌ a nade marela-masaꞌam. Ela leoꞌ bea na Amaꞌ a dadi Maneꞌ fee basa lahenda ra.
25479	LUK 11:5	Boe ma Yesus nanori tamba si laꞌeneuꞌ huhule-haradoiꞌ. Ana pake nasasamaꞌ nae, “Uniꞌ ko leo fatilada na tia-lai esa neme dooꞌ a mai, de hule fo suku neuꞌ o uma ma. Tehuu ta manuu hata-hata esa boeꞌ, fo fee ni naa. Boe ma o leo tia-lai feke ma uma na muu, de maloo meme deaꞌ mai mae, ‘Aꞌa, e! Fee lalai au roti baloꞌ telu dei! Huu fo fui nai au uma ka, tehuu ami ta hata esa boe! Aꞌa, fali ma au dei! Noi baloꞌ teluꞌ a! Au dei kati!’
25632	LUK 14:10	De, maneniko o hapu nalooꞌ de muu, sona matuuꞌ nai kadera manai dea ra. Neuꞌ ko mana tao feta a nita o, boe ma ana mai nae, ‘Eeh, Papa! Maiꞌ ia matuuꞌ.’ No ria na emi hapu hada-horomata nai basa fui ra matan.
25726	LUK 17:6	Yesus nataa nae, “Maneniko emi namahere ma neuꞌ Manetualain kuasa na, leo mae noi baianaꞌ a, tehuu emi bisa pareta ai huu inaꞌ ia mae, ‘Nanafaꞌu, fo marali tasiꞌ daleꞌ muu!’ Neuꞌ ko ai huuꞌ ria tuka tutiꞌ emi pareta ma.”
25740	LUK 17:20	Faiꞌ esa boe ma, lahenda Farisi hida mai ratane Yesus rae, “Papa Mesen! Soba mafada dei! Fai hidaꞌ rina Manetualain mai pareta nai dae-bafoꞌ a?” Yesus nataa nae, “Leo iaꞌ! Manetualain pareta nai dae-bafoꞌ a, ta mulai neniꞌ tanda fo lahenda bisa ritan. Boe ma lahenda ta bisa natudu buti nae, ‘Mita, Manetualain pareta nai ia, do nai ele!’ Huu fo Ana pareta nai emi talada nai lahenda dae-bafoꞌ a dalen.”
25862	LUK 20:14	Tehuu faiꞌ fo mana noi okaꞌ ara rita ni, boe ma ara beidea rae, ‘Ae, emi mete dei! Huu fo tou lasiꞌ a fee ana na mai mataꞌ. Ria riꞌ neuꞌ ko sipo tou lasiꞌ a pusaka nara katemaꞌ. De, mai fo ita taisa ni leo! Ela ita riꞌ soa okaꞌ ia.’
27782	ACT 22:10	Boe ma au sipo atafali ae, ‘Kalu leoꞌ naa soo, besaꞌ ia au muste tao ubeaꞌ?’ Hara-oeꞌ ria nafada nae, ‘Foa, fo kota daleꞌ mu leo. Neuꞌ ko nai naa, besaꞌ ko Au afada basa hata fo o muste taon.’
27905	ACT 26:14	Ami basa leku-bara meuꞌ dae, huu noo makaledoꞌ ria tande na. Basa boe ma, au amanene hara-oeꞌ esa nadedea noo au, pake dedea Aram nae, ‘We, Saul! Ubea taon de o tao doidoso Au, laꞌoꞌ maroo? Susa laꞌesa kalu o malena-laka maroo neuꞌ Au hihii-nanau Ka.’
30071	HEB 3:9	Moi dodooꞌ ana leo! Teuꞌ haa hulu Au tao tanda heran rupaꞌ ara nai sira matan! Tehuu ara soba Au kose-kose. Huu ria na, de Au boe amanasa neuꞌ asa ae, ‘Emi, talalu man seli! Huu fo emi masadea foa ela Au eno Ka so, de tuka noi emi eno peko-paki mara!’
30852	REV 5:5	Boe ma esa neme ketua kadua hulu haaꞌ sira mai dedea no au nae, “Ae, aꞌa! Bosoꞌ dola. Huu fo mane Daud a tititi-nonosin esa kahereꞌ nan seli, ara raloo Ni sona rae, ‘Meoasu, neme leo Yahuda mai’. Ana naseki basa tadaluꞌ ara so. De, Ria riꞌ nanuu hak fo bisa buka segel, ma lees susuraꞌ ria isi na.”
31082	REV 18:20	Boe ma, haraoeꞌ ria dedea tamba nae, ‘Ae, emi fo leo nai nusatetu-ikutemaꞌ a! Ta parlu emi dale hedi soꞌ. Ae, Ramatuaꞌ a lahendan emin! Ta parlu emi susa soꞌ. Ae, Ramatuaꞌ a lahenda nadedenu nara! Ela leoꞌ bea na emi mamahoꞌo-matadale. Ae, Ramatuaꞌ a mana nesimata nara! Ela leoꞌ bea na emi mamahoꞌo. Fai a ulu na, Babel tao nasususaꞌ emi, kota ria ese-rumu emi, de emi doidoso. Tehuu besaꞌ ia, Ramatuaꞌ a balas kota ria tadalu na.’ ”