72	GEN 3:16	La džuvľake phenďa: “Ela tut buter pharipen, sar ačheha khabňi, a andre bare dukha tuke uľona o čhave. Igen tuke džala pal tiro rom, ale ov ela o raj upral tu.”
98	GEN 4:18	O Henoch sas dad le Iradoske, o Irad sas dad le Mechujaeloske, o Mechujael sas dad le Metušaeloske a o Metušael sas dad le Lamechoske.
205	GEN 8:21	E saga la obetakeri sas le RAJESKE igen pre dzeka a phenďa peske: “Imar šoha (ňikda) na prekošava e phuv vaš oda, so o manuša kerena. Choc te džanav, hoj le manušengero jilo imar terňipnastar cirdel ko nalačho, imar šoha na murdarava savoro, so dživel, avke sar oda akana kerďom.
217	GEN 9:11	Kadi hiňi miri zmluva, so tumenca phandav: Imar šoha (ňikda) na domukava o bare paňa, hoj te murdarel savoro, so dživel pre phuv; imar šoha o bare paňa na zňičinena caľi phuv.”
246	GEN 10:11	Odarik geľa andre phuv Aššur a ode ačhaďa o foros Ninive, o Rechobot-Ir the Kelach.
329	GEN 13:10	O Lot pes rozdikhľa a dikhľa, hoj caľi phuv le Jordanostar dži ko Coar hin cinďarďi sar le RAJESKERI bar Eden abo sar o Egipt. Oda sas mek sigeder, sar o RAJ zňičinďa e Sodoma the e Gomora.
349	GEN 14:12	Ile the le Abramoskere phraleskere čhas le Lot the leskero barvaľipen, bo bešelas andre Sodoma.
366	GEN 15:5	Iľa les avri a phenďa leske: “Dikh pro ňebos a pro čercheňa a zgen len, te len šaj zgenes. Ajci ena but tire čhavengere čhave.”
393	GEN 16:11	Dikh, ačhiľal khabňi a uľola (narodzinela pes) tuke čhavoro. Deha leske nav Izmael, bo o RAJ šunďa tiro pharipnaskero roviben.
397	GEN 16:15	Avke la Hagarake the le Abramoske uľiľa čhavoro a o Abram diňa leske nav Izmael.
403	GEN 17:5	Imar pes na vičineha Abram, ale tiro nav ela Abraham, bo aveha dad but narodenge.
416	GEN 17:18	O Abraham phenďa le Devleske: “Kada požehnaňje našťi el le Izmaeloske?”
417	GEN 17:19	O Del leske pale phenďa: “Na! Tiri romňi e Sara tut dela čhavores a deha leske nav Izak. Leha the leskere čhavengere čhavenca phandava e zmluva, so ela pro furt.
418	GEN 17:20	Me tut šunďom, sar tut mangehas vaš o Izmael. Požehňinava les igen but čhavenca. Ela dad dešuduje (12) princenge a kerava lestar baro narodos.
419	GEN 17:21	Ale me phandava e zmluva tire čhaha le Izakoha, savo uľola la Sarake a oda kale časostar pal o berš.”
421	GEN 17:23	Mek oda džives o Abraham iľa peskere čhas le Izmael the savore muršen, save uľile andre leskero kher, the mek savoren, saven peske cinďa, a občhinďa lenge e cipa le garude kotorestar avke, sar leske phenďa o Del.
423	GEN 17:25	a le Izmaeloske sas dešutrin (13) berš.
424	GEN 17:26	Andre oda džives, sar sas o Abraham the o Izmael občhinde,
456	GEN 18:31	O Abraham leske pale phenďa: “Imar te mange domukľom tuha te vakerel, RAJEJA miro. So te ode ena ča biš (20) džene?” O RAJ leske odphenďa: “Vaš ola biš oda foros na zňičinava.”
517	GEN 21:3	O Abraham diňa nav Izak peskere čhaske, savo uľiľa (narodzinďa pes) la Sarake,
518	GEN 21:4	a pro ochtoto džives o Abraham občhinďa peskere čhas le Izak avke, sar leske phenďa o Del.
519	GEN 21:5	Le Abrahamoske sas šel (100) berš, sar leske uľiľa o Izak.
524	GEN 21:10	Phenďa le Abrahamoske: “Trade avri ola služka the lakere čhas, bo o čhavoro kala služkakero našťi chudel ňič ole barvaľipnastar, so hin mire čhaskero le Izakoskero.”
525	GEN 21:11	Le Abraham kada igen zadukhanďiľa andro jilo, bo o Izmael sas leskero čhavo.
526	GEN 21:12	O Del phenďa le Abrahamoske: “Ma phager tuke o šero upral o čhavo aňi upral e služka. Šun la Sara andre savoreste, so tuke phenďa, bo prekal o Izak avena o čhave, pal save tuke phenďom.
550	GEN 22:2	“Le tire jekhore čhas le Izak, saves igen kames, a dža andre phuv Morija,” phenďa o Del. “Ode les obetin sar labarďi obeta pro verchos, pal savo tuke phenava.”
551	GEN 22:3	O Abraham sig tosara thoďa o sedlos pro somaris a iľa peha duje sluhen the peskere čhas le Izak. Sar kerelas o štipki pre labarďi obeta, džalas pro than, pre savo leske phenďa o Del.
554	GEN 22:6	O Abraham iľa kašta pre labarďi obeta a thoďa len pre peskero čhavo Izak. Ov korkoro ľidžalas e jag the e čhuri. Sar avke džanas jekhetane,
555	GEN 22:7	o Izak phenďa peskere dadeske le Abrahamoske: “Dado!” “So kames, čhavoro miro?” odphenďa o Abraham. “Dikh, e jag the o kašta hine kade, ale kaj hin o bakroro pre labarďi obeta?” phučľa o Izak.
557	GEN 22:9	Sar imar avle pre oda than, pal savo leske o Del phenďa, o Abraham ačhaďa oltaris a rakinďa upre o kašta. Sphandľa peskere čhas le Izak a thoďa les pro oltaris, pro kašta.
596	GEN 24:4	Ale džaha andre miri phuv ke miri famelija a odarik leha romňa mire čhaske le Izakoske.”
606	GEN 24:14	Te phenava jekhake olendar: ‘De man te pijel andral o džbanos paňi,’ a oj odphenela: ‘Le, pi! Me dava the tire ťaven te pijel,’ ta mi el oj odi, sava kidňal avri tire služobňikoske le Izakoske. Pal oda džanava, hoj presikaďal o lačhejileskeriben mire rajeske.”
654	GEN 24:62	O Izak avelas pale khatar e chaňig Beer-Lachaj-Roi a bešelas pre pušťa Negev.
655	GEN 24:63	Ke račate, sar pes o Izak geľa te predžal pre maľa, obdikhľa pes a dikhľa, sar aven o ťavi.
656	GEN 24:64	The e Rebeka dikhľa le Izak. Geľa tele pal e ťava
658	GEN 24:66	Paľis o sluhas chudľa le Izakoske te vakerel pal savoro, so kerďa.
659	GEN 24:67	Avke o Izak ľigenďa la Rebeka andro stanos la Sarakero peskera dakero a iľa peske la romňake. O Izak kamelas la Rebeka a arakhľa andre late o smirom pal o meriben peskera dakero.
664	GEN 25:5	O Abraham diňa savoro peskero barvaľipen le Izakoske.
665	GEN 25:6	Ale le čhavenge, save les sas le romňenca-služobňičkenca, diňa dari, a mek sar dživelas, bičhaďa len het peskere čhastar le Izakostar andre phuv pro vichodos.
668	GEN 25:9	Leskere čhave o Izak the o Izmael les parunde pašes paš o Mamre andre jaskiňa Machpela pre le Efronoskeri maľa. O Efron sas o čhavo le Chetitoskero le Cochariskero.
670	GEN 25:11	Pal o meriben le Abrahamoskero, o Del požehňinďa leskere čhas le Izak. O Izak bešelas paš e chaňig Beer-Lachaj-Roi.
671	GEN 25:12	Kada hin o rodokmeňos le Izmaeloskero le Abrahamoskero čhaskero: O Izmael sas čhavo le Abrahamoskero la Hagaratar, savi sas la Sarakeri služka andral o Egipt.
672	GEN 25:13	Kala hine o nava le Izmaeloskere čhavengere pal o nava the kmeňi: Le Izmaeloskero ešebno (peršo) čhavo sas o Nebajot, paľis o Kedar, o Adbeel, o Mibsam
675	GEN 25:16	Kala hine le Izmaeloskere čhave. On sas upral o dešuduj (12) kmeňi a pal lende dine o nava le gavenge the thanenge, kaj bešenas.
676	GEN 25:17	Le Izmaeloske sas šel the tranda the efta (137) berš, sar muľa a geľa paš peskere phure dada, save mule.
678	GEN 25:19	Kada hin o rodokmeňos le Abrahamoskero čhaskero le Izakoskero: Le Abrahamoske uľiľa o Izak.
679	GEN 25:20	Sar sas le Izakoske saranda (40) berš, iľa peske la Rebeka romňake. E Rebeka sas e čhaj le Aramejoskeri le Betueliskeri andral e phuv Paddan-Aram a sas pheň le Aramejoskeri le Labanoskeri.
680	GEN 25:21	O Izak mangelas le RAJES vaš peskeri romňi, bo našťi la sas čhave. Avke o RAJ les šunďa avri a leskeri romňi e Rebeka ačhiľa khabňi.
685	GEN 25:26	Paľis, sar uľiľa leskero phral, chudelas le Ezavoskeri peta, vašoda leske dine nav Jakob. Le Izakoske sas šovardeš (60) berš, sar uľile.
687	GEN 25:28	O Izak kamelas radeder le Ezav, bo anelas leske te chal la džvirinatar, sava murdarelas, ale e Rebeka kamelas buter le Jakob.
694	GEN 26:1	Andre odi phuv avľa bokh, ale na ajsi, savi sas andro časos le Abrahamoskero. O Izak geľa te bešel andre phuv Gerar ko Filišťiniko kraľis Abimelech.
699	GEN 26:6	Avke o Izak ačhiľa te dživel andro foros Gerar.
701	GEN 26:8	Sar imar ode dživelas buter časos, jekhvar o Filišťiniko kraľis o Abimelech dikhľa avri prekal e oblaka, sar pes chudenas o Izak la Rebekaha.
702	GEN 26:9	Avke o Abimelech vičinďa peske le Izak a phenďa leske: “Oj mušinel te el tiri romňi! Soske mange phenďal, hoj hiňi tiri pheň?” O Izak odphenďa: “Phenďom oda vašoda, hoj te na avav murdardo vaš late.”
703	GEN 26:10	“So tu amenge kerďal?” phenďa o Abimelech. “Imar ča sikra chibaľinelas a varesavo murš pašľiľahas tira romňaha. Kaleha amen anďalas andro baro binos!”
705	GEN 26:12	O Izak chudľa andre odi phuv te sadzinel a andre oda berš o uľipen sas šelvar buter sar oda, so sadzinďa, bo o RAJ les požehňinďa.
708	GEN 26:15	Avke o Filišťinci začhide la pošaha savore chaňiga, so kopaľinde avri o sluhi, sar mek dživelas le Izakoskero dad o Abraham.
709	GEN 26:16	Akor o Abimelech phenďa le Izakoske: “Dža het amendar, bo sal zoraleder sar amen!”
710	GEN 26:17	Avke o Izak odarik geľa het andre Gerariko dolina, kaj pes paľis rozthoďa a ačhiľa ode te bešel.
711	GEN 26:18	O Izak pale kopaľinďa avri o chaňiga peskere dadeskere, so o Filišťinci začhide pal o meriben le Abrahamoskero, a diňa lenge ola nava, so lenge diňa leskero dad.
712	GEN 26:19	Sar le Izakoskere sluhi kopaľinenas andre Gerariko phuv, arakhle chaňig lačhe paňeha.
713	GEN 26:20	Ale o Gerarike pasťjera pes vesekedinenas le Izakoskere pasťjerenca a vakerenas: “Oda hin amaro paňi!” Vašoda pes odi chaňig vičinel Esek, so hin Vesekedišagos, bo pes lenca vesekedinenas.
715	GEN 26:22	Sar o Izak odarik odgeľa, kopaľinďa aver chaňig, vaš savi pes imar na vesekedinenas, a diňa lake nav Rechobot. Phenďa: “Akana amen o RAJ diňa than, kaj amendar šaj el buter.”
716	GEN 26:23	Odarik o Izak geľa te bešel andre Beer-Šeba.
718	GEN 26:25	O Izak ode ačhaďa o oltaris a lašarelas le RAJES. Paľis peske rozthoďa o stanos a leskere sluhi ode kopaľinde avri aver chaňig.
719	GEN 26:26	O Abimelech avľa andral o Gerar peskere goďaver muršeha le Achuzzatoha the le Picholoha, savo sas o veľiťeľis le slugaďenge, hoj te dikhen le Izak.
720	GEN 26:27	Akor lenge o Izak phenďa: “Soske avľan ke ma, te man našťi avri ačhenas a tradňan man het pestar?”
723	GEN 26:30	Paľis o Izak lenge kerďa hoscina a on chale a pile.
724	GEN 26:31	Tosara ušťile a phandle peha vera. Avke len o Izak mukľa, hoj te džan andro smirom.
725	GEN 26:32	Mek oda džives avle le Izakoskere sluhi a phende leske pal e chaňig, so kopaľinde avri: “Arakhľam paňi!”
726	GEN 26:33	O Izak diňa ole paňeske nav Šibea, so hin “e Vera”. Vašoda pes dži akana vičinel oda foros Beer-Šeba.
728	GEN 26:35	On kerenas ča pharipen le Izakoske the la Rebekake.
729	GEN 27:1	Sar o Izak sphuriľa a pro jakha na birinelas te dikhel, vičinďa ke peste peskere phuredere čhas le Ezav a phenďa: “Čhavo miro!” Ov leske odphenďa: “Kade som.”
733	GEN 27:5	Sar o Izak vakerelas le Ezavoha, e Rebeka oda sa šunďa. Soča o Ezav odgeľa pre maľa, hoj vareso te murdarel a te anel,
748	GEN 27:20	Ale o Izak le čhaske phenďa: “Sar šaj avke sig vareso arakhľal, čhavo miro?” Ov odphenďa: “O RAJ, tiro Del, mange diňa, hoj te arakhav.”
749	GEN 27:21	O Izak phenďa le Jakoboske: “Av pašes, čhavo miro. Mi chudav man tutar. Sal tu čačes miro čhavo, o Ezav, abo na?”
750	GEN 27:22	O Jakob geľa paš peskero dad ko Izak, savo pes lestar chudľa a phenďa: “O hangos hin le Jakoboskero, ale o vasta hine le Ezavoskere.”
751	GEN 27:23	Na sprindžarďa les, bo leskere vasta sas zabararde sar o vasta leskere phraleskere le Ezavoskere. O Izak les požehňinďa
753	GEN 27:25	Avke leske o Izak phenďa: “Pode mange olestar, so chudľal, hoj te chav, čhavo miro, hoj tut te požehňinav.” Diňa leske o chaben a chalas. Anďa leske the mol a piľa.
758	GEN 27:30	Soča o Izak požehňinďa le Jakob a ov odgeľa peskere dadestar, avelas pal o lovos leskero phral o Ezav.
760	GEN 27:32	Leskero dad o Izak lestar phučľa: “Ko sal?” Ov odphenďa: “Me som tiro ešebno čhavo, o Ezav.”
761	GEN 27:33	O Izak igen predaranďiľa a phučľa: “Akor ko sas oda, ko murdarďa la džvirina a anďa mange la? Chaľom la imar sigeder, sar tu avľal. Požehňinďom les a ela požehňimen pro furt.”
763	GEN 27:35	O Izak phenďa: “Tiro phral manca thoďa avri a čorďa tuke o požehnaňje.”
764	GEN 27:36	O Ezav odphenďa: “Se na chudľa ča avke kada nav Jakob. Imar dujtovar manca thoďa avri. Angloda mange iľa o pravos sar ešebne čhas a akana mange čorďa the o požehnaňje.” A mek phučľa: “Prekal ma tut nane imar ňisavo požehnaňje?”
765	GEN 27:37	O Izak leske phenďa: “Dikh, čhavo miro, me lestar imar kerďom rajes upral tu a savore leskere phralen leske diňom vaš o sluhi. Diňom les zrnos the mol. Prekal tu imar našťi ňič kerav, čhavo miro!”
767	GEN 27:39	Leskero dad o Izak leske odphenďa: “Dživeha dur le phuvakere barvaľipnastar the le ňeboskere brišindestar, so perel pre phuv.
774	GEN 27:46	E Rebeka paľis phenďa le Izakoske: “Džungľiľa pes mange o dživipen maškar o Chetitanki. Te peske the o Jakob lela romňa le Chetitanendar andral kadi phuv, ela mange feder te merel!”
775	GEN 28:1	O Izak peske vičinďa le Jakob a požehňinda les. Phenďa leske: “Ma le tuke romňa andral o Kanaan.
779	GEN 28:5	Paľis o Izak bičhaďa le Jakob, hoj te džal andre phuv Paddan-Aram. Avke džalas ko Laban, savo sas o čhavo le Aramejoskero le Betueliskero a o phral la Rebekakero, savi sas e daj le Jakoboskeri the le Ezavoskeri.
780	GEN 28:6	O Ezav dikhľa, sar o Izak le Jakob požehňinďa a bičhaďa andro Paddan-Aram, hoj odarik peske te lel romňa. Ov šunďa, hoj leske phenďa, sar les požehňinďa: “Ma le tuke romňa andral o Kanaan,”
782	GEN 28:8	Sar o Ezav avľa pre oda, hoj leskere dadeske le Izakoske nane pre dzeka o Kanaančanki,
783	GEN 28:9	geľa ko Izmael a iľa peske mek avra romňa la Machalata. Oj sas e čhaj le Abrahamoskere čhaske le Izmaeloske a e pheň le Nebajotoske.
785	GEN 28:11	Sar dogeľa pro sentno than, ode presuča, bo imar o kham zageľa. Iľa jekh le barendar, pašľiľa peske a thoďa les tel o šero.
787	GEN 28:13	Upral leste o RAJ ačhelas a phenďa: “Me som o RAJ, o Del tire dadeskero le Abrahamoskero the o Del le Izakoskero. E phuv, pre savi pašľos, dava tuke the tire čhavengere čhavenge.