72	GEN 3:16	La džuvľake phenďa: “Ela tut buter pharipen, sar ačheha khabňi, a andre bare dukha tuke uľona o čhave. Igen tuke džala pal tiro rom, ale ov ela o raj upral tu.”
73	GEN 3:17	Le muršeske phenďa: “Vašoda, hoj šunďal tira romňa a chaľal pal o stromos, pal savo tuke phenďom, hoj te na chas, ela prekal tu e phuv prekošľi. Calo tiro dživipen mušineha te kerel phares buči, hoj latar te chas.
98	GEN 4:18	O Henoch sas dad le Iradoske, o Irad sas dad le Mechujaeloske, o Mechujael sas dad le Metušaeloske a o Metušael sas dad le Lamechoske.
99	GEN 4:19	O Lamech peske iľa duje romňijen. Jekhake sas Ada a dujtonake sas Cilla.
100	GEN 4:20	La Adake uľiľa o Jabal. Ov sas prapapus olenge, save dživen andro stani a ľikeren gurumňen the bakren.
101	GEN 4:21	Leskero phral pes vičinelas Jubal: Ov ačhiľa o prapapus savorenge, save bašaven pro harfi the pro pišťaľki.
102	GEN 4:22	La Cillake uľiľa o Tubal-Kain. Ov sas kovačis a kerelas o sersami le brondzostar the le trastestar. Le Tubal-Kainoskeri pheň pes vičinelas Naama.
103	GEN 4:23	O Lamech phenďa peskere romňenge: “Ado the Cillo, šunen man! Murdarďom jekhe muršes, savo man dukhaďa, terne muršes, savo man demaďa.
104	GEN 4:24	Te oda hin avke, hoj vaš o dživipen le Kainoskero pes lela pale efta dživipena, avke vaš o Lamech pes lela pale eftavardeš the efta (77) dživipena.”
109	GEN 5:3	Le Adamoske sas šel the tranda (130) berš, sar uľiľa leske čhavo, savo sas ajso sar ov, a diňa leske nav Šet.
112	GEN 5:6	Le Šetoske sas šel the pandž (105) berš, sar leske uľiľa čhavo o Enoš.
115	GEN 5:9	Le Enošiske sas eňavardeš (90) berš, sar leske uľiľa o Kenan.
118	GEN 5:12	Le Kenanoske sas eftavardeš (70) berš, sar leske uľiľa o Mahalalel.
124	GEN 5:18	Le Jaredoske sas šel the šovardeš the duj (162) berš, sar leske uľiľa o Enoch.
127	GEN 5:21	Le Enochoske sas šovardeš the pandž (65) berš, sar leske uľiľa čhavo o Matuzalem.
131	GEN 5:25	Sar sas le Matuzalemoske šel the ochtovardeš the efta (187) berš, uľiľa leske o Lamech.
132	GEN 5:26	Sar leske uľiľa o Lamech, dživelas o Matuzalem paľis mek efta šel the ochtovardeš the duj (782) berš a sas les muršora the čhajora.
134	GEN 5:28	Le Lamechoske sas šel the ochtovardeš the duj (182) berš, sar leske uľiľa muršoro.
135	GEN 5:29	O Lamech phenďa: “Leskero nav ela Noach, bo ov amen dela o radišagos a odlela o pharipen la bučatar, so keras amare vastenca pre kadi phuv, so o RAJ prekošľa.”
136	GEN 5:30	Sar leske uľiľa o Noach, dživelas o Lamech paľis mek pandž šel the eňavardeš the pandž (595) berš a sas les muršora the čhajora.
137	GEN 5:31	Le Lamechoske sas efta šel the eftavardeš the efta (777) berš, sar muľa.
140	GEN 6:2	o nalačhe aňjela dikhle, hoj le manušengere čhaja hine igen šukar. Lenas peske lendar avri romňijen a ačhenas lenca te dživel.
162	GEN 7:2	Le tuha po efta pari savore žuže džvirinendar, ale le nažuže džvirinendar le ča po jekh para.
163	GEN 7:3	Le mek po efta pari le čiriklendar andral dojekh rodos. Ker oda, hoj te predživen a hoj te el lendar pale buter.
166	GEN 7:6	Le Noachoske sas šov šel (600) berš, sar avľa e potopa pre phuv.
168	GEN 7:8	Le Noachoha gele andro korabos andro pari savore žuže the nažuže džvirinendar, samcos the samica, le čiriklendar the savorestar, so pes cirdel pal e phuv, avke sar leske prikazinďa o Del.
224	GEN 9:18	Le Noachoskere čhave, save avle avri andral o korabos, sas o Šem, o Cham the o Jafet. (O Cham sas dad le Kanaanoske.)
235	GEN 9:29	Le Noachoske sas eňa šel the penda (950) berš, sar muľa.
236	GEN 10:1	Kala hine o kmeňi le Noachoskere: Leskere čhave sas o Šem, o Cham the o Jafet. Pal e potopa lenge uľile čhave.
237	GEN 10:2	Le Jafetoskere čhave sas o Gomer, o Magog, o Madaj, o Javan, o Tubal, o Mešech the o Tiras.
242	GEN 10:7	O čhave le Kušeskere sas o Sebas, o Chavilah, o Sabtas, o Raemah the o Sabtechas. Le Raemoskere čhave sas o Šebah the o Dedan.
243	GEN 10:8	Le Kušoske uľiľa čhavo o Nimrod, savo ačhiľa nekzoraleder murš pre phuv.
248	GEN 10:13	O Micrajim sas prapapus le Ludenge, le Anamenge, le Lehabenge, le Naftuchenge,
254	GEN 10:19	E Kanaaňiko phuv chudelas le Sidonostar ko Gerar dži ke Gaza the ke Sodoma, ke Gomora, ke Adma the ko Cebojim, dži ke Laša.
257	GEN 10:22	Le Šemoskere čhave sas o Elam, o Aššur, o Arpachšad, o Lud the o Aram.
258	GEN 10:23	Le Aramoskere čhave sas o Uc, o Chul, o Geter the o Maš.
259	GEN 10:24	Le Arpachšadoske uľiľa o Šelach a le Šelachoske uľiľa o Eber.
260	GEN 10:25	Le Eberiske uľile duj čhave: Jekheske diňa nav Paleg, bo sar ov dživelas, o manuša pes rozgele pal caľi phuv. Leskere phraleske diňa nav Joktan.
261	GEN 10:26	Le Joktanoske uľile o Almodad, o Šelef, o Chacarmavet, o Jerach
265	GEN 10:30	Lengere thana, kaj bešenas, chudenas la Mešatar dži ko Sefar paš e verchengeri phuv pro vichodos.
267	GEN 10:32	Kala hine o kmeňi le Noachoskere čhavengere pal peskere fajti the narodi. Lendar pes rozgele pal e potopa savore narodi pal caľi phuv.
279	GEN 11:12	Le Arpachšadoske sas tranda the pandž (35) berš, sar uľiľa leske o Šelach.
281	GEN 11:14	Le Šelachoske sas tranda (30) berš, sar uľiľa leske o Eber.
283	GEN 11:16	Le Eberiske sas tranda the štar (34) berš, sar leske uľiľa o Paleg.
285	GEN 11:18	Le Palegoske tranda (30) berš, sar leske uľiľa o Reu.
287	GEN 11:20	Le Reusiske tranda the duj (32) berš, sar leske uľiľa o Serug.
289	GEN 11:22	Le Serugoske sas tranda (30) berš, sar leske uľiľa čhavo o Nachor.
291	GEN 11:24	Le Nachoriske bišueňa (29) berš, sar leske uľiľa čhavo o Terach.
294	GEN 11:27	Kala hine le Terachoskere čhave: Le Terachoske uľiľa o Abram, o Nachor the o Haran. Le Haranoske uľiľa o Lot.
296	GEN 11:29	O Abram the o Nachor peske ile romňijen. Le Abramoskeri romňi sas e Saraj a le Nachoriskeri romňi sas e Milka. E Milka the e Jiska sas o čhaja le Haranoskere.
297	GEN 11:30	La Saraj našťi sas čhave.
298	GEN 11:31	O Terach iľa peskere čhas le Abram, le Haranoskere čhas le Lot the peskera bora la Saraj, savi sas le Abramoskeri romňi, a iľa len avri andral o Chaldejiko foros Ur, hoj te džan te bešel andro Kanaan. Avle andro Charan a ode ačhile te bešel.
299	GEN 11:32	Le Terachoske sas duj šel the pandž (205) berš, sar muľa andro Charan.
303	GEN 12:4	O Abram kerďa avke, sar leske o RAJ phenďa. The o Lot geľa leha. Le Abramoske sas eftavardeš the pandž (75) berš, sar geľa avri andral e phuv Charan.
304	GEN 12:5	Avke o Abram iľa peskera romňa la Saraj, le phraleskere čhas le Lot, savoro barvaľipen the le služobňiken, saven peske dochudľa andral o Charan a džanas andre phuv Kanaan. Sar avle andro Kanaan,
306	GEN 12:7	Le Abramoske pes sikaďa o RAJ a phenďa leske: “Kadi phuv dava tire čhavenge.” Avke o Abram ačhaďa oltaris ode, kaj pes leske o RAJ sikaďa.
320	GEN 13:1	Avke o Abram geľa avri andral o Egipt peskera romňaha the savoreha, so les sas, a geľa andre pušťa Negev. The o Lot geľa leha.
324	GEN 13:5	The le Lot, savo džalas le Abramoha, sas bakre, gurumňa the stani.
326	GEN 13:7	A avľa o vesekedišagos maškar o pasťjera le Abramoskere the Lotoskere. Akor bešenas andre odi phuv o Kanaančana the o Perizeja.
327	GEN 13:8	Vašoda phenďa o Abram le Lotoske: “Našťi domukas, hoj amen the amare pasťjera pes te vesekedinas maškar peste. Se sam famelija!
329	GEN 13:10	O Lot pes rozdikhľa a dikhľa, hoj caľi phuv le Jordanostar dži ko Coar hin cinďarďi sar le RAJESKERI bar Eden abo sar o Egipt. Oda sas mek sigeder, sar o RAJ zňičinďa e Sodoma the e Gomora.
330	GEN 13:11	Vašoda peske o Lot iľa avri caľi phuv paš o Jordan a geľa pro vichodos. Kavke pes rozgele jekh avrestar.
331	GEN 13:12	O Abram bešelas andre phuv Kanaan a o Lot pes ľikerelas maškar o fori ola phuvake a preľidžalas peskere stani dži paš e Sodoma.
333	GEN 13:14	Sar imar le Abramostar o Lot geľa het, o RAJ phenďa le Abramoske: “Rozdikh tut odarik, kaj sal! Dikh pro severos, pro juhos, pro vichodos the pro zapados.
340	GEN 14:3	Kala pandž kraľa pes dothode a zgele pes jekhetane andro Siddim maškar o brehi, kaj hin akana o Londo Moros.
349	GEN 14:12	Ile the le Abramoskere phraleskere čhas le Lot the leskero barvaľipen, bo bešelas andre Sodoma.
353	GEN 14:16	Akor o Abram anďa pale savoro barvaľipen the peskere phraleskere čhas, le Lot, leskere barvaľipnaha, le džuvľen the avre manušen.
359	GEN 14:22	Ale o Abram leske odphenďa: “Lav bari vera a hazdav mire vasta ke miro RAJ, ko Nekbareder Del, savo kerďa o ňebos the e phuv,
396	GEN 16:14	Vašoda pes odi chaňig vičinel Beer-Lachaj-Roi. Kadi chaňig hiňi maškar o foros Kadeš the Bered.
414	GEN 17:16	Me la požehňinava a dava tut latar čhas. Požehňinava la a ačhela latar daj le narodengeri. Latar avena avri the o kraľa.”
417	GEN 17:19	O Del leske pale phenďa: “Na! Tiri romňi e Sara tut dela čhavores a deha leske nav Izak. Leha the leskere čhavengere čhavenca phandava e zmluva, so ela pro furt.
422	GEN 17:24	Le Abrahamoske sas eňavardeš the eňa (99) berš, sar sas občhindo,
443	GEN 18:18	Le Abrahamostar ela čačes baro a zoralo narodos a andre leste ena požehňimen savore narodi pre phuv.
450	GEN 18:25	Vareso ajso kames te kerel? Le binošnes kames te murdares le čačipnaskere manušeha? Či hin o čačipnaskero manuš sar o binošno? Mi el oda dur tutar! Či o sudcas caľa phuvakero na majinďahas te kerel oda, so hin čačipnaskero?”
459	GEN 19:1	Sar ke račate avenas duj aňjela andre Sodoma, o Lot bešelas andre foroskeri brana. Soča len zadikhľa, ušťiľa, geľa anglal lende a banďiľa pre phuv le mujeha.
463	GEN 19:5	Vičinde peske le Lot a phučle lestar: “Kaj hine ola murša, save avle kadi rat ke tu? De amenge len, hoj lenca te pašľuvas.”
464	GEN 19:6	Akor o Lot geľa avri ke lende, ale o vudar pal peste phandľa.
467	GEN 19:9	Ale on les na šunde a phende: “Dža adarik het!” A dureder vriskinenas: “Tu korkoro kade avľal sar cudzincos a kames amenge tu te dovakerel? Akana mek goreder dopereha sar on!” A džanas igen zoraha pro Lot a kamenas te rozmarel o vudar.
468	GEN 19:10	Androda ola duj murša peskere vastenca cirdle le Lot andro kher a phandle andre o vudar.
470	GEN 19:12	Paľis o murša phende le Lotoske: “Hin kade mek vareko tirendar? Džamutre, čhave, čhaja abo mek vareko andral kada foros? Le len adarik het.
472	GEN 19:14	Avke o Lot geľa avri a phenďa le muršenge, save majinde peske te lel leskere čhajen vaš o romňa: “Ušťen, džan het andral kada foros, bo o RAJ les kamel te zňičinel!” Ale on peske gondoľinenas, hoj kerel pheras.
473	GEN 19:15	Sar avľa o vidňišagos, o aňjela dovakerenas le Lotoske a phende: “Sigo ušťi! Le la romňa the soduje čhajen, save hine kade, hoj te na meres, sar o RAJ zňičinela kada foros.”
474	GEN 19:16	Ale o Lot na kamelas takoj te džal, avke ola duj murša chudle les, leskera romňa the soduje čhajen vastestar, bo o RAJ na kamelas, hoj on te meren. Ľigende les avri andral o foros a ode les mukle.
476	GEN 19:18	O Lot lenge phenďa: “Na, rajeja, mangav tut!
481	GEN 19:23	Sar o Lot dogeľa andro Coar, o kham avelas avri upral odi phuv.
484	GEN 19:26	Le Lotoskeri romňi pes obdikhľa pale a čerinďa pes pro londo slupos.
487	GEN 19:29	Avke, sar o Del zňičinelas o fori pre oda than, kaj bešelas o Lot, leperďa peske pro Abraham a mukľa le Lot te denašel odarik avri.
488	GEN 19:30	O Lot daralas te ačhel andro foros Coar, avke iľa peskere duje čhajen a geľa lenca te bešel pro brehos andre jaskiňa.