438	GEN 18:13	O RAJ phenďa le Abrahamoske: “Soske e Sara asal a phenel peske: ‘Či čačes man šaj el akana čhave, sar imar som phuri?’
501	GEN 20:5	Či mange ov korkoro na phenďa: ‘Kadi hin miri pheň?’ Se the oj mange phenďa: ‘Kada hin miro phral.’ Me na džanavas ňisostar, mire vasta hine žuže.”
631	GEN 24:39	Paľis phučľom mire rajestar: ‘So te odi džuvľi na kamela te avel manca?’
639	GEN 24:47	Paľis latar phučľom: ‘Kaskeri sal tu čhaj?’ Oj odphenďa: ‘Miro dad hin o Betuel, o čhavo le Nachoriske the la Milkake.’ Paľis lake prithoďom andro nakh e angrusi the pro vasta o naramki.
946	GEN 32:18	Le ešebneske (le peršeske) phenďa: “Te tut zdžaha mire phraleha le Ezavoha a phučela tutar: ‘Kaskero sal a kaj džas a kaskero hin kada stados, so trades angle tu?’
1344	GEN 44:19	Tu pes akor, rajeja amaro, phučehas tire sluhendar: ‘Hin mek tumen dad abo phral?’
1593	EXO 3:13	Ale o Mojžiš leske phenďa: “Te džava paš o Izraeliti, phenava lenge: ‘O Del tumare dadengero man bičhaďa ke tumende,’ a phučena mandar: ‘Sar pes vičinel?’ So lenge odphenava?”
1843	EXO 12:26	A te tumendar jekhvar phučena tumare čhave: ‘Soske oslavinas kada inepos?’
1882	EXO 13:14	Te tumendar varekana phučena tumare čhave: ‘Oda so kada hin?’ Odphenena leske: ‘O RAJ amen iľa avri andral o Egipt peskere zorale vasteha, andral odi phuv, kaj samas otroka.
5108	DEU 6:20	Te varekana tutar phučela tiro čhavo: ‘Soske tumenge o RAJ, amaro Del, diňa te doľikerel ola prikazaňja the zakoni?’
5161	DEU 9:2	O manuša, le Anakoskere potomki, hine zorale the bare! Prindžaren len a šunďan pal lende: ‘Ko šaj džal pre lende?’
5407	DEU 18:21	Šaj tuke phenes: ‘Sar prindžaraha, save lava nane le RAJESKERE?’
5705	DEU 29:23	Akor savore narodi phučena: ‘Soske oda kerďa o RAJ kala phuvake? Soske kadi bari choľi?’
5722	DEU 30:12	Nane dži andro ňebos, hoj te phučen: ‘Ko džala upre andro ňebos te anel les tele a te phenel amenge, hoj les te doľikeras?’
5723	DEU 30:13	Nane aňi dži pre oki sera le moroske, hoj te phučen: ‘Ko predžala o moros, hoj les te anel a te phenel amenge, hoj les te doľikeras?’
6653	JDG 5:28	Prekal e oblaka dikhel e daj le Siseroskeri a vičinel prekal o mreži: ‘Soske avel avke nasig leskero verdan? Soske na šunav le grajen, save cirden o verdan?’
6736	JDG 8:15	Sar paľis avľa o Gideon ko manuša andral o Sukkot, phenďa lenge: “Dikhen, kade hin o Zebach the o Calmun, prekal save man asanďiľan avri a phenďan: ‘So, imar ňerinďal upral o Zebach the Calmun, hoj te das tire muršen maro?’ ”
6758	JDG 9:2	“Phučen le manušendar andral o Šichem: ‘So hin feder prekal tumende? Oda, hoj eftavardeš (70) čhave le Gideonoskere te en upral tumende, abo ča jekh murš?’ Ma bisteren, hoj som tumare ratestar the ťelostar!”
6765	JDG 9:9	Ale e oliva phenďa: ‘Majinav te zaačhavel miro olejos, saveha požehňinav le devlen the le manušen, hoj man te hazdav upral o stromi?’
6767	JDG 9:11	Ale o figovňikos lenge phenďa: ‘Majinav man te zdel mire ovocjendar, save hine lačhe the gule, hoj man te hazdav upral o stromi?’
6769	JDG 9:13	Ale o viňičis lenge phenďa: ‘Majinav te preačhel te del miri mol, so kerel radišagos le devlenge the le manušenge, hoj man te hazdav upral o stromi?’
6794	JDG 9:38	Paľis o Zebul leske phenďa: “Kaj hine tire bare lava? Či na phenďal: ‘Ko hin o Abimelech, hoj leske te služinas?’ Kala murša hine ola, saven avri asanďiľal. Akana dža a mar tut lenca!”
7271	1SA 2:29	Soske keren bi e pačiv mire obetenca the darenca, so phenďom mire manušenge, hoj te anen? Soske tire čhave tuke hine feder sar me a des len te chal ola nekfeder kotora le obetendar, so mange anen mire manuša?’
7422	1SA 10:2	Sar akana oddžaha mandar, arakheha paš o hrobos la Rachelakero andre Benjaminengeri phuv Celcach duje muršen, save tuke phenena: ‘O somara pes imar arakhle. Tiro dad imar na daral pal lende, ale pal tumende. Phučel: So šaj kerav prekal miro čhavo?’
8033	2SA 1:8	Ov mandar phučľa: ‘Ko sal tu?’ Odphenďom: ‘Me som Amalekos.’
8283	2SA 11:21	Či na džanes, ko murdarďa le Jerubbaaloskere čhas le Abimelech? Na sas oda e džuvľi, savi pre leste čhiďa pal o muri o malmoskero bar, a avke muľa andro Tebec? Soske geľan pašes paš o muri?’ Akor leske phen: ‘The tiro služobňikos o Urijaš muľa.’ ”
8439	2SA 16:10	Ale o David leske phenďa: “So tumen andre oda, čhave la Cerujakere! Bo te o RAJ leske phenďa, hoj te prekošel man, akor ko leske šaj phenel: ‘Soske kada keres?’ ”
8526	2SA 19:13	Tumen san mire phrala, sam jekh rat. Soske tumen majinen te el posledne manuša, save anena pale khere le kraľis?’
8733	1KI 1:13	Dža ko David a phen leske: ‘Či mange na phenďal, rajeja miro the kraľina, hoj miro čhavo o Šalamun ačhela kraľis pal tute a hoj ov bešela pre tiro tronos? Soske akor ačhiľa o Adonijah kraľiske?’
9062	1KI 9:8	A kale Chramostar na ačhela ňič, ča o bara, a dojekh, ko odarik predžala, ela sar kašt a phenela: ‘Soske kada o RAJ kerďa kala phuvake the Chramoske?’
9503	1KI 22:20	O RAJ phučľa: ‘Ko kerela upre le Achab, hoj te džal pro mariben andro Ramot-Gilead a hoj ode te merel?’ Jekh phenelas kavke a dujto avke.
9540	2KI 1:3	Akor le RAJESKERO aňjelos phenďa le Eliašoske andral o Tišbe: “Ušťi a dža pro drom, hoj pes te zdžas le služobňikenca, saven bičhaďa o Samarijiko kraľis, a phen lenge: ‘So, nane andro Izrael Del, hoj pes džan te phučel le devlestar Baal-Zebub andro Ekron?’
11350	2CH 7:21	A dojekh, ko odarik predžala, pes čudaľinela a phenela: ‘Kada Chramos sas ajso šukar! Soske oda o RAJ kerďa kala phuvake the kale Chramoske?’
11566	2CH 18:19	O RAJ lendar phučľa: ‘Ko kerela upre le Izraelike kraľis Achab, hoj te džal pro mariben andro Ramot-Gilead, hoj ode te merel?’ Jekh phenelas kavke a dujto avke.
12148	EZR 5:9	Akor phučľam le vodcendar: ‘Ko tumenge domukľa te ačhavel kada Chramos a te oprikerel kala muri?’
23382	MAT 6:31	Avke ma starinen tumen a ma phenen: ‘So chaha? So pijaha? So uraha?’
23389	MAT 7:4	Te andre tiri jakh hin o kašt, sar šaj phenes tire phraleske: ‘De, hoj tuke te lav avri o šmecos andral e jakh?’
23407	MAT 7:22	But džene mange andre oda Džives phenena: ‘Rajeja, Rajeja, či na prorokinahas andre tiro nav? Na tradahas avri le demonen andre tiro nav? Na kerahas but zazraki andre tiro nav?’
23453	MAT 9:5	Bo so hin lokeder? Te phenel: ‘Odmukel pes tuke o bini!’ – vaj te phenel: ‘Ušťi a dža?’
23635	MAT 13:27	Avle o sluhi a phende le chulajiske: ‘Rajeja, či na sadzinďal o lačho semenos pre tiri maľa? Khatar akor avľa kada kukoľ?’
23636	MAT 13:28	Ov phenďa: ‘O ňeprijaťeľis ada kerďa.’ O sluhi leske phende: ‘Kames, hoj te džas a te cirdas len avri?’
23829	MAT 18:33	či na majinďal te el the tu jileskero ke miro aver sluhas avke, sar me somas jileskero ke tu?’
23867	MAT 20:6	Paľis geľa avri vaj pandž orendar a arakhľa avre dženen te ačhel a ňič te na kerel a phenďa lenge: ‘So kade ačhen calo džives a ňič na keren?’
23876	MAT 20:15	Abo našťi kerav mireha oda, so me kamav? Dikhes pre mande namištes vaš oda, hoj som lačho?’
23920	MAT 21:25	Khatar sas le Janoskero boľipen? Andral o ňebos vaj le manušendar?” On gondoľinenas maškar peste a phenenas: “Te phenaha: ‘Andral o ňebos’ – phenela amenge: ‘Akor soske leske na pačanďiľan?’
23953	MAT 22:12	A phenďa leske: ‘Prijaťeľina, sar avľal andre, te na sal urdo andro bijavutne gada?’ A ov sas čhit.
24116	MAT 25:39	Kana tut dikhľam nasvales abo andre bertena a avľam pal tute?’
24121	MAT 25:44	Akor leske the on odphenena: ‘Rajeja, kana tut dikhľam bokhales, abo smednones, abo sar cudzincos, abo langes, abo nasvales, abo andre bertena, a na kerďam pašal tu?’
24464	MRK 5:31	O učeňika leske odphende: “Se dikhes, hoj tut o manuša ispiden pal savore seri, a tu phučes: ‘Ko pes mandar dotkňinďa?’ ”
24630	MRK 9:23	O Ježiš leske odphenďa: “Soske phenes: ‘Te šaj?’ Oda, ko pačal, savoro šaj kerel!”
24712	MRK 11:3	Te tumendar vareko phučela: ‘Soske oda keren?’ – phenen leske: ‘Le Rajeske les kampel, ale maj les anela pale.’ ”
24740	MRK 11:31	On gondoľinenas maškar peste: “Te phenaha: ‘Andral o ňebos’, phenela: ‘Akor soske leske na pačanďiľan?’
24837	MRK 14:14	a oleske, andre kaskero kher džala, phenen: ‘O Učiťeľis tuke phenel: Kaj hin o than, kaj chaha le učeňikenca o Patraďakero chaben?’
25284	LUK 7:20	Sar avle ola murša ke leste, phende: “O Jan Krsťiťeľ amen bičhaďa pal tu a phenďa, hoj tutar te phučas: ‘Sal tu oda, ko majinel te avel, abo kampel te užarel avres?’ ”
25548	LUK 12:20	Ale o Del leske phenďa: ‘Tu nagoďaver! Mek adi rat tutar ela ilo tiro dživipen a oda, so tuke skidňal, kaske ačhela?’
25612	LUK 13:25	Bo sar ušťela o chulaj a zarinela o vudar a te tumen ačhena avri, durkinena pro vudar a phenena: ‘Rajeja, Rajeja, phundrav amenge!’ Ov tumenge odphenela: ‘Na prindžarav tumen! Khatar san?’
25694	LUK 16:5	Po jekhes peske vičinďa olen, save kamenas le rajeske, a le ešebnestar phučľa: ‘Keci kames mire rajeske?’
25696	LUK 16:7	Paľis phučľa le dujtonestar: ‘Tu keci kames?’ Odphenďa: ‘Ezeros (1 000) gone žužoďiv.’ Ov leske phenďa: ‘Le kade o papiris, kaj hin pisimen, keci kames, a pisin ochto šel (800).’
25727	LUK 17:7	“Te hin tumen sluhas, savo orinel abo pasinel, ko tumendar leske takoj phenel, sar avel pal e maľa: ‘Av, beš tuke paš o skamind?’
25823	LUK 19:23	Akor soske na diňal mire love olenge, save keren le lovenca, a sar me avľomas, iľomas mange pale buter?’
25853	LUK 20:5	On gondoľinenas maškar peste: “Te phenaha: ‘Andral o ňebos,’ phenela amenge: ‘Akor soske leske na pačanďiľan?’
25944	LUK 22:11	A phenena le manušeske, kaskero hino o kher: ‘O Učiťeľis tuke phenel: Kaj hin oda than, kaj šaj chav o Patraďakero chaben mire učeňikenca?’
26291	JHN 5:12	Avke lestar phučle: “Ko hin oda manuš, so tuke phenďa: ‘Le tiro haďos a dža?’ ”
26368	JHN 6:42	A phenenas: “Či nane kada o Ježiš, o čhavo le Jozefoskero? Či na prindžaras leskere dades the da? Sar šaj phenel: ‘Avľom tele andral o ňebos?’ ”
26433	JHN 7:36	So hin oda, so phenďa: ‘Rodena man a na arakhena a ode, kaj me som, tumen našťi aven?’ ”
26483	JHN 8:33	Odphende leske: “Amen sam le Abrahamoskere čhave a šoha (ňikda) ňikaske na samas otroka. Sar tu phenes: ‘Avena oslobodzimen?’ ”
26584	JHN 10:34	O Ježiš lenge odphenďa: “Či nane pisimen andre tumaro Zakonos: ‘Me phenďom, devla san?’
26746	JHN 14:9	O Ježiš leske phenďa: “Kajci but som tumenca a na prindžarďal man, Filip? Ko man dikhľa, dikhľa le Dades. Sar šaj phenes: ‘Sikav amenge le Dades?’
26800	JHN 16:5	“Ale akana džav ke Oda, savo man bičhaďa, a ňiko tumendar mandar na phučel: ‘Kaj džas?’
27211	ACT 7:26	Paľis pre aver džives, sar pes duj džene vesekedinenas, sikaďa pes lenge a kamľa maškar lende te anel o smirom. Phenďa: ‘Muršale! Phrala san, soske tumen maren?’
27213	ACT 7:28	So? Kames man te murdarel, sar murdarďal idž kole Egipťanos?’
27220	ACT 7:35	O Mojžiš hin oda, saves na kamle. Phende pre leste: ‘Ko tut thoďa upral amende, hoj amen tu te ľidžas a te sudzines?’ A ipen les bičhaďa o Del, hoj len te ľidžal a te zachraňinel akor, sar ke leste prevakerďa o aňjelos, savo pes leske sikaďa andro krakos.
27235	ACT 7:50	Či oda savoro na kerďa miro vast?’
27779	ACT 22:7	Peľom pre phuv a šunďom o hangos, so mange phenďa: ‘Saul, Saul, soske pre mande džas?’
27780	ACT 22:8	A me odphenďom: ‘Ko sal, Rajeja?’ Odphenďa mange: ‘Me som o Ježiš Nazaretsko, oda, pre kaste tu džas.’
27782	ACT 22:10	Me phenďom: ‘So majinav te kerel, Rajeja?’ O Raj mange odphenďa: ‘Ušťi a dža andro Damaskus. Ode pes tuke phenela savoro, so mušines te kerel.’
27905	ACT 26:14	Savore peľam pre phuv a šunďom o hangos, so mange andre Hebrejiko čhib phenďa: ‘Saul, Saul, soske pre mande džas?’ Phares tuke ela, te aveha sar guruv, so ruhinel andre peskero rajeskero špicos.
27906	ACT 26:15	A me phenďom: ‘Ko sal, Rajeja?’ O Raj phenďa: ‘Me som o Ježiš, pre kaste tu džas.
28262	ROM 10:6	Ale o spravodľišagos prekal o pačaben, phenel kada: “Ma phen tuke andro jilo: ‘Ko džala upre andro ňebos?’ (Oda hin te anel le Kristus tele.)
28263	ROM 10:7	Abo: ‘Ko džala tele andro svetos le mulengero?’ (Oda hin te anel le Kristus upre andral o meriben.)”
31080	REV 18:18	a vriskinena, sar dikhena o thuv, hoj labol o foros. A phenena: ‘Savo foros sas ajso sar kada baro foros?’