24963	LUK 1:1	Poštuime Teofile, ramov tuće zbog godova kaj but džene line te ramon okola događajurja save o Del obećisarda majsigo prekal e prorokurja, a save dogodisajle maškar amende.
24965	LUK 1:3	Zato vi me odlučisardem Teofile, te ramov tuće sa po redo, pošto pomno sa katar o početko istražisardem,
24967	LUK 1:5	Ande vrjama kana vladilas o Judejsko caro o Irod, sas varesavo rašaj savo akhardolas Zaharije andar e Avijasko rašajesko redo. A e lešći romnji sas isto andar e Aronosko pleme. Lako alav sas Jelisaveta.
24968	LUK 1:6	A liduj sas pravedne anglo Del, thaj trainas sa po zakono thaj pe okova so sas odredime anglo Gospod, bi manako.
24969	LUK 1:7	A naslen čhavra, kaj e Jelisaveta našti ačhelas khamni, a liduj već phurile.
24970	LUK 1:8	Jek đes kana o Zaharija služilas e Devlešće ando Hramo kaj po dužnost avilo o redo kana lešći grupa rašaja trubunas te služin,
24972	LUK 1:10	Pale vrjama kana kadilaspe ando Hramo, sa o them sas avri thaj molinaspe.
24974	LUK 1:12	Kana dikhla les o Zaharije, zurale darajlo.
24975	LUK 1:13	A o anđeo phendas lešće: “Na dara, Zaharija! Kaj si ašundi ćiri molitva: e romnji ćiri e Jelisaveta bijanela tuće čhave, thaj tu dele alav Jovan.
24976	LUK 1:14	Zbog leste aveja bahtalo thaj radosno, thaj e buten raduila lesko bijandipe.
24979	LUK 1:17	Džala anglo Gospod sago glasniko pherdo duho thaj sila, sago o proroko Ilija. Pomirila e dades lešće čhavenca a e nepokorne umurja boldela gajda te prihvatin o razumnost okolengo save si pravedne. Pripremila e theme pale e vrjama kana o Gospod avela.”
24981	LUK 1:19	A o anđeo phendas lešće: “Me sem o anđeo Gavrilo, savo ačhav anglo Del te služiv, thaj bičhaldo sem te ćerav svato tuva thaj te javiv tuće akaja bahtali nevimata.
24983	LUK 1:21	A o them ažućarelas avri e Zaharija, thaj začudisajle so gaći zadržisajlo ando svetište e Hramosko.
24984	LUK 1:22	A kana napokon inljisto, naštik ćerelas svato, nego e znakonenca probisardas te phenel lenđe so sas ando Hramo, thaj von haćardine kaj sas les viđenje ando svetište e Hramosko.
24986	LUK 1:24	A posle godola đesa lešći romnji e Jelisaveta ačili khamni, thaj pandž čhon či inkljelas avri andar piro ćher thaj motholas:
24988	LUK 1:26	Kana e Jelisaveta sas khamni šov čhon, o Del bičhaldas e anđele Gavrilo ando cikno Galilejsko gav savo akhardolas Nazaret
24989	LUK 1:27	ke Marija savi sas još čhej thaj sas mangli palo manuš, savo akhardolas Josif. Vo sas potomko e carosko Davidosko.
24990	LUK 1:28	Kana o anđeo dijas late andre phendas laće: “Raduitu, kaj o Del si pherdo milosti prema tute! O Gospod si tusa.”
24993	LUK 1:31	Ake ačheja khamni, thaj bijaneja čhave saves deja alav Isus.
24994	LUK 1:32	Vo avela baro, thaj akhardola Čhavo e Majbaresko, thaj o Gospod Del delales autoriteto te vladil sago o caro David savo sas lesko prapapo.
24995	LUK 1:33	Vo vladila e Jakovešće plemenova dži ko veko, thaj lešće carstvošće či avela krajo.
24997	LUK 1:35	A o anđeo phendas laće: “O Sveto Duho fuljela pe tute, thaj e Sila e Majbare Devlešći avela pe tute thaj zasenila tut. Zato vi okova savo bijandola avela sveto, thaj akhardola o Čhavo e Devlesko.
24998	LUK 1:36	Ake vi ćiri bibi e Jelisaveta, ačhili khamni ande piri purani vrjama, avela lat čhavo. Okoja isto manušnji pale savi phenenas kaj naštik avela čhavra već si šov čhon khamni!
25000	LUK 1:38	A e Marija phendas lešće: “Ake, sluškinja sem e Gospodešći. Neka avel manđe pe ćire alava.” Thaj o anđeo đelotar latar.
25002	LUK 1:40	Kana aresli okote dija ande Zaharijasko ćher, thaj pozdravisajli e Jelisavetava.
25003	LUK 1:41	Kana e Jelisaveta ašunda e Marijako pozdrav, o čhavro huklo ando lako đi, a e Jelisaveta pherdili e Sveto Duhosa.
25004	LUK 1:42	Pale godova e bahtatar čhutas muj e bare glasosa: “Maj blagoslovime san tu, Marijo, katar sa e manušnja, thaj blagoslovime o čhavro ande ćiro đi.
25005	LUK 1:43	Savi čast siman, te tu e dej mungre Gospodešći aves mande!
25006	LUK 1:44	Kaj ake čim o pozdrav ćiro avilo džike mungre kan, e bahtatar o čhavro huklas ande mungro đi.
25010	LUK 1:48	Kaj milostivo dikhla pe mande pe piri ponizno sluškinja, katar akana sa e manuša akharena man blagoslovime.
25011	LUK 1:49	Kaj o silno Del, savesko si alav sveto, ćerdas manđe baro lačhipe.
25014	LUK 1:52	Čhudas tele katar o prestolje e vladaren, a vazdas e poniznonen.
25015	LUK 1:53	E bokhalen čaljarda e lačhipeja, a e barvalen mukla čuče vastenca.
25017	LUK 1:55	sago kaj obećisardas amare pra paponenđe, e Avraamešće thaj lešće potomkonenđe dži ko veko.”
25018	LUK 1:56	A e Marija ačhili ke Jelisaveta varekaj katar trin čhon, thaj askal boldapes ćhere.
25020	LUK 1:58	Kana ašundine laće komšije thaj laći familija kaj o Gospod sas gajda lačho thaj milostivo prema late, raduisajle zajedno lasa.
25021	LUK 1:59	A kana e čhavres sas ohto đes o them ćidape po obred te obrezin e čhavre. Thaj line te denle alav Zaharija, sago kaj bučhol lesko dad.
25027	LUK 1:65	A e Devlešći dar lija sa lenđe komšijen po gorsko krajo e Judejako, thaj ćerelas pes svato pale akala događaja.
25028	LUK 1:66	Thaj savora save ašundine pale akala događaja, gndinas thaj phučenas pes ande peste: “So avela katar akava čhavro? Čačes si o vas e Gospodesko pe leste.”
25029	LUK 1:67	O Zaharije, o dad e čhavresko, pherdilo e Sveto Duhosa, thaj prorokuisardas alavenca:
25031	LUK 1:69	Vazdas amenđe silno spasitelje andar o potomstvo pire slugasko e Davidesko,
25034	LUK 1:72	Sas milostivo amare pra dadenđe thaj održil piro sveto savezo,
25036	LUK 1:74	Izbavisarda amen andar amare dušmajenđe vas, te šaj služis lešće bi darako,
25038	LUK 1:76	Aj tu, Jovane čhaveja mungreja, akhardoja proroko e Majbare Devlesko kaj džaja anglo Gospod te lačhares lesko drom.
25040	LUK 1:78	Zbog e bari milost amere Devlešći, osvanila amenđe andar e visine e nevi detharin a
25042	LUK 1:80	A o čhavro Jovano barjolas thaj zuravolas ando duho. Kana barjilo, trailas ande pustinja sa dok či započnisardas e javno služba angle Izraelcurja.
25043	LUK 2:1	Ande godoja vrjama kana bijandilo o Jovano, inkljisti e zapoved katar o rimsko caro Avgusto te sa o them savo trailas ando Rimsko carstvo avel ramome ando popis stanovništva.
25046	LUK 2:4	Gajda vi o Josif teljardas andar o gav Nazaret andar e Galilejsko regija, ando Vitlejem e Judejsko regija kaj sas o David bijando, kaj o Josif sas potomko e carosko Davidesko
25049	LUK 2:7	Bijandas pire prvo čhaves, paćardale, thaj čhutale ande jasle kaj nas than ande gostijonica.
25051	LUK 2:9	Andar jekhvar o anđeo e Gospodesko ačhilo maškar lende, thaj obasjaisardalen e slava e Gospodešći, a von zurale darajle.
25052	LUK 2:10	A o anđeo phendas lenđe: “Na daran! Kaj ake, anav tumenđe e bahtali nevimata pe bari bah sa e themešće.
25053	LUK 2:11	Kaj ađes bijandilo tumenđe o Spasitelj, savo si o Gospod Hristo ando gav kaj bijandilo o caro David!
25056	LUK 2:14	“Slava e Devlešće ande nebeske visine, thaj pe phuv miro e themešće save si pe lešći volja!”
25057	LUK 2:15	Čim e anđelurja boldinepe ando nebo, e pastirja phenenas jek avrešće: “Hajde džas dži ko Vitlejem, te dikhas so godova okote dogodisajlo, so phendas amenđe o Gospod.”
25058	LUK 2:16	Sigo aviline ando than o Vitlejem thaj arakhline e Marija, thaj e Josife thaj e čhavres savo pašljol ande jasle.
25059	LUK 2:17	A kana dikhline e čhavres, e pastirja phendine sa so o anđeo phendas lenđe palo čhavro.
25062	LUK 2:20	Pale godova e pastirja boldinepe palpale, hvalinas thaj slavinas e Devle pale sa so dogodisajlo sago kaj vi phendas lenđe o anđeo.
25063	LUK 2:21	A kana avilo o ohtoto đes sar o čhavro bijandilo, trubuine te obrezin e čhavres, thaj dine les alav Isus, sago kaj phendas o anđeo dok još e Marija či ačhili khamni.
25065	LUK 2:23	(sago kaj si ramome ando zakono e Gospodesko: “Svako prvo bijando, a muško čhavo neka posvetilpe e Gospodešće”)
25071	LUK 2:29	“Akana, Gospode, šaj me ćiro sluga te merav ando miro sago kaj phendan.
25072	LUK 2:30	Kaj e jakha mungre dikhline o spasenje ćiro,
25073	LUK 2:31	savo pripremisardan angle sa o them,
25076	LUK 2:34	O Simeon askal blagoslovisardalen, thaj phendas e Isusešće dejaće e Marijaće: “O Del odredisardas pale akava čhavro te e but e manušenđe ando Izrael avel palo propast thaj butenđe palo vaskrsenje. Vo si odredime te avel e Devlesko znako, ali o but o them odbacila les.
25078	LUK 2:36	A okote sas vi e Devlešći proročica savi akhardolas Ana, e Fanuilovešći čhej, voj sas andar e Asiresko pleme thaj sas zurale purani. Trailas pire romesa samo efta brš,
25079	LUK 2:37	a pale godova trailas korkoro sar udovica dži ke ohtovardeš thaj štar brš. Voj sas stalno ando Hramo, služilas e Devlešće đeseja thaj e raćava, postilas thaj molilas pes.
25080	LUK 2:38	Thaj samo so o Simeon završisardas vi voj avili, thaj hvalilas e Devles thaj phenelas palo Isus savorenđe save ažućarenas te o Del otkupisarel o Jerusalim.
25081	LUK 2:39	Kana e Isusešći dej thaj lesko dad dine gata so sas po zakono e Gospodesko, boldinepe ande Galileja ando piro gav Nazaret.
25082	LUK 2:40	A o čhavro barjolas thaj zuravolas, thaj pherdolas mudrosti, thaj e milost e Devlešći sas pe leste.
25084	LUK 2:42	A kana sas e Isuse dešuduj brš, von aviline Lesa ando Jerusalim te slavin o prazniko.
25085	LUK 2:43	Kana sas gata godola đesa, thaj kana boldenas pes ćhere, o čhavro Isus ačhilo ando Jerusalim, a o Josif thaj lešći dej e Marija či džangline kaj si.
25088	LUK 2:46	Thaj o trito đes arakhlinele ando Hramo sar bešel maškar e sikavne, thaj čholas kan lende, thaj phučlas len.
25090	LUK 2:48	Kana dikhlinele začudisajle, a lešći dej phendas lešće: “Čhaveja! Sostar ćerdan amenđe gadava? Ake me thaj ćiro dad e darasa rodam tut.”
25095	LUK 3:1	Sas dešupandžto brš sar vladilas o caro Tiberija e rimske carstvosa, o Pontije Pilato vladilas e Judejava, o Irod vladilas e Galilejava, a lesko phral o Filip vladilas ande Itureja thaj ande Trahonitada, o Lisanije vladilas ande Avilina,
25096	LUK 3:2	o Ana thaj o Kajafa sas e šorvale rašaja, a o Del askal objavisardas piro alav e Jovanošće e Zaharijašće čhavešće ande pustinja.
25098	LUK 3:4	Sago kaj ramosardas o proroko Isaija, o Jovano sas: “O glaso savo čholas muj ande pustinja: ‘Lačharen o drom palo Gospod, Poravnisaren e staze pale leste!
25102	LUK 3:8	Sikaven tumare trajosa thaj tumare delenca kaj odvoisajle katar o bezeh thaj kaj obratisajle e Devlešće. Na hohaven tumen kaj si tumenđe dosta te phenen: ‘Amen sam e Avraamešće potomkurja,’ kaj phenav tumenđe kaj o Del šaj vi katar akala bara te vazdel čhavra e Avraamešće.”
25106	LUK 3:12	Aviline vi e carinikurja te o Jovane bolelen, thaj phendine lešće: “Sikamneja, so amen te ćeras?”
25108	LUK 3:14	E vojnikurja isto phučline: “A amen so te ćeras?” A vo phendas lenđe: “Khonikastar na len e love pe sila, na optužisaren khonikas hohamne thaj aven zadovoljno tumare poćinava.”
25110	LUK 3:16	Zato o Jovano phendas savorenđe: “Me bolava tumen e pajesa, ali avel vareko pale mande ko si majzuralo mandar, kašće me najsem dostojno ni e haravlja pe sandale te putrav. Vo bolela tumen e Sveto Duhosa thaj e jagasa.
25111	LUK 3:17	Šilavela piro gumno thaj odvoila o điv katar e pleva; o điv ćidela ande piro skladište, a e pleva dela jag e bare jagasa savi phabola večno.”
25113	LUK 3:19	A o Irod o vladari kas o Jovano ukorisarda zato kaj o Irod lijas e Irodijada, e romnja pire phralešće, thaj pale sa aver bilačhimata save ćerda o Irod,
25115	LUK 3:21	Kana o Jovano bolelas sa e themes, bolaspe vi o Isus. Dok o Isus molisajlo, putajlo o nebo,
25116	LUK 3:22	thaj fuljisto pe leste o Duho Sveto ande telesno obliko sago golubo, thaj andar o nebo ašundilo o glaso savo phendas: “Tu san mungro voljeno Čhavo. Tu san mungri bah!”
25117	LUK 3:23	Kana o Isus započnisardas e javno služba katar o Del sas les varekaj katar trjanda brš. Inćarelaspe kaj si o Isus čhavo e Josifesko. O Josif sas e Ilijesko čhavo,
25118	LUK 3:24	o Ilija sas e Matatesko čhavo, a o Matat e Levijesko čhavo, o Levije sas e Melhijesko čhavo, o Melhi sas e Janajesko čhavo, o Janaj e Josifesko čhavo,
25119	LUK 3:25	o Josif sas e Matatesko čhavo, o Matatija sas e Amosesko čhavo, o Amos sas e Naumasko čhavo, o Naum sas e Eslijesko čhavo, o Eslija sas e Nangejesko čhavo,
25120	LUK 3:26	o Nangej sas e Maatesko čhavo, o Maat sas e Matatijesko čhavo, o Matatija sas e Semeinasko čhavo, o Semein sas e Josihesko čhavo, o Josih sas e Jodasko čhavo,
25121	LUK 3:27	o Joda sas e Joananesko čhavo, o Joanan sas e Risasko čhavo, o Risa sas e Zorovavelesko čhavo, o Zorovavel sas e Salatiilesko čhavo, o Salatiil sas e Nirijasko čhavo,
25122	LUK 3:28	o Niri sas e Melhijasko čhavo, o Melhi sas e Adijasko čhavo, o Adi sas e Kosamesko čhavo, o Kosam sas e Elmadamesko čhavo, o Elmadam sas e Iresko čhavo,
25123	LUK 3:29	o Ir sas e Isusesko čhavo, o Isus sas e Eliezeresko čhavo, o Eliezer sas e Jorimesko čhavo, Jorim sas e Matatesko čhavo, o Matat sas e Levijesko čhavo,
25124	LUK 3:30	o Levije sas e Simeonesko čhavo, o Simeon sas e Judasko čhavo, o Juda sas e Josifesko čhavo, o Josif sas e Jonamesko čhavo, o Jonam sas e Eliakimesko čhavo,
25125	LUK 3:31	o Eliakim sas e Melejasko čhavo, o Meleja sas e Menasko čhavo, o Mena sas e Matatesko čhavo, o Matata sas e Natanesko čhavo, o Natan sas e Davidesko čhavo,
25126	LUK 3:32	o David sas e Jesejesko čhavo, o Jesej sas e Jovidesko čhavo, o Jovid sas e Voozesko čhavo, o Vooz sas e Salmonesko čhavo, o Salmon sas e Naasonesko čhavo,
25127	LUK 3:33	o Naason sas e Aminadavesko čhavo, o Aminadav sas e Adminesko čhavo, o Admin sas e Arnijesko čhavo, o Arni sas e Esromesko čhavo, o Esrom sas e Faresesko čhavo, o Fares e Judasko čhavo,
25128	LUK 3:34	o Juda sas e Jakovesko čhavo, o Jakov sas e Isakosko čhavo, o Isak sas e Avraamesko čhavo, o Avraam sas e Tarasko čhavo, o Tara sas e Nahoresko čhavo,
25129	LUK 3:35	o Nahor sas e Seruhesko čhavo, o Seruh sas e Ragavasko čhavo, o Ragav sas e Falekesko čhavo, o Falek sas e Everesko čhavo, o Ever sas e Salasko čhavo,
25130	LUK 3:36	o Sala sas e Kainamesko čhavo, o Kainam sas e Arfaksadesko čhavo, o Arfaksad sas e Simesko čhavo, o Sim sas e Nojesko čhavo, o Noje sas e Lamehesko čhavo,
25131	LUK 3:37	o Lameh sas e Matusalasko čhavo, o Matasala sas e Enohesko čhavo, o Enoh sas e Jaretesko čhavo, o Jaret sas e Malaleilesko čhavo, o Malaleil sas e Kainamesko čhavo,
25132	LUK 3:38	o Kainam sas e Enosesko čhavo, o Enos sas e Sitesko čhavo, o Sit sas e Adamesko čhavo, o Adam sas e Devlesko čhavo.
25133	LUK 4:1	O Isus, pherdo e Sveto Duhosa, boldape katar e reka Jordan, thaj inđardale o Sveto Duho e pustinjava,