24974	LUK 1:12	Kana dikhla les o Zaharije, zurale darajlo.
24975	LUK 1:13	A o anđeo phendas lešće: “Na dara, Zaharija! Kaj si ašundi ćiri molitva: e romnji ćiri e Jelisaveta bijanela tuće čhave, thaj tu dele alav Jovan.
24977	LUK 1:15	Kaj avela baro anglo Gospod. Či pijela mol niti pimo savo matarel. Pherdola e Sveto Duhosa još ando đi pire dejako.
24980	LUK 1:18	A o Zaharija phendas e anđelošće: “Sar me džanava kaj godova avela čače? Kaj sem me purano thaj e romnji mungri dija ande pire purane brš.”
24988	LUK 1:26	Kana e Jelisaveta sas khamni šov čhon, o Del bičhaldas e anđele Gavrilo ando cikno Galilejsko gav savo akhardolas Nazaret
24990	LUK 1:28	Kana o anđeo dijas late andre phendas laće: “Raduitu, kaj o Del si pherdo milosti prema tute! O Gospod si tusa.”
24992	LUK 1:30	A o anđeo phendas laće: “Na dara Marija! Kaj o Del iskažisardas tuće piri ljubav.”
24999	LUK 1:37	Kaj e Devlešće khanči naj nemoguće!”
25002	LUK 1:40	Kana aresli okote dija ande Zaharijasko ćher, thaj pozdravisajli e Jelisavetava.
25003	LUK 1:41	Kana e Jelisaveta ašunda e Marijako pozdrav, o čhavro huklo ando lako đi, a e Jelisaveta pherdili e Sveto Duhosa.
25006	LUK 1:44	Kaj ake čim o pozdrav ćiro avilo džike mungre kan, e bahtatar o čhavro huklas ande mungro đi.
25010	LUK 1:48	Kaj milostivo dikhla pe mande pe piri ponizno sluškinja, katar akana sa e manuša akharena man blagoslovime.
25011	LUK 1:49	Kaj o silno Del, savesko si alav sveto, ćerdas manđe baro lačhipe.
25012	LUK 1:50	Kaj o Del si milostivo; e milost lešći si katar e čang dži ke čang okolenđe save daran lestar.
25020	LUK 1:58	Kana ašundine laće komšije thaj laći familija kaj o Gospod sas gajda lačho thaj milostivo prema late, raduisajle zajedno lasa.
25042	LUK 1:80	A o čhavro Jovano barjolas thaj zuravolas ando duho. Kana barjilo, trailas ande pustinja sa dok či započnisardas e javno služba angle Izraelcurja.
25044	LUK 2:2	Akava sas o prvo popis kana o Kvirinije vladilas e Sirijava.
25052	LUK 2:10	A o anđeo phendas lenđe: “Na daran! Kaj ake, anav tumenđe e bahtali nevimata pe bari bah sa e themešće.
25053	LUK 2:11	Kaj ađes bijandilo tumenđe o Spasitelj, savo si o Gospod Hristo ando gav kaj bijandilo o caro David!
25064	LUK 2:22	Kana navršisajle e đesa katar lengo šilaipe prema e Mojsijesko zakon inđardine e čhavres ando Jerusalim te sikaven les e Gospodešće
25072	LUK 2:30	Kaj e jakha mungre dikhline o spasenje ćiro,
25081	LUK 2:39	Kana e Isusešći dej thaj lesko dad dine gata so sas po zakono e Gospodesko, boldinepe ande Galileja ando piro gav Nazaret.
25085	LUK 2:43	Kana sas gata godola đesa, thaj kana boldenas pes ćhere, o čhavro Isus ačhilo ando Jerusalim, a o Josif thaj lešći dej e Marija či džangline kaj si.
25086	LUK 2:44	Nego gndisardine kaj si e društvosa anglal. Kana nakhlo već jek đes phiripe počnisardine te rodenle maškar e familija thaj maškar okola kas džanenas.
25090	LUK 2:48	Kana dikhlinele začudisajle, a lešći dej phendas lešće: “Čhaveja! Sostar ćerdan amenđe gadava? Ake me thaj ćiro dad e darasa rodam tut.”
25096	LUK 3:2	o Ana thaj o Kajafa sas e šorvale rašaja, a o Del askal objavisardas piro alav e Jovanošće e Zaharijašće čhavešće ande pustinja.
25101	LUK 3:7	O Jovano phenelas okolenđe save avenas te bolelen: “Tumen e sapengo leglo! Ko phendas tumenđe kaj šaj te našen angle bari holji e Devlešći savi avel?
25103	LUK 3:9	Kaj o tover e Devlešće sudosko već si čhutino po koreno e kaštesko. Svako kaš savo či bijanel lačhe plodurja čhinelapes thaj čhudela pes ando bov.
25105	LUK 3:11	A o Jovano phendas lenđe: “Kas si duj gada neka del jek okole kas naj. Thaj kas si habe neka del okoles kas naj.”
25108	LUK 3:14	E vojnikurja isto phučline: “A amen so te ćeras?” A vo phendas lenđe: “Khonikastar na len e love pe sila, na optužisaren khonikas hohamne thaj aven zadovoljno tumare poćinava.”
25115	LUK 3:21	Kana o Jovano bolelas sa e themes, bolaspe vi o Isus. Dok o Isus molisajlo, putajlo o nebo,
25117	LUK 3:23	Kana o Isus započnisardas e javno služba katar o Del sas les varekaj katar trjanda brš. Inćarelaspe kaj si o Isus čhavo e Josifesko. O Josif sas e Ilijesko čhavo,
25122	LUK 3:28	o Niri sas e Melhijasko čhavo, o Melhi sas e Adijasko čhavo, o Adi sas e Kosamesko čhavo, o Kosam sas e Elmadamesko čhavo, o Elmadam sas e Iresko čhavo,
25130	LUK 3:36	o Sala sas e Kainamesko čhavo, o Kainam sas e Arfaksadesko čhavo, o Arfaksad sas e Simesko čhavo, o Sim sas e Nojesko čhavo, o Noje sas e Lamehesko čhavo,
25131	LUK 3:37	o Lameh sas e Matusalasko čhavo, o Matasala sas e Enohesko čhavo, o Enoh sas e Jaretesko čhavo, o Jaret sas e Malaleilesko čhavo, o Malaleil sas e Kainamesko čhavo,
25132	LUK 3:38	o Kainam sas e Enosesko čhavo, o Enos sas e Sitesko čhavo, o Sit sas e Adamesko čhavo, o Adam sas e Devlesko čhavo.
25155	LUK 4:23	Askal phendas lenđe: “Tumen manđe bi sumnjako mothona akaja poslovica: ‘Doktorina! Sastar korkoro tut!’ Ćer vi akate ande ćiro gav kaj barjilan so ašundam kaj ćerdan ando Kafarnaum.”
25163	LUK 4:31	Thaj avilo ando galilejsko gav savo akhardolas Kafarnaum, thaj sikavelas len savatone.
25170	LUK 4:38	Kana inkljisto andar e sinagoga, dija ande Simonesko ćher. E Simonešće sokra astardas e bari groznica, pa zamolisardine les te sastarel lat.
25172	LUK 4:40	Kana nakhlas o savatosko đes, sa e nasvalen katar razne nasvalimata, anenas len ko Isus, a vo pe savorende čholas pire vas, thaj von sastonas.
25182	LUK 5:6	Kana ćerdine godova, astardine but mačhe, gaći kaj pharjonas e mreže lenđe.
25183	LUK 5:7	Dine znako pire drugarenđe ando aver čamco te aven te pomožin len. Kana von aviline, pherdine e liduj čamcurija gajda kaj gata potonisardine.
25186	LUK 5:10	A gajda vi o Jakov thaj o Jovano sas ando čudo. Von sas e čhave e Zevedeješće thaj e drugarja e Simonešće. A o Isus phendas e Simonešće: “Na dara. Katar akana e manušen astarena.”
25188	LUK 5:12	Kana sas o Isus ande jek gav, dijas pe jek manuš savo sas sa ande guba. Dikhla e Isuse thaj pelo angle leste e mujesa pe phuv, thaj zamolisardale: “Gospode! Te kames šaj te sastaresman katar e guba.”
25189	LUK 5:13	Vo čhuta po vas pe leste, thaj phendas: “Kamav, av sasto!” Thaj e guba odma peli lestar.
25194	LUK 5:18	Askal aviline varesošće manuša save inđarenas pe nosilje e manušes savo sas lino. Kamline te anenle andre thaj te čhonle anglo Isus.
25195	LUK 5:19	Kana zbog o but o them naštik dine lesa andre, linepe po krovo e ćheresko thaj kroz o krovo muklinele tele zajedno e nosiljasa maškare anglo Isus.
25197	LUK 5:21	E fariseja thaj e sikavne e Mojsiješće zakonestar počnisardine te gndisaren thaj ande peste te phenen: “Ko si akava kaj hulil po Del? Ko šaj te jartosarel e bezeha osim o Del?”
25212	LUK 5:36	O Isus phendas lenđe još jek paramiči ande slike: “Khonik či čhinel e kotor katar o nevo gad te suveles pe purano gad. Ako godova ćerel, o nevo gad čhindola, a e purane gadešće či ačhela o kotor katar o nevo gad.
25213	LUK 5:37	Khonik či čhol e nevi mol ande purani morćhaći trasta, kaj e nevi mol pharavela e trasta, thaj e mol čhordola, a e morćhaći trasta propadnila.
25219	LUK 6:4	Kana dija ando ćher e Devlesko, thaj lijas e mangre save sas posvetime, hala thaj dija vi okolenđe save džanas pale leste. A khonik prema e Mojsijesko zakono či tromalas te hal e mangredar osim e rašaja.”
25238	LUK 6:23	Aven bahtale ande godola đesa thaj ćhelen, kaj dik, bari si tumari poćin ando nebo. Kaj sa godova bilačhipe isto gajda amaro them ćerelas amare prorokonenđe ande lenđe vrjama.
25245	LUK 6:30	Ko manđel tutar, deles. A okolestar kaj otmil ćiro na rode palpale.
25247	LUK 6:32	Thaj ako volin samo okolen kaj tumen volin, sošći avela tumari poćin? Kaj vi e bezehale volin samo okolen save len volin.
25248	LUK 6:33	Thaj ako ćeren lačhipe samo okolenđe kaj tumenđe ćeren lačhe, sošći avela tumari poćin? Kaj vi e bezehale ćeren gajda.
25249	LUK 6:34	Thaj te den udžile samo okolen katar save ažućaren te bolden tumenđe, sošći avela tumari poćin? Kaj vi e bezehale den e bezehalen udžile te šaj palem dobin palpale.
25259	LUK 6:44	Kaj svako kaš pe piro plodo pindžarelpe. E smokva thaj e drak či kušenpe katar e kangre.
25263	LUK 6:48	Slično si sago o manuš savo gajda ćerel o ćher: hanadas handuk thaj postavisarda o temelji pe stena. Kana avili e poplava, o paj navalisarda po ćher, ali naštik haradales kaj sas lačhe sagradime.
25265	LUK 7:1	Kana o Isus dija gata sa godola alava anglo them, dija ando o gav Kafarnaum.
25273	LUK 7:9	A kana godova ašundas o Isus, začudisajlo e kapetanošće thaj boldape ko them savo džalas pale leste thaj phendas: “Phenav tumenđe: Ke nijek Izraelco či arakhlem gaći paćipe sago ke akava kapetano!”
25276	LUK 7:12	Kana avilo paše ke gavesko vudar, dik, upravo inkalenas e mule te prahon les, e čhave jedinco pe dejaće, savi sas udovica. Lava sas o but o them andar o gav.
25277	LUK 7:13	Kana dikhlala o Gospod, sažalisajlo pe late thaj phendas laće: “Na rov!”
25284	LUK 7:20	Kana akala duj manuša aresline leste, phendine: “O Jovano savo bolel bičhalda amen tute te phučas tut: ‘Da li san tu okova saves obećisardas o Del kaj trubul te avel, ili te ažućaras avres?’”
25291	LUK 7:27	Kaj vo si okova pale savo o Del phendas ando Sveto lil: ‘Ake me bičhalav mungre glasniko angle ćiro muj savo lačharela ćiro drom angle tute.’
25292	LUK 7:28	Kaj phenav tumenđe: Nijek bijando katar e manušnji naj majbaro katar o Jovano, a o majcikno ando carstvo e Devlesko si majbaro lestar.”
25293	LUK 7:29	Kana sa o them, thaj vi e carinikurja, save sas bolde e Jovanošće boldimasa, ašundine e Isuse sar ćerel svato, priznaisardine kaj si e Devlesko sikavipe ispravno.
25295	LUK 7:31	O Isus phendas: “Kasa te usporedisarav e manušen akale naraštaješće? Kašće si slične?
25301	LUK 7:37	Kana ake avili varesošći manušnji savi sas bezehali ando gav. Ašunda kaj si o Isus pale sinija ande farisejsko ćher, avili thaj andas e alabasterosko čaroro ande savo sas kuč mirisno ulje.
25303	LUK 7:39	Kana godova dikhlas o farisej savo akharda les ande piro ćher, gndisardas ande peste: “Kana akava avilosas proroko, džanglasas ko si thaj sošći si akaja manušnji, savi dirile, kaj si bezehali.”
25313	LUK 7:49	A kola save sas pale sinija počnisardine te mothon maškar pende: “Ko akava gndil kaj si kaj vi e bezeha jartosarel?”
25330	LUK 8:16	“Khonikal kana del jag o stenko či čholes talo čaro niti talo kreveto, nego čhonles po čirako, te dićhen o svetlo okola save den andre.
25333	LUK 8:19	Ko Isus aviline lešći dej thaj lešće phral, ali katar o but o them naštik ćerdine lesa svato.
25334	LUK 8:20	Vareko avilo thaj javisardas lešće: “Ćiri dej thaj ćire phral ačhen avri. Kamen te dićhentu.”
25339	LUK 8:25	A o Isus phendas lenđe: “Kaj tumaro paćipe?” A von ande dar thaj ando čudo phučenaspe: “Savo si akava te zapovedisarel e paješće thaj e bavlajaće, a von te pokorisarenpe lešće?”
25342	LUK 8:28	Kana o manuš ande savo sas e bilačhe duhurja dikhla e Isuse, čhudape angle leste thaj ande sasto glaso čhuta muj: “So kames mandar, Isuse, majbare Devlešće čhaveja? Molivtut na mučisarman!”
25343	LUK 8:29	(Kaj o Isus cara majsigo zapovedisardas e bilačhe duhošće te inkljel andar godova manuš. Kaj već but vrjama o bilačho duho inćarelas les. Vi ako majsigo e stražarja inćarenas les phangle ande lancurja trgolas e lancurja thaj o beng inđarelas les ando pusto than.)
25359	LUK 8:45	A o Isus phendas: “Ko astardape mungre haljinatar?” Savora počnisardine te braninpe, a o Petar phendas: “Sikavneja, o but o them ćićideltut thaj spidelpe, aj tu phučes ko astardape pale mande.”
25374	LUK 9:4	Kana boravin ande varesko gav, ačhen ande jek ćher thaj na naćhen andar o ćher ando ćher dok či džan ande aver gav.
25377	LUK 9:7	Kana ašunda o vladiri Irod so dogodisajlo, sas zbunime, kaj varesave phenenas kaj o Jovano savo bolelas uštilo andar e mule.
25379	LUK 9:9	A o Irod phendas: “Me čhindem e Jovanosko šoro. Ko si askal akava pale kaste gaći ašunav?” Thaj rodelas prilika te dićhel e Isuse.
25380	LUK 9:10	Kana e apostolurja boldinepe katar e okolne krajurja, phendine e Isusešće sa so ćerdine. Askal o Isus inđarda len pesa te avel lenca korkoro, paše pašo gav akhardo Vitsaida.
25382	LUK 9:12	Kana avilo maj paše o krajo e đesesko kasno mismere avile ko Isus maj paše e dešuduj učenikurja thaj phendine e Isusešće: “Te mukas e theme te džal pe okolne gava te araćhen kaj raćarena thaj so hana kaj sam akate ando samotno krajo?”
25392	LUK 9:22	Thaj phendas: “Kaj me, o Čhavo e Manušesko, trubul but te trpisarav. E starešine, e šorvale rašaja thaj e sikavne e Mojsiješće zakonestar odbacinaman. Mudarena man aj me o trito đes uštava andar e mule.”
25394	LUK 9:24	Kaj svako ko kamel te spasisarel piro trajo, hasarelales; a ko hasarel piro trajo zbog mande, godova spasilales.
25395	LUK 9:25	Kaj savi korist si e manušesće ako zadobisarel sa o them, a korkoro pes hasarel ili pešće naudil?”
25396	LUK 9:26	Ko ladžal mandar thaj mungre alavendar, lestar vi me, o Čhavo e Manušesko, ladžava kana avava ande slava mungri thaj e slava mungre Dadešći thaj e svete anđelenđi.
25402	LUK 9:32	E Petre thaj lešće drugaren lija e lindri. Kana džungadile, dikhline lešći slava thaj duj manušen save ačhenas lesa.
25404	LUK 9:34	Dok vo godova još motholas, pojavisajlo o oblako thaj zasinisarda len. Kana o oblako učhardalen lija len e bari dar.
25411	LUK 9:41	A o Isus phendas lenđe: “O bilačhe thaj bi paćako manušalen! Kozom semasa tumenca a tuman či paćan. Phučaman kozom još trpiva tumen! An akaring ćire čhave!”
25418	LUK 9:48	thaj phendas lenđe: “Ko god primil akale cikne čhavre zbog mande, man primil. A ko man primil, primil e Devles savo man bičhalda. O Del smatril kaj si majvažno okova savo si maj ponizno maškar tumende!”
25420	LUK 9:50	A o Isus phendas lešće: “Na branin lešće! Kaj ko naj protiv tumende, pale tumende si!”
25421	LUK 9:51	Kana avili maj paše e vrjama te o Isus boldelpes ando nebo, vo zurale odlučisarda te džan ando Jerusalimo.
25424	LUK 9:54	Kana godova dikhline lešće učenikurja o Jakov thaj o Jovano, phučline les: “Gospode! Kames te amen phenas te delen jag o oganj andar o nebo thaj te uništil len?”
25439	LUK 10:7	Kana aven ande varesosko ćher, na naćhen andar o ćher ande aver ćher, ačhen pe jek than han thaj pijen sa so inkalen angle tumende. Kaj o radniko zaslužisarel piri poćin.”