24964	LUK 1:2	Von godova ramosardine prema okova so maj anglal phendine e očevidcurja thaj sluge e Alavešće.
24967	LUK 1:5	Ande vrjama kana vladilas o Judejsko caro o Irod, sas varesavo rašaj savo akhardolas Zaharije andar e Avijasko rašajesko redo. A e lešći romnji sas isto andar e Aronosko pleme. Lako alav sas Jelisaveta.
24971	LUK 1:9	prema e rašajengo običaj odabirisardine les gajda kaj čhudine e kocka te del ando Svetište e Gospodesko te kadil.
24978	LUK 1:16	Vo boldela e but Izraelconen e Gospodešće lenđe Devlešće.
24979	LUK 1:17	Džala anglo Gospod sago glasniko pherdo duho thaj sila, sago o proroko Ilija. Pomirila e dades lešće čhavenca a e nepokorne umurja boldela gajda te prihvatin o razumnost okolengo save si pravedne. Pripremila e theme pale e vrjama kana o Gospod avela.”
24984	LUK 1:22	A kana napokon inljisto, naštik ćerelas svato, nego e znakonenca probisardas te phenel lenđe so sas ando Hramo, thaj von haćardine kaj sas les viđenje ando svetište e Hramosko.
24988	LUK 1:26	Kana e Jelisaveta sas khamni šov čhon, o Del bičhaldas e anđele Gavrilo ando cikno Galilejsko gav savo akhardolas Nazaret
24989	LUK 1:27	ke Marija savi sas još čhej thaj sas mangli palo manuš, savo akhardolas Josif. Vo sas potomko e carosko Davidosko.
24994	LUK 1:32	Vo avela baro, thaj akhardola Čhavo e Majbaresko, thaj o Gospod Del delales autoriteto te vladil sago o caro David savo sas lesko prapapo.
24995	LUK 1:33	Vo vladila e Jakovešće plemenova dži ko veko, thaj lešće carstvošće či avela krajo.
25013	LUK 1:51	Pire moćno vastesa ćerel silne dela thaj odbacisardas pestar okolen save si barikane ande pire ile.
25015	LUK 1:53	E bokhalen čaljarda e lačhipeja, a e barvalen mukla čuče vastenca.
25016	LUK 1:54	Huklo ando pomoć pire slugenđe e Izraelconenđe thaj či bistardas te avel milostivo
25024	LUK 1:62	Zato e znakonenca phučline e čhavrešće dades sar vo kamel te del alav e čhavres.
25025	LUK 1:63	O Zaharija manglas e pločica pe savi šaj te ramol thaj ramosardas: “Jovano si lesko alav.” Thaj savora začudisajle.
25029	LUK 1:67	O Zaharije, o dad e čhavresko, pherdilo e Sveto Duhosa, thaj prorokuisardas alavenca:
25042	LUK 1:80	A o čhavro Jovano barjolas thaj zuravolas ando duho. Kana barjilo, trailas ande pustinja sa dok či započnisardas e javno služba angle Izraelcurja.
25043	LUK 2:1	Ande godoja vrjama kana bijandilo o Jovano, inkljisti e zapoved katar o rimsko caro Avgusto te sa o them savo trailas ando Rimsko carstvo avel ramome ando popis stanovništva.
25046	LUK 2:4	Gajda vi o Josif teljardas andar o gav Nazaret andar e Galilejsko regija, ando Vitlejem e Judejsko regija kaj sas o David bijando, kaj o Josif sas potomko e carosko Davidesko
25047	LUK 2:5	te prijavilpes palo popis zajedno pire verenicasa e Marijasa savi sas khamni.
25049	LUK 2:7	Bijandas pire prvo čhaves, paćardale, thaj čhutale ande jasle kaj nas than ande gostijonica.
25053	LUK 2:11	Kaj ađes bijandilo tumenđe o Spasitelj, savo si o Gospod Hristo ando gav kaj bijandilo o caro David!
25055	LUK 2:13	Ande data e anđelošće pridružisajli e bari vojska anđelurja thaj slavinas e Devle alavenca:
25066	LUK 2:24	thaj den e žrtva (sago kaj phenel e Gospodesko zakon: “duj grlice ili duj terne goluburja”).
25070	LUK 2:28	O Simeon lija e čhavres ande pire vas thaj hvalisarda e Devle alavenca:
25076	LUK 2:34	O Simeon askal blagoslovisardalen, thaj phendas e Isusešće dejaće e Marijaće: “O Del odredisardas pale akava čhavro te e but e manušenđe ando Izrael avel palo propast thaj butenđe palo vaskrsenje. Vo si odredime te avel e Devlesko znako, ali o but o them odbacila les.
25078	LUK 2:36	A okote sas vi e Devlešći proročica savi akhardolas Ana, e Fanuilovešći čhej, voj sas andar e Asiresko pleme thaj sas zurale purani. Trailas pire romesa samo efta brš,
25079	LUK 2:37	a pale godova trailas korkoro sar udovica dži ke ohtovardeš thaj štar brš. Voj sas stalno ando Hramo, služilas e Devlešće đeseja thaj e raćava, postilas thaj molilas pes.
25093	LUK 2:51	Askal boldapes lenca ando Nazaret thaj čholas kan lende. A e dej lešći lelas sama pe sa akala događajurja ande piro ilo.
25095	LUK 3:1	Sas dešupandžto brš sar vladilas o caro Tiberija e rimske carstvosa, o Pontije Pilato vladilas e Judejava, o Irod vladilas e Galilejava, a lesko phral o Filip vladilas ande Itureja thaj ande Trahonitada, o Lisanije vladilas ande Avilina,
25102	LUK 3:8	Sikaven tumare trajosa thaj tumare delenca kaj odvoisajle katar o bezeh thaj kaj obratisajle e Devlešće. Na hohaven tumen kaj si tumenđe dosta te phenen: ‘Amen sam e Avraamešće potomkurja,’ kaj phenav tumenđe kaj o Del šaj vi katar akala bara te vazdel čhavra e Avraamešće.”
25106	LUK 3:12	Aviline vi e carinikurja te o Jovane bolelen, thaj phendine lešće: “Sikamneja, so amen te ćeras?”
25114	LUK 3:20	pale sa godova još vi e Jovane čhuda ande tamnica.
25137	LUK 4:5	Inđardale o beng pe vuči gora thaj sikadas lešće sa e carstvurja akale themešće ando treno e jakhako.
25153	LUK 4:21	Thaj počnisarda te phenel lenđe: “Ađes akava Lil savo ašundine tumare kanenca pherdilo.”
25155	LUK 4:23	Askal phendas lenđe: “Tumen manđe bi sumnjako mothona akaja poslovica: ‘Doktorina! Sastar korkoro tut!’ Ćer vi akate ande ćiro gav kaj barjilan so ašundam kaj ćerdan ando Kafarnaum.”
25157	LUK 4:25	A čačes phenav tumenđe: E but udovice sas ando Izrael ande vrjama kana sas o Ilija proroko, askal o nebo phandadilo pe trin brš thaj šov čhon thaj sas bari bok pe sasti phuv e Izraelošći.
25158	LUK 4:26	Ali nijećhaće lendar nas bičhaldo o Ilija osim varesošće udovicaće ando gav Sarepta, savo sas ande Sidonsko krajo.
25159	LUK 4:27	Thaj but gubavcurja sas ando Izrael pale vrjama kano sas o Jelisej proroko ali ni jek lendar či sastilo nego samo o Nemano Sirijco.”
25166	LUK 4:34	“So kames amendar, Isuse andar o gav Nazaret? Avilan te uništis amen? Džanav tut, ko san. Tu san o Sveco e Devlesko.”
25167	LUK 4:35	A o Isus zapovedisardas lešće: “Phandav ćiro muj thaj inklji andar leste!” O bilačho duho haradales angle savorende, inkljisto andar leste, thaj ni cara či naudisardas lešće.
25170	LUK 4:38	Kana inkljisto andar e sinagoga, dija ande Simonesko ćher. E Simonešće sokra astardas e bari groznica, pa zamolisardine les te sastarel lat.
25171	LUK 4:39	Vo banđilo paše late thaj zapovedisardas e groznicaće te mućela thaj e groznica nestanisardas. Voj odma uštili thaj ačhili te služilen.
25175	LUK 4:43	A vo phendas lenđe: “Vi e manušenđe andar e aver gava trubul te anav e bahtali nevimata pale Devlesko carstvo, kaj zato o Del bičhaldaman.”
25178	LUK 5:2	O Isus lija sama e duj čamcurija kaj ačhenas pe obala, andar save inkljistine e ribarja thaj halavenas pire mreže.
25179	LUK 5:3	Thaj dija ande jek katar o čamco savo sas e Simonesko, thaj zamolisardas les te spiden les cara majdur katar e obala. Bešlo andre thaj počnisardas te sikavel e theme andar o čamco.
25183	LUK 5:7	Dine znako pire drugarenđe ando aver čamco te aven te pomožin len. Kana von aviline, pherdine e liduj čamcurija gajda kaj gata potonisardine.
25187	LUK 5:11	Thaj crdine e čamcurja pe phuv, mukline sa, thaj teljardine pale leste.
25203	LUK 5:27	Pale godova o Isus inkljisto, thaj dikhla e cariniko savo bučholas Levije kaj bešel pe carina, thaj phendas lešće: “Av pale mande.”
25205	LUK 5:29	Pale godova o Levije ćerdas lešće ande piro ćher bari gozba. Leja pale sinija bešenas but carinikurja thaj vi aver manuša.
25206	LUK 5:30	Askal e fariseja thaj lenđe sikavne e Mojsiješće zakonestar počnisardine te mrmljan pe leste thaj phendine lešće učenikonenđe: “Sostar han thaj pijen e carinikonenca thaj e bezehalenca?”
25210	LUK 5:34	A o Isus phendas lenđe: “Dali šaj traden e svaturja te postin kana si o džamutro lenca?
25216	LUK 6:1	Jek savato, kana o Isus naćhelas maškar e njive, lešće učenikurija trgonas o điv e vastenca thaj hanas.
25232	LUK 6:17	Pale godova o Isus fuljisto lenca tele thaj ačhile po ravno than. Okote sas baro brojo lešće učenikurija thaj o silno them andar o krajo e judejako, andar o Jerusalimo, andar o Tiro thaj andar o Sidon e gava po more.
25235	LUK 6:20	Vo dikhla pe pire učenikurija thaj phendas: “Blago tumenđe save sen čore, kaj si tumaro o carstvo e Devlesko.
25237	LUK 6:22	Blago tumenđe kana e manuša mrzana tumen, kana odbacina tumen, kana ladžarena tumen, thaj kana phenena pale tumende kaj sen bilačhe, zbog godova kaj sledin e Čhaves e Manušesće!
25257	LUK 6:42	Sar šaj phenes ćire phralešće: ‘Phrala, ažućar te inkalav e kaštešći prušuk savo si ande ćiri jak’, kana ni korkoro či haćares o baro kaš ande ćiri jak? Licemernona! Maj sigo inkal o baro kaš andar ćiri jak, thaj majlačhe dićheja e kaštešći prušuk te inkales andar ćire phralešći jak.”
25260	LUK 6:45	Lačho manuš, andar e lačhi riznica pire ilešći inkalel lačhipe, a o bilačho manuš andar o sefo bilačhe ilešći inkalel o bilačhipe, kaj andar o muj inkljel sova si pherdo o ilo.
25268	LUK 7:4	A von aviline ko Isus thaj počnisardine ilestar te molin les alavenca: “Zaslužisarda te ćeres lešće godova
25270	LUK 7:6	A o Isus teljarda lenca. Thaj kana sas već paše ko ćher, bičhalda o kapetano pire drugaren leste te phenen lešće: “Gospode! Na truditu, kaj najsem dostojno te des tale mungro krovo.
25273	LUK 7:9	A kana godova ašundas o Isus, začudisajlo e kapetanošće thaj boldape ko them savo džalas pale leste thaj phendas: “Phenav tumenđe: Ke nijek Izraelco či arakhlem gaći paćipe sago ke akava kapetano!”
25276	LUK 7:12	Kana avilo paše ke gavesko vudar, dik, upravo inkalenas e mule te prahon les, e čhave jedinco pe dejaće, savi sas udovica. Lava sas o but o them andar o gav.
25280	LUK 7:16	A savora zadivisajle thaj počnisardine te hvalin e Devle alavenca: “Baro proroko avilo maškar amende!”, thaj: “O Del avilo ando pomoć pire themešće!”
25289	LUK 7:25	So dakle inkljistine te dićhen? Manuše savo lija pe peste barvale drze? Na! E manuša save inđaren pe peste šukar drze thaj trail ando raskoš si ande carošće dvorurja.
25292	LUK 7:28	Kaj phenav tumenđe: Nijek bijando katar e manušnji naj majbaro katar o Jovano, a o majcikno ando carstvo e Devlesko si majbaro lestar.”
25293	LUK 7:29	Kana sa o them, thaj vi e carinikurja, save sas bolde e Jovanošće boldimasa, ašundine e Isuse sar ćerel svato, priznaisardine kaj si e Devlesko sikavipe ispravno.
25296	LUK 7:32	Lenca si sago čhavrenca save či džanen sokamen bešen po sokako thaj jek avrešće čhon muj: ‘Svirosardam tumenđe a tumen či ćheldine! Đilabadam tumenđe tužaljke a tumen či rujine!’
25298	LUK 7:34	Avilem me, o Čhavo e Manušesko. Vi hav vi pijav, a tumen phenen: ‘Dik, o manuš halapljivo thaj matarno, drugari e carinikonengo thaj e bezehalengo.’
25302	LUK 7:38	Ačhili pale lešće pungre. Počnisarda te rovel thaj e jasvenca te thovel lešće pungre, a pire balenca te khoselen. Čumidelas len thaj maćhelas e mirisne uljeja.
25308	LUK 7:44	Gajda boldape ke manušnji thaj phendas e Simonešće: “Dićhes akala manušnja? Dijem ande ćiro ćher, a tu ni paj či dijanman te thovav mungre pungre, a voj pire jasvenca thoda mungre pungre thaj pire balenca khoslalen.
25311	LUK 7:47	Zato, phenav tuće: ‘Voj sikadas but ljubav kaj si laće jartome e but e bezeha, a maj cara ljubav sikadas okova savo si maj cara svesno kaj si lešće jartome lešće bezeha.’”
25315	LUK 8:1	Pale godova o Isus džalas andar o gav dži ko gav, thaj propovedilas thaj navestilas e bahtali nevimata katar o carstvo e Devlesko. Pale leste džanas e dešuduj apostolurja
25317	LUK 8:3	e Jovana e Huzašći romnji savo sas e Irodosko upravitelj, e Suzana, thaj but aver save pomožisardine e Isuse thaj e dešudujen apostolen pire lovenca thaj okoleja so saslena.
25324	LUK 8:10	A vo phendas lenđe: “Tumen o Del dijas gođi te džanen e tajne e Devlešće carstvošće, a averenđe si dino samo ande paramiča, kaj ando Sveto lil ačhel ramome: ‘te vi ako dićhen či primetin, te vi ako čhon kan a či haćaren.’
25328	LUK 8:14	A okova seme savo pelo ande kangre si sago e manuša save ašunen o alav ali još pe lengo drom e trajošće brige tasavenlen, e barvalipeja thaj akale trajošće nasladenca thaj či anen lačho plodo.
25336	LUK 8:22	Jek đes o Isus phendas pire dešuduj učenikonenđe: “Hajde te nakhas pe koja rig e jezerošći.” O Isus thaj lešće učenikurja dine ando čamco thaj isplovisardine.
25337	LUK 8:23	Dok plovinas, e Isuse lija e lindri. Ande godova muklape e oluja po jezero. E lađica počnisarda te pherelpe e pajesa a von arakhlinepe ande bari briga pale piro trajo.
25343	LUK 8:29	(Kaj o Isus cara majsigo zapovedisardas e bilačhe duhošće te inkljel andar godova manuš. Kaj već but vrjama o bilačho duho inćarelas les. Vi ako majsigo e stražarja inćarenas les phangle ande lancurja trgolas e lancurja thaj o beng inđarelas les ando pusto than.)
25351	LUK 8:37	Askal e Isuse zamolisarda sa o them andar e gerasesko krajo te džaltar lendar kaj lijalen e bari dar. O Isus dija ando čamco thaj teljarda palpale ande Galileja.
25352	LUK 8:38	A o manuš andar savo o Isus tradas e bilačhe duhonen zamolisarda e Isuse te šaj ačhel lesa, ali o Isus muklales te džaltar alavenca:
25372	LUK 9:2	Bičhalda len te navestin o carstvo e Devlesko thaj te sastaren e nasvalen.
25373	LUK 9:3	Thaj phendas lenđe: “Na te aveltumen tumenca po drom ni rovlji, ni trasta ni so hana, ni love thaj na te aveltumen tumenca po duj haljine!
25380	LUK 9:10	Kana e apostolurja boldinepe katar e okolne krajurja, phendine e Isusešće sa so ćerdine. Askal o Isus inđarda len pesa te avel lenca korkoro, paše pašo gav akhardo Vitsaida.
25381	LUK 9:11	Ali kana godova ašunda o them, teljarda pale leste. Vo primisarda len thaj phenelas lenđe andar o carstvo e Devlesko thaj sastardas savoren ko trubuja sastipe.
25388	LUK 9:18	Jekhvar dok o Isus crdape po korkoro than te molilpe, lesa sas samo lešće dešuduj učenikurija. Pale godova phučlalen: “So phenel o them, ko sem me?”