24975	LUK 1:13	A o anđeo phendas lešće: “Na dara, Zaharija! Kaj si ašundi ćiri molitva: e romnji ćiri e Jelisaveta bijanela tuće čhave, thaj tu dele alav Jovan.
24990	LUK 1:28	Kana o anđeo dijas late andre phendas laće: “Raduitu, kaj o Del si pherdo milosti prema tute! O Gospod si tusa.”
24992	LUK 1:30	A o anđeo phendas laće: “Na dara Marija! Kaj o Del iskažisardas tuće piri ljubav.”
24998	LUK 1:36	Ake vi ćiri bibi e Jelisaveta, ačhili khamni ande piri purani vrjama, avela lat čhavo. Okoja isto manušnji pale savi phenenas kaj naštik avela čhavra već si šov čhon khamni!
25005	LUK 1:43	Savi čast siman, te tu e dej mungre Gospodešći aves mande!
25008	LUK 1:46	E Marija askal phenda: “Barjarel e duša mungri e Gospode!
25030	LUK 1:68	“Blagoslovime o Gospod Del e Izraelosko kaj avilo thaj izbavisarda pire theme!
25052	LUK 2:10	A o anđeo phendas lenđe: “Na daran! Kaj ake, anav tumenđe e bahtali nevimata pe bari bah sa e themešće.
25053	LUK 2:11	Kaj ađes bijandilo tumenđe o Spasitelj, savo si o Gospod Hristo ando gav kaj bijandilo o caro David!
25098	LUK 3:4	Sago kaj ramosardas o proroko Isaija, o Jovano sas: “O glaso savo čholas muj ande pustinja: ‘Lačharen o drom palo Gospod, Poravnisaren e staze pale leste!
25099	LUK 3:5	Neka svako dolina pherdol a svako gora neka slegnilpes! Sa e banđe droma neka ispravin pes thaj e grbave droma postanina ravne.
25101	LUK 3:7	O Jovano phenelas okolenđe save avenas te bolelen: “Tumen e sapengo leglo! Ko phendas tumenđe kaj šaj te našen angle bari holji e Devlešći savi avel?
25184	LUK 5:8	A kana dikhlas o Simon Petar, pelo pe pire koča angle Isusešće pungre thaj phendas: “Džatar mandar, Gospode! Me sem bezehalo manuš.”
25237	LUK 6:22	Blago tumenđe kana e manuša mrzana tumen, kana odbacina tumen, kana ladžarena tumen, thaj kana phenena pale tumende kaj sen bilačhe, zbog godova kaj sledin e Čhaves e Manušesće!
25242	LUK 6:27	“Ali tumenđe save ašunen phenav: Volin tumare dušmajen! Ćeran lačhipe okolenđe save mrzan tumen!
25243	LUK 6:28	Blagoslovin okolen kaj dentumen romaja! Molin tumen e Devlešće pale okola save vređon tumen.
25257	LUK 6:42	Sar šaj phenes ćire phralešće: ‘Phrala, ažućar te inkalav e kaštešći prušuk savo si ande ćiri jak’, kana ni korkoro či haćares o baro kaš ande ćiri jak? Licemernona! Maj sigo inkal o baro kaš andar ćiri jak, thaj majlačhe dićheja e kaštešći prušuk te inkales andar ćire phralešći jak.”
25288	LUK 7:24	A kana đeletar e učenikurija e Jovanošće, o Isus počnisarda te phenel e but e themešće palo Jovano: “So inkljistine ande pustinja te dićhen? E trska, savja ljuljil e bavlal? Na!
25289	LUK 7:25	So dakle inkljistine te dićhen? Manuše savo lija pe peste barvale drze? Na! E manuša save inđaren pe peste šukar drze thaj trail ando raskoš si ande carošće dvorurja.
25296	LUK 7:32	Lenca si sago čhavrenca save či džanen sokamen bešen po sokako thaj jek avrešće čhon muj: ‘Svirosardam tumenđe a tumen či ćheldine! Đilabadam tumenđe tužaljke a tumen či rujine!’
25364	LUK 8:50	Ašunda godova o Isus thaj phendas: “Na dara! Samo paća thaj voj traila!”
25373	LUK 9:3	Thaj phendas lenđe: “Na te aveltumen tumenca po drom ni rovlji, ni trasta ni so hana, ni love thaj na te aveltumen tumenca po duj haljine!
25405	LUK 9:35	A o glaso ašundilo andar godova oblako: “Akava si mungro Čhavo saves odabirisardem! Leste čhon kan.”
25411	LUK 9:41	A o Isus phendas lenđe: “O bilačhe thaj bi paćako manušalen! Kozom semasa tumenca a tuman či paćan. Phučaman kozom još trpiva tumen! An akaring ćire čhave!”
25420	LUK 9:50	A o Isus phendas lešće: “Na branin lešće! Kaj ko naj protiv tumende, pale tumende si!”
25435	LUK 10:3	Džan! Ake, bičhalav tumen sago e bakhroren maškar e ruva.
25441	LUK 10:9	Sastaren e nasvalen save si ande godova gav thaj phenen lenđe: Akaleja pašilo tumenđe o carstvo e Devlesko!
25443	LUK 10:11	Čak vi o praho andar tumaro gav, savo astardape pale amare pungre, khosas amendar sago o znako kaj o Del sudila tumenđe. Ali kava džanen: Pašilo tumenđe o carstvo e Devlesko!
25445	LUK 10:13	Teško tumenđe manušalen andar o gav Horazin! Teško tumenđe manušalen andar o gav Vitsaida! Kaj te e čudurja save dogodisajle tumende dogodisajle sas ando rumome gava o Tiro thaj o Sidon, e manuša andar godola gava već dumut obratisajlesas thaj bešlinesas ande hrapavo thaj neudobne drze ando praho sago znako palo pokajanje.
25447	LUK 10:15	Vi tumen manušalen andar o Kafarnaum! Zar dži ko nebo avena vazdine? Dži ko than kaj si e mule haradona kaj si o tunjariko thaj e jag.
25453	LUK 10:21	Ande godova časo o Isus pherdo bah ando Sveto Duho phendas: “Slaviv tut, Dade, tut savo san Gospodari e nebosko thaj e phuvjako, kaj garadan ćiro čačipe katar okola save smatrin pes mudre thaj umne, a objavisardan e ciknenđe. Ej Dade! Gajda tuće sviđosajlo.
25455	LUK 10:23	Askal boldape ke učenikurja kana sas korkoro lenca thaj phendas lenđe: “Blago e manušenđe save dićhen okova so tumare jakha dićhen!
25473	LUK 10:41	A o Gospod phendas laće: “Marta, Marta! Na ha holji thaj uznemiritu pale but godova,
25476	LUK 11:2	O Isus phendas lenđe: “Kana molintumen, phenen: ‘Dade amareja ando nebo! Neka svetilpe ćiro alav! Te avel o carstvo ćiro!
25477	LUK 11:3	Mangro amaro deamen svako đes!
25481	LUK 11:7	A okova andral phenel lešće: ‘Na dosadisar manđe! O vudar si već phandado, a e čhavrora si manca ando kreveto thaj soven. Naštik uštav te davtut.’
25483	LUK 11:9	Isto gajda phenav tumenđe: Manđen thaj delape tumenđe! Roden thaj araćhena! Maren po vudar thaj putrelape tumenđe!
25505	LUK 11:31	Po đes kana avela e Devlesko sudo, e carica savi dumut vladilas e južno phujava, savi akhardolas Saba, uštela thaj osudila e manušen save si ađes džude. Kaj dadural avili te ašunel e care Solomone savo sas zurale mudro, a akate si vareko maj baro vi katar o Solomon, a tu men čikamen te čhon kan leste!
25514	LUK 11:40	Bi gođavalen! Naj li o Del okova kaj stvorisardas e manušes thaj pindžarel les andral sago vi avrjal?
25516	LUK 11:42	Ali jao tumenđe, farisejalen! Kaj den deš posto e Devlešće katar sa e začinurja thaj katar o povrće a či marin pale pravda e manušenđi thaj pale ljubav e Devlešći so si maj važno. Trubun te den deš posto ali či troman te zanemarin akava so si maj važno.
25517	LUK 11:43	Jao tumenđe farisejalen! Kaj volin te bešen pe počasne thana ande sinagoge, thaj te e manuša pozdravin tumen pherde poštuipe prema tumende pe javne thana.
25520	LUK 11:46	A o Isus phendas: “Jao vi tumenđe, sikavnalen e Mojsiješće zakonestar! Kaj čhon pe manuša o pharipe gajda kaj den len pravilo save naštik te inđaren a tumen korkoro ni e najesa či kamen te mrdnon te pomožin lenđe te inđaren godova pharipe.
25521	LUK 11:47	Jao tumenđe! Kaj vazden e prorokonenđe spomenikurja, a tumare pradada mudardinelen.
25522	LUK 11:48	Godolesa kaj či train so e prorokurja sikavenas svedočin kaj odobrin okova so ćerdine tumare pradada: von mudardinelen, a tumen spomenikurja vazden lenđe!
25525	LUK 11:51	katar o rat e prvo dži ke paluno prorokosko, e Aveljesko dži ko rat e Zaharijasko, savo sas mudardo maškar o žrtveniko thaj o svetište. Ej phenav tumenđe, kaj rodelape o računo katar akaja generacija tumaro naraštaj avela odgovorno pale godova rat savo sas čhordo!
25526	LUK 11:52	Jao tumenđe, sikavnalen e Mojsiješće zakonestar! Kaj line e ćija o džanglipe pale Devlesko carstvo thaj garadine katar e manuša. Korkoro či den andre ando carstvo, a či mućen te den andre okola kaj kamen te den.”
25533	LUK 12:5	Ali phenava tumenđe kastar trubun te daran: daran katar o Del savo, šaj lel o trajo thaj askal čhudel les ando pakao. Lestar daran!
25535	LUK 12:7	A tumenđe si svako bal po šoro đinado. Zato na daran! Kaj sen e Devlešće maj vredne nego but e čiriklja!”
25539	LUK 12:11	A kana anena tumen po sudo thaj ande sinagoge, angle poglavarja thaj angle vlast, na vodin briga so phenena te branin tumen!
25546	LUK 12:18	Thaj phendas: ‘Ake so ćerava! Haravava mungre žitnice thaj vazdava majbare thaj okote čhava sa mungro điv thaj mungro lačhipe.
25548	LUK 12:20	Ali o Del phendas lešće: ‘Bigođavereja! Već arjat mereja! A sa so ćidan, kasko avela?’
25552	LUK 12:24	Dićhen pe gavranurja! Či sadin niti ćiden, najlen spremište ni žitnice, a palem o Del pravarelen. Kozom sen tumen majvredne nego e čiriklja!
25555	LUK 12:27	Dićhen e poljske luluđa sar barjon! Niti trudinpe, niti štrikon pešće drze. A palem, phenav tumenđe: Kaj ni o caro Solomon ande pire kuč e drze nas maj lačhardo katar ni jek lendar.
25556	LUK 12:28	Ako o Del del pe poljsko čar gajda šukar drze, savi ađes si, a već thejara čhudelpes ando bov te phabol, kozom majbut dela pe tumen šukar drze. Tumen cara paćivalen!
25557	LUK 12:29	Zato vi tumen: na samo gndisaren pe godova dali situmen dosta te han thaj te pijen. Na uznemirin tumen zbog godova!
25559	LUK 12:31	Nego roden o carstvo e Devlesko, a godova sa nadodaila pe tumenđe!
25560	LUK 12:32	Na dara mungro cikno stado! Kaj si e volja tumare Dadešći te del tumen o carstvo.
25561	LUK 12:33	Bićinen okova so si tumen thaj e love den e čorenđe! Gajda ćidena tumenđe trjaste save či phurjon thaj barvalipe savo či propadnila, večno blago savo si ando nebo kaj o čor či avel thaj kaj o moljco či halales.
25565	LUK 12:37	Blago o kole slugonenđe saven o gospodari, kana avela, araćhel džungade! Čačes phenav tumenđe, kaj korkoro o gospodari čholalen pale sinija te bešen, thaj čhola pe peste o keceljko, te poslužil len.
25577	LUK 12:49	Askal o Isus phendas: “Me avilem te čhudav e jag e sudošći pe phuv! Sar volisardemas te već počnisardas te phabol!
25578	LUK 12:50	Ali majsigo trubul te pretrpiv e muke thaj o smrto, zurales si manđe pharo dok godova či avel gata!
25584	LUK 12:56	Licemerja! Džanen te prosudisaren o izgled e nebosko thaj e phuvjako. Sar askal či pindžaren mungre znakurja save trubuinesas te pindžaren!
25585	LUK 12:57	Tumen korkoro trubuinesas te pindžaren so si ispravno!
25590	LUK 13:3	Nisar! Phenav tumenđe: vi tumen gajda avena duhovno hasarde ako či obratintumen ko Del!
25592	LUK 13:5	Nisar! Phenav tumenđe: vi tumen gajda avena duhovno hasarde ako či obratin tumen ko Del.”
25601	LUK 13:14	A okova savo sas vođa ande sinagoga holjajlo kaj o Isus sastardas ando savato, thaj phendas e themešće: “Šov si đes ando kurko kana trubul te ćerelpes bući! Ande godola đesa aven thaj saston, a na ande savatosko đes!”
25621	LUK 13:34	Manušalen andar o Jerusalim, tumen save mudaren e prorokonen thaj barenca čhuden tumen ande okola saven o Del bičhaldas! Kozom drom lijem te štitiv e čhavren tumaren sago kaj e khanji pire pujoren tale pire phaka a tumen či kamline!
25622	LUK 13:35	Ake akana, tumaro ćher avela pusto! Thaj phenav tumenđe, či dićhena man dok či avel o časo kana phenena: ‘Blagoslovime o kova savo avel ando alav e Gospodesko!’ ”
25648	LUK 14:26	“Ako vareko kamel te avel mungro učeniko, moraš te volil man majbut nego pire dade, deja, romnja, čhavren, phralen, phejen, pa majbut vi katar piro trajo. Inače naštik avel mungro učeniko!
25649	LUK 14:27	Ko či lel piro trušul thaj či džal pale mande thaj naj spremno te merel pale mande, naštik avel mungro učeniko!
25663	LUK 15:6	thaj boldel les ćhere thaj čim aresel ćhere akharel pire komšijen thaj pe drugaren thaj phenel lenđe: ‘Raduintumen manca! Arakhlem mungre hasarde bakhres.’
25666	LUK 15:9	A kana araćhel les, akharel pire komšinicen thaj pire drugaricen thaj phenel lenđe: ‘Raduin tumen manca! Arakhlem o rup savo hasardem.’
25674	LUK 15:17	Kana napokon avilo peste, phendas: Ke mungro dad e najamnikonen si habe gaći kaj uvek vi ačhel, a me akate merav bokhatar!
25675	LUK 15:18	Uštava, teljarava ke mungro dad thaj phenava lešće: ‘Dade, sagrešisardem protiv tute thaj protiv o Del ando nebo!
25678	LUK 15:21	A o čhavo phendas lešće: ‘Dade, sagrešisardem protiv tute thaj protiv o Del! Najsem majbut dostojno te akharama ćire čhavesa.’
25679	LUK 15:22	A o dad phenda e slugenđe: ‘Brzo inkalen e majšukar haljina thaj den pe leste! Čhon lešće e angrušći po naj thaj e sandale pe lešće pungre!
25693	LUK 16:4	Džanav so ćerava! Thaj kana gajda ćerava e manuša lačhe primina man ande pire ćhera, kana majbut či avava e gospodaresko baro sluga.’
25719	LUK 16:30	A vo phendas: ‘O na, dade Avraame! Nego te avilo lende vareko andar e mule, obratinape.’
25723	LUK 17:3	Upozoriv tumen! Ako ćiro phral savo si verniko pogrešil, ukori les thaj jartosar lešće ako pokailpes.
25728	LUK 17:8	Či umesto godova phenena lešće gajda: ‘Ćer manđe večera! Čhov e kecelja pe tute thaj služisar man dok hav thaj pijav, pale godova tu haja thaj pijeja?’
25730	LUK 17:10	Gajda vi tumen: kana sen poslušne e Devlešće, phenen: ‘Sluge sam save či zaslužisaras pohvala! Ćerdam samo so samas udžile te ćeras!’”
25743	LUK 17:23	Askal phenena tumenđe: ‘Eketalo okote, aketalo akate!’ Ali na džan thaj na prasten inća!
25752	LUK 17:32	Dentumen gođi sar muli e Lotošće romnji!
25771	LUK 18:14	Phenav tumenđe: vo boldape ćhere pravedno anglo Del, a na o farisejo! Kaj svako ko korkoro pes uzvisisarel, avela ponizime, a ko korkoro pes ponizil, avela uzvisime.”
25781	LUK 18:24	O Isus dikhla pe leste thaj phendas: “Sar si phare e barvalešće te del ando carstvo e Devlesko!
25799	LUK 18:42	A o Isus phendas lešće: “Akana šaj te dićhes! Ćiro paćipe sastarda tut.”
25805	LUK 19:5	Kana o Isus areslo pe godova than, dikhlas opre thaj phendas lešće: “Zakej, brzo fulji tele! Ađes trubul te avav gosto ande ćiro ćher.”
25808	LUK 19:8	A o Zakej ačhilo thaj phendas e Gospodešće: “Gospode ake, opaš mungro barvalipe dava e čorenđe! Thaj ako varekas hohadem, boldav štar drom majbut.”
25809	LUK 19:9	Pe godova o Isus phendas lešće: “Ađes ande akava ćher avilo o spasenje kaj si vi akava manuš e Avraamesko čhavo!
25822	LUK 19:22	Phendas lešće: ‘Pe ćire alava aveja osudime, bilačheja slugo! Džanglan kaj sem strogo manuš, kaj lav so či uložisardem thaj kaj ćidav kaj či sadisardem?
25838	LUK 19:38	Phenenas: “Blagoslovime o Caro, savo avel ando alav e Gospodesko! Po nebo miro thaj slava e Devlešće ande visine!”
25842	LUK 19:42	Thaj phendas: “Sar volisardemas te ađes arakhlinesas o drom e mirosko! Ali akana si kasno, thaj o miro si garado tumendar.
25903	LUK 21:8	A vo phendas lenđe: “Len sama te na aven hohade kaj but džene avena ande mungro alav thaj phenena korkoro pale peste kaj si von o Mesija thaj phenena avili e vrjama! Na džan pale lende.
25909	LUK 21:14	Zato zapamtin na maj anglal te gndin so phenena ande tumari obrana!
25918	LUK 21:23	Jao e khamne manušnjenđe thaj okolenđe save den čuči ande kola đesa! Kaj avena e bare nevolje pe phuv, thaj e Devlesko gnjevo pe akala manuša.
25959	LUK 22:26	Ali tumen na ćeren gajda! Naprotiv, okova savo si majbaro maškar tumende, neka avel majcikno; a o vođa sago kova kaj služil.
25964	LUK 22:31	A o Isus phenda: “Simone! Simone! Ake o sotona rodel katar o Del te probil tumaro paćipe ande mande. Zato rešetila tumen sago o điv kroz o sito.
25969	LUK 22:36	Akana phendas lenđe: “Kas si love, neka lelen pesa! Isto gajda vi e trasta! A kas naj mačo, neka bićinel pire gada thaj nek ćinel pešće mačo.
25979	LUK 22:46	Pa phendas lenđe: “Sostar soven? Ušten! Molin tumen te na peren ande kušnje!”
25984	LUK 22:51	A o Isus phendas: “Mućen len te ćeren godova! Na oduprin tumen majbut!” Askal čhutas o vas pe lesko kan thaj sastarda les.