24963	LUK 1:1	Sar so džane but džene lije te pisin tar okova so sasa so o Dol obećisada prekale prorokura, a ćerdilo maškar amende.
24964	LUK 1:2	Pisisade amenđe kola save korkore dikhlje vadži tare anglune đivesa thaj ćerdile sluge e Devlese Lafese,
24965	LUK 1:3	gija i me, mangleja Teofile, tuće pisiv sa redasa, golese so sa taro anglunipe ispitujisadem.
24966	LUK 1:4	Gija ka ave uverimo da okova so sikade tut tare Hristoso džuvdipe si čačipe.
24967	LUK 1:5	Ano vreme e Irodeso o caro e Judejako sasa nesavo svešteniko tare Avijinaso redo, akhardola Zaharija, thaj lesi romni sasa taro pleme e Aaroneso, savi akhardola Jelisaveta.
24968	LUK 1:6	A sesa solduj čačutne anglo Dol, thaj živisade palo vaćaripe thaj palo zakono e Gospodeso bizo nisavo bilačhipe.
24969	LUK 1:7	Len naj sasa čhave, golese kaj i Jelisaveta naštine te ačhol khamni, a solduj džene sesa već purane.
24970	LUK 1:8	Thaj jekh đive, o Zaharija kandija e Devle ano Hram golese kaj palo dužnost sasa leso redo,
24971	LUK 1:9	kaj palo adeti e sveštenikurengo birisade le barbutosa te džal e Devlese te kadil ano Svetište e Gospodeso.
24972	LUK 1:10	Thaj but manuša sesa avral thaj molisajle e Devlese kana o Zaharija dija te kadil ano Hram.
24973	LUK 1:11	A e Zaharijase sikadilo o meleko e Gospodeso savo ačhilo ki desno rig taro oltari e kadimaso.
24974	LUK 1:12	Thaj kana dikhlja le o Zaharija but darajlo.
24975	LUK 1:13	Al o meleko vaćarda lese: “Ma dara, Zaharija! Golese kaj ći molitva si šundi, thaj ći romni i Jelisaveta ka bijanol murše. Tu ka dele alav Jovan.
24976	LUK 1:14	Thaj tu ka ave radosno thaj bahtalo, thaj but džene ka aven blagoslovime lese bijandimasa.
24977	LUK 1:15	Golese kaj ka avol baro anglo Gospod, thaj ni ka pijol mol thaj zuralo pijipe, thaj ka pherdol e Svetone Duxosa dok si ano vođi pe dako.
24978	LUK 1:16	Thaj vov bute čhaven e Izraelese ka iril anglo Gospod lengo Dol.
24979	LUK 1:17	Thaj vov ka džal anglo Gospod sar manuš savo anol o haberi ano duxo thaj ano zuralipe sar o Ilija o proroko. Ka miril e ile e dadenđe premale e čhave, thaj okola so ni šunen e Devle te aven gođaver sar e manuša save ćeren okova so o Dol phenol da si šukar. Sa kava ka ćerol te pripremil e manušen te šaj aven spremna e Gospodese avimase.”
24980	LUK 1:18	Thaj vaćarda o Zaharija e melekose: “Pal soste me gova ka džanav? Golese kaj sem purano thaj mi romni si bute beršenđi.”
24981	LUK 1:19	Thaj phenda e Zaharijase o meleko: “Me sem o Gavrilo savo ačhav anglo Dol. Bičhaldo sem te vaćarav tuće kava lačho lafi.
24982	LUK 1:20	Thaj akh, golese so ni pačajan an me lafura ka ave laloro thaj ni ka vaćare dži gova đive dži kaj sa gova ni čerdol, thaj me lafura ka pherdon.”
24983	LUK 1:21	Thaj avral e manuša ađućarde e Zaharija, thaj čudisajle sose gaći majisajlo ano sveto than e hrameso.
24984	LUK 1:22	A kana iklilo o Zaharija naštine te vaćarol. Vov dija len znakura golese kaj sasa laloro, thaj e manuša haljarde kaj dikhlja dičhipe dži kaj sasa ano sveto than e hrameso.
24985	LUK 1:23	Thaj kana nakhle e đivesa tar leso kandipe ano Hramo o Zaharija đelo čhere.
24986	LUK 1:24	A pale kala đivesa ačhili khamni i Jelisaveta lesi romni, thaj ni iklili avral pandž čhon thaj vaćarda:
24987	LUK 1:25	“Gija ćerda manđe o Gospod ane kala đive kaj pelo lese žal manđe! Uljarda mandar kaja lađ maškare manuša kaj ni sasa ma čhave.”
24988	LUK 1:26	A kana i Jelisaveta sasa šovto čhon khamni o Dol bičhalda e meleko e Gavrilo ano cikno foro Nazaret ani Galileja.
24989	LUK 1:27	Ki jekh čhej Marija savi sasa mangli romese e Josifese savo sasa tari kuštik e carosi e Davidesi.
24990	LUK 1:28	Thaj avilo late o meleko o Gavrilo thaj phenda: “Av radosno, so arakhljan milost. O Gospod si tusa. Blagoslovimi san maškare džuvlja!”
24991	LUK 1:29	A voj kaj dikhlja e meleko darajli tare lafura lese thaj dija gođi savo sasa kava pozdrav?
24992	LUK 1:30	Thaj phenda laće o meleko: “Ma dara, Marije! Golese kaj arakhljan milost anglo Dol.
24993	LUK 1:31	Akh, ka ačhe khamni, thaj ka bijane čhave, thaj ka dele alav Isus.
24994	LUK 1:32	Vov ka avol baro, ka akhardol Čhavo Embareso, thaj ka dol le o Gospod o Dol autoritet te vladil sar caro, sar o David tar lesi kuštik so ćerda.
24995	LUK 1:33	Thaj ka caruil ane kuštika e Jakovese sa e đivesa, thaj lese carstvose ni ka avol krajo.”
24996	LUK 1:34	A i Marija pučlja e meleko: “Sar ka avol gova kana sem me vadži čhej?”
24997	LUK 1:35	Thaj vaćarda laće o meleko o Gavrilo: “O Duxo Sveto ka avol pe tute, thaj o Zuralipe e Embareso ka učharol tut. Golese kaj gova so ka bijandol ka avol sveto, thaj ka akhardol Čhavo e Devleso.
24998	LUK 1:36	Thaj akh, ći bibi thaj voj ačhili khamni ane purane berša i ka bijanol murše. Thaj voj savi naštine ačhol khamni, akana si šov čhon khamni.
24999	LUK 1:37	Golese kaj o Dol šaj sa so phenol!”
25000	LUK 1:38	A i Marija phenda: “Ake i me sem sluškinja e Gospodaresi. Nek avol palo ćo lafi!” Thaj o meleko đelo latar.
25001	LUK 1:39	A i Marija pale gola đivesa spremisajli thaj siđarda ani bregali phuv ano foro e Judejako.
25002	LUK 1:40	Kana resli odori, đeli ano čher e Zaharijaso, thaj pozdravisajli e Jelisavetasa.
25003	LUK 1:41	Thaj kana i Jelisaveta šunda o pozdrav e Marijako, čhelda o čhavo ane lako vođi, thaj i Jelisaveta pherdili Sveto Duxo.
25004	LUK 1:42	Thaj ane sa o glaso vaćarda e Marijaće: “Em blagoslovimi san maškare sa e džuvlja, thaj blagoslovimo o čhavo an ćiro vođi.
25005	LUK 1:43	Kotar manđe kava čast kaj tu i dej me Gospodaresi aviljan ke mande?
25006	LUK 1:44	Golese dikh, kana šundem ćo pozdrav ane mingre kana, čhelda o čhavoro ane mo vođi.
25007	LUK 1:45	Thaj blago tuće so pačajan kaj ka čerdol kova so vaćarda tuće o Gospod!”
25008	LUK 1:46	Thaj i Marija vaćarda: “Slavil mi duša mingre Gospod!
25009	LUK 1:47	Thaj mo duxo veselil pe ano Dol mingro o Spasitelji,
25010	LUK 1:48	so sasa milostivno e poniznonaće sluškinjaće, golese dikh, od akana ka akharen ma blagoslovimi sa e manuša.
25011	LUK 1:49	Golese so ćerda manđe but šukaripe o Zuralo Dol, sveto si leso alav!
25012	LUK 1:50	Vov si milostivno sa e manušenđe tare sa e kuštika save daran lestar.
25013	LUK 1:51	Sikada po zuralipe pe vastesa, čhudija e barikanen ane mislura lendže ilenđe.
25014	LUK 1:52	Čhudija e vladaren taro lengo tron, thaj vazdija e teljarden.
25015	LUK 1:53	E bukhalen čaljarda šukarimasa, thaj e barvalen mukhlja čuče vastencar.
25016	LUK 1:54	Pomožisada e Izraele ćire sluga te dol pe gođi taro milost,
25017	LUK 1:55	sar so vaćarda amare kuštikenđe, e Avraamese, thaj lese semese dži ko poslednjo đive.”
25018	LUK 1:56	Thaj i Marija bešli e Jelisavetasa paše trin čhon, thaj pale gova irisajli čhere.
25019	LUK 1:57	A i Jelisavetaće avilo o sato te bijanol thaj bijanda čhave.
25020	LUK 1:58	Thaj kana šunde laće pašutne thaj lačhi familija kaj o Gospod sikada laće baro milost, radujisajle lasa.
25021	LUK 1:59	Thaj kana o čhavoro sasa ohtoto đive, avile te ćeren le suneti thaj manglje te den le alav Zaharija.
25022	LUK 1:60	I Jelisaveta vaćarda: “Na, leso alav ka avol Jovane!”
25023	LUK 1:61	Thaj phende lačhe: “Naj tut khoni ani ćiri familija gole alavesa!”
25024	LUK 1:62	Thaj pučlje e dade e Zaharija vastencar sar bi vov manđola te dol leso alav.
25025	LUK 1:63	Thaj o Zaharija manglja khanči pe soste šajine te pisil, thaj pisisada: “Jovan ka avol leso alav.” Thaj savore čudisajle.
25026	LUK 1:64	Thaj o Zaharija lija te vaćarol, thaj lija te slavil e Devle.
25027	LUK 1:65	Thaj i dar e Devlesi avili ane sa e pašutne lendže, thaj ki sa i bregali Judeja šundilo kava so sasa.
25028	LUK 1:66	Thaj savore dije gođi tar gova: “So ka avol tar kava čhavo? Golese so o va e Gospodeso sasa pe leste.”
25029	LUK 1:67	Thaj o Zaharija, o dad e Jovaneso, pherdilo e Svetone Duxosa thaj prorokuisada:
25030	LUK 1:68	“Blagoslovimo o Gospod o Dol e Izraeleso so avilo thaj ikalda pe manušen!
25031	LUK 1:69	Thaj vazdija amenđe e zurale Spasitelje. tari kuštik e Davidesi pire slugasi,
25033	LUK 1:71	kaj ka ikalol amen tare amare dušmanura thaj tare vasta save mrzin amen.
25034	LUK 1:72	Savo sasa milosno amare kuštikenđe, thaj ispunisada po sveto savez,
25035	LUK 1:73	savez savo dija e Avraamese amare paradadese. Kaj ka dol amen
25036	LUK 1:74	te ikala amen tare vasta amare dušmajenđe, thaj te kanda e Devle bizi dar,
25037	LUK 1:75	ano svetost thaj ano pravednost angle leste sa dok sam džuvde.
25038	LUK 1:76	A tu, Jovane mo čhavo, ka akhardo proroko Embareso golese kaj ka đa anglo Gospod te ćere leso drumo.
25039	LUK 1:77	Ka sikave lese manušen sar te pindžaren o spasenje prekalo oproštenje tare lendže grehura.
25040	LUK 1:78	Golese so si e Devleso ilo šukar, ka avol o svetlost pe amende sar nevi sabalin,
25041	LUK 1:79	te svetlil kolenđe so si ano kalipe thaj ani sena e merimasi, a amare pingre ka phiren ko drom taro mir.”
25042	LUK 1:80	A o čhavoro o Jovane barilo thaj zurajlo duxosa. Thaj đelo ani pustinja sa dži kaj ni iklilo angle Izraelcura te vaćarol o Lafi e Devleso.
25043	LUK 2:1	Ane gola đivesa kana bijandilo o Jovan o Krstitelji iklilo o vaćaripe e caroso e Avgustineso te popisin pe sa e manuša ano Rimsko carstvo.
25044	LUK 2:2	Kava sasa angluno popis kana o Kvirinije vladisada e Sirijasa.
25045	LUK 2:3	Thaj savore pojdisade te pisin pe alava ko spisko, ko foro kaj bešle lendže kuštika.
25046	LUK 2:4	Gija o Josif sasa tari familija tari kuštik e Davidesi, pojdisada taro Nazaret ani Galileja ane Davideso foro savo akhardol Vitlejem savo si ani phuv i Judeja,
25047	LUK 2:5	te pisil po alav ko spisko e Marijasa, savi sasa mangli lese, thaj voj sasa khamni.
25048	LUK 2:6	Thaj kana sesa ano Vitlejem, avilo o vreme i Marija te bijanol.
25049	LUK 2:7	Thaj bijanda čhave pe anglune, thaj pačarda le, čhuta le ani balija, golese kaj naj sasa than ani gostionica.
25050	LUK 2:8	Thaj sesa e čobanura ane goja phuv pašo Vitlejem save arakhlje ke poljura raćasa pe bakren.
25051	LUK 2:9	Thaj dikh, o meleko e Gospodeso ačhilo maškare lende, thaj e Gospodaresi slava svetlisada len, thaj von but darajle.
25052	LUK 2:10	Thaj o meleko vaćarda lendže: “Ma daran! Dikh, anav tumenđe lačho lafi e radujimaso so ka avol sa e manušenđe!
25053	LUK 2:11	Golese kaj avđive bijandilo o Spasitelj, savo si Hristos, o Gospod, ano foro kaj sasa bijando o caro o David.
25054	LUK 2:12	Thaj ake, tumenđe znako pal savo ka pindžaren le: ka aračhen čhave savo si pačardo thaj pašljol ani balija.”
25055	LUK 2:13	Thaj tari jekh drom pašo meleko sikadili bari vojska melekura, save hvalina e Devle vaćarindoj:
25056	LUK 2:14	“Slava e Devlese ko učipe, thaj ki phuv mir maškare manuša save si pale Devleso manđipe.”
25057	LUK 2:15	Thaj kana e melekura đele lendar ano nebo, e čobanura phende jekh averese: “Ka đa dži o Vitlejem, te dikha gova so odori sasa sar so vaćarda amenđe o Gospod.”
25058	LUK 2:16	E čobanura đele sigate, thaj arakhlje e Marija thaj e Josife, thaj e čhave sar pašljol ani balija.
25059	LUK 2:17	Thaj kana dikhlje le, savorenđe vaćarde so o meleko lendže vaćarda taro čhavoro.
25060	LUK 2:18	Thaj savore save šunde e čobanuren divisajle.
25061	LUK 2:19	A i Marija dija gođi tar kala lafura, thaj čhuta len ane po ilo.
25062	LUK 2:20	Thaj irisajle e čobanura thaj slavisade thaj hvalisade e Devle za sa so šunde thaj dikhlje, golese so pherdile sa e lafura sar so sasa lendže phendo.
25063	LUK 2:21	Thaj ohtoto đive sar bijandilo o čhavoro avilo o vreme te ćeren le suneti, thaj dije le alav Isus, sar so vaćarda o meleko angleder so i Marija ačhili khamni.
25064	LUK 2:22	Thaj kana avilo o đive o Josif thaj i Marija te džan palo adeti e thodimaso e Marijako, palo zakono e Mojsijaso, ande e čhavore ano Jerusalim ano Hram te preden le e Gospodese
25065	LUK 2:23	(sar so si pisimo ano zakon e Gospodeso kaj: “Svako čhavo murš savo putrol e dejako por te posvetil pe e Gospodese”)
25066	LUK 2:24	thaj te anen kurbano (sar e Gospodeso zakono phenol, “duj grlice il duj terne golubura”).
25067	LUK 2:25	Thaj dikh, sasa ano Jerusalim manuš kaso alav sasa Simeon, thaj gova manuš sasa pravedno, thaj pobožno, savo ađućarda o Mesija te ikalol o Izrael taro ropstvo thaj o Duxo Sveto sasa pe leste.
25068	LUK 2:26	Thaj o Duxo Sveto sikada lese but angleder kaj ni ka merol sa dži kaj ni dičhol e Hristo e Gospodeso.
25069	LUK 2:27	Thaj o Duxo vaćarda lese te džal ano Hram. O Josif thaj i Marija ande e čhave e Isuse ano Hram te ćeren okova so si palo adeti ane Mojsijaso zakono,
25070	LUK 2:28	a o Simeon dikhlja e Isuse thaj lija le ke pire vasta, thaj hvalisada e Devle thaj phenda:
25071	LUK 2:29	“Gospode, akana muk ano mir te merol ćo sluga, palo okova sar so phendan.
25073	LUK 2:31	savo ćerdan angle sa e manuša.
25074	LUK 2:32	Vov si svetlo savo ka avol pe manuša save ni džanen e Devle, thaj vov ka avol ki slava pire manušenđe e Izraelese.”
25075	LUK 2:33	Thaj e Isusesi dej thaj leso dad sesa čudime so vaćarda o Simeon taro Isus.
25076	LUK 2:34	Thaj blagoslovisada len o Simeon, thaj vaćarda e Marijaće lese daće: “Dikh, o Dol odredisada kale čhavore te peravol buten Izraelcuren thaj te vazdol. Vov si odredimo te avol e Devleso znako, al but džene ka odbacin le.
25077	LUK 2:35	Thaj gija ka sikadol so garandoj den an pe gođa. A tut i bari čhurik ka pusavol ani duša.”
25078	LUK 2:36	Thaj sasa i Ana e Devlesi proročica, čhej e Fanuilosi, tari kuštik e Asireso. Voj sasa but phuri, efta berš sasa pe romesa thaj lako rom mulo,
25079	LUK 2:37	thaj pale gova sasa udovica ohtovardeš thaj štar berš, savi ni đala taro Hram, kandija e Devlese i rat thaj o đive, thaj postisada thaj molisada.
25080	LUK 2:38	Thaj ane gova sato avili, hvalisada e Devle thaj vaćarda taro čhavoro savorenđe save ađućarde o Dol te ikalol o Jerusalim.
25081	LUK 2:39	Thaj o Josif em i Marija kana ćerde sa palo zakono e Gospodeso, irisajle ani Galileja ane po foro o Nazaret.
25082	LUK 2:40	A o čhavo barilo thaj zurajlo, thaj pherdilo mudrost, thaj o šukaripe e Devleso sasa ane leste.
25083	LUK 2:41	E Isuseso dad thaj lesi dej đele svako berš ano Jerusalim ko baro đive ki Pasha.
25084	LUK 2:42	Thaj kana sasa e Isuse dešuduj berš, i vov đelo palo adeti te svetkujil lencar o baro đive i Pasha ano Jerusalim.
25085	LUK 2:43	Thaj kana nakhle gola đivesa von irisajle čhere. O čhavoro o Isus ačhilo ano Jerusalim, a gova ni džanglje lesi dej thaj leso dad.
25086	LUK 2:44	Dije gođi kaj si i vov lencar maškare avera manuša save putujisade lencar. Đele jekh đive phirindoj thaj lije te roden le ki familija thaj ke pire pindžarutne manuša.
25087	LUK 2:45	Thaj kana ni arakhlje le irisajle ano Jerusalim te roden le.
25088	LUK 2:46	O trito đive arakhlje le ano Hram sar bešol maškare učitelja, thaj šunol len, thaj pučol len.
25089	LUK 2:47	Thaj savore save šunena e Isuse divisajle lese džanglimasa thaj lese irimasa o pučipe.
25090	LUK 2:48	Thaj kana dikhlje le čudisajle, thaj lesi dej pučlja le: “Čhaveja! So ćere amencar kava? Akh me thaj ćo dad daraljam thaj rodijam tut!”
25091	LUK 2:49	Thaj o Isus vaćarda lendže: “Sose rodijen man? Ni li džanen kaj trubul te avav ano čher me Dadeso?”
25092	LUK 2:50	Thaj von ni haljarde so vov manglja te phenol lendže.
25093	LUK 2:51	Thaj lencar avilo ano Nazaret, thaj sa šunola len. Thaj lesi dej sa kala lafura garada ane piro ilo.
25094	LUK 2:52	Thaj o Isus barola ano mudrost thaj ano baripe thaj ano milost ko Dol em ke manuša.
25095	LUK 3:1	Kana o cezar o Tiberija vladisada po rimsko carstvo dešupanđšto berš, thaj o Pontije o Pilat o upravniko vladisada ani Judeja, thaj o Irod vladisada ani Galileja, thaj o Filip leso phral vladisada ani Itureja thaj ani Trahonitada, thaj o Lisanije vladisada ani Avilina,
25096	LUK 3:2	a e šorutne sveštenikura sesa o Ana thaj o Kajafa, thaj o Dol bičhalda po lafi e Jovanese e Zaharijase čhavese ani pustinja.
25097	LUK 3:3	O Jovane đelo taro than dži ko than tare solduj riga tari len e Jordanesi, vaćarindoj kaj e manuša trubul te irin pe tar pe grehura thaj te aven ko Dol te oprostil lendže, thaj te krstin pe.
25098	LUK 3:4	Sar so pisisada o proroko o Isaija, o Jovan sasa: “O glaso so dol vika ani pustinja: ‘Ćeren o drom e Gospodese! Ravnin lese o drom!
25099	LUK 3:5	Sa e doline te pherdon, thaj sa e gore thaj e bregura nek ravnin pe, thaj sa e banđe droma te aven prava, a e bilačhe droma te aven ravnome.
25100	LUK 3:6	Thaj sa e manuša ka dičhen e Devleso spasenje!’”
25101	LUK 3:7	O Jovane vaćarda e manušenđe save avena te krstil len: “Tumen e sapese čhave! Ko vaćarda tumenđe kaj šaj te našen tare Devlesi holi so avol?
25102	LUK 3:8	Sikaven tumare džuvdimasa thaj tumare bućencar kaj irisajljen taro greh thaj aviljen anglo Dol! Ma hohaven tumen golesa so vaćaren: ‘Amaro Dad si o Avraam!’ Golese vaćarav tumenđe kaj o Dol šaj tar kala bara vazdol čhaven e Avraamese.
25103	LUK 3:9	Golese kaj o tover tare Devleso sudo ačhol ano kaš karo koreno, thaj svako kaš savo ni bijanol šukar bijandipe ka čhinol pe, thaj ani jag ka čhudol pe.”
25104	LUK 3:10	Thaj e manuša pučlje e Jovane: “So te ćera?”
25105	LUK 3:11	A o Jovane vaćarda lendže: “Kas isi duj fostanura nek dol jekh kolese so najle nijekh, thaj kas isi xamase nek dol okole kas naj.”
25106	LUK 3:12	Avile te krstin pe thaj i e carincura thaj pučlje le: “Učitelju, so te ćera amen?”
25107	LUK 3:13	A o Jovane phenda lendže: “Ma manđen po but nego so vaćardo si tumenđe taro vlast.”
25108	LUK 3:14	A e vojnikura pučlje le: “Amen so te ćera?” Thaj vaćarda lendže o Jovane: “Khanikastar ma len silasa e pare thaj ma ćeren hohajpe pe nikaste thaj aven bahtale okolesa kobor poćinen tumen.”
25109	LUK 3:15	E manuša ađućarde e Mesija i savore pučlje pe ane pe ile naj li o Jovane o Mesija.
25110	LUK 3:16	Thaj o Jovane vaćarda savorenđe: “Me krstiv tumen pajesa, al avol khoni savo si po baro mandar, kase naj sem dostojno lese sandale te putrav. Vov ka krstil tumen e Svetone Duxosa thaj jagasa.
25111	LUK 3:17	Le isi vila ane vasta, thaj ka čistil o gumno i ka ćidol o điv an po ambari, a i pleva ka phabarol jagasa savi ka phabol thaj ni ka ačhol.”
25112	LUK 3:18	Thaj gija but aver lafura vaćarda o Jovane e narodose sar te teril len te pokajin pe thaj phenda lendže o Lačho lafi.
25113	LUK 3:19	Thaj o Jovane prekorisada e Irode e vladare tari Galileja golese so lija romnjaće pe phralese romnja e Irodijada, thaj zbog but bi lačhe buća so ćerda
25114	LUK 3:20	pale sa gova o Irod i kava phenda: “Čhuven e Jovane ano phanglipe.”
25115	LUK 3:21	Thaj kana o Jovane krstisada sa e manušen, thaj i o Isus krstisajlo, i dok o Isus molisajlo, putajlo o nebo,
25116	LUK 3:22	thaj o Sveto Duxo ulilo pe leste ano oblik sar golubo, thaj šundilo glaso taro nebo: “Tu san mo čhavo o manglo. Tu san pale mingro manglipe!”
25117	LUK 3:23	Thaj e Isuse sasa le paše tranda berš kana počnisada pi bući thaj e manuša smatrisade kaj si o Isus, čhavo e Josifeso. O Josif sasa čhavo e Ilijaso.
25118	LUK 3:24	O Ilija sasa čhavo e Matataso, O Matat sasa čhavo e Levijaso. O Levi sasa čhavo e Melhijaso. O Melhi sasa čhavo e Janejaso. O Janej sasa čhavo e Josifeso.
25119	LUK 3:25	O Josif sasa čhavo e Matatijaso. O Matatij sasa čhavo e Amoseso. O Amos sasa čhavo e Naumeso. O Naum sasa čhavo e Eslijaso. O Eslija sasa čhavo e Nangejeso.
25120	LUK 3:26	O Nangej sasa čhavo e Maateso. O Maat sasa čhavo e Matatijaso. O Matatij sasa čhavo e Semeinaso. O Semein sasa čhavo e Josiheso. O Josih sasa čhavo e Jodaso.
25121	LUK 3:27	O Jod sasa čhavo e Joananaso. O Joanan sasa čhavo e Risaso. O Risa sasa čhavo e Zorovaveleso. O Zorovavel sasa čhavo e Salatiilaso. O Salatiil čhavo e Nirijaso.
25122	LUK 3:28	O Niri sasa čhavo e Melhijaso. O Melhije sasa čhavo e Adijeso. O Adija sasa čhavo e Kosamaso. O Kosam sasa čhavo e Elmadameso. O Elmadam sasa čhavo e Iroso.
25123	LUK 3:29	O Ir sasa čhavo e Isuseso. O Isus sasa čhavo e Eliezereso. O Eliezer sasa čhavo e Jorimaso. O Jorim sasa čhavo e Matatoso. O Matat sasa čhavo e Leviso,
25124	LUK 3:30	O Levi sasa čhavo e Simeoneso, O Simeon sasa čhavo e Judaso. O Juda sasa čhavo e Josifeso. O Josif sasa čhavo e Jonameso. O Jonam sasa čhavo e Eliakimeso.
25125	LUK 3:31	O Eliakim sasa čhavo e Melejeso. O Meleja sasa čhavo e Menaso. O Mena sasa čhavo e Matateso. O Matata čhavo e Nataneso. O Natan sasa čhavo e Davideso.
25126	LUK 3:32	O David sasa čhavo e Jesejaso. O Jesej sasa čhavo e Jovideso, O Jovid sasa čhavo e Voozeso. O Vooz sasa čhavo e Salmoneso. O Salmon čhavo e Naasoneso.
25127	LUK 3:33	O Naason sasa čhavo e Aminadaveso. O Aminadav sasa čhavo e Admineso. O Admin sasa čhavo e Arinijeso. O Arni sasa čhavo e Esromeso. O Esrom sasa čhavo e Fareseso. O Fares sasa čhavo e Judaso.
25128	LUK 3:34	O Juda sasa čhavo e Jakoveso. O Jakov sasa čhavo e Isakoso. O Isak sasa čhavo e Avraameso. O Avraam sasa čhavo e Tarajeso. O Tara sasa čhavo e Nahoreso
25129	LUK 3:35	O Nahor sasa čhavo e Seruheso, O Seruh sasa čhavo e Ragaveso. O Ragav sasa čhavo e Falekoso. O Falek sasa čhavo e Evereso. O Ever sasa čhavo e Salaso.
25130	LUK 3:36	O Sala sasa čhavo e Kainameso. O Kainam sasa čhavo e Arfaksadeso. O Arfaksad sasa čhavo e Simeso. O Sim sasa čhavo e Nojeso. O Noje sasa čhavo e Lamehoso.
25131	LUK 3:37	O Lameh sasa čhavo e Matusalaso. O Matusala sasa čhavo e Enoheso. O Enoh sasa čhavo e Jareteso. O Jaret sasa čhavo e Maleleileso. O Malaleil sasa čhavo e Kainameso.
25132	LUK 3:38	O Kainam sasa čhavo e Enoseso. O Enos sasa čhavo e Siteso. O Sit sasa čhavo e Adameso. O Adam sasa čhavo e Devleso.
25133	LUK 4:1	O Isus pherdo Duxo Sveto irisajlo tari len i Jordan, thaj inđarda le o Duxo ani pustinja
25134	LUK 4:2	thaj saranda đive o beng iskušisada le. Thaj gola đive khanči ni xalja, thaj kana nakhle e saranda đive, vov bokhajlo.
25135	LUK 4:3	Thaj vaćarda lese o beng: “Te san e Devleso Čhavo phen kale barese te avol mangro.”
25136	LUK 4:4	Thaj o Isus phenda lese: “Ano Sveto Lil ačhol: ‘O manuš ni ka avol džuvdo samo taro mangro.’”
25137	LUK 4:5	Thaj ikalda le o beng ko učo than thaj sikada lese sa e carstvura ki phuv tari jekh drom.
25138	LUK 4:6	Thaj o beng vaćarda lese: “Tuće ka dav sa kava lengo zuralipe thaj i slava, golese kaj manđe dija pe, thaj me ka davla kase mangav.
25139	LUK 4:7	Tu ako pere angle mingre koča sa ćiro ka avol.”
25140	LUK 4:8	Thaj o Isus vaćarda lese: “Ano Sveto Lil ačhol: ‘Per ke koča e Gospodese e Devlese ćirese, thaj lese jekhese kande.’”
25141	LUK 4:9	Thaj inđarda le ano Jerusalim, čhuta le najučeste po Hramo, thaj vaćarda lese: “Te san e Devleso Čhavo, čhude tu katar tele,
25142	LUK 4:10	golese kaj ano Sveto Lil ačhol: ‘Vov ka phenol pe melekurenđe te aračhen tut’
25143	LUK 4:11	thaj: ‘ka lol tut ke vasta te ma čalave tut ko bar će pingresa.’”
25144	LUK 4:12	Thaj o Isus vaćarda lese: “Ano Sveto Lil ačhol: ‘Ma iskuši e Gospod, e Devle ćire.’”
25145	LUK 4:13	Thaj kana ačhile sa e iskušenjura, o beng đelo lestar dži aver nesavo vreme.
25146	LUK 4:14	Thaj irisajlo o Isus ano zuralipe e Duxoso ani Galileja, thaj o lafi lestar đelo pe sa e thana.
25147	LUK 4:15	Thaj sikada ane lendže sinagoge, thaj savore šukar lestar vaćarde.
25148	LUK 4:16	Thaj avilo ano foro Nazaret kaj barilo, ko savato palo adeti piro đala sa ani sinagoga, thaj uštilo te čitil.
25149	LUK 4:17	Thaj dije le o Lil e prorokoso e Isaijaso, putarda o Lil thaj arakhlja than kaj sasa pisimo:
25150	LUK 4:18	“O Duxo e Gospodeso si pe mande, golese kaj pomazisada man thaj bičhalda man te anav o Lačho lafi e čororenđe, te vaćarav e phanglenđe kaj ka aven oslobodime, thaj e korenđe kaj ka dičhen, thaj e mučime ka aven mekhle,
25151	LUK 4:19	te vaćarav taro lačho berš taro milost e Gospodeso.”
25152	LUK 4:20	Thaj phanglja o Lil thaj dija e slugase, pale gova bešlo. Thaj savore ani sinagoga dikhlje ane leste:
25153	LUK 4:21	Thaj o Isus lija te vaćarol lendže: “Avđive, kava so šunden taro Lil pherdilo”.
25154	LUK 4:22	Savorenđe sasa šukar, thaj sesa bahtale kale šukar lafesa so iklilo andaro leso muj, thaj pučlje pe: “Naj li kava e Josifeso čhavo?”
25155	LUK 4:23	Thaj o Isus vaćarda lendže: “Čače, tumen manđe ka vaćaren kaja poslovica: ‘Lekarona, sastar korkore tut!’ So šundam kaj ćerdan ano Kafarnaum čher i kate ane ćo than kaj bariljan.”
25156	LUK 4:24	Tegani vaćarda: “Čače vaćarav tumenđe, nijekh proroko naj manglo ano po than kaj barilo.”
25157	LUK 4:25	A čače vaćarav tumenđe: “But džuvlja kase roma mule sesa ano Izrael ano vreme e Ilijaso kana o bršind ni pelo trin berš thaj šov čhon thaj sasa baro bukhalipe pe sa i phuv.
25158	LUK 4:26	A o Ilija ni sasa bičhaldo ni jekhaće lendar, sasa bičhaldo ke abandžijengo foro Sarepta pašo Sidon ki jekh džuvli kaso rom mulo.
25159	LUK 4:27	Thaj but sesa gubava ano Izrael ko vreme e prorokoso e Jelisijeso, thaj khoni ni thodilo lendar, nego thodilo o Neman Sirijanco.”
25160	LUK 4:28	Thaj savore ani sinagoga pherdile holi kana kava šunde.
25161	LUK 4:29	Thaj uštile thaj tradije le avral taro foro, thaj inđarde le ko brego najuče kaj sasa ćerdo lengo foro te čhuden le odupral natele.
25162	LUK 4:30	A o Isus nakhlo maškar lende, thaj đelo pire dromesa.
25163	LUK 4:31	Pale gova, o Isus ulilo ano Kafarnaum ano foro Galilejsko, thaj sikada ko đive e savatoso.
25164	LUK 4:32	Thaj čudisajle lese sikaimasa, golese kaj leso vaćaripe sasa zuralo.