24967	LUK 1:5	Ano vreme e Irodeso o caro e Judejako sasa nesavo svešteniko tare Avijinaso redo, akhardola Zaharija, thaj lesi romni sasa taro pleme e Aaroneso, savi akhardola Jelisaveta.
24988	LUK 1:26	A kana i Jelisaveta sasa šovto čhon khamni o Dol bičhalda e meleko e Gavrilo ano cikno foro Nazaret ani Galileja.
24989	LUK 1:27	Ki jekh čhej Marija savi sasa mangli romese e Josifese savo sasa tari kuštik e carosi e Davidesi.
24994	LUK 1:32	Vov ka avol baro, ka akhardol Čhavo Embareso, thaj ka dol le o Gospod o Dol autoritet te vladil sar caro, sar o David tar lesi kuštik so ćerda.
24995	LUK 1:33	Thaj ka caruil ane kuštika e Jakovese sa e đivesa, thaj lese carstvose ni ka avol krajo.”
25015	LUK 1:53	E bukhalen čaljarda šukarimasa, thaj e barvalen mukhlja čuče vastencar.
25024	LUK 1:62	Thaj pučlje e dade e Zaharija vastencar sar bi vov manđola te dol leso alav.
25042	LUK 1:80	A o čhavoro o Jovane barilo thaj zurajlo duxosa. Thaj đelo ani pustinja sa dži kaj ni iklilo angle Izraelcura te vaćarol o Lafi e Devleso.
25043	LUK 2:1	Ane gola đivesa kana bijandilo o Jovan o Krstitelji iklilo o vaćaripe e caroso e Avgustineso te popisin pe sa e manuša ano Rimsko carstvo.
25049	LUK 2:7	Thaj bijanda čhave pe anglune, thaj pačarda le, čhuta le ani balija, golese kaj naj sasa than ani gostionica.
25053	LUK 2:11	Golese kaj avđive bijandilo o Spasitelj, savo si Hristos, o Gospod, ano foro kaj sasa bijando o caro o David.
25066	LUK 2:24	thaj te anen kurbano (sar e Gospodeso zakono phenol, “duj grlice il duj terne golubura”).
25076	LUK 2:34	Thaj blagoslovisada len o Simeon, thaj vaćarda e Marijaće lese daće: “Dikh, o Dol odredisada kale čhavore te peravol buten Izraelcuren thaj te vazdol. Vov si odredimo te avol e Devleso znako, al but džene ka odbacin le.
25078	LUK 2:36	Thaj sasa i Ana e Devlesi proročica, čhej e Fanuilosi, tari kuštik e Asireso. Voj sasa but phuri, efta berš sasa pe romesa thaj lako rom mulo,
25079	LUK 2:37	thaj pale gova sasa udovica ohtovardeš thaj štar berš, savi ni đala taro Hram, kandija e Devlese i rat thaj o đive, thaj postisada thaj molisada.
25084	LUK 2:42	Thaj kana sasa e Isuse dešuduj berš, i vov đelo palo adeti te svetkujil lencar o baro đive i Pasha ano Jerusalim.
25086	LUK 2:44	Dije gođi kaj si i vov lencar maškare avera manuša save putujisade lencar. Đele jekh đive phirindoj thaj lije te roden le ki familija thaj ke pire pindžarutne manuša.
25090	LUK 2:48	Thaj kana dikhlje le čudisajle, thaj lesi dej pučlja le: “Čhaveja! So ćere amencar kava? Akh me thaj ćo dad daraljam thaj rodijam tut!”
25093	LUK 2:51	Thaj lencar avilo ano Nazaret, thaj sa šunola len. Thaj lesi dej sa kala lafura garada ane piro ilo.
25095	LUK 3:1	Kana o cezar o Tiberija vladisada po rimsko carstvo dešupanđšto berš, thaj o Pontije o Pilat o upravniko vladisada ani Judeja, thaj o Irod vladisada ani Galileja, thaj o Filip leso phral vladisada ani Itureja thaj ani Trahonitada, thaj o Lisanije vladisada ani Avilina,
25102	LUK 3:8	Sikaven tumare džuvdimasa thaj tumare bućencar kaj irisajljen taro greh thaj aviljen anglo Dol! Ma hohaven tumen golesa so vaćaren: ‘Amaro Dad si o Avraam!’ Golese vaćarav tumenđe kaj o Dol šaj tar kala bara vazdol čhaven e Avraamese.
25106	LUK 3:12	Avile te krstin pe thaj i e carincura thaj pučlje le: “Učitelju, so te ćera amen?”
25137	LUK 4:5	Thaj ikalda le o beng ko učo than thaj sikada lese sa e carstvura ki phuv tari jekh drom.
25155	LUK 4:23	Thaj o Isus vaćarda lendže: “Čače, tumen manđe ka vaćaren kaja poslovica: ‘Lekarona, sastar korkore tut!’ So šundam kaj ćerdan ano Kafarnaum čher i kate ane ćo than kaj bariljan.”
25159	LUK 4:27	Thaj but sesa gubava ano Izrael ko vreme e prorokoso e Jelisijeso, thaj khoni ni thodilo lendar, nego thodilo o Neman Sirijanco.”
25166	LUK 4:34	“So manđe amendar, Isuse taro Nazaret? Aviljan li te mudare amen? Džanav ko san tu: Sveco e Devleso!”
25175	LUK 4:43	A o Isus vaćarda lendže: “Trubul ane avera forura te vaćarav o Lačho lafi taro carstvo e Devleso, golese sem bičhaldo.”
25178	LUK 5:2	thaj dikhlja duj čamcura kaj ačhen ko than, a e manuša save dolen mačhe iklile lendar thaj thode e mreže.
25179	LUK 5:3	Thaj o Isus dija ano čamco savo sasa e Simoneso, thaj pučlja le te crden le zala ano paj. Thaj bešlo thaj sikada e manušen taro čamco.
25183	LUK 5:7	Thaj vastesa dije vika pe amalen save sesa ane aver čamco te ikalen e mreže, thaj avile, thaj pherde solduj čamcura gija so lije te pherdon paj taro pharipe e mačhengo.
25187	LUK 5:11	Thaj ikalde e čamcura ki phuv, ačhade sa thaj đele pale leste.
25189	LUK 5:13	O Isus vazdija po va dolda le, thaj phenda: “Mangav. Av thodo!” Thaj o nasvalipe tar lesi koža sigate crdija pe.
25203	LUK 5:27	Thaj pale gova iklilo, thaj dikhlja e carinco savo akhardola Levi sar bešol ki carina, thaj vaćarda lese: “Av pale mande.”
25205	LUK 5:29	E Isusese ćerda o Levi ano po čher baro xape, gothe sesa but carincura thaj avera manuša bešle lesa ko astali.
25206	LUK 5:30	E fariseja thaj maškar lende nesave učitelja tare Mojsijaso zakono lije te den vika thaj te vaćaren lese sikadenđe: “Sose xan thaj pijen e carincurencar thaj e grešnikurencar?”
25210	LUK 5:34	A o Isus vaćarda lendže: “Šaj li čhuve e manušen so avile ko abav te postin a lencar si o terno kaso si o abav?
25216	LUK 6:1	Ke jekh savato o Isus nakhlo maškaro điv, lese sikade lije o điv, morde vastencar thaj xalje.
25232	LUK 6:17	O Isus ulilo taro brego pe Dešudujencar thaj ačhilo ko ravno than, thaj but sikade lese, thaj but manuša andari sa i Judeja thaj taro Jerusalim, thaj taro foro Tir em taro foro Sidon thaj pašutne thana save si pašo more.
25235	LUK 6:20	Thaj o Isus dikhlja an pe sikade thaj vaćarda: “Blagoslovime sen tumen save sen čore, golese kaj si tumaro o carstvo e Devleso.
25243	LUK 6:28	Blagoslovin kolen save den tumen armaja! Molin tumen e Devlese kolenđe save bilačhe ćeren tumencar.
25270	LUK 7:6	Thaj o Isus đelo lencar. Thaj kana avile pašo čher, bičhalda o kapetano pe amalen te vaćaren lese: “Gospod! Ma čhuv tuće gova pharipe golesa so ka de an mo čher, golese so me naj sem dostojno te ave tali mi streja.
25289	LUK 7:25	Il so ikliljen te dičhen? Manuše ane barvale fostanura urade? Na! Gasave manuša phiraven barvale fostanura, thaj ano šukaripe bešen ane carska palate.
25292	LUK 7:28	Vaćarav tumenđe, tare sa e manuša save sesa bijande ni sasa pobaro taro Jovane o Krstitelji, thaj po baro si lestar o em cikno ano Carstvo e Devleso.”
25293	LUK 7:29	Sa e manuša so šunde e Isuse, pa i nesave carincura, pindžarde kaj si e Develeso sikaipe šukar thaj krstisajle e Jovaneso krstipe.
25298	LUK 7:34	Aviljem me, o Čhavo e Manušeso, savo xav thaj pijav, a tumen vaćaren: ‘Dikh manuš halano thaj mato, amal e carinconengo thaj e grešnikurengo!’
25301	LUK 7:37	Thaj dikh, sasa i džuvli ando foro savače džanglja pe kaj si grešnica, šunda kaj si o Isus pašo astali ano čher e farisejeso, i avili andre. Anda skupo miris ko čaro savo sasa taro alabasteri.
25302	LUK 7:38	Rojindoj, peli ke pe koča pale lese pingre. Laće asva pele pe lese pingre thaj lija te thovol len pe jasvencar, thaj pe balencar koslja len thaj čumidija lese pingre, thaj makhlja len e mirisesa.
25303	LUK 7:39	A kana dikhlja o fariseji savo akharda le, vaćarda ane peste: “Te avol proroko, bi džanola ko si kaja džuvli savi dolol le golese kaj si grešnica!”
25308	LUK 7:44	Thaj irisajlo premali džuvli em vaćarda e Simonese: “Dičhe li kala džuvlja! Me aviljem ane ćo čher, paj ni andan me pingrenđe, a voj pe jasvencar thoda len, a pe balencar koslja len.
25317	LUK 8:3	thaj i Jovana (romni e Huzosi savo sasa upravitelji ko Irod), thaj i Suzana, thaj avera but đeja save kandije pumare parencar e Isuse thaj lese sikade.
25321	LUK 8:7	A nesavo seme pelo ke kangre, thaj o seme barilo e kangrencar, thaj e kangre tasade le.
25336	LUK 8:22	Jekh đive o Isus phenda pe sikadenđe: “Te nakha ki aver rig e pajesi.” Dije ano čamco thaj đele.
25337	LUK 8:23	Thaj kana pojdisade o Isus zasuta. Thaj uštili bari balval, o čamco lija te pherdol paj thaj lije te tason, thaj but darajle so sesa ano baro bilačhipe.
25341	LUK 8:27	Thaj kana iklilo o Isus taro čamco, avilo paše leste jekh manuš andaro foro ane kaste sesa benga. But berša sasa nango, thaj ni bešlo ano čher, nego bešlo ke limora.
25351	LUK 8:37	Thaj sa e manuša tari Gerasa thaj tare pašutne thana phende e Isusese te džal lendar, golese kaj but darajle. A o Isus dija ano čamco thaj irisajlo palal ani Galileja.
25372	LUK 9:2	Thaj bičhalda len te vaćaren taro carstvo e Devleso, thaj te sastaren e nasvalen.
25397	LUK 9:27	Čače vaćarav tumenđe, nesave tumendar save sen kate ni ka meren dok ni dičhen o carstvo e Devleso.”
25403	LUK 9:33	Thaj kana lije te crden pe o Mojsije em o Ilija, o Petar phenda e Isusese: “Gospod! Šukar kaj sam kate, thaj te ćera trin senice: Jekh tuće, jekh e Mojsijase thaj jekh e Ilijase.” Ni džanglja so te vaćarol
25411	LUK 9:41	Thaj o Isus vaćarda lendže: “O, bipačače thaj bilačhe manušalen! Tumencar sem sa kava vreme, a tumen vadži ni pačan, pučav man vadži kozom trubul te trpiv tumen. An će čhave akari!”
25418	LUK 9:48	thaj o Isus vaćarda lendže: “Savo primil kale čhavore ane mingro alav, man primil, thaj ko man primil, primil me Dade savo bičhalda man, golese ko si maškare tumende em cikno, len o Dol dičhol embare.”
25419	LUK 9:49	A o Jovane vaćarda e Isusese: “Gospod! Dikhljam jekhe sar će alavesa tradol e bengen, thaj amen vaćardam lese te na ćerol gova, golese kaj ni džal amencar pale tute.”
25420	LUK 9:50	Thaj o Isus vaćarda lese: “Mučhen le, golese ko naj protiv tumende tumencar si.”
25428	LUK 9:58	Thaj o Isus vaćarda: “E lisicen isi jazbina thaj e čirikljen isi len gnezdura: Me o Čhavo e Manušeso naj man kaj mo šoro te pašljarav.”
25430	LUK 9:60	A o Isus vaćarda lese: “Ačhav e mule, nek prahon pe mulen, a tu ajde vaćar taro carstvo e Devleso.”
25431	LUK 9:61	A aver vaćarda: “Gospod! Me ka džav pale tute, al muk ma te džav te oprostiv man mingre čherutnencar.”
25432	LUK 9:62	A o Isus vaćarda lese: “Ni jekh naj lačhardo pašo carstvo e Devleso savo čhuvol po va ko plugo te oril a dičhol palal.”
25441	LUK 10:9	Sastaren e nasvalen save si ane gova foro, thaj vaćaren lendže: ‘Kava sikavol tumenđe kaj si o carstvo e Devleso paše.’
25453	LUK 10:21	Ane gova sato o Isus pherdilo radost ano Sveto duxo thaj phenda: “Hvaliv tut, Dade, Gospod e phuvako thaj e neboso, so garadan ćo čačipe tare but džangle thaj tare razumna a vaćardan e ciknenđe. Va, Dade, golese kaj si gova ćiri volja.”
25456	LUK 10:24	Golese vaćarav tumenđe kaj but prorokura thaj carura manglje te dičhen man thaj ni dikhlje, thaj manglje te šunen man thaj ni šunde.”
25463	LUK 10:31	Thaj slučajno gole dromesa nakhlo nesavo jevrejsko svešteniko, thaj dikhlja le em crdijape lestar ki aver rig thaj nakhlo.
25465	LUK 10:33	A nesavo Samarijanco avilo paše leste, dikhlja le pa pelo lese žal.
25476	LUK 11:2	O Isus vaćarda lendže: “Kana molin tumen, vaćaren: ‘Dade amareja ko nebo, te svetil pe ćo alav, te avol ćo carstvo, te avol ćiro manđipe ki phuv sar ko nebo,
25478	LUK 11:4	thaj oprosti amare grehura, sar amen so oprosti okolenđe so ćeren grehura premal amende! Thaj crde amen taro iskušenje.’”
25481	LUK 11:7	A vov andral te phenol: ‘Ačhav ma ko miro! Mo vudar si phanglo thaj me čhave si manca ano than e pašljimaso, thaj našti uštav te dav tut!’
25491	LUK 11:17	Thaj o Isus džanglja so den gođi thaj phenda lendže: “Dži jekh carstvo savo si ulado ka properol. Čher an savo naj sloga ka properol.
25492	LUK 11:18	Gija i o beng te ulada pe korkoro pestar, sar ka ačhol leso carstvo? Vaćaren kaj e Veelzevulesa tradav e bengen.
25494	LUK 11:20	Thaj ako me e Devlese zorasa tradav e bengen, onda avilo tumende o carstvo e Devleso.”
25496	LUK 11:22	Al kana avol po zuralo lestar, pobedil le thaj lol sa leso oružije ane savo pačaja, thaj ulavol pirencar so lija taro slabo manuš.
25497	LUK 11:23	Savo naj manca, protiv mande si, thaj ko manca ni ćidol, vov onda čhorol.”
25504	LUK 11:30	Gova so sasa e Jonase, sasa znako kaj o Dol bičhalda le e manušenđe save živisade ani Niniva. Gija mancar so ka avol, ka avol znako kaj me o Čhavo e Manušeso, o Dol bičhalda man kale manušenđe.
25505	LUK 11:31	Ko đive kana ka avol e Devleso sudo, i carica so angleder vladisada e južnone phuvasa ka uštol thaj ka osudil manušen tar kava bijandipe, golese kaj odural avili tare em palune phuva te šunol e caro e Solomone savo sasa but mudro, a ake, kate si khoni po baro taro Solomon, a tumen ni manđen te šunen le.
25520	LUK 11:46	A o Isus vaćarda lendže: “Pharo i tumenđe e učitelja tare Mojsijaso zakono! So čhuven pharipe but phare inđarimase, a tumen tumaro naj ni manđen te crden te pomožin nekase.
25524	LUK 11:50	Tumari generacija ka avol banđi za ko rat e prorokurengo savo thavdija taro ćeripe o sveto,
25525	LUK 11:51	taro Aveljeso rat dži e Zaharijaso rat, savo mudardo maškaro žrtveniko thaj o sveto than e Hrameso. Va, phenav tumenđe, ka rodol pe tari tumari generacija.
25526	LUK 11:52	Pharo tumenđe učiteljuralen tare Mojsijaso zakono! Golese so garaden i klidi taro džanglipe e Devlese carstvose. Korkore ni den andre ano carstvo, a save manglje te den andre, tumen ni dijen len.”
25529	LUK 12:1	Kana ćidije pe but milja manuša, gaći kaj lije te uštaven jekh avere, o Isus angleder golestar lija te vaćarol pe sikadenđe: “Aračhen tumen taro kvasaco o farisejsko, so si dujemujengo.
25541	LUK 12:13	Thaj vaćarda khoni tare manuša e Isusese: “Učitelju, vaćar me phralese te ulavol mancar okova so ačhada amenđe amaro dad.”