24963	LUK 1:1	Sar so džane but džene lije te pisin tar okova so sasa so o Dol obećisada prekale prorokura, a ćerdilo maškar amende.
24967	LUK 1:5	Ano vreme e Irodeso o caro e Judejako sasa nesavo svešteniko tare Avijinaso redo, akhardola Zaharija, thaj lesi romni sasa taro pleme e Aaroneso, savi akhardola Jelisaveta.
24969	LUK 1:7	Len naj sasa čhave, golese kaj i Jelisaveta naštine te ačhol khamni, a solduj džene sesa već purane.
24971	LUK 1:9	kaj palo adeti e sveštenikurengo birisade le barbutosa te džal e Devlese te kadil ano Svetište e Gospodeso.
24972	LUK 1:10	Thaj but manuša sesa avral thaj molisajle e Devlese kana o Zaharija dija te kadil ano Hram.
24975	LUK 1:13	Al o meleko vaćarda lese: “Ma dara, Zaharija! Golese kaj ći molitva si šundi, thaj ći romni i Jelisaveta ka bijanol murše. Tu ka dele alav Jovan.
24979	LUK 1:17	Thaj vov ka džal anglo Gospod sar manuš savo anol o haberi ano duxo thaj ano zuralipe sar o Ilija o proroko. Ka miril e ile e dadenđe premale e čhave, thaj okola so ni šunen e Devle te aven gođaver sar e manuša save ćeren okova so o Dol phenol da si šukar. Sa kava ka ćerol te pripremil e manušen te šaj aven spremna e Gospodese avimase.”
24980	LUK 1:18	Thaj vaćarda o Zaharija e melekose: “Pal soste me gova ka džanav? Golese kaj sem purano thaj mi romni si bute beršenđi.”
24983	LUK 1:21	Thaj avral e manuša ađućarde e Zaharija, thaj čudisajle sose gaći majisajlo ano sveto than e hrameso.
24984	LUK 1:22	A kana iklilo o Zaharija naštine te vaćarol. Vov dija len znakura golese kaj sasa laloro, thaj e manuša haljarde kaj dikhlja dičhipe dži kaj sasa ano sveto than e hrameso.
24987	LUK 1:25	“Gija ćerda manđe o Gospod ane kala đive kaj pelo lese žal manđe! Uljarda mandar kaja lađ maškare manuša kaj ni sasa ma čhave.”
24988	LUK 1:26	A kana i Jelisaveta sasa šovto čhon khamni o Dol bičhalda e meleko e Gavrilo ano cikno foro Nazaret ani Galileja.
24989	LUK 1:27	Ki jekh čhej Marija savi sasa mangli romese e Josifese savo sasa tari kuštik e carosi e Davidesi.
24990	LUK 1:28	Thaj avilo late o meleko o Gavrilo thaj phenda: “Av radosno, so arakhljan milost. O Gospod si tusa. Blagoslovimi san maškare džuvlja!”
24994	LUK 1:32	Vov ka avol baro, ka akhardol Čhavo Embareso, thaj ka dol le o Gospod o Dol autoritet te vladil sar caro, sar o David tar lesi kuštik so ćerda.
24995	LUK 1:33	Thaj ka caruil ane kuštika e Jakovese sa e đivesa, thaj lese carstvose ni ka avol krajo.”
24998	LUK 1:36	Thaj akh, ći bibi thaj voj ačhili khamni ane purane berša i ka bijanol murše. Thaj voj savi naštine ačhol khamni, akana si šov čhon khamni.
24999	LUK 1:37	Golese kaj o Dol šaj sa so phenol!”
25000	LUK 1:38	A i Marija phenda: “Ake i me sem sluškinja e Gospodaresi. Nek avol palo ćo lafi!” Thaj o meleko đelo latar.
25003	LUK 1:41	Thaj kana i Jelisaveta šunda o pozdrav e Marijako, čhelda o čhavo ane lako vođi, thaj i Jelisaveta pherdili Sveto Duxo.
25004	LUK 1:42	Thaj ane sa o glaso vaćarda e Marijaće: “Em blagoslovimi san maškare sa e džuvlja, thaj blagoslovimo o čhavo an ćiro vođi.
25006	LUK 1:44	Golese dikh, kana šundem ćo pozdrav ane mingre kana, čhelda o čhavoro ane mo vođi.
25008	LUK 1:46	Thaj i Marija vaćarda: “Slavil mi duša mingre Gospod!
25010	LUK 1:48	so sasa milostivno e poniznonaće sluškinjaće, golese dikh, od akana ka akharen ma blagoslovimi sa e manuša.
25011	LUK 1:49	Golese so ćerda manđe but šukaripe o Zuralo Dol, sveto si leso alav!
25012	LUK 1:50	Vov si milostivno sa e manušenđe tare sa e kuštika save daran lestar.
25015	LUK 1:53	E bukhalen čaljarda šukarimasa, thaj e barvalen mukhlja čuče vastencar.
25017	LUK 1:55	sar so vaćarda amare kuštikenđe, e Avraamese, thaj lese semese dži ko poslednjo đive.”
25018	LUK 1:56	Thaj i Marija bešli e Jelisavetasa paše trin čhon, thaj pale gova irisajli čhere.
25020	LUK 1:58	Thaj kana šunde laće pašutne thaj lačhi familija kaj o Gospod sikada laće baro milost, radujisajle lasa.
25025	LUK 1:63	Thaj o Zaharija manglja khanči pe soste šajine te pisil, thaj pisisada: “Jovan ka avol leso alav.” Thaj savore čudisajle.
25027	LUK 1:65	Thaj i dar e Devlesi avili ane sa e pašutne lendže, thaj ki sa i bregali Judeja šundilo kava so sasa.
25030	LUK 1:68	“Blagoslovimo o Gospod o Dol e Izraeleso so avilo thaj ikalda pe manušen!
25031	LUK 1:69	Thaj vazdija amenđe e zurale Spasitelje. tari kuštik e Davidesi pire slugasi,
25033	LUK 1:71	kaj ka ikalol amen tare amare dušmanura thaj tare vasta save mrzin amen.
25034	LUK 1:72	Savo sasa milosno amare kuštikenđe, thaj ispunisada po sveto savez,
25036	LUK 1:74	te ikala amen tare vasta amare dušmajenđe, thaj te kanda e Devle bizi dar,
25039	LUK 1:77	Ka sikave lese manušen sar te pindžaren o spasenje prekalo oproštenje tare lendže grehura.
25040	LUK 1:78	Golese so si e Devleso ilo šukar, ka avol o svetlost pe amende sar nevi sabalin,
25043	LUK 2:1	Ane gola đivesa kana bijandilo o Jovan o Krstitelji iklilo o vaćaripe e caroso e Avgustineso te popisin pe sa e manuša ano Rimsko carstvo.
25045	LUK 2:3	Thaj savore pojdisade te pisin pe alava ko spisko, ko foro kaj bešle lendže kuštika.
25046	LUK 2:4	Gija o Josif sasa tari familija tari kuštik e Davidesi, pojdisada taro Nazaret ani Galileja ane Davideso foro savo akhardol Vitlejem savo si ani phuv i Judeja,
25050	LUK 2:8	Thaj sesa e čobanura ane goja phuv pašo Vitlejem save arakhlje ke poljura raćasa pe bakren.
25051	LUK 2:9	Thaj dikh, o meleko e Gospodeso ačhilo maškare lende, thaj e Gospodaresi slava svetlisada len, thaj von but darajle.
25052	LUK 2:10	Thaj o meleko vaćarda lendže: “Ma daran! Dikh, anav tumenđe lačho lafi e radujimaso so ka avol sa e manušenđe!
25054	LUK 2:12	Thaj ake, tumenđe znako pal savo ka pindžaren le: ka aračhen čhave savo si pačardo thaj pašljol ani balija.”
25055	LUK 2:13	Thaj tari jekh drom pašo meleko sikadili bari vojska melekura, save hvalina e Devle vaćarindoj:
25056	LUK 2:14	“Slava e Devlese ko učipe, thaj ki phuv mir maškare manuša save si pale Devleso manđipe.”
25058	LUK 2:16	E čobanura đele sigate, thaj arakhlje e Marija thaj e Josife, thaj e čhave sar pašljol ani balija.
25060	LUK 2:18	Thaj savore save šunde e čobanuren divisajle.
25062	LUK 2:20	Thaj irisajle e čobanura thaj slavisade thaj hvalisade e Devle za sa so šunde thaj dikhlje, golese so pherdile sa e lafura sar so sasa lendže phendo.
25065	LUK 2:23	(sar so si pisimo ano zakon e Gospodeso kaj: “Svako čhavo murš savo putrol e dejako por te posvetil pe e Gospodese”)
25067	LUK 2:25	Thaj dikh, sasa ano Jerusalim manuš kaso alav sasa Simeon, thaj gova manuš sasa pravedno, thaj pobožno, savo ađućarda o Mesija te ikalol o Izrael taro ropstvo thaj o Duxo Sveto sasa pe leste.
25073	LUK 2:31	savo ćerdan angle sa e manuša.
25074	LUK 2:32	Vov si svetlo savo ka avol pe manuša save ni džanen e Devle, thaj vov ka avol ki slava pire manušenđe e Izraelese.”
25077	LUK 2:35	Thaj gija ka sikadol so garandoj den an pe gođa. A tut i bari čhurik ka pusavol ani duša.”
25078	LUK 2:36	Thaj sasa i Ana e Devlesi proročica, čhej e Fanuilosi, tari kuštik e Asireso. Voj sasa but phuri, efta berš sasa pe romesa thaj lako rom mulo,
25079	LUK 2:37	thaj pale gova sasa udovica ohtovardeš thaj štar berš, savi ni đala taro Hram, kandija e Devlese i rat thaj o đive, thaj postisada thaj molisada.
25082	LUK 2:40	A o čhavo barilo thaj zurajlo, thaj pherdilo mudrost, thaj o šukaripe e Devleso sasa ane leste.
25083	LUK 2:41	E Isuseso dad thaj lesi dej đele svako berš ano Jerusalim ko baro đive ki Pasha.
25084	LUK 2:42	Thaj kana sasa e Isuse dešuduj berš, i vov đelo palo adeti te svetkujil lencar o baro đive i Pasha ano Jerusalim.
25086	LUK 2:44	Dije gođi kaj si i vov lencar maškare avera manuša save putujisade lencar. Đele jekh đive phirindoj thaj lije te roden le ki familija thaj ke pire pindžarutne manuša.
25088	LUK 2:46	O trito đive arakhlje le ano Hram sar bešol maškare učitelja, thaj šunol len, thaj pučol len.
25089	LUK 2:47	Thaj savore save šunena e Isuse divisajle lese džanglimasa thaj lese irimasa o pučipe.
25093	LUK 2:51	Thaj lencar avilo ano Nazaret, thaj sa šunola len. Thaj lesi dej sa kala lafura garada ane piro ilo.
25094	LUK 2:52	Thaj o Isus barola ano mudrost thaj ano baripe thaj ano milost ko Dol em ke manuša.
25095	LUK 3:1	Kana o cezar o Tiberija vladisada po rimsko carstvo dešupanđšto berš, thaj o Pontije o Pilat o upravniko vladisada ani Judeja, thaj o Irod vladisada ani Galileja, thaj o Filip leso phral vladisada ani Itureja thaj ani Trahonitada, thaj o Lisanije vladisada ani Avilina,
25096	LUK 3:2	a e šorutne sveštenikura sesa o Ana thaj o Kajafa, thaj o Dol bičhalda po lafi e Jovanese e Zaharijase čhavese ani pustinja.
25097	LUK 3:3	O Jovane đelo taro than dži ko than tare solduj riga tari len e Jordanesi, vaćarindoj kaj e manuša trubul te irin pe tar pe grehura thaj te aven ko Dol te oprostil lendže, thaj te krstin pe.
25100	LUK 3:6	Thaj sa e manuša ka dičhen e Devleso spasenje!’”