42	GEN 2:11	Det feswan riba bin neim Paishan, en imbin go raidaran langa det kantri gulum Habila. Langa det kantri na ola brabliwan gol bin jidan,
67	GEN 3:11	Wal God bin tok, “Hubin dalim yu, yu neigidwan? Maitbi yubin dagat det daga weya aibin tok yu nomo lau dagat.”
138	GEN 5:32	Wal Nowa bin merrit, en wen imbin olmen 500 yiya ol, imbin abum thribala lilboi neim Shem, Hem en Jeifeth.
147	GEN 6:9	Imbin abum thribala san neim Shem, Hem en Jeifeth, en imbin gudbala men. Nobodi bin oldei faindim eni rong langa im, en imbin oldei bulurrum God brabliwei.
170	GEN 7:10	Langa det seim dei Nowa en im waif en detlot thribala san blanga im neim Shem, Hem en Jeifeth en detlot thribala waif blanga olabat bin ol gowin insaid langa det bout garram ol detlot difrinkain enimul en bard olabat.
183	GEN 7:23	Langa ebri kantri ola pipul en ola enimul bin binij. Nomo enijing bin jidan laibala. Najing na. Holot bin ded. Oni Nowa en detlot langa det bout bin jidan laibala.
209	GEN 9:3	“Wal yumob sabi basdam aibin tok yumob lau dagadagat oni detlot daga weya gro langa tri. Bat brom tudei na yumob lau dagadagat enijing weya wokaran laibala. Holot ai gibit langa yumob blanga daga.
224	GEN 9:18	Wal detlot thribala san blanga Nowa hubin kamat brom det bout bin neim Shem, Hem en Jeifeth, en bambai ola pipul langa ebri kantri bin ol kamat brom detlot thribala men na. En detlot Keinanait pipul bin kamat brom Hem, dumaji imbin abum san neim Keinan.
228	GEN 9:22	Afta na det yangwan san blanga Nowa neim Hem bin wokin langa det tent, en imbin luk im dedi leidan deya neigidbala. Wal imbin go atsaid na, en imbin dalim Shem en Jeifeth det dubala braja blanga im,
231	GEN 9:25	en Nowa bin tok, “Wal im nogud blanga Keinan det san blanga Hem! Im garra oldei jidan jis laiga prisana en dumbat ola adwek blanga im braja olabat.
236	GEN 10:1	Wal afta det fladwodataim loda difrin traib bin kamat brom Shem, Hem en Jeifeth detlot thribala san blanga Nowa.
241	GEN 10:6	Det san blanga Nowa neim Hem bin abum fobala san neim Kush, Misraim, Put en Keinan.
242	GEN 10:7	Kush bin abum faibala san neim Seba, Habila, Sabta, Reiyama en Sabteka. En Reiyama bin abum dubala san neim Shiba en Dedan.
248	GEN 10:13	Loda traib bin kamat brom det san blanga Hem neim Misraim en deibin gulum neim blanga ol detlot traib Ladait, Einamait, Leiyabait, Neftahait,
250	GEN 10:15	Det feswan grensan blanga Nowa det san blanga Hem neim Keinan bin abum san neim Saidan, en loda traib bin kamat brom Keinan, en deibin gulum neim blanga ol detlot traib Hitait,
252	GEN 10:17	Hibait, Akait, Sinait,
253	GEN 10:18	Abadait, Semarait en Hemathait. Bambai ol detlot Keinan pipul bin spredat ebriweya.
255	GEN 10:20	Wal ol detlot pipul na bin kamat brom Hem, en deibin jidan langa olabat ron traib en langa olabat ron kantri, en deibin ol abum difrinwan langgus.
258	GEN 10:23	Eram bin abum fobala san neim As, Hul, Githa en Mishek.
261	GEN 10:26	Joktan bin abum 13 san neim Elmodad, Shelaf, Heisameibeth, Jera,
262	GEN 10:27	Heidoram, Yusal, Dikla,
264	GEN 10:29	Ofiya, Habila en Jobab.
293	GEN 11:26	Wal Tera bin merrit, en wen imbin 70 yiya ol, imbin abum thribala san neim Eibram, Neihowa en Heran.
294	GEN 11:27	Wal iya na det stori blanga Tera. Imbin abum thribala san neim Eibram, Neihowa en Heran.
295	GEN 11:28	Wal Heran bin dai langa det kantri gulum Bebalon. Imbin dai langa det seimwan taun gulum Yura weya imbin bon, en imbin dai bifo im dedi bin dai. Det olmen Tera bin stil jidan laibala wen im san Heran bin dai. Wal Heran bin libum thribala biginini biyain, wanbala boi neim Lot en dubala gel neim Milka en Iska.
298	GEN 11:31	Wal Tera bin gowei brom det taun gulum Yura, en imbin deigim im san Eibram garram im waif Serai, en imbin deigim Lot, det san blanga im dedbala san du, en deibin stat blanga go langa det kantri gulum Keinan. Bat hafwei langa roud deibin stap langa wan taun gulum Heran.
303	GEN 12:4	Wal Eibram bin gowei brom det pleis gulum Heran jis laik weya YAWEI bin dalim im blanga dum. Nomeda imbin olmen 75 yiya ol, bat stil imbin go trebulin olawei raidap langa det kantri gulum Keinan,
337	GEN 13:18	Wal Eibram bin shifdim im kemp, en imbin meigim najawan kemp gulijap langa detlot seikridwan tri deya langa det drimin pleis blanga wan men neim Memrei. Det pleis bin gulijap langa det taun gulum Hebran, en deya na Eibram bin pailimap ston blanga weship langa YAWEI.
342	GEN 14:5	Wal wen det neks yiya bin kaman, Kedalawoma en im thribala meit bin go garram ola solja blanga olabat, en deibin bidim ola Reifait pipul langa det pleis gulum Eshtarokanaim, en deibin bidim ola Susait pipul langa det pleis gulum Hem, en deibin bidim ola Emait pipul langa det opin kantri gulum Kiriyathaiyim,
343	GEN 14:6	en deibin bidim ola Horait pipul langa det hil kantri gulum Idam, en deibin kipgon rijim detlot Horait pipul raidap langa det pleis gulum Elparan gulijap langa det deset kantri.
344	GEN 14:7	Afta na Kedalawoma en im thribala meit bin kambek langa det pleis gulum Enmishpet. Tudei dei gulum det pleis Keidish. En deibin bidim ola Amalek pipul langa olabat ron kantri, en deibin bidim ola Emarait pipul deya langa det pleis gulum Hesesonteima.
350	GEN 14:13	Oni wanbala men deya bin gidawei, en imbin go en gibit det nyus langa Eibram det Hibrumen. Eibram bin stil jidan deya gulijap langa detlot seikridwan tri blanga det Emarait men neim Memrei, en Memrei en im dubala braja neim Eshkol en Eina bin gudfren blanga Eibram.
352	GEN 14:15	Wal wen imbin naitaim, Eibram bin splidimap ola solja blanga im, en deibin kamat langa detlot Kedalawomamob, en deibin bidim olabat, en deibin ranimap biyain olabat raidap langa det pleis gulum Hoba deya najasaid langa det taun gulum Dameskas.
381	GEN 15:20	en detlot Hitait pipul en detlot Perasait pipul en detlot Reifait pipul
383	GEN 16:1	Wal Eibram bin jidanbat langa det kantri gulum Keinan langa 10 yiya, en im waif Serai nomo bin abum eni biginini blanga im. Wal Serai bin abum wan wekingel hubin jidan jis laiga prisana neim Heiga brom det kantri gulum Ijip,
386	GEN 16:4	Afta na dubala bin silipsilipbat, en Heiga bin jidan femiliwei na, en imbin reken im nambawan, en imbin lukdan langa Serai.
388	GEN 16:6	Wal Eibram bin tok, “Wanim rong? Heiga im wekingel blanga yu, indit? Wal yu gin dum enijing yu wandim garram im.” Wal Serai bin tridimbat det wekingel blanga im krulbalawei, en det wekingel bin lafta ranawei brom deya.
390	GEN 16:8	en det einjul bin jingat langa im, “Heiga! Wekingel blanga Serai! Brom weya yubin kaman? Wujei yu go?” Wal det gel bin tok, “Aibin ranawei brom main bos Serai.”
395	GEN 16:13	Wal deya na langa det springwoda God bin tok langa Heiga, en wen dubala bin luk miselp, Heiga bin gibit neim langa God. Imbin gulum im neim Elroi, dumaji YAWEI bin oldei lukinat langa im.
397	GEN 16:15	Wen Eibram bin olmen 86 yiya ol, Heiga bin abum san blanga im, en Eibram bin gulum det lilboi neim Ishmeil.
436	GEN 18:11	en wen imbin irrim det men tok lagijat, imbin laf, en imbin tok miselp, “Hau mi en Eibrahem garra abum beibi? Minbala brabli ol na. Minbala garram grei heya na. Det olmen Eibrahem kaan meigim mi faindim beibi. Mi brabli olgamen du. Hau Eibrahem garra meigim mi gudbinji wen minbala silip?”
449	GEN 18:24	Hau yu garra binijimap det taun if 50 gudbala pipul jidan deya? Yu kaan kilimbat detlot 50 gudbala pipul garram detlot nogudbala pipul.
472	GEN 19:14	Wal Lot bin go langa det dubala men hubin pramis langa im dubala doda, en imbin dalim dubala, “Hariyap! Yunbala hariyap! Wi garra gowei brom dijan taun kwikbala, dumaji YAWEI garra panishim ola pipul en binijimap dijan taun.” Bat dubala bin reken Lot bin meigimbat stori langa dubala.
523	GEN 21:9	Wal Sera bin luk det najawan san blanga Eibrahem neim Ishmeil. Imbin det san blanga det wekingel neim Heiga hubin kaman brom det kantri gulum Ijip. En Sera bin luk Ishmeil bin tisimbat Aisik.
524	GEN 21:10	Wal Sera bin dalim Eibrahem, “Yu andimwei Heiga en im san, dumaji im san kaan teikoba enijing brom yu. Aisik det san blanga mi garra teikoba ebrijing brom yu.”
528	GEN 21:14	Ailibala neksdei Eibrahem bin gibit Heiga wodabeig en sambala daga, en imbin jandimwei dubala. En dubala bin gowei en wokabat langa det deset kantri gulum Biyashiba.
529	GEN 21:15	Bambai na det woda bin ranat, en Heiga bin lafta libum det lilboi andanith langa wan tri,
531	GEN 21:17	Wal det lilboi bin kraikraibat du, en God bin lisin langa det lilboi wen imbin kraikraibat, en imbin jandim wanbala einjul langa det lilboi mami, en det einjul blanga God bin tok, “Wanim rong Heiga? Yu nomo wori. God bin lisin langa det lilboi blanga yu weya imbin kraikraibat.
533	GEN 21:19	Brom deya God bin meigim det dubala ai blanga Heiga gudwan, en imbin luk springwoda deya gin, en imbin go garram det emtiwan wodabeig, en imbin bilimap det beig, en imbin deigim det woda langa det lilboi blanga dringgim.
570	GEN 22:22	en deibin gulum olabat neim Yus, Bus, Kemyuwel, Kesed, Heiso, Pildesh, Jidlaf en Bethyuwel. Bambai Kemyuwel bin merrit, en imbin abum wanbala lilboi neim Eram,
574	GEN 23:2	en imbin dai langa det taun gulum Hebran deya langa det kantri gulum Keinan. Sambala pipul bin oldei gulum det taun Kiriyathaba. Wal wen Eibrahem bin lujim Sera, imbin kraikrai detmatj.
575	GEN 23:3	Bambai na imbin gidap brom im dedbala waif, en imbin go langa det miting pleis deya langa det geit weya ola boswan blanga detlot Hitait pipul bin oldei jidanbat,
590	GEN 23:18	en ol detlot boswan blanga detlot Hitait pipul hubin deya langa det miting bin ol witnis weya det men neim Ifran bin hendimoba det kantri langa Eibrahem.
591	GEN 23:19	Afta na Eibrahem bin berrim det dedbala waif blanga im deya langa det keib weya imbin baiyim gulijap langa det taun gulum Hebran deya langa det kantri gulum Keinan.
615	GEN 24:23	Brom deya det wekinmen bin askim det gel, “Hu yu dedi? Maitbi im garram rum deya weya mi en main wekinmen olabat garra kemp tunait?”
639	GEN 24:47	“Afta na aibin askim im, ‘Hu yu dedi?’ En imbin dalim mi, ‘Bethyuwel det san blanga Neihowa en Milka.’ “Wal aibin pudum detlot ring langa im nos en am na,
657	GEN 24:65	en imbin askim det wekinmen blanga Eibrahem, “Hu det men kaminap iya?” En det wekinmen bin tok, “Tharran main bos Aisik.” Wal Rabeka bin grebum im heinggitjif na, en imbin gaburrumap miselp feis garram det heinggitjif.
663	GEN 25:4	Wal det najawan san blanga Ketura neim Midiyan bin merrit du, en im waif bin abum faibala san blanga im. Olabat neim bin Ifa, Ifara, Henak, Abida en Eldeiya.
671	GEN 25:12	Wal det mami blanga Eibrahem san Ishmeil bin jidan jis laiga prisana blanga Sera neim Heiga hubin kaman brom det kantri gulum Ijip,
674	GEN 25:15	Heided, Tema, Jetuwa, Nefish en Kedema.
677	GEN 25:18	Wal ola san en ola grensan blanga Ishmeil bin oldei kemp langa ol detlot kantri brom det deset kantri gulum Shuya sanraisaid brom det kantri gulum Ijip raidap langa det kantri gulum Habila hafwei langa det plein kantri gulum Asiriya, en deibin kadimat miselp brom detlot najalot grensan blanga Eibrahem, en deibin oldei jidan miselp.
714	GEN 26:21	Afta na ola wekinmen blanga Aisik bin grajim det sekanwan wel, en agamin bin gidap deya du, en Aisik bin gulum det wel Sitna, en det neim im min Heidimgija.
727	GEN 26:34	Bambai na wen det san blanga Aisik neim Isau bin olmen, 40 yiya ol, imbin merrit langa dubala gel brom ola Hitait pipul. Det neim blanga im feswan waif bin Judith, en det gel dedi bin neim Berai. Det neim blanga im sekanwan waif bin Beisamath, en det gel dedi bin neim Ilan.
746	GEN 27:18	Wal Jeikob bin go langa Aisik, en imbin jingat, “Dedi!” En im dedi bin tok, “Yuwai, main boi. Hu yu?”
760	GEN 27:32	Wal im dedi Aisik bin tok, “Hu yu?” En Isau bin tok, “Mi Isau, det bigwan san blanga yu.”
761	GEN 27:33	Wal Aisik bin sheiksheik detmatj na, en imbin tok, “Hubin gibit mi dijan daga weya aibin jis binijim wen yubin wokin? Binij na. Langa im na aibin gibit det laswan wed en ola enijing main.”
765	GEN 27:37	Wal Aisik bin tok, “Aibin meigim Jeikob bos oba langa yu, en aibin meigim ola kantrimen blanga yu jidan jis laiga prisana en dumbat ola adwek blanga im du. En aibin gibit langa im ola gadin blanga growimap sid daga en ola greip daga blanga meigim wain. Holot aibin gibit im. En ai nomo garram eni wed blanga gibit langa yu na.”
771	GEN 27:43	Wal yu lisin langa mi na. Yu garra go kwikbala langa main braja Leiban deya langa det kantri gulum Heran weya im oldei jidan,
774	GEN 27:46	Afta na Rabeka bin go, en imbin tok langa Aisik, “Det dubala waif blanga Isau brom detlot Hitait pipul bin meigim mi brabli nogudbinji. En if Jeikob wandi merrit langa Hitait gel, wal mobeda mi garra dai.”
784	GEN 28:10	Wal Jeikob bin kaminap brom det pleis gulum Biyashiba, en imbin wandi go langa det pleis gulum Heran,
800	GEN 29:4	en Jeikob bin tok langa detlot stakmen hubin jidanbat deya, “Gudei! Brom weya yumob bin kaman?” En deibin tok, “Melabat brom det pleis gulum Heran.”
917	GEN 31:43	Wal Leiban bin tok na, “Wanim yu tokinabat, Jeikob? Dijan dubala gel dubala main doda. En ola biginini blanga dubala dei blanga mi. En ol dislot enimul iya olabat blanga mi du. Holot dislot ting weya yu luk olabat ol blanga mi. Bat dumaji yubin merrit langa main doda dubala en dubala bin abum biginini blanga yu, wal ai kaan deigidawei olabat brom yu.
921	GEN 31:47	En wen olabat bin binij pailimap detlot ston, Leiban bin dalim Jeikob, “Dislot ston na garra jidan pruf blanga yunmi.” En Leiban bin gulum neim blanga detlot ston garram im ronwan langgus en Jeikob bin gulum det neim garram im langgus gulum Hibru.
980	GEN 33:19	en imbin go langa ola biginini blanga det olmen neim Heima hubin bildimap det taun, en imbin baiyim det pedik weya imbin ringimap im tent blanga bigmob mani. Imbin baiyim blanga 100 silba langa olabat kain mani.
983	GEN 34:2	Wal deya hafwei langa roud wan men bin luk Daina bin purdiwan. Det men bin neim Shekam, en im dedi bin neim Heima, en im dedi bin det hedbos blanga ola Hibait pipul deya langa det kantri. Wal Shekam bin grebum det gel, en imbin nokamdan im langa roud, en nogudbalawei imbin silip garram im.
987	GEN 34:6	Afta na Heima det dedi blanga Shekam bin kaman langa Jeikob blanga tok langa im,
989	GEN 34:8	Wal Heima bin dalim Jeikob, “Main boi Shekam laigim det doda blanga yu. Wal wotabat yu larram dubala merrit.
991	GEN 34:10	En afta yumob gin stap iya langa melabat kantri, en yumob gin jidan yumob ronwan bos. Yumob gin wokabat en jidan eniweya yumob wandim langa dis kantri.” Lagijat na Heima bin tok.
994	GEN 34:13	Wal detlot san blanga Jeikob nomo bin laigim Shekam, dumaji imbin meigim trabul langa olabat sista, en deibin tok kaninbalawei langa Shekam en im dedi Heima.
999	GEN 34:18	Wal Heima en im san Shekam bin tok, “Wal im rait.”
1000	GEN 34:19	Brom deya Shekam nomo bin weistimbat taim, dumaji imbin laigim det gel blanga Jeikob brabli. Imbin sekan bos langa im dedi Heima,
1007	GEN 34:26	en dubala bin kilim Shekam en Heima en ol detlot najalot men deya du. Afta na dubala bin go langa det haus blanga Shekam, en dubala bin deigidawei Daina det sista blanga dubala, en deibin gobek langa olabat ronwan kemp na.
1039	GEN 35:27	Bambai na Jeikob bin kamat langa im dedi Aisik deya langa det pleis gulum Memrei. Aisik bin oldei jidan gulijap langa det taun gulum Hebran deya langa det seim pleis weya Eibrahem bin jidan basdam.
1045	GEN 36:4	Isau bin merrit langa Eda det doda blanga wan olmen neim Ilan brom detlot Hitait pipul. En Eda bin abum wanbala lilboi blanga Isau neim Elifas. Isau bin merrit langa Beisamath det doda blanga Ishmeil en sista blanga Neibayoth. En Beisamath bin abum wanbala lilboi blanga Isau neim Ruwel.
1046	GEN 36:5	Isau bin merrit langa Oholibama det doda blanga wan men neim Eina hubin san blanga wan olmen neim Sibiyan brom detlot Hibait pipul. En Oholibama bin abum thribala lilboi blanga Isau neim Jeyus, Jeilam en Kora. Wal ol detlot biginini blanga Isau bin ol bon langa det kantri gulum Keinan.
1061	GEN 36:20	Wal bifo Isau bin go langa det kantri gulum Idam, ola Horait pipul bin jidan deya, en det kantri bin blanga olabat kantri. Wal ol detlot Horait klen bin kamat brom wanbala olmen neim Siyiya. Det olmen bin abum sebenbala boi neim Lotan, Shobal, Sibiyan, Eina, Daishon, Isa en Daishan.
1063	GEN 36:22	Lotan bin merrit, en imbin abum dubala lilboi neim Horai en Heiman. Lotan bin abum wan sista du neim Timna.
1067	GEN 36:26	Daishon bin merrit, en imbin abum fobala lilboi neim Hemdan, Eshban, Itharan en Keran.
1070	GEN 36:29	Wal ol detlot pipul na bin ola klen blanga det Horait traib.
1075	GEN 36:34	Wen Jobab bin dai, Husham bin jidan king. Imbin brom det kantri gulum Teman.
1076	GEN 36:35	Wen Husham bin dai, det san blanga wan men neim Bedad bin jidan king. Imbin neim Heided, en imbin jidan langa det taun gulum Eibith. En ola pipul blanga Heided bin fait langa detlot Midiyan pipul deya langa det kantri gulum Moweb, en Heided bin win.
1077	GEN 36:36	Wen Heided bin dai, Semla bin jidan king. Imbin brom det pleis gulum Mesreka.
1080	GEN 36:39	Wen Beilenan bin dai, Heided bin jidan king, en imbin jidan langa det taun gulum Pau. En imbin merrit langa Mehetabel, det doda blanga Meitrid en grendoda blanga Misaheb.
1098	GEN 37:14	En im dedi bin tok, “Wal yu go en lukabat yu braja olabat, en yu luk olabat if olabat orait, en afta yu kambek en bringimbek wed langa mi.” Wal Josef bin gowei brom det pleis gulum Hebran Beli, en imbin go langa det kantri Shekam,
1121	GEN 38:1	Wal Juda bin gowei brom im braja olabat, en imbin go en jidan garram wan olmen neim Haira deya langa wan taun gulum Edulam.
1132	GEN 38:12	Bambai na det waif blanga Juda bin dai, en Juda bin berrim im dedbala waif, en wen det taim blanga kraikrai bin binij, Juda en det fren blanga im neim Haira bin go langa wan taun gulum Timna weya ola wekinmen bin shirimbat ola ship blanga Juda.