1	GEN 1:1	Orait, longtaim wen God bin stat meigimbat ebrijing, nomo enijing bin jidan. Imbin jis eniwei, nomo garram enijing. Oni strongbala woda bin goran goran ebriwei, en imbin brabli dakbala, en det Spirit blanga God bin mubabat ontop langa det woda.
26	GEN 1:26	Brom deya God bin dalim miselp, “Wi lafta meigim pipul na. En wi lafta meigim olabat laik wi blanga jidan laik wi. Olabat garra jidan bos blanga ola fish en bard en blanga ola kwaitwan enimul en ola wailwan enimul en blanga ol detlot enimul weya wokabat garram binji langa graun.”
37	GEN 2:6	Oni det woda brom insaid langa graun bin kamat blanga wodarim det graun.
59	GEN 3:3	Oni wanbala tri deya weya jandap langa midul langa dijan gadin, tharran na minbala kaan tatjim en dagat. If minbala tatjim en dagat daga brom det tri, wal streidawei minbala garra dai.”
70	GEN 3:14	Brom deya YAWEI bin tok langa det sneik, “Ai garra panishim yu blanga det ting. Oni yu na ai garra panishim. Ai kaan panishim ol detlot najalot enimul. Oni yu na. Wal yu garra oldei wok garram yu binji langa graun, en yu garra dagadagat graun olawei raidap yu dai.
81	GEN 4:1	Brom deya Edam en Ib dubala bin silipsilip gija, en Ib bin jidan femiliwei na. Bambai imbin abum lilboi, en imbin tok, “Nobodi bin album mi abum dijan lilboi. Oni God na.” En blanga tharran na imbin gulum det lilboi Kein.
156	GEN 6:18	“Oni langa yu na ai garra meigim strongwan pramis. Yu garra gowin langa det bout garram yu waif en garram det thribala san blanga yu en garram olabat thribala waif.
164	GEN 7:4	Oni wanwik na en ai garra jandim rein langa ola kantri, en det rein garra buldan deitaim en naitaim nomo stap. Det rein garra buldan 40 dei gulijap 6 wik, dumaji ai garra draundim ebrijing weya aibin meigim, en ola enimul en ola pipul garra ol binij.” Lagijat na God bin tok.
174	GEN 7:14	Ola wailwan enimul en ola kwaitwan enimul en ola buligimob en ol detlot lisid en sneik en ola bard en olkain insek, ol detlot na bin kaman langa Nowa, boiwan en gelwan,
183	GEN 7:23	Langa ebri kantri ola pipul en ola enimul bin binij. Nomo enijing bin jidan laibala. Najing na. Holot bin ded. Oni Nowa en detlot langa det bout bin jidan laibala.
210	GEN 9:4	Oni wanbala ting deya. Bifo yumob dagat bif brom eni enimul, yumob garra kadim det enimul en larramgo im blad. Lagijat na yumob garra larramgo det blad dumaji det blad na laif blanga det enimul.
263	GEN 10:28	Obal, Abimeil, Shiba,
264	GEN 10:29	Ofiya, Habila en Jobab.
273	GEN 11:6	en wen imbin luk, imbin dalim miselp, “Dislot iya pipul jidan wan pipul garram wanbala langgus. Olabat brabli klebabala, en dei gin dum enijing dei wandim.
327	GEN 13:8	en Eibram bin dalim Lot, “Yunmi rileishan gija. Ola stakmen blanga yunmi nomo wandi fait.
350	GEN 14:13	Oni wanbala men deya bin gidawei, en imbin go en gibit det nyus langa Eibram det Hibrumen. Eibram bin stil jidan deya gulijap langa detlot seikridwan tri blanga det Emarait men neim Memrei, en Memrei en im dubala braja neim Eshkol en Eina bin gudfren blanga Eibram.
361	GEN 14:24	Blanga tharran na ai kaan kipum enijing blanga miselp. Oni detlot ting weya main solja olabat bin yusumbat. Bat yu garra larram main thribala meit neim Eina, Eshkol en Memrei deigim haf.” Lagijat na Eibram bin tok.
380	GEN 15:19	Ola kantri blanga detlot Kenait pipul en detlot Kenasait pipul en detlot Kedmonait pipul
409	GEN 17:11	Yu garra sekamsais yu ronwan san en ola wekinmen blanga yu hu jidan jis laiga prisana en hubin bon langa yu kemp en ola wekinmen weya yu bin baiyim brom najalot kantri. Ol detlot na yu garra kadim olabat. Dijan mak garra jidan pruf langa yumob bodi blanga det strongwan pramis weya aibin meigim garram yu olagija.
445	GEN 18:20	Afta na, YAWEI bin tok langa Eibrahem, “Aibin gedim nogudwan wed blanga det dubala taun gulum Sadam en Gamora. Ola pipul deya olabat brabli nogudbala.
479	GEN 19:21	Wal det wanbala streinja bin tok, “Orait. Yu gin go deya. Ai kaan binijimap det lilwan taun.
486	GEN 19:28	en deya na imbin lukdan langa det kantri weya det dubala taun bin jidan. Oni imbin luk bigbala smok bin gidap langa skai jis laiga bigwan bush faiya.
521	GEN 21:7	Wal Sera bin tok igin, “Ola pipul bin reken ai kaan abum beibi blanga Eibrahem. Bat nomeda imbin olmen, bat stil aibin abum san blanga im.”
538	GEN 21:24	Wal Eibrahem bin tok, “Orait. Ai meigim det pramis garram yu. En ai garra kipum det wed.”
540	GEN 21:26	Wal det king bin tok, “Wotfo yu agamin langa mi. Ai nomo sabi enijing blanga detlot wekinmen weya bin reken miselp bos blanga det wel. Yu nomo bin dalim mi blanga det wel bifo. Oni rait iya na aibin irrim det wed weya yubin dalim mi.”
562	GEN 22:14	Wal Eibrahem bin gulum det pleis YAWEI Gibit, dumaji YAWEI bin gibit im det ship. En blanga tharran na tudei pipul oldei tok, “Ontop langa det hil blanga im, YAWEI oldei gibit yu wanim yu wandim.”
580	GEN 23:8	en imbin tok, “Orait, if yumob wandi larram mi berrim main waif langa dijan kantri, wal yumob tok langa det men neim Efran det san blanga Soha.
606	GEN 24:14	“Wal ai garra dalim wan gel, ‘Yu gibit mi woda.’ En im garra tok, ‘Orait, olmen. Ai gibit yu woda. En ai wodarim ola kemul blanga yu du.’ En wen det gel im tok lagijat, wal ai garra sabi im na det raitwan gel weya yubin pikimat blanga Aisik det wekinmen blanga yu. Lagijat na ai garra sabi yu gudbinji langa main bos.” Lagijat na det wekinmen blanga Eibrahem bin prei.
661	GEN 25:2	en det gel bin abum siksbala san blanga det olmen. Olabat neim bin Simran, Jokshan, Midan, Midiyan, Ishbak en Shuwa.
663	GEN 25:4	Wal det najawan san blanga Ketura neim Midiyan bin merrit du, en im waif bin abum faibala san blanga im. Olabat neim bin Ifa, Ifara, Henak, Abida en Eldeiya.
672	GEN 25:13	en wen Ishmeil bin merrit, im waif bin abum twelbala boi blanga im. Olabat neim bin Neibayoth, Keda, Edbiyel, Mibsam, Mishma, Duma, Mesa,
675	GEN 25:16	Ol detlot boi na bin dedi blanga twelbala klen, en deibin gibit olabat ronwan neim langa ola difrindifrin taun weya deibin oldei kemp.
693	GEN 25:34	Wal wen Isau bin tok lagijat, Jeikob bin gibit im det damba en supsup, en Isau bin dagat det daga en dringgimbat, en afta imbin gidap en gowei. Oni blanga daga Isau bin gibitawei det pleis blanga im weya im garra jidan bos, dumaji oni blanga abumbat daga imbin jinggabat.
753	GEN 27:25	En Aisik bin tok, “Orait, main boi. Yu bringimap det daga weya ai garra dagat, en afta ai garra gibit langa yu det laswan wed bifo mi dai.” Wal Jeikob bin gibit det daga en sambala wain langa det olmen na,
794	GEN 28:20	Afta na Jeikob bin meigim pramis langa YAWEI. Imbin tok, “YAWEI, if yu jidan garram mi en lukaftumbat mi, en if yu gibit mi daga en klos blanga dijan trip en yu album mi blanga gobek langa main dedi haus bambai, wal yu garra jidan main God. Ai kaan bulurrum enibodi. Oni yu na.
802	GEN 29:6	En Jeikob bin tok, “Wal hau im? Im orait?” En deibin tok, “Yuwai, im rait. Yu luk det gel deya kaminap garram ol detlot ship? Ol detlot ship blanga det olmen na, en det gel im blanga det olmen doda. Im neim Reitjul.”
814	GEN 29:18	Tharran na mi laigim.” Wal Jeikob bin tok langa im anggul na, “Orait. Ai wandim Reitjul det doda blanga yu. Blanga im na ai garra wek blanga yu 7 yiya.”
834	GEN 30:3	Wal Reitjul bin tok, “Wal iya main wekingel Bila. Yu silip garram im, en im gin abum beibi blanga mi. Oni lagijat na ai garra abum beibi.”
865	GEN 30:34	Wal Leiban bin tok, “Orait. Im gud.”
875	GEN 31:1	Bambai na Jeikob bin gedim wed weya ola san blanga Leiban bin tok, “Jeikob bin stilim ebrijing weya melabat dedi bin abum. Ol detlot ting weya Jeikob garram, imbin deigidawei brom melabat dedi.”
881	GEN 31:7	Wal wotfo yunbala dedi oldei gitwail langa mi? “Olredi imbin tjeinjim main pei 10 taim. Bat God nomo bin larram im ardim mi.
886	GEN 31:12	“En det einjul bin tok, ‘Yu luk ol detlot nenigout deya weya olabat bridabat? Sambala spadidwan en sambala straipiwan deya. En oni detlot na bridabat. Ola nenigout bridabat lagijat na, dumaji mi sabi Leiban bin dum nogudbalawei langa yu.
911	GEN 31:37	Yubin luk thru langa ol dislot tent main. Yubin faindim enijing blanga yu iya? Kaman na! Yu bringimap detlot ting iya atsaid weya ola wekinmen blanga yunmi gin luk detlot ting. Ol detlot wekinmen blanga yunmi garra jidan witnis blanga wujan rait langa yunmi.
913	GEN 31:39	En wen wailwan dog o enijing bin kilim ship blanga yu weya aibin maindimbat olabat, ai nomo bin dalim yu en pudum bleim langa det dog. Aibin oldei gajim main ronwan ship en pudumbek blanga deigim pleis blanga det dedwan. Olawei aibin oldei dum lagijat, dumaji yubin dalim mi, if ai lujim enijing blanga yu naitaim o deitaim, wal ai garra peiyimbek yu.
939	GEN 32:11	Mi najing. Mi nomo enijing. Mi oni wekinmen blanga yu. Bat stil yubin gud langa mi. Ai nomo bin abum enijing wen aibin krosoba langa det Jodan Riba longtaim. Oni wokinstik aibin abum. Bat tudei na ai garram bigismob enimul en pipul olabat.
996	GEN 34:15	Oni wanwei melabat gin larram yu merrit langa melabat sista. If yumob kadim ola boi en meigim olabat sekamsais seimwei laik melabat.
1004	GEN 34:23	En if wi dum lagijat langa olabat, wal bambai wi garra deigimoba ola ebrijing blanga olabat. Ola ship en gout en buligi holot garra jidan blanga wi. Wal wi garra meigimap wi main na. Wanim yumob reken? Dei garra kaman en jidan langa wi?”
1011	GEN 34:30	Afta na Jeikob bin tok langa Simiyan en Libai det dubala san blanga im, “Wotfo yunbala bin meigim trabul blanga mi? Ola Keinan pipul en ola Perasait pipul en ola najalot pipul langa dijan kantri garra jidan bedfren langa mi na. En if olabat majurrumap miselp en fait garram wi, wal olabat garra kilim wi ded. Dei garra binijimof wi holot, dumaji wi oni lilmob.”
1046	GEN 36:5	Isau bin merrit langa Oholibama det doda blanga wan men neim Eina hubin san blanga wan olmen neim Sibiyan brom detlot Hibait pipul. En Oholibama bin abum thribala lilboi blanga Isau neim Jeyus, Jeilam en Kora. Wal ol detlot biginini blanga Isau bin ol bon langa det kantri gulum Keinan.
1050	GEN 36:9	Bambai na det eldiswan boi blanga Isau neim Elifas bin merrit, en imbin abum faibala lilboi neim Teman, Oma, Sefo, Geitam en Kenas. Elifas bin merrit langa najawan wuman neim Timna, en imbin abum wanbala lilboi neim Amalek. Brom detlot siksbala boi, siksbala klen bin kamat garram olabat seim neim. En det najawan boi blanga Isau neim Ruwel bin merrit, en imbin abum fobala lilboi neim Neihath, Sera, Shama en Misa. Brom detlot fobala boi, fobala klen bin kamat garram olabat seim neim. En brom detlot thribala boi blanga Isau neim Jeyus, Jeilam en Kora, thribala klen bin kamat garram olabat seim neim. Wal ol detlot pipul en klen bin kamat brom Isau.
1064	GEN 36:23	Shobal bin merrit, en imbin abum faibala lilboi neim Elban, Menahath, Ibal, Shefo en Onam.
1066	GEN 36:25	Eina bin merrit, en imbin abum wanbala lilboi neim Daishon en wanbala lilgel neim Oholibama.
1082	GEN 36:41	Oholibama, Ila, Painan,
1091	GEN 37:7	Wibin ol wekin langa det pedik kadimbat det longwan gras, en wibin gajim bandul en taiyimap en meigim leidan langa graun. Olawei wibin dum lagijat, en afta mainwan bandul bin jandap streitbala na, en ola bandul blanga yumob bin jandap raidaran langa mainwan, en deibin ol baudan langa mainwan. Wal ai reken God bin shoum mi ai garra jidan bos.” Lagijat na Josef bin tok.
1111	GEN 37:27	Mobeda wi selim im langa dislot Ishmeil pipul. Wi nomo wandi ardim im, dumaji im ronwan braja blanga wi. Wi ol wan blad garram wanbala dedi.” Wal ola braja blanga im bin tok, “Orait, melabat lisin langa yu.” Bat Rubin nomo bin deya wen olabat bin tok lagijat.
1124	GEN 38:4	Bambai na det gel bin abum najawan lilboi blanga Juda, en dubala bin gulum im neim Onan.
1137	GEN 38:17	En Juda bin tok, “Ai jandim wanbala lilwan gout langa yu afta.” Wal det gel bin tok, “Orait. Bat yu garra gibit mi samting blanga jidan pruf weya yu garra jandim det gout langa mi. Yu garra gibit mi samting blanga yu blanga kipum raidap yu jandim mi det gout.”
1144	GEN 38:24	Bambai na thrimants afta, Juda bin gedim wed blanga im lambarra Teima weya imbin lukabat men, en imbin jidan femiliwei na. Oni blanga Juda imbin femiliwei. Bat Juda nomo bin sabi tharran. Wal Juda bin tok, “Det gel bin breigim det lowa. Wal wi garra deigimwei det gel en barnimap im en meigim im dai.”
1156	GEN 39:6	Wal Potafa bin abum isiwan wek na. Im nomo bin jinggabat blanga enijing langa im kemp, dumaji Josef bin jidan bos blanga im. Oni blanga daga imbin jinggabat.
1159	GEN 39:9	Mi jidan bos jis laik Potafa. Ai gin dum ebrijing ai wandim langa dijan kemp. Oni yu ai kaan tatjim. Ai kaan silip garram yu. Im nogud detkain ting. En ai nomo wandi dum nogudbalawei langa God.” Lagijat na Josef bin tok.
1185	GEN 40:12	Wal Josef bin tok, “Detlot thribala wadi olabat tok thribala dei. Olabat tok thrideistaim det king garra larramgo yu brom dijan jeil, en yu garra gedimbek det wek blanga yu weya yubin oldei holdim det kap blanga gibit dringk langa det king. Dijan im gudnyus blanga yu.
1191	GEN 40:18	Wal Josef bin tok, “Detlot thribala dish olabat tok thribala dei. Olabat tok thrideistaim det king garra deigimat yu, en ola blijiman garra kadimof yu hed, en afta dei garra heingimap det bodi blanga yu ontop langa wadi, en ola bard garra binijimap yu bodi na. Dijan im bednyus blanga yu.” Lagijat na Josef bin tok.
1226	GEN 41:30	Afta na dijan kantri garra jidan brabli draiwan nomo garram eni daga fo sebenbala yiya. Ola pipul garra trai en jinggabat weya dijan kantri bin jidan garram bigmob daga bifo. Bat kaan du. Dijan kantri garra jidan brabli draiwan, en im garra meigim ola pipul fogedabat ola daga weya deibin abum bifo. Dijan kantri garra jidan brabli nogud.
1234	GEN 41:38	Wal det king bin tok, “Wi kaan faindim eni gudwan men blanga dijan wek. Oni Josef na, dumaji det spirit blanga God im jidan garram im.”
1236	GEN 41:40	Wal ai garra meigim yu bos blanga main kantri. Ola pipul garra lisin langa yu, dumaji yu garra jidan sekan bos langa mi.
1245	GEN 41:49	Ola daga langa detlot stowahaus bin jidan detmatj, en Josef bin trai en kaundimap. Bat kaan du. Det daga bin jidan detmatj jis laik ola sengraun weya jidan wansaid langa solwoda.
1250	GEN 41:54	en det sebenbala draiwan yiya bin stat. Imbin hepin seimwei laik Josef bin tok im garra hepin, en ebri kantri bin jidan brabli draiwan na. Ola kantri bin jidan brabli nogud. Bat langa det kantri gulum Ijip deibin abum blendibala daga langa ola stowahaus.
1342	GEN 44:17	Wal Josef bin tok, “Nomo. Ai kaan meigim yumob holot jidan prisana. Oni det wanbala weya det kap bin jidan langa im beig, oni im na imselp garra jidan prisana en dumbat ola adwek blanga mi. Ai larramgo yumob najalot fri. Yumob garra gobek langa yumob dedi deya langa det kantri Keinan.”
1345	GEN 44:20	en melabat bin dalim yu. Melabat bin tok, ‘Melabat garram dedi en laswan braja, en melabat dedi bin abum det laswan san wen imbin olmen. Im mami bin abum dubala boi, en det eldiswan bin dai. Oni det laswan san imselp im jidan laibala tudei, en im dedi laigim im detmatj.’ Lagijat na melabat bin tok,
1397	GEN 46:10	Jeikob bin deigim Simiyan det najawan san blanga im garram im siksbala boi neim Jemyuwel, Jeimin, Ohed, Jeikin, Soha en Shaul. Det mami blanga det laswan boi bin brom det kantri gulum Keinan.
1399	GEN 46:12	Jeikob bin deigim Juda det najawan san blanga im garram im thribala boi neim Shela, Peres en Sera. Det dubala eldiswan boi blanga im neim Yura en Onan bin dai langa det kantri Keinan basdam. Peres bin abum dubala boi neim Hesran en Heimul, en Jeikob bin deigim det dubala grensan blanga Juda du.
1402	GEN 46:15	Imbin deigim ol detlot san blanga im en im doda Daina du hubin bon langa im waif Liya langa det kantri gulum Mesapoteimiya. Ol detlot 33 biginini en grenkid blanga Liya bin go langa Ijip garram Jeikob.
1405	GEN 46:18	Ol detlot 16 biginini en grenkid blanga Silpa bin go langa Ijip garram Jeikob.
1412	GEN 46:25	Ol detlot sebenbala biginini en grenkid blanga Bila bin go langa Ijip garram Jeikob.
1437	GEN 47:16	Wal Josef bin dalim olabat, “Orait, if yumob nomo garram mani, wal yumob lafta bringimap ola enimul blanga yumob en gibit langa mi, en afta ai gibit yumob daga.”
1438	GEN 47:17	Wal ola pipul bin bringimap ola buligi en ship en gout en hosis en dongki olabat, en deibin gibit detlot enimul langa Josef, en imbin gibit olabat daga. Lagijat na deibin kipgon dumbat fo wan yiya raidap Josef bin abum ola buligi en gout en ship en hosis en dongki blanga olabat. Brom deya neksyiya na ola pipul bin kaman langa Josef, en deibin tok, “Bos melabat kaan baiyim daga na, dumaji yu garram ebrijing blanga melabat. Yubin pulumat ola mani brom melabat en ola enimul brom melabat du. Wal wanim wi garra gibit langa yu blanga daga? Oni melabat en melabat kantri jidan na.
1442	GEN 47:21	en nobodi bin jidan friwan langa det kantri na. Ola pipul bin jidan jis laiga prisana, en deibin oldei dumbat ola adwek blanga det king.
1443	GEN 47:22	Oni ola serramonimen nomo bin selim olabat len langa det king, dumaji det king bin oldei lukaftumbat olabat, en imbin oldei gibit olabat friwan daga, naf blanga olabat dina.
1447	GEN 47:26	Wal Josef bin meigim det nyubala lowa blanga ebribodi deya langa det kantri. Det lowa bin tok, if enibodi growimap enijing, haf olabat garra gibit langa det king, en olabat kipum haf. En det lowa im stil kipgon tudei. Oni detlot serramonimen nomo dum lagijat, dumaji olabat nomo bin selim olabat len langa det king.
1452	GEN 47:31	Wal Jeikob bin tok, “Orait, yu meigim det pramis weya yu garra duwit.” Wal Josef bin meigim det pramis, en Jeikob bin gudbinji brabli, en imbin theingkyu langa God, en afta imbin leidan langa im bed.
1458	GEN 48:6	En if yu abum mowa san biyain langa Manesa en Ifreiyim, wal olabat nomo main san, en ai kaan hendimoba kantri langa olabat, najing. Olabat lafta gajim kantri brom Manesa en Ifreiyim det dubala braja blanga olabat.
1497	GEN 49:23	Ola bedfren blanga yu garra kaman garram bo en erro, en dei garra fait langa yu.
1499	GEN 49:25	Im na det God weya yu dedi bin bulurrum. En im na garra album yu. Det haibala God garra oldei gudbinji langa yu, en im garra oldei gibit yu reinwoda blanga det gadin blanga yu en springwoda blanga ola buligi blanga yu. En det gadin blanga yu garra growimap loda daga, en yu garra bridimap loda buligi, en yu garra abum bigmob biginini du. Yu garra faindim olkain ting langa hil kantri en langa ston kantri blanga meigim yu gudbinji. Ol detlot gudbala ting na God garra kipgon gibitbat langa yu, dumaji imbin pikimat yu brom ola braja blanga yu.
1515	GEN 50:8	En ola haibala wekinmen blanga det king en ola haibala gabman men blanga det kantri en ola solja garram hos en bagi en ola solja garram raiding hos en ola femili blanga Josef en ola braja blanga im en ola femili blanga det dedbala, wal ol detlot na holot olabat bin go garram Josef. Bigismob pipul bin go blanga det fyunral. Oni ola lilwan biginini en wekinmen olabat bin jidan biyain langa det kantri gulum Goshin garram ola buligi en ship en gout olabat.
1534	EXO 1:1	Orait, longtaim Jeikob bin go langa det kantri gulum Ijip garram ola femili blanga im.
1542	EXO 1:9	Wal det king bin tok langa im ron kantrimen olabat, “Ol dislot Isreil pipul bigmob, en dei brabli strongbala du.
1552	EXO 1:19	Wal det dubala olgamen bin tok trikibalawei langa det king. Dubala bin tok, “Ola Isreil gel nomo seim laik ola gel brom dijan kantri. Olabat brabli strongbala, en dei oldei abum olabat beibi bifo minbala kamat langa olabat haus.”
1598	EXO 3:18	Olabat garra lisin langa yu, en yu garra gedim detlot boswan blanga detlot Isreil pipul, en yumob garra go langa det king blanga det kantri, en yu garra dalim im. Yu garra tok, ‘YAWEI det God blanga ola Isreil pipul bin shoum miselp langa melabat. Wal yu larram melabat go langa det deset kantri blanga abum det sekrifais serramoni blanga YAWEI det God blanga melabat. Melabat garra trebul thrideis blanga kamat langa det pleis weya melabat garra abum det serramoni.’ Lagijat na yu garra tok langa det king.”
1602	EXO 3:22	Ola Isreil gel garra go langa eni Ijip gel en askim im blanga klos en gol en silba, en yumob garra meigim yumob san en doda werrimon detlot enijing, en yumob garra gowei brom det kantri garram ola gudbala ting blanga detlot pipul.” Lagijat na God bin tok langa Mosis.
1616	EXO 4:14	Wal YAWEI bin gitwail langa Mosis na, en imbin tok, “Orait. Ai pikimat yu braja Eran, dumaji ai sabi im gin tok gudwei. En im deya lukabat yu olredi, en wen im faindim yu, im garra gudbinji.
1620	EXO 4:18	Wal Mosis bin gobek langa im lambarra, en imbin askim im, “Yu larram mi gobek langa main ron pipul deya langa Ijip. Ai garra faindat if dei stil jidan laibala.” Lagijat na Mosis bin dum, dumaji YAWEI bin dalim im blanga gobek langa Ijip, en YAWEI bin tok, “Ol detlot pipul hubin wandi kilim yu, dei bin ol dai na.” Wal Jethro bin gudbinji langa Mosis, en imbin larramgo im,
1638	EXO 5:5	Ol detlot Isreil pipul mowa langa ola pipul brom dijan kantri, en yunbala wandi stapam olabat brom olabat wek? Yunbala granggibala maitbi!” Lagijat na det king bin tok.
1668	EXO 6:12	Wal Mosis bin tok, “Ola Isreil pipul kaan lisin langa mi. En det king kaan lisin langa mi du, dumaji ai kaan tok gudwei.”
1671	EXO 6:15	Det najawan san blanga Jeikob neim Simiyan bin abum siksbala san neim Jemyuwel, Jeimin, Ohed, Jeikin, Soha en Shaul. Wan gel brom det kantri gulum Keinan bin mami blanga Shaul. Brom detlot siksbala boi, siksbala femili lain bin kamat garram olabat neim.
1675	EXO 6:19	Merarai bin abum dubala san neim Malai en Mushai. Ol detlot femili bin kamat brom det wan men neim Libai.
1679	EXO 6:23	Eran bin merrit langa det doda blanga Aminadeb neim Ilaishaba, en imbin abum sista neim Neishan. Ilaishaba bin abum fobala san blanga Eran. Olabat bin neim Neideb, Abaihu, Eliyeisa en Ithama.
1720	EXO 8:5	Wal Mosis bin tok, “Wal ai garra askim im blanga yu. Bat yu garra dalim mi wotaim ai garra askim im blanga deigidawei ola frog brom yu en brom ola boswan wekinmen blanga yu en brom ol yu pipul olabat. En wen ai askim im, det taim na im garra deigidawei ola frog. Oni langa riba sambala frog garra stil jidan.”
1721	EXO 8:6	Wal det king bin tok, “Tumorro yu garra askim im blanga mi.” Wal Mosis bin tok, “Wal ai garra duwit blanga yu wulijim yu garra sabi nobodi kaan meigim miselp God. Oni YAWEI im na God.