650	GEN 24:58	Wal deibin jingat langa det gel, en wen imbin kaman, dubala bin askim im, “Yu wandi go garram dijan olmen?” En det gel bin tok, “Yuwai.”
1563	EXO 2:8	Wal det king doda bin tok, “Yuwai.” En det sista blanga det beibi bin go, en imbin gajim dubala ron mami,
4406	NUM 22:30	Det dongki bin ensim im, “Mi na det seimwan dongki weya yubin raidimbat olataim, indit? Wal aibin tridim yu lagijat bifo?” En Beilam bin ensim im, “Nomo.”
8053	2SA 2:1	Afta na Deibid bin askim YAWEI det trubala God, “Wanim ai garra dum na? Yu wandim mi blanga go en jidan langa eni taun langa det kantri blanga detlot Isreil pipul brom det Juda klen?” En YAWEI bin tok, “Yuwai.” Wal Deibid bin askim im, “Langa wujan taun ai garra jidan?” En YAWEI bin tok, “Langa Hebran.”
8236	2SA 9:6	en wen Mefibosheth bin kaman langa im, imbin baudan lida langa King Deibid blanga shoum rispek langa im, en King Deibid bin dalim im, “Mefibosheth.” En Mefibosheth bin tok, “Mi na yu wekinmen.”
9812	2KI 10:15	Wal Jeihu bin kipgon en hafwei imbin midim Jonadeb det san blanga Reikeb. Jeihu bin tok langa im, “Yunmi oldei jinggabat seimwei. Yu wandi album mi?” “Yuwai.” Jeihu bin tok, “Holdim main bingga blanga shoum yunmi agri gija.” Det dubala bin holdim miselp bingga, en Jeihu bin lidimap Jonadeb langa im bagi.
11618	2CH 20:26	Wal langa det namba 4 dei ebribodi bin ol majurrumap miselp langa Beraka Beli en deibin preisim YAWEI en gibit theingks langa im dumaji imbin album olabat. Blanga tharran na deibin gulum det beli “Beraka.”
23659	MAT 13:51	Jisas bin askim im wekinmen olabat na, “Yumob sabi wanim aibin dalimbat yumob na?” En deibin tok, “Yuwai.”
23883	MAT 20:22	Wal Jisas bin tok langa det olgamen san dubala na, “Yunbala nomo sabi wanim yunbala askimbat mi. Yunbala reken yunbala gin go thru langa det trabul weya ai garra go thru?” En dubala bin tok, “Yuwai.”
24696	MRK 10:39	Wal dubala bin tok, “Yuwai.” Wal Jisas bin tok, “Trubala yunbala garra go thru langa trabul seimwei laik ai garra go thru langa trabul.
26881	JHN 18:27	Wal wanmo Pida bin dalim olabat laiyawei im nomo bin sabi Jisas, en imbin tok, “Nomo.” En streidawei det jukjuk bin jingat.
26952	JHN 20:16	Wal Jisas bin dalim im na, “Meri.” En wen Meri bin irrim im tok lagijat, streidawei imbin luk langa im, en imbin tok garram im ron langgus, “Rebonai!” Det wed im tok Titja.
26972	JHN 21:5	En imbin jingat langa olabat, “Main fren olabat, yumob bin gajim enijing?” En deibin tok, “Najing.”
27799	ACT 22:27	Wal det bos blanga ola solja bin go langa Pol, en imbin askim im miselp, “Yu dalim mi trubala na. Yu garram det rait seimwei laik ol melabat Roman pipul?” En Pol bin tok, “Yuwai.”
28198	ROM 8:14	Wal ol wi pipul hu bulurrum det Holi Spirit jidan jis laiga biginini blanga God, dumaji God nomo bin gibit wi det Holi Spirit blanga meigim wi bradin en jidan jis laiga prisana. Imbin gibit wi det Holi Spirit blanga meigim wi jidan jis laiga biginini blanga im, en det Holi Spirit meigim wi tok langa God lagijat, “Dedi.”
28888	2CO 1:20	En wi sabi God bin meigim bigmob pramis langa oltestaman taim. En God bin meigim detlot pramis kamat trubala wen Jisas Krais bin kaman. En blanga tharran na wi oldei preisimbat God en tok, “Trubala.”
29204	GAL 4:6	Wal God bin jandim det Holi Spirit blanga im San blanga jidan insaid langa wi hat, dumaji wi biginini blanga God du, en det Holi Spirit na meigim wi gulum God, “Dedi.”