23236	MAT 1:23	“Uaho rari ha kepuma miori ha kebaramana, atana kateaparina Emanuela.” Isa 7.14 Anina hanona ‘Tirama aika herekai’.
23244	MAT 2:6	‘Oi Betelehema, Iuda hanona aonai, Iuda ṯeiha 'inina aiarakia baiatakiai oi hanona a'i oko'iko'i ki'a baha, pokina oi heremuai poki hauna ha kemai ia hanona e'u Isaraela maearimakia ke'uai ainakia mamoe i'imana hauna 'abana.’” Mik 5.2
23253	MAT 2:15	weia temiaho keaomo Heroda ke'ari. Weiana Obiapaka ena mahabanai hauna pinanai ehinana hauna ibatohana, “Au Aikupito ai Naha'u apari ahina.” Hos 11.1
23256	MAT 2:18	“Aia ha Rama ai teona hai mai aoko'o rarina 'akina, Rahela nahuna nihai ainakia, ia aona katebakirona hanona a'i nenuatae pokina ikoinai aba te'ari ore.” Ier 31.15
23264	MAT 3:3	Neiana hanona mahabanai hauna Isaia 'abina ehinana hauna etibaha, “Hau ha hano'akunai eio etibaha, ‘Obiapaka ena taeara tomoba'oruna, Ena kaoao boana tomobaberona.’” Isa 41.3
23284	MAT 4:6	ba ehinabena etibaha, “Peoi Tirama nahuna raninai, kipomu naia morobo ahi. Pokina Puka robenai aba tererena, ‘Tirama ena aneru kehina benakia kate'imani'o imakiai katea'i taeani'o, weiana piharai aemu a'i mokaina ta'una.’” Sal 91.11, 12
23294	MAT 4:16	Maearima weiakia wapurai ṯemiaho haukia ea rarina 'akina kateihana. Weiakia 'ari aiaiakia hanokiai ṯemiaho haukia herekiai ea kerara.” Isa 9.1, 2
23522	MAT 10:36	Maearima ha ena itu haukia hanona ena 'ou haukiai kateao.’ Mik 7.6
23538	MAT 11:10	Ia pouna Puka robenai ṉa tererena aihona, ‘Au e'u iuhubeau hauna kauhu 'uaina wairamuai, ia kehore emu taeara kea'ia'i haraina.’ Mal 3.1
23565	MAT 12:7	‘Au nanuatae aoko'o, ia a'i nanuatae baibeni tabakia.’ Hos 6.6 Puka robenai 'abi neiakia anikia pato'iobi raninai maearima a'i tebeho haukia behoai a'i katohorotinakia.
23579	MAT 12:21	Hanopaka maearimakia ikoikiai ekia buabeni ia atana ahanai katehorotinakia.’ Isa 42.1-4
23623	MAT 13:15	Weiana hanona maearima neiakia aokia tewapura, haiakia te'ou abunakia mai mahakia tekaiabunakia, pokina mahakiai a'i temeihaiha, haiakiai aia a'i temeo'o, aokiai obo a'i temeobo, a'i temeraona kabe here'uai, a'i mabamaurinakia paunai.’ Isa 6.9, 10
23643	MAT 13:35	Neiana hanona mahabanai hauna ehinana hauna nibatohana. “Ka'abi benakia raninai 'abi ibabataiai kahina benakia, hanopaka erama raninai emai mo bariu taba bunikia haukia au kahore kahina pounakia.” Sal 78.2
23687	MAT 14:21	Weiakia teaniani haukia hanona taha ima (5,000) 'abana, hau mo tetuabinakia babi'e mai miori hanona a'i tetuabinakia.
23711	MAT 15:9	Ṯekutiai 'abaeana'u, pokina tiba'iobi rauhubukia hanona maearima ekia rauhubu 'abikia mo.” Isa 29.13
23740	MAT 15:38	Weia teaniani haukia tetuabinakia hanona 4,000, 'a babi'e mai miori hanona a'i tetuabinakia.
23750	MAT 16:9	Aomi a'i niea baha parawa ima 'aki maearima taha ima (5,000) teani'ari mai harikia areha bita tobabonu hauna a'i turaona 'inina?
23751	MAT 16:10	Abomo parawa 'abaihau hamomoaimo maearima taha bani (4,000) teani'ari, harikia areha bita tobabonu haukia a'i toraona'ini?
23864	MAT 20:3	Beraura hoana 9 'abana hanona ekarahi eao aiara ibuanai weia maearima baika tekoroti 'abaea eihanakia.
23866	MAT 20:5	Ba ia abomo teao kateaka. Atiaha ekarahi eao haeamona rabirabi beraura hoana 3 'abana ekarahi mue eao hoahoa hamonamo weiana ebabaina.
23867	MAT 20:6	Haeamona rabirabi beraura hoana 5 'abana ekarahi eao hanona baika mo tekoroti 'abaea eihanakia, ebakainakia etibaha, ‘Aehoma buonai neia tukoroti rabi 'abaea taba ha a'i tubabai 'apuana?’
23870	MAT 20:9	Rabirabi beraurana hoana 5 'abanai tetoto teaka haukia temai ha ha kina harauhaea harauhaea ebenakia tea'i.
23900	MAT 21:5	“Siona aiara haukia kohina benakia, Tomoihana, emi obia 'arana nimai heremi. Ia mai 'aiaununa toniki kapenai emia'au, toniki nahuna ahanai emia'au.” Sek 9.9
23911	MAT 21:16	tebakaina tetibaha, “Oi miori ti'abi aiakia hanona nuona?” Iesu ekia 'abi ebamuena etibaha, “'E, aiakia aba naona. Wai 'abi neiana aba totuabina? ‘Miori 'oru'orukia mai 'ae tiana miorikia pinakiai atamu tibanamona.’” Sal 8.2
23937	MAT 21:42	Iesu ia ehinabenakia etibaha, “Wai puka robena a'i totuabi 'apuana, u? Ṉa terere aihona, ‘Itu babai haukia tebaki'ana piharana hanona aba pihara apa'uana tohanai eao. Babai neiana hanona Obiapaka ebabaina, nahaihana nahata'u ta'u huri!’ Sal 118.22
23985	MAT 22:44	‘Obiapaka hanona e'u Obia ehinabena etibaha, “Itipa'u tainai komiati keaomo emu 'ou haukia 'apumu ba'anai kahorotinakia.” Sal 110.1
24055	MAT 24:29	‘Atetua weiakia kateore murikiai beronai beraura kewapura, nawa a'i kerara, bihiu hanona kupai kate'eho, kupa hiabu tabakia ikoikiai kateibiu ibiu.’ Isa 13.10, 34.4
24243	MAT 27:45	Atiaha hanona wapura rarina hanopaka maikoinai ekaiabuna eaomo beraura ebaeno hoana 3.
24244	MAT 27:46	Beraura hoana 3 aonai Iesu eio etibaha, “Eloi eloi lama sabakatani!” Anina hanona ‘E'u Tirama e, E'u Tirama e, oi aehoma buonai ohabona'u!’
24286	MRK 1:2	Isaia mahabanai hauna ererena etibaha, “Tirama e'abi, ‘E'u iuhubeau hauna ṉauhu 'uaina kewahi heremu, emu taeara kea'ia'i haraina.’ Mal 3.1
24287	MRK 1:3	Aia ha hano'akunai neio netibaha, ‘Obiapaka ena taeara tomoba'oruna. Ena kaoao boana tomobaberona.’” Isa 40.3
24404	MRK 4:12	Ua buonai, ‘Ṯeihana ia a'i mo ṯeiha tinana, abomo tibahu aia tiona ia a'i mo ṯe'iobina. Pokina a'i temeraona kabe, Tirama ekia ki'a a'i mehina haonakia marikina.’” Isa 6.9, 10
24446	MRK 5:13	Ua buonai Iesu ena 'abi ai auba ki'a obokia hau weiana aonai tekarahi teao aiporo aokiai tetoto, aiporo to'una hanona taha rua (2,000) tebeau teao papa'ai terobo ahi 'obu ai tetobu, tetono 'ari.
24513	MRK 6:37	Iesu ehina benakia etibaha, “Wai kipomi aniani ha tomobenakia, temeani.” 'A i'abana haukia ia tehina bena tetibaha, “Ai katahore 200 kina anianina katakawana, katabenakia, 'u?”
24520	MRK 6:44	Teaniani haukia baiatakiai hau 'abaeana hanona taha ima (5,000).
24539	MRK 7:7	Ṯekutiai 'abaeana'u mo, pokina rauhubu neiakia maearima tiba'iobinakia hanona maearima tebabai rauhubukia.’ Isa 29.13
24578	MRK 8:9	Haukia hanona ikoinai taha bani (4,000) 'abana. Ba euhunakia haha ekia 'eka teao.
24588	MRK 8:19	Au parawa ima ahobi 'iti'itinakia maearima taha ima (5,000) teani 'ari, harikia areha bita tobabonunakia?” Ia te'abi tetibaha, “Areha harau haea rua.”
24589	MRK 8:20	Ia e'abi etibaha, “Abomo parawa 'abaihau hamomo ahobi 'iti'itinakia maearima taha bani (4,000) teani 'ari, harikia areha bita tobabonunakia?” Ia te'abi tetibaha, “Areha 'abaihau hamomo.”
24753	MRK 12:11	Neiana hanona Obiapaka ena babai, nahaihana nahata'u ta'u huri!’” Sal 118.22, 23
24778	MRK 12:36	Weiana hanona Auba Robe hiabunai Davida pinanai e'abi etibaha, ‘Obiapaka hanona e'u obia ehina bena etibaha, Itipa'u tainai momiati keao mo emu 'ou haukia ikoikiai 'apumu ba'anai kahorotinakia.’ Sal 110.1
24811	MRK 13:25	Bihiu kupai kate'eho, abomo kupai hiabu tabakia haeai haeai kateibiuibiu. Isa 13.10; 34.4
24850	MRK 14:27	Iesu i'abana haukia ehina benakia etibaha, “Ikoimiai katohabona'u katobeau otaraina, pokina Puka Robenai tererena, ‘Au kahore mamoe i'imakia hauna kakomo 'arina, weiana mamoe ikoinai katebeau otaraina.’ Sek 13.7
24920	MRK 15:25	Raurani beraura ehiabu hiabu aonai (9 a.m.) Iesu matiu ibiri ropo 'ubinai tekoko 'auna.
25079	LUK 2:37	ba ewapu emiaho bariu ihauna imabui harau aihau bani (84). Ia marea robe a'i ehabo 'apuana Tirama ekuti aina rabi mai mararani eanirobe mai ebahuba'ari.
25100	LUK 3:6	Weiana maearima ikoikiai Tirama ena bamauri kateihana.’” Isa 40.3-5
25143	LUK 4:11	Abomo ia imakiai katea'i taeani'o, aemu piharai a'i mokaina ta'una.’” Sal 91.11, 12
25151	LUK 4:19	Obiapaka ena maearima kebamaurinakia ihauna aba etaina pouna kairoro aina.” Isa 61.1, 2
25291	LUK 7:27	Weiana hauna pouna Puka Robenai tererena, ‘E'u iuhubeau hauna kauhuna ke'uai, emu taeara kea'ia'i harai 'uaina.’ Mal 3.1
25324	LUK 8:10	Ia e'abi etibaha, “Tirama ena obia aiarana 'iobikia bunikia hanona aba wai ebenimi, ia baika herekiai hanona 'abi ibabataiai nahina benakia, weiana, ‘kateihana mo ia a'i kateiha tinana aia kateona ia obona a'i kateobo.’ Isa 6.9
25384	LUK 9:14	Hau 'abaeana hanona ikoinai taha ima (5,000) 'abana. Iesu i'abana haukia ehina benakia etibaha, “Maearima neiakia haukia imabui imabui katoba miatinakia.”
25838	LUK 19:38	Ia tetibaha, “Aika eka Obia Arana Obiapaka atanai nimai hauna hamabanamona. Baibua kupai, nuabina hanona 'ubi 'akinai.” Sal 118.26
25865	LUK 20:17	Iesu eiha 'ini 'ininakia ba ebakainakia etibaha, “Puka Robenai tererena 'abina anina hanona taba? ‘Itu ibakorina haukia tebaoao aina piharana hanona aba itu ibua 'inina piharanai eao.’ Sal 118.22
25891	LUK 20:43	keaomo oi emu 'ou haukia ikoikiai oi 'apumu iehe'auna tabanai kabaonakia.’ Sal 110.1
26034	LUK 23:30	Weiana ‘kobio katehina benakia, “tomo'eho ahamai ai”, mai oeo katehina benakia, “tomobahu abunamai.” ’ Hos 10.8
26136	JHN 1:23	Ioane ekia 'abi ebamuena etibaha, “Au hanona mahabanai hauna Isaia ena rererere 'abina, ia e'abi etibaha, ‘Aia ha hano'akunai eio hauna etibaha, Obiapaka ena ka'a taearana tomobaberona kekana.’” Isa 40.3
26336	JHN 6:10	Iesu i'abana haukia ehina benakia etibaha, “Maearima tomoba miatinakia.” 'Eka weiana hanona panapana 'ekana, maearima ikoikiai temiati hau 'abaeana ikoinai taha ima (5,000).
26664	JHN 12:15	“Siona aiara apa'uana haumi e, a'i katota'u. Tomoihana, neiana hanona emi obia arana toniki nahu ahanai emia'au nimai.” Sek 9.9
26687	JHN 12:38	Neiana hanona Isaia mahabanai hauna ena 'abi ibatohana ṉa e'abi aiho, “Obiapaka e, tai emai 'abi tahinana hauna ea'ikakaumana, haeamona Obiapaka imana hiabuna hanona tai herenai kebawaira tinana?” Isa 53.1
26689	JHN 12:40	“Obiapaka ehore mahakia eba'iaunakia, mai aokia ebapahihinakia, weiana mahakiai a'i temeiha iha mai ekia raonaraonai obo a'i temeobo, a'i temeraona kabe a'i mabamaurinakia, Tirama ua e'abi aiho.” Isa 6.10
26793	JHN 15:25	'A ia neiana tebabaina hanona 'abi weiana ekia rauhubu pukana aonai tererena hauna katebatohana paunai, ‘Ia au te'oata 'abaeana'u hanona ena poki aha'i.’ Sal 35.19; 69.4
26918	JHN 19:24	Huari haukia kipokia te'abi'abi tetibaha, “A'i kahatapana ia pu'iai kaha'iobina tai kea'ina.” Ṉa erama aiho hanona Puka robenai tererena 'abina weiana, “Ia e'u habuni tewatena, e'u ibatoto hanona tepu'i aina” Sal 22.18 hauna ketohana. Ba huari haukia hanona babai neiana tebabaina.
27012	ACT 1:20	“Pokina Salamo pukanai aba irere'au etibaha, ‘Ena itu hanona ke'oko. Tai ha ua'a a'i kemiaho.’ Sal 69.25 Haeamona ererena, ‘Ia 'ekana hanona hau ha kehore kea'ina.’ Sal 109.8
27039	ACT 2:21	'A Obiapaka atana kateaparina haukia katemauri.’ Iol 2.28-32
27046	ACT 2:28	Oi ohore mauri taearana obaihana'u, emu waira tina hanona e'u aonamo kebapa'uana.’ Sal 16.8-11
27049	ACT 2:31	Davida ehore Tirama taba kebabaina hauna eiha 'uaina Keriso ena mikiri mue 'abina ehinana etibaha, ‘Ia hauna hanona 'ariahana aonai ua'a a'i kehabona, ia hauna a'i kepari.’ Sal 16.10
27053	ACT 2:35	keaomo oi emu 'ou haukia kaehe rabu tainakia aemu ba'anai kahorotinakia.’ Sal 110.1
27059	ACT 2:41	Petero ena 'abi tea'i taeana haukia ikoikiai 'uere robe hoana tea'ina, rani weianai maearima hanona ikoinai taha aihau (3,000) a'ikakauma haukia ekia to'u aonai tetoto.
27095	ACT 4:4	'A ekia 'abi weiana teona mai tea'i taeana haukia hanona ikoinai taha ima (5,000) 'abana.
27102	ACT 4:11	Iesu hanona ‘itu ibabaina haumi tobaki'ana piharana, itu kupuana piharanai eao.’ Sal 118.22
27117	ACT 4:26	Hanopaka obiakia temikiri abomo aiara obiakia kipokia tibahamomo Obiapaka ena Keriso ohi ti'oatanakia.’ Sal 2.1, 2
27228	ACT 7:43	Wai hanona tirama atana Molok ena ro'e ituna abomo emi bihiu tiramana atana Refan aubaubana tobuanakia, weiakia tobabainakia katokuti ainakia. Ua buonai Au kahore wai kabaibiunimi Babulono puana 'akinai.’ Amo 5.25-27
27235	ACT 7:50	Taba neiakia ikoikiai hanona Au ima'uai a'i ababai, u?’ Isa 66.1, 2
27278	ACT 8:33	Ena 'aiaunu buonai bakai aonai ena bero tea'i obona. Tai ha ena itubu robana a'i keahuna pokina ena mauri hanona huanai epua hanopakai aba ea'i obona.” Isa 53.7, 8
27464	ACT 13:33	Tirama hanona Iesu 'ariai ebamikirina weianai ena 'abi'uai 'aba'abakia herekiai ebatohana. Salamo ibaruana aonai abomo Iesu pouna ehinana etibaha, ‘Oi hanona au Naha'u. Bariu rani neianai au hanona oi Hamamu.’ Sal 2.17
27465	ACT 13:34	Tirama Iesu 'ariai ebamikirina, ba 'ariahana aonai a'i keburu buru. Weiana hanona ena 'abi puka robenai hauna ebatohana, ‘Au kahore Davida herenai a'abi'uai aina weiana erobe mai etohana hauna wai kabenimi.’ Isa 55.3
27466	ACT 13:35	Salamo haeai aonai abomo ṉa e'abi aiho, ‘Emu robe hauna hanona a'i kohabo 'abaeana a'i keburu buru.’ Sal 16.10
27472	ACT 13:41	‘'Uahi'uahi haumi, tomota'uta'u huri ba tomo'ari baihana. Au emi raniai taba ha kababaina, hau ha pekikipa haraina iamo a'i kato a'ikakaumana.’” Hab 1.5
27478	ACT 13:47	Obiapaka ṉa ehinabe aihonamai, ‘Au oi nahorotini'o rama haeai haukia ibaeakia ai koao, abomo bamauri koaoaina hanopaka puana.’” Isa 49.6
27529	ACT 15:18	Obiapaka ua e'abi aiho, 'abi neiana hanona aba ua'i baha eba'iobi aina.’ Amo 9.11, 12
27673	ACT 19:19	Weia nepu haukia bo'ona ekia mea pukakia temaiainakia, maearima wairakiai tehuhunakia. Puka weiakia 'arakia tebahuna hanona taha imabui (50,000) Kina 'abana.
27770	ACT 21:38	Oi Aigupito haumu weiamu atetua obaramana ahuahu haukia ikoinai taha bani (4,000) obato'unakia obaka'anakia toao hano'akunai, 'u?”
27960	ACT 27:37	Aunohiai taehe'au haumai ikoinai hanona hinabu rua imabui harau rua 'abaihau (276).
27994	ACT 28:27	Pokina uru neiana haukia aokia hanona tetubu abu haiakia hanona tepo'o, mahakia te'iau. Ua a'i katehoma raninai, mahakiai kateihana, haiakiai kateona, aokia kate'iobi, kateraona kabe katekabe katemai here'u au mauri kabenakia.’ Isa 6.9, 10
28063	ROM 3:4	Ua a'i kehoma. Maearima ikoikiai katebai'oi, ia Tirama ikupaiana keibatoha. Puka robenai tererena ihobona, “Emu 'abiai kobatohani'o obero. Weiana kateba bakaini'o raninai kotara haonakia.” Sal 51.4
28071	ROM 3:12	Ikoikiai aba tekaobo aba ki'a aonai tetoto haeamo aka namo hauna ha aha'i, tai ha aha'i. Sal 14.1-3
28072	ROM 3:13	Ekia 'abi timikia hanona teki'a matoha 'ariahana ikaikau, maeakia bai'oi 'abikia tehinanakia. Pinakia 'abinai hanona 'abakia tibahaiarakia matoha 'erau ekia ba'ari muramurana 'abana. Sal 5.9
28073	ROM 3:14	Pinakia hanona ururu mai aomabi 'abikia tebonu. Sal 10.7
28076	ROM 3:17	Abomo baibua taearana hanona a'i te'iobina. Isa 59.7, 8
28077	ROM 3:18	Tirama a'i tita'uai 'apuana.” Sal 36.1
28093	ROM 4:3	Puka robena taba ṉa ehoma? “Aberahamo hanona Tirama ea'ikakaumana paunai Tirama ehore ia bero haunai ebaona.” Gen 15.6
28098	ROM 4:8	Obiapaka kehore ekia ki'a a'i ketuabi haukia hanona tenamo.” Sal 32.1, 2
28220	ROM 8:36	Atetua weiakia hanona Puka Robenai tererena ihobona etibaha, “Ai hanona oi paumuai rani ikoikiai 'ari ṯawairana, ai hanona mamoe ai tibaonamai kateahu 'arinamai.” Sal 44.22
28238	ROM 9:15	Tirama ehore Mose ehina bena etibaha, “Au pabarainakia haukia hanona kabarainakia mai paoko'o ainakia haukia hanona kaoko'o ainakia.” Eso 33.19
28248	ROM 9:25	Mahabanai hauna Hosea ena pukai ehinana ihobona etibaha, “E'u maearima tohakia aha'i haukia kaparinakia ‘e'u maearima.’ Itubu weiana a'i naraona'au aina hauna kaparina ‘e'u raona'au.’ Hos 2.23
28249	ROM 9:26	Ehina benakia, wai hanona au e'u maearima aha'i 'ekanai haeamona keaparinakia ia hanona Mauri Tiramana nahuna.” Hos 1.10
28251	ROM 9:28	Obiapaka kehore noanoai bakai 'abina hanopakai kehore hore haraina.” Isa 10.22, 23
28252	ROM 9:29	Ihobonai mo Isaia ehina 'uaina 'abana, “Tabura Obiapakana 'aba'abamai baika a'i pehabonakia raninai ai hanona Sodoma mai Gomora ihobokiai pataeao.” Isa 1.9
28256	ROM 9:33	Puka Robenai tererena ihobona etibaha, “Moihana Siona oeo aonai pihara ha ahorotina weianai maearima kebakai kai reanakia, haeamona wairo piharana weiana kehore keba'ehonakia. Ia tai nia'ikakauma hauna hanona a'i kehaumaea.” Isa 8.14; 28.16
28269	ROM 10:13	Puka Robenai e'abi ihobonai, “Obiapaka atanai tiapari haukia ikoikiai hanona katemauri.” Iol 2.32
28274	ROM 10:18	Ia au nabakai bakai, pou a'i teona, u? Aha'i. Pou hanona aba teona. Puka Robenai e'abi, “Aiakia hanona aba ekarahi eao hanopaka ikoikiai aokiai, abomo ekia 'abi hanona hanopaka puana abira abira etabu ahinakia.” Sal 19.4
28275	ROM 10:19	Haeamona nabakai bakai, Isaraela haukia obo a'i teobo, u? Aha'i, obo teobo. Kori 'uaina Tirama ena 'abi Mose ehinana, “Wai kabawamurunimi hanopaka haeai maearimakia atakia aha'i haukia herekia, mai wai kabaopuerenimi hanopaka weiakia ekia aotipa Tirama herenai aha'i haukia herekiai.” Deu 32.21
28276	ROM 10:20	Abomo Isaia aona ebataburana e'abi etibaha, “Weiakia a'i tetabuna'u haukia hanona tetabu ahina'u. Abomo a'i tenoina'u haukia herekiai kipo'u abawaira tinana'u.” Isa 65.1
28277	ROM 10:21	Ia Isaraela 'abikia ehinana etibaha, “Beraura hamona maikoina ima'u atiu ahina weiakia aia a'i tio'o mai tikamuri haukia na'imanakia katemue.” Isa 65.2
28281	ROM 11:4	'A Tirama Elia ena 'abi ebamuena taba ṉa ehoma? Ia etibaha, “Au hanona kipo'u e'u maearima aba taha 'abaihau hamomo (7,000) bai'oi tiramana Baala a'i tekuti aina haukia abauhu ahinakia.”
28285	ROM 11:8	Puka Robenai tererena ihobona etibaha, “Tirama ehore aokia eba paruanakia, mahakiai a'i teihaiha mai haiakiai aia a'i teona emaimo bariu.” Deu 29.4; Isa 29.10
28287	ROM 11:10	Mahakia kobaparua 'arinakia a'i kateiha, mai kapekia kobabeho baihanakia rani ikoinai.” Sal 69.22, 23
28304	ROM 11:27	Rani weianai ekia ki'a ka'i parenakia Au e'u 'abi'uai ihobonai.” Isa 59.20, 21; 27.9
28311	ROM 11:34	Puka robenai e'abi, “Tai hanona Obiapaka aona e'iobina? 'ao, Tai hanona ia ena bairobe haunai eao? Isa 40.13
28312	ROM 11:35	Tai kehore taba ha Tirama kebeni 'uaina ba Tirama taba weiana 'arana kehorena?” Iob 41.11
28333	ROM 12:20	Haeamona tererena, “Emu 'ou hauna mare'a ni'ari raninai aniani kobena, abomo 'akona ni'ororo raninai bei kobena. Babai neiana kobabaina hanona ia kobahaumaeana ihobona matoha 'aranai iruba nuhore 'auna.” Her 25.21, 22
28359	ROM 14:11	Puka robenai tererena ihobona, “Obiapaka ni'abi; Au namauri toha buonai, maearima ikoikiai au waira'u ai katekaipehu, abomo maearima ikoikiai pinakiai katehina pouna'u Au hanona Tirama.” Isa 45.23
28374	ROM 15:3	Pokina Keriso abomo kipona ena aonamo mo a'i etabuna. Puka Robenai tererena ihobona etibaha, “Bapo'o po'o 'abikia oi tebapo'o aini'o haukia au abomo tebapo'o aina'u.” Sal 69.9
28380	ROM 15:9	abomo rama haeai haukia Tirama katebanamona ena aoko'o paunai. Puka robenai tererena Davida e'abi ihobona, “Ua buonai rama haeai haukia baiatakiai kabanamoni'o, abomo Oi atamu kahui aina.” Sal 18.49
28381	ROM 15:10	Haeamona Mose e'abi etibaha, “Rama haeai haumi e, Tirama ena maearima kipokia katoaonamo haeamo.” Deu 32.43
28382	ROM 15:11	Haeamona Davida e'abi etibaha, “Rama haeai haumi ikoimiai, Obiapaka katobanamona. Abomo maearima ikoimiai, ia katohui aina.” Sal 117.1
28383	ROM 15:12	Haeamona Isaia e'abi, “Iese ena rama nininai hau ha kewaira tina, rama haeai haukia kepoki ainakia. Rama haeai haukia katehore ia ikupaiana katenuataeai apa'uana.” Isa 11.10
28392	ROM 15:21	Puka robenai tererena ihobona etibaha, “Pouna a'i teona haukia hanona kateihana, abomo aiana a'i teona haukia hanona kate'iobina.” Isa 52.15
28450	1CO 1:19	Puka robenai aba tererena, “Aobero haukia ekia aobero kabapururuna, mai aotipa haukia ekia aotipa hanona taba aha'iai kabaona.” Isa 29.14
28462	1CO 1:31	Weiana paunai Puka robenai aba ererena, “Niapa hauna hanona Obiapaka meapaina.” Ier 9.24
28471	1CO 2:9	Puka robenai tererena 'abana, “Taba weiana kerama hauna hau ha a'i eihana, 'ao 'uruna a'i eona, 'ao hau ha a'i eraonana hauna Tirama aba eba'oruna weiakia ia tiraona'au aina haukia 'eukia.” Isa 64.4
28478	1CO 2:16	Puka robenai tererena 'abana, “Tai Obiapaka ena raona e'iobi ba ia kehore Obiapaka bairobe kebena?” Isa 40.13 Iamo aika hanona Keriso ena raona aba ha'ina.
28497	1CO 3:19	Pokina hanopaka neiana aotipana hanona po'o tabana Tirama wairanai. Puka robenai ṉa terere aihona, “Tirama ehore kipokia tiraonana teaotipa haukia ekia aotipai ebato'onakia.” Iob 5.13
28498	1CO 3:20	Haeamona etibaha, “Obiapaka hanona e'iobina aotipa haukia ekia raona hanona anikia aha'i.” Sal 94.11
28617	1CO 9:9	Mose ena rauhubu pukanai ṉa erere aihona, “Poromakau witi iba'iti'itina akana nibabaina aonai pinana a'i kobiri abuna ia kohabona keaniani.” Deu 25.4 'Abi weiana hanona Tirama poromakau niraona ki'a bahanakia paunai, 'u? Aha'i.
28643	1CO 10:8	Aika hanona a'i kahanabau ki'a baika weia tebabaina 'abana, ba rani hamona aonai ikoikiai taha harau rua aihau (23,000) te'ari.
28661	1CO 10:26	Pokina Puka robena tererena 'abana, “Hanopaka mai aonai ṯemiaho tabakia ikoikiai hanona Obiapaka 'euna.” Sal 24.1
28765	1CO 14:19	Au nanuatae Tirama ena marea to'una aonai maea haeai haeaiai 'abi taha harau haea (10,000) a'i kahinana, ia 'abi ima obokia kateobo haukia kahinanakia katebarainakia ekia 'iobi kerama.
28767	1CO 14:21	Puka robenai ṉa erere aihona, “Obiapaka ni'abi netibaha, maea haeai haeai haukia mai hanopaka haeai haukia pinakiai au kahore maearima neiakia herekiai e'u 'abi kahinana. Iamo Iuda haukia neiakia hanona au aia'u a'i kateona.” Isa 28.11, 12
28840	1CO 15:54	Ba hauani kepari hauna kehaeai hauani a'i kepari haunai keao abomo hauani ke'ari hauna kehaeai hauani a'i ke'ari haunai keao raninai, Puka robenai tererena 'abina hanona ketohana, “Tirama ehore 'ari ena hiabu ebapururuna 'ari ebapua baihana.” Isa 25.8
28841	1CO 15:55	“'Ari e, oi koba'ari hiabuna hauna ae'e? 'Ari e, oi kobahaiara hiabuna hauna ae'e?” Hos 13.14
28968	2CO 6:2	Pokina Tirama e'abi etibaha, “E'u nuatae ranina tohanai aiami aona, abomo bamauri beraurana tohanai abarainimi.” Isa 49.8 Au wai nahina benimi Tirama ena nuatae ranina weiana hanona bariu, bamauri beraurana weiana abomo bariu.
28982	2CO 6:16	Tirama ena marea robe mai kaiba'uku terarua hanona aea katebahamomo aiho? Aika hanona mauri Tiramana ena marea robena. Tirama kipona ṉa e'abi aiho, “Au hanona ia kipokia katamiaho oioi, abomo a'i kahabonakia. Au hanona ia ekia Tiramai kaeao, ia hanona au e'u maearimai kateao.” Lev 26.12
28983	2CO 6:17	Ua buonai Tirama e'abi etibaha, “Wai hanona ia tomohabonakia herekiai tomokapare. Opu akakia a'i katobabai. Ba au wai ka'i taeanimi. Isa 52.11; Esk 20.34, 41
28984	2CO 6:18	Au hanona wai Hamamiai kaeao, wai hanona au naha'u haukia mai babi'ekia ai katoao. Tabura ikoinai Obiapakana, e'u 'abi neiana.” 2Sam 7.14
29033	2CO 9:9	Puka robenai tererena 'abana etibaha, “Ia nihore taba namokia bo'okia uraru haukia nibenakia aona mai beruberunai, ena aka bero hanona kemiaho banaibanai.” Sal 112.9
29056	2CO 10:17	Puka robenai tererena 'abana, “Tai nenuatae keapa hanona Obiapaka taba ebabaina hauna meapaina.” Ier 9.24
29081	2CO 11:24	Rani ima Iuda haukia i'ati pumakia ikoinai harau aihau 'ababani hamomo (39) tebena'u.
29175	GAL 3:6	Aberahamo tomoraonana. Puka robenai ṉa terere aihona, “Aberahamo Tirama ea'ikakaumana, ena a'ikakauma paunai Tirama ehore bero haunai ebaona.” Gen 15.6
29180	GAL 3:11	Aba ewaira tina harai rauhubuai hanona hau ha a'i ebero Tirama wairanai, pokina Puka robenai e'abi, “Bero hauna hanona a'ikakaumai kemauri.” Hab 2.4
29186	GAL 3:17	Na'uahina hanona neiana, Tirama 'abi'uai ebabai 'uaina ba ihau 430 teao murinai rauhubu ebaibeni hauna kehore 'abi'uai weiana a'i kea'i parena 'ao a'i keba'akaumana.
29225	GAL 4:27	Puka Robenai aba ererena, “'One'one babi'emu e, koaonamo! Beni haiarana a'i nuonobaina babi'emu, koabe koio mai aonamomu. Pokina babi'e 'abaea nahuna hanona kebo'o, ia babi'e weiana mai atawana hauna nahuna a'i kebo'o.” Isa 54.1
29347	EPH 4:8	Puka robenai ṉa erere aihona, “Ia ekara'au eao 'ubi 'akina raninai, wapura haukia eaoainakia mai maearima beruberu ebenakia.” Sal 68.18
29848	1TI 5:18	Puka robenai e'abi, “Poromakau witi iba'iti'itina akana nibabaina aonai pinana a'i kobiri abuna,” Deu 25.4 haeamona “Aka hauna 'arana kea'ina hanona ebero.” Luk 10.7
30035	HEB 1:5	Tirama ehore ia ehina bena, “Oi hanona au Naha'u. Bariu beraura neianai Au oi abaramani'o,” Sal 2.7 ia aneru ha herenai ua a'i e'abi aiho. Ia haeamona e'abi, “Au hanona ia Hamanai kaeao, ia abomo au Naha'u ai keao.” 2 Sam 7.14
30036	HEB 1:6	Haeamona Nahuna apa'uana euhuna hanopakai emai raninai e'abi etibaha, “Tirama ena aneru ikoikiai hanona ia temekuti aina.” Deu 32.43
30037	HEB 1:7	Aneru robakia eahuna etibaha, “Tirama ehore ena aneru hanona baurai ebaonakia, ena aneru baika ta'ara'ina tia'i haukia hanona iruba upakiai ebaonakia.” Sal 104.4
30039	HEB 1:9	Aka bero onuatae aina, babai ki'a hanona o'oatana. Ua buonai Tirama emu Tirama ehore aonamo tehoronai eheini'o emu obia hoana, atamu ebapa'uana 'abamu wairakiai.” Sal 45.6, 7
30042	HEB 1:12	Kupa mai hanopaka kounakia habuni iro'abu 'abana, weiakia ihakia katehaeai habuni ni'ai'ai 'abana. Ia oi hanona 'ekamuai mo, emu mauri ihaukia hanona a'i kepua.” Sal 102.25-27
30043	HEB 1:13	Rani ha Tirama aneru ha ṉa a'i ehinabe aihona a'i etibaha, “Itipa'u tainai momiati keaomo oi i'oatamu haukia 'apumu ba'anai kahorotinakia.” Sal 110.1
30052	HEB 2:8	Oi ohore taba ikoikiai ia ena iha 'ini ba'anai ohorotinakia.” Sal 8.4-6 Tirama taba ikoikiai ia ena iha'ini ba'anai ehorotinakia hanona ia kehore taba ikoikiai keiha 'ininakia. Iamo bariu aika nahaihanakia hanona taba ikoikiai ia ena iha'ini ba'anai aha'i 'abana.
30056	HEB 2:12	Ia ehore Tirama ehina bena etibaha, “Oi atamu kahina pouna uaho'aba'u wairakiai. Ekia to'u aokiai oi atamu kabanamona.” Sal 22.22
30057	HEB 2:13	Haeamona e'abi etibaha, “Au hanona Tirama na'ikakaumana.” Isa 8.17 E'abi mue etibaha, “Au neia'u mai Tirama ehore nahunai ebena'u haukia kipokia.” Isa 8.18
30073	HEB 3:11	Weiana aopuere a'abi'uai pahihi atibaha, ‘Ia hanona e'u arai 'ekanai a'i katekatoto.’” Sal 95.7-11
30077	HEB 3:15	Puka robena ṉa e'abi aiho, “Bariu rani neianai Tirama aiana katona raninai aomi a'i katoba pahihinakia rani weianai 'aba'abami tebapairi pairi 'abana.” Sal 95.7, 8
30084	HEB 4:3	Weiana hanona Tirama e'abi ihobona etibaha, “Aopuere a'abi'uai pahihi atibaha, ‘Ia hanona e'u arai 'ekanai a'i katekatoto.’” Sal 95.11 Ia aika a'ikakauma hauka hanona ena arai 'ekanai kahakatoto. Aka neiana hanona aba ebaorena hanopaka ebabaina raninai.
30088	HEB 4:7	Weiana paunai rani homa'ana eao murinai Tirama ehore wapu ha ea'i taeana atana eaparina “Bariu rani neiana”, haeamona Davida pinanai wapu weiana pouna ehinana etibaha, “Bariu rani neianai, Tirama aiana katona raninai aomi a'i katoba pahihinakia.” Sal 95.7, 8
30102	HEB 5:5	Taeara ihobonai Keriso abomo kipona robe hauna apa'uana hoana a'i ea'ina, ia hoa ebena Tiramana ehina bena etibaha, “Oi hanona au Naha'u. Bariu rani neianai au hanona Hamamuai naeao.” Sal 2.7
30103	HEB 5:6	Puka robenai 'eka haeai ha e'abi etibaha, “Oi hanona robe haumuai nomiaho keaomo banaibanai Melkisedek robe akana ebabaina 'abana.” Sal 110.4
30148	HEB 7:17	Puka robenai ṉa e'abi aiho, “Oi hanona robe haumuai nomiaho keaomo banaibanai, Melkisedek robe akana ebabaina 'abana.” Sal 110.4
30152	HEB 7:21	Ia Iesu robe haunai eao hanona Tirama ena 'abi'uai pahihinai. Tirama ṉa e'abi aiho, “Obiapaka hanona ena 'abi'uai pahihina ebabaina ia ena 'abi a'i kebahaeaina, ‘Oi hanona robe haumuai nomiaho keaomo banaibanai.’” Sal 110.4
30171	HEB 8:12	Ekia beho akakia aokiai kaoko'o ainakia abomo ekia ki'a a'i karaona 'ininakia.” Ier 31.31-34
30207	HEB 10:7	Ba au a'abi atibaha, ‘Tirama e, Au neia'u, aba amai, rauhubu pukanai pou'u tererena ihobonai oi emu nuatae akana kababaina.’” Sal 40.6-8
30216	HEB 10:16	“Obiapaka hanona ni'abi, Rani weiana murinai Au e'u 'abi'uai apa'uana herekiai kababaina hanona neiana. E'u rauhubu ia aokiai kahorotina mai ia 'akokiai karerena.” Ier 31.33
30217	HEB 10:17	Haeamona e'abi etibaha, “Au ekia ki'a mai ekia beho a'i karaona 'ini 'apuanakia.” Ier 31.34
30238	HEB 10:38	E'u aka bero hauna hanona mai a'ikakaumana kemauri. Ia kekamuri aina'u raninai au ia a'i kaonamo aina.” Hab 2.3, 4
30285	HEB 12:6	Pokina Obiapaka niraona'au ainakia haukia nirobenakia, abomo nahunai nibaonakia haukia ni'atinakia.” Her 3.11, 12
30313	HEB 13:5	Moni a'i katonuatae ai ki'a bahana ia taba heremiai ṯemiaho haukia mo katoa'i aomi kenamo, pokina Tirama e'abi etibaha, “Au hanona a'i kahabonimi abomo a'i kareanimi, aha'i 'akina.” Deu 31.6
30314	HEB 13:6	Ua buonai mai taburaka kaha'abi kahatibaha, “Obiapaka hanona au ibarai'u hauna, au a'i kata'u. Maearima taba katebabaina au here'uai?” Sal 118.6
30410	JAS 4:6	'A Tirama ena aoko'o hoana nibaibeni hauna hanona nitabura hao tabura hao, Puka robenai ererena etibaha, “Tirama hanona apa haukia ni'oatanakia, 'a 'aiaunu haukia hanona ena aoko'o hoana nibenakia.” Aot 3.34
30457	1PE 1:16	Puka robenai aba tererena, “Wai hanona katorobe pokina au hanona narobe.” Lev 11.44, 45
30466	1PE 1:25	'A Obiapaka ena 'abi hanona kemiaho keaomo banaibanai.” Isa 40.6—8 'Abi neiana hanona pou namona weiana teiroro aina heremiai.
30472	1PE 2:6	Puka Robenai ṉa erere aihona, “Katoihana au pihara ha a'itaeana weiana hanona 'uni'uni piharana namona 'akina Siona oeonai nahorotina, taba ikoikiai ia ahanai katebakori 'aunakia, ia kea'ikakaumana hauna hanona a'i kehaumaea.” Isa 28.16
30473	1PE 2:7	Ua buonai tua'ikakaumana haumi heremiai hanona enamo ki'a baha, 'a ia a'i tia'ikakaumana haukia herekiai hanona pihara 'abaeana aba tererena 'abana, “Itu ibakorina haukia tebaki'ana piharana hanona aba itu 'uni'unina piharanai eao.” Sal 118.22
30474	1PE 2:8	Abomo, “Maearima pihara weianai tikai tiehe herea haeamona tiehe ta'erai ti'eho.” Isa 8.14 Tirama ena 'abi a'i teona a'i teka'aina paunai ia ti'eho, weiana hanona ia itaukia Tirama ena raona ihobonai.
30488	1PE 2:22	“Keriso hanona ki'a ha a'i ebabaina abomo pinanai bai'oi 'abina ha a'i tetabu ahina.” Isa 53.9
30503	1PE 3:12	Pokina Obiapaka mahana hanona aka bero haukia neihanakia, haiana hanona ekia noinoi nibahubahu ainakia, 'a Obiapaka wairana hanona aka ki'a haukia niwairanakia ni'oatanakia.” Sal 34.12-16
30531	1PE 4:18	Puka robenai ṉa terere aihona, “Aka bero haukia bamauri ia'inai katearo'ari raninai Tirama a'i tia'i taeana haukia mai ki'a haukia aea katekori 'ini aiho?” Aot 11.31
30537	1PE 5:5	Hau 'aru'arumi e, taeara ihobonai kiro haukia aiakia katona, ikoimiai kipomi 'aiaunu ai katobarainimi, pokina Puka robenai ererena etibaha, “Tirama hanona apa haukia niwae'e ainakia, 'a 'aiaunu haukia hanona keaoko'o ainakia.” Aot 3.34
30597	2PE 3:8	E'u hau ki'ami e, taba hamona neiana hanona a'i katoreana, Obiapaka wairanai wapu hamona mai ihau taha hamona (1,000) hanona ekia haeai aha'i, terarua hanona ihobo.
30882	REV 7:4	Weiana tebamani'ana haukiai ekia bo'o tetuabina aiakia aona hanona taha ikoinai hinabu hamomo bariabui bani (144,000), ia hanona Isaraela itubukia harauhaea rua herekiai tekarahi.
30883	REV 7:5	Paukia ahakiai tebamani'anakia haukia, Iuda itubunai hanona taha harauhaea rua (12,000). Ruben itubunai hanona taha harauhaea rua (12,000). Gad itubunai hanona taha harauhaea rua (12,000).
30884	REV 7:6	Asere itubunai hanona taha harauhaea rua (12,000). Napatali itubunai hanona taha harauhaea rua (12,000). Manase itubunai hanona taha harauhaea rua (12,000).
30885	REV 7:7	Simeona itubunai hanona taha harauhaea rua (12,000). Lebi itubunai hanona taha harauhaea rua (12,000). Isakara itubunai hanona taha harauhaea rua (12,000).
30886	REV 7:8	Sebuluna itubunai hanona taha harauhaea rua (12,000). Iosepa itubunai hanona taha harauhaea rua (12,000). Mai Beniamina itubunai hanona taha harauhaea rua (12,000).
30943	REV 11:3	Iamo au pou'u ihinana haukia rua hiabu kabenakia, pute habunikia weiakia aoko'o katebaiha baihaina haukia katebatotonakia, weiana wapu taha hamomo hinabu rua imabui harau haea (1,260) weia mahabanai 'abina katehinana.”
30953	REV 11:13	Beraura hoana weianai kanokau apa'uana ha eka'a, weiana aiara apa'uana iwate paipana harau haea aonai paipa ha maikoina hanona ebapururuna, abomo kanokau ehore maearima ikoinai taha 'abaihau hamomo (7,000) eba'arinakia. Maearima harina weiakia a'i te'ari haukia hanona teta'u ki'a baha, kupa Tiramana atana tea'i taeana.
30965	REV 12:6	Babi'e hanona ebeau 'akaumana eao hano'akunai, Tirama 'eka ha aba eba'oruna ia 'euna, weia ia kateiha 'inina keao wapu ikoinai taha hamomo hinabu rua imabui harau haea (1,260).
30995	REV 13:18	Maearima mai ena aobero hauna ata ituabi neiana ke'iobina hanona ketaina, aobero hauna kehore aiahu mahina ata ituabina keraonana, pokina tuabi tuabi neiana hanona maearima ha atana ituabina ihobona, tuabi tuabi neiana hanona hinabu 'abaihau imabui harau haea reana 'abaihau (666).
30996	REV 14:1	Epua, maha'u eao hanona mamoe nahu aihana, Siona Oeona ahanai ekoroti, herenai hanona maearima ikoinai taha ikoinai hinabu hamomo bariabui bani (144,000) weiakia paukia ahakiai ia atana mai Hamana atana tererenakia haukia.
30998	REV 14:3	Ba maearima weiakia tehore Tirama ena obia imia'auna mai mauri tabakia bani mai kiro haukia wairakiai, hui mahamahana ha tea'ina. Tai ha hui weiana kemarere aina a'i ketaina ia weiakia haukia 144,000 hanopaka herenai aruarunai ekawanakia haukia mo te'iobina.
31138	REV 21:16	Aiara ebakorina 'uni'unina bani baiatakia hanona teihobo, ena homa'a mai ena mata abomo ihobo, ikai'iniai aiara ehobona ba ena homa'a etabu ahina hanona kilometa taha rua hinabu rua (2,200), ena ro'e abomo teihobo.
31139	REV 21:17	Aneru ehore ara ena imuki ehobona hanona meta imabui harau haea 'abaihau (66), aneru hanona maearima ekia hobohobo ihobonai ua ehobo aihona.