23236 | MAT 1:23 | “Uaho rari ha kepuma miori ha kebaramana, atana kateaparina Emanuela.” Isa 7.14 Anina hanona ‘Tirama aika herekai’. |
23244 | MAT 2:6 | ‘Oi Betelehema, Iuda hanona aonai, Iuda ṯeiha 'inina aiarakia baiatakiai oi hanona a'i oko'iko'i ki'a baha, pokina oi heremuai poki hauna ha kemai ia hanona e'u Isaraela maearimakia ke'uai ainakia mamoe i'imana hauna 'abana.’” Mik 5.2 |
23261 | MAT 2:23 | Ia teao aiara ha atana Nasareta wa'a temiaho, weiana hanona mahabanai haukia tehinana 'abina etohana, ‘Ia hanona kateaparina Nasareta hauna.’ |
23264 | MAT 3:3 | Neiana hanona mahabanai hauna Isaia 'abina ehinana hauna etibaha, “Hau ha hano'akunai eio etibaha, ‘Obiapaka ena taeara tomoba'oruna, Ena kaoao boana tomobaberona.’” Isa 41.3 |
23282 | MAT 4:4 | Ia Iesu e'abi etibaha, “Puka robenai aba tererena, ‘Maearima hanona pohamai mo a'i katemauri, ia Tirama ena 'abi ehina haukia ikoinai katea'inakia hanona katemauri.’” |
23284 | MAT 4:6 | ba ehinabena etibaha, “Peoi Tirama nahuna raninai, kipomu naia morobo ahi. Pokina Puka robenai aba tererena, ‘Tirama ena aneru kehina benakia kate'imani'o imakiai katea'i taeani'o, weiana piharai aemu a'i mokaina ta'una.’” Sal 91.11, 12 |
23285 | MAT 4:7 | Iesu ia ena 'abi ebamuena etibaha, “Puka robenai abomo ṉa terere aihona, ‘Obiapaka emu Tirama baihobo 'ekanai a'i kohorotina.’” |
23288 | MAT 4:10 | Iesu haeamona e'abi etibaha, “Satani e, mokatu'a! Puka robenai ṉa terere aihona, ‘Obiapaka emu Tirama iamo ikupaiana kokuti aina, mai ta'arana koa'i.’” |
23330 | MAT 5:27 | Wai 'abi 'uruna aba tona ṉa e'abi aiho, ‘Oi hau ha atawana a'i konabau aina.’ |
23334 | MAT 5:31 | Abomo ṉa e'abi aiho, ‘Hau ha atawana nibakarahina raninai bakarahi marerena ha kererena kebena.’ |
23336 | MAT 5:33 | Haeamona 'uainai 'aba'abami herekiai tehinana 'abina aba tona, ‘Emi 'abi'uai hanona a'i katokabena. Ia emi 'abi'uai pahihina Obiapaka herenai hanona katobabaina.’ |
23341 | MAT 5:38 | Wai 'abi neiana aba tona e'abi etibaha, ‘Maha 'arana hanona maha, mai nihe 'arana hanona nihe.’ |
23346 | MAT 5:43 | Wai 'abi 'uruna aba tona ṉa e'abi aiho, ‘Heremiai haukia katoraona'au ainakia mai emi 'ou haukia katobaki'anakia.’ |
23360 | MAT 6:9 | Wai hanona ṉa katobahuba'ari aiho. ‘Hamamai e, kupai nomiaho. Oi atamu hanona katabarobena. |
23423 | MAT 8:9 | Pokina au hanona hiabu hauna ha ba'anai ṉamiaho mai huari haukia baika au ba'a'uai ṯemiaho. Au hau neiana ṉahina bena, ‘Moao’ hanona niao, haeamona hau weiana ṉahina bena, ‘Omai.’ hanona nimai. Abomo e'u ta'ara a'i hauna ṉahina bena, ‘Neiana mobabaina.’ hanona ia nihore nibabaina.” |
23431 | MAT 8:17 | Neiana hanona Isaia mahabanai hauna ena 'abi ibatohana ṉa e'abi aiho, ‘Ia kipona eka 'abe'abe kea'i parenakia mai eka inawa kebua obonakia.’ |
23453 | MAT 9:5 | Aeana hauna e'ama'ama, ka'abi ‘Emu ki'a ihinahao.’ 'ao ka'abi ‘Momikiri, moka'a.’ |
23461 | MAT 9:13 | Wai tomoao Puka robena 'abina neiana anina taba hanona katotabuna, ‘Au aoko'o nanuatae aina ia baibeni tabana aha'i.’ Au amai ena poki hanona bero haukia a'i kaparinakia, 'a aka ki'a haukia kaparinakia.” |
23493 | MAT 10:7 | Katoao aonai katoiroro katotibaha, ‘Tirama ena obia aiarana hanona aba herekai.’ |
23521 | MAT 10:35 | Au amai pokina hanona neiana, ‘Hau kehore hamana ke'oatana, uaho kehore hinana ke'oatana, rawa babi'ena 'aru'aruna kehore rawana babi'ena kirona ke'oatana. |
23538 | MAT 11:10 | Ia pouna Puka robenai ṉa tererena aihona, ‘Au e'u iuhubeau hauna kauhu 'uaina wairamuai, ia kehore emu taeara kea'ia'i haraina.’ Mal 3.1 |
23545 | MAT 11:17 | ‘Ai irarabu ṯahunakia wai paumiai, iamo wai a'i tuewa. 'Ari huikia ṯa'i, iamo wai a'i tuhai.’ |
23546 | MAT 11:18 | Weiana Ioane emai hanona a'i eaniani mai a'i einuinu, ba ia te'abi tetibaha, ‘Auba ki'a obona ha ia aonai.’ |
23547 | MAT 11:19 | Au Maearima nahuna amai aniani mai ainuinu hanona ia te'abi tetibaha, ‘Ia hanona aniani ki'a mai inuinu ki'a, moni bararo mai aka ki'a haukia ekia hau.’ 'A aobero hanona ena buabua nihore ena bero nibatohana.” |
23565 | MAT 12:7 | ‘Au nanuatae aoko'o, ia a'i nanuatae baibeni tabakia.’ Hos 6.6 Puka robenai 'abi neiakia anikia pato'iobi raninai maearima a'i tebeho haukia behoai a'i katohorotinakia. |
23576 | MAT 12:18 | ‘Tomoihana ia hanona atina'ana e'u ta'ara'i hauna, naraona'au aina mai naonamo aina. Au e'u Auba Robe ia ahanai kahorotina, bero keiroroaina hanopaka haukia herekiai. |
23602 | MAT 12:44 | ba kipona e'abi etibaha, ‘Au hanona kamue e'u itu ahabona hauna kaeao’, weiana emue eao itu 'abaeana etabu ahina aba tetarona mai e'oru harai. |
23622 | MAT 13:14 | Ua buonai 'eka neianai Isaia ena mahabanai 'abina hanona emai etohana, ‘Wai aia katobahu ai 'arimo ia obona a'i katobo, wai katoiha to'o baihana mo ia a'i katoiha tinana. |
23635 | MAT 13:27 | Poki hauna ena ta'ara'i haukia temai herena te'abi tetibaha, ‘Poki haumu e, oi emu umai uho namokia obatonakia, ia awa hanona ae'eai temai?’ |
23636 | MAT 13:28 | Ia ekia 'abi ebamuena etibaha, ‘'Ou hauna ha naiana ebabaina.’ Ena ta'ara'i haukia tetibaha, ‘Nonuatae kataeao awa katapuhu 'aunakia?’ |
23637 | MAT 13:29 | Ia e'abi etibaha, ‘Aha'i, pokina awa katopuhu 'aunakia raninai witi abomo awa kipokia a'i tomopuhu 'aunakia marikina. |
23706 | MAT 15:4 | Pokina Tirama e'abi etibaha, ‘Hamamu mai hinamu komariki ainakia,’ abomo ‘Hau ha hamana 'ao hinana keururu aina hauna hanona kateahu 'arina.’ |
23707 | MAT 15:5 | Ia wai hanona emi ba'iobiai tu'abi ṯotibaha, ‘Hau ha hamana 'ao hinana kehina benakia ketibaha, “Kepu neiakiai pabarainimi haukia hanona kabaibeni Tirama 'euna.” |
23743 | MAT 16:2 | Iesu ehinabenakia etibaha, “Rabirabi beraura kaihu niaoaina raninai, tu'abi ṯotibaha, ‘Mara rani kenamo pokina kupa nipairu.’ |
23744 | MAT 16:3 | Kerani raurani tu'abi ṯotibaha, ‘Bariu rani neianai abara mai baura katemai pokina kupa nipairu auhao ekaiabu haraina.’ To'iobina kupai hoa tabakia katerama, ia aehoma buonai rani neianai hoa tabana kerama hauna a'i to'iobina? |
23789 | MAT 17:20 | Iesu ekia 'abi ebamuena etibaha, “Pokina emi a'ikakauma teko'iko'i 'aki. 'Abi tohana au wai nahina benimi, emi a'ikakauma petuaba uhona 'abana raninai, oeo neiana pohinabena, ‘Moibiu moao weia’ hanona beronai peibiu peao, taba ha heremi a'i kepahihi ki'a baha. |
23821 | MAT 18:25 | Ia poki hauna ena moni 'arana kehorena hanona imanai a'i etaina, ba poki hauna ia ehinabena etibaha, ‘Oi mai atawamu, nahumu mai emu taba ikoikiai katekawa kawainakia monikiai moni oa'ina hauna 'arana kohorena.’ |
23822 | MAT 18:26 | Weiana ta'ara'i hauna ena poki hauna wairanai ekai pehu eba'amena, ‘Rani papana mobai'ima, ba a'ina hauna 'arana maikoina kahorena.’ |
23824 | MAT 18:28 | Ba ta'ara'i hauna ekarahi eao raninai 'abana ha etabu ahina hau weiana hanona ia herenai Kina harau rua ea'ina, emikiri hau weiana ea'i 'inina 'akona ebebena e'abi etibaha, ‘E'u moni oa'ina hauna 'arana mohorena.’ |
23825 | MAT 18:29 | Ba ia 'abana ekai pehu eba'amena, ‘Rani papana mobai'ima 'arana aba kahorena.’ |
23828 | MAT 18:32 | Ba poki hauna ta'ara'i hauna weiana eaparina emai, ehinabena etibaha, ‘Oi ta'ara'i haumu ki'a obomu, onoina'u paunai moni oa'ina hauna maikoina akakinakia. |
23836 | MAT 19:5 | Ba e'abi etibaha, ‘Weiana buonai hau kehore hamana mai hinana kehabonakia, ia atawana ohi katebahamomo, terarua hanona hauani hamona.’ |
23865 | MAT 20:4 | Ba ehinabenakia etibaha, ‘Wai abomo tomoao e'u haharuai katoaka, 'arami kahorenakia.’ |
23867 | MAT 20:6 | Haeamona rabirabi beraura hoana 5 'abana ekarahi eao hanona baika mo tekoroti 'abaea eihanakia, ebakainakia etibaha, ‘Aehoma buonai neia tukoroti rabi 'abaea taba ha a'i tubabai 'apuana?’ |
23868 | MAT 20:7 | Ena 'abi tebamuena tetibaha, ‘Pokina tai ha aka ha a'i ebenamai.’ Ba ehinabenakia etibaha, ‘Wai abomo tomoao e'u haharuai katoaka.’ |
23869 | MAT 20:8 | Beraura ekaihuna, haharua poki hauna haharua i'imana hauna ehinabena etibaha, ‘Teaka haukia koaparinakia 'arakia kobenakia, muri 'akinai temai teaka haukia herekiai koa'i ramana keaomo temai 'uai haukia herekiai kobapuana.’ |
23873 | MAT 20:12 | te'abi tetibaha, ‘Muriai temai haukia hanona beraura hoana hamonamo teaka, 'a ai hanona beraura neiana ena aro'ari ena hiabu maikoina tahoaina, ia kipokia 'aramai obaihobona.’ |
23874 | MAT 20:13 | Haharua poki hauna aka hauna ha ena 'abi ebamuena etibaha, ‘E'u hau e, heremuai a'i abeho. Aika hararua 'abi aba habatohana koaka beraura hamona aonai kina harau haea kabeni'o. |
23898 | MAT 21:3 | Hau ha 'abi ha kehinana raninai kato'abi, ‘Obiapaka nenuatae ainakia,’ ba beronai kebenimi.” |
23908 | MAT 21:13 | Ehinabenakia etibaha, “Puka robenai aba tererena, ‘E'u itu hanona kateaparina bahuba'ari ituna,’ ia wai hanona kakikaki haukia ekia paparo'ai tubaona.” |
23910 | MAT 21:15 | Robe haukia apa'uakia mai rauhubu poki haukia Iesu bamauri hoakia ebabai teihana abomo miori marea aonai teio tetibaha, ‘Hosana Davida Nahuna 'euna!’ raninai ia aokia teopuere, |
23911 | MAT 21:16 | tebakaina tetibaha, “Oi miori ti'abi aiakia hanona nuona?” Iesu ekia 'abi ebamuena etibaha, “'E, aiakia aba naona. Wai 'abi neiana aba totuabina? ‘Miori 'oru'orukia mai 'ae tiana miorikia pinakiai atamu tibanamona.’” Sal 8.2 |
23916 | MAT 21:21 | Iesu ehinabenakia etibaha, “'Abi tohana au wai nahina benimi, patoa'ikakauma aomi a'i patekai'au kai'au raninai, Suke herenai erama hauna ikupaiana mo aha'i, ia kobio patohinabena, ‘Moao 'akuai moeno uhu,’ weiana abomo kerama. |
23920 | MAT 21:25 | Ioane ena ba'uere robe hiabuna hanona ae'e ai emai? Kupai emai 'ao maearima herekiai emai?” Ia kipokia baiatakiai te'abi'abi tetibaha, “Kaha'abi, ‘Kupai emai.’ hanona kebakainaka ketibaha, ‘Aehoma buonai a'i toa'i taeana?’ |
23921 | MAT 21:26 | 'A kahatibaha, ‘Maearima herekiai emai.’ raninai, to'u haukia neiakia abomo kahata'uainakia, pokina ia ikoikiai tiraonana Ioane hanona mahabanai hauna.” |
23923 | MAT 21:28 | “Wai taba ṉa tuhoma? Hau ha nahuna hanona rua, ba eao pakana hauna herena ehinabena etibaha, ‘Naha'u e, bariu beraura neianai koao e'u bine haharuanai koaka.’ |
23924 | MAT 21:29 | Miori hamana ena 'abi ebamuena etibaha, ‘A'i kaeao.’ 'A muriai eraonaraona haraina ba eao eaka. |
23925 | MAT 21:30 | Haeamona hamakia eao nahuna ibaruana herena 'abi ihobonamo ehinana, ba miori e'abi, ‘'E, hama'u, kaeao.’ Ia a'i eao. |
23932 | MAT 21:37 | Muri 'akinai hanona poki hauna nahuna euhuna eao herekia etibaha, ‘Au naha'u buonai aba katemarikiaina.’ |
23933 | MAT 21:38 | Haharua ṯe'imana haukia poki hauna nahuna teihana raninai kipokia te'abi'abi tetibaha, ‘Kepoki hauna neiana. Tomai hamahu'arina, haharua hanona aika 'eukai keao.’ |
23937 | MAT 21:42 | Iesu ia ehinabenakia etibaha, “Wai puka robena a'i totuabi 'apuana, u? Ṉa terere aihona, ‘Itu babai haukia tebaki'ana piharana hanona aba pihara apa'uana tohanai eao. Babai neiana hanona Obiapaka ebabaina, nahaihana nahata'u ta'u huri!’ Sal 118.22 |
23945 | MAT 22:4 | Ba ia haeamona ena ta'ara'i haukia haeai baika euhunakia etibaha, ‘Abeaunakia haukia katohinabe muenakia katotibaha, 'E'u poromakau mai e'u mahi namokia aba ahunakia aba teiua 'iti'itinakia taba ikoikiai aba teba'orunakia, hawainibe tatuna katomai.’ |
23949 | MAT 22:8 | Ba ia ena ta'ara'i haukia ehinabenakia etibaha, ‘Hawainibe anianina aba e'oru, 'a abeaunakia haukia a'i tenamo a'i katemai. |
23953 | MAT 22:12 | Ebakaina etibaha, ‘E'u hau e! Hawainibe tatuna habunina aha'i ia aea ohoma ototo?’ Hau weiana ke'abi 'ekana aha'i. |
23954 | MAT 22:13 | Obia hauna ena ta'ara'i haukia ehina benakia etibaha, ‘Aena imana katobirinakia atapaka wapuranai katokapo ahina, ua'a kehai mai 'aki'akina kearao'i arao'i.’” |
23973 | MAT 22:32 | ‘Au hanona Aberahamo ena Tirama, Isako ena Tirama, Iakobo ena Tirama’. Ia hanona 'ari haukia ekia Tirama aha'i, ia hanona mauri haukia ekia Tirama.” |
23985 | MAT 22:44 | ‘Obiapaka hanona e'u Obia ehinabena etibaha, “Itipa'u tainai komiati keaomo emu 'ou haukia 'apumu ba'anai kahorotinakia.” Sal 110.1 |
24017 | MAT 23:30 | Wai tu'abi, ‘Kupumai ekia raniai tamarama raninai mahabanai teahu'arinakia aonai ai hanona a'i pata'i turinakia.’ |
24031 | MAT 24:5 | Pokina au ata'uai maearima bo'ona katemai kate'abi katetibaha, ‘Au Keriso neia'u,’ ba maearima bo'ona kate'oinakia. |
24049 | MAT 24:23 | Rani weianai hau ha kehina benimi ketibaha, ‘Tomoihana Keriso neiana’, 'ao ‘Ia weiana,’ raninai a'i katobatohana. |
24052 | MAT 24:26 | Ua buonai ia katehina benimi katetibaha, ‘Keriso weia hano'akunai’ raninai a'i katoao, 'ao ‘Ia neiana ikaihuri aonai’, raninai a'i katobatohana. |
24055 | MAT 24:29 | ‘Atetua weiakia kateore murikiai beronai beraura kewapura, nawa a'i kerara, bihiu hanona kupai kate'eho, kupa hiabu tabakia ikoikiai kateibiu ibiu.’ Isa 13.10, 34.4 |
24074 | MAT 24:48 | Ia ta'ara a'i hauna ki'a obona hanona ke'abi ketibaha, ‘E'u poki hauna a'i nimai baha.’ |
24083 | MAT 25:6 | Wapuka'a ibuanai io aiana teona etibaha, ‘Hawainibe mahamaha hauna aba nimai, tomokarahi kipokia katobaitabu ahi.’ |
24085 | MAT 25:8 | Weiana ao po'o uahokia tehore ao bero uahokia tenoinakia tetibaha, ‘Emi karatini harua tomobenamai emai ramepa aba kate'ao.’ |
24086 | MAT 25:9 | Ia ekia 'abi tebamuena tetibaha, ‘Aha'i. Wai mai ai kipokia kahabaharu hanona a'i ketaina. Namona hanona tomoao tikawa kawa 'ekanai 'eumi tomokawa.’ |
24088 | MAT 25:11 | Murinai ao po'o uahokia temai teapari tetibaha, ‘Poki haumu e, Poki haumu e, pa'abi mokaikauna tamatoto.’ |
24089 | MAT 25:12 | 'A ia ekia 'abi ebamuena etibaha, ‘'Abi tohana au wai nahina benimi, au wai a'i a'iobinimi.’ |
24097 | MAT 25:20 | Kina hinabu ima ea'i hauna kina hinabu ima ha kipokia emaiainakia etibaha, ‘Poki haumu e, kina hinabu ima obena'u. Ba moihana, ahanai kina hinabu ima ha neiakia ababainakia.’ |
24098 | MAT 25:21 | Poki hauna e'abi etibaha, ‘Ta'ara'i haumu namomu aka bero haumu, obabai harai, taba papakia o'ima harainakia buonai bariu taba apa'uakia i'imakiai kabaoni'o. Omai e'u aonamo aonai mototo.’ |
24099 | MAT 25:22 | Kina hinabu rua ea'i hauna abomo emai e'abi etibaha, ‘Poki haumu e, kina hinabu rua obena'u. Ba moihana, ahanai kina hinabu rua ha neiakia ababainakia.’ |
24100 | MAT 25:23 | Poki hauna e'abi etibaha, ‘Ta'ara'i haumu namomu aka bero haumu, obabai harai, taba papakia o'ima harainakia buonai bariu taba apa'uakia i'imakiai kabaoni'o. Omai e'u aonamo aonai mototo.’ |
24101 | MAT 25:24 | 'A kina hinabu hamona ea'ina hauna emai e'abi etibaha, ‘Obiapaka e, au a'iobina oi hanona hau pahihimu, maearima haeai tebato bato 'ekakiai nueueu mai maearima haeai uho tekapo kapo otarai 'ekakiai nubararo bararo. |
24103 | MAT 25:26 | Poki hauna e'abi etibaha, ‘Ta'ara'i haumu ki'a obomu abomo o'aboro, oi nuraonana au maearima baika tebato bato 'ekakiai naeueu mai maearima tekapo kapo otarai 'ekakiai nabararo bararo, 'u? |
24111 | MAT 25:34 | Ba au Obia arana kahore itipa'u tainai haukia kahina benakia katibaha, ‘Hama'u ebanamonimi haumi, tomai kupa aiarana neiana hanopaka ebabaina raninai eba'oruna wai 'eumi hauna tomoa'ina wai barimi ai keao. |
24114 | MAT 25:37 | Ba bero haukia ena 'abi katebamuena katetibaha, ‘Obiapaka e, aita raninai mare'a o'ari, ba tabanianini'o, 'ao aita raninai 'akomu e'ororo ba bei tabeni oinu? |
24117 | MAT 25:40 | Weiana au Obia arana ia kahinabenakia katibaha, ‘'Abi tohana au wai nahinabenimi. Uaho'aba'u urarukia neiakia ha herekiai ua tobabai aiho hanona au here'uai abomo aba ua tobabai aihona.’ |
24118 | MAT 25:41 | Ba au Obia arana kahore awari'u tainai haukia kahinabenakia katibaha, ‘Tirama eururu ainimi haumi, here'uai tomokapare tomoao niara banai banai irubana teba'oruna tiaporo mai ena miori kipokia 'eukia hauna aonai katototo. |
24121 | MAT 25:44 | Ia abokiamo ena 'abi katebamuena kate'abi katetibaha, ‘Obia arana e, aita raninai taihani'o, mare'a o'ari, 'ao 'akomu e'ororo, 'ao maearima haeai haumu, 'ao habuni heremuai aha'i, 'ao oinawa abomo wapura 'ekanai, ba a'i tabaraini'o?’ |
24122 | MAT 25:45 | Weiana au ia kahinabenakia katibaha, ‘'Abi tohana au wai nahinabenimi, uaho'aba'u urarukia neiakia ha herekiai ua a'i tobabai aiho raninai au abomo here'uai ua a'i tobabai aiho.’ |
24141 | MAT 26:18 | Ia ekia 'abi ebamuena etibaha, “Tomoao aiarai hau weiana herenai katohina bena katotibaha, ‘Emai poki hauna e'abi, “E'u rani aba ekaibari, Kabanai tatuna i'aba'u haukia kipokia emu ituai katababaina.” ’” |
24154 | MAT 26:31 | Ba Iesu ehinabenakia etibaha, “Bariu rabi neianai emi a'ikakauma ke'eho katohabona'u, pokina Puka robenai tererena, ‘Au mamoe i'imana hauna kahuna ba mamoe to'una hanona kerama otaraina.’ |
24206 | MAT 27:8 | Weiana buonai hano atana teaparina ‘Aruaru Hanona’ emai mo bariu. |
24207 | MAT 27:9 | Ieremia mahabanai hauna rani weiana ena 'abi ehinana hauna emai etohana etibaha, ‘Isaraela haukia 'ara teuahina ia 'aranai keao hauna Silba monina harau aihau tea'ina, |
24231 | MAT 27:33 | 'Eka hai tekara'au atana Kolkota. (Anina hanona ‘Ara huriakia 'ekana’.) |
24235 | MAT 27:37 | Iesu arana 'ubinai hinau bai'oi 'abina tererena teahu 'auna tetibaha, ‘NEIANA IESU, IUDA HAUKIA EKIA OBIA 'ARANA.’ |
24244 | MAT 27:46 | Beraura hoana 3 aonai Iesu eio etibaha, “Eloi eloi lama sabakatani!” Anina hanona ‘E'u Tirama e, E'u Tirama e, oi aehoma buonai ohabona'u!’ |
24261 | MAT 27:63 | te'abi tetibaha, “Hau apa'uana e, ai bai'oi hauna weiana maurinai emiaho aonai ena 'abi ehinana hauna ṯaraona 'inina etibaha, ‘Wapu ibaihaunai kamikiri mue.’ |
24262 | MAT 27:64 | Ua buonai 'abi kobaibeni 'ariahana kate'ima haraina keao mo wapu ibaihaunai. Pokina a'i enamo, i'abana haukia kateao Iesu hauanina katebainao aina ba maearima haiakiai kate'abi ‘Ia hanona 'ari haukia baiatakiai aba emikiri mue.’ Bai'oi neiana muriai hauna atetuana keki'a wairai ba 'uaina hauna.” |
24271 | MAT 28:7 | Ba tomoao biai i'abana haukia katohina benakia, ‘Ia hanona 'ari haukia baiatakiai aba emikiri mue ba aba ne'uai niao Galilea, weia katoihana.’ 'Abi neiana kabenimi paunai amai.” |