23296	MAT 4:18	Jesu jo chage chibita kada Galilea kagdage, ne ngwadi Jesu gwagedu kwian onbre gdabokedi, gdaite Simón amaña kada Pedro, kaire Simón daballa kada Andrés. Kwian boke e ngwe jwannga ama kledu gdeba tke chiske ngwe gai gdebage,
23428	MAT 8:14	Jesu jo Pedro kle toi ngwadi gire Pedro ñemaña skwendu oga ankwa giti nganagda ole.
23429	MAT 8:15	Jesu jo chke muinga oga kle ngwadi, ko gau kote gire sugeti nganagda me chegu chkedi dare, nganagda ulita jo siere Pedro ñemañage. Ama cheguni noni chku gdate, gire ama bli jinadu Jesu alin kaire kwian na kle ne ngwadi alin.
23488	MAT 10:2	Jesu gerudu ene kwian geru jwannga amage ulita ole, kwian e ulita kada ene: Simón (amaña kada Pedro), Andrés (ama Pedro daballa), Santiago (ama Zebedeo kirolla), Juan (ama kaire Zebedeo kirolla, ama Santiago daballa),
23694	MAT 14:28	Jesu gerudu ene gire Pedro gerudu Jesu ole: —Cha Chugagwalla, ulia ba amaña kle chage, ba cha gbe chage seradi kaire chiga giti joge ba ngnagu.
23695	MAT 14:29	Jesu gerudu Pedro ole: —Bai cha gitigu chage seradi chiga giti. Gire Pedro jo siere duge jo chage seradi chiga giti Jesu ngnagu.
23696	MAT 14:30	Pedro kledu chage no chiga giti Jesu ngnagu, agwa gire Pedro gwagedu chi skwen bdugu tanre mleuda kote gire ama kendunga. Ama kendunga gire ama jo chiske dbigu, ama ngautu Jesuge: —¡Cha Chugagwalla, cha be unjoge, ba cha jwen siere chige!
23698	MAT 14:32	Jesu jo ule Pedro ole du tadi gire mleuda me chegu tiennga dare, chi chegu ngwedi.
23717	MAT 15:15	Jesu gerudu ene gire Pedro gerudu Jesu ole: —Ba gerudu sbaliga kwian ole bligda che kle gute me che gbe me no jiske Chube gwa giti, geru e me suge chage ba kledu gerule llema giti, cha takalin ba geru e trennga no cha ulitage.
23718	MAT 15:16	Jesu jaindunga Pedro kalen: —¿Ba ulitage kaire agwe geru e me suge?
23736	MAT 15:34	Jesu geru kadu: —¿Pan gdamangire ba kle chage dbe? Kwian geru jwannga jaindunga Jesu kalen: —Cha kle chage pan gdaguke dbe kaire ngwe soli gdamoite dbe agwa me ngle, bligda e me ñage kwian ulitage gutadale.
23738	MAT 15:36	gire Jesu pan gdaguke gau kote kaire ngwe soli gau kote, Jesu gerudu Chube ole: “Cha Ñenua, nga suga noare chadi ba bligda ai ketu chage kwian ai ulita ullagda.” Jesu gerudu ene Chube ole bligda giti gire Jesu pan skutunga kaire ngwe uda junnga ketu geru jwannga ulitage girabatadale kwian ulita ole. Pan kaire ngwe jriendunga ngle kwian ulita alin gutadale.
23757	MAT 16:16	Simón-Pedro jaindunga Jesu kalen: —Ba Cristo, ba Chube gwade ulia Kirolla, Chube ba kagu nga dba ai giti kwian kare kwian jwen siere ji chugege agedu me no gdale.
23758	MAT 16:17	Gire Jesu gerudu Simón-Pedro ole: —Simón, ba Jonás kirolla, cha Ñenua nga ngaña giti agedu no ba alin, ama ba ta gbu chke suge ulia cha ama Kirolla, malen ba gerudu ene cha giti, ni kwian gdaite ba ta gbu suge ene.
23759	MAT 16:18	Cha gerule ba ole Simón, ba kalla na Pedro, ka e kle gerule “kechuga”. Ba kechuga kare, kechuga chege kiraske tanre diali, ene kaire ba be chege kiraske cha geruadi, ene ba giti kwian tanre be cha gerua keruchuge be cha gerua gai ulia, kwian e ulita be chege Chubenu. Ni jogeda ni che dolla Satanás ule mo chudaboangalla ulita ole be ñage kirachke kwian cha gerua gangadi, kwian ene be chege Chubenu diali, bdagli ama be joge toi Chube ole nga ngaña giti diali chui tangle.
23761	MAT 16:20	Jesu gerudubi Pedro ole gire Jesu gerudu kwian geru jwannga gdataboko giti gdaboke ulita ole: —Ba me gerule ni kwian gdaite ole cha Cristo Chube Kirolla Chube cha kagu nga dba ai giti —Jesu gerudu ene kwian geru jwannga ulita ole.
23763	MAT 16:22	Jesu gerudu ene mau giti gire Pedro Jesu du sugekare, Pedro gerudu mno Jesu ole: —Cha Chugagwalla, ¡Chube me takalin ba boi ene ba kle tañachuge kare! E me ñage boi ba ole ba kle gerule kare ba gwabeda.
23764	MAT 16:23	Pedro gerudu ene Jesu ole gire Jesu jwlituda gdate naskuni gerudu Pedroge: —¡Chegede kamne! Ba kle gerule Satanás kiralla giti ba kle gerule ama takalin kare, ba me ñage gerule ene dare. Ba kle gerule kare ba ta cha ta blitakalin me age Chube takalin kare, ba me kle tañachuge Chube takalin kare, ba kle tañachuge kwian onbre ngwale kle tañachuge kare.
23765	MAT 16:24	Jesu gerudu ene Pedroge gire Jesu gerudu kwian geru jwannga ulita ole: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale, ama me mo talladale. Kwian bai mo ta gbe ene ñage chage cha ole.
23770	MAT 17:1	Chui dereke jo tangle gire Jesu jo jwichuga giti bate ngaña, ama kwian geru jwannga amage gdamaire alin allabi du ule, ama Pedro kaire Santiago kaire Santiago daballa Juan du ule ama gatedi. Ama ulita jo chke jwichuga giti kwian na me kle ngwadi,
23773	MAT 17:4	Pedro gwagedu ene Moisédi Elíadi geru trage Jesu ole, gire Pedro gerudu Jesu ole: —Cha Chugagwalla, nga suga noare chadi che ulita chku aini. Ba takalin, cha u soli gbe gbamai aini toingwa sugetidale, u gbaite ba alin, u gbaite Moisés alin, u gbaite Elías alin.
23774	MAT 17:5	Pedro kledu gerule ene Jesu ole, gire bogakwa jutre chra gwadetranga chku blike ama ulita giti, ama ulita chegu bogakwaske gire bogakwaske Chube kerua sugedu ama ologe gerule: “Ai cha Kirolla, cha no no ama ole, nga suga noare chadi ama giti, ba ulita ama keruchugadale no, ba mo ta gbadale ama kerua gbe gdadi no diali.”
23793	MAT 17:24	Jesu kledu chage nga Galileage gire jo chke una Capernaumge, una ege kwian igi ganga u gerungwa Chube ole managda, kwian e jo chke Pedrodi geru kadu Pedroge: —¿Kwian ba tkanga tangle geruge kle igi kete u gerungwa Chube ole managda che ulita kle igi kete kare o me?
23794	MAT 17:25	Pedro jaindunga: —Ima, ama kle igi kete kwian ulita kle age kare. Bigwa Pedro jo chke gwa uge Pedro bebi geru trage Jesu ole igi giti gire Jesu gerudu ama ole: —¿Ba tañachuge mine Simón-Pedro? ¿Chemage kwian nga gwealemu chugagwalla kle igi kade, kle igi kade mo kirogwallage o kwian na nga amañamuge?
23795	MAT 17:26	Pedro jaindunga: —Kwian chugagwalla kle igi kade kwian na nga amañamuge me kle igi kade mo kirogwallage. Jesu gerudu: —Ima, ba gerudu ulia. Kwian chugagwalla me igi kade mo kirogwallage, malen ama kirogwalla me igi ketadale. Ene kaire cha Chube Kirolla malen cha me igi ketadale u gerungwa Chube ole managda, u e cha Ñenuanu.
23796	MAT 17:27	Agwa cha me takalin kwian skochie kaire kwian tañachuge chadi cha me kle Chube gai dage malen suge chage ma no che igi kete kwian ulita kle igi kete kare. Joga chibitage ngwe jwen, ngwe ngerutabi be blire ba ole, ngwe e kate igi be skwen bage. Ba igi e kete che gdaboke giti kwian igi gangage u gerungwa Chuge ole manangage. Jesu gerudu ene ulita Pedro ole gire Pedro agedu ulita Jesu gerudu kare.
23817	MAT 18:21	Jesu gerudu ene kwian geru jwannga amage ulita ole gire Pedro geru kadu Jesuge: —Cha Chugagwalla, daba gweale age me no cha dollale me bitaitre alin agwa bitangle bitaguke, ¿cha ama age me no talla mlialenga kaire bitaguke o me? ¿Bitamangire daba amaña age me no cha dollale cha talla mlialenga?
23818	MAT 18:22	Jesu jaindunga Pedro kalen: —Cha gerule ba ole, me bitagukle alin ba ama agedu me no talla mlialenga, agwa ba mo ta gbale ama agedu me no talla mlienga diali bitangle ngle, ba me ñage tañachuge ama agedu me no talla mliadalenga bedre alin.
23858	MAT 19:27	Gire Pedro gerudu Jesu ole: —Cha ulita geru jwannga bage kle chage ba ole diali geru jwen bage, cha ulita mo llea ulita nga dba ai giti chugu ngwadi gire cha ulita mo ta gbu chage diali ba ole baini kaire ba kle joge ngwadi. Cha ulita agedu ulita ba gerudu kare onbre lle molen tanre ole, ¿cha ulita be llema gai bdagli mo ta gbe chage no ene ba ole ñanale?
24125	MAT 26:2	—Bage uñale chui chegu gbabokle alin allabi gire Pascua chuia chke chui olladangwa, chui ege cha gabe cha ketabe gwaleda kruge —Jesu gerudu ene kwian geru jwannga amage ulita ole.
24128	MAT 26:5	Kwian e ulita gerudu modi: —Che me ñage age gweale Jesu dollale Pascua chuiage, kwian tanre be kle chui ege chui ollade una aige, che age me no Jesu ole kwian ngleaske gire kwian ulita be kira bate modi Jesu gdale, ma no che chui na manade kwian ngle me kle mo litaba una aige gire —kwian israelita chugagwalla ulita gerudu ene modi.
24140	MAT 26:17	Pan me dodadre levadura ole gute suia chku, chui gwangeage kwian israelita ulita diali Pascua chuia ollade, chui e chku gire kwian geru jwannga Jesuge ulita chku Jesudi geru kadu Jesuge: —¿Baini ba takalin cha bli jinade che ulita alin gutadale Pascua chuia olladale ule? ¿Che be blire baini?
24141	MAT 26:18	Jesu jaindunga: —Joga una Jerusalénge ba ten kwian gdaite ngwange, amage ba gerule: “Cha tkanga tangle geruge cha kagu gerule ba ole, ama gerudu: ‘Cha chuia kle kodi jogeda, nege cha ta jogekalin ba ullage Pascua chuia ollade bdagli ule kwian geru jwannga chage ulita ole.’ ” Ba geru kete ene kwian ege.
24142	MAT 26:19	Jesu gerudu ene kwian geru jwannga amage ole gire kwian geru jwannga agedu ulita Jesu gerudu kare, kwian geru jwanngage u skwendu, ama bligda jinadu u ege Pascua chuia olladale.
24156	MAT 26:33	Jesu gerudu ene kwian geru jwannga ulita ole gire Pedro gerudu Jesu ole: —Kwian geru jwannga na ulita be ba chuge ngwadi agwa cha me dale, cha mi ba chuge ngwadi jogeda gballa.
24157	MAT 26:34	Jesu gerudu Pedro ole: —Cha gerule ulia ba ole, nege ngajrege ngakamalin bdugu antalan bebi ngwane gire ba agali be gerule bitamai kwian na ole ba me cha uñe.
24158	MAT 26:35	Pedro ka bo mno Jesu ole: —Cha me dale, cha me mo tallade cha jogekeda ba ole ule, cha mi gerule kwian ole cha me ba uñe, cha be chege ba ole diali. Pedro gerudu ene, kaire agwe kwian geru jwannga Jesuge na ulita kledu eni gerudu salengwli Pedro gerudu kare.
24160	MAT 26:37	Jesu gerudu ene gire Jesu jo Pedro dbe kaire Zebedeo kirolla gdaboke dbe mo ole llagli. Jesudi nga chiu olire tanre ama be boi daga ngwale giti,
24163	MAT 26:40	Jesu gerudu ene Chube ole gire joni naskuni kwian geru jwannga amage gdamai kledu manade ngwadige, kwian geru jwannga e ulita skwendu Jesuge gbe, gire Jesu gerudu Pedro ole: —¡Chkede bduge! ¿Ba gdamai me ñadu chege gwade sugeti alin cha manade?
24181	MAT 26:58	Pedro jo chage gwage bate Jesu nate jo chke chege goga kodi uge kwian gerunga Chube ole daba alin chugagwalla ma kweri ullage, ne ngwadi Pedro toidu dba ule guardia u gerungwa Chube ole mananga ngle ole, Pedro kledu gwage ne ngwadi ene chke uñale Pedroge Jesu boabe mine bdagli.
24192	MAT 26:69	Jesu kle boi ene gwa Caifás ullage gire Pedro kledu manade goga jita ngwachuge. Muinga gdaite lle boanga chugagwalla ma kweri alin kledu eni, ama chku Pedrodige gerudu Pedro ole: —Ba kaire kledu chage ule Jesu nga Galileamu ole.
24193	MAT 26:70	Pedro gerudu muinga ole kwian ulita gwa giti: —Me dale, cha me ama uñe dale, ni uñale chage ba kle llema geruade cha ole.
24194	MAT 26:71	Pedro gerudu ene gire Pedro jo manade ugakage, eni muinga lle boanga na gdaite gwagedu Pedrodi gerudu kwian na ole Pedro giti: —Kwian onbre e kledu chage ule Jesu una Nazaremu ole.
24195	MAT 26:72	Pedro muinga lle boanga e keruchugu gerule ene gire Pedro gerudu nakwaite: —Cha gerule ulia ba ole Chube gwa giti, cha me kwian onbre e uñe dale.
24196	MAT 26:73	Sugeti kwian na ulita kledu eni Pedroge kodi jo Pedro gitigu gerudu Pedroge: —Kwian mneite chagedu Jesu ole diali, suge chage ulia ulia ba kwian ene gdaite. Ba gerule kwian nga Galileamu kare, ba kerua chege Jesu kle gerule kare, e giti suge chage ba ama chagemanalla ulia.
24197	MAT 26:74	Pedro kwian keruchugu gerule ene gire ama ta skochiu tanre e gdale, ama gerudu: —Cha gerule ulia ulia ba ulita ole Chube gwa giti, cha me kwian onbre e ba kle gerule giti uñe. Cha me kle gerule ulia ba ole, gire ene Chube ñage cha gbe ji chuge tanre e gdale. Pedro gerudu ene gire sugetibi allabi antalan ngwanedu,
24198	MAT 26:75	blikare Pedro tachku Jesu gerudu giti ama ole ngeru: “Antalan bebi ngwane gire ba agali be gerule bitamai kwian na ole ba me cha uñe.” Pedro tachku Jesu gerudu ene giti gire Pedro jo sugekare, ama olidu tanre tanre ama gerudu Jesu dollale giti.
24200	MAT 27:2	kwian e ulita Jesu ko lugangu, ama Jesu du chugagwalla gobernador Pilato ngwadi gbale jiske Pilatoge, Pilato kwian nga Romamu ama kwian nga Judeamu chugagwalla.
24209	MAT 27:11	Jesu dbajo chke kwian nga Judeamu chugagwalla Pilato ngwadige, Pilato geru kadu Jesuge: —¿Ba kwian israelita ulita chugagwalla kweri? Jesu jaindunga Pilato kalen: —Ima, cha amaña ba kle gerule kare.
24210	MAT 27:12	Jesu gerudu ene gire kwian gerunga Chube ole daba alin chugagwalla ulita kaire kwian israelita chugagwalla juma ulita me chegu ta chuge Jesu gbe jiske Pilatoge ama ulita gerudu tanre me no Jesu giti, agwa Jesu chegu kamne kwian ulita keruchuge alin.
24211	MAT 27:13	Gire Pilato geru kadu Jesuge: —Kwian ulita kle ba gbe jiske, ¿ba me kle ama ulita keruchuge gerule ba dollale? ¿Mineade ba me gerule mo giti?
24212	MAT 27:14	Agwa Jesu ni gerudu gbaite, Jesu chegu kamne me jaindunga dale kwian ulita kalen kaire Pilato kalen, malen Pilato chegu tañachuge tanre Jesu giti mineade Jesu me kle gerule mo giti ni sidri.
24213	MAT 27:15	Diali Pascua chuiage chura kaire kaire Pilato kwian ageba me no kle skage gweale gdaite skajwanngenga kwian ulita takalin kare.
24215	MAT 27:17	Kwian nglea ulita kledu mo litaba Pilatodi Jesu giti, Pilato geru kadu amage: —¿Ba ulita takalin cha chema skajwanngenga, cha Barrabás skajwanngenga o cha Jesu amaña kada Cristo skajwanngenga?
24216	MAT 27:18	Pilatoge uñadu ulita trate kwian israelita chugagwalla ulita semadu tanre Jesu ole, malen ama ulita Jesu du Pilatoge Jesu gbe jiske gwaleda.
24217	MAT 27:19	Pilato kledu manade toi dba kle lle boi ngwadige gire Pilato muira geru kagu Pilato alin Pilato ta gbagda: “Ba me age me no sidri onbre e ole, ama kwian no ama me jiske. Ngajrege cha gbi chugu tirare ama giti, e giti cha chegu tañachuge tanre chui ulita nege, ma no ba me age ama ole.” Pilato muira geru kagu ene Pilato alin agwa Pilato me geru e talladu.
24218	MAT 27:20	Kwian gerunga Chube ole daba alin chugagwalla ulita kaire kwian israelita chugagwalla juma ulita kwian ulita kledu eni ta gbu chke gerule Pilato ole Barrabás giti Pilato Barrabás skajwanngenga, ene Jesu chege Barrabás taneage gwaleda.
24219	MAT 27:21	Gire Pilato geru kadu nakwaite kwian ulitage: —¿Kwian gdaboke ai bai ba takalin cha skajwanngenga? Kwian ngle ulita jaindunga: —Cha takalin ba Barrabás skajwanngenga.
24220	MAT 27:22	Gire Pilato geru kadu: —Cha Barrabás skajwanngenga, gire ¿cha be age mine Jesu amaña kada Cristo ole? Kwian ulita jaindunga: —¡Ama gwangeda kruge!
24221	MAT 27:23	Pilato gerudu: —¿Mineade ba takalin cha ama gwangeda kruge? Chage suge trate ni ama agedu me no sidri, ¿llema giti ama jiske? Kwian ulita ngautu ma kweri Jesu dollale: —¡Ama gwangeda kruge!
24222	MAT 27:24	Pilato gwagedu kwian ngle ulita kledu skochie ma ngle Pilatodi Jesu giti, ta skochie ene ole kwian ngle ulita ñage mo ta gbe dole tirare, malen sugedu Pilatoge ngwale ama gerule dare kwian ngle ole Jesu giti, kwian mi ta jwlite dale Jesu giti. Gire Pilato chi kadu mo ko gligagda kwian ulita gwa giti, Pilato tañachugu age ene Pilato ñage chege trate Chube gwa giti me chege jiske Jesu giti, Pilato mo ko gligu kwian ngle ulita gwa giti, ama gerudu: —Cha me jiske dale onbre ai giti, bage uñale ba be age mine kaire ama ole, ba be ama gweda, ama jia be chege ba ulita alin me cha alin.
24223	MAT 27:25	Kwian ngle ulita gerudu Pilato kalen: —Chage suge onbre ai jogeda gdale jia mi kle ni kwian gdaite alin, agwa onbre ai jogeda gdale jia ulia kle, e be chege cha alin kaire cha chudalla ulita alin onbre ai gweda gdale.
24224	MAT 27:26	Kwian ngle ulita gerudu ene Pilato ole, gire Pilato Barrabás skajwanngunga. Pilato Jesu batangu ngeru gire Pilato Jesu ketu kwiange kwian ulita takalin kare Jesu gwaleda kruge.
24225	MAT 27:27	Guardia donga Pilato alin Jesu du Pilato ulla kwerige gwa gire eni guardia donga e ngle ulita mo litu Jesudi tangle kidere Jesudi.
24255	MAT 27:57	Jesu jokeda chuia ngabi gire kwian onbre gdaite igi molen tanre kadakle José jo tienda Pilatodi, José una Arimateamu ama Jesu gerua ganga.
24256	MAT 27:58	José jo chke Pilato ngwadi, ama Jesu jaba kadu Pilatoge ogadale. Gire Pilato geru kagu guardia donga alin guardia ñage José chuge ngwadi Jesu jaba jwennga kruge dbe ogadale keugage.
24260	MAT 27:62	Chui nagbietege chui e undege chuiage kwian gerunga Chube ole daba alin chugagwalla ulita kaire kwian fariseo ulita jo tienda Pilatodi,
24261	MAT 27:63	kwian ene ulita gerudu Pilato ole: —Cha chugagwalla, che tachkedale Jesu oña giti, ama songa ngwale, ama kledu gwade gire ama gerudu ama be chkeni gwade chui gbamaige.
24263	MAT 27:65	Pilato jaindunga: —Guardia donga mneite kle e, ba ama ulita dbe keuga ugakalla manade, ba ama ulita gbe ugaka manade no no ta giti, ba me kwian chuge ngwadi skwe boi Jesu jabage.
24264	MAT 27:66	Pilato gerudu ene kwian israelita chugagwalla ulita ole gire kwian e ulita jo kwian guardia donga mneite dbe Jesu ogle ngwadi, keuga ugakalla giti ama lle uda eru gbu, lle uda e sklie kejre ene kwian me ñage keuga ugakalla e jwennga. Ama ulita keuga jegu kejre ene, gire ama guardia donga gbu Jesu jaba ogle ngwadi manadedi, ene kwian mi chie skwe boi Jesu jabage. Kwian israelita chugagwalla agedu ene ulita gire ama ulita joni.
24278	MAT 28:14	Chugagwalla Pilatoge be chke uñale ba ulita chegu gbe gire kigedre Jesu jaba ole, cha ulita be Pilato sko ñe, cha be gerule no trate ama ole ba ulita giti, ene ama mi ba gbe boi daga ngwale Jesu jaba gdale —kwian israelita chugagwalla gerudu ene ulita guardia keuga Jesu jaba ogle ngwadi mananga ole.
24373	MRK 3:16	Kwian Jesu gerua ketanga gdataboko giti gdaboke ama ulita kada ene: Simón (kaire Jesu ama ka gbu Pedro),
24470	MRK 5:37	Jesu gerudu ene Jairo ole, gire Jesu me kwian na chugu ngwadi joge dare ule ama gatedi, agwa Jesu kwian geru jwannga amage kada Pedro kaire Santiago kaire Santiago daballa kada Juan du ule mo ole llagli Jairo ngwadi.
24514	MRK 6:38	Jesu geru kadu kwian geru jwanngage: —¿Ba kle chage pan dbe gdamangire? Joga pan ten pan gdamangire kle. Kwian geru jwannga Jesuge jo pan gdachuge bigire ama geru duni Jesuge pan giti, ama gerudu Jesu ole: —Pan kle gdatigale alin allabi, kaire ngwe kle gdabokle alin allabi.
24574	MRK 8:5	Jesu geru kadu kwian geru jwanngage: —¿Pan gdamangire ba kle chage dbe? Kwian geru jwannga jaindunga Jesu kalen: —Pan gdagukle alin kle.
24577	MRK 8:8	Kwian ngle cuatro mil blidu ulita pan gutu kaire ngwe gutu ulita unchku ama takalin kare. Pan bita ngwe bita cheguda ngle, kwian geru jwannga bligda bita e litu ole, ski kweri gbaguke chku ete bligda bita cheguda ole. Jesu kwian ulita ullu ene gire Jesu gbi jigu bdagli kwiange, kwian kaguni gudeguni.
24598	MRK 8:29	Kwian geru jwannga gerudu ene Jesu ole gire Jesu geru kadu dare ama ulitage: —Kwian na kle gerule ene cha giti, ¿agwa ba gerule mine? ¿Cha chema? Pedro jaindunga Jesu kalen: —Ba Cristo, Chube ba kagu nga dba ai giti kwian kare kwian jwen siere ji chugege agedu me no gdale.
24599	MRK 8:30	Pedro gerudu ene Jesu giti gire Jesu gerudu kwian geru jwannga ulita ole: —Pedro gerudu trate, agwa ba me geru e trageni kwian gdaite na ole, me gerule kwian na ole cha Cristo Chube nu cha kagaba nga dba ai giti —Jesu gerudu ene kwian geru jwannga amage ulita ole.
24601	MRK 8:32	Jesu gerudu trate ene mau giti kwian geru jwannga amage ta gbagda Jesu be boi giti, gire Pedro Jesu du sugekare, Pedro gerudu Jesu ole: —Ba me gerule ene, ba mi boi daga ngwale ene ba kle gerule kare.
24602	MRK 8:33	Jesu jwlituda gdate naskuni gwagedu kwian geru jwannga na ulita ngnagu gire ama ka bo mno Pedro ole: —¡Chegede kamne! Ba kle gerule Satanás kiralla giti ba kle gerule ama takalin kare, ulia ba me kle tañachuge Chube takalin kare ba kle gerule kwian onbre ngwale kle tañachuge kare.
24603	MRK 8:34	Jesu gerudu ene Pedro ole gire Jesu kwian na nglea kadu mo gitigu ule kwian geru jwannga amage ulita ole, Jesu gerudu kwian ulita ole: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale ama me mo talladale. Kwian bai mo ta gbe boi cha giti kwian ene ñage chage cha ole.
24609	MRK 9:2	Chui gbadereke jo tangle gire Jesu jo jwichuga giti bate ngaña, ama kwian geru jwannga amage gdamaire alin allabi du ule, ama Pedro kaire Santiago kaire Juan du ule ama gatedi. Ama ulita jo chke jwichuga giti kwian na me kle ngwadi, gire Jesu jegwale jwlitedu ulita kwian geru jwannga gdamai e gwa giti.
24612	MRK 9:5	Pedro gwagedu ene Moisédi Elíadi geru trage Jesu ole, gire Pedro gerudu Jesu ole: —Cha tkanga tangle geruge, nga suga noare chadi che ulita chku aini. Cha be u soli gbe aini gbamai toingwa sugetidale, u gbaite ba alin, u gbaite Moisés alin, u gbaite Elías alin —Pedro gerudu ene Jesu ole.
24613	MRK 9:6	Ulia kwian geru jwannga Jesuge kendunga tanre ama kle gwage giti me sugedu amage kle boi mine gire me chku uñale Pedroge ama gerudale mine.
24614	MRK 9:7	Pedro kledu gerule ene Jesu ole gire bogakwa jutre chra gwadetranga chku blikare ama ulita giti, ama ulita chegu bogakwaske gire bogakwaske Chube kerua sugedu ama ologe gerule: “Ai cha Kirolla, cha no no ama ole. Ba ulita ama keruchugadale no, ba mo ta gbadale ama kerua gbe gdadi no diali.”
24685	MRK 10:28	Gire Pedro gerudu Jesu ole: —Cha ulita geru jwannga bage kle chage ba ole diali geru jwen bage, cha ulita lle ulita chanu nga dba ai giti chugu ngwadi gire cha ulita mo ta gbu chage diali ba ole baini kaire ba kle joge ngwadi, cha ulita agedu ulita ba gerudu kare onbre lle molen tanre ole.