23293	MAT 4:15	“Sebulona tanona yo Napatali tanona, tanodiyao udiyedi keda ye dobi gabwa, tano Galili Gabwana dedekanaena, Yolidani sagasagana hali tanakawasina, Galili tanona dagela tamowaidiyao yodi kabamiya; tano ta tamowaidiyao yodi wasa ya hedehededei ede teina:
23348	MAT 5:45	Teina laulau ta unai kabo kwa hemala tamamiu galewa ne unai natunao mamohoidi, matawuwuna ede mahana ye hesina tamowai yabayababadi yo tamowai namwanamwadi udiyedi; yo hinage nabu ye hetalu tamowai dudulaidi yo tamowai baꞌayadi udiyedi.
23376	MAT 6:25	Unai ya hededelaowa kalimiuyena: Tabu kwa nuwanuwatukalili yomi mauli hesabana, bena saha kabo kwa kai yo kwa numa; yo taumiu ta hesabana, saha kabo kwa likwa. Mauli ye saekalili na kabo kai, yo taumiu ta ye saekalili na kabo kaleko!
23627	MAT 13:19	Kaiteyadi galewa hedehededena ta se lapui na nige se nuwatulobai, kabo tauyababa ye laoma na saha namwanamwana nuwadiyena wa ye haigabaedi; siya meta doha like se hesuhesulu na hekadi se beku kedaena na manuwa se laoma ede se kaidi.
26201	JHN 3:12	Tanoubu ginaulidi ya hedehededeidi kalimiuwai, na nige kwa kawamamohoiyegau; na idohagi kabo kwa kawamamohoiyeigau taba galewa ginaulidi ya hedehededeidi?
26715	JHN 13:16	Ya hededemamohoi kalimiuwai: Heyayai tauhaina nige ye saekalili na kabo kana tanuwaga; yo wasa taulaena nige ye saekalili na kabo tauhetamalina.
27228	ACT 7:43	Moleki yona kabatabaꞌohu kwa lausini, yo yomi yaubada Lepani yona kipwala hinage; meta koitau kwa bom kwa ginaulidi bena kwa tabaꞌohu udiyedi. Unai kabo ya hetamaligomiu kwa lau Babeloniya unai kabo kwa miya.’
27540	ACT 15:29	Tabu koitau kaitalasamdi kaidiyao kwa kaikaidi; tabu suisui kwasinadiyao kwa numanumadi; tabu suisui gadona se sipwakiki na ye mwaloi kwa kaikai; yo tabu kwa ganaganawali. Taba laugagayo ta kwa miyawatanidi meta ye namwa. Kaiyoni.”
27698	ACT 20:4	Paulo maiyana taukadau, siya ede teina: Sopatelo meta Pilusi natuna, iya Beleya tamowaina; Alistakasi yo Sikandas Tesalonika tamowaidiyao; Timoti; Gaiyasi Debi tamowaina; yo Tikikasi yo Tolopimasi siya teha Eisiya tamowaidiyao.
28973	2CO 6:7	hededehemasalaha mamohoidiyao udiyedi, Yaubada yona gigibwali unai, yoma iyala gogodiyao nima kahatu yo seuseulimai ne udiyedi, siya ede yoma miyamiya dudulaidi;
29542	COL 1:10	Yoma tapwalolo ta kaniyona ede bena yomi mauli miyamiyana maudoina kwa miyahedudulai Guiyau yona kitahenamwa unai, na iya nuwana kwa henamwa yomi laulau udoiꞌudoi udiyedi, kana kao ede doha teina: Yomi paisowa namwanamwadi udiyedi bena kaniyodiyao se tubu, yo Yaubada nuwatulobaina kalimiuyena bena ye laki ye lau;
29543	COL 1:11	Yaubada yona gigibwali saesaena unai bena ye hebayaogomiu na kwa nuwabayao yo nuwamiu se talu; na ma gwaugwauyalamiu
29905	2TI 2:11	Teina ta meta hedehedede mamohoina: “Ena iya maiyada ta boita, meta kabo maiyada ta maulikesega;
29906	2TI 2:12	ena ta tolotahitahi, kabo maiyada ta loinakesega. Ena ta uhalaei, meta iya kabo hinage ye uhalaeida;
30102	HEB 5:5	Unai Keliso hinage nige ye bom ye hesaeꞌuyoi na ye hemala taukaitalasam saesaena, na Yaubada iya ye toleisini na ye wane, “Kowa yau natugu; mayadai ta unai ya hemala tamam.”
30159	HEB 7:28	Tamowai se basabasakalili, na iyamo laugagayo debanawai se hemala taukaitalasam saesaedi; na laugagayo mulinawai hededekaigwala ye laoma, na unai Yaubada Natuna ye kaisunuwai ye hemala taukaitalasam saesaena. Yaubada iya ye tolehedudulaimamohoiyei ye lau ee nige kana siga.
30238	HEB 10:38	Na yogu tamowai dudulaina sunuma debanaena kabo ye miya; na ena ye mulisigisigi yau taba nige nuwagu ye namwa kalinawai.”
30268	HEB 11:29	Sunuma debanawai Isalaela tamowaidiyao Gabwa Pulupululuna unai se kawasi kana kao doha tano pitapitalina; na huyana Aikupito tamowaidiyao se kaipate bena se hemuliwatanidi ede siya maudoidi se yoli.
30276	HEB 11:37	Hekadi se hekalawekudi; hekadi sowala udiyedi se boliduwaduwalidi, hekadi kelepa udiyedi se unuhemwaloidi. Na teina tamowaidiyao ta meta se dehakalili, ede mamoe yo gouti dahidi se likwadi na se sae yo se dobi, yo tamowai siya se hekamkamnadi yo se kabihenayaidi.
30305	HEB 12:26	Huyana ye hededelau Isalaela tamowaidiyao udiyedi meta kalinana tanoubu ta ye hetabutabubu; na huya ta yona hededehesunuma meta ye wane, “Kabo ma kesegaꞌuyo tanoubu ta ya hetabutabubu, nige tanoubu ta ye bom na galewa kabo hinage.”
30314	HEB 13:6	Unai gonowada ma nuwabayaoda ta wane, “Guiyau iya tausaguigau ede; nige gonowana ya matausi. Tamowai meta kabo saha se ginauli kaliguwai?”
30551	2PE 1:5	Na ginauli namwanamwadi Yaubada ye lediwa kalimiuyena wa debadiwai ede bena kwa kaipatebayao, bena nige yomi sunuma ye bom mo, na hinage yomi laulau namwanamwadi se masalaha; na nige yomi laulau namwanamwadi se bom mo, na hinage Yaubada yona hineli nuwatulobaina bena ye masalaha.
30552	2PE 1:6	Na nige nuwatulobai ye bom mo ye masalaha, na hinage bena kwa kitaheteteꞌuyoigomiu. Na nige kitaheteteꞌuyo ye bom mo ye masalaha, na hinage yomi sunuma unai bena kwa tolobayao. Na nige tolobayao ye bom mo, na hinage Yaubada yona nuwatu miyawatanina bena kalimiuwai;
30553	2PE 1:7	na nige Yaubada yona nuwatu miyawatanina ye bom mo, na hinage kami kahao gadosisidi ye masalaha kalimiuwai; na nige kami kahao gadosisidi ye bom mo, na hinage tamowai maudoidi gadosisidi.
30717	2JN 1:5	Na sinebada, mayadai ta unai ya kaibwadaigo bena ta haigadogadosisiꞌuyoida. Teina nige laugagayo hauhauna ya kuliyawa kalimyena; laugagayona ne nabada wa unai ta lapuiyako.
30783	REV 1:18	Yau Miyamiyahaina ede; ya boita, na ya mauliꞌuyo yo kabo ya maumauli ye lau ee huya nige kana siga! Yau meta boita yo Hade kadi kii ya kabihekahinidi.
30914	REV 9:6	Mayadaidi ne luwadiyena tamowai kabo boita se wasenei, na iyamo nige gonowana se lobai; se henuwakalili bena se boita, na iyamo boita kabo ye wasabugabaedi.
31074	REV 18:12	Gogodiyao ede teina: Gole, siluba, weku namanamalidi, giniuba matapoudi, yo kaleko sapusapudi namwanamwakalilidi, kaleko pulupululukalilina; yo ginauli udoiꞌudoi kaiwa panena namwanamwakalilina yo aiboli yo kaiwa maisa lakilakidi udiyedi se ginaulidi; yo bolonsi, aeyani yo weku kwaikwailolona hesau hesana mabolo.
31075	REV 18:13	Yo tauda kabahepahepanedi panena namwanamwakalilidi, yo yausi panepanedi udoiꞌudoi, mulamula panepanedi udoiꞌudoi doha inisenisi; yo waina, olibe bunamana, yo pwalawa namwanamwakalilina yo witi, yo bulumakau yo mamoe, yo hosi yo kaliyota, yo heyayai tauhaidi yo tamowai hekadiyo iyala unai se haidi hinage se lokunegabaedi.
31160	REV 22:11	Unai ena kaiteya yababa ye ginaginauli, taba yababa ne ye ginaginauli; kaiteya laulau bikibikidi ye ginaginaulidi, taba laulau bikibikidi ne ye ginaginaulidi; kaiteya miyamiya dudulaidi ye miyamiyaidi, taba miyamiya dudulaidi ne ye miyamiyaidi; yo kaiteya miyamiya tabudi yo aꞌadi ye miyamiyawatanidi, taba miyamiya tabudi yo aꞌadi ne ye miyamiyawatanidi.”