23263	MAT 3:2	“Kwa nuwabui! Matawuwuna Galewa basileiyana ye hanahanaumako!”
23268	MAT 3:7	Kabo Paliseya yo Sadusiya tamowaidiyao gwaudi se laoma Yowane unai babatiso hesabana. Ye kitadi ede ye dilaidi ye wane, “Komiu mwata natunao! Kaiteya ye hededelaowa bena kabo Yaubada yona hekamkamna kwa yabubugabaei?
23269	MAT 3:8	Bena nuwabui kaniyona kwa miyahemasalahadi!
23288	MAT 4:10	Na Yesu ye wane, “Satani, ku tausuwala! Matawuwuna buka tabuna unai ye wane, ‘Guiyau yom Yaubada mo unai ku tabaꞌohu, yo iya ye bom mo ku hedebasae.’”
23337	MAT 5:34	Na yau ya hededelaowa: Tabu ku kaigwala! Tabu galewa hesanaena ku kaikaigwala, matawuwuna galewa meta Yaubada yona kabatuli.
23360	MAT 6:9	Unai taba komiu kwa tapwalolo doha teina: ‘Tamamai galewa ne unai! Kowa hesam ka hededetausaei.
23376	MAT 6:25	Unai ya hededelaowa kalimiuyena: Tabu kwa nuwanuwatukalili yomi mauli hesabana, bena saha kabo kwa kai yo kwa numa; yo taumiu ta hesabana, saha kabo kwa likwa. Mauli ye saekalili na kabo kai, yo taumiu ta ye saekalili na kabo kaleko!
23381	MAT 6:30	Yaubada lagau ne kadi kao ye henamwadi, wau se lala na malaitom meta kabo se wowoya na se gabudi se kalasi. Unai iya gonowana komiu ye hekalekonamwanamwaegomiu. Komiu sunuma gagilidi tamowaidiyao!
23418	MAT 8:4	Kabo Yesu ye hededelau unai ye wane, “Tabu tamowai hesau yona ku hedehedede! Na ku lau, yom kaitalasam ku hai doha Mose yona laugagayo unai ye hededeyako wa na ku bahelaei taukaitalasam unai ku mosei yo hinage ye kitago, unai kabo tamowai se kitalobai meta ku namwanamwako.”
23424	MAT 8:10	Yesu hedehedede wa ye lapuidi meta ye nokokalili. Na ye hededelau tauhemuliwatanina bodana wa udiyedi ye wane, “Ya hededemamohoi kalimiuyena: Isalaela unai nige tamowai hesau ya kita yona sunuma bayabayaona doha teina!
23439	MAT 8:25	Unai yona hekahekatao wa iya se hanoi na se wane, “Guiyau, ku hesaguhaida! Nige bayaona kabo ta yoli!”
23470	MAT 9:22	Na Yesu ye kitabui sinebada wa ye kita ede ye hededelau unai ye wane, “Natugu, nuwam ye bayao! Yom sunuma ta ye henamwanamwago.” Na mahanana ne unai waihiu wa ye namwanamwa.
23472	MAT 9:24	na Yesu ye hededelau udiyedi ye wane, “Kwa pesa! Sinekuku me nige ye boita, na ye keno mo meta.” Na se talawasiyei.
23475	MAT 9:27	Yesu sunago badana yona numa wa ye laugabaei ye laulau na taumatagibugibu labui se tolo na se hemuliwatani na se yogayoga se wane, “Dawida natuna! Ku katekamkamnaegai!”
23512	MAT 10:26	Unai, tabu kwa matausiyedi! Ginauli wadawadamdi maudoidi meta kabo se masalaha, yo nuwanuwatu wadawadamdi maudoidi Yaubada kabo ye tolehemasalahadi.
23520	MAT 10:34	Tabu yomi nuwatu bena ya laoma ta na nuwadaumwali ya ginauli kaiyaulina ta unai. Nige! Na ya laoma ta meta kelepa ya baheiyama.
23547	MAT 11:19	Tau Natuna ye laoma na ye kaikai yo waina ye numanuma, na se wane, ‘Sola kwa kita, ye kaimuyomuyou yo ye numayauyaule! Yo iya takisi tautanotano yo yababa tamowaidiyao kadi kaha!’ Na iyamo sibasiba kabahemamohoina ede tamowai yona laulau unai.”
23549	MAT 11:21	“Ahani mo komiu, Kolasin tamowaidiyao! Ahani mo komiu Betesaida tamowaidiyao! Yababa lakilakina kabo kwa hekalo. Laulau gigigigibwalidi ya ginaulidi kalimiuyena wa, taba ya ginaulidi magai yabayababadi Taiya yo Sidona udiyedi, meta tamowaidiyao kabo se nuwabuiko, na yodi nuwabui ta unai meta kabo kaleko kadi kao doha baiki se luwuidi yo taudi maudoidi se hekahusadi.
23551	MAT 11:23	Na komiu Kapelenauma tamowaidiyao, bena kabo Yaubada ye lausinigomiu kwa sae galewa ne? Taba nige! Kabo kwa dobi kamkamna magaina unai! Laulau gigigigibwalidi ya ginaulidi kalimiuyena wa, taba ya ginaulidi Sodoma unai, meta teina mayadai ta unai kabo Sodoma sola ma miyana.
23560	MAT 12:2	Na Paliseya tamowaidi hekadi se kitadi ede se hededelau Yesu unai se wane, “Ku kita ne! Yom hekahekatao meta Sabati laugagayona se utusi!”
23570	MAT 12:12	Na tamowai meta ye saekalili na kabo mamoe! Unai ye namwa mo taba Sabatiyena laulau namwanamwana ta ginauli.”
23592	MAT 12:34	Komiu meta doha mwata yabayababadi! Idohagi to bena hedehedede namwanamwadi kwa hedededi? Nuwanuwatu saha nuwada ne unai ye mwayau meta kabo kawadaena ta hededegabaedi.
23664	MAT 13:56	Na lounao maudoidi siya ede maiyadao ta miyamiya! Na haedi sonoga ta ye haidi?”
23693	MAT 14:27	Na Yesu ye yogalau udiyedi ye wane, “Kwa nuwabayao! Yau Yesu! Tabu kwa matausi!”
23697	MAT 14:31	Na Yesu nimana ye helelelae na Petelo ye kabihekahini, na ye hededelau unai ye wane, “Yom sunuma taki ye gagili! Idohagi to ku nuwalabulabui?”
23708	MAT 15:6	Kabikabi ta kwa talamyei, na tama yo sina hekasisidi meta nige! Yomi lauhekata ta unai Yaubada yona laugagayo wa kwa tolebasiyeidi na kami kulutubu kabikabidiyao mo kwa miyamiyaidi.
23709	MAT 15:7	Komiu taukailupolupo! Komiu hedehededemiu Aisaiya ye hededenonohaiyako wa meta mamohoi, doha ye wane,
23724	MAT 15:22	Na Kanana waihiuna hesau temenai taumiya ye laoma Yesu unai ye kaibwadalakilaki ye wane, “Guiyau, Dawida natuna, ku katekamkamnaegau! Yaluwa yababana hesau meta ye luwu natugu sinesinekukuna unai na ye hekasiyebwakaliliyei.”
23730	MAT 15:28	Unai Yesu ye hededelau unai ye wane, “Waihiu, yom sunuma meta ye lakikalili! Unai saha ku kaibwadai meta kabo ye masalaha.” Mahanana ne unai waihiu wa natuna sinekuku wa ye namwanamwa.
23751	MAT 16:10	Yo hinage taba pwalawa haligigi-labui wa kwa nuwatuidi! Ya soiyedi boda 4,000 se kai na kadi kaitole kwa tanoi na kwa usagogoi meta bosa hisa?
23758	MAT 16:17	Kabo Yesu ye hededelau unai ye wane, “Simona, Iyona natuna, kowa gonowana ku gwauyala! Teina nuwatu ta meta nige ku bom yom sonoga unai ye laoma, na nuwatu ta meta tamagu galewa ne unai ye hemasalaha kalimwai.
23764	MAT 16:23	Yesu ye kitabui Petelo ye kaikewai na ye hededelau unai ye wane, “Ku tausuwala, kowa Satani! Kowa ku hemala yau yogu kabakalabesibesi. Kowa nige Yaubada yona nuwanuwatu ku nuwatuidi, na tamowai mo yodi nuwanuwatu udiyedi ku nuwanuwatu.”
23786	MAT 17:17	Na Yesu ye hededelau udiyedi ye wane, “Komiu nige yomi sunuma, yo nuwatu namwanamwadi tauheꞌunaꞌunaedi! Kabo ya miyaꞌuyo lohana doha saha kalimiuyena? Kwa kamnayabayababa! Wawaya me kwa baheiyama kaliguwai.”
23806	MAT 18:10	Na kabo Yesu ye hedede ye wane, “Tabu wawaya gagilidiyao kwa kitadobidobiyedi! Ya hededehemasalaha kalimiuyena meta galewa ne unai yodi anelu, siya huya maudoina yodi se kaikaibwada Tamagu unai.
23828	MAT 18:32	Kabo wasawasa wa taukaihagahaga kalinaena tamowaina wa ye yoganeiꞌuyoi na ye hededelau unai ye wane, ‘Kowa tamowai yabayababana! Ku kaibwadalaoma kaliguwai, unai kam hagahaga maudoina ya hededegabaei.
23883	MAT 20:22	Yesu ye hededelau udiyedi ye wane, “Saha kwa kaikaibwadai ta meta nige kabina kwa kata! Kaputi unai kabo ya numa meta gonowamiu kabo unai kwa numa?” Ede se wane, “Kai gonowamai.”
24000	MAT 23:13	Kabo Yesu ye wane, “Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Kabo kamkamna lakilakina kwa hekalo! Tamowai yodi lulau galewa basileiyana meta kwa gudukaliliyei. Komiu taba nige kwa lulau galewa basileiyana, na kaiteyadi se henuwa bena se lusola meta kwa hekahekaiyawasidi.
24002	MAT 23:15	Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Kabo kamkamna lakilakina kwa hekalo! Kwa lau teha maudoina kwa tauhetakikilidi bena tamowai kwa nuwakoidi, na ena hesau ye nuwabui na ye hemala kami kaha hesau, yona laulau kabo se yababakalili na kabo komiu, na iya kabo ye lau kaiwa kalakalasina doha komiu.
24003	MAT 23:16	Ahani mo komiu, tauwoyawoya matagibugibudi! Kwa hedede kwa wane, ‘Ena tamowai hesau ye kaigwala Numa Tabuna ne unai meta yona kaigwala ne nige mamohoina, na ena tamowai hesau ye kaigwala Numa Tabuna golena ne unai meta nige gonowana ye buiꞌuyoi.’
24004	MAT 23:17	Komiu taumatagibugibu yo tamowai yauyaulediyao! Ginauli saha meta ye saekalili, gole ne o Numa Tabuna yona tabu ne debanaena gole ne ye tabu?
24006	MAT 23:19	Komiu tamowai matagibugibudiyao! Kaitalasam gogodiyao kabahetabudi ede kaitalasam kabagabuna. Unai kaitalasam kabagabuna ye saekalili na kabo kaitalasam gogodiyao.
24010	MAT 23:23	Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Laugagayo lakilakidi kwa tolehesuwaladi, na laugagayo gagigagilidi kwa toleisinidi. Doha yomi koya uwaꞌuwadi gagilidiyao udiyedi yomi taiti kwa toledi, na laugagayo nuwanuwatudi lakilakidi nige kwa lauwatanidi, siya ede laulaududulai, katekamkamna, yo sunuma. Taba laugagayo gagilidi ne tabu kwa nuwaluluhiyedi na hinage laugagayo lakilakidi ta bena kwa miyawatanidi.
24011	MAT 23:24	Komiu tauwoyawoya matagibugibudiyao! Kami waila udiyedi nabugala kwa hekonagabaei na iyamo kamela meta kwa tonoli.
24012	MAT 23:25	Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Kami kaputi yo gaeba dageladiyao kwa deulinamwanamwaedi, na kalodiyao ne udiyedi meta mahimahihi yo nuwatuꞌuyo se mwayau.
24013	MAT 23:26	Komiu Paliseya matagibugibudiyao! Kami kaputi yo gaeba kalodiyao ne kwa deulibagunaedi na dageladiyao ne kabo hinage se aꞌa.
24014	MAT 23:27	Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Matawuwuna ede kami kao meta doha bwayabwaya dagelana se deuliheꞌaꞌa na se pokahuheposiposi na iyamo kalona ne unai meta boha yo tauboiboita siliyadi yo ginauli bikibikidi udoiꞌudoi ye mwayau.
24016	MAT 23:29	Ahani mo komiu, Mose yona laugagayo taulauhekataena bodana yo Paliseya bodana, komiu meta taukailupolupo tamowaidiyao! Peloweta bwayabwayadi kwa kabinamwanamwaedi yo hekihekinoidiyao kwa hetolodi, yo laulaududulai tamowaidiyao bwayabwayadi kwa hepasanamwanamwaedi.
24019	MAT 23:32	Taba kulutubumiyao laulau yababadi saha se ginaulitoledi wa kwa lae kwa hegehemolosiyeidi!
24020	MAT 23:33	Komiu mwata yo mwata yabayababadi natudiyao! Idohagi kabo Yaubada yona hekamkamna magaina kwa wasabugabaei?
24030	MAT 24:4	Yesu ye hededebui ye wane, “Kwa kitakitanamwanamwa! Tabu tamowai se lupohaigomiu.
24051	MAT 24:25	Teina ta meta ya hededehesibasibanonohaigomiu, unai kwa lapunamwanamwa!
24085	MAT 25:8	Kabo naganagadiyao wa se hededelau sibasibadiyao udiyedi se wane, ‘Kelesini teuna unai kwa saguigai! Yoma lampa ta bena se boso.’
24103	MAT 25:26	Ede kana tanuwaga wa ye hededelau unai ye wane, ‘Kowa tamowai yababana yo yauyaulekalili! Ku hedede meta kabigu ku kata na haedi nige saha hesau ya kumai meta unai ya kelikeli, yo haedi nige witi likena ya hesulu meta udiyedi kaniyodi ya tanotanogogo?
24107	MAT 25:30	Na ye wane, ‘Teina tamowai ta, iya heyayai tauhaina yababakalilina, kwa gabahepesadobiyei masigili ne unai! Menai kabo ye doudou yo gadigadina ye kapuyahisidi.’”
24111	MAT 25:34	Na kabo wasawasa wa ye hededelau nimatuutuuna tamowaidiyao wa udiyedi ye wane, ‘Kwa laoma, komiu tamagu yona hededehenamwa tamowaidiyao! Huyana sola nige tanoubu ye tubu meta tamagu galewa basileiyana ye ginaulinonohaiyako komiu hesabamiu. Kwa laoma na unai kwa miya.
24188	MAT 26:65	Kabo taukaitalasam saesaena wa ye bom kana kwama ye pulisidi na ye wane, “Teina tamowai ta meta Yaubada ye hededeheyababa! Taba nige tamowai hesau ta waseneiꞌuyoi na bena ye hedehedede teina tamowai ta hesabana. Yona hededeheyababa kwa lapuidiko.
24238	MAT 27:40	“Kowa Numa Tabuna bena ku hetatagwaligwali na mayadai haiyona unai kabo ku kabiꞌuyoi, hage ku saguꞌuyoigo! Ena kowa Yaubada natuna, sataulo ne unai ku pesadobima!”
24240	MAT 27:42	Se wane, “Tamowai hekadiyo ye saguidi na nige gonowana iya ye bom ye saguꞌuyoi. Na ye wane bena iya kita Isalaela yoda wasawasa! Taba sataulo ne unai ye pesadobima kabo ka kawamamohoiyei.
24247	MAT 27:49	Na maudoidi wa se wane, “Ku laugabaei! Hage ta kita kabo Eliya ye laoma ye sagui.”
24269	MAT 28:5	Anelu wa ye hededelau sinesinebadao wa udiyedi ye wane, “Tabu kwa matausi! Kabina ya kata meta Yesu se hesatauloꞌusei wa kwa wasewasenei.
24274	MAT 28:10	Kabo Yesu ye hededelau udiyedi ye wane, “Tabu kwa matausi! Na kwa lau kwa hededelau kagu kahao ne udiyedi na se lau Galili, kabo menai se kitagau.”
24295	MRK 1:11	Na kalina hesau galewa ne unai ye laoma na ye wane, “Kowa natugu! Ya gadosisikaliliyeigo, yo nuwagu ku henamwakaliliyei!”
24311	MRK 1:27	Siya maudoidi se noko na se henahenamaiꞌuyoidi se wane, “Teina ta saha? Teina ta meta lauhekata hauhauna yo ma gigibwalina! Ye hededelau yaluwa bikibikidi udiyedi, na se kawakabiyei!”
24336	MRK 2:7	“Tamowai ne tabu tenem doha ye hedehedede! Yaubada ye hededeheyaheyababa! Yaubada ye bom mo gonowana yababa ye nuwatugabaedi!”
24348	MRK 2:19	Yesu ye henamaiyedi ye wane, “Huyana tautawasolahauhau ma kana taumanao se miyamiya, kabo se kaihudi e nige? Nige! Huyana ne unai taba nige se kaihudi.
24353	MRK 2:24	Kabo Paliseya tamowaidi se hededelau Yesu unai se wane, “Ku kita ne! Idohagi to mayadai Sabati laugagayona se utusi?”
24379	MRK 3:22	Laugagayo taulauhekataena hekadi Yelusalema unai se dobima se wane, “Belesebulu iya ye tanuwagai! Yaluwa yabayababadi ye hededehepesadi yodi wasawasa yona gigibwaliyena.”
24391	MRK 3:34	Tamowai iya se tulihetakikili wa ye kaikewaidi na ye wane, “Sinagu yo kagu kahao ede teina!
24395	MRK 4:3	“Kwa lapulapui! Huya hesau, tamowai hesau ye lau yona koya bena witi likena tumadiyao ye hesuludi.
24413	MRK 4:21	Na Yesu yona hedehedede ye tubei ye wane, “Taba lampa ta gabu, kabo gulewa unai ta buikasini o kabakeno guninaena ta tole? Nige! Ta tolesae kabatolena unai!
24415	MRK 4:23	Kaiteya beyana unai ye lapui bena ye lapunamwanamwaei! Kaiteyadi gonowana se lapulapui bena se lapulapuinamwanamwa!”
24468	MRK 5:35	Yesu sola ma hedehededena na sunago badana Yailo yona numa unai tamowai hekadi se laoma na se hededelau iya unai se wane, “Natum waihiu wa meta ye boitako! Taulauhekata me tabu ku hemohemode.”
24526	MRK 6:50	matawuwuna se matausikalili. Na ye hededelau udiyedi ye wane, “Kwa nuwabayao! Yau Yesu! Tabu kwa matausi!”
24541	MRK 7:9	Na kabo ye wane, “Komiu laugagayo tolebuina unai kwa katakalili! Yaubada yona laugagayo kwa tolehesuwala na komiu kami kulutubu kabikabidiyao mo kwa lauwatanidi.
24560	MRK 7:28	Waihiu wa ye hededebui ye wane, “Guiyau, mamohoi! Na iyamo wawayao saha se kaidi na mapuladi se bekudobi hatahata gunina ne unai meta kedewa kabo se kaidi.”
24584	MRK 8:15	Yesu ye guguyaidi ye wane, “Kwa nanabu! Tabu Paliseya yo Heloda yodi yisti udiyedi se lupohaigomiu!”
24587	MRK 8:18	Idohagi to matamiu udiyedi nige kwa kita yo beyamiu udiyedi nige kwa lapui? Taba saha ye tubutubu wa kwa nuwatui!
24626	MRK 9:19	Na kabo Yesu ye hededelau udiyedi ye wane, “Komiu isi ta, nige yomi sunuma! Kabo ya miyaꞌuyo lohana doha saha kalimiuyena? Kwa kamnayabayababa! Wawaya me kwa baheiyama kaliguwai.”
24631	MRK 9:24	Na gama wa tamana ma kalinalakilakina ye hededebui ye wane, “Ya kawamamohoiyego! Na yogu sunuma gagilina ta unai ku saguigau.”
24657	MRK 9:50	Kalita meta ye namwa, na taba ye tomatoma, kabo idohagi na ye kalitaꞌuyo? Nige gonowana! Taba kalita kalimiuwai yo kwa hainuwakesega na kwa miya.”
24690	MRK 10:33	ye wane, “Kwa lapulapuinamwanamwa! Teina ta saesae Yelusalema. Na temenai taukaitalasam tauwoyaidi yo laugagayo taulauhekataena udiyedi kabo tamowai hesau Tau Natuna kana ye walohai. Kabo se koitalaliu na se hekasa bena se unui, na kabo se moselaei dagela tamowaidiyao kalidiwai.
24706	MRK 10:49	Ede Yesu ye talutolo na ye hededelau yona hekahekatao wa udiyedi ye wane, “Tamowai ne kwa yoganeiyama.” Ede se yogalau unai se wane, “Nuwam ye talu na ku tolo! Yesu ye yoganeigo!”
24730	MRK 11:21	Saha ye tubu wa Petelo nuwana ne unai ye sae ede ye hededelau Yesu unai ye wane, “Tanuwaga, ku kitalau! Lahi kaiwa wa ku kawagulaiyei wa ye pogi.”
24771	MRK 12:29	Yesu ye wane, “Teina laugagayo saesaekalilina ede: ‘Isalaela tamowaidi, kwa lapulapui! Guiyau yoda Yaubada, iya Guiyau kesega mo.
24791	MRK 13:5	Yesu ye wane, “Kwa kitakitanamwanamwa! Tabu tamowai se lupohaigomiu.
24795	MRK 13:9	Komiu kwa kitakitanamwanamwaegomiu! Tamowai kabo se laegomiu kabalaulauhetala udiyedi, yo sunago kalodi udiyedi kabo se pidiligomiu. Yau debaguwai kabo se woyalaegomiu kwa tolo tamowai lakilakidiyao yo wasawasa matadiyena, na bena kabo kwa hededehemasalahagau siya kalidiwai.
24800	MRK 13:14	Na kabo Yesu ye wane, “Ginauli hesau nuwamatamatausina, iya magai tauheyababana, kabo kwa kita ye totolo nige yona kabatolo mamohoina unai – kulikuli ta tauhasilina bena ye nuwatulobai! Huyana ne unai Yudeya unai taumiya taba se wasabu se lau kuduli udiyedi se kenowadam.
24803	MRK 13:17	Tenem huyana ne udiyedi taudiyadiyaka yo sinesineo labalabahauhaudi ya katekamkamnaedi matawuwuna kabo yodi pilipili se lakikalili!
24807	MRK 13:21	Tenem huyana ne unai, ena tamowai hesau ye hededelaowa kalimiuwai ye wane, ‘Kwa kaikewa te! Keliso ede teinai!’, o ‘Kwa kaikewa ne! Keliso ede temenai!’, yona hedehedede ne tabu kwa kawakawamamohoiyeidi.
24809	MRK 13:23	Unai kwa kitakitanamwanamwa! Ginauli maudoidi ta ya hededenonohaidiko kalimiuwai, unai kwa lapunamwanamwa!”
24816	MRK 13:30	Ya hededemamohoi! Teina isi ta taba nige ye gehe ye lau ee teina ginauli maudoidi ta se tubu.
24829	MRK 14:6	Na Yesu ye wane, “Waihiu me kwa kitagabae! Ye saha to kwa kitaheyababa? Iya laulau namwanamwana ye ginauli kaliguwai.
24841	MRK 14:18	Siya sola ma kaikaidi na Yesu ye hededelau udiyedi ye wane, “Ya hededemamohoi kalimiuwai! Luwamiu ta unai hesau maiyagu ka kaikaikesega, iya kabo kagu ye walohai.”
24845	MRK 14:22	Sola ma kaikaidi na Yesu pwalawa ye hai, Yaubada ye lautokiyei, na kabo pwalawa wa ye kihi na ye mosedi yona hekahekatao kalidiwai na ye wane, “Kwa hai na kwa kai! Teina ta yau taugu.”
24853	MRK 14:30	Yesu ye hededelau unai ye wane, “Ya hededemamohoi! Teina boniyai ta unai kabo ku uhalaegau ma haiyona, na kabo pwaole hakiyana ye dou helabuina.”
24864	MRK 14:41	Na hehaiyonana unai Yesu ye uyoma na ye hededelau udiyedi ye wane, “Komiu sola kwa kenokeno yo kwa kaikaiyawasi? Nabada! Mahana ye lageko! Tau Natuna kana tauwalohai kabo iya ye mosegabaei yababa tamowaidiyao nimadiyena.
24865	MRK 14:42	Kwa tolo na ta lau! Kagu tauwalohai meta ye lageko.”
24886	MRK 14:63	Kabo taukaitalasam saesaena wa ye bom kana kwama ye pulisiꞌuyoi na ye wane, “Taba nige tamowai hesau ta waseneiꞌuyoi na bena ye hedehedede teina tamowai ta hesabana!
24924	MRK 15:29	Keda unai tamowai se sae yo se dobi na se hagahagasiyei yo se kulukulukwadei na se wane, “Kamokisa! Kowa bena Numa Tabuna tausokegwaligwalina, na mayadai haiyona unai kabo ku hetoloꞌuyoi wa!
24926	MRK 15:31	Yo hinage taukaitalasam tauwoyaidi yo laugagayo taulauhekataena iya se talatalawasiyei se wane, “Tamowai hekadi ye saguidi, na nige gonowana ye bom ye saguꞌuyoi!