23360	MAT 6:9	Má ngoro minái á worwor gama utngi i pákánbung ngo gama sung: Kák gim imi bát, gim nem ngo matananu no da para aposoi ngo ngisam a pilpil má dák rumrum on.
23488	MAT 10:2	Má ngis di á sángul mai aru á bos apostolo er si Iesu a ngoromin: turpasi tili Saimon, kesá ngisán mul ái Petero; mái Enru tuán; mái Iakobo diar tuán ái Ioanes, aru natun ái Sebedaio;
23721	MAT 15:19	Til ami hol kán kálámul a so i tan sápkin tatalen ngoromin: hol sáksák, up bingi kálámul, bop mai wák káián lite, araturán sáksák, siksikip, angagur uri kes, má para bengtai kálámul.
23849	MAT 19:18	Má kálámul er a gálta Iesu ngo, “Boh nagogon ngádáh?” Io, mái Iesu a kosoi ngo, “Tan nagogon ngoromin: koion una up bingi tekesi kálámul, má koion una longoi sápkin mai wák káián lite kálámul, má koion una siksikip, má koion una poklah pasi angagur uri tekesá kálámul,
24373	MRK 3:16	Mái Iesu a ilwa pasi sángul mai aru ngoromin: turpasi tili Saimon, kesá ngisán mul ái Petero;
24535	MRK 7:3	Kabin di á bos Parisaio má matananu á Iudáiá no di mur i arabitbit kán rang támin i di ngoromin: kápdite lu namnam ngo kápdite ililim táil ngorer i kandi tatalen.
24553	MRK 7:21	Kabin tilami hol kán kálámul a so i tan sápkin tatalen ngoromin: hol sáksák, araturán sáksák, siksikip, up bingi kálámul,
25228	LUK 6:13	Má ngo ákte arasa má, a kilkilai rung di lu murmur on uri narsán sang má a ilwa pasi sángul mai aru tili di uri kán kalilik án aratintin, má ngorer a utung di mai tan apostolo mul. Má minái á ngis di á sángul mai aru á kalik án aratintin:
26208	JHN 3:19	Ngoromin á sálán nagogon a oboi ái Káláu uri matananu: talas ákte hut uri naul matmatngan pokon suri atalsai tatalen kán matananu, ái sár matananu di lala nem i kuron má di matai talas, kabin kandi tatalen a sápkin.
26365	JHN 6:39	Má nemnem si Koner a tarwa iau a ngoromin: káp ina te pánpánwai tekes tili di er ái Kakang a tari singing, má di no ina aliu pas di uri liu i arahrahi bung.
26366	JHN 6:40	Má táit a nem on ái Kakang a ngoromin: ngo ái sinih a mák tus Natun mák ruruna on, ái na otoi liu muswan er a kis áklis. Mái rung er ina aliu pas di uri liu i arahrahi bung.”
26733	JHN 13:34	Má inái iau tari hutngin arardos si gam ngoromin: gama armámna arliu i gam. Ngorer iakte longoi er iau mámna gam, ki gam bul gama longoi arliu i gam sang keskeskes.
26780	JHN 15:12	“Má kak arardos a ngoromin: gama armámna arliu i gam ngorer iau longoi narsá gam.
26785	JHN 15:17	Má ngoromin á kak arardos uri narsá gam: gama armámna arliu i gam.”
26831	JHN 17:3	Má sálán matngan liu ngorer a ngoromin sár: da mánán i iáu, iáu masik sár á Káláu muswan, má da mánán mul i Iesu Karisito, koner ukte tarwai.
26919	JHN 19:25	Mái rung di sámtur pátmi kán kubau kus ái Iesu, ngis di minái: ái mámán sang ái Iesu, mái tuán lik, mái Maria kán wák ái Kilopas, mái Maria til Magadalene,
26969	JHN 21:2	Tan kalilik án aratintin er dikte hut talum iatung i risán dan taliu, má di tara hit ngoromin: ái Saimon Petero, mái Tomas koner di utngi mul mai Lulu, mái Nataniel (koner tili malar á Kana i balis á Galiláiá), má aru natun ái Sebedaio, má aru mul á kalik.
27005	ACT 1:13	Má ngo dikte purut á Ierusalem, dik tapam uramuni rum er di lu kis án asir on. Má ngis di ái rung er a ngoromin: ái Petero, mái Ioanes, mái Iakobo, mái Enru, mái Pilip, mái Tomas, mái Batolomi, mái Mataio, mái Iakobo natun ái Alpius, mái Iudas natun ái Iakop, mái Saimon (ái á kes tili di ái rung di nem ngo Israel na tur masik alari nagogon til Rom).
27277	ACT 8:32	Má pokon páp tili Buk Tabu a wásái a ngoromin: “Kálámul minái a ngoro sipsip di lam pasi suri tah kusi án pogong. A ngorer mul i gengen sipsip kápate long noi ngat i pákánbung di lam pasi suri kumur palai nihun. Kápte kesá kuir worwor a so tili ngudun.
27432	ACT 13:1	I katbán boh tám ruruna i malar á Antiok, te dikte kipi him án tám arbin mai lain arbin, má te di lu atintini bos tám ruruna suri matngan liu ngádáh da mur on. Má ngis di ái rung minái a ngoromin: ái Banabas mái Saulo, ái Simion kesá ngisán mul ái Niár, mái Lusius til Sairini, mái Manain, kálámul min diar kalik tiklik ái Erodes, koner a kátlán tungu.
27534	ACT 15:23	Ki dik le i kesi pákán ram má dik tari si di. Má pákán ram erei di le on a ngoromin: “Gim á bos apostolo má tan tátáil tili katbán bos tám ruruna til main i malar á Ierusalem, gim á rang buh gam i Karisito, gim tarwai pákán ram minái ur main narsá gam ái rung tili risán gam ruruna main i bimán rum á Antiok má i aru balis á Siria má Silisia. Gim nas pas gam.
27698	ACT 20:4	Má boh kálámul minái di tiklik mam Paulo a ngoromin: ái Sopater natun ái Pirus tili malar á Beria; má aru kakun Tesolonika ái Aristakus mái Sekudus; mái Gaius kakun Debi; mái Tikikus diar ái Toropimus, aru kálámul tili balis á Esiá; mái Timoteo mul.
27757	ACT 21:25	“Mái sár ái rung tili risán dikte ruruna, gimáte tarwa palai pákán ram má para talsai si di ngo kángim sormángát a ngoromin: koion da ani namnam tan lite dikte artabar mai uri narsán tan angagur án káláu, má koion da nginmi dárán ololas ngo da ani pinsán ololas di bingi mák mon i dár on, má koion da mur i tatalen án ararit siari. Tan tatalen minái da elah alar noi má koion da káu on.”
27827	ACT 23:25	Má pakpakta a le palai kesi pákán ram suri da kipi ur si Pelik, má worwor er a parai ngoromin:
28123	ROM 5:8	Ái sár ái Káláu a inngas tari kán armámna uri narsá git ngoromin: i pákánbung kángit tu abulbul be, ái Karisito a mat sur git.
28503	1CO 4:2	Má suri tám him, támin táit na longoi narsán kán kálámul pakta a ngoromin: na muswan suri kán tan him no.
28544	1CO 6:9	Má a támin sang á minái, ngo rung kándi ninas a mur i sápkin sál, kápte da kusak uri lolsit si Káláu ami bát. Koion gama agur tar gam. Ái rung di lu longoi sápkin, kápdate kusak uri narsán ái Káláu. Matngan kálámul erei kápnate kusak a lu longoi sápkin tatalen ngoromin: a lu ararit mai wák kápte ngo kán wák, ngo a lu lotu uri narsán tan angagur án káláu, ngo kálámul a lu bop mai wák káián lite ngo wák a lu bop mai kálámul kápte ngo kán pup, ngo a lu hom sáksák káláu mai káláu má wák mai wák,
28666	1CO 10:31	Áá, a támin er, ái sár una tángni turam sár má koion una ani á namnam erei. Má minái á kak áwáwat i worwor narsá gam suri matngan namnam er: i bung gam namnam ngo ngin má ngo matngan dánih mul gam longoi, gama inngas Káláu i ninsi gam suri matananu da mákái ninsin i gam má dák para agas Káláu.
28730	1CO 12:28	Má ngorer á gam, ái Káláu ákte tulsa gam suri gama him i katbán i kán matananu. Ngorer ái Káláu ák tulsai tan pakpakta án lotu ngoromin: mulán tan apostolo, má áruán bos tám arbin, má átuil bos tám aratintin mai pinpidan. Ki ák tulsai mul i tan tám artangan ngoromin: kálámul a lu longoi akiláng, má kálámul a lu aliu pasi sasam, má kálámul a lu tangan pasi lite, mái koner a lu mánán i táilnai him, mái koner a arwat suri worwor mai wor kápate aratintin on.
28996	2CO 7:12	Pákánbung iau le ur si gam, iau le i rakrakai án worwor. A támin ngo iau le sur koner a longoi sápkin má sur koner mul a kipi taun tili sápkin er, mái sár ái kápate lala támin táit on á kak pákán ram erei. Lain táit a tapam hut til on á kak pákán ram a ngoromin: gamáte mák ilmi i mátán táil ái Káláu ngo gam lala rakrakai suri tur tiklik mam gim.
29085	2CO 11:28	Káp ina te utung pas noi bos táit iau arsuar mai, má ina tu utung pasi sár i kesá támin táit iau lu áslai i bosbos bung. Má táit er a ngoromin: iau lu lala konngek suri tan tám ruruna no.
29243	GAL 5:14	Gama longoi ngorer kabin bos nagogon no si Káláu, a tikbut tili kes sár á nagogon ngoromin: “Una mámna turam ngorer u mámna kalengna iáu sang.”
29248	GAL 5:19	A talas muswan sang á táit a lu longoi á nemnem án kápán páplun. A ngoromin: longoi sápkin mai wák kán lite, má durwán hol a talkai kálámul suri longoi sápkin mai wák, má sursur suri longoi sápkin,
29251	GAL 5:22	Ái sár ngo gita mur i nemnem káián Tanián, ki minái á tan wán Tanián kángit liu na kip auti: tatalen án armámna, má gas i bál, má matau imi bál, má kis pau, má artangan mai armámna, má longoi lain tatalen ur singin lite, má muswan suri kán talar,
29350	EPH 4:11	Mái Karisito a tari toltolom artabar singin kán matananu ngoromin: a tulsai him án apostolo singin te, má te a tulsai si di á him án mánán tusi midán ái Káláu má parai singin kálámul, má te sang, a tari si di á him án arbin talas mai lain arbin, má te a tari si di á him án ololoh i boh tám ruruna, má singin te a tulsai him án tari aratintin narsán matananu si Káláu.
29460	PHP 2:2	Má ngorer iau sung gam ngo gama apakta i kak gasgas ngoromin: na tukes á kamu holhol sang. Ngorer kamu armámna arliu na tukesi matngan, má na kepwen i kamu hol, má kamu sorsormángát suri kesá táit na tukes on.
29496	PHP 3:8	Bos táit erei iau tánlak alari, matananu tili naul bim di mák apakta pasi. Ái sár uri matang á iau, a tu táit bia sár. Iak nánwá pasi sang ngo táit a lala támin a ngoromin: ngo ina mánán muswan i Iesu Karisito kang Konom. Kápte kes mul á táit a kuluk sorliu suri ina mánán i Iesu Karisito. Má kabin i Karisito, kápte mul iau ruruna i tan táit er ngo na anokwa pas iau, kápte. Iau mák agengen on sár ngorer i kálámul a kuh talmi tan hom sara mák buswa palai. Á iau iakte sak talmi tan táit erei má iakte buswa palai má, suri ina buhán ái Karisito
29498	PHP 3:10	Má kak lala nemnem a ngoromin: ngo ina mánán i Karisito, ngorer ina áslai kán rakrakai er a salaptur kalengnai tili minat, má ina áslai mul i matngan rangrangas er a áslai má ina han mat keleh ngoro ái sang.
29504	PHP 3:16	Mái sár lala támin táit ur on a ngoromin: a kuluk ngo onin gita top páptai má giták tin murwai iamunang dánih ái Káláu ákte inngas tari si git.
29559	COL 1:27	Má ur si di, ái Káláu a nem ngo na inngasi kán holhol taru a punpunam tungu, má ái á táit a tuan alal sang a duk i gam á boh matananu tili risán mul. Má a ngoromin: ái Karisito na mon pagas i gam. Má ái erei i gam má! Áá, ákte mon pagas i gam kabin gam ruruna on, má ngorer gam mánán páksi ngo gama kis tiklik mam Káláu ami bát.
29592	COL 3:8	Ái sár onin, gama gagas palai tan sápkin tatalen ngoromin: togor, bál mos melek, nemnem suri long bengtai turán, ot bilingnai kálámul, sangnán worwor tili ngus gam,
29751	2TH 3:6	Rang buhang, gim dos i gam i ngisán ái kángit Konom Iesu Karisito ngoromin: gama kaplah alari bos tám ruruna di lu bibialol sár. Ái rung erei kápdite lu mur arwat pasi tan aratintin gimáte tari si gam.
29767	1TI 1:4	má koion da omlawai kándi pákánbung mai pukpuksa tora uri rang kámpup di til hirá. Ngo di aratintin mai matngan ngorer, tan kálámul kándi tu arpua arliu i di sár suri, má kápte di kákir suri mánán i támin aratintin si Káláu. Má támin aratintin erei a ngoromin: ngo ái Káláu na saras pas di sang ngo da ruruna i Iesu Karisito sár.
29778	1TI 1:15	Má worwor minái a támin muswan má gita ruruna on sang: ái Iesu Karisito a sosih ur main i naul bim suri sáras pasi tan tám sápkin. Má iau á kes tili di á tan tám sápkin iau sák taladeng,
29788	1TI 2:5	Ngoromin á aratintin muswan: tukesá kepwen Káláu, má a kes sár á kálámul a tur i katbán i Káláu má matananu, wa Iesu Karisito sang!
29814	1TI 3:16	A támin muswan á midán ái Káláu sur Karisito er a tur punpunam tungu. A lala támin táit má gitá sak mai ngoromin: A tar kápán páplun má áng kálámul má. Tanián a Pilpil a apos tari ngo ái á kálámul a tám nokwan. Tan angelo di mákái. Bos kálámul di arbin suri i naul matmatngan pokon. Matananu main i naul bim di ruruna on. Má ái Káláu a long pasi urami kán kiskis a tuan alal imi bát.
29866	1TI 6:11	Mái sár á iáu una lu táu alari tan ngorer kabin á iáu táir ái Káláu. Áá, una táu alari tan tatalen er, má una tiptipar namurwai bos lain tatalen minái: na nokwan i ninsim, má una tar kunlai kam liu uri narsán ái Káláu, má una lu ruruna on, má una mámnai tan kálámul, má una arabálbál mai matananu, má koion una puplir.
29922	2TI 3:2	Má marán kálámul da lu longoi bos sápkin ngoro minái: da lu mámna kalengna di masik sang, má da lu lala kákir suri pirán tabal, má da lu butbut mai kándi minsik, má da lu hol apakta pas di sár, má da lu ot bilingnai rung di hol agengen i di, má kápte da tini longra pasi rang mám di má rang kák di. Ngo una tabar di mam te táit, kápte di tini ot kuluk suri, má káp kándi te rumrum uri narsá Káláu.
30027	PHM 1:22	Má kesi táit mul, una eran i tekesi rum kabin iau hol on ngo tekesá bung ina han uri narsá gam má ina kis tiklik mam gam kabin ngo gam sung áklis sur iau. Ngorer wán á kamu sung sur iau a ngoromin: ái Káláu na lam iau suri ina kis tiklik mam gam.
30091	HEB 4:10	I pákánbung ái Káláu a arahi kán him án akaksim má ákte eran páksi tan táit a nem on, a ekesi aunges má alari kán him er má a gas i bál suri. Má a ngorer mul sur git. Ngo gitáte ilwa pasi sál git nem i mur on, ngorer i sál si Káláu, ki gita eran mai him ngoromin: gita katkatang i kángit ruruna má gita mur muswan i Káláu, má ngorer kángit him erei ákte rah má gita aunges, ki matau na kis i bál git.
30098	HEB 5:1	Tám osmapak táil, ái Káláu a ilwa pasi tili katbán matananu suri na him i arliwán i Káláu má matananu, má nák tur sur di i mátán ái Káláu. Má kán talar a lu longoi a ngoromin: a lu artabar uri narsán ái Káláu mák ot kuluk suri kán artangan, má a lu tari osmapak mul suri ái Káláu kápnate oboi rangrangas singin matananu suri kándi sápkin tatalen.
30112	HEB 6:1	Io, má ngorer koion gita goion kalik, má koion gita lu balbal aratintin masik mai tan mulán worwor sur Karisito ngoro minái: hol kaleng alari tan sápkin a lu lam git uri nagogon án minat, má ruruna uri kán him ái Karisito er a hul aliu pas git, má aratintin uri arsiu, má oboi lim git i kálámul suri arakrakai on, má aptur kaleng alari minat, má aratintin suri pákánbung ái Káláu na nagogon palai tan tám abulbul. Tan táit erei a kuluk, mái sár ngo gita balbal parai tan táit er, ki kápte gita han sorliu suri gitáng kaukak má namur giták matkán kálámul. Ngo kángit tu sukis iatung i mulán aratintin, gita ngorer i kálámul a longoi rum má a atri tan torson rum, má káp melek mul a rabut palai ki ákte lu bali atur kalengnai. Má kán tu balbal longoi ngorer, má káp a tini laukai má nák iatih on. Áá, koion gita ngorer.
30403	JAS 3:17	Mái sár matngan holhol a hut sosih tilami bát a ngoromin: a kis á pilpil án hol suri mur i nemnem si Káláu, má a lu kákir suri aksimi bál matau i katbán matananu, má a lu kis pau pasi worwor kán lite, má ák lu mánán i taram, má a lu káng mai armámna, má a káhái lain wán, má kápate lu tángni kesá risán masik, má a lu támin muswan uri bos táit no.
30622	1JN 2:5	Ái sár kálámul er git mákái ngo a lu taram muswan i pinpidan si Káláu, ái a inngasi ngo bál a káng mai armámna uri narsá Káláu. Ngoromin gita mák ilmi ngoi ngo kálámul a kes mam Káláu:
30633	1JN 2:16	Minái á te ninsin naul matmatngan pokon: ngo kálámul a mákái táit má a kon suri, má ngo kálámul a kákir suri tatalen mul kápate nokwan ngo na mur on, má ngo kálámul a apakta pasi sang kabin a konom mai minsik. Tan tatalen minái kápate kopkom tili holhol si Káláu Kák git. A kopkom sang tili holhol káián naul matmatngan pokon.
30656	1JN 3:10	Má minái á táit gita mákái suri mák tusi rang natun ái Káláu alari rang natun ái Satan: ái sinih kápate murmur i tatalen a nokwan ngo kápate mámnai táir, ái kápte a natun ái Káláu.
30657	1JN 3:11	Má arbin er gamáte longrai til tungu gam tangkabin ruruna a ngoromin: gita lu armámna arliu i git.
30669	1JN 3:23	Má minái á arardos ái Káláu a dos i git suri: gita ruruna i ngisán ái Natun, wa ái Iesu Karisito sang, má gita lu armámna arliu i git ngorer ákte para páksi.
30670	1JN 3:24	Mái rung di lu mur i kán arardos di kes mam Káláu má dik lu kis tiklik mai, mái Káláu a lu kis tiklik mam di. Má ngoromin gita mánán ngoi ngo ái Káláu a kis tiklik mam git: gita mák ilmi ngo ái Káláu ákte tari Tanián sang si git.
30672	1JN 4:2	Má ngoromin gama mánán tusi ngoi ngo Tanián ái Káláu á erei: ái rung er di para aposoi kándi ruruna ngo ái Iesu Karisito a sosih tilami si Káláu mák tar kápán páplun áng kálámul. Ái rung er, Tanián ái Káláu a kis i di.
30680	1JN 4:10	Má ngoromin á sálán armámna muswan: kápte ngo git git mámna Káláu, ái sár ái Káláu sang a mámna git má ák tarwa pala Natun suri ák pormi kángit sápkin ák pah.
30683	1JN 4:13	Má ngádáh gita mánán ngoi ngo git kes mam Káláu má git kis tiklik mai, má ngo ái a kis tiklik mam git? Gita mánán on ngoromin: gita mák ilmi ngo ái Káláu ákte lu tari Tanián sang si git.
30691	1JN 4:21	Má minái má arardos ái Karisito ákte tari si git: ái koner a mámna Káláu, ái na mámnai táir mul.
30695	1JN 5:4	kabin bos rang natun ái Káláu no di artálár suri da rakrakai sorliwi ninsin naul matmatngan pokon. Má minái á táit a paklai ninsin naul matmatngan pokon: wa kángit ruruna sang i Iesu Karisito!
30698	1JN 5:7	Má di tara tul á táit er ditul apapos:
30699	1JN 5:8	ái Tanián má dan má dár. Má ditul no ditul sormángát suri kesá táit sár ngoromin: ái Iesu ái á Natun ái Káláu.
30702	1JN 5:11	Má kán apapos ái Káláu uri narsá git a ngoromin: ái Káláu ákte tari si git á liu muswan er a kis áklis, má Natun ái Káláu ái sang á káplabin á liu erei.
30717	2JN 1:5	Má ngorer iau inau i iáu, wákán, ngoromin: gita lu armámna arliu i git. Má arardos min iau le on ur si gam, kápte ngo hutngin, war a torahin sang má gitáte longrai til tungu git tangkabin ruruna.
30718	2JN 1:6	Má minái á sálán armámna: gita taram i kán worwor ái Káláu. Má kán worwor gam no gamáte lu longrai til tungu i tangkabin, a ngoromin: gita lu láklák namurwai tatalen án armámna.
30776	REV 1:11	mák parai ngoromin, “Una le páptai tan táit min una mákái, má unák tarwai urada singin tan tám ruruna i ahit á malar minái: malar á Epeso, má malar á Simerna, má malar á Pergamum, má malar á Taitira, má malar á Sardes, má malar á Piladelpia, má malar á Laodikia.”
30821	REV 3:7	Má kálámul er a parai mul singing ngoromin, “Una le ur singin angelo a ololoh i boh tám ruruna i malar á Piladelpia má una parai ngoromin, ‘Ái Koner a tarwai worwor minái ur singim a parai ngo: Á iau ái Koner a pilpil má a muswan, má iau kálámul pakta tili gegen si Dewit er kabisit má iak tur kelsen. Ngo iau pasbat i mátán sál, kápte kes a arwat suri na batbat kalengnai. Má ngo iau batbat, kápte kes a arwat suri na pasbat on.
30828	REV 3:14	Má kálámul er a parai mul singing ngoromin, “Una le ur singin angelo a ololoh i boh tám ruruna i malar á Laodikia má una parai ngoromin, ‘Ái Koner a tarwai worwor minái ur singim a parai ngo: Á iau ái Koner iau lu muswan mai kak him án apapos má kak apapos a támin. Tan táit no ái Káláu a aksimi, á iau á káplabin má ái Káláu a longoi mai limang.
30994	REV 13:17	Má ngo koner kápte di akiláng on, kápate arwat ngo na lu huhul má na lu sirsira. Má akiláng di oboi a ngoromin: ngisán mulán rokoi ngo mámát a tur arwat mai ngisán.
30995	REV 13:18	Gita holhol kuluk be! Ái sinih a mon i kán mánán, ki na kis án hol suri na ser pasi sálán i mámát káián rokoi, kabin mámát erei a tur arwat mai mámát tili ngisán kesi kálámul, má a ngoromin: awon i mar mai awon i sángul mai awon (666).
31008	REV 14:13	Má namur iau longrai kaungán kes tilami bát má ák parai singing ngo, “Una le ngoromin: turpasi onin, rung di ruruna pagas i Konom, ngo di mat, di tuan kuluk pala!” Má Tanián ái Káláu a mángát mák parai ngo, “Áá, a támin muswan! Ái rung er da aunges kuluk alari kándi rakrakai án talar má alari tan rangrangas a hut i narsá di, kabin wán i kándi him na han tiklik mam di suri para inngasi tan táit dikte longoi.”
31018	REV 15:3	Má dik tunga saki saksak si Moses, ái koner a toptop si Káláu, má saksak si Sipsip ngoromin: “Káláu Konom, Tám Rakrakai Sorsorliu, tan táit u longoi a tuan malilis má a tuan rakrakai! Kabisit káián tan mát no, ninsim a támin má a nokwan!
31130	REV 21:8	Mái sár rung erei di lu longoi tan sápkin tatalen, di sang da áslai rangrangas on á dan taliu án kámnah a lala málmálas má a tuan sangin. Di ái rung er di lu longoi tan tatalen ngoromin: rung kápdite mangan, mái rung di su bah di uri Iesu, mái rung di teleh uri sápkin sál, má tan tám up bing kálámul, mái rung di lu araturán sáksák, má tan tám wah, mái rung di lotu uri angagur án káláu, má tan tám angagur mul. Da áslai rangrangas i dan taliu án kámnah, pokon erei di utngi mai áruán minat.”
31134	REV 21:12	Bimán rum er dikte bat kauli mai tilik bat a pakta má a dol urami iát, má sángul mai aru á mátán sál on. Atul á mátán sál a kis tilanang i mátán taubar, má atul ditul kis tili mátán támhushus, má atul á mátán sál ditul kis tili mátán matalames, má atul sang ditul kis tili mátán lábur. Má sángul mai aru á angelo di mákmák kári tan mátán sál er. Má iatung i tan mátán sál dikte le páptai ngisán sángul mai aru á mát si Israel. A ngoromin: keskeskesá mátán sál, kesá angelo a tur suri mákmák kári, má kesi ngisán mát mul iatung on.