23337	MAT 5:34	Hako jirin amu sawenduwa, jir avak mbele mbele nelok avoko jihi hik ji ushaha ji mbawan ji hala. Uhu heven yok ji mawuhu ji mba, ‘Heven heyewak omek amu mbanduwa,’ karem ji mbawa hala, wahau. Mberem ushiwak? Heven Avui Wasilaka kingik or naha nor linda mishi sira.
23338	MAT 5:35	Uhu, ‘Misambi heyewak omek amu mbanduwa,’ karem ji mbawa hala, wahau. Mberem ushiwak? Misambi Avui Wasilaka or ese sinda mishi sira. Uhu Jerusalemhi hik mbele las ji mbawa hala, wahau. Mberem ushiwak? Jerusalem kolaka orhi os kingik or naha nor linda mishi sira.
23386	MAT 7:1	“Jir avak ma uwa yokon ji heyehe ji mba, ‘Avak hik ikwa jir,’ karem ji mbanan. Os erem ji mba nahi, Avui Wasilaka kumak avak jirin erem mbakwa ri.
23406	MAT 7:21	Ma amber hom ol anin, ‘Wasilaka, Wasilaka,’ karem anin ushanda ma amber hom mbeek hevenik layikwa ambu lir, wahau. Ma ol Avui anhi or hevenik linda mashi orhin misindiyawa ma ondo nom kuyanga orhi orok layikwa lira.
23461	MAT 9:13	An ma ol kavakavan unda ondon jivinakurik a rari nir. An mbeek ma ol lihinjik hishihi mba, ‘An ma jivi. An mbeek mbele kava las a unda ambu nir,’ karem mbanda ma ondon jivinakurik a rari ambu nir, wahau. Indik ji ihi mashi os Avui Wasilakahi jekambak li kayehendarin armek ji heyehe ji yarika. Karem li kayeri sir, ‘An mbeek ofa os anin ji hahandan a rupshinda ambu nir. Hako na rupshiwa karem, jir avak man sunguwavu jihi mende nga armek ji uka.’ Karem li kayeri oson ji heyehe jivai yarika, an ma kava ondonjik a rari nir.”
23519	MAT 10:33	Hako os kormbak ji sawehe ji mba, ‘An Jisasin a tiyanda ambu nir.’ Karem ji mba nahi, angana, Avui anhi or hevenik linda or heyenak karem a sawekwa nir, ‘Ma tondon a heyenda ambu lir,’ karem a sawekwa jira.”
23760	MAT 16:19	Uhu ki os heven akayanga sihin sutlanda oson mihi tavak a hakwa sir. Uwosik os hulaima nokopma kavakava ol li undan li sawenak ji mba, ‘Avui Wasilaka kavakava jihin laha ermbekwa ri,’ karem ji mba nahi, erem ukwa ri. Hako os ji mba, wahau, karem ji mba nahi, or er nga erem mbakwa ri.”
23806	MAT 18:10	Ji auheyeka, las avak jikisakri tondon ji heyehe ji mba, ‘Tondo jikisakri kava lir,’ karem ji mbanan, wahau. Jirin amu sawenduwa, lir ensel ngashi lir. Ensel lihi hevenik Avui Wasilaka linda mishik er linda lir.”
24005	MAT 23:18	Uhu hovok karem ewesawenda jir, os ma lar alta mbele mbele ofan li ewe suwunda oson or ushaha nor mba, ‘Alta heyewak mashi kason omek amu mbanduwa.’ Erem or mbaha os or mbanda oson or jintlewak ji mba, ‘Wa, am nawa sir, or mbeek kavak nakwa ambu ri,’ karem ewesawenda jir. Hako os ofa ol alta orok ewenda ondok or usha nor mba, ‘Ofa os altak li ewenda oso heyewak mashi kason omek amu mbanduwa,’ karem or mbaha nor tle nahi, kavak nakwa ri. Karem ewesawenda jir.
24007	MAT 23:20	Karem uwosik ma or altan or usha nor mba, ‘Alta heyewak mashi kason amu mbanduwa,’ Karem mbawa ma oto alta nga mbele mbele ol alta orok ofak li ewenda nga ormu mbawa sira.
24049	MAT 24:23	Oro wolok os li sawehe li mba, ‘Ji heyeka, Krais tor torok lindu,’ mo ‘Katai karok lindu,’ erem li sawe nahi, mashi lihin ji misiwa hala.
24198	MAT 26:75	Karem or mbarik kolok aptoko mu mbara. Urik mashi os Jisas mbarin ormu hishira, ‘Ter nirik aptoko nor mba namber hindi nalmingrip anin mi heyenda ambu, karem mbakwa mira,’ mashi kason indiyok or hishihi hikriyok or layihi havahavan ormu tlara.
24334	MRK 2:5	Urik Jisas ma tovro kavro wavu os li hishihi li mbar, ‘Jisas ma orton avak or unak jivik nakwa ri,’ karem li hishiri angop or heyeri sir. Uri osik ma oton or heyehe ormu mbara, ‘Jikisi anhi misi, kavakava mihi angop a laha ormbewa sir.’
24346	MRK 2:17	Urik Jisas mashi oson or misihi ormu mbara, ‘Ma ol jipmisiwa mbeek doktak inda ambu lir. Hako ma ol kavamisiwa nom doktak inda lir. An mbeek ma ol lihinjik hishihi mba, nir ma jivi, karem mbawa ma ondonjik a rari ambu nir, wahau. An ma ol kavakavan unda ondonjik a rari nir,’ karem ormu mbara.
24366	MRK 3:9	Li taha orin limu rurawura. Urik nindik or sihi ma ol orin tiyandari ma ondon ormu mbara, ‘Bot las avak ji halashinak fa mambuk si sihi anin si nikishika. Ma rondo musha mendek li nawa olik avak anin li kisha ermbeku. Os erem li kisha ermbe nahi, avak bot orok a lawuhu a likwa nir,’ karem ormu mbara.
24464	MRK 5:31	Urik ol orin tiyandari ondo olmu mbara, “Mir ma tos ter mirin rurawuwa toso mberem mi heyekmbaha mi mbandua, ‘Lawe kowe anhin tolondua,’ karem mi mbawan te?”
24467	MRK 5:34	Urik ormu mbara, ‘Apmanuwa, os anin nyi hishowenda osik os nyimu jivik nanduwa. Uwa osik wavu nyihi nga jiphishihi ika. Os erem nyi uhuyanda oso angop mendek nawa sir,’ karem ormu sawera.
24487	MRK 6:11	Hako os mashi os ji sawewan li turaha jirin armek li u nahi ambu, yanga oson ji halaha kumba jeren ji narka lafakaha ji ika. Ushinak lir avak li hishihi li mba, ‘Nir angop mbele kava las ni uwa nir,’ karem li mbaka.”
24491	MRK 6:15	Hako lal olmu mbara, ‘Wahau, or profet Elaijak nakwa ri.’ Hako lal olmu mbara, ‘Or profet mas lerawu Avui Wasilakahin landari ma ondo hom nandari lar oria,’ karem limu mbara.
24492	MRK 6:16	Hako Herot mashi os Jisasin li mbari mashi oson or misihi normu mbara, ‘Ma orto Jon hulaima nokopman fak tolofalendari ma ri. Jekapnashi orhin angop a koroshirik hari ri. Hako ter ormu indiyok usahakwak nakwa ria,’ karem ormu mbara.
24566	MRK 7:34	Ushihi lersuwu yok or larasa mawuhu Avui orhin ormu sawera karem, ‘Efata!’ Mashi oso ‘Mambla huvanak takhava larnaka,’ karem mbahanda mashi sir.
24638	MRK 9:31	Am li ihi lirin karem normu sawera, ‘Ma Jikisi Avui Wasilakahin avak tavarenje ma kavahik li halashinak orin li jimandingormeshinak hakwa ri. Or haha niri frijip fri ishinak indiyok usahakwa ria,’ karem ormu mbara.
24726	MRK 11:17	Uhu ormu mbara, “Jekamba Avui Wasilakahik karem li kayeri osa, ‘Aka anhi oso anin li sawenda mishi sira. Ma ol yanga yangak fehenda aka orok li raha anin li hishiowehe anin li sawenda mishi sira,’ karem li kayeri sir. Hako ter os jimu uwak hirnyanda ma lihi aka hom osmu nanduwa.”
24768	MRK 12:26	Hako os ma hahanda indiyok li usahakwa ambu, karem ji hishi nahi, wa anin ji sawenak a misi, mashi las Avui Wasilakahi jekambak mberem li kayer? Karem li kayeri osa, “Avui Wasilaka orhinjik ormu mbara, ‘An God Abrahamhi, Aisakhi, Jekophi, lihi God anira,’ karem Wasilaka mu mbara.”
24808	MRK 13:22	Mberem ushiwak? Oro wolok ma mushak li raha karem mbafirimbakwa ola, ‘An Krais anira,’ lal karem mbakwa lira. Uhu lal nga avak karem mbakwa lira, ‘An profet lar anira.’ Karem li mbaha ma undahi ambu ondon li uhu man haimba handambakwa ola. Uhu Avui Wasilakahi krahak sinda ma ondo er nga li laha ikwak hishikwa lir. Hako mberem li laha indahi ambu.
24824	MRK 14:1	Bikpris ondo nga ma ol mashi Moseshin sawendari ma ondo nga Jisasin li jimandingomekuri nombon li hishihi limu mbara, ‘Wa mberem nivai uku? Humnyanak hiyawu Pasova nga hiyawu Bret Yis Ngashi Ambu oson ni unda wolok nakwa sir. Os oro wolok orin ni jimandingorme nahi, ma li heyehe awun li unda ngashi,’ karem li mbaha limu halara.
24917	MRK 15:22	Karem urik Jisasin li laha yanga Golgotak limu lalawura. Hi Golgota oso maintontlo sihi, ‘Telemba masik hava hom nanda,’ karem li ushanda sir.
24994	LUK 1:32	Or avak malakamak or nanak Avui Wasilaka metenjek fehe avak or mba, ‘Jikisi indingo anhi ria,’ karem mbakwa ri. Uhu Avui Wasilaka or nirin arangonda oto or mbashinak misumu walanga orhi Devit nahandari hom kingik nakwa ri.
25007	LUK 1:45	Nyir mashi os Wasilaka os nyirin or ukmba nor mbahandan nyi misihi nyi mbar, ‘Avak omek nakwa sir,’ karem nyi hishiowenda osik nyirin armek ormu unduwa,” karem simu mbara.
25013	LUK 1:51	Tava orhik lerawu wasilakan landa ri. Ma misambik fehe ol lihinjik hishihi mba, ‘Nir malakama nir,’ karem hishihi hi lihin hauowenda ma ondon avak or kria ermbekwa lir.
25022	LUK 1:60	Hako nijava orhi, ‘Wahau, avak Jonik ni ushakwa ri,’ karem simu mbara.
25056	LUK 2:14	‘Avui Wasilaka metenjek fehe hi orhin ji haueweka. Unak ma misambik fehe ol or rupshinda ondo waphimbiji orhi lihik si naka,’ karem limu mbara.
25080	LUK 2:38	Oro wolok sir er nga jikisi oton si heyehe hi Avui Wasilakahin simu hauowera. Uhu Jerusalemik fehe ma ol lirin jivinakuri man nikishindari ondon simu sawera, ‘Avui Wasilaka kar ji nikishikmbaha nor mbahanda ma toria,’ karem simu sawera.
25086	LUK 2:44	Frir karem hishiri vri, ‘Or angop mahasanje orhi lal nga iwa ri,’ karem mbaha frimu ira. Urik niri namtas am si ishirik os li iri ambek frimu Jisasin lasai lasarara.
25102	LUK 3:8	Masmas sunguwavu jihin ji tormblehe mbele mbele jivin ji unak ni heyehe ni mbaka, ‘Ma tondo angop wavu lihin tormblewa lira.’ Hako jihinjik avak ji mba, ‘Misumu nihi Abraham oria. Uwa osik Avui Wasilaka mbeek nirin kavak nakwa ambu ri,’ karem ji mbawa hala. Jirin amu sawenduwa. Avui Wasilaka os or hishi nahi, sunja tondon or mbanak jikisi nirambara Abrahamhik nakwa lir.
25105	LUK 3:11	Urik ormu sawera, ‘Os kowe frijip ji na nahi, las ma or mendek nawan ji haka. Os akwa nga ji na nahi, erem ji uka,’ karem ormu mbara.
25113	LUK 3:19	Os Jon hulaima nokopman fak or tolofaleri wolo Jisasin er nga fak ormu tolofalera. Ushirik Jisas or sihi Avui Wasilakan ormu sawera. Or sawerik heven akayanga simu sutlara. Si sutlarik Masikome Avui Wasilakahi apmuma hom Jisashik simu takalira. Urik mashi las heven yok simu mbara, ‘Mir jikisi indingo anhi mira. An mirin amu rupshi mendenduwa. Sunguwavu anhi mende nga amu mirin rupshi mendenduwa,’ karem simu mbara. Jon malakama Herot os maha orhi nokove Herodiasin or masnalari nga kavakava ol or undarin er nga kormbak or saweshirik or humblaraha Jonin krawuk ormu owera. Os Jonin erem or uri oso musa las osmu er nga orhik lawura.
25168	LUK 4:36	Urik ma amber oson li heyehe li lishnyafaha lihi ambek limu mbara, ‘Ma jirin te. Mberemhi tos ter nandua, os ma toto hukwalama hom or mbaha or mbashiwak wasimalengamba mashi orhin li misihi li halaha iwan te,’ karem limu mbara.
25208	LUK 5:32	An mbeek, ‘Nir ma jivi,’ karem hishinda ma ondo nga najer ni lijehe na tari ambu nir. An ma ol kavakavan unda ondonjik a tari nir. Ushinak sunguwavu lihin li tormblehe anhik li rakmbahan.”
25215	LUK 5:39	Hako ma or wain uku masin or awak jivik nawak misinda ma oto mbeek wain uku akrin akwak hishinda ambu ri. ‘Wain uku masi jivi sira,’ karem mbakwa ria.”
25252	LUK 6:37	“Jir avak ma uwa yokon ji oweioweiheyehe ji mba, ‘Avak hik ikwa lir,’ karem ji mbawa hala. Os erem ji mba nahi, Avui Wasilaka kumak avak jirin erem mbakwa ri. Os ma anandin ji oweioweiheyehe lir kava, karem ji mba nahi, Avui Wasilaka erem jirin wasan ukwa ri. Hako jir ma ol jirin kavak uwa man karem ji mbaka, ‘Wa mberem uwana, am nawa kava sir.’ Unak kavakava os jihik nandan Avui Wasilaka avak erem jirin or mbaka.
25280	LUK 7:16	Urik ma ondo os Jisas uri oson li heyehe limu aje mendera. Uhu hi Avui Wasilakahin metenje mendek li hauowehe limu mbara, ‘Profet malakama lar angop nihi nindik talawa ri.’ Uhu limu mbara, ‘Avui Wasilaka hulaima nokopma orhin jelyakmbaha tawa ri,’ karem limu mbara.
25293	LUK 7:29	Jisas Jon or nandarin or sawerik ma amber li misihi takis yan landari ma er nga karem limu hishira, ‘Mbele mbele Avui Wasilaka or uhunda ondo worna mende lir,’ karem limu hishira. Mberem ushirik? Angop sunguwavu lihin li tormbleshirik Jon fak or tolofaleri ola.
25297	LUK 7:33	Uhunda hom jir jikisakri ondo hom nanda jir. Jon akwan or halaha wain uku nga nor halarik ji heyehe jimu mbahanjira, ‘Toto wasimalengamba tolonda orik akwan anda ambu ri,’ karem jimu mbara.
25298	LUK 7:34	Hako Ma Jikisi Avui Wasilakahi oto akwa nga wain uku nga or awak ji heyehe jimu mbanduwa, ‘Ayo, toto akwa nom or hishihi uku kavan or aha ambasinda ri. Takis yan landa ma nga kavakavan unda ma nga ananaimble tolonda ri,’ karem mbahanjinda jir. Hako os erem ji heilakaila mbanda oso kas tolonda ambu sir.
25314	LUK 7:50	Urik Jisas nokove oson ormu sawera, ‘Os anin wavu nyihik nyi owewa oso uwak kavakava nyihi osmu mendek nanduwa. Uwa osik rupshihi ika,’ karem ormu mbara.
25370	LUK 8:56	Urik avoko nijava sihi warje mende nga limu lishnyafara. Hako Jisas fririn ormu sauntlera, ‘Shir avak ma lar mbele mbele tos ter talawak shi heyewa toson shi sawewa hala,’ karem ormu mbara.
25390	LUK 9:20	Karem li mbarik ormu silira, ‘Hako jir jihinjik an lawe, karem ji hishindu?’ Karem or silirik Pita mu mbara, ‘Mir hulaima nokopman jivinakmbaha Avui Wasilaka or kamaha nor mbashirik tahanda ma mira,’ karem ormu mbara.
25414	LUK 9:44	‘Jir mamblan armek ji owehe mashi kason ji misika. Ma Jikisi Avui Wasilakahi oto avak tavarenje ma kavahik li hakwa ria,’ karem ormu mbara.
25418	LUK 9:48	Uhu lirin ormu sawera, ‘Ma or anin hishiowehe jikisi roto hom nawan armek uwa oto anin er nga armek uwa ri. Ma or anin armek uwa, ormu Avui anhi or anin mbashirik a rahandan armek unduwa. Ma or jihi nindik erndakavak naha kombonihi hi nga nawa ambu oto Avui Wasilaka or heyewa, maifuk sinda ma ria,’ karem ormu mbara.
25432	LUK 9:62	Karem or mbarik Jisas mu mbara, ‘Ma or mbele mbele ol angop or halandan indik tormble heyewa ma oto or mbeek Avui Wasilaka lerawu orhin landahik nanda ambu ri,’ karem ormu mbara.
25467	LUK 10:35	Wahandaha ya lakak aka mashama oton or haha ormu sawera, ‘Mir ma toton armek u. Os ya mihi lal er nga ma totonjik mi ermbe nahi, indik a rawa wolo avak ya wasa mihin a hakwa nir,’ karem ormu mbara.”
25469	LUK 10:37	Karem or mbarik ormu mbara, ‘Ma or ornjik holoho laha ihi orin armek uri ma otona.’ Karem or mbarik ormu sawera, ‘Mi ihi ma oto or undari hom mir nga erem uka,’ karem ormu mbara.
25481	LUK 11:7	Karem or silinak orhi kup akak or lihi karem mbakwa ora, ‘Mir mberem ushiwak anin mi suklembasindu? Aka angop a kosoho jikisi anhi nga kawuk nimu suknyanduwa. Uwa osik mbeek a usaha akwan mirin a hakwa ambu nir,’ karem mbakwa ora.
25490	LUK 11:16	Hovok ma lal Jisasin li oweioweiheyekmbaha limu mbara, ‘Ma undahi ambu hevenik fehe las mi unak ni heyehe nivai mbaka, mir Avui Wasilaka mbashirik tahanda ma mir,’ karem limu mbara.
25504	LUK 11:30	Wa, mbele las os Jonahik nari oso si mukurik yanga Ninivek fehe ma li heyehe limu mbara, ‘Ma toto Avui Wasilaka mbashirik tari ma ri.’ Os anhik nakwa oso erem si mukunak ji heyehe jimu mbakuwa, ‘Ma toto Avui Wasilaka mbashirik tari ma ria,’ karem mbakwa jir.
25523	LUK 11:49	Misi, mashi las Avui Wasilaka mas or mbahandari oso jirin karem mbahandari osa, ‘Avak a mbashinak profet anhi ondo nga aposel ondo nga ma ondohik ikwa lir. Li inak ma ondo lihi lal kavakavak li uhu, lal li mandingormekwa lir,’
25536	LUK 12:8	“Jirin amu sawenduwa, os kormbak ji sawe ji mba, ‘An Jisasin tiyanda ma nira.’ Karem ji mba nahi, Ma Jikisi Avui Wasilakahi oto Avui Wasilaka ensel orhi li heyenak kormbak or sawekwa jir, ‘Ma tondo anin tiyanda ma lira,’ karem mbakwa ri.
25652	LUK 14:30	‘Ma toto aka toso or urakowa kom te,’ karem mbakwa ola.
25663	LUK 15:6	Uhu orhi ma orhi man or ushanak li talandirsarakonak lirin ormu sawekuwa, ‘Sipsip anhi or wanyihinda angop a lasa ihi a heyehe indiyok a laharawa ri. Uwa osik jir nga an nga ka ni rupshika,’ karem mbakwa ora.
25666	LUK 15:9	Si laslasa si heyehe sihi ma sihi man si ushanak li talandirsarakonak lirin simu sawekuwa, ‘Ya anhi or wanyihinda angop indiyok a heyewa ri. Uwa osik jir nga an nga ka ni rupshika,’ karem sawekwa osa.
25704	LUK 16:15	Urik Jisas mu lirin sawera, “Jir jivijivin unda ma, karem li hishikmbaha jimu unduwa. Hako Avui Wasilaka mbele mbele os sunguwavu jihik nawan angop or heyewa sir. Mbele mbele os ma misambik fehe hishihi li mba, ‘Toso jivi indinga sir,’ karem li mbawa oso misokome Avui Wasilakahik or heyewa, kava indingak nanda sir.
25720	LUK 16:31	Karem mbarik ormu mbara, ‘Os mashi Moseshi nga profethi nga li misi nahi ambu, hahanda ma lar or usaha nor sawewa, mbeek er nga li misindiyandahi ambu lir, wahau,’ karem ormu mbara.”
25739	LUK 17:19	Uhu ma oton ormu sawera, ‘Mir usaha ika. Wavu mihik anin mi hishiowewa osik jivik mimu nanduwa,’ karem ormu mbara.
25741	LUK 17:21	Ma lal mbeek oson li heyehe mba, ‘Heye tos torok nandu.’ Mo ‘Heye kasai karok nandu,’ karem mbakwa ambu lir. Mberem ushiwak? Jir Avui Wasilakahi mashin misindiyanda ma os jimu orhi siyok sihi or mbawa hom os jimu unduwa. Uwa osik os or arangoshinak ji likwa oso angop jihik nawa sir.”
25760	LUK 18:3	Hako mumbla las kuyanga orok lindari sir. Sir ermba ermbak majistret otohik si raha karem sawendari sir, ‘Ma lar anin kavakavak or ukwak undua. Mir anin jelyaha orin sauntleshinak or halaka,’ karem sawendari sira.
25770	LUK 18:13	Hako ma or takis yan landa ma oto homek or sihi mbeek metenje yok larasa mawuri ambu ri. Or maruknyaha ormu mbara, ‘Avui, an ma kava nir. Hako mir anjik holoka,’ karem ormu mbara.”
25786	LUK 18:29	Urik ormu mbara, ‘Omendingak jirin amu sawenduwa. Ma ol Avui Wasilaka ma orhin or arangoshinak li likunda mashin sawe ikmbaha anin tiyanda ma ondon Avui Wasilaka armek or ukwa lir. Mbele mbele aka, nokove, mahasanje, avoko nijava, jikisi lihin li halanda ondohi farniyik misambi torok li liwa wolo warje nga nor hakwa lir. Undanak kumak ermba ermbak linda oson lakwa lir,’ karem ormu mbara.
25807	LUK 19:7	Urik ma ondo oson li heyehe li wapkava hishihi limu mbara, ‘Jisas toto kavakavan unda ma otohi akak or layi liwa re,’ karem limu mbara.
25814	LUK 19:14	Hako ma ol kotontlo orhik fehe orin li wapkava hishihi ma lal li mbashirik yanga os or iri mishik limu ira. Uhu karem limu sawera, ‘Nir ma toto malakama nihik or nakwan ni turaw,’ karem limu mbara.
25831	LUK 19:31	Os ma lar shirin or silihi nor mba, ‘Mberem ushiwak donki oton shi sorngo laha indua?’ Karem or sili nahi, karem shi saweka, ‘Wasilaka lerawu nga nor nawa osik or mbashiwak shimu randuwa,’ karem orin shi saweka.”
25902	LUK 21:7	Urik Jisasin limu silira, “Tisa, mbele wolo mendek nomorawu oso si talanak ni heyeku? Mbele os masmas talanak ni heyehe ni mba, ‘Nomorawu osmu talakwak pasir nanduwa,’ karem ni mbaku?”
26009	LUK 23:5	Karem or mbarik mainkwambuk limu mbara, ‘Wahau te. Or ermba ermbak yanga yangak or ihi mashin sawenda ri. Yanga Galilik sishi raha provins Judia nga Jerusalem nga or ihi Romik fehe gavmanin li jihi tukru ermbekmbaha mbanda ri,’ karem limu mbara.
26067	LUK 24:7	Jirin karem saweri ri, ‘Ma Jikisi Avui Wasilakahi oto ma kavahi tavak li hashinak miandok li tirikwa ri. Hako wak or waha niri frijip fri ishinak avak indik usahakwa ri,’ karem mbari ora.”
26311	JHN 5:32	Hako an mbeek nendekop a sihi na mbawa ambu nir. Ma lar anhi kumayok or sihi nor mba, ‘Mashi ma roto or mbawa ome sira,’ karem anin mbanda ri. Uhundak mashi orhi omek nawak a heyenda sir.
26449	JHN 7:52	Karem or mbarik limu mbara, ‘Wa mir er nga Galilik fehenda om? Os mashi Avui Wasilakahin armek mi heye nahi, mir er nga karem mbakwa mira, profet lar mbeek Galili yok takwa ambu ri,’ karem limu orin ngriambara.
26472	JHN 8:22	Karem or mbarik Judama ondo limu mbara, “Mberemhi mashin or mbandu, ‘Jir yanga os a ikwa mishi orok ikwa ambu jir,’ kas karem or mbawan? Wa orhinjik or mandingormehe hakwak mbandar?”
26531	JHN 9:22	Judama ondon fri ajehe mashi oson erem frimu sawera. Judama angop karem li anaowehe mbari lir, os ma lar or sawe nor mba, ‘Jisas Avui Wasilaka kamashirik hulaima nokopman jivinakurik tari ma ria,’ karem mbawa ma oton avak ni kria ermbeshinak nir nga nakrem lotu ukwa ambu ri.
26548	JHN 9:39	Urik Jisas mu mbara, “An misambi torok kavakava os ma li uhundan kormbak a mukukmbaha a rari nir. Uhu misokome tumundan a unak li heyekmbaha na rari nir. Hako ma ol mba, ‘An misokome anhi tumunda ambu sir,’ karem mbawa ma ondo misokome lihi er a halashinak tumukwa sir.”
26737	JHN 13:38	Urik ormu mbara, “Mir anhi farniyik mi hakwak mimu mbandu? Omendingak mirin amu sawenduwa, avak nirik aptoko or mba namber, mir avak hindi nalmingrip, ‘An Jisasin a heyenda ambu nir,’ karem mbakwa mir.” Karem ormu Pitan sawera.
26746	JHN 14:9	Urik ormu mbara, “Mberem ushiwak mi mba, ‘Avui mihin mukunak ni heye,’ karem mi mbandu? Angop ji heyewa on te! Os anin ji heye nahi, Avui anhi or jimu er nga heyenduwa.
26813	JHN 16:18	‘Nambek or likwa ambu,’ karem or mbawan. Maintontlo sihi mberem sivai nandu? Am ni mbeler te!”
26863	JHN 18:9	Karem or mbarik mashi os mas or mbari oso osmu omek nara. Mashi oso karem, ‘Ma ol anin mi hahanda ma rondo mbeek lihi lar kavak nakwa ambu ri,’ karem or mbahandari mashi osmu omek nara.
26894	JHN 18:40	Urik li ushaha limu mbara, ‘Or nembes, Barabasin halashinak or tala ika,’ karem limu ushambara. Barabas oto hirnyandari ma lar oria.
26915	JHN 19:21	Ushirik bikpris ondo Pailatik li raha limu sawera, “Mashi os mi kayewa oso jivik nawa ambu sir. Mberem ushiwak king Judamahi toria, karem mi kayew? Wa karem kayeka, ma roto orhinjik, ‘An king Judamahi anira,’ karem mbandari ri. Karem kayeka.”
26990	JHN 21:23	Urik Jisas mbari mashi oson karem limu haisau handasawe ira, ‘Ma oto hakwa ambu ri.’ Hako Jisas mbeek erem mbari ambu ri, wahau. Or karem mbari ri, ‘Os ma oton a mba, or linak indik a rakwa nir. Os erem a mbawa oso mbeek lerawu mihi ambu sir. Oso lerawu anhi sir,’ men karem mbari ri.
26995	ACT 1:3	Jisas nomorawun or kishaha miandok hari ri. Hako Avui Wasilaka mbarik indiyok or usaha niri 40-k aposel ondohik kormbak or talaha mbele mbelen or urik li heyekrahakoroho limu mbara, ‘Omendinga sira. Jisas or hari angop Avui Wasilaka mbarik usahari ria,’ karem limu mbara. Os lihik or talari wolo, Avui Wasilaka arangoshinak jip li likuri oson ormu sawera.
27003	ACT 1:11	Uhu frimu mbara, ‘Hai, Galilik fehenda ma jirin. Mberem ushiwak torok ji sishihi lersuwu yok ji sishi mawundu? Jisas or ji heyewak Avui Wasilaka jihi nindik or laha hevenik or lalawuwa Jisas orto, avak os Avui Wasilaka orin or lalawuwak ji heyewa hom kumak erem indik rakanak ji heyekwa ria,’ karem frimu mbara.
27031	ACT 2:13	Hako lal olmu okolehe mbara, ‘Ma rondo angop wain uku akri kas amba amba li awa osik olmu ambarambasihi mbandu,’ karem limu mbara.
27040	ACT 2:22	Hai, yanga Israelik fehenda ma jirin, ji mambla arngalaha mashi anhin ji misi. An jirin Jisas Nasaretik fehendahi mashin a sawekwa nira. Avui Wasilaka lerawu wasilaka kwambu ngashi nga mbele mbele apsham apshamhi nga ma undahi ambu nga tava Jisashik jihi nindik or larin angop ji heyeri sir. Avui Wasilaka erem or ushinak ji heyehe ji mba, ‘Omendinga sira, Avui Wasilaka mbashiwak tawa ma toria,’ karem ji hishikmbahan.
27065	ACT 2:47	Uhu ermba ermbak hi Avui Wasilakahin hauowendari lir. Urik ma amber lirin li heyehe limu mbara, ‘Ma rondo jivi mende lira,’ karem limu mbara. Urik Avui Wasilaka ermba ermbak man or larik Jisashi mashin misindiyari mak li naha musha mendek limu nara.
27083	ACT 3:18	Hako mas profet ondo amber Avui Wasilaka sauhari hom limu sawera, ‘Ma or Avui Wasilaka kamashinak hulaima nokopman jivinakwa ma oto nomorawun or kishaha hakwa ri,’ karem limu sawera. Undari nombo hom, os jimu erem orin uri sira.
27123	ACT 4:32	Ma ol Jisashi mashin misindiyandari ma ondo amber sunguwavu lihi nakremkop si nashirik wavu namtaskop hishiri lir. Uhu ma lar mbeek or mbar, ‘Mbele mbele anhi tondo anhi numbu lir,’ karem mbari ambu ri, wahau. Mbele mbele lihi ondo amber hom lihik nari lir.
27141	ACT 5:13	Hako ma ol Jisasin hishindiyandari ambu ondo lir nga nakrem li tirsakurin ajendari lir. Hako aposel ondo nga Jisasin hishindiyandari ma ondon li heyehe, ‘Lir ma jivi lira,’ karem limu hishira.
27162	ACT 5:34	Hako lida lar orok siri ri. Hi orhi Gamaliel oria. Or Farisi, mashi Moseshin sawendari ma ri. Ma amber hi orhin hauowendari lir. Judama lida lihi li tirsandari mishik or sihi ma ondon ormu sawe mbara, ‘Aposel tondon ji lalainak hikrik kandakar nga nambek li sinak,’ karem ormu mbara.
27168	ACT 5:40	Uhu aposel ondon li usharik li tarik limu sawera, ‘Avak mashi Jisashin ji sawewa hala,’ karem limu aposel ondon pantlera. Uhu lirin li warmblashihi li halashirik limu ira.
27169	ACT 5:41	Aposel ondo Judama lida lihi li tirsanda mishin li halaha hikrik limu layira. Mashi Jisashin li sawendari osik os erem lirin li warmblashiri oso ‘Avui Wasilaka or mbashiwak nomorawu oson ni kishawa sir,’ karem mbaha limu rupshira.
27170	ACT 5:42	Uhu ermba ermbak tempel aka nga mahi aka nga li ihi mashi jivi Avui Wasilakahin sawendari lir. Mashi os li saweri karem, ‘Jisas oto Avui Wasilaka angop mas or mbahandari hom or mbashirik hulaima nokopman jivinakmbaha tari ma ria,’ karem limu sawera.
27184	ACT 6:14	Ni misiwa karem mbanda ri. ‘Jisas Nasaretik fehenda oto avak tempel aka toson or jila tarvlalaha anandin ukwa ri. Uhu mbele mbele ol Moses ni ukmbaha or mbahandari ondon avak or halaha nombo anandin ewekwa ri,’ karem mbanda ria.”
27198	ACT 7:13	Ushihi indiyok limu ira. Urik Josep lirin ormu sawe mbara, ‘An Josep anira,’ karem or mbaha king Ijipik fehe oton er nga mashi oson ormu sawera.